Unity is Strength: Jul 19, 2008

Saturday, July 19, 2008

ဖြိုးကြီး။ ဇူလိုင် ၁၈၊ ၂၀၀၈

စစ်အစိုးရအာဏာပိုင်များက အမျိုးသားဒီမိုကရေစီအဖွဲ့ချုပ်ဝင် (၄) ဦးကို ယမန်နေ့ညက ထပ်မံ ဖမ်းဆီးခေါ်ဆောင်သွားခဲ့သည်။

အဆိုပါအဖွဲ့ချုပ်ဝင်များကို ယမန်နေ့ ည(၁၀)နာရီ ခန့်က ခေါ်ဆောင်သွားခြင်းဖြစ်ကြောင်း ဒဂုံမြို့သစ်မြို့နယ် (NLD)အတွင်းရေးမှူး ကိုအေးနိုင်က ပြောဆိုခြင်းဖြစ်သည်။
ဆက်ဖတ်ရန် အပြည့်အစုံ ကို Click နှိပ်ပါ။

“ပြည်ထဲရေးက ခဏဆိုပြီး ခေါ်သွားတာ၊ အခုထိပြန်မလွှတ်သေးဘူး၊ သူတို့မိသားစုတွေက ရုံးမှာ လာသတင်းပို့တာ၊ ဘာအတွက်ခေါ်သွားတယ်ဆိုတာလဲ တိတိကျကျမသိဘူး၊ ဘယ်မှာ ထားတယ်ဆိုတာလဲ မသိရသေးဘူး”ဟု ပြောသည်။

ထပ်မံဖမ်းဆီးခံရသူများမှာ ကိုသီဟန်(ဒဂုံမြို့သစ်လူငယ်တာဝန်ခံ)၊ ကိုမြင့်ဌေး (ရန်ကုန်တိုင်း လူငယ်ဖွဲ့စည်း အကူအညီပေးရေးအဖွဲ့)၊ မထက်ထက်ဦးဝေ(ရွှေပြည်သာ)နှင့် ကိုဝင်းမြင့်မောင် (ခရမ်း)တို့ ဖြစ်သည်။

၎င်းတို့ (၄) ဦးအား ပြန်ထဲရေးဝန်ကြီးဌာနလက်အောက်ခံ အဖွဲ့အစည်းများက သက်ဆိုင်ရာ နေအိမ်များမှ ဖမ်းဆီးခေါ်ဆောင်သွားခြင်းဖြစ်သည်ဟု ဆက်လက်ပြောသည်။

အဆိုပါဖမ်းဆီးမှုနှင့်ပတ်သက်၍ “အရင်တခါ ဘန်ကီမွန်းလာတုန်းကလည်း သူတို့ကို အဲလိုခေါ် သွားဖူးတယ်၊ အခုလည်း မနက်ဖြန် အာဇာနည်နေ့ဆိုတော့ အဲဒါကြောင့်ပဲခေါ်တာလို့တော့ ထင်တယ်၊ အတိကျတော့ မပြောနိုင်ဘူးဖြစ်နေတယ်”ဟု ကိုအေးနိုင်က ဆက်ပြောသည်။

စစ်အစိုးရ၏ ကြံ့ဖွံ့နှင့် စွမ်းအားရှင်အဖွဲ့များက ပြီးခဲ့သည့်လအတွင်း ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုခဲ့သည့် NLD ပါတီဝင် (၁၄) ဦးကိုလည်း မတရား ရိုက်နှက် ဖမ်းဆီးထိန်းသိမ်းထားပြီး ယခုကဲ့သို့ ထပ်မံဖမ်းဆီးမှုများ ပေါ်ပေါက်နေခြင်းဖြစ်သည်။

စစ်အစိုးရအနေဖြင့် ၂၀၁၀ ခုနှစ်တွင် ရွေးကောက်ပွဲကျင်းပပြုလုပ်ရန် ပြင်ဆင်နေချိန်တွင် မတရား ဖမ်းဆီးမှုများ ဆက်တိုက်ဖြစ်ပေါ်လာမည်ဟု နိုင်ငံရေးလေ့လာသူများက သုံးသပ်နေစဉ် အဖွဲ့ချုပ်အဖွဲ့ဝင်များအပြင် လေဘေးသင့်ဒေသများသို့ သွားရောက်ကူညီသူများကိုပါ ဖမ်းဆီး နေမှုများ ဆက်တိုက်ပြုလုပ်လျှက်ရှိသည်။

