ငါတို့ မျိုးဆက်သစ်ရဲ့ သူရဲကောင်းမှတ်တမ်း

စစ်ကျွန်ဘ၀မှ လွတ်မြောက်ဖို့ သူတို့လို သူရဲကောင်းစိတ်ဓါတ်၊ အာဇာနည်စိတ်ဓါတ် မွေးကြဖို့ လို ပြီ ဗမာပြည်သူပြည်သားများ!!!

အပြည့်အစုံဖတ်လိုလျှင်

ပြန်ခေါက်ထားပါ

လုံခြုံရေးတင်းကြပ်မှုအောက်မှ အန်အယ်လ်ဒီ အာဇာနည်နေ့ ကျင်းပ

NLD ပါတီဌာနာချုပ်မှာ အာဇာနည်နေ့ အခမ်းအနား ကျင်းပစဉ်
၁၉ ဇူလိုင် ၂၀၀၈

19 July 2008

၁၉ ဇူလိုင်မှာ ကျဆုံးခဲ့ရတဲ့ ကွယ်လွန်သူ အမျိုးသားခေါင်းဆောင် ဗိုလ်ချုပ်အောင်ဆန်း နဲ့တကွ အာဇာနည် ခေါင်းဆောင်တွေ ကွယ်လွန်တဲ့ အထိမ်းအမှတ် အခမ်းးအနား တွေကို ဒီကနေ့ ကျင်းပခဲ့ရာမှာ လုံခြုံရေး အာဏာပိုင်တွေ အကြီးအကျယ် စောင့်ကြပ် ချထားတာတွေ ရှိခဲ့သလို၊ နိုင်ငံရေး တက်ကြွလှုပ်ရှားသူ တချို့ကို ထိန်းသိမ်း ခဲ့တာတွေလည်း ရှိခဲ့တယ်လို့ ရန်ကုန်မြို့ခံ တွေနဲ့ အတိုက်အခံ နိုင်ငံရေး အသိုင်းအ၀ိုင်းက ပြောပါတယ်။ အာဇာနည်နေ့ အခမ်းအနားတွေ ဘယ်လိုကျင်းပခဲ့ကြရတယ်ဆိုတာကို စုံစမ်းထားတဲ့ ကိုအောင်လွင်ဦးက တင်ပြထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
၆၁ နှစ်မြောက် အာဇာနည်နေ့ အခမ်းအနားကျရောက်တဲ့ နေ့မှာပဲ ရန်ကုန်မြို့ က အာဇာနည်ဗိမာန်ရှိရာ နေရာအပါအ၀င် နေရာအတော်များများမှာ လုံခြုံရေး တွေ အကြီးအကျယ် ချထားတာပါ။ လက်နက်ကိုင် တပ်ဖွဲ့ဝင်တွေ သာမက မြန်မာ စစ်အစိုးရက ကျောထောက်နောက်ခံ ပေးထားတဲ့ အရပ်သားအဖွဲ့အစည်း တွေပါပူးပေါင်းပြီး ရန်ကုန်မြို့တ၀ိုက် လုံခြုံရေးတွေ တိုးမြှင့်ထားတာကို တွေ့ကြရ တယ်လို့ မြို့ခံတွေ အခုလို ပြောပြကြပါတယ်။

"ဒီ ၉ လမ်းဘက်က သွားတဲ့နေရာမှာ သံဆူးကြိုးတွေချပြီးတော့ ပိတ်ဆို့တာတွေ ရှိတော့ ၀င်မယ့်သူတိုင်းကို ပါတဲ့ပစ္စည်းတွေအားလုံး အသေးစိတ် စစ်ဆေးခံပြီးမှ ၀င်ရပါမယ်။ ၀င်သွားပြီးရင် အာဇာနည်ကုန်းကို အလေးပြု ပြီးရင် ဟိုးဘက် ရေတာရှည်ကနေ ပြန်ပတ်ပြီးတော့မှ ပစ္စည်းတွေကို ပြန်လာယူရပါမယ်လို့ ပြောတဲ့အတွက်ကြောင့် တော်ရုံတန်ရုံလူ လမ်းလျှောက်ပြီးတော့ အိမ်ကို နာရီဝက်လောက် လမ်းလျှောက်ပြီးတော့ ပြန်လာရမယ့်လူအနေနဲ့ ၀င်ဖို့ မဖြစ်နိုင်တော့ပါဘူး။ သူတို့စီမံထားတဲ့ လုံခြုံရေးစီမံချက်အရ။ ခွင့်တော့ပြုပါရဲ့။ ဒါပေမဲ့ အခက်အခဲ အတားအဆီးပေါင်းများစွာ လုပ်ထားတဲ့အတွက်ကြောင့် အာဇာနည်နေ့ အထိမ်းအမှတ်ကို အရိုအသေပြုမယ့် လူပုဂ္ဂိုလ်အနေနဲ့ အခက်အခဲ အများကြီးရှိတာကို တွေ့ရပါတယ်။ သူတို့ဂိတ်ဝမှာ တာလပတ်စကာထားတဲ့ ယာယီဂိတ်ဆောင်လေးထဲမှာ စစ်ဆေးခံရပါမယ်။ ဘာပစ္စည်းဖြစ်ဖြစ် ပါသမျှ အကုန်ထားခဲ့ရပါမယ်။ ထားခဲ့ပြီးတော့ အာဇာနည်ကုန်းကို ၀င်ရပါမယ်။ ဒါတောင်မှ ကျနော်တို့ သွားတဲ့အချိန်မှာ ၀င်ခွင့်ပေးသေးတာ မဟုတ်ပါဘူး။ ကျနော်တို့ မေးကြည့်လို့ သိရတာပါ။ လာမေးတဲ့သူအားလုံးကိုလည်း ဘယ်က လာတာလဲ။ ဘာလုပ်ဖို့လဲ။ ဘယ်သွားမှာလဲ စသဖြင့်ပေါ့ဗျာ။"

"ရွှေဂုံတိုင်ရှေ့ကနေ တော်ဝင်နှင်းဆီဘက်မှာ - တော်ဝင်နှင်းဆီရှေ့မှာဆိုရင် တော်တော်များများကို ချထားတယ်။ ကားဆိုရင် တော်တော်များတယ်။ စွမ်းအားရှင် ပေါက်စနလေးတွေရော၊ ဘာတွေရော၊ သေးသေးလေးတွေရော ခေါ်လာတာရှိတယ်။ သူတို့ရဲ့ ဒီစွမ်းအားရှင်ကားပေါ်မှာဆိုရင် ဒန်ပေါက်ကို အိုးလိုက်ကြီး တင်ပေးထားတာလေ။"

မြန်မာစစ်အစိုးရဖက်က ဒီနှစ်အခမ်းအနားတွေကို သိပ်ပြီး သိုက်သိုက်ဝန်းဝန်း ကျင်းပဖို့ အစီအစဉ်မရှိပဲ နိုင်ငံခြားသံတမာန်တွေ အခန်းအနားကို တက်ရောက်ဖို့ ဖိတ်ကြားထားတာတွေကိုလည်း ပြန်လည်ပယ်ဖျက် ခဲ့တယ်ဆိုပြီးတော့လည်း သံတမန်အသိုင်းအ၀ိုင်းက ပြောတာဆိုတာတွေလည်း ရှိပါတယ်။ ဒီလို အခြေအနေတွေကြားကပဲ မြန်မာနိုင်ငံက အဓိကအတိုက်အခံ နိုင်ငံရေးပါတီကြီး တခုလည်းဖြစ် အာဇာနည် ခေါင်းဆောင် တဦးဖြစ်တဲ့ ဗိုလ်ချုပ်အောင်ဆန်း သမီးလည်းဖြစ်တဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ကတော့ ရန်ကုန်ဌာနချုပ်နဲ့ နယ်မြို့ တချို့မှာပါ အခန်းအနားတွေ ကျင်းပခဲ့ကြပါတယ်။ လုံခြုံရေးအာဏာပိုင်တွေ မျက်စေ့အောက်က ကျင်းပခဲ့တဲ့ အန်အယ်လ်ဒီရဲ့ အာဇာနည်နေ့ အခန်းအနားနဲ့ ပတ်သက်လို့ ပါတီပြောခွင့်ရပုဂ္ဂိုလ် ဦးဥာဏ်ဝင်း ပြောပြတာကတော့ -

