ကိုစိုး ဇူလိုင် ၂၈၊ ၂၀၀၈
ကမ္ဘာပေါ်တွင် လက်ရှိကျင့်သုံးနေသောဥပဒေသည် လူမှုရေးစည်းကမ်းများကတဆင့် စတင်ပေါ်ပေါက်လာခြင်း ဖြစ်ကြောင်း ပညာရှင်များ၏ အဆိုအရ သိရသည်။
သမိုင်းဦး ဘုံမြေခေတ်နောက်ပိုင်းမှ ဥပဒေ သန္ဓေတည်ခဲ့သည်ဟုလည်း ဆိုသည်။
ခေတ်အဆက်ဆက် လူနေမှုအဆင့်အတန်းများ၊ ယဉ်ကျေးမှု အဆင့်အတန်းများ တိုးတက်မြင့်မားလာသည်နှင့်အမျှ စောင့်ထိန်းအပ်သည့် လူမှုရေးစည်းကမ်းများများပြားလာခဲ့ပြီး ဥပဒေပြဌာန်းချက်များလည်း တိုးလာခဲ့ခြင်း ဖြစ်ကြောင်း ပညာရှင်များက မှတ်တမ်းပြုခဲ့ကြသည်။ ဆက်ဖတ်ရန် အပြည့်အစုံ ကို Click နှိပ်ပါ။
သို့ဖြင့် စည်းမျဉ်းစည်းကမ်းသည် ရှောင်ရန်၊ ဆောင်ရန်၊ ပြုသင့်၊ မပြုသင့်သည်များကို ပြောခြင်းဖြစ်ပြီး ဥပဒေ မှာ ပြုလုပ် ခိုင်းသည်ကို မပြုလုပ်လျှင်သော် လည်းကောင်း၊ မပြုလုပ်ရန် တားမြစ်ထားသည်ကို ပြုလုပ်လျှင်သော် လည်းကောင်း အကျိုးဆက်အနေနှင့် အရေးယူ အပြစ်ဒဏ်ပေးမှုများ ပါဝင်လာသည်။ ဤသည်မှာ စည်းကမ်းနှင့် ဥပဒေ၏ ကွဲပြား ကွာခြား ချက်ဖြစ်ကြောင်း သိရသည်။
ယနေ့ မြန်မာနိုင်ငံ၏ ဥပဒေ ကျင့်ထုံးနှင့် တရားစီရင်ရေးနှင့် ပတ်သက်ပြီး လေ့လာကြည့်ရာတွင် ဘီစီ ၁၇၈၀ ခု (၁၈ ရာစု ခေတ်) က ပေါ်ပေါက်ခဲ့သော ဟန်မူရာဘီ ကိုဓ ဥပဒေအရ အပြစ်ဒဏ်ပေးခြင်းကို သတိရမိသည်။ ယင်း ဥပဒေသည် လက်စားချေသည့် သဘောမျိုး ပြစ်ဒဏ်ပေးခြင်းဖြစ်သည်။
မျက်လုံး တလုံး ဆုံးရှုံးလျင် မျက်လုံးတလုံး ပေးဆပ်စေခြင်း၊ သွားတချောင်း ဆုံးရှုံးလျင်သွားတချောင်း ပေးဆပ်စေခြင်း ဟူသည့် ပြစ်ဒဏ်ပေးမှု ကျင့်သုံးခဲ့ခြင်း ဖြစ်သည်။
လက်စားချေသည့် သဘောတွင် အငြိုးအတေးထားသည့် သဘောလည်း ပါဝင်မည်ဟု ထင်ပါသည်။ မြန်မာ စစ်အစိုးရက ၎င်းတို့ကို ဆန့်ကျင်သူများအပေါ် ကျင့်သုံးနေသည့် ဥပဒေ စနစ်သည်လည်း အငြိုးအတေးများ ပါဝင်နေသည်ဟု ယုံကြည် ရသည်။
ပြည်ပ အခြေစိုက် မြန်မာနိုင်ငံ ရှေ့နေများကောင်စီအဖွဲ့ အတွင်းရေးမှူး ဦးအောင်ထူးက အစိုးရတရပ် လက်ထက်တွင် ဥပဒေ အသက်ဝင်မှု ၂ ပိုင်းရှိသည်ဟု ပြောသည်။
Rule of Law ဟု ခေါ်သော ဥပဒေ စိုးမိုးရေးအခြေခံနှင့် အသက်ဝင်သည့် ဥပဒေနှင့် Rule by Law ဟု ခေါ်သော ပြဌာန်း ထားသည့် ဥပဒေကို တရားမျှတမှု ရှိမရှိနှင့် မည်သူပြဌာန်းသည်ကို လေ့လာခြင်း ခွင့်မပြုဘဲ ယင်းဥပဒေကိုသာ လေးစား လိုက်နာခိုင်းသော အသက်ဝင်သည့် ဥပဒေဟူ၍ ဖြစ်ကြောင်း ဦးအောင်ထူးက ပြောပြသည်။
“အာဏာရှင်တွေက တိုင်းပြည်အာဏာကို သိမ်းယူအုပ်ချုပ်တဲ့ ပုံစံမျိုးနဲ့သွားတာတွေ အားလုံးက Rule by Law နဲ့ သွားတာ ချည်းပဲ၊ ဒါကို မလေးစား မလိုက်နာရင် အရေးယူမယ်”ဟု လည်း ဦးအောင်ထူး က ဆိုသည်။
လက်ရှိ မြန်မာနိုင်ငံတွင် ကျင့်သုံးနေသော ဥပဒေ ပုံစံသည် Rule by Law နှင့် ဖြစ်ကြောင်း သူက သုံးသပ်ပြသည်။
မြန်မာ စစ်အစိုးရသတင်းစာများတွင် အစိုးရကိုဆန့်ကျင်ပြီး ဒီမိုကရေစီအရေး၊ နိုင်ငံရေးလှုပ်ရှားသူများကို ဖမ်းဆီးအရေးယူ အပြစ်ပေးနေမှုများနှင့် ပတ်သက်၍ မြန်မာနိုင်ငံ ဥပဒေများတွင် နိုင်ငံရေး ပြစ်မှုဆိုသည်ကို ပြဌာန်းခြင်း မရှိကြောင်းနှင့် ကာလကြာရှည်စွာကပင် ပြောဆိုခဲ့သော နိုင်ငံရေး ပြစ်မှုနှင့် အရေးယူသည့်နိုင်ငံရေးအကျဉ်းသား မရှိကြောင်း၊ ပြစ်မှုအကျဉ်း သားများသာ ရှိကြောင်းတို့ကို ဇူလိုင် ၂၂ ရက်မှ စပြီး ၃ ရက်ဆက် ၍ ဥပဒေ ပုဒ်မများနှင့်တကွ ရေးသားဖော်ပြထားသည်။
ထိုသို့ နိုင်ငံရေးလှုပ်ရှားမှုကြောင့် ဖမ်းဆီးအရေးယူခံထားရသူများ၏ အမှုအခင်းများကို အကျိုးဆောင်ပေးနေသည့် ရန်ကုန် မြို့က ရှေ့နေကြီး ဦးအောင်သိန်းကမူ နိုင်ငံရှိလျင် နိုင်ငံရေးနှင့် နိုင်ငံရေးသမား၊ နိုင်ငံရေးနှင့် သက်ဆိုင်သည့် အမှုအခင်း များ ရှိကြောင်းကို သိလျက်နှင့် မသိဟန်ပြု၍ သတင်းစာတွင် ရေးသားဖော်ပြခြင်း ဖြစ်သည်ဟု ပြောသည်။
နိုင်ငံရေးသမားအတွက် သတ်မှတ်ပြဌာန်းထားသည့် ပြစ်မှု ပုဒ်မ သီးသန့်မရှိသော်လည်း လုံခြုံရေး အကြောင်းပြ ချက်အရ သော်လည်းကောင်း၊ ဘိန်းပစ် ဖမ်းသကဲ့သို့ တခြားသော ရဲ အရေးပိုင်သည့် ပုဒ်မများတပ်၍သော်လည်းကောင်း ပြစ်မှု သတ်မှတ်၍ အဓိက လုပ်ဆောင်ချက်နှင့် မသက်ဆိုင်သော ဖမ်းဆီးအရေးယူမှုများကို စစ်အစိုးရက နိုင်ငံရေး လှုပ်ရှားသူ များအပေါ် ပြုကျင့်နေခြင်း ဖြစ်သည်ဟုလည်း ဦးအောင်သိန်းက ဆိုသည်။
“နိုင်ငံရေးသမားအတွက် ပုဒ်မ သတ်မှတ်ထားတာ မရှိသော်လည်း ဖမ်းဆီးရခြင်း အကြောင်းတရားကို ကြည့်၊ နိုင်ငံရေးအရ ဆန္ဒပြတယ်၊ သူ့မှာ နိုင်ငံရေးအရ ဆန္ဒပြခွင့် ရှိတာပဲ၊ လူသားအခွင့်အရေးရှိတာပဲ၊ သူ့ရဲ့ ပုဂ္ဂိလက ခံစားမှုကို သူပြတာမဟုတ် ဘူး၊ ကုန်ဈေးနှုန်းတက်တယ်၊ ကုန်ဈေးနှုန်းချပေးဖို့၊ လောင်စာဆီဈေးတက်တယ်၊ လောင်စာဆီဈေးချပေးဖို့ ဆန္ဒပြတယ်၊ တဦးတယောက်အကြပ်အတည်းကို သူပြောနေတာမဟုတ်ဘူး၊ တပြည် လုံးနဲ့ချီပြီးတော့ ပြောတဲ့ ကိစ္စရပ်၊ ဒါ နိုင်ငံရေး အလုပ်ကို သူဆောင်ရွက်နေတာ ဖြစ်တယ်”ဟု သူ က ပြောသည်။
ဦးအောင်သိန်း က ဆက်လက်ပြီး “ဒါပေမယ့် အဲဒီလူကို လမ်းပိတ်ဆို့မှုနဲ့ ပြစ်မှု စွဲမယ်၊ ကုန်ဈေးနှုန်းတက်လို့ တက်တယ် ပြောတာကို အစိုးရကို အကြည်ညိုပျက်စေမှု ပုဒ်မ ၁၂၄ (က) နဲ့ စွဲမယ်ဗျာ၊ ဒီလို ပြစ်မှုပုဒ်မတွေနဲ့က ဘယ်လိုပဲ ဖြစ်ဖြစ် စွဲလို့ရတယ်၊ သူ့ရဲ့ အဓိက လုပ်ဆောင်ချက်က အများနဲ့ဆိုင်တဲ့ ကိစ္စရပ်ဆိုတော့ ဒါ နိုင်ငံရေး အလုပ်လုပ်တာပဲ၊ အဲဒီလူကို ဖမ်းပြီး ပြစ်မှုနဲ့ ထောင်ချတာပဲ”ဟု လည်း ပြောဆိုသည်။
ထို့အပြင် သတင်းစာ၌ ၁၉၅၀ ပြည့်နှစ် အရေးပေါ် စီမံမှု အက်ဥပဒေ တွင် ပုဒ်မ ၅ နှင့် ၅(ည)သည် အများပြည်သူ အေးချမ်း တည်ငြိမ်ရေး ထိပါးနှောင့်ယှက်သူကို ၀ရမ်းမပါဘဲဖမ်းဆီးနိုင်ပြီး ၂ လ အထိ ချုပ်နှောင်ထားနိုင်ကြောင်း၊ ယင်း ပုဒ်မအရ ခေါ်ယူထိန်းသိမ်း ခံရသူအများစုသည် နိုင်ငံရေးသမားများ ဖြစ်သောကြောင့် နိုင်ငံရေး ပုဒ်မအဖြစ် ကင်ပွန်းတပ်ကြခြင်း ဖြစ်ကြောင်း ရေးသားထားသည်။
“မြန်မာပြည် လွတ်လပ်ရေး ရပြီးကတည်းက နိုင်ငံရေးသမားကို သပ်သပ်စွဲတဲ့ ပုဒ်မရယ်လို့ သတ်မှတ်ပြဌာန်းထားတော့ မရှိဘူး၊ ပုဒ်မ ၅ ဆိုတာကို ဟိုတုန်းက နိုင်ငံရေးသမားတွေက ၅ စွဲတယ်လို့ ခေါ်ကြတယ်၊ အဲဒီလို ပုဒ်မ ၅ နဲ့ စွဲတဲ့ လူတွေက ဘယ်လို အဆင့်အတန်းရှိသလဲ ဆိုတော့၊ နိုင်ငံရေး အဆင့်အတန်း ရှိတယ်၊ တက္ကသိုလ် ကျောင်းသား အဆင့်အတန်းရှိ တယ်၊ ကျောင်းသားတွေဆိုရင် ထောင်ကနေ၊ အချုပ်ကနေ စာမေးပွဲဖြေလို့ရတယ်၊ အဲဒီလို အဆင့်အတန်းနဲ့ထားတာ၊ အဲဒီ ဂုဏ်သရေရှိတဲ့လူတွေ အချုပ်ခံရစဉ် အေ၊ ဘီ၊ စီ ကလပ်စ် တွေနဲ့ ထားတာ၊ နောက် ဦးနေ၀င်း တက်လာတော့မှ ထောင် တွေမှာ နောင် ဇိမ်နဲ့ နေရတော့မှာမဟုတ်ဘူး ဆိုပြီး ကလပ်စ် တွေကို ဖျက်ပစ်လိုက်တာ”ဟု ဦးအောင်သိန်းက ရှင်းပြသည်။
ယင်းသို့ နိုင်ငံရေးသဘောဆောင်သည့်မှုခင်းများ၊ အစိုးရကို ဆန့်ကျင်သည့် မှုခင်းများ၊ လူ့အဖွဲ့အစည်းတရပ် ပြောင်းလဲရန် ကြိုးစားသည့် မှုခင်းများနှင့်ပတ်သက်၍ နိုင်ငံတော် လုံခြုံရေးထိပါးသည်ဟူသော အကြောင်းပြချက်ဖြင့် အစိုးရက ကျူးလွန် သူအား ပုဒ်မ ၁၀(က) အရ ၁ နှစ်၊ ၁၀(ခ) အရ ၅ နှစ်အထိ တရားရုံး အမိန့်မယူ၊ ရမန် မယူဘဲ သက်တမ်းတိုး ချုပ်နှောင်မှု များကို လက်ရှိပြုလုပ်နေသည်ဟု ဦးအောင်ထူးကလည်း ပြောဆိုသည်။
ဦးအောင်ထူးကဆက်လက်ပြီး မြန်မာနိုင်ငံတွင် ဥပဒေ စိုးမိုးရေးအခြေခံမှာ ရာနှုန်းပြည့် နီးပါး လုံးဝ ပျက်စီးသွားကြောင်း၊ ဥပဒေကို ဥပဒေအတိုင်း ကျင့်သုံးခြင်းမရှိကြောင်းနှင့် တည်ဆဲဥပဒေများကိုပါ ဆန့်ကျင်၍ ဖမ်းချင်သည့် သူက ဖမ်းဆီးချင် သလို ဖမ်းနေကြောင်း ပြောသည်။
“စစ်သားက ဖမ်းခွင့်မရှိဘူး၊ အရပ်ဝတ် ၀တ်ထားတဲ့ လူ က ဖမ်းခွင့်မရှိဘူး၊ သူတို့က ဘယ်အခါမှာ ဖမ်းခွင့်ရှိ သလဲ ဆိုရင် ရဲ အရေးပိုင်တဲ့ ပြစ်မှုမျိုး၊ လူသတ်မှုအကြီးအကျယ် ကျူးလွန်တဲ့အခါမျိုးမှာ၊ ရဲက အကူအညီတောင်း ပြီး ဖမ်းခိုင်းတာမျိုးမှာ ၀င်ဖမ်းလို့ရတယ်၊ တခြားအမှုအခင်းတွေမှာ အရပ်ဝတ်နဲ့ လူတွေ ၀င်ဖမ်းခွင့်မရှိဘူး၊ ကြံ့ဖွံ့ တွေ ဖမ်းခိုင်းတာဟာ တည်ဆဲ ဥပဒေနဲ့ ဆန့်ကျင်ပြီး ဖမ်းချင်သလိုဖမ်းတာဖြစ်တယ်၊ အခုပဲ ဒေါ်အောင်ဆန်း စုကြည် ကို ၅ နှစ် ပြည့်ရင် လွှတ်ရမှာ ဆက်ချုပ်ထားတယ်၊ ဥပဒေကို ဥပဒေအတိုင်း မကျင့်သုံးဘဲ အာဏာနဲ့ လိုသလို ကျင့်သုံး နေတာပါ”ဟု ဦးအောင်ထူးက ဝေဖန်သည်။
ယခုကဲ့သို့ နိုင်ငံရေးလှုပ်ရှားသူများကို ဖမ်းချင်သလိုဖမ်း၍ ပုဒ်မများ တပ်ချင်သလို ပြောင်းတပ်နေခြင်းသည် Due process of law ဟု ခေါ်ဆိုသော ပြစ်မှုဆိုင်ရာ ကျင့်ထုံး ဥပဒေတွင် သတ်မှတ်ဖော်ပြထားသည့် ဥပဒေ လုပ်ထုံးလုပ်နည်း အဆင့်ဆင့် နှင့် အရေးယူအပြစ်ပေးရမည်ဟူသော အခြေခံပြဌာန်းချက်များကို ချိုးဖောက်ခြင်းဖြစ် ကြောင်းလည်း ဦးအောင်ထူးက သုံးသပ်သည်။ ။
ကိုးကား — ၁။ ရာဇသတ်ကြီး (Penal Code)
၂။ ဥပဒေ ဝေါဟာရများ
၃။ မြန်မာသတင်းစာများ
၎။ Hamurabi’s Code of Law
Thursday, July 31, 2008
အာဏာဖြင့်တည်သော ဥပဒေ
Thursday, July 24, 2008
Tuesday, July 22, 2008
ဆရာကြီးသခင်ကိုယ်တော်မှိုင်းရဲ့ နိုင်ငံရေးရပ်တည်ချက်များ
အင်္ဂါနေ့၊ ဂျူလိုင်လ 22 2008
(၁၉၆၄ ခုနှစ် ဇူလိုင်လ ၂၃ ရက်နေ့တွင် အသက် ၈၉ နှစ်အရွယ်၌ ကွယ်လွန်အနိစ္စရောက်ခဲ့သည့်အတွက် ၄၄ နှစ်မြောက် ဆရာကြီး သခင်ကိုယ်တော်မှိုင်း အောက်မေ့ဖွယ် အခါသမယတွင် ဂုဏ်ပြုသည့်ဆောင်းပါး ဖြစ်ပါသည်။)
ဆရာကြီးသခင်ကိုယ်တော်မှိုင်းရဲ့ နိုင်ငံရေးရပ်တည်ချက်ကို လေ့လာတဲ့အခါ ဆရာကြီးသခင် ကိုယ်တော်မှိုင်း ဖြတ်သန်းလာခဲ့ရတဲ့ သမိုင်းရေးခေတ်ကာလ အမျိုးမျိုးကို အခြေခံထားပြီး လေ့လာသင့်တယ်လို့ ထင်ပါတယ်။ ဆရာကြီး သခင်ကိုယ်တော်မှိုင်း ဖြတ်သန်းကြီးပြင်းလာခဲ့ရတဲ့ သမိုင်းရေးခေတ်ကာလတွေကို အောက်ပါအတိုင်း တွေ့နိုင်ပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
(က) ၁၉၀၀ ပြည့်နှစ်လွန် အမျိုးသားရေးစိတ်ဓာတ် နိုးကြားစကာလ
(ခ) ၁၉၂၀ ခုနှစ် ၀န်းကျင် အမျိုးသားရေးစိတ်ဓာတ်များ အနိုးကြားဆုံးကာလ
(ဂ) ၁၉၄၀ - ပြည့်နှစ်ဝန်းကျင် လွတ်လပ်ရေးကြိုးပမ်းမှုကာလ
(ဃ) ၁၉၄၈ ခုနှစ်အလွန် လွတ်လပ်စ ငြိမ်းချမ်းရေး၊ဒီမိုကရေး ကြိုးပမ်းမှုကာလ
ကဗျာဆရာ၊ စာရေးဆရာ၊ သတင်းစာဆရာတွေဟာ သူတို့ဖြတ်သန်းရတဲ့ ခေတ်ကာလအသီးသီးနဲ့ တနည်း မဟုတ်တနည်း ပါဝင်ပါတ်သက်နေမှာပဲ ဖြစ်ပါတယ်။ ဆရာကြီးသခင်ကိုယ်တော်မှိုင်းဟာလည်း ကဗျာဆရာ၊ သတင်းစာဆရာ၊ စာရေးဆရာတဦးဖြစ်တာမို့ အထက်က ကျနော်တင်ပြခဲ့တဲ့ ခေတ်ကာလ ၄ ခုအတွင်း မလွဲမသွေ ပါဝင်ပတ်သက်ခဲ့ရပါတယ်။ ဒါဆိုရင် အဲဒီခေတ်ကာလ ၄ ခုအတွင်း ဆရာကြီးသခင်ကိုယ်တော်မှိုင်း ဘယ်လို ရပ်တည်ခဲ့သလဲ။ ဘယ်လိုပါဝင်ပါတ်သက်ခဲ့သလဲ။
(က) ၁၉၀၀ ပြည့်နှစ်ဝန်းကျင် အမျိုးသားရေးစိတ်ဓာတ် နိုးကြားစကာလ
၁၉၀၀ ပြည့်ဝန်းကျင်ကာလဆိုတာ ကျနော်တို့နိုင်ငံ၊ အင်္ဂလိပ်နယ်ချဲ့လက်အောက် တနိုင်ငံလုံး အပြီးအပိုင် ရောက်ရှိခဲ့ရတဲ့ ၁၈၈၅ - ခုနှစ်ကစပြီးတွက်ရင် ကျွန်သက် ၁၅ နှစ်ကြာ ကာလဖြစ်ပါတယ်။ ကျွန်ဘ၀ကိုစပြီး ရောက်တဲ့အချိန်ကစလို့ မြန်မာတမျိုးသားလုံးရဲ့ ခုခံရေးစစ်ပွဲတွေကို ၁၀ နှစ်တာကာလအတွင်း အင်္ဂလိပ်နယ်ချဲ့တွေဟာ ဗိုလ်ချုပ် ၃ ဦး ကွပ်ကဲတဲ့ စစ်အင်အား ၃၅၀၀၀ ကို အသုံးပြုပြီးမှ နှိမ်နင်းခဲ့ရပါတယ်။
ကျွန်ဘ၀ကိုရောက်ရှိပြီး ၁၀ နှစ်၊ ၁၅ နှစ်အထိ ခုခံရေးတိုက်ပွဲတွေ အရှိန်မသေခဲ့ပါဘူး။ ဒီတုန်းက ဆရာကြီးရဲ့ အသက်ဟာ ၂၀ ၀န်းကျင်ဖြစ်ပါတယ်။ တမျိုးသားလုံးရဲ့ ခုခံရေးစစ်ပွဲတွေကို အင်္ဂလိပ်တွေက အဆမတန် အင်အားသုံးပြီး နှိပ်ကွပ်ပြီးတဲ့နောက် အမျိုးသားရေးစိတ်ဓာတ်တွေ အညွှန့်ချိုးခံရသလိုဖြစ်ပြီး နယ်ချဲ့ကို အထင်ကြီး၊ နယ်ချဲ့ကို ကြောက်ရွံ့၊ နယ်ချဲ့နဲ့ ပူးပေါင်းသွားကြတဲ့ အမျိုးသားရေးစိတ်ဓာတ် ဖြူဖျော့သူများ ပေါ်ပေါက်လာနေတဲ့ အချိန်ဖြစ်ပါတယ်။ ဒီလို အမျိုးသားရေးစိတ်ဓာတ် ဒီရေ ကျဆင်းနေတဲ့အချိန်မှာ ဆရာကြီးသခင်ကိုယ်တော်မှိုင်းက့့ 
"သတင်းလှစွာ၊ အင်းဝတည်စဉ်အခါက
ထီမထင်သကွာ ဘာကိုမျှမစိုးတဲ့အပြင်
စည်ပင်သာယာ မြန်မာတွေလဲ မညှိုးခဲ့ပေဘု
တမ်းခိုးဂုဏ်ထောင်ရောင်ခြည်နဲ့
မှောင်မသီပြောင်ကြည်လို့ထွန်းတဲ့ပြင်
တောင်ဒီမှာ အောင်စည်ရွှမ်းခဲ့တယ်
နန်းသိုက်ကွာဝေးကာမှ၊ လွမ်းလိုက်ပါသေး ... " ဆိုတဲ့ မိဘုရားရှင်ဘို့မယ်ဘွဲ့ကဗျာကို ရေးပါတယ်။ ဒါဟာ အမျိုးသားရေး စိတ်ဓာတ်နိုးကြားဖို့အတွက် အဲဒီအချိန်က ရှေ့ဆုံးက ရပ်တည်ထားတဲ့ သူရိယသတင်းစာကြီးမှာ ရေးခဲ့တာပါ။
ဒီနေရာမှာ တဖက်က ကိုယ့်ထီးကိုယ့်နန်း ကိုယ့်ကြငှါန်းနဲ့ လွတ်လပ်တဲ့လူမျိုးအဖြစ် ရပ်တည်ခဲ့တဲ့ ဒဇာတိပုညဒ ကို ဖော်ထုတ်အမွှန်းတင်သလို၊ အခြားတဖက်ကလည်း အဲဒီခေတ် အဲဒီအခါက အင်္ဂလိပ်အစိုးရက ဖိတခါ ခြောက်တလှည့်၊ မြှောက်တခါ ပင့်တလှည့် လုပ်ထားလို့ မြန်မာတချို့က နယ့်ချဲ့ကို အထင်ကြီးပြီး နယ်ချဲ့ယဉ်ကျေးမှုကို လက်ခံပြီး ကိုယ့်အမျိုးသားယဉ်ကျေးမှုကို အထင်အမြင်သေးလာကြပါတယ်။ မြန်မာနာမည် အခေါ်အဝေါ်တွေရဲ့ရှေ့က ဦးတို့၊ ကိုတို့၊ မောင်တို့ကို ဖြုတ်ပြီး မစ္စတာတွေ ရှေ့ကတပ်ပြီး မှည့်ကြ၊ ခေါ်ကြပါတယ်။ မင်းပွဲစိုးပွဲ၊ အခမ်းအနားတွေမှာ တောင်ရှည်ပုဆိုးကို ချွတ်ပြီး ဘောင်းဘီဝတ်၊ ဘွတ်ဖိနပ်စီးကြပါတယ်။ ဒီလိုအမျိုးသားယဉ်ကျေးမှု မှေးမှိန်ဖို့ ဖြစ်လာတဲ့အခါ ဆရာကြီးက ချဉ်ပေါင်ရွက်သယ် မောင်မှိုင်းဝတ္ထုထဲက အင်မတန် ကိုယ်ကျင့်တရားဖောက်ပြားတဲ့ ဇာတ်ကောင် 'မောင်မှိုင်း' ရဲ့ နာမည်ကိုယူပြီး အဲဒီမောင်မှိုင်းရဲ့ရှေ့က မစ္စတာတပ်ပြီး 'မစ္စတာမောင်မှိုင်း' ကလောင်အမည်နဲ့ 'ဗိုလ်ဋီကာ' ဆောင်းပါးတွေကို ဒလစပ် ရေးပါတော့တယ်။ ဒီအခါကျတော့မှ မစ္စတာတပ်ပြီး ရင်ကော့၊ ခြေဖျားထောက်လမ်းလျှောက်ကြတဲ့ အမျိုးသားရေး စိတ်ဓာတ်ချွတ်ခြုံကျ မြန်မာတချို့ဟာ သတိသံဝေဂနဲ့ အရှက်ရစေခဲ့ပါတယ်။ဒီနေရာမှာ ဆရာကြီးသခင်ကိုယ်တော်မှိုင်းဟာ ဇာတိပုညကိုဖေါ်ထုတ်ပြီး၊ ဇာတိပုညမှေးမှိန်မှုကို သတိပေးပြီး အမျိုးသားရေးစိတ်ဓာတ် မြှင့်တင်ဖို့ ကြိုးစားခဲ့သလို မြန်မာတမျိုးသားလုံး ဆင်းရဲမွဲတေသထက် မွဲတေလာ ရတဲ့အဖြစ်ဟာ နယ်ချဲ့အင်္ဂလိပ်အစိုးရရဲ့ ဖိနှိပ်သွေးစုတ်မှုသာဖြစ်တယ်ဆိုတဲ့ အတွေးကို ခြေရာခံနိုင်ဖို့ အခုလို ကဗျာမျိုးကိုလည်း ရေးခဲ့ပါတယ်။
” မွဲဘို့ရာကံကြမ္မာနှင့်
ဖန်လာပုံ ကုသိုလ်ကလည်းမကောင်းချင်တော့
အထက်ဟိုအညာမှာလေ
ကြက်ဆိုတာတောင်မှ မလောင်းခဲ့ပါဘု
အညာမြေ ဌါနေဟောင်းဆီက
အကြွေး(တရာ)ကို၊ ဒွေးခါကလည်း တောင်းပြန်ပေ့ါတဲ့
'အမယ်မင်း' မောင်းစရာရယ်လို့များတပ်လိုက်မှဖြင့်
ခေါင်းတခါခါနှင့်ဆပ်လှစွာသော
လှလှ စွေ့စွေ့ရယ်နှင့်၊ ၀၀ပြည့်ပြည့် နပြာတရှဉ်းကိုလ
ကျောင်းတကာကိုသာအပ်လိုက်ပေရော့
ရသရွေ့ဘာဘာညာ ညာရယ်လို့မငြင်းလေနဲ့
'မလေးရယ်' ရောင်းကာသာဆပ်လိုက်ပေတော့၊ ရွာရှေ့ယာတခင်း ဆိုပြီး ”အညာ မင်္ဂလာဆောင်ဘွဲ့ လေးချိုးကြီး” ကဗျာမှာ တစစ ဆင်းရဲမွဲတေလာနေတဲ့ မြန်မာတောင်သူလယ်သမားတွေရဲ့ဘ၀ကိုလည်း မီးမောင်း ထိုးပြခဲ့ပါတယ်။
(ခ) ၁၉၂၀ ခုနှစ်ဝန်းကျင် အမျိုးသားရေးစိတ်ဓာတ် အနိုးကြားဆုံးကာလ
၁၉၂၀ ခုနှစ်ဝန်းကျင်ဆိုတာ ဆရာကြီးသခင်ကိုယ်တော်မှိုင်း အသက်အားဖြင့် အသက် ၄၀ ကျော် ကာလဖြစ်ပါတယ်။ ဒီကာလမှာ အမျိုးသားရေးလှုပ်ရှားမှုတွေဟာလည်း ပင်လယ်ရေလှိုင်းတွေလို တခုပြီးတခု မြင့်သထက် မြင့်လာနေတာတွေ့ကြရပါတယ်။ လယ်သမားဆိုရင်လည်း လယ်သမားမို့၊ အလုပ်သမားဆိုရင်လည်း အလုပ်သမားမို့၊ ကျောင်းသားဆိုရင်လည်း ကျောင်းသားအလျောက်၊ လူတန်းစား အလွှာအသီးသီးဟာ တချိန်က တသီးတကန့်စီ လှုပ်ရှားနေခဲ့ကြရာက တပ်ပေါင်းစုပုံသဏ္ဍန်အဆင့်အထိ အမျိုးသားရေးတိုက်ပွဲ ပုံသဏ္ဍန်ဟာ တိကျမှန်ကန်အားကောင်းလာခဲ့ပါတယ်။