ယခုဖမ်းဆီးခံခဲ့ရသူများအထဲမှ ကိုသီဟန်မှာ ပြီးခဲ့သည့် မြန်မာ့နှစ်သစ်ကူး သင်္ကြန်ကာလက စစ်အစိုးရအတည်ပြုမည့် ဖွဲ့စည်းပုံကို ကန့်ကွက်သည့် (NO) အမှတ်တံဆိပ်ပါ တီရှပ်များဖြင့် ရေးကစားခဲ့ရာမှ အိမ်အပြန်တွင် စွမ်းအားရှင်အဖွဲ့များ၏ လိုက်လံခြိမ်းခြောက် ရိုက်နှက်ရန် ကြိုးစားမှုနှင့် ကြုံတွေ့ခဲ့ရသည်။

အပြည့်အစုံဖတ်လိုလျှင်

အာဇာနည်စိတ်ထားရှိသူတို့ ပေါ်ထွက်ဖို့ အချိန်တန်ပြီ

အပြည့်အစုံဖတ်လိုလျှင်

အာဇာနည်များအတွက် ငှက်လွှတ်ပွဲကျင်းပ

မြင့်မောင်
သောကြာနေ့၊ ဂျူလိုင်လ 18

နယူးဒေလီ။ ။ တရားမျှတမှုအတွက် တိုက်ပွဲဝင်ရင်း ကျဆုံးခဲ့သည့် ကျောင်းသားပြည်သူများနှင့် လက်ရှိ နိုင်ငံရေး အကျဉ်းသားများအတွက် ရည်စူးကာ ကောင်းမှုကုသိုလ် ပြုသည့်အနေဖြင့် ဝါဆိုသင်္ကန်းကပ်ပွဲနှင့် ငှက်လွှတ်ပွဲကို ယမန်နေ့က ရန်ကုန်ရှိ နိုင်ငံရေး တက်ကြွလှုပ်ရှားသူ လူငယ် ၁၅ ဦးက ပြုလုပ်ခဲ့သည်။
ဆက်ဖတ်ရန် အပြည့်အစုံ ကို Click နှိပ်ပါ။
ဝါဆိုလပြည့်နေ့ ကျရောက်သည့် ယမန်နေ့က နံနက် ၆ နာရီခန့်တွင် သံဃာတော်များကို သင်္ကန်းကပ်လှူပြီး နံနက် ၁၁ နာရီခန့်တွင် မဟာဝိဇယ စေတီတော်၌ စာကလေးကောင်ရေ ၁၅ ကောင် လွှတ်ပေးကာ ကျဆုံးလေပြီးသော ကျောင်းသားများနှင့် နိုင်ငံရေး အကျဉ်းသားများ လွတ်မြောက်ရန်အတွက် ရည်ရွယ်ပြီး မဟာဝိဇယ စေတီတော်တွင် ကောင်းမှုကုသိုလ် ပြုခဲ့ကြခြင်း ဖြစ်သည်။

“ခေတ်အဆက်ဆက်မှာ ကျဆုံးသွားတဲ့ ကျောင်းသားပြည်သူတွေကို ရည်စူးပြီးတော့ ကျနော်တို့ ရဲဘော်အိမ်မှာ မနက် ၆ နာရီက အာရုံဆွမ်းနဲ့ ဝါဆိုသင်္ကန်းကို ကပ်လှူခဲ့တယ်။ နေ့လယ် ၁၁ မှာ အဖမ်းဆီးခံ နိုင်ငံရေး အကျဉ်းသားတွေ လွတ်မြောက်ဖို့ ရည်စူးပြီး ငှက်တွေ လွှတ်ခဲ့တယ်” ဟု အမည်မဖော်လိုသူ လူငယ်တဦးက ပြောသည်။