"ကျင်းပတာကတော့ ကျနော်တို့ မနက်အာရုံတက်ကတည်းက သံဃာတော်တွေကို ပင့်ဖိတ်ပြီးတော့ ဆွမ်းကျွေး အမျှဝေ လုပ်တယ်။ နောက် ၁၀ နာရီ ၃၇ မိနစ် ကျနော်တို့ အာဇာနည်တွေ ကျဆုံးတဲ့အချိန်မှာ ဥသြဆွဲတယ်။ ပြီးတော့ ဒေါ်မေလှမြိုင်ရဲ့ အာဇာနည်နေ့သီချင်းနဲ့ အလေးပြုတာပေါ့လေနော်။ အဲဒါပြီးတော့ ၁၂ နာရီခွဲကျတော့ ကျနော်တို့ အခမ်းအနားကျင်းပတယ်။ ဘာမှတော့ ဟိုဒင်းမဖြစ်ဘူး။ ဒါပေမဲ့လို့ လုံခြုံရေးပေါ့နော် အရပ်ဝတ်လုံခြုံရေးက မတရားများတာ။ နောက် ကျနော်တို့ အနောက်ရွှေဂုံတိုင်လမ်းကို ရွှေဂုံတိုင်မီးပွိုင့် ကနေစပြီးတော့ ပိတ်ထားတာ။ လူတွေတော့ ၀င်ခွင့်ရှိတာပေါ့လေ။ ကားတွေ ဘာတွေ ၀င်လို့မရဘူး အကုန် ပိတ်ထားတယ်။ အဲလိုအနေအထားမှာ ကျနော်တို့ဘက်ကတော့ ပြီးစီးအောင် လုပ်ခဲ့တာပေါ့။"

အာဇာနည်နေ့ အခန်းအနားကို တခြားနယ်မြို့တချို့မှာလည်း ကျင်းပတဲ့နေရာမှာ အလားတူ လုံခြုံရေး အာဏာပိုင်တွေ ရဲ့ ကန့်သတ်မှုတွေ၊ စောင့်ကြည့်မှုတွေနဲ့ ကြုံရတာတွေ ရှိတယ်လို့လည်း သိရပါတယ်။ ဒီအထဲက အာဇာနည် ခေါင်းဆောင် ဗိုလ်ချုပ်အောင်ဆန်းရဲ့ ဇာတိမြို့ဖြစ်တဲ့ နတ်မောက်မြို့မှာ ကြုံရတဲ့ အခြေအနေနဲ့ ပတ်သက်လို့ နတ်မောက်မြို့နယ်က အန်အယ်လ်ဒီပါတီ လူငယ်အဖွဲ့ဝင်တဦးဖြစ်တဲ့ ကိုအောင်မိုးလွင် က အခုလို ပြောပြပါတယ်။

"ကျနော်တို့ဘက်မှာ မရကဥက္ကဋ္ဌကနေပြီးတော့ ခေါ်ထားတယ်လေ အဖွဲ့ချုပ် အတွင်းရေးမှူး ဦးတူးပေါ့ ဦးတူးကို ခေါ်ပြီးတော့ တားတယ် အာဇာနည်နေ့ မလုပ်ဖို့ပေါ့ ခေါ်တားတဲ့အခါကျတော့ ဒါကတော့ လုပ်ရပါမယ် ဒီဥစ္စာ ကျနော်တို့ရဲ့ အာဇာနည် ဆိုတာ တိုင်းပြည်အတွက် အသက်ပေးထားတာ အသက်ပေးတဲ့ အာဇာနည်တွေဆိုတာ ဒါ မမေ့အပ်တဲ့ ပုဂ္ဂိုလ်တွေ၊ သူတို့အတွက် ကောင်းမှုကုသိုလ် အလှူဒါန ကျနော်တို့ လုပ်ရမယ်။ လုပ်ဖြစ်အောင် လုပ်မယ်။ အဲဒီအခါကျတော့ သူတို့က သူတို့ဒီလိုပိတ်ပင်တာကို သိရှိကြောင်း လက်မှတ်ထိုးပေးပါဆိုလို့ လက်မှတ်ထိုး ပေးခဲ့တယ်။ လက်မှတ်ထိုးပစ်ခဲ့ပြီးတော့မှ ဒီနေ့ အဲဒီမှာ လုပ်ဖြစ်တာပေါ့ အဖွဲ့ဝင် ၂၀ လောက်နဲ့လေ။ သံဃာကတော့ ၉ ပါးပေါ့။ နတ်မောက်မြို့မှာက ကျောင်း ၉ ကျောင်းရှိတယ်လေ။ ကျောင်း ၉ ကျောင်းက သံဃာတွေ အကုန်ကြွကြပါတယ်။ ဘုရားကြီးကျောင်းတိုက်မှာ လုပ်ဖြစ်တာပါ။ ရဲတွေဘာတွေကတော့ အနားမှာ လာပြီးတော့ စောင့်ကြည့်နေတာတော့ ရှိတယ်လေ။"

ဒီလို အာဇာနည်နေ့ အခမ်းအနားတွေကို အာဏာပိုင်တွေဖက်က ကန့်သတ်မှုတွေ ရှိနေသလို၊ တက်ကြွလှုပ်ရှားသူ တချို့ကို ဖမ်းဆီးထိန်းးသိမ်းတာ တွေလည်း ရှိခဲ့တာပါ။ အာဇာနည်နေ့ မတိုင်မီ အခုတပတ်ထဲကပဲ ရန်ကုန်မြို့မှာ နိုင်ငံရေး တက်ကြွလှုပ်ရှားသူ အနည်းဆုံး ၄ ယောက်ကို အာဏာပိုင်တွေက ဖမ်းဆီးခဲ့သလို မနေ့ညပိုင်းကလည်း အဖမ်းအဆီး တချို့ရှိခဲ့တယ်လို့ အန်အယ်လ်ဒီက ပြောပါတယ်။ ဒီအထဲမှာ ထင်ရှားတဲ့ တက်ကြွလှုပ်ရှားသူ တွံတေးမြို့က ကျူရှင်ဆရာ ဦးအောင်ဖေ လည်း ပါဝင်တယ်လို့ ဆိုပါတယ်။