ဒီလို အမျိုးသားရေးတိုက်ပွဲ၊ နယ်ချဲ့ဆန့်ကျင်ရေးတိုက်ပွဲတွေ ထန်ပြင်းလာနေတဲ့အခါ အမျိုသားရေး တိုက်ပွဲ နည်းနာကိစ္စမှာလည်း အငြင်းပွားစရာတွေ၊ အမြင်ရှုပ်ထွေးနိုင်စရာတွေကို ကြုံကြရပါတယ်။ ဥပမာအနေနဲ့ ပြောရရင် ဟိုတချိန်တုန်းက ကိုယ့်ထီးကိုယ့်နန်းနဲ့ ဂုဏ်ရောင်ပြောင်စွာ နေလာနိုင်ခဲ့ကြတယ်ဆိုတဲ့ ခေတ်ကို ဖော်ထုတ် ပြောဆိုတဲ့အခါ အမျိုးသားလွတ်လပ်မှု၊ အမျိုးသားဂုဏ်သိက္ခာ၊ အမျိုးသားယဉ်ကျေးမှု အခိုင်အမာရှိမှုကိုပဲ မီးမောင်းထိုးသင့်ပြီး ပဒေသရာဇ်စနစ်ကို ပြန်လည်လက်ယပ်မခေါ်မိဘို့၊ နိုင်ငံရေးအမြင်ကြည်လင်ဖို့ လိုအပ်တယ် ဆိုတဲ့အချက်ကို လူအတော်များများက မသိကြပါဘူး။ နယ်ချဲ့ကိုဆန့်ကျင်တဲ့အခါ အခုလို ခေတ်မီမှန်ကန်တဲ့ ခံယူချက်မထားနိုင်ခဲ့ကြပါဘူး။ ဒီနေရာမှာတော့ ဆရာကြီးဟာ မှားယွင်းတဲ့ မျိုးချစ်စိတ်ဓာတ်နဲ့ မှန်ကန်တဲ့ မျိုးချစ်စိတ်ဓာတ်ကို ခွဲခြားနိုင်ခဲ့ပါတယ်။ အမျိုးသားရေး ကျိုးပမ်းဆောင်ရွက်သူတွေထဲမှာ အဲဒီအယူအဆနဲ့ ပတ်သက်ပြီး အငြင်းပွားလာရင် ဆရာကြီးက "မှန်ကန်တဲ့ အမျိုးသားရေးသမား" တွေဘက်က ရပ်တည်ပါတယ်။
ဒီနေရာမှာ ဟိုခေတ်ဟိုအခါအနေနဲ့ လွယ်မယောင်နဲ့ ခက်တဲ့ပြဿနာတွေကတော့ ကိုယ်ပိုင်အုပ်ချုပ်ရေး ကိစ္စတို့၊ အင်္ဂလိပ်အစိုးရလက်အောက်မှာပဲ အိန္ဒိယနဲ့ တွဲပြီးနေမလား၊ ခွဲပြီးနေမလားဆိုတဲ့ တွဲရေး၊ ခွဲရေးပြဿနာ၊ တခါ ကုလားဗမာ အဓိကရုဏ်းပြဿနာတွေဟာ အမျိုးသားရေး ကြိုးပမ်းမှု လှေကားထစ် အဆင့်တိုင်း အဆင့်တိုင်းမှာ ရင်ဆိုင်ဖြတ်သန်းကြရတဲ့ နိုင်ငံရေးအကျပ်အတည်းများ ဖြစ်ပါတယ်။ ဒီအဖြစ်အပျက်၊ ဒီနိုင်ငံရေး အကျပ်အတည်း၊ ဒီနည်းနာကိစ္စတွေဟာ တကယ်တော့ အဲဒီခေတ်က စာပေသမားတွေကို စိန်ခေါ်ခဲ့တဲ့ ကိစ္စတွေပဲဖြစ်ပါတယ်။ ဒီတုန်းက အဲဒီအမျိုးသားရေး ကြိုးပမ်းမှု၊ နယ်ချဲ့ဆန့်ကျင်ရေးတိုက်ပွဲ လှေကားထစ်တချို့မှာ အမျိုးသားရေး ၀ါဒီဆိုတဲ့ ပုဂ္ဂိုလ်တချို့ဆိုရင် နိုင်ငံရေးအမြင် မွဲကျံတဲ့အတွက် လှေကားထစ်ဆုံးတဲ့အထိ တက်မလာနိုင်ဘဲ လမ်းခုလတ်မှာတင် ဘေးထွက်ကျန်ရစ်ခဲ့ကြရပါတယ်။
ဒီတုန်းက ဆရာကြီးက အခုလို ကဗျာမျိုးရေးပြီး သူ့ရဲ့ရပ်တည်ချက်ကို ဖော်ပြတာတွေ့ရပါတယ်။
" သို့လော သို့လော၊ သဘောနှစ်ဖြာ
မြို့ရောတောပါ မကွဲတဲ့အပြင်
ပေါင်းအသင်း တညီတညာ
ကသောင်းကနင်း ဖီလာလဲ မခွဲကြပေဘု
ဘ၀င်စောဖြူသဒ္ဓါ တမောက်မောက်ကဲချိန်မို့
ရှင်ရောလူပါ သောက် သောက်လဲပါရော ... " ဆိုတဲ့ ကဗျာမျိုးကို ရေးပါတယ်။ ဒီကဗျာဟာ ဦးဘဘေ၊ ဦးပုနဲ့ ဦးထွန်းရှိန်တို့ ဘိလပ်ကို သွားပြီး အရေးဆိုနေတဲ့အချိန်မှာ နောက်ပိုင်းက ကျန်နေရစ်ခဲ့ကြတဲ့ ဒ၀ိုင်၊ အမ်၊ ဘီ၊ အေဒ လူကြီးပိုင်းတချို့က အဲဒီ ပုဂ္ဂိုလ် ၃ ဦးကို ကန့်ကွက်ပြီး ဘုရင်ခံက ရေးဆွဲတင်ပြတဲ့ ဓမြန်မာပြည် အနာဂတ် အုပ်ချုပ်ရေးဓ ဆိုတာကိုပဲ ထောက်ခံကြောင်း ကြေညာတဲ့အခါ 'ဘေ၊ ပု၊ ရှိန်' သုံးဦးရဲ့နောက် လူထုတရပ်လုံး နှလုံးမကွဲ၊ သဘောနှစ်ခု မရှိတဲ့အကြောင်း နှိုးဆော်တဲ့ ကဗျာကို ရေးခဲ့တာပါ။
ဒီနောက်ပိုင်းမှာတော့ အားလုံးသိရှိကြတဲ့အတိုင်း ရန်ကုန်တက္ကသိုလ်ကျောင်းသားထုရဲ့ ပထမ၊ ဒုတိယ၊ သပိတ်တွေ၊ အမျိုးသားကျောင်းတွေ ပေါ်ပေါက်လာခဲ့တာတွေ၊ ဆရာတော်ဦးဥတ္တမရဲ့ နိုင်ငံရေးကြိုးပမ်းမှု၊ ဂျီ၊ စီ၊ ဘီ၊ အေ အဖွဲ့ကြီးရဲ့ အကွဲအပြဲကိစ္စ၊ ဒိနောက်ပိုင်း ဆရာစံအရေးတော်ပုံ၊ ဗိုလ်စံဖဲအရေးတော်ပုံ၊ ၉၁ - ဌာနအုပ်ချုပ်ရေးကိစ္စ၊ ကုလားဗမာအဓိကရုဏ်း၊ သခင်ဂိုဏ်းကြီးပြိုကွဲခြင်း ... အစရှိတဲ့ သမိုင်းရေးပြဿနာတွေအတွင်းမှာ ဆရာကြီးသခင်ကိုယ်တော်မှိုင်း ဘယ်လိုရှုမြင်ခဲ့တယ်၊ ဘယ်လိုရပ်တည်ခဲ့တယ်ဆိုတာကို ကဗျာတပိုဒ်ချင်းစီ အနည်းငယ်မျှ ကျနော်တင်ပြချင်ပါတယ်။
" အော် ... တချို့တွေကဖြင့် အမြို့မြို့ကြွကြွပြီး
ငို့ဘ ပလီဥာဏ်ဖြင့်
ဝစီကံ အလိမ်အညာစကားတွေနှင့်
အတည်အမှန်ကိုလိမ်ကာ ထားတဲ့ပြင်
အသား ပြာတာတာနှင့်
ကုလားမြန်မာခွဲလျင်ဖြင့်
မနည်းပေါင် တကဲ့ တန်ခိုးတွေက မိုးနှင့်ကမ္ဘာတေမျှ ပေပ
ကိုးဆယ့်တဌါနကိုလ၊ မြန်မာရလျင် မရှည်ကြာဘု
တပြည်တရွာ မျက်နှာငယ်နှင့်ပြောင်းလာတဲ့
ကလီကမာ အနက်ထည်တွေဂျောင်းရမယ့်အပြင်
အပေါင်ဆုံးနယ်မြေမှာ အချောင်ဆုံးနယ်မြေကောင်းတွေတဲ့
သြော် ၀တိန်နီးအောင်ပ၊ အရှိန်ကြီးပေတဲ့ သိမ်ကြီးဈေး 'စူရတီဘဇာ' ကိုတောင်
ပုသိမ်မနီးမဝေး လူစည်ရာသို့ပြောင်း တဲ့ပြီး
အတွေးမသာယာတဲ့ ရသေ့တကာမွေ့စရာ ကောင်းပါတဲ့
သြော် ... ထမင်း၀၀ကျွေးမဲ့ဘုရင်ကိုတောင် မင်းကမွေးတဲ့ အင်းခွေးက အင်္ဂလန်မောင်းမည်သို့
ကပြောင်းကပြန် အရှုပ်ညဏ်သမားတွေရဲ့
ကြောင်းမတန် မဟုတ်မှန်စကားတွေနှင့်
မတရားတချို့ မတော်လေတယ်နော်ကွယ်
နားတဖြို့ဖြို့၊ ခါးသမို့သာပ ကြားလို့မလျော် ... "
ဒါကတော့ ၁၉၂၉ ခုနှစ်မှာဖြစ်လာတဲ့ ဟိုတုန်းက အင်္ဂလိပ်လက်အောက်ခံဖြစ်တဲ့ အိန္ဒိယနဲ့ တွဲမလား၊ ခွဲမလားဆိုတဲ့ ပြဿနာပေါ်လာတဲ့အခါ၊ ကျွန်အချင်းချင်း ကြောချင်းကပ်ပြီး အမျိုးသားရေး တိုက်ပွဲဝင်တဲ့ နည်းဟာ မှန်ကန်တယ်ဆိုတဲ့ တွဲရေးအတွက် နှိုးဆော်တဲ့အစုနဲ့၊ အိန္ဒိယနဲ့ ခွဲပြီးနေသင့်တယ်ဆိုတဲ့ အစုရယ်လို့ ၂ စု ကွဲတဲ့အခါ အင်္ဂလိပ်အစိုးရရဲ့ သွေးခွဲရေးဥာဏ်နီဥာဏ်နက်ကို အမျိုးသားရေးခေါင်းဆောင် တချို့က အမှန်အတိုင်း မမြင်နိုင်ခဲ့ကြပါဘူး။ ခွဲရေးသမား ၂၁ ဦးကတဖက်၊ တွဲရေးသမား ဦးစိုးသိမ်း၊ ဦးချစ်လှိုင်တို့ အစုကတဖက် ဖြစ်လာပါတယ်။ လူထုကလည်း ဘယ်ဘက်ကို လိုက်ရမှန်း မသိအောင် ဖြစ်ခဲ့ပါတယ်။ သတင်းစာတွေထဲမှာလည်း ခွဲရေးဘက်က ထောက်ခံတဲ့ သတင်းစာနဲ့ တွဲရေးဘက်က ထောက်ခံတဲ့ သတင်းရယ်လို့ ဖြစ်ခဲ့ပါတယ်။ ဒီတုန်းက ဆရာကြီးက တွဲရေးဘက်က ထောက်ခံပြီး ရပ်တည်ခဲ့ပါတယ်။ ကိုလိုနီဘ၀လွတ်မြောက်ဖို့ တိုက်ပွဲဝင်ရာမှာ ကိုလိုနီနိုင်ငံအချင်းချင်း ညီညွတ်လာနေတဲ့ အခြေအနေကို အင်္ဂလိပ်အစိုးရက ညီညွတ်ရေးပြိုကွဲအောင် ဖန်တီးလိုက်တဲ့ ပြဿနာဖြစ်တယ်ဆိုတာကို နားလည်ပါတယ်၊ ဆရာကြီးက နိုင်ငံရေးအမြင် မကြည်လင်နိုင်ခဲ့ကြတဲ့ ခွဲရေးသမား၂၁ ဦးနဲ့ ပတ်သက်ပြီး အခုလို ကဗျာဖွဲ့ပြီး ထိုးနှက်ရှုတ်ချလိုက်ပါတယ်။
"အစာမြင်လျင်။ ဗမာမခင်မူ၍
သာသနာပလ္လင်နှင့် ဝေးတဲ့အောင်
(အမယ်မင်း)ကျွေးမဟဲ့ အနှူးတွင်ဖြင့်
ခွေးအဖွဲ့ထူးရယ်လို့၊ နဘေးလှည့်လှည့်ပြီး
ပြေးသနဲ့၊ကျွေးမကွဲ့ မြူးတတ်တဲ့ ၀န်မင်းရယ်
ခွေးနှစ်ဆယ့်တဦး ..." ဆိုပြီးရေးခဲ့ပါတယ်။
ဆရာကြီးရေးဖွဲ့ရှုတ်ချခဲ့တဲ့ အဲဒီခွဲရေးသမား ၂၁ ဦးဟာလည်း အင်္ဂလိပ်ကပေးတဲ့ လစာ ၅၀၀၀ ကို ယူခဲ့ကြတာမို့ အမျိုးသားရေး သစ္စာဖောက်များအဖြစ်နဲ့ နာမည်ပျက်ခဲ့ကြပါတယ်။
တခါ ... ၊ တက္ကသိုလ်ကျောင်းသားများက ကျွန်ပညာရေးစနစ် တိုက်ဖျက်ရေး တိုက်ပွဲခေါ်သံကို ရန်ကုန် တက္ကသိုလ်ဝန်းထဲကနေပြီး ဟစ်ကြွေးလိုက်တဲ့ အခါမှာလည့်း့့ 
"အော် ... ဝေးခရီးကပေမဲ့
အရေးကြီးလျှင်ဖြင့်၊ သွေးနီးရာပါစမြဲပေမို့
ဆရာလည်းကွာ၊ ပထမအရင် ကနဦးဆီက
မြန်မာ့တခွင်မှာ၊ သမတ ရှင်ဘုရင် မလူးခင်ပ
' ထ ' ဆင်ထူးကို တမြည်မြည်သင်ခဲ့သမို့
' ထီ ' မထင်ကျောင်းတော်သားတွေရဲ့
အမည်စဉ်မှာ ခေါင်းအပေါ်ဖျားမှာလ
မင်းရို့ဆရာကို စာရင်းတို့ကာ ထားလိုက်ကြပေတော့" လို့၊ ရဲတင်းသံ အကျယ်လောင်ဆုံးနဲ့ ပြန်ထူးခဲ့ပါတယ်။
တခါ ... လယ်သမားသူပုန်ကြီး ဂဠုန်ဆရာစံရဲ့ ပုန်ကန်မှုကြီး ပေါ်ပေါက်လာတဲ့ အခါကျပြန်တော့လည်း ဓရဂုံစံ ချစ်စရာ တပည့်တို့မှာဖြင့်၊ ဥုံအရဟံ သစ္စာဂတိတွေနှင့်၊ ဂဠုန်သရဏံ ဂစ္ဆာမိကြပေတော့ ..." ဆိုပြီး အတိအလင်း ထောက်ခံအားပေးခဲ့ပါတယ်။
ဒီလိုကျောင်းသားထုတိုက်ပွဲ၊ လယ်သမားထုတိုက်ပွဲတွေဟာ ရန်၊ငါ စည်းခြားဖို့ လွယ်ကူတဲ့ပြဿနာ ဖြစ်ပါတယ်။ ဒီနေရာမှာ ရန်၊ငါ ခွဲခြားဖို့ခက်တဲ့ နိုင်ငံရေးပြဿနာတွေ ဖြစ်ပွားလာတဲ့ အခါမျိုးမှာ တနည်းအားဖြင့် နိုင်ငံရေး နည်းနာအရ အမှန်အမှား ခွဲခြားဖို့ရန် ခက်ခဲတဲ့ ပြဿနာမျိုးတွေမှာ ဆရာကြီးရဲ့ ရပ်တည်ချက်တွေဟာ ဘယ်တော့မှ မမှားခဲ့တာ၊ မတွေဝေခဲ့တာ၊ မှုန်ဝါးခဲ့တာရယ်လို့ မရှိခဲ့တဲ့ အချက်ဖြစ်ပါတယ်။ ဥပမာ တခုပြောရရင် ' ကုလားဗမာ အဓိကရုဏ်း' ပြဿနာမျိုး ဖြစ်ပါတယ်။ ကုလားတွေဟာ မြန်မာတမျိုးသားလုံးရဲ့ ရန်သူလား။ ရန်သူအစစ်ဟာ ဘယ်သူလဲ။ ဒီလိုခွဲခြားစမ်းစစ်တဲ့အခါ ကုလားလူမျိုးတွေဟာ မြန်မာတွေရဲ့ ရန်သူမဟုတ်ဘူး၊ အင်္ဂလိပ်နယ်ချဲ့ အစိုးရသည်သာ ရန်သူအစစ်ဖြစ်တယ်။ ကုလားဗမာ အဓိကရုဏ်းတွေ ဖြစ်လာရတာကိုက နယ်ချဲ့အစိုးရရဲ့ သွေးခွဲအုပ်ချုပ်မှု စနစ်ကြောင့်သာဖြစ်တယ် ကုလားလည်းကျွန်၊ ဗမာလည်းကျွန်ပဲ ကျွန်အချင်းချင်း လက်တွဲပြီး ဘုံရန်သူ အင်္ဂလိပ်နယ်ချဲ့ အစိုးရကိုသာ ဦးတည်တိုက်ကြရမှာဖြစ်ကြောင်း ရှင်းရှင်းလင်းလင်းမြင်ပါတယ်။ ဒီတုန်းက အဲဒီခေတ်၊ အဲဒီနိုင်ငံရေး ရေချိန်အရ ပြောရရင် အခုလို အမှန်အတိုင်းမြင်ဖို့ရာ ခက်ခဲလှတဲ့ အခြေအနေမျိုး ဖြစ်ပါတယ်။ ဒေါင်ဒေါင်မြည်ပါတယ်ဆိုတဲ့ အမျိုးသားရေးဝါဒီတချို့ဆိုရင် ကုလားဆန့်ကျင်ရေး တရားတောင် ဟောခဲ့ကြသေးတယ်။ ဒီလိုအင်မတန် သိမ်မွေ့မြင့်မားလှတဲ့ နိုင်ငံရေးပြဿနာမျိုးမှာတောင်မှ ဆရာကြီးသခင်ကိုယ်တော်မှိုင်းက " သြော် ... အခွန်တိုး စာရင်းတွေနှင့်၊ ၀န်ထမ်းပိုးမကင်းနိုင်တဲ့၊ အလွန်ဆိုးခြင်း ပမာမှာလေ၊ ကျွန်မျိုးချင်းစာနာလို့မှ မနှိုင်းကြရော့သလား၊ နထိုင်းနပျက်၊ နနက်-နပြာတွေကိုနော်ကွယ်၊ အရိုင်းသက်သက်၊ တလိုင်း နှက်သလိုမို့၊ အို (အုန်းခင်)ရဲ့၊ ကသိုဏ်းဓမ္မစက်၊ စစ်ကိုင်းဘက်ဆီက၊ မှိုင်းရှက်သကွာဓ ဆိုပြီး ကုလားဗမာအဓိကရုဏ်းကို ဆန့်ကျင်ရှုတ်ချပြီး ကုလားလည်းကျွန်၊ ဗမာလည်းကျွန၊် ကျွန်အချင်းချင်း ညီညွတ်ဖို့ကိုပဲ တိုက်တွန်းခဲ့ ရပ်တည်ခဲ့ပါတယ်။
(ဂ) ၁၉၄၀ ခုနှစ်လွန်ဝန်းကျင် လွတ်လပ်ရေဿးကြိုးပမ်းမှုများကာလ
ဒီကာလအတွင်းမှာ ဆရာကြီးသခင်ကိုယ်တော်မှိုင်းရဲ့ စိတ်နှလုံးကို အဆွဲဆောင်နိုင်ဆုံးအဖြစ်အပျက် ၂ ခုရှိပါတယ်။ တခုက ဖဆပလအဖွဲ့ချုပ်ကြီးက ခေါင်းဆောင်ပြီး အထွေထွေသပိတ်ကြီးဆင်နွှဲလာတဲ့ အဖြစ်အပျက်နဲ့ နောက် တခုက အမျိုးသားခေါင်းဆောင်ကြီးများ လုပ်ကြံခံခဲ့ကြရတဲ့ အဖြစ်အပျက် ဖြစ်ပါတယ်။
အထွေထွေသပိတ်ကြီး ပေါ်ပေါက်လာတဲ့အခါ ဟိုအရင် ဗဟန်းကောလိပ် သပိတ်တိုက်ပွဲတွေကို ပြန်လည် အောင့်မေ့ပြီး စိတ်အားတက်ကြွစေတဲ့ 'လွတ်လပ်ရေးအတိတ် သပိတ်ဘွဲ့ မဟာကဗျာ လေးချိုးကြီး' ထဲမှာ ဆရာကြီး က အခုလို ထည့်သွင်းရေးစပ်ပါတယ်။
" မြန်မာတခွင်၊ သပိတ်အမှောက်ပေါချိန်မို့၊ ဆရာသခင် အရိပ်နမိတ် တဆိတ်ဟောလိုက်မကွဲ့၊ မြှောက်သနဲ့ ခြောက်သနဲ့၊ ရာဇာဂုဏ်းကို မြောက်တဲ့ ကြောက်တဲ့ အာရုံမခေါ်ကြလေနဲ့၊ (အမယ်မင်း) အဟောဒိဋ္ဌ လောဂျိတ်ပြသလိုပ၊ စောစိတ်က အောင်ပစေ အောင်ပစေ ညွှန်းညွှန်းပြီးတော့ (သြော်) တောသပိတ် ဒကာမတွေနဲ့၊ ရောကြိတ်လိုက် ရောကြိတ်လိုက်ဟလို့၊ သြဒိဿ အောင်သပြေ ညောင်ရေသွန်း ..." ဆိုပြီး ရေးပါတယ်။
ဒီနေရာမှာ ကြားညှပ်ပြီး ပြောစရာရှိတာက အထွေထွေသပိတ်ကြီးကို ကြောက်ပြီး ဘုရင်ခံ ဒဆာဒေါ်မန်စမစ်ဒ က ၀မ်းကိုက်လို့ဆိုတဲ့ အကြောင်းပြပြီး အင်္ဂလန်ကို ပြန်ပြေးတဲ့အခါ ဆရာကြီးက အင်္ဂလန်သို့ ဘုရင်ခံပြန်ပို့တဲ့ မေတ္တာစာလေးချိုးကို ရေးပါတယ်။ ဒီကဗျာထဲမှာ ဆရာကြီးက လူမျိုးခြားအစိုးရပဲဖြစ်ဖြစ်၊ ကိုယ့်လူမျိုးအချင်းချင်း အစိုးရပဲဖြစ်ဖြစ်၊ ဘယ်အစိုးရမဆို မတရား ဖိနှိပ်သွေးစုပ်အုပ်ချုပ်ရင် လူထုက ဆန့်ကျင်ကြမှာသာဖြစ်ကြောင်း ရေးပါတယ်။ ဒီအချက်ဟာ ဆရာကြီးတို့ခေတ်၊ ဆရာကြီးတို့ ဖြတ်သန်းနေကြရတဲ့ ကာလမှာ ဆရာကြီးရဲ့ နိုင်ငံရေးရပ်တည်ချက် ဘယ်လောက်အထိ မြင့်မားကြည်လင်တယ်ဆိုတဲ့ အချက်ကို အဖြေထုတ်ပေးတဲ့ ကဗျာပိုဒ် ဖြစ်လာခဲ့ပါတယ်။ ဆရာကြီးက အခုလိုဖွဲ့ပါတယ်။
" မြန်ပေါ်ဇမ္ဗူ လူတမျိုးဟာက
လူမျိုးခြား အရှင်သခင်မဆိုထားနှင့်တော့၊
ကိုယ့်အမျိုးသား ဘုရင်ကိုတောင် မမှီခိုသာမှဖြင့်
မကြည်ညို မသဒ္ဒါ ရက်ရက်စက်စက် ဆဲတဲ့ပြီး
သည်လိုအခါမှာ အသက်နဲ့လဲမဟဲ့လို့
ဝက်ဝက်ကွဲအောင် ဆူကြပူကြတဲ့အပြင်
လူအ လူန တက်တက်ရိုးတွေမို့
(အမယ်မင်း)အိုးတိုး အတနဲ့
အမျိုးမျိုး ဂွကျ ဂွကျပြီး
နသိုးထပိုး ကသကဲ့သို့ ရိုးရိုးရွရွ မရွှင်မပြုံးမှု၍
(သြော်)တန်ခိုးတပြပြ သူခိုးဓားပြကဲ့သို့သော
အစိုးတရ ရှင်ဘုရင်ကိုတောင် မမြင်ချင်အောင်မုန်းဓ
ဆရာကြီးရဲ့ စိတ်နှလုံးကို ထိခိုက်စေတဲ့ နောက်ထပ်အဖြစ်အပျက်တခုကတော့၊ ၁၉၄၇ ခုနှစ် ဇူလိုင်လ ၁၉ ရက်နေ့မှာ အများသိကြတဲ့အတိုင်း ခေါင်းဆောင်ကြီးတွေ လုပ်ကြံခံကြရတဲ့ ကိစ္စဖြစ်ပါတယ်။ ဗိုလ်ချုပ် အောင်ဆန်း ခေါင်းဆောင်တဲ့ အမျိုးသားခေါင်းဆောင်ကြီးတွေ လုပ်ကြံခံရတဲ့အခါ ဆရာကြီးက ကဗျာတပုဒ်ရေးပြီး ကြေကွဲခဲ့ပါတယ်။ ဒီကဗျာတပုဒ်ဟာဖြင့် ဆရာကြီးဘယ်လောက်အထိ စိတ်ထိခိုက် ကြေကွဲခဲ့ရတယ်ဆိုတာ အလွန် ပေါ်လွင်စေတဲ့ ကဗျာပါ။
" သြော် ... အဆောင်ဆောင်နန်းတွေ ကြငှါန်းတွေနှင့်နှော
အခေါင်မမြန်းခင်က အောင်စာတမ်းချို့စေဘို့
အောင်ပန်းညှို့ရရှာတဲ့၊ တောင်တမန်းတို့ ဗမာမှာ အဟောင်းသံသရာ အငုတ်တွေနှင့်
အောင်ဆန်းတို့ မသာမယာဟာ ၎င်းကံကြမ္မာအလုပ်ပေထင့်
သောင်းမြန် မရဏာစမုတ်မှာတော့ ချုပ်သနဲ့ ယင်းအလိုတွင်
ဒေါင်းလံ ပုဝါအုပ်ပါလို့ ကျုပ်ဖြင့် သဂြိုလ်ချင် ..." ဆိုပြီး ရေးပါတယ်။
(ဃ) ၁၉၄၈ ခုနှစ်လွန် လွတ်လပ်စ၊ ငြိမ်းချမ်းရေး၊ ဒီမိုကရေစီရေး ကြိုးပမ်းမှုကာလ
၁၉၄၈ ခုနှစ် လွတ်လပ်ပြီးနောက်၊ ၁၉၅၀ ခုနှစ်တ၀ိုက်မှာ အမျိုးသားသွေးကွဲမှုကြီး ဖြစ်လာခဲ့ပါတယ်။ အမျိုးသား စည်းလုံးရေးပြိုကွဲမှုကို ကိုင်တွယ်ဖြေရှင်းကြတဲ့အခါ တိုင်းရင်းညီအကိုအချင်းချင်း၊ ကိုယ့်လူမျိုးအချင်းချင်း၊ သွေးစွန်းတဲ့အထိ သွေးကွဲလာခဲ့ပါတယ်။ ဒီလို အမျိုးသား ညီညွတ်ရေးပြိုကွဲပြီး သွေးစွန်းတဲ့အထိ ပဋိပက္ခှတွေ ဖြစ်လာတဲ့အခါ ဆရာကြီးက ဒီပြဿနာတွေကို နိုင်ငံရေးနည်း၊ တနည်းအားဖြင့် အကြမ်းမဖက်တဲ့ နည်းနဲ့သာ ဖြေရှင်းဖို့ ပြောခဲ့ပါတယ်။ ဒါပေမဲ့လည်း အာဏာရအစိုးရ တာဝန်ရှိသူတွေဟာ ဆရာကြီးရဲ့စကားကို လျစ်လျှူရှုခဲ့ကြပါတယ်။ အပြုတ်တိုက်ရေးလမ်းစဉ်ဟာ မှားပြီး အကြမ်းမဖက် ဆွေးနွေးညှိနိုင်းရေး လမ်းစဉ်က မှန်တယ်လို့ ယူဆပါတယ်။ ဆရာကြီးရဲ့ သင်ပုန်းချေတဲ့ နည်းနဲ့ ငြိမ်းချမ်းရေးရအောင် လုပ်ဖို့ဆိုတာ အစိုးရကိုယ်တိုင်က မကျင့်သုံးနိုင်တော့ ပြည်တွင်းစစ်မီးဟာ တဟုန်းဟုန်း ထတောက်ပါတော့တယ်။ ဒါကြောင့်မို့ ဆရာကြီးက နိုင်ငံတော် အေးချမ်းသာယာရေး အဖွဲ့ကြီးကို ဖွဲ့ပြီး ရန်ကုန်မြို့လုံးကျွတ် ငြိမ်းချမ်းရေး လူထုဆန္ဒပြပွဲကြီး လုပ်ပါတယ်။ လူထုပရိသတ် ၂၀၀၀ ကျော် ပါဝင်ပြီး၊ သံဃာထု ၃၀၀၀ ပါဝင်တဲ့ သံဃာထုအစည်းအဝေးကြီး ဖြစ်အောင်လုပ်ပြီး ငြိမ်းချမ်းရေး ပန်ကြားလွှာတွေ ထုတ်ပါတယ်။ ဒီကိစ္စကို ထိရောက်အောင် ဆောင်ရွက်ဖို့ နိုင်ငံတော်ဝန်ကြီးချုပ်နဲ့ တွေ့ခွင့်ရဖို့ ကြိုးစားပေမယ့် ၀န်ကြီးချုပ်ဦးနုက အတွေ့မခံခဲ့ပါဘူး။ ဒီတုန်းက ဆရာကြီးရဲ့ " သူမသာ ကိုမနာ နည်းနဲ့ ငြိမ်းချမ်းရေး တည်ဆောက်ကြပါ၊ တွေ့ဆုံဆွေးနွေးကြပါဆိုတဲ့ သြ၀ါဒ" ဟာ တမျိုးသားလုံးရဲ့ နှလုံးသားမှာ စွဲမက်သွားစေခဲ့ပါတယ်။
ဒါပေမဲ့လည်း တတိုင်းပြည်လုံး ပြည်တွင်းစစ်မီး တားမရ ဆီးမရ၊ ငြှိ်မ်းမရ သတ်မရ ဖြစ်လာတဲ့အခါ ဆရာကြီးခမျာ သောကဖိစီးပြီး အခုလို ကဗျာမျိုးကို ဖွဲ့ပါတယ်။
" ဒဂုံမြို့က အလွန်အကျွံ ချီးကြတဲ့
ချွန်လည်း ချွန်သတည်းဆိုတဲ့ ထိုတကဲ့ဝန်ကြီးခမျာတွေကို
အလွန်လည်း ဆရာသနားမိတဲ့အပြင်
အများတပည့် ကိုယ့်အမျိုးဘာသာတွေမှာ ခိုကိုးရာမဲ့ချိန်မို့
တလှဲ့တဖုံမျိုးသာပ ဘိုးဘိုးခေါ်ဒဆရာအောင်ဒနှင့်
မြန်မာဘောင် ကနက်ဘမရာသနဆီသို့
လာမယောင် ' စင်္ကြာ ' တမိပါတော့
လောကတခွင်မှာနော်ကွယ်
ဟောမရ ပြောမရတွေကြောင့် သောက ပူပင်" ဆိုပြီး ပူဆွေးမြည်တမ်းခဲ့ပါတယ်။
အဲဒီ လွတ်လပ်စခေတ်ဦးမှာပဲ အာဏာရအစိုးရက ဆရာကြီးသခင်ကိုယ်တော်မှိုင်းကို ' အလင်္ကာ ကျော်စွာဘွဲ့' အပ်နှင်းပါတယ်။ နိုင်ငံတော် အထောက်အပံ့ဆိုတာမျိုးတွေ ပေးပါတယ်။ ဒီအခါကျတော့ လူတချို့က ဆရာကြီးကို အစိုးရက ချီးမြှောက်သလိုလိုနဲ့ စည်းရုံးသိမ်းသွင်းတာ ခံနေရပြီလို့ ဝေဖန်ကြပါတယ်။ ဆရာကြီးကတော့ ဟောသလိုကဗျာမျိုး ရေးပြီး သူ့ရပ်တည်ချက်က ဘယ်လိုဆိုတာ နိုင်ငံသိအောင် ကြေညာလိုက်ပါတယ်။
" သြော် ...နှီသည့် အတွက်ကယ်ကြောင့်
ဆီထည့်သည့် ခွက်လိုပေါ့
ပီတိပွက်ပွက်ပြီဲး ပြည်ကြီးဘက်မှာ အတော်ပေါတဲ့ပြင်
ဘော်ကြော့ဘက်မှာ တသက်လည်း ချစ်မကွာ ချစ်မကွာနဲ့ မေတ္တာရောက်လေတော့
တချက်တည်း ပစ်ပစ်ခါခါ သစ္စာဖောက်မယ်လို့
သခင် - အထင်မရောက်ကြလေနဲ့
မကြောက်မညှာာ မှန်ရာလုပ်သူမို့
အနုတ်စုတ် ဂုတ်စုတ်၊ အမြှောက်စိန် ဖေါက်ချိန်လို့ ခွဲသလိုပေါ့
တသုပ်နောက်တကြိမ် ပေါက်ဆိန်ပွဲမှာလဲ
သြော် - အသင်းတို့ အပင်းတို့ သတင်းတို့နဲ့ အဆက်မကွာအောင်ဟာ
မင်းတို့ဘက်မှာသာ ကြဲမဲ့ နွှဲမဲ့ပြင် ..."