သူက ဆက်ပြီး “ကျနော်တို့ ရွှေတိဂုံစေတီ အနောက်ဘက်မုဒ်မှာ ပြုလုပ်ဖို့ ရည်ရွယ်ထားပေမယ့် လုံခြုံရေး အရပ်ဝတ် ထောက်လှမ်းရေး၊ အရပ်ဝတ်နယ်ထိန်းနဲ့ ရဲအရပ်ဝတ်တွေက စောင့်နေတဲ့အတွက် မဟာဝိဇယကို ပြောင်းလဲ လုပ်လိုက်တယ်” ဟု ပြောသည်။

မနက်ဖြန်တွင် ကျရောက်မည့် ၆၁ နှစ်မြောက် အာဇာနည်နေ့ နီးကပ်လာသည်နှင့်အမျှ ရန်ကုန်မြို့ရှိ လူစည်ကားသည့် နေရာများ၊ လမ်းဆုံလမ်းခွများတွင် လက်နက်ကိုင် စစ်သားများကို လုံခြုံရေး တိုးချဲ့ချထားသလို၊ ဆူးလေဘုရားနှင့် ရွှေတိဂုံဘုရား အနီးတွင်လည်း အရပ်ဝတ် လုံခြုံရေးများ ထူထပ်စွာ ချထားကြောင်း အဖွဲ့ဝင် အခြား လူငယ်တဦးကလည်း ယခုလို ပြောပြသည်။

သူက “ဘုရားတွေမှာ အရပ်ဝတ် နယ်ထိန်းတချို့နဲ့ အရပ်ဝတ်ရဲတွေကို တွေ့ရပါတယ်။ ဘာမှတော့ မဖြစ်ပါဘူး။ ကျနော်တို့ ဒီကနေ့ အောင်အောင်မြင်မြင် လုပ်နိုင်ခဲ့တယ်။ လုံခြုံရေးတွေကတော့ မနေ့ကစပြီး ထပ်တိုးလိုက်တာကို တွေ့ရတယ်။ လမ်းထောင့် တော်တော်များများမှာ စစ်သားတွေ လိုက်ချထားတယ်” ဟု ပြောသည်။
Rest of your post

အပြည့်အစုံဖတ်လိုလျှင်

မြန်မာနိုင်ငံတွင်း ကလေးစစ်သားအသုံးပြုမှု အမေရိကန်နှင့် အင်္ဂလန်ဝေဖန်

18 July 2008

စစ်ပွဲတွေနဲ့ လက်နက်ကိုင်ပဋိပက္ခတွေအတွင်း ကလေးငယ်တွေကို ကာကွယ်စောင့်
ရှောက်ရေးနဲ့ ပတ်သက်လို့ ကုလသမဂ္ဂ လုံခြုံရေးကောင်စီမှာ မနေ့က ဆွေးနွေးပွဲ
တရပ် ပြုလုပ်ခဲ့ပါတယ်။ ဒီကလေးငယ်တွေကို အကာအကွယ်ပေးဖို့ရာ အစိုးရတွေ၊
သက်ဆိုင်ရာတာဝန်ရှိသူတွေမှာ နိုင်ငံရေးစိတ်ဆန္ဒ ရှိဖို့လိုတယ်လို့ ကုလသမဂ္ဂ အတွင်း
ရေးမှူးချုပ် ဘန်ကီမွန်း (Ban Ki-moon) က သတိပေးခဲ့ပါတယ်။ ဒီဆွေးနွေးပွဲအတွင်းမှာ
မြန်မာနိုင်ငံနဲ့ပတ်သက်လို့ အခြေအနေတွေကိုလည်း ထည့်သွင်းဆွေးနွေးခဲ့ပါတယ်။
အကြောင်းစုံကို ကိုသားညွန့်ဦးက တင်ပြပေးထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
ကမ္ဘာပေါ်က စစ်ပွဲနဲ့ လက်နက်ကိုင်ပဋိပက္ခတွေ အတွင်းက ကလေးငယ်တွေကို
ကာကွယ်စောင့်ရှောက်မှုနဲ့ ပတ်သက်ပြီး ကုလသမဂ္ဂ အတွင်းရေးမှူးချုပ်အနေနဲ့ အထူး
ကိုယ်စားလှယ်တဦး ခန့်အပ်ထားသလို လုံခြုံရေးကောင်စီမှာလည်း ကလေးတွေကို
မတရားပြုကျင့်တာတွေကို တားမြစ်တဲ့ ဆုံးဖြတ်ချက်တွေနဲ့အတူ မကြာခဏဆိုသလို
တကမ္ဘာလုံးက ကလေးငယ်တွေအပေါ် မတရားပြုကျင့်မှုတွေကို တင်ပြဆွေးနွေးလေ့
ရှိပါတယ်။