အပြည့်အစုံဖတ်လိုလျှင်

ပြန်ခေါက်ထားပါ

ယုံကြည်ချက်ကြောင့် အကျဉ်းကျသူများဆိုင်ရာ ကြေညာစာတမ်း ၆၄ နိုင်ငံတင်သွင်း

19 July 2008

အမေရိကန်ပြည်ထောင်စု၊ ဥရောပသမဂ္ဂ ၂၇ နိုင်ငံနဲ့ တခြား ၃၆ နိုင်ငံ စုပေါင်းပြီး ကမ္ဘာ့လူ့အခွင့်အရေး ကြေညာစာတမ်း နှစ် (၆၀) ပြည့် နှစ်ပတ်လည် အထိန်းအမှတ်ဖြစ်တဲ့ ဒီနှစ်မှာ လူ့အခွင့်အရေး ကြေညာစာတမ်းကို ချိုးဖောက်နေကြတဲ့ နိုင်ငံတွေကို သတိပေးတဲ့အနေနဲ့ Prisoners of Conscience လို့ခေါ်တဲ့ ယုံကြည်ချက်ကြောင့် အကျဉ်းကျနေသူများဆိုင်ရာ ကြေညာစာတမ်းကို ပြီးခဲ့တဲ့ဇွန်လ ၁၁ ရက်နေ့က ကုလသမဂ္ဂ အထွေထွေညီလာခံကို တရားဝင် တင်သွင်းခဲ့ကြပါတယ်။ ဇူလိုင်လ ၁၇ ရက်နေ့မှာတော့ အမေရိကန်နိုင်ငံခြားရေးဝန်ကြီးဌာနက ဒီယုံကြည်ချက်ကြောင့် အကျဉ်းကျနေသူများ လွတ်မြောက်စေဖို့ နိုင်ငံတကာက လက်တွဲဆောင်ရွက်ကြဖို့ တိုက်တွန်းလိုက်ပါတယ်။ အပြည့်စုံကို ဒေါ်ခင်မျိုးသက်က တင်ပြထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
အမေရိကန်ပြည်ထောင်စု၊ ဥရောပသမဂ္ဂ ၂၇ နိုင်ငံနဲ့ တခြား ၃၆ နိုင်ငံ စုပေါင်းပြီး လူ့အခွင့်အရေး ကြေညာစာတမ်းကို ချိုးဖောက်နေတဲ့ နိုင်ငံတွေကို သတိပေးတဲ့အနေနဲ့ ယုံကြည်ချက်ကြောင့် အကျဉ်းကျခံနေရသူများဆိုင်ရာ ကြေညာစာတမ်းကို တင်သွင်းခဲ့ကြတာပါ။ ဒီလို တင်သွင်းခဲ့တဲ့အတွက် ဖြစ်လာမယ့် အကျိုးဆက်တွေနဲ့ပတ်သက်ပြီး တချိန်က ယုံကြည်ချက်ကြောင့် မြန်မာနိုင်ငံမှာ အကျဉ်းချခံခဲ့ရတဲ့ အမေရိကန်ပြည်ထောင်စုက မြန်မာ့အရေးလှုပ်ရှားနေတဲ့ USCB အဖွဲ့က ဦးအောင်ဒင်က အခုလို ပြောပါတယ်။ မတရားသဖြင့် ဖမ်းဆီးချုပ်နှောင်ခံနေရတဲ့ ယုံကြည်ချက်ကြောင့် အကျဉ်းကျနေရတဲ့ အကျဉ်းသားတွေ ရှိမယ်ဆိုလို့ရှိရင် အဲဒါတွေကို အမြန်ဆုံးလွှတ်ဖို့ လူသားအားလုံးကိုလည်း လွတ်လပ်စွာ ထုတ်ဖော် ပြောဆိုခွင့်တွေ ပေးဖို့ စသဖြင့် သူတို့ကနေပြီးတော့ တခြားနိုင်ငံတွေကို ဆက်ပြီးတော့ တိုက်တွန်း နှိုးဆော်သွားမယ်ပေါ့။ အခုသူတို့ ၆၄ နိုင်ငံက ကြေညာစာတမ်းကို လက်မှတ်ထိုးပြီးသား ဖြစ်တယ်။ အဲဒီဟာကိုပဲ အခု ဒီကုလသမဂ္ဂ အဖွဲ့ဝင် ၁၉၂ နိုင်ငံစလုံးကို ဆက်ပြီး ဖြန့်ချိထားပြီးသား ဖြစ်တယ်။ ဆိုတော့ တဖြည်းဖြည်းနဲ့ ဒီကြေညာစာတမ်းကြီးမှာ လက်မှတ်ထိုးတဲ့နိုင်ငံတွေ များသထက်များလာအောင် သူတို့က ဆက်ပြီးတော့ လှုံ့ဆော် သွားမယ်။ အဲဒီလိုနဲ့ သူတို့က ယုံကြည်ချက်ကြောင့် အကျဉ်းကျသူများနဲ့ပတ်သက်ပြီး တကမ္ဘာလုံးက ခိုင်ခိုင်မာမာ ရပ်တည်သွားကြဖို့ သူတို့က လှုံ့ဆော် စည်းရုံးသွားကြမှာပါ။"

အမေရိကန်ပြည်ထောင်စု နိုင်ငံခြားရေးဝန်ကြီးဌာနနဲ့ အမေရိကန်ပြည်ထောင်စုရဲ့ ကုလသမဂ္ဂဆိုင်ရာ မစ်ရှင်အဖွဲ့က ပူးတွဲပြီး လာမယ့် ဇူလိုင်လ ၂၄ ရက်နေ့မှာ နယူးယောက်ခ်မြို့က ကုလသမဂ္ဂရုံးချုပ်မှာ ယုံကြည်ချက်ကြောင့် အကျဉ်းကျ နေသူများဆိုင်ရာ ကြေညာစာတမ်းအတွက် တခြားနိုင်ငံများ တက်တက်ကြွကြွ ပါဝင်လာဖို့ လှုံ့ဆော်တဲ့ အခမ်းအနား တရပ်ကို ကျင်းပဖို့ စီစဉ်ထားပါတယ်။ အဲဒီအခမ်းအနားမှာ ချက် သမ္မတ နိုင်ငံက နိုင်ငံရေး အကျဉ်းသားဟောင်း ဖြစ်ခဲ့တဲ့ သမ္မတဟောင်း ဗားကလပ် ဟာဗဲလ် ကို အဖွင့်အမှာစကားပြောဖို့ ဖိတ်ကြားထားပါတယ်။ ဒါ့အပြင် နိုင်ငံ ၆ နိုင်ငံက နိုင်ငံရေး အကျဉ်းသားဟောင်း ၆ ယောက်ကို သူတို့ရဲ့ အတွေ့အကြုံတွေကို ပြောပြဖို့ ဖိတ်ခေါ်ထားပါတယ်။

မြန်မာနိုင်ငံက အကျဉ်းသားဟောင်းတွေကိုယ်စား ဦးအောင်ဒင်ကို စကားပြောဖို့ ဖိတ်ကြားထားပြီး ကျန် ၅ နိုင်ငံကတော့ ဘဲလားရု(ခ်ျ)၊ ကျူးဘား၊ အုစဘက်၊ ဆီးရီးယားနဲ့ အေးထရီးယားနိုင်ငံတွေက ကိုယ်စားလှယ်တွေ တက်ရောက်ကြမှာ ဖြစ်ပါတယ်။

"ကမ္ဘာပေါ်မှာ အဆိုးရွားအကြမ်းကြုတ်ဆုံး အာဏာရှင်စနစ်က အုပ်ချုပ်နေတဲ့ နိုင်ငံများကို ပြပါဆိုရင် ကျနော်တို့ မြန်မာနိုင်ငံက ထိပ်ဆုံးကနေ ပါတယ်။ အဲဒီလိုပဲ ကမ္ဘာပေါ်မှာ နိုင်ငံရေး အကျဉ်းသားအများဆုံး ရှိတဲ့နိုင်ငံ၊ ရည်ရွယ်ချက် ကြောင့် အကျဉ်းကျနေရသူများ အများဆုံးရှိတဲ့နိုင်ငံကို ပြပါဆိုရင် ကျနော်တို့ မြန်မာနိုင်ငံက ထိပ်ဆုံးကနေ ပါပါတယ်။ ဆိုတော့ ယုံကြည်ချက်ကြောင့် အကျဉ်းကျရသူများ ဆိုင်ရာ ကြေညာစာတမ်းကို အကောင်အထည် ဖော်ကြမယ်ဆိုလို့ရှိရင် မြန်မာနိုင်ငံက မပါလို့ကို မရတော့ဘူး။"