ဒါကတော့ ဆရာကြီးက သူဟာ လူထုဖက်သာရပ်မယ့်လူဖြစ်တယ်လို့ အတိအလင်းကြေညာတဲ့ ကဗျာပါပဲ။
၁၉၅၂ ခုနှစ်အလွန်မှာ ကိုရီးယားစစ်ပွဲဟာ၊ ကမ္ဘာငြိမ်းချမ်းရေးကို ခြိမ်းခြောက်လာပါတယ်။ ပြည်တွင်း စစ်မီးက မငြိမ်းသတ်နိုင်တဲ့ကြားက ကမ္ဘာ့စစ်မီး ထတောက်တော့မယ့် အန္တရာယ်ကိုလည်း မြင်ရတော့ ဆရာကြီးအဖို့ အင်မတန် သောကရောက်ခဲ့ရပါတယ်။ ကမ္ဘာ့ငြိမ်းချမ်းရေး၊ မြန်မာ့ငြိမ်းချမ်းရေး လှုပ်ရှားမှုတွေကို အသက် ၇၀ ကျော်ကာမှ လူငယ်တွေနဲ့ ရင်ဘောင်တန်းပြီး အလုပ်လုပ်ရရှာပါတယ်။
၁၉၅၂ ခု၊ တရုတ်ပြည်သူ့သမ္မတနိုင်ငံမှာ ကျင်းပတဲ့ နိုင်ငံပေါင်း ၃၇ နိုင်ငံ ကိုယ်စားလှယ်များနဲ့အတူ ကမ္ဘာ့ငြိမ်းချမ်းရေး ညီလာခံကြီးကို ဆရာကြီး တက်ရောက်ပြီး ကမ္ဘာ့စစ်မီး ထတောက်မယ့်အရေးကို ၀ိုင်းဝန်းဖြေရှင်းကြဖို့ ကြိုးပမ်းခဲ့ပါတယ်။ ၁၉၅၃ ခုနှစ်၊ ဟန်ဂေရီနိုင်ငံမှာ ကျင်းပတဲ့ ကမ္ဘာ့ငြိမ်းချမ်းရေး ညီလာခံကြီးကိုလည်း တက်ရောက်ခဲ့ပါတယ်။
ဒီနေရာမှာ ကမ္ဘာ့ငြိမ်းချမ်းရေးအတွက် ဆရာကြီးထားရှိတဲ့၊ ဆရာကြီးလက်ကိုင်ထားတဲ့ ငြိမ်းချမ်းရေး နည်းနာဆိုတာ၊ မူအားဖြင့် လူထုနည်းနဲ့ ဖြေရှင်းဆောင်ရွက်တဲ့ နည်းဖြစ်ပါတယ်။ လူထုညီညွတ်ရင် စစ်မီးတွေကို နိုင်အောင်ငြှိမ်းနိုင်တယ်လို့ ယုံကြည်ပါတယ်။ စစ်မီးတွေ၊ ပြည်တွင်းစစ်မီးတွေကို မွှေးတဲ့ တရားခံဟာ၊ နယ်ချဲ့သမားတွေနဲ့ ဖောက်ပြန်မှားယွင်းတဲ့ အစိုးရတွေသာဖြစ်တယ်ဆိုတဲ့ စစ်ကိုဖန်တီးတဲ့ စစ်ရဲ့တရားခံကိုလည်း ရှင်းရှင်းပြတ်ပြတ်ပဲ မြင်ပါတယ်။ တခါ စစ်မီးတွေကို အပြီးအပြတ် ငြှိမ်းသတ်နိုင်တဲ့နည်းဟာ အပြုတ်တိုက်ရေးနည်း မဟုတ်ဘဲ တွေ့ဆုံဆွေးနွေး ညှိနှိုင်းတဲ့နည်းသာ မှန်တယ်ဆိုတဲ့ နည်းကို ဆရာကြီးက ယုံကြည်ပါတယ်။
တခါ ...၊ နိုင်ငံရေးပြဿနာတွေကို ဖြေရှင်းတဲ့အခါ လူတန်းစားအမြင် ကြည်လင်ဖို့လည်း လိုအပ်ပါတယ်။ ဆရာကြီးဟာ အလုပ်သမား၊ လယ်သမား လူတမ်းစား ၂ ရပ်ရဲ့ အရေးပါပုံကို လက်ခံသူဖြစ်ပါတယ်။ ဒါဟာ ဟိုခေတ် ဟိုအခါ သမိုင်းရေးအခြေအနေမှာ အမှန်ကန်ဆုံးနဲ့ အတိုးတက်ဆုံးအမြင်ဖြစ်ပါတယ်။ ဒီလိုအယူအဆကို ဆရာကြီးရဲ့ ကဗျာတပုဒ်မှာ အခုလိုတွေ့ရပါတယ်။
" သြော် ... ဇမ္ဓူတခွင်တွင်ဖြင့်
လူအသွင် အပြင်နှင့်တကွ
မူအဆင်ဆင်တွေနှင့် အယူအငင်မှာတော့
တူချင်လည်းတူကြ၊ မတူချင်လဲ နေကြပေါ့နော်
ဖြူဖြူစင်စင် ဗြဟ္မာစရိယ ဂိုဏ်းတွေနဲ့
တူတံဇင် ဓမ္မ ကထိကမှိုင်းရယ်လို့
ကမ္ဘာ့အထိကရ နှစ်ပိုင်းတွင်ဖြင့်
စစ်ကိုင်းအောင် ကမ္ဘားယံတခွင်
(အိုကွယ်)ကမ္ဘာ့က၀ိဓစ မှိုင်းရယ်လို့
သမိုင်းအောင်လံတင် ..." ဆိုပြီး ရေးတာတွေ့ရပါတယ်။
ဒီကဗျာပိုဒ်ထဲက အောက်ပါစာသားတွေကို ဂရုတစိုက်ထားပြီး ဖတ်ကြည့်ပါ။
" လူအသွင် အပြင်နှင့်တကွ
မူအဆင်ဆင်တွေနှင့် အယူအငင်မှာတော့
တူချင်လည်း တူကြ၊မတူချင်လဲ နေကြပေါ့နော် ..."
ဒီကဗျာစာသားတွေဟာ ဒီကနေ့ လက်ခံကျင့်သုံးလာကြတဲ့ ဒဗဟုဝါဒဒ ကို ဆရာကြီးက လွန်ခဲ့တဲ့ နှစ်ပေါင်း ၅၀ ၀န်းကျင်ကတည်းက လက်ခံယုံကြည် ကျင့်သုံးခဲ့တယ်ဆိုတဲ့ အချက်ကို အံ့သြဘွယ် တွေ့နိုင်မှာ ဖြစ်ပါတယ်။ ဂိုဏ်းဂနကိစ္စ၊ ပုဂ္ဂလကိစ္စ၊ အယူဝါဒကိစ္စ၊ လူမျိုးကိစ္စ၊ ဘာသာကိစ္စတွေမှာ ဆရာကြီးရဲ့အမြင်ဟာ ဓမတူတာတွေ ငြိမ်းချမ်းစွာ အတူယှဉ်တွဲနေထိုင်ရေးဓဆိုတဲ့ ဒဗဟုဝါဒဒ ကို ဆရာကြီး လက်ခံယုံကြည်ခဲ့တယ်ဆိုတာ သိတာထင်ရှားစေနိုင်တဲ့ ကဗျာစာသားများဖြစ်ပါတယ်။
ဆရာကြီးသခင်ကိုယ်တော်မှိုင်းရဲ့ နိုင်ငံရေးရပ်တည်ချက်တွေကို ကျနော်ဘာ့ကြောင့်တင်ပြခဲ့ရသလဲ။
ကျနော်တို့ စာပေသမားတွေအနေနဲ့ ကျနော်တို့ခေတ်မှာ ကျနော်တို့ကို စိန်ခေါ်နေတဲ့ နိုင်ငံရေးပြဿနာတွေကို ဖြေရှင်းတဲ့အခါ ဘယ်လိုရပ်တည်ချက်မျိုးနဲ့ ရပ်တည်ဖြေရှင်းသင့်သလဲဆိုတဲ့ အဖြေကိုရဖို့အတွက် ဆရာကြီးရဲ့ နိုင်ငံရေးရပ်တည်ချက်တွေကို ကျနော် တင်ပြခဲ့တာဖြစ်ပါတယ်။ ဆရာကြီးဆီက ကျနော်တို့အတုယူ သင့်တဲ့အကြောင်း တင်ပြခဲ့တာပဲဖြစ်ပါတယ်။
အမှန်အားဖြင့် ၀န်ခံရမယ်ဆိုရင် ဆရာကြီးရဲ့ နိုင်ငံရေးရပ်တည်ချက်ကို ကျနော် တင်ပြခဲ့တာ ပြီးပြည့်စုံခြင်း မရှိဘူးဆိုတာ ၀န်ခံရမှာဖြစ်ပေမယ့် ကျနော် လက်လှမ်းမီသလောက် အခုလို တင်ပြခြင်းဖြင့်ပဲ စာပေရဲဘော်များအတွက် တစုံတရာ အကျိုးရှိစေမယ့် တင်ပြချက် ဖြစ်နိုင်ကောင်းရဲ့လို့ ကျနော် ယုံကြည်မိပါတယ်။
ညှိနှိုင်းကိုးကားသည့် စာအုပ်များ
(၁) ဆရာကြီးသခင်ကိုယ်တော်မှိုင်း လေးချိုးပေါင်းချုပ်
(၂) သခင်ကိုယ်တော်မှိုင်း လက်ရွေးစဉ်လေးချိုးတရာ (မောင်တင်ရွှေ)
(၃) ဗိုလ်ဋီကာ (မစ္စတာမောင်မှိုင်းး)
(၄) စာပေအင်အား (အထက်ဗမာနိုင်ငံစာရေးဆရာအသင်း)
(၅) ခွေးဋီကာ (သခင်ကိုယ်တော်မှိုင်း)
(၆) မြန်မာကဗျာစာတမ်းများ(စာပေဗိမာန်ထုတ်၊ ပြည်သူ့လက်စွဲစာစဉ်)
(၇) သခင်ကိုယ်တော်မှိုင်း(မောင်တင်ရွှေ)
(၈) မှာတော်ပုံနှင့် စစ်ကိုင်းပြန်မှာတော်ပုံ (ဆရာကြီးသခင်ကိုယ်တော်မှိုင်း)
Rest of your post
ဒေါ်အောင်ဆန်းစုကြည် တကယ်လွတ်တော့မလား
သုံးသပ်ချက်
်ပီတာအောင်/ ၂၁ ဇူလိုင် ၂၀၀၈
ဒေါ်အောင်ဆန်းစုကြည်အား မြန်မာစစ်အစိုးရက နေအိမ်အကျယ်ချုပ်သက်တမ်း ထပ်တိုးခြင်းကို အာဆီယံ နိုင်ငံခြားရေးဝန်ကြီးများအနေဖြင့် အလွန်စိတ်ပျက်မိကြောင်းနှင့် အမျိုးသားပြန်လည် သင့်မြတ်ရေးလုပ်ငန်းစဉ်၏ တစိတ်တပိုင်းအဖြစ် ဒေါ်အောင်ဆန်းစုကြည်နှင့် အခြားနိုင်ငံရေး သမားများကို ပြန်လွှတ်ပေးရန် ထပ်မံတောင်းဆိုကြောင်း အာဆီယံအ လှည့်ကျ ဥက္ကဋ္ဌ စင်ကာပူ နိုင်ငံခြားရေးဝန်ကြီး ဂျော့ခ်ျယိုးက အာဆီယံကိုယ်စား ယမန်နေ့က ကြေညာချက်ထုတ်ပြန်ခဲ့သည်။ ဆက်ဖတ်ရန် အပြည့်အစုံ ကို Click နှိပ်ပါ။
ထိုအချက်သည် အာဆီယံအဖွဲ့ တလျှောက်လုံး ကိုင်စွဲထားသည့် တနိုင်ငံ၏ ပြည်တွင်းရေးကို တနိုင်ငံက ၀င်မစွက်ဖက်ရေးဆိုသည့် မူဘောင်ကို ကျော်လွန်၍ ပြောဆိုခြင်းဖြစ်ပြီး တဖက်က လည်း ယနေ့ စတင်ကျင်းပနေသည့် အာဆီယံ နိုင်ငံခြားရေးဝန်ကြီးများ အစည်းအဝေး၌ အမေရိ ကန်နိုင်ငံခြားရေးဝန်ကြီး ကွန်ဒိုလီဇာရိုက်စ် တက်ရောက်ရန်ရှိနေသဖြင့် အမေရိကန်ကြိုက်အောင် လေသံပစ်ခြင်းလည်း ဖြစ်နိုင်သည်ဟု အချို့လေ့လာသူများက ယူဆသည်။
ထို့အပြင် စင်ကာပူနိုင်ငံတွင် ရောက်ရှိနေသည့် မြန်မာနိုင်ငံခြားရေးဝန်ကြီး ဦးဥာဏ်ဝင်းကလည်း ဒေါ်အောင်ဆန်းစုကြည်အား ပြန်လွှတ်ပေးမည်ဟု တိတိကျကျ မပြောဆိုသော်လည်း နောက် (၆) လအကြာ၌ ပြန်လွှတ်ပေးတော့မယောင် အာဆီယံသတင်းယူနေသည့် နိုင်ငံခြားသတင်းဌာန များက သတင်းခေါင်းစဉ် တပ်ကြသည်။
ဒေါ်အောင်ဆန်းစုကြည် ပြန်လွတ်ရန် အမြဲတမ်း မျှော်လင့်ထားသော်လည်း နအဖ စစ်ခေါင်းဆောင် များသည် ပြောသည့်အတိုင်း မလုပ်သည်ကို အကြိမ်ကြိမ် ကြုံဖူးနေကြဖြစ်ကြောင်း၊ ဥပဒေကြောင်း အရ နေအိမ်အကျယ်ချုပ်ဖြင့် အများဆုံး (၅) နှစ်သာ ချထားနိုင်သည်ဟု အမျိုးသားဒီမိုကရေစီ အဖွဲ့ချုပ် (အန်အယ်လ်ဒီ) ပြောရေးဆိုခွင့်ရှိသူ ဦးဥာဏ်ဝင်းက ခေတ်ပြိုင်ကို ပြောသည်။
၎င်းက “ဥပဒေမှာ ပါတဲ့ဟာ ကျနော်တို့ အမြင်အရ (၅) နှစ်ပဲ။ သူတို့ကတော့ (၆) နှစ်လို့ ပြောတယ်။ ကျနော်တို့နဲ့ သူတို့နဲ့ အဓိပ္ပာယ်ဖွင့်ဆိုတာ လွဲနေတယ်။ ကျနော်တို့က အဓိပ္ပာယ်ဖွင့်တာ (၅) နှစ်၊ သူတို့က အဓိပ္ပာယ်ဖွင့်တာ (၆) နှစ် ဒါပဲ” ဟု ပြောသည်။
ဒေါ်အောင်ဆန်းစုကြည်ကို နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ ပုဒ်မ ၁၀ (ခ) ဖြင့် အရေးယူထားခြင်းဖြစ်သည်။ ထိုဥပဒေ အရ အရေးယူခြင်းခံရသူအား (၁) နှစ်ထိ ဗဟိုအဖွဲ့ (ပြည်ထဲရေး) က တားဆီးမှု ပြုလုပ်နိုင် ကြောင်း၊ လိုအပ်ပါက ၀န်ကြီးအဖွဲ့၏ ခွင့်ပြုချက်ဖြင့် တကြိမ်လျှင် (၁) နှစ်ထက်မပိုစေဘဲ စုစုပေါင်း (၅) နှစ်ထိ ခွင့်ပြုနိုင်ကြောင်း ဥပဒေ၌ ပါရှိသည်။
ထိုဥပဒေသည် ၁၉၇၅ ခုနှစ်က ပြဋ္ဌာန်းထားသည့် တကြိမ်လျှင် ရက်ပေါင်း (၁၈၀) ထက် မပိုစေဘဲ စုစုပေါင်း (၃) နှစ် အထိဆိုသည့် စကားရပ်ကို တကြိမ်လျှင် (၁) နှစ်ထက် မပိုစေဘဲ စုစုပေါင်း (၅) နှစ်အထိဆိုသည့် စကားရပ်ဖြင့် ၁၉၉၁ ခု သြဂုတ် (၉) ရက်က န၀တ ခေါင်းဆောင် ဗိုလ်ချုပ်မှူးကြီး စောမောင်၏ အမိန့်ဖြင့် ပြင်ဆင်သတ်မှတ်ခဲ့သည့် ဥပဒေဖြစ်သည်။
အန်အယ်လ်ဒီနှင့် နအဖ စစ်အစိုးရတို့အကြား နေအိမ်အကျယ်ချုပ် သက်တမ်းနှင့် ပတ်သက်၍ အဓိပ္ပာယ် ကောက်ယူပုံ ကွာခြားနေသည်ဟု ရန်ကုန်မြို့ရှိ အမည်မဖော်လိုသူ ဗဟိုတရားရုံးချုပ် ရှေ့နေတဦးက ပြောကြားသည်။
၎င်းက “အဲဒီမှာ ၀န်ကြီးအဖွဲ့လုပ်ပိုင်ခွင့်ကို (၃) နှစ်က (၅) နှစ်အထိ တိုးထားတယ်။ အန်အယ်လ် ဒီက အဓိပ္ပာယ်ကောက်တာကတော့ ဗဟိုအဖွဲ့ရော၊ ၀န်ကြီးအဖွဲ့ရော ပေါင်းပြီးတော့ (၅) နှစ်ယူ ပုံရတယ်။ နိုင်ငံတော်က အဓိပ္ပာယ်ဖွင့်ဆိုတာကတော့ သူ့ဘာသူ (၆) နှစ်လို့ ကောက်ယူပြီးတော့ ဒီလိုမျိုး တားဆီးတယ်လို့ ယူဆနိုင်တယ်” ဟု ပြောသည်။
အမျိုးသားဒီမိုကရေစီအဖွဲ့ချုပ်အနေဖြင့် ဒေါ်အောင်ဆန်းစုကြည်အား နေအိမ်အကျယ်ချုပ်ဖြင့် ဖမ်းဆီးသည့် နေ့ရက်ကို တိတိကျကျ ရှင်းရှင်းလင်းလင်း ချပြပြီး ဗဟိုအဖွဲ့နှင့် ၀န်ကြီးအဖွဲ့၏ အမိန့် တပေါင်းတည်းဖြစ်သင့်ကြောင်း ထောက်ပြကာ နအဖ၏ ဥပဒေကို ချေပသင့်ကြောင်း ၎င်းက ဆက်လက်ပြောသည်။
သို့သော် အမျိုးသားဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက ရှင်းပြရာတွင် ဒေါ်အောင်ဆန်းစုကြည် ၂၀၀၃ ခု မေလ (၃၀) ရက်၌ စတင်ဖမ်းဆီးခံရသည်ကိုသာ သိရှိပြီး နေအိမ်အကျယ်ချုပ် စချထားခံရသည့်နေ့ကို မသိရှိကြောင်း ပြောသည်။
၎င်းက “ကျနော်တို့က စပြီးဖမ်းတဲ့ရက်နဲ့ ကြာနေတာကိုပဲ ပြောနိုင်တယ်။ ကျနော်တို့အနေနဲ့ ဘယ် အချိန်က ဘယ်လို စတယ်ဆိုတာ အစိုးရက ဘယ်တုန်းကမှ လူသိရှင်ကြား မလုပ်ခဲ့ဘူး။ မလုပ်ခဲ့ တဲ့အတွက် ကျနော်တို့ ဒီအပေါ်မှာ ပြောလို့မရပါဘူး” ဟု ပြောကြားသည်။
မည်သို့ပင်ဖြစ်စေ နေအိမ်အကျယ်ချုပ် သက်တမ်း (၆) နှစ်ပြည့်သွားပါက ဥပဒေကြောင်းအရ နောက်ထပ် ဖမ်းချုပ်ထား၍ မရတော့ကြောင်း ရန်ကုန်ရှေ့နေများက ပြောသည်။ သို့သော် စစ်အစိုး ရသည် ပုဒ်မ-၁၀ ခ နှင့် ဖမ်းထားသူများကို ပြန်လွှတ်ပြီး ပြန်ဖမ်းလိုပါက ထောင်ဒဏ် နှစ် (၃၀) ၀န်းကျင်ချနိုင်သည့် ကိစ္စများဖြစ်သည့် လက်နက်ကိုင် သောင်းကျန်းသူ အဖွဲ့များနှင့် ဆက်သွယ်မှု၊ နိုင်ငံခြားအစိုးရများထံမှ အထောက်အပံ့ရယူမှု စသည့် စွဲချက်တခုခု တပ်လေ့ရှိသည့်အတွက် ထိုစွဲချက်များကို “၀မ်းဆက်” ဟု ရန်ကုန် ရှေ့နေလောကတွင် သုံးနှုန်းလေ့ရှိသည်။
ဒေါ်အောင်ဆန်းစုကြည်ကို နောက် (၆) လမှာ ပြန်လွှတ်ပေးလည်း ပုဒ်မ-၁၀ ခ နှင့် မဖမ်းတော့ဘဲ အဆိုပါ ၀မ်းဆက်ပုဒ်မများကို စစ်အစိုးရက ကိုင်ထားသည့်အတွက် နောက်ထပ် အလွယ်တကူ ပြန်ဖမ်းနိုင်သည့် အနေအထားတွင် ရှိသည်ဟု ရန်ကုန်ရှေ့နေများက ယူဆသည်။
အာဆီယံဘက်က ကြည့်လျှင်လည်း ဒေါ်အောင်ဆန်းစုကြည် လွတ်မြောက်ရေးထက် အမေရိကန်-အာဆီယံ အုပ်စုချင်း ဆက်ဆံရေး မျက်နှာမပျက်ရန်က ပို၍အရေးကြီးနေသည်။ အထူးသဖြင့် အမေရိကန်ကနေ အာဆီယံကို နှစ်စဉ်ပေးနေသည့် ကျွမ်းကျင်မှု အကူအညီများ အများအပြား ရှိသည့်အတွက် မြန်မာအရေး ပြေလည်ရန်ထက် အမေရိကန် မငြိုငြင်ရေးသာ အာဆီယံက အမြဲ ဂရုစိုက်လေ့ရှိသည်။
ထို့ကြောင့် အာဆီယံထိပ်သီး အစည်းအဝေးမတိုင်ခင် မြန်မာအရေးကို မီဒီယာများမှတဆင့် ခပ် ဆတ်ဆတ်လေး ဝေဖန်ပေးပြီး ထိပ်သီးအစည်းအဝေးအပြီး ထုတ်ပြန်သည့် အာဆီယံ ပူးတွဲကြေ ညာချက်တွင်မူ မြန်မာအကြောင်း မပါတော့ဘဲ လေသံလျှော့ပစ်သည့်နည်း အာဆီယံကျင့်သုံး ခဲ့သည်မှာ နှစ်ပေါင်းများစွာ ကြာပြီ ဖြစ်သည်။
သို့သော် စင်ကာပူတွင် ကျင်းပနေသည့် လက်ရှိ အာဆီယံထိပ်သီးအစည်းအဝေးကနေ အကောင်း ဘက် ကြံဖန်ပြောရလျှင် မြန်မာနာဂစ်မုန်တိုင်းကိစ္စတွင် အာဆီယံက နှမ်းဖြူးပေးခဲ့သည့် လုပ်ရပ်ကို မီးမောင်းထိုးပြမည့်အချက်ဟု ယူဆနိုင်သည်။ ။
Rest of your post
Wednesday, July 16, 2008
၂၀၁၀ ရွေးကောက်ပွဲဆိုင်ရာ ပြဿနာများ
မင်းဇင် ဇူလိုင် ၁၆၊ ၂၀၀၈
မြန်မာနိုင်ငံ၏ ပဋိပက္ခက ရေရှည်ပြီး၊ ဖြေရှင်း၍ ပြေလည်နိုင်ဖွယ် မရှိသည့် နောက်ထပ်အဆင့်တခုသို့ တက်လှမ်းတော့မည် ဖြစ်သည်။ တနည်းဆိုရသော် ၂၀၁၀ ခုနှစ်တွင် မြန်မာနိုင်ငံ၏ ပဋိပက္ခက စုဖွဲ့စည်းထားသည့် အခြားပုံစံတမျိုးသို့ ပြောင်းလဲ သွားတော့မည် ဖြစ်သည်။
စစ်အစိုးရက "လမ်းပြမြေပုံ" အဆင့် (၇) ခု၏ တခန်း တကဏ္ဍအနေဖြင့် ဖွဲ့စည်းပုံ အခြေခံဥပဒေကို အတည်ပြုခဲ့ပြီး၊ ၂၀၁၀ ခုနှစ်တွင် ရွေးကောက်ပွဲများ ကျင်းပရန် ဆက်လက်ပြင်ဆင်နေခြင်းဖြင့် ကစားပွဲအသစ်အတွက် စည်းမျဉ်းဥပဒေသများကို တဖက်သတ်ချမှတ်နေပြီ ဖြစ်သည်။ သို့သော်လည်း ယခုဖွဲ့စည်းပုံ အခြေခံဥပဒေက မြန်မာနိုင်ငံအတွက် အထူးလိုအပ်နေ သည့် နိုင်ငံတော်တည်ဆောက်ရေးဆိုင်ရာ လုပ်ငန်းစဉ်များအတွက် အခိုင်အမာ အချက်အလက်များ ပါဝင်လှသည် မဟုတ် ပါ။ နိုင်ငံရေးပါတီ၊ အဖွဲ့အစည်းအသီးသီးက အတူတကွ တွေ့ဆုံညှိနှိုင်းကြ၍ သူတို့၏ ထင်မြင်ယုံကြည်ချက်များကို ဖလှယ် ညှိနှိုင်းနိုင်ကြရန် အခွင့်အလမ်းလည်း ဖြစ်ပေါ်လာဖွယ် မရှိပါ။ ဆက်ဖတ်ရန် အပြည့်အစုံ ကို Click နှိပ်ပါ။
ဤသို့ နိုင်ငံတော်ပြုပြင်တည်ဆောက်ရေး လုပ်ငန်းများကို သွားမည့်အစား၊ မြန်မာနိုင်ငံ၏ ဦးတည်ချက်က တလွဲဖြစ်နေခဲ့ သည်။ မြန်မာနိုင်ငံက "နိုင်ငံခြားရေး မူဝါဒဆိုင်ရာ မဂ္ဂဇင်း" (Foreign Policy magazine) နှင့် ငြိမ်းချမ်းရေးဆိုင်ရာ ရန်ပုံငွေ အဖွဲ့တို့၏ တင်ပြခဲ့သည့် ၂၀၀၈ ခုနှစ် "ကျရှုံးနိုင်ငံ ညွှန်းကိန်း" (failed state index) အရ နိုင်ငံပေါင်း ၁၇၇ ခုတွင် အကြမ်း ဖက် ပဋိပက္ခများ ဖြစ်ပေါ်၍ နစ်နာဖွယ်ရှိသော၊ လူမှုရေးအရ ဆုတ်ယုတ်ကျဆင်းမှုများ ဖြစ်ပေါ်လာဖွယ်ရှိသော ၁၂ ခု မြောက်နိုင်ငံအဖြစ် တန်းစီသတ်မှတ်ခံထားရသည်။ ၂၀၀၇ ခုနှစ်၊ လေ့လာချက်အရ မြန်မာနိုင်ငံက အဆင့် ၁၄ နေရာတွင် ရှိခဲ့ပြီး၊ မြန်မာနိုင်ငံက ယခုနှစ်တွင် ပိုမိုကျဆင်းသွားခဲ့ခြင်း ဖြစ်သည်။ နိုင်ငံတော် ပြိုကွဲကိန်း ဆိုက်နေရပြီ ဖြစ်သည်။
" ယခုအခြေအနေမှာတော့ မြန်မာနိုင်ငံမှာ ကောင်းတဲ့အနာဂတ် အလားအလာတွေ ဖြစ်ပေါ်နေတာ ကျနော်တကယ်ကို မတွေ့ရသေးပါဘူး" ၀ါရှင်တန် ဒီစီမြို့ ဂျော့ခ်ျတောင်းတက္ကသိုလ်ရှိ မြန်မာနိုင်ငံရေးရာ ကျွမ်းကျင်သူ ဒေးဗစ် စတိန်းဘာ့ဂ် (David Steinberg) က ပြောသည်။
စစ်တပ်ထိပ်သီးခေါင်းဆောင်များနှင့် တိုင်းရင်းသားလူနည်းစုများ အပါအ၀င် အတိုက်အခံ အင်အားစုများ၏ ရည်ရွယ်ချက် များက ပြဒါးတလမ်း၊ သံတလမ်းဖြစ်နေကြပြီး ယခု ဖွဲ့စည်းပုံအသစ်နှင့် ၂၀၁၀ ရွေးကောက်ပွဲများကြောင့်လည်း အပြောင်း အလဲများ ဖြစ်ပေါ်တိုးတက်လာရန် မမြင်ရပါ။