မနေ့ကလုပ်တဲ့ လုံခြုံရေးကောင်စီ အစည်းအဝေးမှာ အတွင်းရေးမှူးချုပ် ဘန်ကီမွန်းက
ကလေးငယ်တွေကို ကာကွယ်စောင့်ရှောက်ရေးအတွက် နိုင်ငံတကာရဲ့ ပူးပေါင်း
ဆောင်ရွက်မှုတွေလည်း အရေးကြီးသလို အစိုးရတွေရဲ့ ပိုင်းဖြတ်မှုကလည်း အရေးကြီး
တယ်လို့ အခုလိုထောက်ပြ ပြောခဲ့ပါတယ်။

"နိုင်ငံရေးအရ ခံယူချက်က အရေးကြီးပါတယ်။ ကုလသမဂ္ဂ အဖွဲ့အစည်းတွေ၊ လက်တွဲ
ဖက်အဖွဲ့တွေ၊ အစိုးရတွေ အားလုံးပါဝင်တဲ့ နိုင်ငံတကာ ကြိုးပမ်းဆောင်ရွက်မှုကသာ
လျှင် အခုလို စစ်ပွဲတွေအတွင်း နေနေရတဲ့ ကလေးငယ်တွေရဲ့ လိုအပ်ချက်အခြေအနေ
ကို ဖြည့်တင်းနိုင်မှာ ဖြစ်ပါတယ်။ ဒီကလေးငယ်တွေ၊ သူတို့ရဲ့မိသားစုတွေ၊ သူတို့ရဲ့
အသိုင်းအ၀ိုင်းတွေ အနာဂတ်ကောင်းမွန်လှပပြီး ဘ၀စိတ်ချလုံခြုံရေးအတွက် ခင်ဗျား
တို့အားလုံးနဲ့အတူ အလုပ်တွဲလုပ်ချင်ပါတယ်။"

စစ်ပွဲနဲ့ လက်နက်ကိုင်ပဋိပက္ခအတွင်းက ကလေးသူငယ်တွေရဲ့ အခြေအနေကို
ဆွေးနွေးကြတဲ့နေရာမှာ ကလေးတွေကို စစ်သားအဖြစ် စုဆောင်းအသုံးပြုနေတာတွေ
ကို အလေးပေးပြီး ပြောဆိုဆွေးနွေးခဲ့ပါတယ်။ ကုလသမဂ္ဂနဲ့ နိုင်ငံတကာအနေနဲ့
ကလေးစစ်သား ပပျောက်ရေးကို အလေးပေးပြီး ဆောင်ရွက်နေတဲ့ကြားမှာပဲ
အောင်မြင်သင့်သလောက် အောင်မြင်ပေမယ့် နိုင်ငံအတော်များများမှာတော့ ကလေး
စစ်သား အသုံးပြုမှုတွေဟာ ရှိနေတုန်းပဲလို့လည်း ဆွေးနွေးခဲ့ကြပါတယ်။

ကုလသမဂ္ဂဆိုင်ရာ အမေရိကန်သံအမတ်ကြီး ဇာမေးလ် ခါလီဇက်ကတော့ ဒီထဲမှာ
မြန်မာနိုင်ငံကို ဥပမာထားပြီး အခုလိုပြောဆိုသွားပါတယ်။

"ကုလသမဂ္ဂ အပါအ၀င် နိုင်ငံတကာအနေနဲ့ လက်နက်ကိုင် ပဋိပက္ခတွေအတွင်းက
ကလေးငယ်တွေကို အကာအကွယ်ပေးရေးလုပ်ငန်းတွေ ဒီလောက်လုပ်ကိုင်နေတဲ့
ကြားမှာပဲ နိုင်ငံအတော်များများမှာ ကလေးတွေကို စစ်သားအဖြစ် စုဆောင်းအသုံးချ
တဲ့ မနှစ်မြို့စရာလုပ်ရပ်တွေ ရှိနေတုန်းပါ။ ဥပမာ မြန်မာနိုင်ငံဆိုပါစို့၊ စစ်အစိုးရနဲ့
အခြားလက်နက်ကိုင်အဖွဲ့တွေဟာ အသက် ၁၀ နှစ်လောက်ပဲငယ်တဲ့ ကလေးငယ်တွေ
ကိုတောင် စစ်ထဲသွင်း အသုံးချတာတွေ ရှိနေပါတယ်။"