ဟုတ်ကဲ့။ အခု မှတ်တမ်းရှိထားတဲ့၊ မှတ်တမ်းမရှိတဲ့သူတွေလည်း အများကြီး ရှိမှာပေါ့နော်။ မှတ်တမ်းရှိထားတဲ့ ယုံကြည်ချက်ကြောင့် အကျဉ်းကျ ခံနေရတဲ့သူ မြန်မာနိုင်ငံမှာ ဘယ်နှစ်ယောက်လောက် ရှိလဲရှင့်။ -

"အခု သိသလောက် လက်ရှိကာလမှာဆိုရင် မြန်မာနိုင်ငံမှာ ယုံကြည်ချက်ကြောင့် အကျဉ်းကျခံနေတဲ့ ပုဂ္ဂိုလ်တွေ၊ ကျောင်းသားတွေပါမယ်၊ အမျိုးသမီးတွေ၊ နိုင်ငံရေးပါတီဝင်တွေ၊ လွှတ်တော်ကိုယ်စားလှယ်တွေ၊ ဘုန်းတော်ကြီးတွေ၊ သီလရှင်ဆရာကြီး ဆရာလေးတွေ၊ တခြား ဘာသာရေးခေါင်းဆောင်တွေ၊ တိုင်းရင်းသားတွေ ပေါင်းလိုက်မယ်ဆိုရင် လူ ၂,၀၀၀ လောက်ရှိပါသေးတယ်။ လက်ရှိအချိန်မှာ။ ယုံကြည်ချက်ကြောင့် အကျဉ်းကျ ခံခဲ့ရသူ ဦးအောင်ဒင်က ပြောသွားတာဖြစ်ပါတယ်။

အပြည့်အစုံဖတ်လိုလျှင်

ပြန်ခေါက်ထားပါ

လေဘေးအကူ လေကြောင်းမှ ပေးပို့မှု ရပ်တော့မည်

အစားအစာယူရန် စောင့်နေကြသည့် ဧရာဝတီ မြစ်ဝကျွန်းပေါ်ဒေသက ဒုက္ခသည်တချို့ (ဇူလိုင် ၃၊ ၂၀၀၈)
18 July 2008

မြန်မာနိုင်ငံကို ပေးပို့နေတဲ့ အရေးပေါ် လေဘေးကယ်ဆယ်ရေး အကူအညီတွေကို ရဟတ်ယာဉ်တွေနဲ့ လေကြောင်းက ပေးပို့နေတာတွေကို ရှေ့လအတွင်းမှာ ရပ်ဆိုင်းတော့မယ်လို့ ကုလသမဂ္ဂအရာရှိတွေက ပြောဆိုနေတဲ့အတွက် လေဘေး အကူအညီတွေ ပို့ဆောင်ရေး မထိရောက်မှာကို ကယ်ဆယ်ရေးလုပ်သားတွေ စိုးရိမ်နေကြပါတယ်။ ဘန်ကောက်မြို့ ဒုံမောင်း လေဆိပ်ကို ထောက်ပို့စခန်းအဖြစ် သုံးပြီး လေကြောင်းကနေ အကူအညီတွေ ပို့ပေးနေတာတွေကိုလည်း ကုလသမဂ္ဂက ရပ်ဆိုင်းမယ်လို့ ပြောပါတယ်။ အပြည့်စုံကို ဦးသိန်းထိုက်ဦးက တင်ပြထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
အခုလို ရဟတ်ယာဉ်တွေနဲ့ အရေးပေါ် အကူအညီတွေ ပေးပို့နေတာတွေကို ရပ်ဆိုင်းတော့မယ်ဆိုတဲ့ သတင်းနဲ့ ပတ်သက်လုိ့ ဒါဟာ နိုင်ငံတကာ အကူအညီတွေ မရလို့ လေဘေးအကူအညီ အရေးပေါ် ထောက်ပံ့မှု ရပ်ဆိုင်းတော့မယ့် လက္ခဏာ လားလို့ မေးကြည့်တော့ ဘန်ကောက်မှာရှိတဲ့ ကုလသမဂ္ဂရဲ့ ဘေးဒုက္ခ ကယ်ဆယ်ရေးဆိုင်ရာ ပြောရေးဆိုခွင့် ရှိသူ ရစ်ချတ်ဟိုဆေး (Richard Horse) က အခုလိုပြောပါတယ်။


"အကူအညီ လိုအပ်နေတယ်ဆိုပြီး ထပ်ပြီးတောင်းခဲ့တာကို ကြည့်ရင် အရေးပေါ်အကူအညီတွေကို လပေါင်းများစွာ ဆက်ပြီး ပေးမယ်ဆိုတာ ရှင်းပါတယ်။ ကျနော်တို့အနေနဲ့ အရေးပေါ် အကူအညီ အမြောက်အများကို ဆက်ပြီး ပေးနေအုံးမှာပါ။ တကယ်လိုအပ်နေတဲ့ လူတွေလက်ထဲကို ရောက်အောင်ပေးရမယ့် အကူအညီတွေ အများကြီး လိုနေပါသေးတယ်လို့ ပြောဆိုသွားတာပါ။ ဒါ့အပြင် ရဟတ်ယာဉ်တွေပေါ်ကနေ ဆန်တွေနဲ့ တခြား အကူအညီ လေးလံတဲ့ပစ္စည်းတွေ ပို့ဆောင်ဖို့ဆိုတာကို သိပ်ကို အကုန်အကျ များပါတယ်။ စောစောပိုင်း ကယ်ဆယ်ရေးလုပ်ငန်းတွေ လုပ်ကိုင်နေတဲ့ အဆင့်မှာ လိုအပ်ပါတယ်။ အမြန်ဆုံးနဲ့ ထိရောက်အောင် အကူအညီတွေ ပေးရတာမို့ပါ။ ရေရှည်မှာ ပိုပြီး အကုန်အကျနည်းတဲ့ လမ်းကြောင်းကနေ ပေးပို့နိုင်အောင် ပြောင်းလဲစီစဉ်ရတာပါ။ ဒါက အကူအညီတွေကို ရပ်ဆိုင်းပစ်မယ့်သဘော မဟုတ်ပါဘူး။"

လေဘေး အကူအညီတွေကို အကုန်အကျနည်းနည်းနဲ့ ထိရောက်အောင် ပို့ပေးဖို့အတွက် ရဟတ်ယာဉ်တွေအစား သင်္ဘောတွေ ကုန်ကားတွေနဲ့ ပြောင်းလဲပို့ပေးမယ့် နည်းလမ်းကို သုံးမယ်လို့ပြောပါတယ်။

ထိုင်းနိုင်ငံ၊ ဘန်ကောက်မြို့ ဒုံမောင်းလေဆိပ်ကိုသုံးပြီး အကူအညီပေးပို့ တာတွေကိုလည်း သြဂတ်စ်လမှာ ရပ်ဆိုင်း တော့မယ် ဆိုတာနဲ့ပတ်သက်လို့တော့ အခုလို ရှင်းပြပါတယ်။