အတိုက်အခံအင်အားစုများကလည်း အမျိုးသားပြန်လည် ရင်ကြားစေ့ရေးအတွက် တတ်နိုင်သမျှ ဆက်လက်တိုက်ပွဲဝင် လှုပ်ရှားကြလိမ့်မည် ဖြစ်သည်။ သို့သော်လည်း အသစ်သော ဖွဲ့စည်းပုံ အခင်းအကျင်းများအရ အတွင်းဝင်၍ ဆောင်ရွက် လျှင်လည်း ထိရောက်မှု အနည်းငယ်မျှသာ ရနိုင်ခြေ ရှိပါသည်။ အကြောင်းမှာ စစ်တပ်က အသာစီးယူ လွှမ်းမိုးထိန်းချုပ် ထားသောကြောင့် ဖြစ်ပြီး၊ သို့ဆိုလျှင် အခြားရွေးချယ်စရာ လမ်းကြောင်း၊ လှုပ်ရှားမှုများကိုသာ ဆက်လက်ဖော်ဆောင်ကြရ ဖွယ် ရှိပါတော့သည်။ ဥပမာအားဖြင့်- လူထုကို လှုံ့ဆော်စည်းရုံး လှုပ်ရှားစေသည့် လုပ်ငန်းများနှင့် နိုင်ငံတကာကို စည်းရုံး တိုက်တွန်းသည့် လုပ်ငန်းများကိုသာ ပို၍ ဦးစားပေး လုပ်လာရဖွယ် ရှိနေသည်။
အခြားတဖက်တွင်လည်း စစ်တပ်က သူ၏တဖက်သတ်ရည်မှန်းချက်ဖြစ်သည့် အကြွင်းမဲ့ ထိန်းချုပ်ရေးကို ဖွဲ့စည်းပုံအသစ် နှင့် ရွေးကောက်ပွဲများကို အသုံးချ၍ ဆက်လက် အတင်းအကျပ် အကောင်အထည်ဖော်လိမ့်မည် ဖြစ်သည်။ ပဋိပက္ခ ကြောင့် သူတို့ပေးဆပ်ရမည့် အရင်းအနှီး တန်ဖိုးများကို လျှော့ချရန် မဖြစ်နိုင်ပါ။ ဤမူဝါဒများအတိုင်း ဆက်၍သွားပါက မြင်သာ သည့်ရလဒ်မှာ နိုင်ငံတကာက ဆက်လက် ၀ိုင်းပယ်ခံရခြင်းနှင့် နိုင်ငံ၏ စီးပွားရေး တိုး၍ ကျဆင်းရမည့် အခြေ အနေပင် ဖြစ်ပါသည်။
"စစ်တပ်က တဖက်သတ် အဖြေရှာတဲ့ အနေအထားမျိုးကို ကျနော်တို့ လုံးဝ လက်မခံနိုင်ဘူး" ယခင် နိုင်ငံရေးအကျဉ်းသား ဟောင်းတဦး ဖြစ်သူနှင့် အမေရိကန်ပြည်ထောင်စုရှိ မြန်မာအရေးလှုပ်ရှားနေသည့် US Campaign for Burma အဖွဲ့၏ အမှုဆောင် ဒါရိုက်တာတဦး ဖြစ်သူ ဦးအောင်ဒင်က ပြောပါသည်။ "စစ်တပ်ရယ်၊ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ် (NLD) ရယ်၊ တိုင်းရင်းသားကိုယ်စားလှယ်တွေရယ် အတူတကွ စေ့စပ်ညှိနှိုင်း ပြေလည်မှု မရမချင်း အမေရိကန်ဦးဆောင်တဲ့ အနောက်နိုင်ငံတွေက စီးပွားရေးဒဏ်ခတ်မှုတွေ ရုပ်သိမ်းသွားမှာ မဟုတ်ဘူး" သူက ပြောသည်။
နိုင်ငံပြင်ပရှိ မြန်မာ့စီးပွားရေးပညာရှင် ဦးစိန်ဌေးကမူ ထိုထက်ပို၍ ခန့်မှန်းပြောဆိုခဲ့သည်။ " အနောက်တိုင်း စီးပွားရေး ပိတ်ဆို့ဒဏ်ခတ်မှုတွေ ရှိနေနေ-မရှိနေနေ၊ စစ်အစိုးရရဲ့ မူဝါဒအမှားတွေနဲ့ လွဲချော်နေတဲ့ စီမံခန့်ခွဲမှုတွေကြောင့် ဖွံ့ဖြိုးတိုး တက်လာဖို့ အလားအလာ မရှိဘူး။ လူထုတွေ သက်သာချောင်ချိရေးလည်း ရလာဖွယ် မရှိဘူး။ သူတို့ကိုယ်တိုင် ပြန်ဖျက် ဆီးသလို ဖြစ်နေတယ်။ ၂၀၁၀ အပြီးမှာ နိုင်ငံရဲ့ စီးပွားရေးအခြေအနေက ပိုလို့ ဆိုးသွားလိမ့်မယ်" ဟု ပြောခဲ့သည်။
စစ်တပ်က အများသူငါ အကျိုးစီးပွားများနှင့် ညှိနှိုင်းပြေလည် ရယူလိုစိတ် မရှိသောကြောင့်၊ နောက်ထပ် လူထုအုံကြွလှုပ် ရှားမှုများ ဖြစ်ပေါ်ရန် အလားအလာ၊ ခြိမ်းခြောက်မှုများလည်း ရှိနေပါသေးသည်။ ပို၍ ဖိနှိပ်မှုများ လုပ်ဆောင်လာဖွယ်ရှိနေ ပြီး၊ စစ်တပ်အပေါ် လူထုက နာကျည်းဒေါသဖြစ်နေရမှုများ၊ မုန်းတီးမှုများကလည်း တိုး၍ ဖြစ်လာဖွယ် ရှိပါသည်။
" ၂၀၁၀ ရွေးကောက်ပွဲပြီးတဲ့တိုင်အောင် စစ်တပ်ဗိုလ်ချုပ်တွေက လူတွေကို အခုလို အတင်းအကျပ်ခိုင်းစေ အုပ်ချုပ်တာ တွေ ဆက်လုပ်နေကြဦးမှာပဲ။ လူတွေမှာ အခုခံစားနေကြရတဲ့ ဒေါသတွေက လွန်ခဲ့တဲ့နှစ် သံဃာ့ဆန္ဒပြပွဲတွေကို အကြမ်း ဖက်နှိမ်နင်းတဲ့အချိန်ကစလို့ အမြင့်ဆုံးအနေအထား ရောက်လာတယ်။ နောက်ပိုင်း မုန်တိုင်းကယ်ဆယ်ရေးကိစ္စတွေမှာ လူထုဒုက္ခတွေကို စစ်အစိုးရက လျစ်လျူရှုထားတာကြောင့် မကြေနပ်မှုတွေ ပိုလို့ ထပ်ဆောင်းပြင်းထန်လာတယ်" မြန်မာ နိုင်ငံ၏ စစ်ဖက်-အရပ်ဖက် ဆက်ဆံရေးကိစ္စများကို လေ့လာနေသူ သုတေသီ ဦးဝင်းမင်းက ပြောပါသည်။ "အရပ်ဖက်- စစ်ဖက် ဆက်ဆံရေးမှာ ပဋိပက္ခသဘောဆောင်ပြီး ဆက်သွားလိမ့်မယ်"။
အဖွဲ့အသီးသီး၏ ရည်မှန်းချက်များနှင့် ဆက်ဆံရေးကိစ္စများကို ပြုပြင်ပြောင်းလဲစေအောင် မစွမ်းဆောင်နိုင်ရုံမျှမက၊ ၂၀၁၀ ရွေးကောက်ပွဲအပြီး တက်လာမည့် အစိုးရကလည်း ယနေ့မြန်မာနိုင်ငံက ကြုံတွေ့ရင်ဆိုင်နေရသော အရေးပါသည့် ပြဿနာ များကို ပြောင်းလဲစေနိုင်လိမ့်မည် မဟုတ်ပါ။ ယခု အထီးကျန်အနေအထားကိုလည်း ပြောင်းလဲနိုင်ဖွယ် အကြောင်း တစုံတရာ မမြင်ရပါ။
စစ်အစိုးရက ပြဌာန်းခဲ့သည့် ဖွဲ့စည်းပုံ အခြေခံဥပဒေသစ်အရ တပ်မတော်ကာကွယ်ရေးဦးစီးချုပ်က စစ်တပ်ရေးရာကိစ္စများ ကို လွတ်လပ်စွာ စီမံခန့်ခွဲရှိမည်ဖြစ်ပြီး၊ တပ်သားသစ်စုဆောင်းမှုနှင့် တပ်တိုးချဲ့မှု လုပ်ပိုင်ခွင့်များ၊ ရာထူးခန့်ထားမှု၊ တပ် နေရာချထားမှု၊ ဘဏ္ဍာရေး၊ စစ်တပ်ပိုင် စီးပွားရေးလုပ်ငန်းများ၊ စစ်လက်နက်ပစ္စည်း ၀ယ်ယူ ထုတ်လုပ်မှုဆိုင်ရာကိစ္စများ အပါအ၀င် သူ့သဘောအတိုင်း စီမံခွင့်ရှိနေမည် ဖြစ်သည်။
တပြိုင်နက်တည်းမှာပင် ကလေးစစ်သားပြဿနာ၊ အဓမ္မ ပြောင်းရွှေ့နေရာချထားမှုများ၊ အဓမ္မလုပ်အားခိုင်းစေမှုများ၊ မြေမြှုပ်မိုင်း ပြဿနာ၊ ပြည်တွင်းတွင် အခြေမဲ့ ပြောင်းရွှေ့ထွက်ပြေးနေကြရသူ ဒုက္ခသည်များ၊ အိမ်နီးချင်းနိုင်ငံများသို့ ဒုက္ခ သည်များ ထွက်ပြေးနေရမှု၊ မုဒိမ်းမှုနှင့် အခြားသော လူ့အခွင့်အရေးချိုးဖောက်မှုများ စသဖြင့် စစ်ဆေးထိန်းကွပ်မှုမရှိဘဲ ကျင့်သုံးနေကြသည့် စစ်တပ်၏ အကျိုးစီးပွားဆိုင်ရာနှင့် အမူအကျင့်ဆိုင်ရာ ဆက်စပ်နေသည့် ပြဿနာများမှာလည်း ဖြေ ရှင်းနိုင်ခြင်း မရှိဘဲ ဆက်လက်ဖြစ်ပေါ်နေကြမည် ဖြစ်သည်။ အထူးသဖြင့် မြန်မာနိုင်ငံ အရှေ့ပိုင်းကဲ့သို့သော တိုင်းရင်းသား ဒေသများတွင် ဤပြဿနာများ ဆက်လက် ဖြစ်ပေါ်နေပေလိမ့်မည်။
ထို့အပြင် ရွေးကောက်တင်မြှောက်ခံထားရသည့် ကိုယ်စားလှယ်များ၏ ဥပဒေပြုခွင့်အာဏာကို ကန့်သတ်ချုပ်ချယ်ထားခြင်း ကြောင့်လည်း စစ်တပ်ကို ကြီးကြပ်ခွင့်ရကြမည် မဟုတ်ပေ။ စစ်တပ်က ကျူးလွန်ချိုးဖောက်ခဲ့သော ပြစ်မှုများကိုလည်း ပြန်လည် ကုစားဖြေရှင်းပေးနိုင်မည့် အရပ်ဖက်ယန္တယားများကိုလည်း ဖွဲ့စည်းဆောင်ရွက်နိုင်ကြလိမ့်မည် မဟုတ်ပေ။ ရာဇ ၀တ်မှု ကျူးလွန်သည်ဟု စွပ်စွဲခံရသူ တပ်မတော်သားများကို တပ်မတော်ကာကွယ်ရေး ဦးစီးချုပ်က ခန့်အပ်သူများဖြင့် ဖွဲ့ စည်းသည့် စစ်တပ်ခုံရုံးများတွင်သာ စစ်ဆေးအပြစ်ပေးမည်ဖြစ်ပြီး၊ သေချာသည်မှာ အရေးယူအပြစ်ပေးခံရခြင်း မရှိဘဲ စစ်တပ်ကို ဆက်လက်၍ လူ့အခွင့်အရေးချိုးဖောက်ခွင့် ပေးထားဦးမည့်ပုံ ရှိနေပါသည်။
သို့သော်လည်း ၂၀၁၀ ရွေးကောက်ပွဲကြောင့် ကနဦးကာလတွင် ရုပ်ပြသဘောဖြစ်စေ ခေါင်းဆောင်မှု ပြောင်းလဲသွားဖွယ် အခြေအနေ ရှိနေပါသည်။ အာဏာဗဟိုချက်မ ၂- ခုဖြစ်လာဖွယ် ရှိပြီး တဖက်က စစ်တပ်၊ တဖက်က အစိုးရ ဖြစ်လာဖွယ် ရှိ နေပါသည်။ စစ်တပ်အတွက် လွှတ်တော်ကိုယ်စားလှယ် ၂၅ ရာခိုင်နှုန်းကို သီးသန့်ဖယ်ချန်ထားစေသည့် အပြင်၊ အရေးကြီး သည့် ၀န်ကြီးနေရာ ၃- ခုဖြစ်သည့် (ကာကွယ်ရေး၊ ပြည်ထဲရေး၊ နယ်စပ်ဒေသ ရေးရာ ၀န်ကြီးဌာန) တာဝန်များကို ခန့်အပ် တာဝန်ပေးခွင့်လည်း စစ်တပ်က ရယူထားပါသေးသည်။ ထို့အပြင် စစ်ဗိုလ်ချုပ်များက ကျန်သည့် အစိုးရ၀န်ကြီးဌာနနေရာ များနှင့် လွှတ်တော်အမတ်နေရာများကို ၎င်းတို့၏ လူမိုက်ဆန်ဆန် အရပ်သားအဖွဲ့အစည်း၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအဖွဲ့ (USDA) အဖွဲ့ဝင်များဖြင့် ဖြည့်ဆီးရန်လည်း ကြံစည်ထားကြပါသေးသည်။
ရွေးကောက်ပွဲတွင် မဲခိုး၊ မဲညစ်မည်၊ ကြံ့ဖွံ့အဖွဲ့ဝင်များကလည်း အတိုက်အခံကိုယ်စားလှယ်များနှင့် နှီးနွယ်သူများကို ခြိမ်း ခြောက်မှုများ၊ ဗိုလ်ကျတိုက်ခိုက်မှုများ ပြုကြမည်မှာ သေချာနေပါသည်။ ခိုင်လုံသည့် သာဓကများလည်း ရှိနေပါသည်။ ၂၀၀၃ ခုနှစ်က ကြံ့ဖွံ့အဖွဲ့က ဒေါ်အောင်ဆန်းစုကြည်၏ ကားတန်းကို အကြမ်းဖက်တိုက်ခိုက်ခဲ့ကြပြီး၊ နောက်ပိုင်းနှစ်များ တွင် အတိုက်အခံလှုပ်ရှားသူများကို ကိုယ်ထိလက်ရောက် ကျူးလွန်တိုက်ခိုက်မှုများလည်း ကျူးလွန်ခဲ့ကြဖူးသည့် လက်မရွံ့ သာဓကများ ရှိနေကြပါသည်။ ကမ္ဘာကြီးအနေဖြင့် မကြာသေးမီက ပြီးခဲ့သည့် ဇင်ဘာဘွေရွေးကောက်ပွဲများနည်းတူ လူမိုက်အုပ်စုများဖြင့် ရမ်းကားဗိုလ်ကျကြမည့် ဒီမိုကရေစီမျိုးကို မြင်တွေ့ကြရဖွယ် ရှိနေပါသည်။
မည်သို့ပင်ဆိုစေ ရွေးကောက်ပွဲပြီးနောက်ပိုင်း အာဏာခွဲဝေမှုတွင် အာဏာဗဟိုချက်မ ၂-ခု အကြား ပဋိပက္ခများ ကြုံလာရ ဖွယ် ရှိနေပါသည်။ အမိန့်ပေးစနစ် ဖွဲ့စည်းပုံနှင့် ပုဂ္ဂလိကဆိုင်ရာ အကျိုးစီးပွားကိစ္စများအပေါ် အခြေခံပြီး ပေါ်ပေါက်လာ ဖွယ် ရှိပါသည်။ ယခုအချိန်ကတည်းကပင် သတင်းများအရ စစ်တပ်မှ အရာရှိများနှင့် ကြံ့ဖွံ့အဖွဲ့ဝင်များအကြား ကြီးလေးသည့် သဘောထားကွဲလွဲမှုများ၊ တင်းမာမှုများ စတင်ပေါ်ပေါက်လာနေပြီဟု ဆိုကြပါသည်။ ကြံ့ဖွံ့အဖွဲ့ဝင်များက စစ်တပ်၏ အုပ်ချုပ် ရေးလုပ်ပိုင်ခွင့်အတွင်း ၀င်ရောက်စွက်ဖက်မှုများ ရှိလာခဲ့ပြီး၊ အကျိုးစီးပွားဆိုင်ရာ ပြဿနာများအပေါ် အခြေခံ၍ မကြေ လည်မှုများ ပေါ်ပေါက်လာခြင်း ဖြစ်ပါသည်။
စစ်တပ်က အာဏာခွဲဝေအုပ်ချုပ်ခြင်းဆိုင်ရာ ကိစ္စများတွင် အတွေ့အကြုံ မရှိခဲ့ကြသည့်အလျောက်၊ စစ်ဗိုလ်ချုပ်များက လည်း ကြံ့ဖွံ့အဖွဲ့ဝင်များ အစွမ်းပြလာကြသည်ကို လက်ခံနိုင်ရန် ခက်ခဲပါလိမ့်မည်။
"စစ်တပ်ထဲက အရာရှိတော်တော်များများက ကြံ့ဖွံ့တွေကို မုန်းကြတယ်။ ဗိုလ်ချုပ်သန်းရွှေ အချိန်လွန်သွားတာနဲ့အမျှ သူတို့လည်း ကျသွားမှာပဲလို့ တွက်ထားကြတယ်" စစ်တပ်နှင့် နီးစပ်သည့်သူများက ဆိုကြပါသည်။
မည်သူက ကြိုးဆွဲသည်ပင်ဖြစ်စေ၊ အစိုးရက အာဏာဗဟိုချက်မ ၂-ခုနှင့် အလုပ်လုပ်နေရလျှင် ကြီးလေးသည့် အတွင်း ဂိုဏ်းဂဏ ပဋိပက္ခများကြုံရဖွယ် ရှိသလို၊ အုပ်ချုပ်ရေးအဖွဲ့အတွင်း ဘာမှ လုပ်၍ကိုင်၍ မရသည့် အခြေအနေမျိုးလည်း ဖြစ်နေနိုင်ပါသည်။
အချို့သော ထောက်ခံပြောဆိုသူများက ယခုပုံစံအတိုင်းဖြင့် တဖြည်းဖြည်း ပြောင်းလဲတိုးတက်လာကာ နောက်ဆုံး ပွင့်လင်း လွတ်လပ်သည့် အခြေအနေ ရောက်သွားနိုင်သည်ဟုလည်း ဆိုကြပါသည်။ ထိုသူများက စစ်တပ်၏ ဖွဲ့စည်းပုံ အခြေခံ ဥပဒေသည် အားနည်းချက်များ ရှိနေသော်လည်း၊ နောက်ထပ် မျိုးဆက်သစ် စစ်တပ်ခေါင်းဆောင်များအတွက် ပြုပြင် ပြောင်းလဲနိုင်သော အခွင့်အလမ်းများ ရလာစေမည်ဟု ယုံကြည်နေကြပါသည်။ ထိုသူများက ယခု ဗိုလ်ချုပ်များရေးဆွဲ ထားသည့် အားနည်းချက်များပြည့်နေသော ဒီမိုကရေစီပုံစံကို လက်ခံလိုက်ပြီး၊ ရေရှည်တွင် လူအများက ပို၍ လက်ခံနိုင် ဖွယ်ရှိသည့် အဖြေဖြစ်ပေါ်လာစေရန် စတင်သည့် တာထွက်အဖြစ် အသုံးချနိုင်သည်ဟုလည်း ဆိုကြပါသည်။
သို့သော်လည်း ၂၀၁၀ ရွေးကောက်ပွဲအပြီး ပေါ်ထွက်လာမည့် အစိုးရ၏ အာဏာပြိုင်ဆိုင်မှု သဘောသဘာဝအတွင်း၌ လမ်းပွင့်လာမည့်သဘော၊ ရေရှည်တွင် ဒီမိုကရေစီပြုပြင်ပြောင်းလဲရေး ဖြစ်ပေါ်လာမည့် အနေအထားကို မတွေ့ကြရပါ။ ဤသို့ဖြစ်ခဲ့မည်ဆိုလျှင်သော်မှ ရေရှည်သည် မည်မျှအချိန်ယူ စောင့်ကြရမည်နည်း၊ မည်မျှ ရေရှည်မည်နည်းဟု မေးခွန်း ထုတ်ဖွယ် ရှိနေပါသည်။ သိပ်ရေရှည်ကြာမြင့်လွန်းမည်ဆိုပါကလည်း တိုင်းပြည်အတွင်းနှင့် ပြင်ပရှိ အတိုက်အခံအဖွဲ့ အစည်းများအနေဖြင့် မဟာဗျူဟာအရ အရေးမပါတော့သည့် အနေအထားတိုင် ရောက်ရှိသွားနိုင်ပါသည်။
အမှန်တွင် စစ်အစိုးရက အတင်းအကျပ်ချထားသည့် ဖွဲ့စည်းပုံ အခြေခံဥပဒေအတွင်း၌ နိုင်ငံရေးအရ ပြုပြင်ပြောင်းလဲမှုများ ဖြစ်ပေါ်လာရန် အခြေအနေ မရှိပါ။ စစ်တပ်၏ ဖွဲ့စည်းပုံတွင် ပြင်ဆင်ဖြည့်စွက်ချက်များ ပြုရန် ကြံစည်ထားသည် ထားဦး၊ စစ်တပ်က လွှမ်းမိုးထားသည့် လွှတ်တော်ဆွေးနွေးပွဲများတွင်သော်လည်းကောင်း၊ အသစ်သော အာဏာဖွဲ့စည်းပုံအရ သော်လည်းကောင်း၊ တဖြည်းဖြည်းပြုပြင်ပြောင်းလဲရေးများ လုပ်ဆောင်သွားမည်ဟူသည့် မျှော်လင့်ချက်မှာ ဖြစ်နိုင်ခြေ မရှိ ပါ။ လူထုက ဖိအားပေးတောင်းဆိုကြပြီး၊ နောက်ဆုံး စစ်တပ်က လိုက်လျောညှိနှိုင်းဆွေးနွေးရသည့် အခြေအနေမှသာ လက်ရှိ ဗိုလ်နေမြဲ-ကျားနေမြဲ အခြေအနေမှ ရုန်းထွက်နိုင်ဖွယ် ရှိပါသည်။ သို့မဟုတ်ပါက ၂၀၁၀ ရွေးကောက်ပွဲပြီး အလား အလာများကလည်း အားလျော့ဖွယ် မှေးမှိန်နေပါသည်။
သို့အတွက်ကြောင့် ကုလသမဂ္ဂ ဦးဆောင်သည့် နိုင်ငံတကာမိသားစုအနေဖြင့် မြန်မာနိုင်ငံတွင် အင်အားစုအားလုံး ပါဝင်နိုင် သည့် နိုင်ငံရေးပြေလည်မှု ရရှိစေရေးအတွက် ၂၀၁၀ မတိုင်မီတွင် ၎င်းတို့၏ ကြိုးပမ်းမှုများကို နှစ်ဆတိုးဆောင်ရွက်ကြရန် လိုအပ်နေပါသည်။ အရေးပါသည့် အင်အားစု၊ အဖွဲ့အသီးသီးအကြား အဓိပ္ပါယ်ရှိသည့် တွေ့ဆုံဆွေးနွေးပွဲများ ဖြစ်လာစေ ရေးအတွက် အင်အားသုံးစေ့စပ်စေသည့် သံတမာန်ရေးနည်းလမ်းဖြင့် ကြားဝင်ရန် လိုအပ်နေပြီ ဖြစ်ပါသည်။ စစ်အစိုးရကို "ယုံကြည်လက်ခံနိုင်ဖွယ်ရှိသည့်၊ အင်အားစု အားလုံးပါဝင်နိုင်သည့်" ရွေးကောက်ပွဲများ ကျင်းပပေးပါရန် မေတ္တာရပ်ခံနေရုံ မျှဖြင့် အလုပ်မဖြစ်နိုင်ပါ။
ဤရွေးကောက်ပွဲများမှ ထွက်ပေါ်လာမည့်ရလဒ်သည် စစ်အစိုးရ၏ ဖွဲ့စည်းပုံ ဥပဒေအလိုကျအတိုင်း ဖြစ်လာလိမ့်မည်ကို နိုင်ငံတကာ မိသားစု အနေဖြင့် အပြည့်အ၀ နားလည်သဘောပေါက်ထားရန် လိုအပ်ပါသည်။ သို့မဟုတ်ပါက ဇူလိုင် ၁၉ ရက်နေ့က ဘရပ်ဆယ်တွင် ဥရောပသမဂ္ဂခေါင်းဆောင်များ ပြုခဲ့ကြသကဲ့သို့ အမှားကြီး ထပ်မံကျူးလွန်ဖွယ် ဖြစ်လာနိုင်ပါ သည်။ ထိုအစည်းအဝေးတွင် ဥရောပသမဂ္ဂခေါင်းဆောင်များက စစ်အစိုးရအနေဖြင့် " ၂၀၁၀ ခုနှစ်တွင် ရွေးကောက်ပွဲ ကျင်းပပေးမည်ဟု ကြေညာထားသည့်အတိုင်း ပြင်ဆင်မှုများ သေချာဆောင်ရွက်ရန်နှင့် လူအများလက်ခံယုံကြည်နိုင်သည့်၊ အားလုံးက အပြည့်အ၀ ပါဝင်ဆောင်ရွက်နိုင်ခွင့်ရှိသည့် ဒီမိုကရေစီစနစ်သို့ ပြောင်းလဲရေးလုပ်ငန်းစဉ်အဖြစ် အကောင် အထည်ဖော်ရန်" တောင်းဆိုခဲ့ကြသည်။ အတွင်း တရားကိုယ်သဘောအရ၊ နောက်ဆက်တွဲ ဖြစ်လာနိုင်သည့် အကျိုးဆက် များအရ အန္တရာယ်ကို တွက်ဆခြင်းမပြုဘဲ ဥရောပသမဂ္ဂ ခေါင်းဆောင်များက ၂၀၁၀ ရွေးကောက်ပွဲကို အလောသုံးဆယ် တွန်းအားပေးခဲ့ကြသည်။ ဤသို့ဆောင်ရွက်ခဲ့သည်ကိုလည်း သူတို့က မြန်မာပြည် ဒီမိုကရေစီအရေး အတွက် ဆောင်ရွက် ပေးခဲ့ပြီဟု ကြေနပ်ပုံလည်း ရနေကြသည်။ ကျင့်ဝတ်ပိုင်းဆိုင်ရာအရ ၀မ်းနည်းဖွယ်ကိစ္စဖြစ်ပြီး၊ မဟာ ဗျူဟာအရ အကြီးအကျယ်လွဲချော်မှုလည်း ဖြစ်ပေသည်။
မကြာမီကာလတွင် မြန်မာနိုင်ငံသို့ နောက်ထပ်တခေါက် လာရန် ရည်ရွယ်ထားသည့် ကုလသမဂ္ဂ၏ အထူးသံ မစ္စတာ အီဗရာဟင် ဂမ်ဘာရီအနေဖြင့်လည်း စစ်အစိုးရ၏ ဖွဲ့စည်းပုံ အခြေခံဥပဒေနှင့် ၂၀၁၀ ရွေးကောက်ပွဲကို တရားဝင် ထောက် ခံမှု မပေးမိလိုက်စေရန် အထူးသတိထားရပါလိမ့်မည်။ အင်အားစု အားလုံးပါဝင်နိုင်ခြေရှိသည်ဟု တွက်ဆခဲ့ပြီး စစ်အစိုးရ၏ "လမ်းပြမြေပုံ" ကို တချိန်က ထောက်ခံခဲ့သည့် ကုလသမဂ္ဂ အနေဖြင့်၊ ယခုအချိန်တွင် ဤမြေပုံသည် အခြားအရေးပါသည့် အင်အားစုများကို စုစည်း ဆွဲဆောင်နိုင်ခြင်း မရှိတော့သည့်အတွက် မကိုက်ညီတော့ကြောင်း ပြတ်သားရှင်းလင်းစွာ ပြောဆိုရတော့မည့် အချိန် ဖြစ်ပါသည်။
အချုပ်ဆိုရသော် ကုလသမဂ္ဂ ဦးဆောင်သည့် နိုင်ငံတကာမိသားစုအနေဖြင့် ၂၀၁၀ ခုနှစ် မတိုင်မီအတွင်း မြန်မာနိုင်ငံတွင် အင်အားစုအားလုံး ပါဝင်ဖြေရှင်းနိုင်မည့် နိုင်ငံရေးပြေလည်မှု ရရှိရေးအတွက် ကြိုးပမ်းဆောင်ရွက်ချက်များကို လက်မလျှော့ သင့်သေးပါကြောင်း တင်ပြလိုက်ရပါသည်။