"ဒုံမောင်းလေဆိပ်က အကူအညီထောက်ပို့ပစ္စည်းတွေ ဘန်ကောက်ကနေ ရန်ကုန်ကို ပို့ပေးနိုင်ဖို့အတွက် ကုန်တင် စီးလုံးငှား လေယာဉ်တွေ ဆင်းသက်တဲ့ ကြားခံလေဆိပ်အဖြစ် အသုံးပြုခဲ့တာပါ။ ကမ္ဘာတ၀ှမ်းက ပေးပို့တဲ့ အကူအညီတွေ ဒုံမောင်းမှာ လာပြီး ဆင်းနိုင်တယ် ဆိုတဲ့ သဘောပါ။ ပစ္စည်းတွေ အသယ်အချ လုပ်ရတာလည်း လွယ်တယ်။ သိုလှောင်စရာ နေရာလည်း ပိုကြီးတယ်။ ဆက်သွယ်လို့လည်း ကောင်းတဲ့အတွက် သုံးခဲ့တာပါ။ ဒါပေမယ့်လည်း ဒီလို အကူအညီတွေ လေကြောင်းကနေ ပို့ပေးတာက စောစောပိုင်း အရေးပေါ်လိုအပ်တဲ့ လတွေမှာသာ သုံးတာပါ။ အစားအသောက်တွေ လေကြောင်းကနေ ပို့ပေးရတဲ့ စရိတ်စခက သိပ်ကြီးပါတယ်။ နောက်ပိုင်း ပုံမှန်ပို့ပေးတဲ့ အကူအညီတွေကိုတော့ လေကြောင်းကို မသုံးဘဲ အခြား နည်းလမ်းတွေကို အသုံးပြုပါတယ်။"

ပြီးခဲ့တဲ့ ဇွန်လ တတိယပတ်ထဲကပဲ ကုလသမဂ္ဂ စားနပ်ရိက္ခာအစီအစဉ် WFP က မြန်မာနိုင်ငံကို ကယ်ဆယ်ရေးပစ္စည်းတွေ ထောက်ပံ့ပေးနိုင်ရေး အရေးပေါ် လိုအပ်နေတဲ့အကြောင်း ပြောခဲ့ပါတယ်။ ဧရာဝတီမြစ်ဝကျွန်းပေါ်ဒေသကို ရဟတ်ယာဉ် တွေနဲ့ ထောက်ပို့ပစ္စည်းတွေ ပေးပို့နေတဲ့ အခြေအနေမှာ အမေရိကန်ဒေါ်လာ သန်း ၅၀ လောက်လိုအပ်နေတယ်လို့ ကြေညာချက် ထုတ်ပြန်ခဲ့ပါတယ်။

အခုလို ရဟတ်ယာဉ်တွေနဲ့ အကူအညီ ပေးပို့နေတာတွေကို ရပ်ဆိုင်းတော့မယ်ဆိုတဲ့ သတင်းတွေနဲ့ ပတ်သက်ပြီး ဧရာဝတီတိုင်းအတွင်း လေဘေးကယ်ဆယ်ရေးလုပ်ငန်း လုပ်ကိုင်နေတဲ့ ဒေသခံတွေကတော့ ကယ်ဆယ်ရေးလုပ်ငန်းတွေ နှောင့်နှေးမှာကို စိုးရိမ်နေကြပါတယ်။

"ရဟတ်ယာဉ်တွေနဲ့စာရင်တော့ ထိရောက်တာ အကျိုးသက်ရောက်မှု အများကြီး ကွာတာပေါ့။ ရဟတ်ယာဉ်နဲ့ ပို့တာနဲ့ ကားသင်္ဘောနဲ့ ပို့တာနဲ့ ဆိုတာက၊ နောက်ပြီး ကျနော်တိုိ့ ဒီ ဧရာဝတီတိုင်းအတွင်းမှာ တချို့ မြစ်လက်တက်တွေနဲ့ တချို့ အတွင်းပိုင်းက ရွာတွေက ရေလမ်း မပေါက်တာတွေ ရှိသေးတယ်ဗျ။ ရေလမ်းမပေါက်တဲ့ ကားလမ်းမပေါက်တဲ့ နေရာတွေ အဲဒီနေရာတွေကျတော့ ရဟတ်ယဉ်သုံးမှ ရနိုင်တဲ့ အနေအထား ရှိတာပေါ့ဗျာ။ ပို့ဆောင်မှုပိုင်းက ထိရောက်မှုပိုင်းက တော်တော်လေးကွာသွားမှာပေါ့။"

လေဘေးကယ်ဆယ်ရေး အကူအညီတွေကို ကုလသမဂ္ဂက ရဟတ်ယာဉ်တွေ၊ လေကြောင်းက ပေးပို့တာတွေ ရပ်ဆိုင်းတော့မယ် ဆိုတဲ့သတင်းနဲ့ပတ်သက်ပြီး ဧရာဝတီတိုင်းအတွင်း ကယ်ဆယ်ရေး လုပ်ငန်းတွေ လုပ်ကိုင်နေတဲ့ သူတယောက်က ပြောဆိုသွားတာပါ။

အပြည့်အစုံဖတ်လိုလျှင်

ပြန်ခေါက်ထားပါ

အာဆီယံပဋိညာဉ်စာချုပ် မြန်မာအတည်ပြု

18 July 2008

အာဆီယံ (ASEAN) အရှေ့တောင်အာရှ နိုင်ငံများအဖွဲ့ရဲ့ ပဋိညာဉ်စာချုပ်ကို မြန်မာနိုင်ငံက အတည်ပြု သဘောတူ လိုက်ပြီလို့ စင်္ကာပူနိုင်ငံခြား ရေးဝန်ကြီးက ဒီကနေ့ ပြောပါတယ်။
ဆက်ဖတ်ရန် အပြည့်အစုံ ကို Click နှိပ်ပါ။
အာဆီယံ အဖွဲ့ဝင်ဆယ်နိုင်ငံက နိုင်ငံခြားရေး ၀န်ကြီးတွေဟာ နောက် သီတင်းပတ်ကျ စင်္ကာပူမှာ တွေ့ဆုံပြီး ပဋိညာဉ် စာတမ်းကို အတည်ပြုနိုင်ရေးနဲ့ လူ့အခွင့်အရေးအဖွဲ့ ထူထောင်ရေးတို့ကို ဆွေးနွေးကြပါမယ်။ ပဋိညာဉ်စာချုပ် အတည်ပြုခဲ့တာကို မြန်မာဘက်က မကြာခင်မှာ ကြေညာလိမ့်မယ်လို့ စင်္ကာပူနိုင်ငံခြားရေးဝန်ကြီး George Yeo ကပြောပါတယ်။ ဆယ်နိုင်ငံ ဆွေးနွေးပွဲမှာ ပဋိညာဉ်စာချုပ်ကိစ္စဟာ အဓိကကိစ္စတခုဖြစ်လိမ့်မယ်လို့လည်း သူကပြောပါတယ်။

ဆွေးနွေးစကားပြောရုံသက်သက် အဖွဲ့အစည်းတခုဖြစ်တယ်လို့ မကြာခဏအဝေဖန်ခံရတဲ့ အာဆီယံအဖွဲ့ဟာ ၂၀၁၅ ခုနှစ်မှာ စီးပွားရေး၊ လူမှုရေးနဲ့ နိုင်ငံရေးအရ ပေါင်းစပ်ယှက်နွယ်တဲ့ အဖွဲ့တခုအဖြစ် ပြောင်းလဲ ရောက်ရှိဖို့အတွက် ပြီးခဲ့တဲ့နှစ် နိုဝင်ဘာလက ပဋိညာဉ်စာတမ်းကို လက်မှတ်ထိုးခဲ့ကြပါတယ်။

ပဋိညာဉ်စာတမ်းကို အတည်ပြု သဘောတူဖို့ ထိုင်း၊ ဖိလစ်ပိုင်နဲ့ အင်ဒိုနီးရှားနိုင်ငံတွေပဲ ကျန်ပါတော့တယ်။ နေအိမ် အကျယ်ချုပ် နဲ့ အထိန်းသိမ်းခံထားရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွှတ်မပေးဘူးဆိုရင် ပဋိညာဉ်စာတမ်းကို အတည်မပြုဘူးလို့ ဖိလစ်ပိုင် အထက်လွှတ်တော်အမတ်တချို့က ခြိမ်းခြောက်ခဲ့ဖူးပါတယ်။