မင်းဇင်ရေးသားသည့် The 2010 Election Challenges ကို ဆီလျော်အောင် ပြန်ဆိုဖော်ပြပါသည်။
သတင်းထောက်တဦးရဲ့ ရင်ဖွင့်သံ … လပွတ္တာမြင်ကွင်း
အောင်သက်ဝိုင်း/ လပွတ္တာ ဇူလိုင် ၁၆၊ ၂၀၀၈
ကျနော် အခု လပွတ္တာက ပြန်ရောက်ရောက်ချင်း အင်တာနက်ဆိုင်ကိုတန်းဝင်လာတာပါ။ အခြေအနေတွေက အစိုးရပြော သလို လုံးဝမဟုတ်ဘူးဗျ။ တော်တော်ကို ဆိုးတယ်။ အရင်တုန်းက ဒုက္ခသည်တွေက စခန်းတွေမှာ ဒုက္ခခံရတယ်။ အခု ကိုယ့်နေရာကိုယ်ပြန်ပြီး ဒုက္ခခံရတယ်။ ကိုင်းသောင်၊ ကညင်ကုန်း၊ ရွေး၊ ပြင်စလူ ရွာတွေရောက်ခဲ့တယ်။ ပြန်လည်ထူထောင် ရေးအတွက်ဆိုပြီး လုပ်အားဝင်ပေးခိုင်းတာ အကြီးအကျယ်ပဲ။ ဆက်ဖတ်ရန် အပြည့်အစုံ ကို Click နှိပ်ပါ။
“မင်းတို့ ရပ်ရွာတွေ ပြန်လည်ထူထောင်ဖို့ ငါတို့စစ်သားတွေက ရောက်လာတာ။ မင်းတို့တတွေ ငါတို့နဲ့ ပူးပေါင်းလုပ်” ဆိုပြီး လုပ်အားပေးခိုင်းတာပဲ။ ရိုက်တာ၊ နှက်တာတွေလည်း ရှိတယ်။ ၃မိုင်၊ ၅မိုင်နဲ့ ရတနာဒီပ ကစားကွင်းက နေရပ်မပြန်သေးတဲ့ ဒုက္ခသည်တွေအများကြီး လုပ်အားပေးအခိုင်းခံနေရတယ်။ သူတို့က လုံးဝမပြန်ချင်ကြဘူး။ လုပ်အားပေးမလိုက်ရင် စခန်းက မောင်းထုတ်မယ်ဆိုလို့သာ လုပ်အားပေး လိုက်ကြရတာ။ စခန်းတွေကို သြဂုတ် ၅ ရက်နေ့ နောက်ဆုံးထားပြီး ဖျက်မယ်၊ မပြန်ရင် အကြမ်းဖက်မယ်လို့သတိပေးထားတယ်။
ကုလသမဂ္ဂကို သိပ်အထင်မကြီးနဲ့ဗျို့။ သူတို့တွေက လူထုနဲ့တသားတည်းမဖြစ်ဘူး။ ဒေါ်လာရလို့ အလုပ်လာလုပ်နေကြတာ။ ဒုက္ခသည်တွေ အရမ်းအခက်အခဲဖြစ်နေတယ်ဆိုတာ သိတာတောင် သတင်းမထုတ်ပြန်ပေးကြဘူး။ အစိုးရငြိုငြင်မှာ အရမ်း ကြောက်နေကြတယ်။ သူတို့တွေက အခြေအနေကို အမြဲထိတွေ့နေရတာ။ သိတယ်။ သူတို့ရဲ့ဒေါ်လာရနေတဲ့ လုပ်ငန်းတွေ ရပ်သွားမှာစိုးလို့ သိရဲ့သားနဲ့ မသိလိုက် မသိဘာသာ မျက်လုံးစုံမှိတ်နေကြတာ။
သူတို့အတွက်သုံးနေတဲ့ စရိတ်တွေက ဒုက္ခသည်တွေကို ထောက်ပံ့နေတဲ့စရိတ်ထက် များမယ်လို့ ထင်တယ်။ အိမ်အကောင်း စားတွေကို တလ ကျပ် ၁၀ သိန်း နဲ့ ၁၅ သိန်းအကြားပေးပြီး ငှားနေကြတယ်။ တကယ်လို့သာ သူတို့တွေ စေတနာရှိရင် အသုံးစရိတ်ကို လျှော့ချပြီး ဒုက္ခသည်တွေအတွက် သုံးငွေ အပိုထွက်လာအောင် လုပ်သင့်တာပေါ့ဗျာ။ ပြီးတော့ သူတို့တွေက ၀တ်ကျေတန်းကျေဗျ။ လူမှုရေးစိတ်ဓာတ်အရင်းခံပြီး လာလုပ်နေတာ မဟုတ်ဘူး။ တော်တော်စိတ်ပျက်ဖို့ ကောင်းတယ်။
အခု ထပ်တောင်းတဲ့ ဒေါ်လာ သန်း ၂၈၀ ဆိုတာ သူတို့အတွက်ပဲ နေမှာပေါ့။ ဒုက္ခသည်တွေကတော့ တာပေါ်လင်စကို အမိုး အကာလုပ်၊ ၀ါးလုံးနဲ့ တဲထိုး၊ WFP က မသေရုံပေးတဲ့ ဧည့်မထ ဆန်ညံ့ကို စားနေရတာ။ မိုးလေးရွာနေလို့ ဒုက္ခသည်တွေ အတွက် ရေအဆင်ပြေနေတာ။ မိုးသာမရွာရင်တော့ ဖြစ်လိုက်မယ့်ကပ်ရောဂါတွေ။ ဆေးကုသမှုအပိုင်းနဲ့ ပတ်သက်လို့လည်း အဲဒီ အန်ဂျီအိုတွေ မရောက်သေးတဲ့ နေရာတွေ အများကြီး ရှိသေးတယ်။ အဓိက ပြောချင်တာကတော့ ဒုက္ခသည်တွေမှာ အားကိုးရာမရှိဘူး။
ကျနော်ရောက်သွားတဲ့ ရွာတွေက ဒုက္ခသည်တွေက ကျနော့်ကိုတိုင်ကြတယ်။ သူတို့ရင်ဆိုင်နေရတဲ့ အခြေအနေတွေကိုပေါ့။ သူတို့စိတ်ထဲမှာ ကျနော်က သူတို့ကို တခုခုဖြစ်အောင် ကူညီပေးနိုင်မယ်ဆိုပြီး မျှော်လင့်နေကြတယ်။ အဲဒါ ကျနော် ၀မ်းအနည်းဆုံးပဲ။ ကျနော်က သူတို့အတွက် သတင်းရေးပေးရုံကလွဲရင် ဘာဆိုဘာမှ မတတ်နိုင်ဘူးဗျ။ ကျနော်ရေးတဲ့ သတင်းတွေက သူတို့တွေကို မကယ်တင်နိုင်ဘူးဆိုတာ ကျနော်ကိုယ်တိုင် သိတယ်။
ကမ္ဘာက သိမယ်၊ နိုင်ငံတကာက သိမယ်၊ ဒါလောက်ပဲ။ အဲဒါအကုန်ပဲ။ ကုလသမဂ္ဂဆိုတဲ့ အဖွဲ့အစည်းကြီး တွေတောင် လပွတ္တာ မြို့ပေါ်မှာရှိနေပြီး ဒီဒုက္ခသည်တွေကို မကူညီနိုင်တာ ကျနော်လို သတင်းထောက် တယောက်က ဘာကူညီနိုင် မှာလဲ။ ကျနော့်အတွက်တော့ သတင်းကောင်းတွေ ရမယ်၊ လူတွေဖတ်ကြမယ်၊ အရေးကောင်းရင် ချီးကျူးကြမယ်၊ ဒါပဲ။ လာမယ့် ဇူလိုင်လကုန်ဆိုရင် ၃ မိုင်၊ ၅မိုင်၊ ရတနာဒီပက လူတွေကို ဆွဲထုတ်မယ်။ တဲတွေဖျက်မယ်။ နှင်မယ်။ ပြောမရရင် ရိုက်ကောင်းရိုက်မယ်။
ဟိုးအရင် လပွတ္တာမြို့ပေါ်က ဒုက္ခသည်စခန်းတွေကနေ ဒုက္ခသည်တွေကို ၃ မိုင်၊ ၅မိုင်နဲ့ ရတနာဒီပ စခန်းတွေကို ပို့တုန်းက ဘယ်လို ပို့ခဲ့တယ်ထင်လဲ။ ဘုရားကြီးဝင်းနဲ့ မြို့ပေါ်စခန်းက လူတွေကိုညနေ ၄ နာရီလောက် လပွတ္တာ မြို့မှာတပ်စွဲထားတဲ့ တပ်မ ၆၆ က စစ်သားတွေက နံပါတ်တုတ်တွေ သေနတ်တွေကိုင်၊ ဒုက္ခသည်စခန်းတွေကို ၀ိုင်း၊ ပြီးတော့ ကားကြီးတွေပေါ် ကို ကျွဲနွားတွေလို မောင်းတင်ခဲ့တာဗျ။ အဲဒါ အခုမှ ဒုက္ခသည်တွေက ကျနော့်ကို ပြောပြတာ။ သူတို့အဲဒီလို ထပ်လုပ်ခံရမှာ ကြောက်နေကြတယ်။
အဲဒီလို ဒုက္ခသည်စခန်းတွေကို အင်အားသုံးရွှေ့တာ ကုလသမဂ္ဂက မြန်မာဝန်ထမ်းတွေသိတယ်။ ဘာဖြစ်လို့ သတင်းမထုတ် ခဲ့ကြတာလဲ။ အဲဒီဖြစ်ရပ်ကို မြို့ခံတွေအားလုံးလည်းသိတယ်။ အခုနောက်တကြိမ် အဲဒီလို ဖြစ်ဦးမယ်။ ပြီးတော့ စခန်းကို တာဝန်ယူထားတဲ့တပ်နဲ့ အာဏာပိုင်တွေက ညနေ အရက်မူးလာရင် “သူများ ထမင်းစားပြီး အပျင်းတက်နေတဲ့ ဟာတွေ၊ သူတောင်းစားတွေ၊ ကိုယ့်အိမ်ကိုယ် ပြန်ကြပါလား” ဆိုပြီး ဆဲတယ်။ အဲဒါ မခံနိုင်တဲ့ ဒုက္ခသည်မိသားစုတွေက၊ အထူးသဖြင့် ယောက်ျားတွေက ပြန်အော်ရင် ခေါ်ပြီးရိုက်၊ ပြီးတော့ အဲဒီမိသားစုကို စခန်းက မောင်းထုတ်တယ်။ အဲဒါ တကယ့်ဖြစ်ရပ်မှန် တွေ။ စခန်း ၃ ခုစလုံးမှာ ဖြစ်နေတာ။ ပြီးတော့ အလှူရှင်တွေလာရင် ဘာမှ မလိုအပ်ဘူးဆိုပြီး ပြောခိုင်းတယ်။ အရမ်းလှူချင် တဲ့သူတွေက ဇွဲကောင်းကောင်းနဲ့ အကြာကြီး စကားတွေပြောပြီးမှ လှူလို့ ရတယ်။ အဲဒီအခြေအနေတွေကို ကုလသမဂ္ဂ သိမှာပါ။ ဒါပေမယ့်သူတို့ ဘာကြောင့် နှုတ်ဆိတ်နေကြတာလဲ ...။
ပြီးတော့လည်း TCG (အာဆီယံ၊ ကုလသမဂ္ဂ၊ နအဖ … သုံးပွင့်ဆိုင် ဗဟိုအဖွဲ့) ဘာတွေ ဘယ်လို စာရင်းကောက် သွားတယ် မသိဘူးလို့ လပွတ္တာ မြို့ခံတွေက ပြောတယ်။ လူငယ်လေးတွေ လာတယ်တဲ့။ သူတို့က အာဆီယံ ... ဘာဘာ ညာညာ အဖွဲ့ ကပါပေါ့။ ရွာတွေမှာ ဘာတွေ ဖြစ်နေလဲသိချင်တယ်ဆိုပြီး လပွတ္တာမြို့ပေါ်မှာနေတဲ့ ရယကကို မရမက မေးတယ်။ ဟိုက ကျနော်တို့ အရမ်းကြီးမသိဘူး။ ရွာကို လိုက်ပို့ပေးမယ်ဆိုပြီးပြောတော့ အချိန်မရလို့ပါ၊ မြန်မြန်နဲ့ ခန့်မှန်းပြောပါဆိုပြီး စာရင်း တွေကောက်သွားလေရဲ့။ အဲဒါဘယ်လိုလုပ်ပြီး စာရင်းအမှန် ထွက်မလဲ။ ကျနော့်မှာ လူသက်သေတွေ၊ အထောက်အထား တွေအများကြီးရှိတယ်။ စာရင်းတွေကို အပေါ်ယံ လုပ်သွားကြတာလေ။ အဲဒါ TGC ပေါ့။ အဲဒီ အစီရင်ခံစာက အခြေအနေမှန် ကို လုံးဝထင်ဟပ်မပြနိုင်တာ သေချာပေါက်ပဲ။
ပြီးတော့ အစိုးရနဲ့ VOA နဲ့ ဖြစ်ခဲ့တဲ့ လေဆင်နှာမောင်းကိစ္စ။ အစိုးရက လေဆင်နှာမောင်း မတိုက်ဘူး။ VOA ကတိုက်တယ် ဆိုပြီး ဖြစ်ခဲ့တာ။ တကယ်တော့ တိုက်ခဲ့တယ်။ လပွတ္တာမြို့ ၃ မိုင် နားက ရွာတွေမှာ အိမ်တွေ အလုံးလိုက်ကို ကျွတ်ထွက် တာ။ သို့သော် VOA က ပြောတဲ့နေရာ လွဲသွားတာ။ အဲဒါ အစိုးရက ချက်ကောင်းရပြီဆိုပြီး ကိုင်လိုက်တာဗျ။
နောက်တခုက အစိုးရ ပြောနေတဲ့ လယ်ထွန်စက်တွေ ပေးနေတယ်။ မျိူးစပါးတွေ ပေးနေတယ်။ လှေတွေ၊ ပိုက်တွေပေးနေ တယ်ဆိုတဲ့ကိစ္စ။ ရွာက လူတွေက ကျနော့်ကို ဘာပြောလဲသိလား။ မင်းက အစိုးရဘက်ကလားတဲ့။ သူတို့ဘာမှမရဘူးတဲ့။ ရတဲ့ရွာတွေတော့ ရှိတယ်တဲ့။ ဟုတ်တယ်။ ရတဲ့ရွာတွေရှိတယ်။ သို့သော် စက်အစုတ်။ လယ်တဧကကို ဒီဇယ်ဆီ ၂ ဂါလန် ပေးတယ်။ ဒါပေမယ့် အဲဒီစက်အစုတ်တွေက ပျက်တယ်။ ပြီးတော့ ဆီအရမ်းစားတယ်။ တဧက ထွန်ဖို့ ၄ ဂါလံနဲ့ ၅ ဂါလံ ကုန်တယ်တဲ့။ ပြီးတော့ စက် ၁၀ လုံးမှာ ၃ လုံးလောက်ပဲ ကောင်းတယ်တဲ့။ အဲဒီကောင်းတဲ့ ၃ လုံးကို ကိုယ့်လယ်မှာ ထွန်နိုင် ဖို့ ရွာလူကြီးကို ၂ သိန်းလာဘ်ထိုးရတယ်။ ပြီးတော့ ပေးတာက အသုံးမကျတဲ့စပါး၊ နှံကား ဆိုတာ။ သူက ဆန်နာမည်ဆိုရင် မနောသုခပေါ့။ ကျဲလိုက်တယ်။ တပင်မှ မပေါက်ဘူး။ သူတို့အရင်ကစိုက်တဲ့ မျိူးစပါးကလည်း လုံးဝမရတော့ လယ်သမား တွေ ပက်လက်လန်ရော။
စပါးပင်မရှိတဲ့လယ်ကွင်းတွေကို မြစ်ကမ်းတလျှောက်မှာမြင်ခဲ့တယ်။ အစိုးရ လိမ်တာတွေကတော့ အံ့ရောပဲ။ စပါးပင်ရှိတဲ့ လယ်ကွင်းတွေကိုတော့ လပွတ္တာမြို့အ၀င် လမ်းတလျှောက်မှာပဲ တွေ့ခဲ့ရတယ်။ ဒါက မုန်တိုင်းသင့် ဧရိယာ တခုလုံးနဲ့ နှိုင်းရင် ဘာမှ မဟုတ်ဘူးနော်။ တကယ့်ကို ရင်မောစရာပဲ။
ဒုက္ခသည်တွေကြောင့် ဒုက္ခသည်စခန်းကို အုပ်ချူပ်တဲ့ လူကြီးမင်းတွေနဲ့ မြို့ရဲ့ ရယက၊ မရက ဆွေတော်၊ မျိုးတော်၊ လပွတ္တာ မြို့ခံ အိမ်ပိုင်ရှင်တွေ အတော့်ကို ချမ်းသာလာကြပြီ။ စားသောက်ဆိုင်တွေဆိုတာ ကြက်ပျံမကျ။ ပြီးတော့ လပွတ္တာမှာ UN က မမတွေ၊ ကိုကိုတွေ၊ ဦးကြီးတွေ၊ တခြား INGO က ကိုကို၊ မမ၊ ဦးကြီးတွေရဲ့ ချစ်ဇာတ်လမ်းလေးတွေကတော့ ဒေါ်လာငွေ ရာချီပေးငှားထားတဲ့ အိမ်ကြီး အိမ်ကောင်းတွေပေါ်မှာ ရှိလာပြီ။
ဒုက္ခသည်တွေကို လျစ်လျူရှုတဲ့သူတို့ကို ကျနော်တကယ်မုန်းတယ်။ ဒါပေမယ့် ဘာမှမသိရှာလေတဲ့ ဒုက္ခသည် အများစုက တော့ UN နဲ့ INGO က ကျပ်ငွေ သောင်းဂဏန်းနဲ့ ဆန်လေးတွေပေးတာကို ကယ်တင်ရှင်ကြီးတွေအလား ထင်မှတ်ယူဆ ကိုးကွယ်နေကြတယ်ဗျ။ ဆရာမ၊ ဆရာဆိုပြီး လေးလေးစားစား ရိုရိုသေသေ အောက်ကျို့ ဆက်ဆံနေကြတယ်။ အေးပေါ့ လေ။ အစိုးရက လုပ်မပေးတာထက်စာရင် သူတို့ကလုပ်ပေးနေတော့ ကယ်တင်ရှင်ကြီးတွေလို့ ထင်နေတာ သိပ်တော့ မဆန်းပါဘူး။ ကျနော်ကတော့ သူတို့ကို ဆောရီးပဲ။ အပြောကတော့ ရွှေမန်းတင်မောင်၊ အကကတော့ ချိုမိုင်မိုင်ဆိုတာတွေ။အရင် ခရီးစဉ်တုန်းက ဒုက္ခသည်တွေကို သနားစိတ်၊ ဒီUN နဲ့ INGO တွေကို မုန်းတဲ့စိတ်နဲ့ ပြန်ခဲ့ရတယ်။ အခု ခရီးစဉ်လည်း ဒီလိုပဲ၊ နောက်ခရီးစဉ်လည်း ဒီလိုပဲလာဦးမှာပဲ။ ဘာဖြစ်လို့လည်းဆိုတော့ သူတို့တွေက လူစိတ်မရှိတဲ့သူတွေ ဖြစ်နေလို့ပါ။ အိုကေ။ ကျနော်ပြောတာတွေ စိတ်ရှည်လက်ရှည် နားထောင်ပေးတဲ့အတွက် ကျေးဇူးအထူးတင်ပါတယ်။ ရင်ထဲမှာ တော်တော်လေး ပေါ့သွားပြီ။
Rest of your post
Tuesday, July 15, 2008
အာချဲအိပ်မက် ပျက်မပျက် (ခေတ်ပြိုင် အယ်ဒီတာအာဘော်)
နာဂစ်မုန်တိုင်းထိဒေသများကြောင့် မြန်မာနိုင်ငံ၌ ဆန်ပြတ်လပ်မှာ စိုးရိမ်စရာ မရှိကြောင်း စစ် အစိုးရက ကြေညာ၏။ သို့သော် လာမည့် သြဂုတ်၊ စက်တင်ဘာ၊ အောက်တိုဘာမှစ၍ ရန်ကုန်မှာ ဆန်ပြတ်လပ်ပြီး တပြည်လုံး လူမှုရေးအုံကြွမှုများ ဖြစ်လာနိုင်သည်ဟု ပကတိ စီးပွားရေး ကိန်း ဂဏန်းများကို အခြေပြုပြီး ခေတ်ပြိုင်က ထောက်ပြထား၏။ ဆက်ဖတ်ရန် အပြည့်အစုံ ကို Click နှိပ်ပါ။
တဘက်ကလည်း သြဂုတ်၊ စက်တင်ဘာ၊ အောက်တိုဘာ၊ သုံးလအတွက် ဆန်ကို ဈေးမတင်ဘဲ ထိန်းရောင်းပေးရန် ရန်ကုန် ဒုတိယမြို့တော်ဝန် မောင်ပါက ရန်ကုန်ဘုရင့်နောင် ဆန်ကုန်သည် ကြီးများကို မကြာခင်က ကြိတ်ပြီး အမိန့်ထုတ်ထားပြန်၏။ ထိုအချက်က ဆန်ပြတ်လပ်မည့်ကိစ္စ စစ်အစိုးရ မည်မျှပူပန်နေသည်ကို ထင်ထင်ရှားရှား ပြနေ၏။ ဈေးကွက်ကို အမိန့်ဖြင့် ၀င်ရောက် စွက်ဖက်ခြင်းသည် စင်စစ် ဈေးကွက်စီးပွားရေးကို ဆန့်ကျင်ခြင်းဖြစ်၏။
ဒုတိယမြို့တော်ဝန် မောင်ပါ၏ အမိန့်ကြောင့် ဘုရင့်နောင် ဆန်ကုန်သည်ကြီးများ လုပ်စားရန် မဖြစ် တော့ဘဲ ဆန်ပွဲရုံများ ပိတ်ရမည့်ကိန်း ဆိုက်နေ၏။ လက်တွေ့အခြေအနေကို ကြည့်လျှင်လည်း စပါး ဈေးက အောက်မြန်မာနိုင်ငံတွင် တင်း (၁၀၀) ကို ကျပ် (၄) သိန်းဝန်းကျင်ထက် လျော့ခြင်းမရှိ။ ဆန်ဈေးကလည်း ထိပ်စဆန်ဈေးက တတင်းခွဲ တအိတ်ကို (၃၆,၀၀၀) ကျော်နေသည့်အတွက် ၂၀၀၆ ခုနှစ် ယခုအချိန် ဈေးထက် (၂) နှစ်အတွင်း (၁၂၅) ရာနှုန်း တက်လာ၏။ကမ္ဘာ့စားနပ်ရိက္ခာနှင့် စိုက်ပျိုးရေးအဖွဲ့(FAO) က ထုတ်ပြန်သည့် စာရင်းအရ မုန်တိုင်းဒဏ် ပြင်းပြင်းထန်ထန် ခံရသည့် ဧရာဝတီတိုင်း၊ ရန်ကုန်တိုင်း (၁၁) မြို့နယ်တွင် စပါးစိုက်နိုင်သည့် ဧကမှာ ထို (၁၁) မြို့နယ်ရှိ စုစုပေါင်း စိုက်ဧက၏ (၄၄) ရာနှုန်းသာရှိ၏။ ၂၀၀၈ မိုးစပါး စိုက်ရန် လိုသည့် မျိုးစပါးတန်ချိန်မှာ အဆိုပါ (၁၁) မြို့နယ်အတွက် တန်ချိန် (၃) ထောင်ကျော် လို၏။ အဆိုပါ (၁၁) မြို့နယ်၏ ခိုင်းကျွဲ၊ ခိုင်းနွား ဆုံးရှုံးမှုမှာ မုန်တိုင်းမတိုက်မီကာလ အရေအတွက်၏ (၃၄) ရာနှုန်းရှိ၏။
လက်တွေ့အခြေအနေကို ကြည့်လျှင် ဆားငန်ရေ၀င်သည့် ပြဿနာ၊ ခိုင်းကျွဲ၊ ခိုင်းနွား မလုံလောက် သည့်ပြဿနာ၊ လယ်လုပ်သား ရှားပါးသည့်ပြဿနာ စသည်တို့ကြောင့် (၄၄) ရာနှုန်းပြည့်အောင် ပြန်စိုက်နိုင်ရန်မလွယ်။ လိုအပ်သည့် မျိုးစပါးလည်း အပြည့်အ၀ မရသည့်ပြင် မိုးစပါးစိုက်ချိန်လည်း လွန်နေပြီဖြစ်၏။
မိုးစပါးအထွက်ကို မျှော်ကိုး၍ မရသည့်အခြေအနေတွင် ကုန်သည်ကို စစ်အစိုးရက ဓားကြိမ်းကြိမ်း ပြီး လာမည့် သြဂုတ်၊ စက်တင်ဘာ၊ အောက်တိုဘာအတွက် ဆန်ဈေးထိန်းရန်ဆိုသည်မှာ ရယ်စရာ ဖြစ်နေ၏။ မြန်မာစစ်အစိုးရ ကြိတ်ပြီး ချောက်ချားနေသည်မှာ ပေါ်လွင်၏။
စင်စင် ခုတ်ရာတခြား ရှရာတလွဲ ဖြစ်နေခြင်းကို စစ်အစိုးရ သဘောမပေါက်။ ပြည်သူတရပ်လုံး ယူကျုံးမရ ဖြစ်နေသည့် နာဂစ်မုန်တိုင်းဖြစ်သည့်ကိစ္စ အခွင့်ကောင်းယူပြီး အန်အယ်လ်ဒီနှင့် ပူးပေါင်း နိုင်ငံရေးအဖြေရှာခဲ့လျှင် ပြည်သူကလည်း ထောက်ခံမည်၊ နိုင်ငံတကာမှာလည်း မျက်နှာပွင့်မည်ကို စစ်ခေါင်းဆောင်များ သိဖို့ကောင်း၏။ကမ္ဘာ့အတွေ့အကြုံကိုကြည့်လျှင် နိုင်ငံရေးနှင့် သဘာဝဘေးအန္တရာယ်တို့ ဆက်စပ်မှုရှိ၏။ သဘာဝ ဘေးအန္တရာယ်ဒဏ် ဆိုးရွားလေ နိုင်ငံရေးမတည်ငြိမ်မှု ပိုများလေဖြစ်သည်ဟု နိုင်ငံတကာ လေ့လာ သူတွေက ယူဆ၏။ အထူးသဖြင့် နိုင်ငံရေး၊ စီးပွားရေး တိုးတက်မှုနည်းသည့် နိုင်ငံများတွင် ပို၍ မတည်ငြိမ်မှုများလေဟု ထောက်ပြကြ၏။
၂၀၀၄ ဆူနာမီ မတိုင်ခင်ကဆိုလျှင် အင်ဒိုနီးရှားအစိုးရနှင့် ဆူနာမီဒဏ်ခံရသည့် အာချဲပြည်နယ်ကြား နိုင်ငံရေး ပဋိပက္ခကြီးမား၏။ အာချဲခွဲထွက်ရေးသမားများနှင့် အင်ဒိုနီးရှား အစိုးရကြား နှစ် (၄၀) ကျော် ဖြေရှင်းမရသည့် နိုင်ငံရေးပြဿနာဖြစ်၏။ အာချဲပြည်နယ်ကို ကမ္ဘာနှင့်အဆက်ဖြတ်ထားပြီး စစ်အုပ်ချုပ်ရေး ပြဋ္ဌာန်းထားသည့်အချိန် ဆူနာမီဝင်လာခြင်းဖြစ်၏။ ထိုအချက်ကို အခွင့်ကောင်းယူ၍ ဆူနာမီမတိုင်မီ (၂) လအလိုမှာ အင်ဒိုနီးရှားသမ္မတဖြစ်လာသူ ဆူဆီလိုဘန်ဘန်းက အာချဲလက်နက် ကိုင် ခွဲထွက်ရေးသမားများနှင့် ဆွေးနွေး၏။
ဆွေးနွေးမှုရလဒ်အဖြစ် ဆူနာမီဒဏ်ခံရသည့် အာချဲကို နိုင်ငံတကာက အချိန်မီ ကယ်ဆယ်ခွင့် ရသကဲ့သို့ ပြန်လည်တည်ဆောက်ရေးကိုလည်း အလုံးအရင်းနှင့် ကူညီခွင့်ရ၏။ နောက်ဆုံး အင်ဒို နီးရှားအစိုးရနှင့် အာချဲခွဲထွက်ရေးသမားများကြား ငြိမ်းချမ်းရေးစာချုပ် ချုပ်နိုင်၏။ အာချဲခွဲထွက် ရေးခေါင်းဆောင်ကို အာချဲပြည်နယ် အုပ်ချုပ်ရေးမှူးအဖြစ် တင်မြှောက်နိုင်ခဲ့၏ ထိုအချက်ကို ကမ္ဘာက ဥပမာကောင်းအဖြစ် ယူဆ၏။
မြန်မာနိုင်ငံကို နာဂစ်မုန်တိုင်းတိုက်ပြီဆုိတော့ အာချဲမှာ ကူညီခဲ့သည့် နိုင်ငံတကာ စစ်သင်္ဘောများ ကယ်ဆယ်ရန် အချိန်မီရောက်လာ၏။ မြန်မာစစ်အစိုးရက အန်အယ်လ်ဒီနှင့် ဆွေးနွေးပြီး ဧရာဝတီ တိုင်း ကယ်ဆယ်ရေး ဖွင့်ပေးလေမလား ကမ္ဘာက မျှော်လင့်၏။ အာချဲကဲ့သို့ ဖြစ်နိုးနိုးအများက စိတ်ကူးယဉ်၏။ ပိတ်နေသည့် မြန်မာ့နိုင်ငံရေးကို နာဂစ်က ဖွင့်လေမလား အိပ်မက်မက်သူများက မက်၏။
လက်တွေ့အခြေအနေတွင်မူ အန်အယ်လ်ဒီသည် အာချဲခွဲထွက်ရေးသမားများကဲ့သို့ ဧရာဝတီတိုင်း လွတ်မြောက်ရေးအတွက် လက်နက်ကိုင် တိုက်ပွဲဝင်နေသည့် ပါတီမဟုတ်။ တပြည်လုံးက မဲဆန္ဒ ရှင်များလိုလားသည့်အချက် အကောင်အထည်ဖော်ရန် တာဝန်ရှိသည့် ပါတီဖြစ်၏။ အကြမ်းမဖက် လမ်းစဉ် စွဲကိုင်သည့်ပါတီဖြစ်၏။ ပါတီခေါင်းဆောင်ကလည်း အကျယ်ချုပ်ကျနေ၏။
ဗိုလ်ချုပ်မှူးကြီးသန်းရွှေကလည်း ဆူနာမီကာလ အင်ဒိုနီးရှားသမ္မတ ဆူဆီလိုဘန်ဘန်းကဲ့သို့ စိတ်ရင်းမျိုးထားနိုင်သူမဟုတ်။ နာဂစ်ကြောင့် အလောင်းများ သိန်းသန်းချီနေသည်ကိုပင် သတင်း ပတ်အတော်ကြာသည်ထိ လှည့်မကြည့်ဘဲ နေရက်သူဖြစ်၏။ ပြည်သူနှင့် အတိုက်အခံအပေါ် ရက်စက်ရန် ၀န်မလေးသူဖြစ်၏။ ထို့ကြောင့်လည်း ဧရာဝတီတိုင်း ကယ်ဆယ်မည့် နိုင်ငံတကာ စစ်သင်္ဘောများကို လက်ညိုးထိုးပြီး ရန်လုပ်တော့၏။ ခေတ်သစ် ငရမာန်ကန်းနှင့် စောလူးမင်း ပုံပြင်ဟုပင် ဆိုနိုင်၏။
ဇာတ်ပေါင်းသော် ကယ်ဆယ်ရေးထက် ပြည်သူအလောင်းများပေါ် စစ်ဖိနပ်နင်း၊ ဆန္ဒခံယူပွဲလုပ်ပြီင်္း စစ်အစိုးရက တဖက်သတ်အနိုင်ယူသွား၏။ ပြည်သူများ မျက်ရည်မစဲခင် စစ်အုပ်ချုပ်ရေးကို အာမခံ ချက်ပေးမည့် ရွေးကောက်ပွဲခြေလှမ်းသစ်ကို စစ်အစိုးရက ပြင်၏။ အန်အယ်လ်ဒီကလည်း စစ်အစိုးရ ဆန္ဒခံယူပွဲကို ကန့်ကွက်ရင်း အသံတိမ်သွား၏။ ဤတွင် မြန်မာ့နိုင်ငံရေးအတွက် အာချဲအိပ်မက် ပျက်လေပလားဟု တွေးရန်ရှိ၏။
စစ်အစိုးရအခြေအနေမှာလည်း အာဏာ လက်နက်နှင့် အုပ်ချုပ်ခွင့်ရနေသည့်တိုင် နိုင်ငံရေးအရ အသာစီးမဟုတ်၊ စစ်အစိုးရမျှော်မှန်းသည့် ပထမကြိမ် လွှတ်တော်ခေါ်ပြီး အစိုးရဖွဲ့ပြီးမှသာ စိတ် အေးရမည့် အနေအထားဖြစ်၏။ အန်အယ်လ်ဒီမှာလည်း စစ်အစိုးရနှင့် ဆွေးနွေးခွင့် မရသေးသည့် တိုင် နိုင်ငံရေးအရ နာလန်မထူတော့သည့် အနေအထားမဟုတ်။
အာချဲအိပ်မက် ပျက်မပျက်ဆိုသည်မှာ မြန်မာစစ်ခေါင်းဆောင်များအပေါ်တည်၏။ ဆန်အကျပ် အတည်းရောက်မှ အန်အယ်လ်ဒီနှင့် ဆွေးနွေးရသည်ဆိုလျှင် တိုင်းပြည် ပိုနာမည်။ မြန်မာစစ်ခေါင်း ဆောင်များ အမြင်မှန်ရရန် ခေတ်ပြိုင်က တိုက်တွန်းလိုပါ၏။ ။
ဆိုက်ကလုန်းနာဂစ်မုန်တိုင်းသည် မြန်မာနိုင်ငံ ပြောင်းလဲစေမည့်အချက်လော
၂၀၀၄ ခု ဒီဇင်ဘာ အင်ဒိုနီးရှားနိုင်ငံ အာချဲပြည်နယ် တခုလုံးကို ရစရာမရှိအောင် ဖျက်ဆီးခဲ့သော ဆူနာ မီလှိုင်းကြီးသည် လူသားများအတွက် ကြေကွဲဝမ်း နည်းဖွယ်ရာဖြစ်သော်လည်း ငြိမ်းချမ်းရေး သဘော တူညီမှုပုံစံဖြင့် နိုင်ငံရေး အရ မင်္ဂလာတပါး ဖြစ်ခဲ့ သည်။ မြန်မာနိုင်ငံတွင် မေ (၂) ရက်က တိုက်ခတ် ခဲ့သည့် ၂၀၀၄ ခုက အင်ဒိုနီးရှားနိုင်ငံတွင် ဆူနာမီဖြစ်ပွားခဲ့ချိန်၌ အင်ဒိုနီးရှားအစိုးရသည် အာချဲပြည်နယ်ရှိ ခွဲထွက်ရေးအုပ်စုနှင့် တိုက်ပွဲဝင်နေသည်မှာ နှစ်ပေါင်း (၄၀) ကျော် ကြာမြင့်ခဲ့ပြီဖြစ်သည်။ ထိုပြည် နယ်သည် ညမထွက်ရ အမိန့်အောက်တွင် နှစ်ပေါင်းများစွာရှိခဲ့ပြီး နိုင်ငံတကာ လူ့အခွင့်အရေး အဖွဲ့ များ၊ လူသားချင်း စာနာထောက်ထားသော ကူညီမှုအဖွဲ့အစည်းများနှင့် သတင်းထောက်များကို လည်း ၀င်ခွင့်ပိတ်ပင်ထားသည့် နယ်မြေဖြစ်သည်။
ဆူဆီလို ဘန်ဘန်း ယူဒယိုနိုသည် ဆူနာမီမဖြစ်ပွားမီ (၂) လခန့်အလို အချိန်ပိုင်းတွင် အင်ဒိုနီးရှား သမ္မတဖြစ်လာသူဖြစ်ပြီး ဆူနာမီကို အခွင့်ကောင်းယူကာ အာချဲပြည်နယ်ရှိ ခွဲထွက်ရေးသမားများနှင့် စေ့စပ်ညှိနှိုင်းမှုများ ပြုလုပ်ရန် လမ်းဖွင့်ပေးခဲ့သည်။
ထို့အတွက် ရလဒ်မှာ အကြီးမားဆုံးသော သဘာဝဘေးအန္တရာယ် ပြန်လည်ထူထောင်မှုတခု ဖြစ်လာ ခဲ့ပြီး လက်ရှိခေတ်ကာလတွင် အလုံးအရင်းလိုက် ပြန်လည်တည်ဆောက်ရေး အားထုတ်မှုများလည်း ဖြစ်လာခဲ့သည်။ ထိုမှတဆင့် ခွဲထွက်ရေးသမားများနှင့် ငြိမ်းချမ်းရေး သဘောတူညီချက် ရလာ သည့်ပြင် အာချဲပြည်နယ် ခွဲထွက်ရေးခေါင်းဆောင်ကို ပြည်နယ်အုပ်ချုပ်ရေးမှူးအဖြစ် ရွေးချယ် တင်မြှောက်နိုင်ခဲ့သည်။
လွန်ခဲ့သည့် နှစ်ပေါင်း (၂၀) အတွင်း နှစ်စဉ်လိုလို လူပေါင်း သန်း (၂၀၀) ကျော်သည် သဘာဝ ဘေးအန္တရာယ်ဒဏ်ကို ခံစားခဲ့ကြရသည်။ ကမ္ဘာ့လူဦးရေ တိုးပွားလာသည်နှင့်အမျှ လေထု ပူနွေး လာခြင်းများ၊ ရေကြီးခြင်းများ၊ တိုင်ဖုန်းမုန်တိုင်း၊ ဟာရီကိန်းမုန်တိုင်း တိုက်ခတ်မှုများ မကြာခဏ ဖြစ်ပွားနေသည်ဖြစ်ရာ ထိုဖြစ်ရပ်များကြောင့် နိုင်ငံရေးအရ အကျိုးဆက်များ ရှိလာမည်မှာ အသေ အချာပင်ဖြစ်သည်။ မကြာသေးခင်က ဖြစ်ပွားခဲ့သော သဘာဝဘေးအန္တရာယ်ကြီး (၂) ခုသည် နိုင်ငံရေးနှင့် သဘာဝဘေးအန္တရာယ် ဆက်နွှယ်နေသည်ဆိုသည့်သဘောကို ပြသခဲ့သည်။
ပထမအချက်အနေဖြင့် ဘေးအန္တရာယ်ဖြစ်ပွားမှု ပိုမိုပြင်းထန်လေ နိုင်ငံရေးအရ မငြိမ်သက်မှုသည် ပိုလေ ဖြစ်သည်။ ဒုတိယအချက်အနေဖြင့် နိုင်ငံရေး၊ စီးပွားရေး ဖွံ့ဖြိုးမှုမရှိသော နိုင်ငံများတွင် မတည်မငြိမ်ဖြစ်မှု ပို၍များသည်။ ထို (၂) ချက်လုံး ထည့်သွင်းစဉ်းစားလျှင် မြန်မာနိုင်ငံတွင် ဖြစ်ပွား ခဲ့သော မတည်ငြိမ်မှုမှာ အတော်ဆိုးဝါးမည်ဖြစ်သည်။
မိုးလေ၀သ ရှုထောင့်မှ ကြည့်မည်ဆိုလျှင် ဆိုင်ကလုန်းနာဂစ်သည် ဟာရီကိန်း ကက်ထရီးနား လောက် မပြင်းထန်။ သို့သော် မြန်မာနိုင်ငံအတွက် အတွေ့အကြုံမှာ ဆွေစဉ်မျိုးဆက် တုနှိုင်းစရာ မရှိလောက်အောင် ပြင်းထန်သည်ဟု ဆိုရမည်။ မြန်မာနိုင်ငံကဲ့သို့ နိုင်ငံရေး၊ စီးပွားရေးအရ အာရှ တွင် မတိုးတက်မှု နှိုင်းပြိုင်စရာဆို၍ မြောက်ကိုရီးယားသာ ရှိသည်။
မြန်မာနိုင်ငံ၏ ဆန်အထွက်နှုန်း အများဆုံးဖြစ်သည့် ဧရာဝတီမြစ်ဝကျွန်းပေါ်ဒေသနှင့် ရန်ကုန်မြို့ နယ်တို့ကို နာဂစ်မုန်တိုင်း တိုက်ခတ်သွားပြီး (၁၀) ရက်ကြာသည့်အချိန်အတွင်း စစ်အစိုးရသည် နိုင်ငံခြား ကယ်ဆယ်ရေး လက်တဆုပ်စာမျှကိုသာ ပြည်တွင်းသို့ ၀င်ခွင့်ပြုခဲ့သည်။
ကိုယ်တွေ့သတင်းပို့ချက်များတွင် စိတ်မကောင်းဖွယ်ရာ လူသေအလောင်းများ ချောင်းမြောင်းများ ထဲတွင် မျောနေသည့် ဓာတ်ပုံများနှင့် အိုးမဲ့အိမ်မဲ့ဖြစ်သွားသော မိသားစုများ ချို့တဲ့လှသည့် ဒုက္ခ သည်စခန်းများသို့ ရွှေ့ပြောင်းနေပုံများကို တွေ့ရသည်။ စစ်အစိုးရကို ပြည်ပနိုင်ငံများမှ ဖိအားပေး မှုကြောင့် ကုလသမဂ္ဂ အေဂျင်စီများ၊ ပူးတွဲအစိုးရ အေဂျင်စီများနှင့် နိုင်ငံတကာ NGO များမှ သဘာဝဘေးအန္တရာယ် ကယ်ဆယ်ရေးအဖွဲ့များ ပြည်တွင်းသို့ ၀င်ခွင့်ရလာကြခြင်းဖြစ်သည်။
သန်း (၅၀) ရှိသော မြန်မာနိုင်ငံ လူဦးရေကို (၄၅) နှစ်ကျော်ကာလအထိ လူ့အခြေခံလိုအပ်ချက်များ မဖြည့်တင်းနိုင်သည့်နေရာတွင် ကမ်းကုန်လောက်အောင် မှတ်တမ်းတင်ထားရသည့် စစ်အစိုးရ အနေဖြင့် မုန်တိုင်းဆိုးကျိုးကို ကာလကြာရှည်စွာ မခံစားနိုင်ဖို့ဆိုလျှင် နိုင်ငံတကာအကူအညီ (ကယ်ဆယ်ရေး ကျွမ်းကျင်သူများ၊ ရိက္ခာနှင့် ကုန်ကြမ်းများ၊ ငွေကြေး) လိုအပ်မည်ဆိုသည်မှာ အသေအချာပင် ဖြစ်သည်။
ကမ္ဘာ့အခြားနေရာများတွင် အတွေ့အကြုံများရှိခဲ့သည်မှာ မှန်သော်လည်း နာဂစ်မုန်တိုင်းသည် မြန်မာနိုင်ငံ အာဏာတည်ဆောက်မှုထိခိုက်ရန် မည်သို့မျှ အရာထင်နိုင်မည် မဟုတ်ပေ။ အမှန် တွင်လည်း အစိုးရသည် မုန်တိုင်းသင့် ဒုက္ခသည်များကို မဖြစ်စလောက် ကူညီရန် ကြိုးစားရသည့် အရှုံးများထက်စာလျှင် မေ (၁၀) ရက်တွင် ပြုလုပ်သည့် ဖွဲ့စည်းပုံအခြေခံဥပဒေအတွက် ဆန္ဒခံယူ ပွဲတွင် နိုင်ငံရေးအကျိုးအမြတ် များစွာရရှိခဲ့သည်။
ဒေါ်အောင်ဆန်းစုကြည်ကို နေအိမ်အကျယ်ချုပ် (၁၀) နှစ်ကျော် ချထားသော၊ စိတ်ကူးပြောင်းပြီး နေပြည်တော်သို့ ရွှေ့သွားသော၊ ပြီးခဲ့သည့်နှစ် စက်တင်ဘာက သံဃာတော်များ ဦးဆောင်သည့် လူထုဆန္ဒပြပွဲကို အင်အားသုံး နှိမ်နင်းခဲ့သော အစိုးရသည်လည်း ထိုစစ်အစိုးရပင်ဖြစ်သည်။
သဘောထားအမြင် ကွဲလွဲသော ဥပဒေသများ ရှိနေသော ကမ္ဘာကြီးတွင် ကျွန်ုပ်တို့ နေထိုင်နေကြ ရခြင်းဖြစ်သည်။ သူတပါးနိုင်ငံတွင်းရှိ ပြည်တွင်းရေးများကို ၀င်မစွက်ရေးဆိုသည့် ကြာမြင့်နေပြီ ဖြစ်သော ဥပဒေသသည်လည်း အချက်တချက်ဖြစ်သည်။ ထိုဥပဒေသ တခုတည်းနှင့်ပင် မြန်မာ အစိုးရအနေဖြင့် ဆိုင်ကလုန်းနာဂစ်ကြောင့် ဖြစ်ပွားခဲ့ရသည့် ပျက်စီးဆုံးရှုံးမှုများကို ပြုပြင်ရာတွင် မည်သည့်နိုင်ငံခြားအကူအညီကို လက်ခံမည်၊ လက်မခံမည်ကို ၎င်းဘာသာ ဆုံးဖြတ်တာဝန်ယူ နိုင်ခွင့် ရှိနေသည်။
ဟာရီကိန်း ကက်ထရီးနား တိုက်ပြီးနောက်တွင် အမေရိကန်အစိုးရသည် ကုလသမဂ္ဂအပါအ၀င် နိုင်ငံခြားအစိုးရများ၏ အကူအညီများကို ငြင်းဆန်ခဲ့သည်မှာလည်း ထိုဥပဒေသကြောင့် ဖြစ်သည်။ ထိုသို့ အကူအညီများကို လက်မခံရသည်မှာ အကူအညီပေးအပ်ခြင်းကို ကြီးကြပ်ရန်အတွက် တာဝန်ရှိမှုအပေါ်တွင် မူတည်သည်။
မကြာသေးမီ ကာလများတွင် အသုံးများလာသည့် ဥပဒေတခုမှာ အစိုးရက တမင်ဖြစ်စေ၊ ကူညီ နိုင်မည့် အနေအထားမျိုး မရှိ၍ဖြစ်စေ ပြည်သူများကို ရက်ရက်စက်စက် ကျူးလွန်နေသည့် အခြေ အနေမျိုးရှိလျှင် နိုင်ငံတကာအသိုင်းအ၀န်းမှ ၀င်ရောက်စွက်ဖက်နိုင်သည်ဟူ၍ဖြစ်သည်။ ကြားဝင် မစွက်ရေးဥပဒေသမှာ ကုလသမဂ္ဂ တည်ထောင်ကတည်းက ရှိနေခဲ့ပြီး နိုင်ငံတကာမှ ၀င်စွက်ခွင့် (R2P) သည် ၂၀၀၅ တွင် ကျင်းပသည့် ကုလသမဂ္ဂ အထွေထွေညီလာခံ ဆုံးဖြတ်ချက်မှတဆင့် နိုင်ငံတကာဥပဒေ ဖြစ်လာသည်။
ထို့အပြင် နိုင်ငံတကာမှ ၀င်စွက်ခွင့် (R2P) သည် သဘာဝဘေးအန္တရာယ်၊ ကပ်ရောဂါနှင့် အခြား အလားတူ ဖြစ်ရပ်မျိုးများအတွက် မဟုတ်ဘဲ အစုလိုက်အပြုံလိုက် ရက်စက်ယုတ်မာမှုများနှင့် ရင် ဆိုင်နေရသည့် အချိန်မျိုးတွင် နိုင်ငံတကာမှ အရေးယူရန် လမ်းညွှန်ပြထားပေးခြင်းဖြစ်သည်။ ထို R2P ကို ဒါဖာ အရေးအခင်းတွင် အသုံးပြုခဲ့သော်လည်း အောင်မြင်မှု များများစားစား မရရှိခဲ့ပေ။ ထိုဥပဒေကို ထပ်မံတိုးချဲ့မည်ဆိုလျှင်လည်း ကုလသမဂ္ဂအဖွဲ့ဝင်နိုင်ငံ အတော်များများက ဆန့်ကျင် ကြမည်ဖြစ်သည်။ ထိုဥပဒေကို ထပ်မံချဲ့ထွင်ရန် ကြိုးစားမည်ဆိုလျှင် လူမျိုးတုံးအောင် သတ်ဖြတ် နေမှုများတွင် R2P ကို ထောက်ခံမည့်အင်အားလည်း ပိုမို၍ လျော့နည်းသွားနိုင်သည်။
မြန်မာအစိုးရအနေဖြင့် နိုင်ငံခြားအစိုးရများနှင့် နိုင်ငံတကာ အန်ဂျီအိုများက ကမ်းလှမ်းသည့် အကူ အညီများကို ဆက်လက်ပြီး ငြင်းဆန်သွားမည့် အနေအထားတွင် ရှိနေပုံရသည်။ ယခုအနေ အထား၌ မြန်မာမုန်တိုင်းသင့် ဒုက္ခသည်များအတွက် အကောင်းဆုံး မျှော်လင့်ချက်မှာ တရုတ်နှင့် အိန္ဒိယနိုင်ငံ အပါအ၀င် အာဆီယံအဖွဲ့ဝင် နိုင်ငံများနှင့် အိမ်နီးချင်းနိုင်ငံများဖြစ်သည့် ခြိမ်းခြောက်မှု အသွင်မျိုး မဆောင်သည့် အကူအညီများကို အချိန်မနှောင်းခင် လုံလုံလောက်လောက် ပေးနိုင်ရေးပင် ဖြစ်သည်။
(Brookings-Bern စီမံကိန်းမှ ပြည်တွင်း ရွာပုန်းရွာရှောင် ကိစ္စဆိုင်ရာ ပူးတွဲညွှန်ကြားရေးမှူး Elizabeth Ferris နှင့် အမေရိကန်နိုင်ငံ ဂျော့ဝါရှင်တန်တက္ကသိုလ်မှ ထွန်းသစ်စဈေးကွက်များ ဘဏ္ဍာရေးဆိုင်ရာ ကျွမ်းကျင်သူ Mr. Lex Rieffel တို့ ပူးတွဲရေးသားသည့် ဆောင်းပါးကို ဘာသာပြန်ထားခြင်းဖြစ်သည်)
Thursday, July 10, 2008
မုန်တိုင်းလွန်ကာလ ပြန်လည်ထူထောင်ရေး နှေးကွေးမှုကြောင့် (၂၀၀၈/၂၀၀၉) စပါးအထွက်နှုန်း စိုးရိမ်ဖွယ်ရာဖြစ်
မုန်တိုင်းလွန်ကာလ ပြန်လည်ထူထောင်ရေး နှေးကွေးမှုကြောင့် (၂၀၀၈/၂၀၀၉) စပါးအထွက်နှုန်း စိုးရိမ်ဖွယ်ရာဖြစ်
အပူပိုင်းဒေသ ဆိုင်ကလုန်းနာဂစ်သည် မြန်မာနိုင်ငံ၏ အဓိက စပါးစိုက်ပျိုးရာဒေသဖြစ်သည့်
ဧရာဝတီ မြစ်ဝကျွန်းပေါ်ဒေသ အောက်ပိုင်းကို မေ (၂) ရက်က တိုက်ခတ်သွားခဲ့ရာ စိုက်ပျိုးရေး မြေများ၊ အခြေခံအဆောက်အအုံများ၊ ကျွဲနွှားတိရစ္ဆာန်များနှင့် သိုလှောင်ထားသော ရိက္ခာစပါး များကို အကြီးအကျယ် ထိခိုက်ပျက်စီးစေခဲ့သည်။ ဆိုင်ကလုန်းမုန်တိုင်းနှင့်အတူ (၁၂) ပေ အမြင့် ရှိသော လှိုင်းလုံးကြီးသည်လည်း မုန်တိုင်းသွားရာ ကုန်းတွင်းပိုင်း လမ်းကြောင်းအတိုင်း မိုင် (၂၅) မှ (၃၀) အထိ လိုက်ပါလာခဲ့သည်။
ဆက်ဖတ်ရန် အပြည့်အစုံ ကို Click နှိပ်ပါ။
စတုရန်းမိုင် (၂,၀၀၀) နီးပါးရှိသော အချက်အချာကျသည့် လယ်ယာစိုက်ပျိုးမြေများသည် ဆားငန်ရေများ၊ သည်းထန်စွာရွာသွန်းသော မိုးရေများအောက် နစ်မြုပ်ခဲ့ရသည်။ ထိုသို့ ထိခိုက်ပျက်စီးရသည့် စပါးစိုက်ပျိုးရာ နေရာများသည် မြန်မာတနိုင်ငံလုံး စပါးထွက်ရှိမှု၏
(၆၀) ရာခိုင်နှုန်းနီးပါး စပါးထွက်နေသောနေရာများ ဖြစ်သည်။
မုန်တိုင်းဒဏ်ကို တိုက်ရိုက်ခံစားရသည့် လူဦးရေမှာ (၂.၄) သန်းရှိသည်ဟု ကုလသမဂ္ဂက ခန့်မှန်းသည်။ စပါးစိုက်ပျိုးချိန်ရာသီသည် ဇူလိုင်နှောင်းပိုင်းတွင် ကုန်ဆုံးတော့မည်ဖြစ်၍ (၂၀၀၈/၂၀၀၉) အတွက် စပါးအထွက်နှုန်းသည် မရေရာ မသေချာ ဖြစ်နေသည်။
မုန်တိုင်းသင့်ဒေသများရှိ ပျက်စီးသွားသော မြေနေရာများ၊ အခြေခံ အဆောက်အအုံများကို ပြန်လည် အခြေချရေးအတွက် အမှန်တကယ် လုပ်ဆောင်မှုမှာ မရှိသလောက် နည်းပါးနေ
သကဲ့သို့ လယ်သမားများအတွက်လည်း သင့်တင့်လျောက်ပတ်သည့် စားရေရိက္ခာ၊ မျိုးစပါး၊ လက်နက်ကိရိယာ၊ ကျွဲနွှားတိရိစ္ဆာန် သို့မဟုတ် ကျွဲနွားအစားထိုး လယ်ထွန်စက်များအတွက် လိုအပ်သည့် လောင်စာဆီ စသည်တို့ကိုလည်း ထောက်ပံ့ပေးရဦးမည်ဖြစ်သည်။ မုန်တိုင်း
အလွန် ကွင်းဆင်းလေ့လာရေးတွင် အမေရိကန် လယ်ယာစိုက်ပျိုးရေး ၀န်ကြီးဌာန (USDA)
လည်း ပါဝင်ခဲ့ရာ မေ (၅) ရက်တွင် (၄၉၀,၀၀၀) ဟက်တာအထိ ရေလွှမ်းမိုးနေခဲ့သော နေရာများတွင် မေ (၃၀) ရက်၌ (၃၀၀,၀၀၀) ဟက်တာမှာ ရေပြန်ဆင်းသွားပြီ ဖြစ်သည်။
သို့သော်လည်း မုန်တိုင်းဖြစ်ပြီး (၁) လကြာသည့်နောက်ပိုင်းအထိ ခန့်မှန်းချေအားဖြင့် (၁.၄) ဟက်တာ (သို့) မူလက ရေလွှမ်းမိုးခံထားရမှု၏ (၈၀) ရာခိုင်နှုန်း ဧရိယာသည် ရေကြီးသည့်
ဒဏ်ကို ခံနေရဆဲဖြစ်သည်။ ခန့်မှန်းချေအားဖြင့် (၈၇၀,၀၀၀) ဟက်တာမှာ တိုးတက်ပြောင်းလဲ လာသည့် လက္ခဏာ မတွေ့ရပေ။
ရေကြီးသည်က တကြောင်း၊ ထွန်တုံးပိတ်ချိန် စောသည်က တကြောင်းကြောင့် ခန့်မှန်းချေအားဖြင့် (၇၀၀,၀၀၀) ဟက်တာမှာ အဓိကကျသည့် မိုးရာသီတွင် စပါးစိုက်ပျိုးနိုင်မည်မဟုတ်ဟု USDA မှ ကျွမ်းကျင်သူများက ခန့်မှန်းထားသည်။ ထို့ကြောင့် (၂၀၀၈/၂၀၀၉) အတွက် ဆုတ်ယုတ်မည့် စပါးအထွက်နှုန်းမှာ (၇၀၀,၀၀၀) ဟက်တာမှ ထွက်ရှိမည့် စပါးအရေအတွက်ပင် ဖြစ်သည်။
USDA မှ လက်ရှိ ခန့်မှန်းထားသည်မှာ (၂၀၀၈/၂၀၀၉) အတွက် မြန်မာ့ဆန်စပါး ထုတ်လုပ်မှုသည် တန်ချိန် (၉.၄) သန်း (ဆန်စက်ထုတ်လုပ်မှု အခြေပြု) ရှိမည်ဖြစ်ပြီး ပြီးခဲ့သည့်လမှစလျှင် ထုတ် လုပ်မှု တန်ချိန် (၀.၆) သန်း ကျဆင်းသွားမည်ဖြစ်ကာ ပြီးခဲ့သည့်နှစ်ထက်စာလျှင် (၁၂) ရာခိုင်နှုန်း လျော့ကျသွားမည်။ စပါးရိတ်သိမ်းနိုင်မှုကို (၆.၄) သန်း ဟက်တာဟု ခန့်မှန်းထားပြီး ပြီးခဲ့သည့် နှစ်ထက် (၁၀) ရာခိုင်နှုန်း လျော့နည်းသွားမည်။ ထပ်ဆောင်း၍ USDA က ခန့်မှန်းထားသည်မှာ မုန်တိုင်းနှင့် ရေကြီးမှုတို့ကြောင့် အနည်းဆုံး (၂၀၀၇/၂၀၀၈) ဆန်အထွက်နှုန်းမှ ဆန်တန်ချိန် (၁.၀) သန်း ဆုံးရှုံးသွားခဲ့ရသည်။ ထိုဆန်အများစုမှာ လယ်ယာများ၊ ဒေသခံဆန်စက်များ၊ ဆန်ဂို ထောင်များတွင် သိုလှောင်ထားသော ဆန်များဖြစ်သည်။