အပြည့်အစုံဖတ်လိုလျှင်

ပြန်ခေါက်ထားပါ

ရန်ကုန်အခြေစိုက် စစ်သံမှူးများကို အာဇာနည်နေ့အတွက် ဖိတ်ကြားပြီးမှ ဖိတ်စာပြန်သိမ်း

NEJ/ ၁၈ ဇူလိုင် ၂၀၀၈

အာဇာနည်နေ့ အခမ်းအနားအတွက် ရန်ကုန်အခြေစိုက် သံရုံးများမှ စစ်သံမှူးများအား ဖိတ်ကြားထားချက်ကို ပြန်လည်ရုပ်သိမ်းကြောင်း စစ်အစိုးရက သံရုံးအသီးသီးသို့ အကြောင်းကြားထားသည်ဟု သံရုံးဝန်ထမ်းတဦးက ပြောသည်။

စစ်သံမှူးများကို ဖိတ်ကြားပြီးမှ မည်သည့်အတွက် ဖိတ်စာ ပြန်သိမ်းသည်ကို ရှင်းရှင်းလင်းလင်း မသိရသေးပေ။ ဆက်ဖတ်ရန် အပြည့်အစုံ ကို Click နှိပ်ပါ။
ရန်ကုန်တွင် အာဇာနည်နေ့မတိုင်မီ ယခုလဆန်းပိုင်းမှစပြီး လုံခြုံရေးများချထားကာ အာဇာနည်နေ့ နီးလာလေလေ လုံခြုံရေး ထူထပ်လာလေဖြစ်သည်။

မြို့ခံတဦးက “လုံခြုံရေးတွေကို ဗိုလ်ချုပ်အောင်ဆန်းပြတိုက်ရှိတဲ့ လမ်းအ၀င်တွေမှာတောင် ချထား တာတွေ့ ရတယ်။ အခုဆိုရင် အာဇာနည်ကုန်း အနီးတ၀ိုက်၊ ရွှေတိဂုံစေတီတော် အနီးအနား၊ သွေး ဆေးကန် စတာတွေမှာ တွေ့တယ်ဗျ” ဟု ပြောသည်။

ရွှေဂုံတိုင် အန်အယ်လ်ဒီရုံးချုပ်ရှေ့တွင် လုံခြုံရေးရဲ သုံးစုခန့် ချထားသည်ကို တွေ့ရကြောင်း၊ ပုံမှန် အခြေအနေတွင် ယခုကဲ့သို့ ယူနီဖောင်းဝတ် လုံခြုံရေး ချထားလေ့မရှိဘဲ ယခု အာဇာနည်နေ့နီးမှ ချထားခြင်းဖြစ်ကြောင်းလည်း အခြားမြို့ခံတဦးက ပြောသည်။

၎င်းက “အာဇာနည်ကုန်းဝင်းမှာတော့ လက်နက်ကိုင် စစ်သားတချို့လုံခြုံရေးယူထားတာ တွေ့ရပြီး လုံထိန်းရဲတွေကို ကားလမ်းနံဘေးမှာ တာဝန်ချထားတာတွေ့ရတယ်” ဟု ပြောသည်။

ဇူလိုင် (၁၇) ရက်မှစပြီး ရန်ကုန်မြို့တွင်း ရဲကားများ ကင်းလှည့်လည်မှု ပိုမိုများပြားလာပြီး အထူး သဖြင့် အန်အယ်လ်ဒီ ရုံးပတ်လည်လမ်းများ၊ ရွှေတိဂုံဘုရား ပတ်ပတ်လည်လမ်းများတွင် ပိုမို မြင်တွေ့ရကြောင်း ရန်ကုန်မြို့ခံများက ပြောသည်။

ဇူလိုင် (၁၇) ရက် ညနေအထိ သတင်းထောက်များအား အာဇာနည်နေ့နှင့် ပတ်သက်ပြီး သတင်း ယူရန်ကိစ္စကို အကြောင်းကြားခြင်းမရှိခဲ့ဟု သိရသည်။ ပြည်တွင်းသတင်းဂျာနယ်များကိုလည်း ယခင်နှစ်များနှင့်မတူဘဲ သီးသီးသန့်သန့်  ဖိတ်ကြားမှုများ ပြုလုပ်ခဲ့ကြောင်း၊ သို့သော် ၀င်ခွင့် အားလုံးကို ရန်ကုန်မြို့တော်စည်ပင်က ကိုင်တွယ်စိစစ်မည်ဖြစ်ကြောင်း ပြည်တွင်းဂျာနယ်တခုမှ အယ်ဒီတာတဦးက ပြောသည်။

“စည်ပင်က ဖုန်းနဲ့ ပြောတယ်။ အာဇာနည်ကုန်းအနီးက စည်ပင်ကွပ်ကဲရေးရုံးမှာ ၀င်ခွင့်ကတ်တွေ ကို လာထုတ်ပါတဲ့။ အာဇာနည်နေ့ကို မမေ့နိုင်လို့သာပါဗျာ၊သွားရမယ့်အရေးကို သူတို့က ကြပ်တာက အတော့်ကို စိတ်ညစ်စရာကြီးဗျ။ ကြည့်ရတာ ဗုံးပေါက်မှာကို ကြောက်နေပုံပဲ” ဟု ၎င်းက ပြောသည်။

အာဇာနည်နေ့အခမ်းအနား ကျင်းပခြင်းကို ယဉ်ကျေးမှုဝန်ကြီးဌာနက ယမန်နှစ်များက တာဝန်ယူ
လုပ်ဆောင်ခဲ့ခြင်းဖြစ်ပြီး မြို့တော်စည်ပင်က ယခုနှစ်တွင် အာဇာနည်ကုန်း ၀င်ခွင့်စိစစ်မှုကို စတင် ကိုင်တွယ်ခြင်းဖြစ်ကြောင်း ၎င်းက ပြောသည်။ ။

အပြည့်အစုံဖတ်လိုလျှင်

ပြန်ခေါက်ထားပါ

မြန်မာငွေလဲလှယ်စနစ်ကြောင့် ကုလသမဂ္ဂအရှုံးပေါ်

Inner City Press / ၁၈ ဇူလိုင် ၂၀၀၈

မြန်မာစစ်အစိုးရနှင့် ငွေကြေးလဲလှယ်ရာ၌ မုန်တိုင်းကယ်ဆယ်ရေးနှင့် ပြန်လည်ထူထောင်ရေး လုပ်နေသည့် ကုလသမဂ္ဂအဖွဲ့အစည်းများအနေဖြင့် (၂၀) ရာခိုင်နှုန်းခန့် အကြီးအကျယ် ဆုံးရှုံး နေကြောင်း နယူးယော့ခ်မြို့ ကုလသမဂ္ဂဌာနချုပ်ရှိ Inner City Press က ထုတ်ဖော်ရေးသား သည်။ ဆက်ဖတ်ရန် အပြည့်အစုံ ကို Click နှိပ်ပါ။
အမေရိကန်ဒေါ်လာနှင့် မြန်မာကျပ်ငွေ လဲလှယ်ရာတွင် မြန်မာစစ်အစိုးရသည် မှောင်ခို ဒေါ်လာ ပေါက်ဈေးထက်နိမ့်သည့် အက်ဖ်အီးစီနှင့် လဲလှယ်ပေးနေသည့်အတွက် ထိုသို့ အရှုံးပြနေခြင်း ဖြစ်သည်ဟု သတင်းတွင် ပါရှိသည်။

အဆိုပါကိစ္စနှင့် ပတ်သက်၍ ကုလသမဂ္ဂလူသားချင်း စာနာမှုအကူအညီပေးရေးရုံး အကြီးအကဲ ဂျွန်ဟုမ်း မြန်မာနိုင်ငံသို့ လာမည့်သီတင်းပတ်၌ သွားသည့်အခါ မြန်မာကျပ်ငွေနှင့် မည်သို့မည်ပုံ လဲလှယ်သည်ကို စစ်ဆေးသွားမည်ဟု သိရသည်။