ရေလွှမ်းပြီး စပါးပျက်စီးမှု အခြေအနေပြ မြေပုံ
မုန်တိုင်းလွန် ပြန်လည်ထူထောင်ရေး ကြိုးပမ်းမှုများမှာ ပြီးခဲ့သည့်လအတွက် လုပ်ဆောင်နေဆဲ ဖြစ်သော်လည်း နိုင်ငံရေးဆိုင်ရာ၊ အဖွဲ့အစည်းဆိုင်ရာ၊ လမ်းပန်းဆက်သွယ်မှုနှင့် ငွေကြေးဆိုင်ရာ အခက်အခဲ အတားအဆီးများ ရှိနေသောကြောင့် လယ်ယာမြေ ပြန်လည်ပြုပြင်ရေးနှင့် မိုးရာသီ
စပါးစိုက်ပျိုးရေးတို့အတွက် လယ်သမား တဦးချင်းစီ၏ လိုအပ်ချက်များကို ထိထိရောက်ရောက် လုပ်ဆောင်နိုင်ခဲ့ခြင်း မရှိပေ။ ဧရာဝတီမြစ်ဝကျွန်းပေါ်ဒေသတွင် မိုးရာသီအတွက် စပါးစိုက်ပျိုး ချိန်သည် ပျိုးခင်းထဲမှ ပျိုးပင်များ လယ်ကွက်အတွင်း ပြန်လည်ကောက်စိုက်မှုအပါအ၀င် ထိုလုပ် ငန်းများကို ဇူလိုင် နောက်ဆုံးပတ်အတွင်း အပြီးသတ်ရသည်။
လယ်ယာမြေများ နေရာအနှံ့အပြား ဖွတ်ဖွတ်ညက်ညက်ကြေအောင် ပျက်စီးရခြင်း၊ ဒေသခံ လယ် သမားတို့၏ ကျွဲနွားအများအပြား သေကျေပျက်စီးရခြင်းကြောင့် မုန်တိုင်းသင့်ဒဏ်ကို အကြီး အကျယ် ခံရသည့် နေရာများတွင် ယခုနှစ်အတွက် စိုက်ပျိုးနိုင်မည့် အခြေအနေတွင် ရှိမနေနိုင်ပေ။ မြန်မာနိုင်ငံ၏ ကျွဲနွားအရေအတွက် အသုံးပြုနှုန်း အများဆုံးမှာ မုန်တိုင်းသင့်သည့်ဒေသတွင် အများဆုံးဖြစ်နေသည်။
မုန်တိုင်းကြောင့် ကျွဲနွားအသေအပျောက် အခြေအနေပြ မြေပုံ
ကုလသမဂ္ဂ၏ စားနပ်ရိက္ခာနှင့် စိုက်ပျိုးရေးအဖွဲ့ (FAO) တွင် မြန်မာနိုင်ငံ၌ မုန်တိုင်းကယ်ဆယ်ရေး အဖွဲ့တဖွဲ့ ရှိနေပြီး ထိုအဖွဲ့သည် စိုက်ပျိုးရေးကဏ္ဍ အသေးစိတ် ကွင်းဆင်းလေ့လာမှုများ လုပ်ဆောင်နေသည်။ အဓိက စိုးရိမ်နေရသည့်အချက်မှာ လယ်ယာသုံး ကျွဲနွားများ ဆုံးရှုံးရခြင်းနှင့် တချိန်တည်းမှာပင် မျိုးစပါးများကို လယ်သမားအရေအတွက်နှင့်အညီ တောနေဒေသများသို့ အချိန်မီ အလုံအလောက် ဖြန့်ဖြူးနိုင်ရေးဖြစ်သည်။ လယ်ယာလုပ်ငန်းခွင်များနှင့် ပတ်သက်ပြီး တခြားနိုင်ငံများနှင့် အခြားဒေသများမှ သယ်ဆောင်လာသော ကျွဲနွားများမှာ ချက်ချင်းခိုင်းစေ၍ မရနိုင်ဘဲ ကျင့်သားရအောင် အချိန်ပေးရသကဲ့သို့ စိုက်ပျိုးရေးအတွက် ကျွဲနွားအစားထိုး အသုံးပြု နေသည့် လယ်ထွန်စက်များအတွက်လည်း လောင်စာဆီချို့တဲ့မှုများနှင့် စက်ပြင်ဆင်သူ လိုအပ် နေမှုများလည်း ရှိနေသည်။
အချုပ်ဆိုရလျှင် လုံလောက်သော မျိုးစပါးကို မြန်မာနိုင်ငံတွင်း၌ ရရှိရန်မသေချာသကဲ့သို့ မြစ်ဝ
ကျွန်းပေါ်ဒေသတွင် အသုံးပြုရန် လိုအပ်မည့် အချက်အမျိုးမျိုးကိုလည်း အဆင်ပြေပြေ ရရှိရန် မသေမချာ ဖြစ်နေသည်။ စိုက်ပျိုးခြင်း မပြုမီ မုန်တိုင်းကြောင့် ပျက်စီးခဲ့ရသည့် လယ်ယာမြေများ ပြန်လည်ပြုပြင်မှုနှင့် ဆားငန်ရေ၀င်ထားသည်တို့ကို ပုံမှန်အတိုင်း ပြန်လည်လုပ်ဆောင်ရန် လိုအပ်နေသည့် စပါးစိုက်ဧရိယာမှာ (၇၀၀,၀၀၀) ဟက်တာအထိ ရှိနေသည်ဟု FAO က ခန့်မှန်း ထားသည်။ လယ်ယာမြေများ အကောင်းဆုံး အနေအထားအထိ ပြန်လည်ရရှိအောင် လုပ်ဆောင် နိုင်စေကာမူ ရက်သတ္တပတ်အနည်းငယ်အတွင်း လုပ်ငန်းခွင် လုပ်ဆောင်မှုတို့ကို စနစ်တကျ ပြီးစီးအောင် လုပ်ဆောင်နိုင်ရန်မှာမူ ဖြစ်နိုင်စရာ အကြောင်းမရှိပေ။ ထို့ကြောင့် (၂၀၀၈/၂၀၀၉) မိုးရာသီတွင် စိုက်ပျိုးရမည့် အချိန်သည် ကုန်လွန်သွားမည်ဖြစ်သည်။
မြန်မာနိုင်ငံ စပါးစိုက်ပျိုးမှု အခြေအနေပြ မြေပုံ
အားလုံး စုပေါင်းမည်ဆိုပါက မုန်တိုင်းသင့်သည့် ဒေသမှာ အဓိက ပြည်နယ်နှင့်တိုင်း (၄) ခုရှိပြီး ထိုဒေသများသည် ခန့်မှန်းချေအားဖြင့် စပါးစိုက်ပျိုးမှု ဟက်တာ (၄.၀) သန်းရှိရာ တနိုင်ငံလုံး စပါးစိုက်ပျိုးမှု၏ (၅၇) ရာခိုင်နှုန်းရှိသည်။ ရေတို ရေရှည် ပျက်စီးမှုအများဆုံးမှာ တနိုင်ငံလုံး၏ စပါးစိုက်ဧက (၃၇) ရာခိုင်နှုန်းရှိသည့် ဧရာဝတီတိုင်းနှင့် ရန်ကုန်တိုင်းတို့ ဖြစ်သည်ဟု မုန်တိုင်း လေ့လာသူများက ထောက်ပြကြသည်။ ထိုတိုင်း (၂) ခုတွင် စပါးစိုက်ပျိုးနိုင်မှု ဟက်တာ (၂.၆) သန်းရှိရာ မူလကတည်းက မုန်တိုင်းကြောင့် ရေကြီးမှု ဖြစ်ပွားသွားသည်မှာ ခန့်မှန်းချေအားဖြင့် ဟက်တာ (၁.၂၅) သန်း ရှိမည်ဟု USDA က ခန့်မှန်းသည်။
မေ (၃၀) ရက်တွင် ရေကြီးမှုမှာ လျော့ပါးသွားသော်လည်း ခန့်မှန်းချေအားဖြင့် ဟက်တာ (၁.၁) သန်းမှာ ရေကြီးမှုဒဏ်ကို အတိုင်းအတာတခုအထိ ဆက်လက်ခံနေရဆဲ ဖြစ်သည်။ ထိုရေကြီးမှု ဒဏ်ကို ဆိုးဆိုးဝါးဝါး ခံနေရာသော ဒေသများမှာ ဧရာဝတီတိုင်းတောင်ပိုင်း ကမ်းရိုးတန်းဒေသ များဖြစ်သည်။
ကုန်းတွင်းပိုင်းရှိ စပါးစိုက်ပျိုးရာ နေရာများတွင် ရေကြီးမှုမှာ ဆိုးဆိုးဝါးဝါး ရှိမနေသောကြောင့် ကမ်းရိုးတန်းဒေသများတွင်ရှိ စပါးစိုက်ပျိုးရာ နေရာများကိုလည်း ပြန်လည်ထူထောင်ရေး၊ ရေနုတ်ရေးအတွက် အကူအညီ ပေးရမည်ဖြစ်သည်။ မုန်တိုင်းဖြစ်ပြီး တလကြာသွားသော်လည်း ရန်ကုန်တိုင်းတောင်ပိုင်း ဆိုးဆိုးဝါးဝါး ရေကြီးသည့် ဒေသများတွင် သိသိသာသာ တိုးတက် ပြောင်းလဲလာမှု မရှိသေးပေ။
မုန်တိုင်းလေ့လာသူတို့ အဆိုအရ မွန်ပြည်နယ်တွင် ထိခိုက်ပျက်စီးမှုမှာ (၂၀၀၈/၂၀၀၉) စပါး အထွက်နှုန်းအတွက် ထိခိုက်မှု မရှိနိုင်ဟု သုံးသပ်ထားသော်လည်း ပြီးခဲ့သည့်လအထိ မွန်ပြည် နယ်ရှိ် စပါးစိုက်ပျိုးရာ အဓိကနေရာများတွင် ရေကြီးမှုများမှာ ရှိနေဆဲဆိုသည့်အချက်ကို မှတ် သားထားရမည်ဖြစ်သည်။ မွန်ပြည်နယ်ရှိ ရေကြီးမှု အပျက်အစီးနှင့် စပါးစိုက်ပျိုးမှု အခြေအနေ ပုံမှန်အတိုင်း ရှိမရှိဆိုသည်တို့ကို ထောက်ပြသည့် လွတ်လပ်သော အစီရင်ခံစာများကိုတော့
USDA က မရရှိသေးပေ။
မေလ (၅) ရက်နှင့် မေလ (၃၀) ရက် ရေကြီးမှု အခြေအနေပြ မြေပုံ
လက်ရှိ မြန်မာပြည်တွင် ရေကြီးနေမှု အတိုင်းအတာသည် ရေတို လယ်ယာအခြေအနေနှင့် စပါး စိုက်ပျိုးမှု အခြေအနေအတွက် မည်မျှအထိ ဆိုးကျိုးပေးမည်ဆိုသည်ကို မသိရှိရသေးပေ။ ပို၍ အရေးကြီးသည်မှာ လယ်မြေထဲ ဆားငန်ရေ ၀င်သည်ကို ပြန်လည်စစ်ထုတ်ရန် အချိန်ယူရမည် ဖြစ်ပြီး လယ်ထဲတွင် ဆားငန်ရေ၀င်ပြီး ပျက်စီးမှုများ ရှိနေပါက စိုက်ပျိုးနိုင်မည့် လယ်ယာပမာဏ လျော့ကျနေဦးမည်ဖြစ်သည်။
စပါးစိုက်ပျိုးထုတ်လုပ်မှုအတွက် ဖြစ်နိုင်မည့် ပျက်စီးမှုအခြေအနေနှင့်၊ စပါးစိုက်ပျိုးမှု အခြေအနေ များကို USDA မှ လာမည့် သတင်းပတ်များအတွင်း ရရှိမည့် သတင်းအချက်အလက်များကို အကဲ ဖြတ်သွားမည်ဖြစ်သည်။ အသေးစိတ် ကွင်းဆင်းလေ့လာချက်များ ပြီးပြည့်စုံသွားပါက ခန့်မှန်း ချက်များကို အသေးစိတ် စိစစ်တည်းဖြတ်ပြီး တင်ပြဦးမည်ဖြစ်သည်။
(အမေရိကန်လယ်ယာစိုက်ပျိုးရေးဝန်ကြီးဌာနမှ ၂၀၀၈ ခု ဇွန် (၁၀) ရက်နေ့စွဲဖြင့် ထုတ်ပြန်သည့် BURMA: 2008/09 Rice Crop Threatened By Slow Post-Cyclone Recovery အစီရင်ခံစာကို ဘာသာပြန်ထားခြင်းဖြစ်သည်)
Rest of your post
Wednesday, July 9, 2008
အရပ်ဖက် အဖွဲ့အစည်းများ အားကောင်းလာစေရေး အားပေးရန် လိုသည်
ရဲနည် ဇူလိုင် ၈၊ ၂၀၀၈
မယုံကြည်နိုင်လောက်စရာ ကောင်းသည်။ မြန်မာနိုင်ငံရှိ မုန်တိုင်းဒဏ်သင့်ခဲ့ရသည့် ဒုက္ခသည်များက ကပ်ဘေးကျရောက် ရအပြီး ၂-လအကြာတွင် စစ်အစိုးရ အာဏာပိုင်များထံမှ ကူညီထောက်ပံ့မှုများ မရရှိကြသော်လည်း ကြံ့ကြံ့ခံ၍ သူတို့၏ ဘ၀များကို ပြန်လည် တည်ဆောက်နေကြပြီ ဖြစ်သည်။
ဆက်ဖတ်ရန် အပြည့်အစုံ ကို Click နှိပ်ပါ။
ဤနာဂစ်မုန်တိုင်းကြီးတွင် အစိုးရထုတ်ပြန်သည့် ကိန်းဂဏန်းများအရ လူပေါင်း ၈၄,၅၃၇ အသက်ဆုံးရှုံးခဲ့ရပြီး၊ လူပေါင်း ၅၃,၈၃၆ ပျောက်ဆုံးနေခဲ့သည်။ ဤမျှ ပြင်းထန်ဖျက်အားပြင်းလှသည့် မုန်တိုင်းကြီးကို ညွှန်းဆို၍ အရှေ့တောင်အာရှနိုင်ငံ များအဖွဲ့ (အာဆီယံ) ၏ အထွေထွေအတွင်းရေးမှူး ဖြစ်သူ ဆူရင် ပစ်ဆူဝန် (Surin Pitsuwan) က " မုန်တိုင်း ကြီး၏ ဆိုးရွားပြင်းထန်လှသည့် ဒေါသကို အံတု၍ အရှုံးပေးလက်မြှောက်ရန် ငြင်းဆန်ကြသည်၊ ပြန်လည်ထရပ်မည်ဟု သံန္နိဌာန် ပြုကြသည်၊ သူတို့၏ ဘ၀အတိုင်း ပြန်လည်ရပ်တည်လာကြသည်ကို တွေ့မြင်ကြရသည်မှာ မိမိတို့အားလုံးအတွက် အမှန်တကယ် စိတ်အားတက်ကြွဖွယ်ပင် ဖြစ်ပါသည်" ဟု ဆိုခဲ့သည်။
ဤသို့ မြန်မာနိုင်ငံရှိ အရပ်ဖက်လူမှုအဖွဲ့အစည်းများအပေါ် ချီးကျူးပြောဆိုခဲ့သည်ကို ကြားကြရသည်မှာ အထူးဝမ်းမြောက် ဖွယ်ပင် ဖြစ်သည်။ အထူးသဖြင့် ဗုဒ္ဓဘာသာ ရဟန်းတော်များ၏ အခန်းကဏ္ဍကို ချီးကျူးပြောဆိုခဲ့ကြပြီး၊ ဤရဟန်းသံဃာ များက ပုဂ္ဂလိက အလှူရှင်များနှင့် လိုအပ်မှုရှိနေကြသည့် ဒုက္ခသည်များအကြား အရေးပါသည့်အခန်းကဏ္ဍမှနေ၍ ကြားဝင် ညှိနှိုင်း ဆောင်ရွက်ပေးခဲ့ကြသည်။ ဒေသဆိုင်ရာ ကယ်ဆယ်ရေး အဖွဲ့အစည်းများ၊ နိုင်ငံတကာ လူသားချင်းစာနာမှုဆိုင်ရာ ကူညီကယ်ဆယ်ရေးအဖွဲ့ အစည်း များတွင် ပါဝင်လုပ်ကိုင်ခဲ့ကြသည့် မြန်မာနိုင်ငံသားများကိုလည်း ကျေးဇူးဆိုရခြိမ့်မည်။ ထိုသူများ၏ ၀ိုင်းဝန်းကူညီမှု များကြောင့်သာ မုန်တိုင်းသင့်ဒုက္ခသည်များအနေဖြင့် ကပ်ဘေးရောဂါများနှင့် ငတ်မွတ်ခေါင်းပါး မှုဘေးကြောင့် နောက်ထပ် ဒုတိယအကြိမ် ကြုံရဖွယ်ရှိသည့် ကပ်ဘေးဒုက္ခဆိုးကို ရှောင်လွှဲနိုင်ခဲ့ခြင်းလည်း ဖြစ်သည်။
သို့သော်လည်း အမှန်တွင် မကြာသေးမီ ကာလတိုင် မြန်မာနိုင်ငံရှိ အရပ်ဖက်လူမှုအဖွဲ့အစည်းများသည် အင်အားအချိနဲ့ဆုံး အခြေအနေတွင်ရှိခဲ့ပြီး၊ လွန်ခဲ့သည့် ဆယ်စုနှစ်များအတွင်းတွင်လည်း မဖွံ့ဖြိုး ခေါင်းမထောင်နိုင်လောက်အောင် နှိပ်ကွပ် ခံခဲ့ရသည်။ အဆက်ဆက်သော အစိုးရများကလည်း အရပ်ဖက်လူမှုအဖွဲ့အစည်းများကို ဖယ်ရှားနိုင်ရန် အစဉ်တစိုက် ကြိုးပမ်းခဲ့ကြပြီး၊ စစ်အစိုးရများ၏ အကျိုးဆောင်ပေးကြမည့် ထိန်းချုပ်ခံ အဖွဲ့အစည်းများကိုသာ ခွင့်ပြုထားခဲ့သည်။
ဤအရပ်ဖက် လူမှုအဖွဲ့အစည်းများက ၁၉၈၈ ခုနှစ် ဒီမိုကရေစီ အရေးတော်ပုံကာလတွင် ပြန်လည် နိုးကြား၍ ပေါ်ပေါက်ခဲ့ဖူး ကြသည်။ ကျောင်းသားအဖွဲ့အစည်းများ၊ သံဃာအဖွဲ့အစည်းများ၊ နိုင်ငံရေးပါတီများ၊ လွတ်လပ်သည့် သတင်းမီဒီယာအဖွဲ့ အစည်းများ မိုးဦးမှိုများလို အနှံ့အပြား ပေါ်ပေါက်လာခဲ့ကြသည်။
ယခုတကြိမ်တွင်တော့ နာဂစ်မုန်တိုင်း အပြီးတွင် ပုဂ္ဂလိက စေတနာအလှူရှင်များ၊ ကယ်ဆယ်ရေးအဖွဲ့များ အများအပြား ပေါ်ပေါက်လာကြသည်။ နာမည်ကြီး အနုပညာသည်များ၊ သတင်းမီဒီယာ အုပ်စုများ၊ စီးပွားရေးလုပ်ငန်းရှင်များ၊ အလှူပေး ရေး အဖွဲ့များကလည်း စိတ်တူကိုယ်တူ လူထုများနှင့် စုပေါင်းဖွဲ့စည်း၍ ကယ်ဆယ်ရေး လုပ်ငန်းများကို တက်တက်ကြွကြွ ဆောင်ရွက်ခဲ့ကြသည်။
သို့သော်လည်း ယနေ့ကာလတိုင် စစ်အစိုးရ အာဏာပိုင်များက လွတ်လပ်သည့် အရပ်ဖက်လူမှုအဖွဲ့ အစည်းများကို စောင့်ကြည့်၍ တင်းကျပ်စွာ ထိန်းချုပ်ထားဆဲပင် ဖြစ်သည်။ စစ်အစိုးရက မျက်နှာသာပေးမှ ပိုမိုလွတ်လပ် စွာ ဆောင်ရွက် ခွင့်ရနိုင်သည့် အခြေအနေလည်း ရှိနေသည်။
စစ်အစိုးရ ခေါင်းဆောင်များအတွင်း ယခုအချိန်တိုင် နိုင်ငံရေးနှင့် စီးပွားရေးဆိုင်ရာ ကိစ္စများ ပြုပြင်ပြောင်းလဲမှု ဆောင်ရွက် ရန်အတွက်လည်း စိတ်ဆန္ဒ မတွေ့ကြရသေးပေ။ ပြုပြင်ပြောင်းလဲရေးကိစ္စများ လုပ်ဆောင်ကြရမည့်အစား မြန်မာစစ်ဗိုလ် ချုပ်များက တက်ကြွလှုပ်ရှားသူများကို ဆက် လက်ဖမ်းဆီးခြင်း၊ လူထုများ၏ အခွင့်အရေးများ ဆက်လက်ချိုးဖောက်နေ ခြင်း၊ အထူးသဖြင့် တိုင်းရင်းသားလူနည်းစု ပြည်သူများကို ဖိနှိပ်နေကြခြင်းများ ဆက်လက်ဆောင်ရွက်နေကြပြီး ၂၀၁၀ တွင် ကျင်းပမည့် ရွေးကောက်ပွဲအတွက် အပြေးအလွှား စီစဉ်နေလျှက် ရှိသည်။
အရပ်ဖက်လူမှုအဖွဲ့အစည်းများကမူ လူထုအများ၏ မျှော်လင့်ချက်များ ပြန်လည်၍ ပျိုးထောင်မြှင့်တင်ပေးရန်၊ တရားမျှတမှု၊ ဗဟုဝါဒ လူ့အဖွဲ့အစည်း၊ နောက်ဆုံး ဒီမိုကရေစီရေးအတွက် အရေးပါသည့် အခန်းကဏ္ဍက စွမ်းဆောင်နိုင်ကြောင်း အထင် ကြီးရလောက်အောင် လက်တွေ့သက်သေပြနိုင်ခဲ့ကြသည်။ သို့သော်လည်း ဤအဖွဲ့အစည်းများကို ကာကွယ်စောင့်ရှောက်မှု ပေးရန်၊ မြေတောင်မြှောက် အားပေးရန်နှင့် ကျယ်ပြန့် သည့် ပို၍ စနစ်တကျစုစည်းမှုရှိသည့် အရပ်ဖက် လူမှုအဖွဲ့အစည်းများ ဖြစ်ပေါ်လာစေရန် တာဝန်မည်သူယူပါမည်နည်း။ ဤမေးခွန်းအတွက် အဖြေမရှိသေးပါ။
ကုလသမဂ္ဂနှင့် အာဆီယံအဖွဲ့တို့အနေဖြင့် စစ်အစိုးရနှင့် ပူးတွဲ၍ ရေတိုကာလ ပြဿနာများဖြစ်သည့် သန့်ရှင်းသည့် သောက်သုံးရေ ရရှိရေး၊ အစားအစာနှင့် အမိုးအကာ ရရှိရေး၊ နောက်ထပ် အသက်များသေဆုံးရသည့် ကပ်ဘေးများ ထပ်မံ မကြုံစေရေး စသဖြင့် နိုင်စွမ်းသမျှ ကူညီဖြေရှင်းဆောင်ရွက်ရန်နှင့် နိုင်ငံတကာ အကူအညီများ ရရှိရေးအတွက် ၀ိုင်းဝန်း ကြိုးပမ်းကြရန် မှန်သော်လည်း၊ နိုင်ငံရေးအရ သင့်မြတ်ပြေလည်မှုရစေရေး အတွက်လည်း ဆက်လက်ကြိုးပမ်းရန် လိုအပ်ပါသည်။
ရေရှည် ဆက်လက်လုပ်ဆောင်ရမည့် ကိစ္စအများ၌ ပိုမိုခိုင်မာ အင်အားကောင်း သည့် အရပ်ဖက်လူမှုအဖွဲ့အစည်းများ ပေါ်ထွန်းလာစေရေးကိုလည်း အရေးပေး အကောင်အထည်ဖော်ရန် လိုအပ်နေပါ သည်။ သို့မှသာ ကြုံတွေ့ရဖွယ်ရှိနေသည့် စီးပွားရေးနှင့် လူသားချင်းစာနာမှုဆိုင်ရာ ကပ်ဘေးများကို ကျော်လွှားနိုင်ကြဖွယ် ရှိပါတော့သည်။
ကုလသမဂ္ဂအနေဖြင့် သတ်သတ် မှတ်မှတ် လုပ်ရန် လိုအပ်နေပေပြီ
မြန်မာနိုင်ငံ၏ စစ်ခေါင်းဆောင် ဗိုလ်ချုပ်မှူးကြီးသန်းရွှေက ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းသို့ အပြည်ပြည်ဆိုင်ရာ ကယ်ဆယ်ရေးလုပ်သားများ မုန်တိုင်းသင့် ဧရာဝတီမြစ်ဝကျွန်းပေါ်ဒေသရှိ ဒေသများသို့ အကန့် အသတ်မရှိ အပြည့်အ၀ ၀င်ရောက်လုပ်ကိုင်ခွင့်ပေးပါမည်ဟု ကတိပြုခဲ့သည်မှာ ရက်သတ္တပတ် ၆ ပတ်ကျော်လာခဲ့ပြီ ဖြစ်သည်။ မူလက လူအများသေကြေဆုံးရှုံးရဖွယ်ရာ အခြေအနေနှင့် ရင်ဆိုင်ခဲ့ကြရပြီး ကုလသမဂ္ဂက “၀င်ရောက် ကာကွယ်ပေးပိုင်ခွင့် တာဝန်” ကို အတင်းအကျပ် အသုံးပြုရတော့မည့် အခြေအနေတိုင် ဆိုက်ခဲ့ရပြီးနောက်၊ ဘန်ကီမွန်းက ဤသို့ ခွင့်ပြုလာချက်ကို ၀မ်းမြောက်ဝမ်းသာ ကြိုဆိုလက်ခံခဲ့သည်။ သို့သော်လည်း သူ၏ "လမ်းဖွင့်နိုင်ခဲ့ပြီ" ဆိုသည့် စကား၏ တန်ဖိုးကိုမူ လူအများက သံသယရှိနေကြဆဲ ဖြစ်သည်။
ဆက်ဖတ်ရန် အပြည့်အစုံ ကို Click နှိပ်ပါ။
ယခုကဲ့သို့ စစ်အစိုးရ၏ ခေါင်းမာမှုအပေါ် အလျှော့ပေး လိုက်လျှောကျေနပ်ခဲ့ရသည်မှာ ကုလသမဂ္ဂအဖို့ ယခုတကြိမ်တည်း မျှသာ မဟုတ်ပေ။ ဘန်ကီမွန်းက သူ၏ရှေ့တော်ပြေး မစ္စတာ အီဗရာဟင် ဂမ်ဘာရီကို မြန်မာစစ်ဗိုလ်ချုပ်များနှင့် တွေ့ဆုံရန် ယခုနှစ် အစောပိုင်းက စေလွှတ်ခဲ့သည့်အခါ စစ်ဗိုလ်ချုပ်များက မစ္စတာဂမ်ဘာရီကို ဆိုးသည့်ကလေး ကြိမ်ဆုံးမသည့် သဖွယ် ဆက်ဆံလွှတ်ခဲ့ကြသည်။ ကမ္ဘာတ၀ှမ်းလုံးက စစ်အစိုးရအပေါ် ပစ်ပယ်ရှုံ့ချသည့် သဘောထားရှိပြီး ဆက်ဆံနေမှု များကို မကျေနပ်ဒေါသဖြစ်နေကြသည့် မြန်မာစစ်ဗိုလ်ချုပ်များက သူတို့၏ဒေါသများကို မစ္စတာဂမ်ဘာရီထံ ပုံအောဖွင့်ချခဲ့ ကြသည်။ သို့သော်လည်း ကုလ အထွေထွေအတွင်းရေးမှူး ဘန်ကီမွန်လာသည့်ကိစ္စက တမျိုးတဘာသာ ဖြစ်သည်။ သူက နိုင်ငံရေးကိစ္စနှင့် မပတ်သက်ဘဲ လာရောက်ခဲ့ခြင်းဖြစ်ပြီး နိုင်ငံတကာ အကူအညီများ ပိုမိုရရှိလာစေရန် ကတိက၀တ်နှင့် တိတိကျကျ ရည်ရွယ်ချက်ချမှတ်လာခဲ့ခြင်း ဖြစ်သည်။ သို့အတွက်ကြောင့်လည်း ပို၍အဆင်ပြေချောမွေ့သော ဆက်ဆံခံရ ပြီး၊ ထိပ်တိုက်ရင်ဆိုင်တိုးရန်အခွင့်နည်းခဲ့သည်။
သို့သော်လည်း မစ္စတာဘန်ကီမွန်းလာရောက်ခဲ့သည့် ခရီးစဉ် ရည်ရွယ်ချက်၏ အောင်မြင်မှုကို လူမည်မျှ၏ အသက်ကို ကယ်ဆယ်နိုင်ခဲ့သနည်းဟူသည့် အရေအတွက်ဖြင့်သာ တိုင်းတာရမည် ဖြစ်သည်။ ယုံကြည်ဖွယ်မကောင်းလှသည့် နာမည် ပျက်နေသူ စစ်အစိုးရ၏ ကတိစကားများဖြင့် တိုင်းတာဆုံးဖြတ်၍ ရလိမ့်မည် မဟုတ်ပေ။ ထိုမျှမက သုံးပွင့်ဆိုင်ဗဟိုအဖွဲ့ (Tripartite Core Group) က ဆောင်ရွက်ပေးနေသည့် ကယ်ဆယ်ရေး ကြိုးပမ်းဆောင်ရွက်ချက်များကလည်း မရေမရာ မသဲမကွဲပင် ရှိနေသေးသည်။ ဤသုံးပွင့်ဆိုင်ဗဟိုအဖွဲ့က ကုလသမဂ္ဂ၏ ကိုယ်စားလှယ်များ၊ အရှေ့တောင်အာရှနိုင်ငံများ အဖွဲ့ (အာဆီယံ)၊ မြန်မာစစ်အစိုးရတို့ ကိုယ်စားလှယ်များဖြင့် စုဖွဲ့ထားခြင်းဖြစ်ပြီး ဤအဖွဲ့က နာဂစ်မုန်တိုင်းကပ်ဘေးဆိုင် ရာ ကယ်ဆယ်ရေးလုပ်ငန်းများ ဦးဆောင်ဦးရွက် ပြုသွားမည်ဟုလည်း ဆိုထားသည်။
ကုလသမဂ္ဂ လူသားချင်းစာနာမှုဆိုင်ရာ ပူးပေါင်းညှိနှိုင်းရေးရုံး (UN OCHA) ၏ ဇွန်လ ၃၀ ရက်နေ့တွင် ထုတ်ပြန်ခဲ့သည့် အစီရင်ခံစာအရ မုန်တိုင်းဒဏ်သင့်ခဲ့ရသူ ဒုက္ခသည် တသန်းကျော်မှာ ယခုတိုင် မည်သည့်အကူအညီမျှ ရရှိခြင်းမရှိသေး ဟု ဆိုပါသည်။ ပို၍ စိတ်ပျက်ဖွယ်ကောင်းသည့် အခြေအနေမှာ လွန်ခဲ့သည့် တလခန့်က ထုတ်ဝေသည့် အစီရင်ခံစာနှင့် နှိုင်းယှဉ်ပါကလည်း ကိန်းဂဏန်းများ မပြောင်းမလဲ ရှိနေခြင်းပင် ဖြစ်သည်။ ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့ (FAO) ၏ ဇွန်လ ၁၃ ရက်နေ့ထုတ် အစီရင်ခံစာအရ "ဇွန်လ ၄ ရက်နေ့တိုင် ပဏာမကြိုတင်ခန့်မှန်းမှုများအရ ကပ်ဘေး သင့်၍ ဒုက္ခခံစားရသည် လူဦးရေ ၂. ၄ သန်းအနက်မှ ၁. ၃ သန်းသော အကျိုးခံစာရဖွယ်ရှိသူများ (ဒုက္ခသည်များ) ထံသို့ သာ အကူအညီများရောက်ရှိနိုင်သေးသည်" ဟု ဆိုပါသည်။
နိုင်ငံတော်က ဦးဆောင်သည့်၊ နိုင်ငံတကာက ပါဝင်ဆောင်ရွက်နေသည့် ကယ်ဆယ်ရေးလုပ်ငန်းများ တလကြာမြင့်သည့် တိုင်အောင် မုန်တိုင်းဒဏ်သင့်ခဲ့ရသူ ဒုက္ခသည် အရေအတွက် တ၀က်နီးပါးမျှမှာ မည်သည့်အတွက်ကြောင့် အကူအညီများ မရရှိ ဖြစ်နေရပါသနည်း။ မေးခွန်းထုတ်ဖွယ် ရှိလာပါသည်။ ဖြစ်နိုင်ဖွယ် အကြောင်းမျိုးစုံ ရှိနိုင်ပါသည်။ ရာသီဥတုပြဿနာ များကြောင့်နှင့် မြစ်ဝကျွန်းပေါ်ဒေသတွင် ပျက်စီးဆုံးရှုံးမှု ပမာဏ ကြီးမားကျယ်ပြန့်ခြင်းကြောင့်လည်း ဖြစ်နိုင်ဖွယ် ရှိပါ သည်။ သို့သော်လည်း အခြားလွတ်လပ်သည့် သတင်းဌာနအမျိုးမျိုး၊ အစီရင်ခံချက် အမျိုးမျိုးမှ တွေ့ရှိနေရသည်ကား ပြဿနာ၏ အဓိက အစိတ်အပိုင်းမှာ စစ်အစိုးရ ကိုယ်တိုင် ဖြစ်နေပါသည်။ ၎င်းတို့က ကယ်ဆယ်ရေးလုပ်ငန်းများ နှောင့် နှေးစေရန် နည်းပေါင်းစုံဖြင့် ဆောင်ရွက်နေကြပါသည်။
ကုလသမဂ္ဂ၏ ဌာနများက စစ်အစိုးရထံ အပြစ်ပုံ လက်ညှိုးမထိုးမိစေရန် သတိပြု ရှောင်လွှဲနေကြပါသည်။ သူတို့က တွေ့ ကြုံရသည့် အခက်အခဲများကို ခြေရာကောက်ပြီး ဒေသဆိုင်ရာ ဗြူရိုကရေစီ အဟန့်အတားများ၊ သို့မဟုတ် စစ်အစိုးရ၏ စစ်ဖက်ဆိုင်ရာ ကြားဝင်စွက်ဖက်မှုများအဖြစ် အချက်ပြဖော်ပြခဲ့ကြပါသည်။ ဥပမာတင်ပြရလျှင် ကုလသမဂ္ဂ လူသားချင်း စာနာမှုဆိုင်ရာ ပူးပေါင်းညှိနှိုင်းရေးရုံး (OCHA) ၏ အစီရင်ခံစာတွင် ဖော်ပြထားရာ၌ " မကြာခဏ ဆိုသလို လူများရွှေ့ ပြောင်းနေခြင်းကြောင့်" သတ်မှတ်ထားသည့် လိုအပ်ချက်ရှိသူများထံ အကူအညီများရောက်ရှိစေရန် ကြိုးပမ်းဆောင်ရွက် မှု၌ ပြဿနာများ ပိုမိုရှုပ်ထွေးစေသည်ဟု ဆိုထားပါသည်။ သို့သော်လည်း ကိစ္စအများစုတွင် ဤသို့ပြောင်းရွှေ့နေကြမှုသည် လူအများက ဆန္ဒအရပြောင်းရွှေ့ခြင်း မဟုတ်ကြောင်း၊ စစ်အာဏာပိုင်များက လူများကို ဒုက္ခသည်စခန်းများမှ နေ၍ ၎င်းတို့ နေထိုင်ရာ ကျေးရွာလယ်ကွက်များတွင် အလုပ်ပြန်လုပ်ကိုင်ကြစေရန် အတင်းအကျပ် ပြန်လည်နှင်ထုတ် ပြောင်းရွှေ့စေ ခြင်း ဖြစ်ကြောင်း သူတို့က မဖော်ပြခဲ့ကြပါ။
အလားတူ ကိစ္စရပ် များစွာရှိပါသေးသည်။ ရဟတ်ယာဉ်များ မုန်တိုင်းသင့်ဒေသများသို့ ပို့ဆောင်ရန်အတွက် ခွင့်ပြုချက် ရရှိ ရန် နှောင့်နှေးကြန့်ကြာနေရမှုများ၊ ပြည်တွင်းမှ ဆန်ဝယ်ယူ၍ ဖြန့်ဖြူးရန် တားမြစ်ထားချက်များ၊ သတင်း အချက်အလက် များ ကန့်သတ်ထားခြင်းကြောင့် ထောက်ပံ့ရေးဆိုင်ရာ ပြဿနာကြုံရခြင်းများလည်း ရှိနေပါသေးသည်။ "သူတို့ (မြန်မာ အာဏာပိုင်များ) က ကျနော်တို့ကို အဲသည် မုန်တိုင်းဒဏ်ခံရတဲ့ နေရာတွေမှာ ဆက်သွယ်ရေးကိရိယာတွေနဲ့ မရှိစေချင် ဘူးဆိုတာ သေချာပါတယ်။" အရေးပေါ် ကယ်ဆယ်ရေးအဖွဲ့တခုဖြစ်သူ နယ်စည်းမခြား အဝေးပြောဆက်သွယ်ရေးအဖွဲ့ (Telecoms Sans Frontieres) မှ ပြောရေးဆိုခွင့်ရှိသူတဦးက ကုလသမဂ္ဂ တောင်းဆိုချက်အရ ထောက်ပံ့ပေးရန် မြန်မာ နိုင်ငံတွင်း ရောက်ရှိလာပြီးမှ လက်လျှော့ မထွက်ခွါရမီတွင် ပြောဆိုခဲ့ပါသည်။
ဤသို့သော ကန့်သတ်ချက် အခက်အခဲများမှာ ကုလသမဂ္ဂ အဖွဲ့အစည်းအတွက် တခုမျှ လက်ခံနိုင်ဖွယ် မရှိပါ။ သို့သော် လည်း ယခုအချိန်တွင် နိုင်ငံတကာအလှူရှင်များသို့ ၎င်းတို့၏ ကယ်ဆယ်ရေး ကြိုးပမ်းဆောင်ရွက်နေမှုများ အောင်မြင်နေ ကြောင်း ဆင်ခြေပေး ပြသနေရပြီး ယခုအချိန်တွင် ၎င်းတို့၏ ရည်မှန်းချက်အထမြောက်၍ ဆောလျင်စွာ ပြန်လည်နာလံထူ ခဲ့ကြောင်း ဆင်ခြေပေး တိုက်တွန်းနေရသည့် အခြေအနေဖြစ်နေပေသည်။
ဤသို့တင်ပြချက်များကိုလည်း လူအများက ယုံကြည်လက်ခံရန် ခက်ခဲကြပေလိမ့်မည်။ အလျူရှင်များဖက်က ယုံကြည်မှု နည်းနေကြသည်။ စစ်အစိုးရက ကွင်းဆင်းဆောင်ရွက်နေသည့် အဖွဲ့များ ဆောင်ရွက်နိုင်ရန် အခြေခံမူ လုပ်ပိုင်ခွင့်များ သတ် မှတ်ပေးရန် ဆက်လက်ငြင်းဆန်နေခဲ့ပြီး၊ ဤအချက်ကြောင့်ပင် ကယ်ဆယ်ရေးလုပ်ငန်းများလည်း ထိခိုက်နှောင့် နှေးနေ စေသည်။ ကုလသမဂ္ဂ၏ ကမ္ဘာ့စားနပ်ရိက္ခာ အစီအစဉ် အဖွဲ့ (WFP) က သတိပေးပြောကြားရာတွင် အကယ်၍ နောက်ထပ် ရန်ပုံငွေများ မရရှိပါက ယခုထောက်ပံ့ရေးလုပ်ငန်းများအတွက် ပျံသန်းနေကြသည့် ရဟတ်ယာဉ်များလည်း ရပ်နားနေကြရ တော့မည်ဟု သတိပေးပြောဆိုခဲ့သည်။ ဤသို့ဆိုလျှင် စစ်အစိုးရအလိုကျ ဖြစ်ရပေတော့မည်။ စစ်အစိုးရ က ဤရဟတ်ယာဉ် များ နိုင်ငံအတွင်း ပျံသန်းခွင့်ပြုရန် ကနဦးကတည်းက မလိုလားခဲ့ပါ၊ သို့အတွက်ကြောင့်ပင် ခွင့်ပြုချက် ပေးရေး တုံ့ဆိုင်း ဖင့်နှေးနေခြင်း ဖြစ်သည်။
အာဆီယံအဖွဲ့က ဦးဆောင် ဆောင်ရွက်ခဲ့သည့် နာဂစ်မုန်တိုင်းအပြီး ပူးတွဲအကဲဖြတ် စစ်ဆေးချက် (PONJA) ထွက်ပေါ် လာအပြီးတွင် ဤအကဲဖြတ်စစ်ဆေးမှုကြောင့် အကူအညီများ ပို၍ရလာဖွယ် ရှိသည်။ မြန်မာနိုင်ငံအဖွဲ့ဝင် ဖြစ်လာပြီး နောက် ဆယ်စုနှစ်တခုကြာ အကောင်းရလဒ်တခုမျှ မပြနိုင်ဘဲ ရှိနေရာမှ၊ ယခုအခါတွင် ဒေသဆိုင်ရာအဖွဲ့အစည်းဖြစ်သည့် အာဆီယံက ထူးထူးခြားခြား စွမ်းဆောင်နိုင်ခဲ့ကြောင်း ဟိတ်ဟန်ထုတ်လွန်းလိုမှုကြောင့်လည်း ၎င်း၏အခန်းကဏ္ဍကို ပြန်၍ ဖျက်နေသည့်သဖွယ်ရှိသည်။ မည်သို့ပင်ဆိုစေ အာဆီယံအဖွဲ့က ၎င်းတို့၏အစီအစဉ်များအတိုင်း အစီအစဉ်တကျ လုပ် ဆောင်နေနိုင်သည်ဟူသည့် ဗလာကတိ အာမခံချက်များထက်စာလျှင် အနည်းငယ်မျှသာ ပို၍ လုပ်ကိုင်ဆောင်ရွက်နိုင်ပါ သေးသည့် အခြေအနေ ရှိပါသည်။ "ဒုက္ခသည်တွေရဲ့ အခြေခံလိုအပ်ချက်တွေ ဖြည့်ဆီးပေးနိုင်ပြီး သူတို့က ဆောလျှင်စွာ ပြန်လည်နာလံထူနိုင်ကြ ပြီ" ဟု အာဆီယံအဖွဲ့၏ အထွေထွေအတွင်းရေးမှူးဖြစ်သူ ဆူရင် ပစ်ဆူဝန်က (PONJA) အကဲ ဖြတ် စစ်ဆေးမှုအဖွဲ့၏ ကနဦး လေ့လာတွေ့ရှိချက်များကို ကိုးကား၍ ပြောဆိုခဲ့သည်။
မြန်မာနိုင်ငံတွင် ဆောင်ရွက်နေသည့် ကူညီကယ်ဆယ်ရေးလုပ်ငန်းများ၏ ထိရောက်မှုအပေါ် သံသယဖြစ်နေကြမှုများ ပျောက်ကင်းကြရန်ဟု ဆိုလျှင် ကုလသမဂ္ဂအနေဖြင့် စစ်အစိုးရအလိုကျ အကူအညီပေးရေးလုပ်ငန်းများ ဆောင်ရွက်နေရ သည့် အခြေအနေမှ ရုန်းထွက်ရန် တနည်းသာ ရှိပါသည်။ အကူအညီပေးရေးလုပ်ငန်းများကို စစ်အစိုးရက ပြန်ပေးဆွဲထား သည့်သဖွယ် ပြုနေသည့် အခြေအနေကို ငြင်းဆန်ရန် လိုအပ်နေပါသည်။
ဤသို့ဖြစ်စေရန်ဆိုလျှင် စစ်အစိုးရက ယခုလူသားချင်းစာနာမှုဆိုင်ရာ ကပ်ဘေးကို တုံ့ပြန်ဆောင်ရွက်ရေးအတွက် နောက် ထပ် နိုင်ငံတကာအကူအညီများ ရရှိရန်မျှော်လင့်နေသေးသည်ဆိုပါက၊ အပြည့်အ၀ ပူးပေါင်းဆောင်ရွက်မှသာလျှင် လက်ခံ နိုင်ဖွယ် ရှိပါသည်။ ယခုဖြစ်ပွားခဲ့သည့် ကပ်ဘေးအခြေအနေက ပိုမိုဆိုးရွားသွားပြီး နိုင်ငံရေးအရ မငြိမ်မသက်မှုများ ဆက် လက် ဖြစ်ပွားလာမည့် အန္တရာယ်လည်း ရှိနေပါသည်။
ယခုလကုန်ပိုင်းတွင် ကုလသမဂ္ဂ၏ အထူးသံ မစ္စတာဂမ်ဘာရီက သွားရောက်သွားရောက်ဦးမည် ဖြစ်ပြီး၊ အမျိုးသားပြန် လည် ရင်ကြားစေ့ရေးဆိုင်ရာ တွေ့ဆုံဆွေးနွေးပွဲများ ဖြစ်မြောက်လာစေရေးအတွက် နောက်ထပ်သွားရောက်တိုက်တွန်း လိမ့်ဦးမည် ဖြစ်သည်။ ဤအချိန်တွင် စစ်အစိုးရက အတိုက်အခံအင်အားစုများနှင့် ဆွေးနွေးညှိနှိုင်းစရာမလိုဟု မြင်ထား သည်။ သူ၏ အကြီးအကဲဖြစ်သူ မစ္စတာဘန်ကီမွန်က "မြန်မာပြည်သူများ လွတ်လပ်ခွင့်နှင့် ဒီမိုကရေစီ အပြည့်အ၀ရရှိ ခံစားနိုင်စေရေးအတွက် အပြင်းအထန်ကြိုးပမ်း ဆောင်ရွက်သွားမည်ဟု သံန္နိဌာန်ခိုင်ခိုင်မာမာ ချထားကြောင်း" ပြောထား ခဲ့သည်။ အကယ်၍ သူက ဗိုလ်ချုပ်သန်းရွှေ၏ ကတိအတိုင်း မြဲစေအောင် မလုပ်ဆောင်နိုင်ပါက သူ၏ကတိစကားသည် လည်း မြန်မာနိုင်ငံကို အုပ်ချုပ်နေကြသည့် လူလိမ်ကြီးများ၏ အနှစ်မဲ့ကတိစကားသဖွယ် အတူတူသာ ဖြစ်နေပေတော့မည်။
Tuesday, July 8, 2008
စာနယ်ဇင်းသမားများ သို့မဟုတ် စစ်အစိုးရ၏ နံပတ် ၂ ရန်သူ
အေးချမ်းမြေ့ ဇူလိုင် ၇၊ ၂၀၀၈
“စစ်အစိုးရအတွက်ကတော့ နိုင်ငံရေးသမားပြီးရင် သူတို့ရဲ့ နံပတ် ၂ ရန်သူက ဂျာနယ်လစ်တွေပဲ” ဟု ရန်ကုန် သတင်း ဂျာနယ်တစောင်မှ သတင်းထောက်တဦးက ပြောဆိုချက်က ယနေ့ မြန်မာစာပေလောက မည်သို့ ရပ်တည်လှုပ်ရှားနေ ရသည်ကို ရောင်ပြန်ဟပ်ဖော်ပြချက်တခုဟု ဆိုရမည်သာ။ ဆက်ဖတ်ရန် အပြည့်အစုံ ကို Click နှိပ်ပါ။
မြန်မာသတင်းထောက်များသည် ပြည်တွင်း ဂျာနယ်များတွင် ဖော်ပြခွင့်မရသည့် နာဂစ်မုန်တိုင်း နောက်ဆက်တွဲ သတင်း များကို ပြည်ပရှိ လွတ်လပ်သည့် မီဒီယာများထံ ရသည့်နည်းနှင့် ပေးပို့ခြင်းအားဖြင့် သတင်းမှန်များကို ကမ္ဘာက သိခွင့် ရအောင် ကြိုးပမ်းခဲ့ကြသဖြင့် စစ်အစိုးရက ၎င်းတို့၏ ညံ့ဖျင်းမှုနှင့် တာဝန်မယူမှုများကို ဖော်ထုတ်သော သတင်းသမားနှင့် စာရေးဆရာများကို ရန်သူအဖြစ် သဘောထား လာပုံရကြောင်း မြန်မာသတင်းစာဆရာများက ပြောဆိုနေကြသည်။
“မြန်မာ စာနယ်ဇင်းတွေမှာ ဒုက္ခသည် ဆိုတဲ့ အသုံးအနှုန်းကို သုံးလို့မရဘူး။ လူတွေငတ်နေတယ် ဆိုတာရေးလို့ မရဘူး။ လေဘေး ကယ်ဆယ်ရေးစခန်း လို့ပဲရေးရတယ်။ အကူအညီ အလုံအလောက် မရဘူး ဆိုတာမျိုး ရေးရင် စိစစ်ရေးက ဖြတ်တာပဲ” ဟု ရန်ကုန်အခြေစိုက် သတင်းထောက် တဦးကပြောပြသည်။
သတင်းထောက်များ ကြိုးစားပမ်းစားလိုက်ထားသည့် အဖြစ်မှန်၊ သတင်းမှန်များကို စိစစ်ရေးတင်ပြီး မူကြမ်းကျလာသည့် နေ့များတွင် ဂျာနယ်တိုက်၌ ဆဲဆိုသံများ ကြားနေရသည်ဟု သူကဆို၏။
“ကျနော်တို့ ရေးထားတဲ့ သတင်းတွေ ဖြုတ်ခံလိုက်ရတဲ့ နေ့ဆို ကျနော်တို့တော့ ထိုင်ပြီး ဆဲတာပဲ။ တတ်နိုင်တာ ဒါပဲရှိတယ် လေ။ လူတွေက တကယ်ငတ်နေပြီ၊ အကူအညီက မလုံလောက်ဘူး။ အဲဒါကို ပြည်သူလူထုသိအောင် ရေးလို့မရဘူး။ ဘယ်လောက် ဒေါသထွက်စရာကောင်းလဲ” ၎င်း သတင်းထောက်က ဆက်ပြော၏။
လက်တလော ထွက်ရှိနေသည့် မြန်မာ သတင်းစာနှင့် ဂျာနယ်များတွင် မုန်တိုင်းကြောင့် ရွာလုံးကျွတ် ပျက်စီးနေသည်ကို အပေါ်စီးက ထင်ထင်ရှားရှား ရိုက်ယူထားသည့် ပုံများ၊ ဆန်ရဖို့ တန်းစီနေသည့်ပုံများ၊ စားစရာ အိုးခွက် ပန်းကန်မရှိသော ကြောင့် ဖက်ရွက်များနှင့် ထမင်းစား နေသည့်ပုံများ စသည့် ဒုက္ခသည် များ၏ တကယ့်အခြေအနေကို ကွက်ကွက်ကွင်းကွင်း ဖြစ်စေသည့် သတင်းဓာတ်ပုံနှင့် သတင်း ပေးပို့ချက် များအစား အပြုသဘော ဆောင်သည့် သတင်းနှင့် ဆောင်းပါးများသာ ရေးရမည်ဟု စိစစ်ရေးက အမိန့် ထုတ်ထားကြောင်း ရန်ကုန်အခြေစိုက် နာမည်ကြီး ဂျာနယ်တစောင်မှ အယ်ဒီတာတဦးက ပြောသည်။
“ကျနော်ကိုယ်တိုင် တွေ့ခဲ့တဲ့ မြင်ကွင်းကို ဆောင်းပါးရေးလိုက်တယ်ဗျာ။ အဘွားအို တယောက် ဘာ အကူအညီမှမရဘူး။ ငှက်ပျောအူတွေကို ဒီတိုင်းစားနေရတာ။ အဲဒီအကြောင်း ဆောင်းပါးရေးတာ အဖြုတ်ခံရတယ်” ဟု သူက ပြောပြ၏။
နာဂစ် ဆိုင်ကလုန်းမုန်တိုင်းအပြီးတွင် သတင်းစာဆရာများကိုသာမကဘဲ ရသ စာရေးဆရာများကိုပါ ပိုမို စည်းကမ်း တင်းကျပ်လာကြောင်း မြန်မာ စာပေအသိုင်းအဝန်းမှ ကြားသိရသည်။
“အရင်ကလည်း ကဗျာတွေကို ဖြုတ်တာပါပဲဗျာ။ ဒါပေမယ့် ခုဟာက ပိုဆိုးလာတယ်။ နာဂစ်နဲ့ ပတ်သက်တဲ့ ကဗျာတွေက လည်း တကယ့် ခံစားမှုစစ်စစ်တွေ ဆိုတော့ စစ်အစိုးရကို ပိုိထိတယ်ထင်ပါရဲ့။ တချို့ ကဗျာ တွေဆို အဓိပ္ပာယ်လုံးဝ ပျောက်တဲ့ထိ အကြောင်းလိုက်၊ အပုဒ်လိုက် ဖြုတ်ခံရတာ” ဟု ကဗျာဆရာတဦးက ပြောပြသည်။
လတ်တလော နာဂစ် ဆိုင်ကလုန်း မုန်တိုင်းနှင့် ဆက်စပ်ပြီး ဖမ်းဆီးထိန်းသိမ်းခံထားရသည့် ဂျာနယ်လစ် ၄ ဦးရှိပြီ ဖြစ်ကြောင်း မြန်မာ မီဒီယာ အဖွဲ့အစည်း (BMA) က ထုတ်ပြန်ကြေညာထားသည်။
မကြာခင်က အဖမ်းခံလိုက်ရသည့် ဂျာနယ်လစ်များမှာ မြန်မာထရီဗြွန်းဂျာနယ်၏ အယ်ဒီတာချုပ် ဦးအောင်ကျော်ဆန်း၊ အီကိုဗစ်ရှင်း ဂျာနယ် သတင်းထောက် မအိမ့်ခိုင်ဦး၊ နာမည်ကြီး ဟာသသရုပ်ဆောင် နှင့် ဘလော့ဂါ ဇာဂနာနှင့်အလွတ်တမ်း ဂျာနယ်လစ်တဦးဖြစ်သည့် ကိုဇော်သက်ထွေးတို့ဖြစ်သည်။
“ပြည်တွင်းက ဂျာနယ်လစ်တွေက နိုင်ငံတကာ မီဒီယာတွေကို အဖြစ်မှန်အတိုင်း အသိပေးလိုက်တော့ စစ်အစိုးရက အရှက်ကွဲတော့တာပေါ့။ အဲဒီတော့ ဂျာနယ်လစ်တွေကို မဲပြီး ဖမ်းတော့တာပဲ။ ဘယ်လိုပဲ ဖမ်းဖမ်း ဂျာနယ်လစ်တွေကတော့ လုပ်စရာရှိတာ လုပ်နေကြမှာပဲ” ဟု ရန်ကုန်သတင်းထောက်က ပြောသည်။
သတင်းမှန်များကို ဖော်ထုတ် တင်ပြရေးအတွက် အန္တရာယ်ကိုမမှုဘဲ ပြည်ပမီဒီယာများမှတဆင့် ရေးသားတင်ပြနေသည့် ပြည်တွင်းအခြေစိုက် စာနယ်ဇင်းသမားများကမူ ယနေ့ခေတ်တွင် သတင်းကို ဖုံးဖိ ထား၍ မရတော့ဟု ဆိုကြသည်။
“စာနဲ့ရေးလို့မရရင် ပါးစပ်နဲ့ သတင်းဖြန့်နေမှာပဲ။ မြန်မာပြည်မှာ ဒီနည်းက ထိရောက်တယ် ဗျ။ အဲဒီပါးစပ် သတင်းကို သူတို့က ကောလာဟလလို့ နာမည်တပ်တာ။ တကယ်တော့ မြန်မာနိုင်ငံက ကောလာဟလတွေ က ၉၀ ရာခိုင်နှုန်းလောက် မှန်တယ်။ အဲဒါကို စစ်အစိုးရကလည်းသိတယ်” ဟု ရန်ကုန်အခြေစိုက် သတင်းထောက်က ဆက်ပြောသည်။ ။