အပြည့်အစုံဖတ်လိုလျှင်

ပြန်ခေါက်ထားပါ

၂၀၁၀ ရွေးကောက်ပွဲဝင်မည်မဟုတ်ကြောင်း ပူးတွဲကြေညာ

ဗထူး။ ဇူလိုင် ၁၉၊ ၂၀၀၈

စစ်အစိုးရကျင်းပမည့် ၂၀၁၀ ခုနှစ်ရွေးကောက်ပွဲတွင် ၀င်ရောက်ယှဉ်ပြိုင်မည်မဟုတ်ကြောင်း လွှတ်တော်ကိုယ်စားလှယ်များနှင့် အင်န်အယ်ဒီ (NLD) ပါတီ တိုင်းစည်းရုံးရေးအဖွဲ့ဝင်များက ယမန်နေ့က ပူးတွဲကြေညာချက်တစောင် ထုတ်ပြန်လိုက်သည်။
ဆက်ဖတ်ရန် အပြည့်အစုံ ကို Click နှိပ်ပါ။
ဖွဲ့စည်းပုံအခြေခံဥပဒေအား ဖိနှိပ်မှုအမျိုးမျိုးဖြင့် တဖက်သတ်အနိုင်ရကြောင်း ကြေညာပြီး နောက် စစ်အစိုးရက ၂၀၁၀ ခုနှစ်တွင် ရွေးကောက်ပွဲကျင်းပပြုလုပ်ရန်ဆောင်ရွက်နေစဉ် နိုင်ငံ ရေးပါတီများအကြား အမြင်အမျိုးမျိုးရှိနေရာမှ အဆိုပါကြေညာချက်ထွက်ပေါ်လာခြင်း ဖြစ် သည်။

ဒီမိုကရေစီလိုလားသည့် ၁၉၈၈ ခုနှစ်လူထုအုံကြွမှုကြီးအား အကြမ်းဖက်နှိမ်နင်းခဲ့ပြီးနောက်ပိုင်း တွင် ပါတီစုံအထွေထွေရွေးကောက်ပွဲ ကျင်းပပေးပြီးဖြစ်၍ တပ်မတော်၏တာဝန်ပြီးဆုံးသွားပြီ ဖြစ်ကြောင်း ထိုအချိန်က တပ်မတော်ကာကွယ်ရေးဦးစီးချုပ်ကလည်း အဆိုပါရွေးကောက်ပွဲအား တရားမျှတသည်ဟု ပြောကြားခဲ့ပြီး ရွေးကောက်ပွဲကော်မရှင်ကလည်း အသိအမှတ်ပြုခဲ့ပြီး ဖြစ်သည်ဟု ထုတ်ပြန်ချက်တွင် ဖော်ပြထားသည်။

ဆက်လက်၍ ဒေါ်အောင်ဆန်းစုကြည်အနေဖြင့်လည်း (၂၊ ၇၊ ၉၉) နေ့တွင် “၁၉၉၀ ပြည့် ရွေးကောက်ပွဲရလဒ်ကို အကောင်အထည်မဖော်သ၍ နောက်ထပ်ပြုလုပ်မည့်ရွေးကောက်ပွဲကို စဉ်းစားစရာအကြောင်းမရှိဘူး” ဟု ပြောဆိုခဲ့သည့်အတိုင်း စစ်အစိုးရအနေဖြင့် နောက်ထပ် ရွေးကောက်ပွဲအသစ်ကို လုပ်ဆောင်ခွင့်မရှိသလို လုပ်ဆောင်ခဲ့လျှင်လည်း တရားမျှတမှုမရှိသလို တရားဝင်မှုမရှိကြောင်း ဖော်ပြထားသည်။

ထိုသို့သောအခြေအနေများကြောင့် ၁၉၉၀ ပြည့်နှစ်ရွေးကောက်ပွဲတွင် ရွေးချယ်တင်မြောက်ခြင်း ခံရသည့် ပြည်သူ့လွှတ်တော်ကိုယ်စားလှယ်များအနေဖြင့် ၂၀၁၀ ခုနှစ်တွင် ပြုလုပ်မည့် ရွေးကောက်ပွဲကို အသိအမှတ်ပြု လက်ခံခြင်းမရှိသလို ၀င်ရောက်ယှဉ်ပြိုင်မည်မဟုတ်ကြောင်း တိလင်းစွာကြေညာထားသည်။

အဆိုပါကြေညာချက်အား ပြည်သူ့လွှတ်တော်ကိုယ်စားပြု ကော်မတီဝင်များ(CRPP)၊ ပြည်သူ့ လွှတ်တော်ကိုယ်စားလှယ်များ၊ ပြည်နယ်နှင့်တိုင်း စည်းရုံးရေးအဖွဲ့ဝင်များ(NLD) တို့က ပူးတွဲ ထုတ်ပြန်ခဲ့ခြင်းဖြစ်ပြီး အနာဂတ်နိုင်ငံရေးပြဿနာများကို ပူးပေါင်းပါဝင်တွေ့ဆုံဖြေရှင်း၍ ပြည်သူ့ဆန္ဒနှင့်အညီ ဒီမိုကရေစီစနစ်ကျင့်သုံးသော ပြည်သူ့အစိုးရတရပ်ပေါ်ပေါက်လာသည် အထိ ကြိုးပမ်းလုပ်ဆောင်သွားမည်ဟု ဖော်ပြထားသည်။

အပြည့်အစုံဖတ်လိုလျှင်

ပြန်ခေါက်ထားပါ

ဘန်ကောက် မြန်မာသံရုံးရှေ့တွင် အာဇာနည်နေ့အထိမ်းအမှတ် ဆန္ဒပြတောင်းဆို

ရိုးမ ၃။ ဇူလိုင် ၁၉၊ ၂၀၀၈

ယနေ့ကျရောက်သည့် (၆၁) နှစ်မြောက်အာဇာနည်နေ့တွင် ထိုင်းနိုင်ငံရောက် တိုင်းရင်းသား အဖွဲ့အစည်းများက အခမ်းအနားများကျင်းပ၍ ဆန္ဒပြတောင်းဆိုမှုများ ပြုလုပ်ခဲ့သည်။

ထိုင်းနိုင်ငံ၊ ဘန်ကောက်မြို့ရှိ မြန်မာသံရုံးရှေ့တွင် ယနေ့နံနက်ပိုင်းက လူအင်အား (၆၀) ကျော် တက်ရောက်ကာ အာဇာနည်နေ့အခမ်းအနားကို ပြုလုပ်၍နအဖစစ်အစိုးရထံ တိုင်းရင်းသား ပြည်သူလူထု၏လိုလားမှုများကို တောင်းဆိုဆန္ဒပြခဲ့ခြင်းဖြစ်သည်။ ဆက်ဖတ်ရန် အပြည့်အစုံ ကို Click နှိပ်ပါ။
အခမ်းအနားကျင်းပပုံနှင့်ပတ်သက်၍ ကိုယ်တိုင်ပါဝင်ခဲ့သူ ရခိုင်လူငယ်တဦးက “အခုနောက်ဆုံး အစီအစဉ်မှာ လွမ်းသူပန်းခွေတွေချတယ်၊ ခေါင်းဆောင်ကြီးတွေကို အလေးပြုတယ်၊ ကျနော်တို့ တောင်းဆိုတာကတော့ အာဏာရပါတီတွေကို အာဏာလွှဲပြောင်းပေးဖို့ရယ်၊ တကယ်စစ်မှန်တဲ့ အမျိုးသားရေးဆွေးနွေးမှုတွေ လုပ်ဆောင်ဖို့၊ သမိုင်းအမွေနှစ်တွေ၊ တိုင်းရင်သားအမွေနှစ်တွေ မဖျက်စီးဖို့ အဲဒါတွေကိုတောင်းဆိုတာပါ” ဟုပြောသည်။

အဆိုပါအခမ်းအနားကို ရခိုင်လူမျိုးအဖွဲ့အစည်းများ၊ အခြားအဖွဲ့အစည်းများ၊ တသိပုဂ္ဂလပုဂ္ဂိုလ် များ စုပေါင်းပါဝင်ပြုလုပ်ခြင်းဖြစ်ပြီး တိုင်းပြည်နှင့်လူမျိုးအတွက် အသက်စွန့်သွားခဲ့သည့် ခေါင်းဆောင်များအတွက် စစ်အစိုးရအနေဖြင့် အထိမ်းအမှတ်ပွဲများ ကျင်းပပြုလုပ်ပေးရန်တို့ကို ဆက်လက်တောင်းဆိုခဲ့ကြသည်။

ထို့အပြင် (၆၁) နှစ်မြောက် အာဇာနည်နေ့အထိမ်းအမှတ်အဖြစ် ထိုင်း-မြန်မာနယ်စပ်တွင်လည်း သံဃာတော်များကို ဆွမ်းကပ်လှူဒါန်းမှုများပြုလုပ်ပြီး ဗိုလ်ချုပ်အောင်ဆန်းနှင့်တကွ အာဇာနည် များကို အလေးပြုခြင်း အာဇာနည်နေ့အကြောင်းများ ဟောပြောခြင်းများ ပြုလုပ်ခဲ့ကြသည်။

ယင်းကဲ့သို့ ဇူလိုင် (၁၉) အာဇာနည်နေ့ အထိမ်းအမှတ်ပွဲများကို ဒီမိုကရေစီလိုလားသည့် အဖွဲ့အစည်းများ၊ တိုင်းရင်းသားအဖွဲ့အစည်းများက နေရာအနှံ့ ကျင်းပပြုလုပ်ခဲ့သော်လည်း နအဖစစ်အစိုးရက ယခင်က နိုင်ငံတော်အခမ်းအနားဖြင့် ပြုလုပ်ခဲ့သည့် အာဇာနည်နေ့ကို ယခုနှစ်မှစတင်ကာ သာမန်အခမ်းအနားပုံစံဖြင့်သာ ပြုလုပ်ကျင်းပခဲ့သည်။

ယနေ့ကျရောက်သည့် အာဇာနည်နေ့အခမ်းအနားသို့ ရန်ကုန်ရှိ နိုင်ငံခြားသံရုံးများမှ သံတမန် များအား ဖိတ်ကြားခဲ့ပြီးနောက်ပိုင်း အဆိုပါအစီအစဉ်ကို ပြန်လည်ရုတ်သိမ်းကာ ရန်ကုန်မြို့ တော်ဝန်ကြီးမှူးသည့် အခမ်းအနားတရပ်ဖြစ်သာကျင်းပရန် စစ်အစိုးရကစီစဉ်ခဲ့သည်။

ထိုနေ့မတိုင်မီတွင် အာဏာပိုင်များက ရန်ကုန်တိုင်းမြို့နယ်အချို့မှ အင်န်အယ်ဒီပါတီဝင်များကို ဖမ်းဆီးခြင်းနှင့်အတူ အချို့ပြည်နယ်တိုင်းများတွင်လည်း အခမ်းအနားများ မကျင်းပရန် တားမြစ်မှုများရှိခဲ့သည်။

အပြည့်အစုံဖတ်လိုလျှင်

ပြန်ခေါက်ထားပါ

အာဇာနည်နေ့အခမ်းအနားကို နိုင်ငံတော်အခမ်းအနားဖြင့် မကျင်းပဖြစ်

ဗထူး။ ဇူလိုင် ၁၈၊ ၂၀၀၈

ယခုနှစ်တွင်ကျရောက်သည့် (၆၁)နှစ်မြောက် အာဇာနည်နေ့အခမ်းနားကို စစ်အစိုးရက နိုင်ငံတော်အခမ်းအနားဖြင့် ကျင်းပခြင်းမဟုတ်ဘဲ မြို့ပြအဆင့်အခမ်းအနားဖြင့်သာ ကျင်းပ ပြုလုပ်မည်ဟု ဆိုသည်။ ဆက်ဖတ်ရန် အပြည့်အစုံ ကို Click နှိပ်ပါ။
အာဇာနည်နေ့အခမ်းအနားကို နှစ်စဉ် ယဉ်ကျေးမှုဝန်ကြီးမှဦးဆောင်၍ နိုင်ငံတော်အခမ်းနားဖြင့် ကျင်းပခဲ့သော်လည်း မနက်ဖြန် စနေနေ့တွင်ကျရောက်သည့် အာဇာနည်နေ့ကို ရန်ကုန် မြို့တော်ဝန် ဗိုလ်မှူးချုပ် အောင်သိန်းလင်းမှ ပထမဆုံးအကြိမ်အဖြစ် ဦးဆောင်ကျင်းပမည်ဖြစ် ကြောင်း စစ်အစိုးရအရာရှိတဦးက ပြောဆိုခဲ့ခြင်းဖြစ်သည်။

အဆိုပါအာဇာနည်နေ့အခမ်းအနားသို့ နိုင်ငံခြားသံတမန်များအား တက်ရောက်ရန် ဖိတ်ကြားခြင်း မရှိကြောင်းနှင့် မည်သည့်အတွက်ကြောင့် ယခုကဲ့သို့ ပြုလုပ်ခြင်းဖြစ်သည်ကို မသိကြောင်း သံတမန်တဦးက ပြောသည်။

(နအဖ)စစ်အစိုးရအနေဖြင့် မြန်မာ့တပ်မတော်ဖခင် ဗိုလ်ချုပ်အောင်ဆန်း၏ အခန်းကဏ္ဍကို မှေးမှိန်ရန် ယခုကဲ့သို့ ရည်ရွယ်လုပ်ဆောင်ခြင်းဖြစ်နိုင်ကြောင်း ရန်ကုန်မြို့မှ လူငယ်တဦးက ဆိုသည်။

၁၉၄၇ ခုနှစ်၊ ဇူလိုင်လ (၁၉) ရက်နေ့တွင် ဗိုလ်ချုပ်အောင်ဆန်းနှင့်အတူ ဦးဘဝင်း၊ မန်းဘခိုင်၊ မိုင်းပွန်စော်ဘွား စဝ်စံထွန်း၊ ဒီးဒုတ်ဦးဘချို၊ သခင်မြ၊ အမျိုးသားကျောင်းဆရာ ဦးရာဇတ်၊ အတွင်းဝန် ဦးအုန်းမောင်နှင့် သက်တော်စောင့် ကိုထွေးတို့သည် မသမာသူလူတစု၏ လုပ်ကြံမှု ကြောင့် ကျဆုံးခဲ့ရခြင်းဖြစ်သည်။

အာဇာနည်နေ့သို့ကျရောက်တိုင်း ဝမ်းနည်းခြင်းအထိမ်းအမှတ်အဖြစ် ဥသြဆွဲကာ အသိအမှတ် ပြုမှုများ၊ ပြည်သူများ စည်းကားစွာသွားရောက်ခွင့်များကို စစ်အစိုးရက နှစ်ပေါင်းများစွာ တားဆီးပိတ်ပင်ထားသည့်အပြင် ဗိုလ်ချုပ်အောင်ဆန်းပြတိုက်ကိုလည်း ယနေ့တိုင် ပိတ်ထားဆဲ ဖြစ်သည်။

အပြည့်အစုံဖတ်လိုလျှင်

ပြန်ခေါက်ထားပါ