ကလေးစစ်သားအသုံးပြုမှု ပပျောက်ရေး နိုင်ငံတကာရဲ့ ကြိုးပမ်းမှုတွေမှာ တိုးတက်မှု
တွေ ရှိလာပေမယ့် မထူးခြားဘဲ စိန်ခေါ်ချက်တွေဖြစ်နေတဲ့ နိုင်ငံတွေလည်းရှိတယ်လို့
ဗြိတိသျှနိုင်ငံကိုယ်စားလှယ် ကရမ်းပီးယားစ်က အခုလိုပြောပါတယ်။

"မြန်မာအစိုးရအနေနဲ့ အထူးကိုယ်စားလှယ်ကိုပေးထားတဲ့ ကတိက၀တ်တွေအတိုင်း
ဆောင်ရွက်ဖို့နဲ့ ကလေးစစ်သား အသုံးပြုမှုအခြေအနေကို စောင့်ကြည့်လေ့လာအစီရင်
ခံတဲ့ အဖွဲ့တရပ်ထူထောင်ရေးမှာ ကုလသမဂ္ဂနဲ့ ပူးပေါင်းဆောင်ရွက်သွားဖို့ ဗြိတိသျှ
အစိုးရအနေနဲ့ တိုက်တွန်းတောင်းဆိုပါတယ်။ ဒီဥပမာတွေကို ကြည့်ခြင်းအားဖြင့်
ဒီပြဿနာတွေဟာ ကျယ်ကျယ်ပြန့်ပြန့်ရှိနေပြီး လုံခြုံရေးကောင်စီကနေ နေ့စဉ်နဲ့အမျှ
ကိုင်တွယ်ဆောင်ရွက်နေရတဲ့ အခြားကိစ္စရပ်တွေပေါ်မှာလည်း သက်ရောက်မှုရှိပါ
တယ်။"

ဒီကိစ္စနဲ့ပတ်သက်လို့ မြန်မာသံအမတ်ကြီး ဦးကျော်တင့်ဆွေကလည်း မြန်မာနိုင်ငံ
အပေါ် စွပ်စွဲချက်တွေနဲ့ပတ်သက်လို့ ပြန်လည်ချေပ ပြောဆိုခဲ့ပါတယ်။ မြန်မာနိုင်ငံမှာ
အမျိုးသားပြန်လည်သင့်မြတ်ရေး လုပ်ငန်းစဉ်တွေကြောင့် လက်နက်ကိုင်အဖွဲ့ ၁၈ ဖွဲ့
ဟာ ဥပဒေဘောင်အတွင်း ၀င်ရောက်ပြီး ငြိမ်းချမ်းမှုတွေ ရနေပါပြီလို့ မြန်မာသံအမတ်
ကြီး ဦးကျော်တင့်ဆွေက ဖြေရှင်းပါတယ်။ ဒါကြောင့် မြန်မာနိုင်ငံဟာ စစ်ပွဲနဲ့ လက်နက်
ကိုင်အကြမ်းဖက်မှုတွေ ရှိတဲ့နေရာမဟုတ်ဘူးလို့ သူကပြောပါတယ်။ မြန်မာနိုင်ငံမှာ
ကလေးစစ်သားအသုံးပြုမှုကို တားမြစ်တဲ့ဥပဒေလည်း ရှိတယ်လို့ သူက အခုလို
ထောက်ပြခဲ့ပါတယ်။

"မြန်မာ့တပ်မတော် ကာကွယ်ရေးရုံးရဲ့ လုပ်ထုံးလုပ်နည်း ဥပဒေသထဲမှာ စစ်သား
စုဆောင်းဖို့ သတ်မှတ်ထားတဲ့ အသက်အရွယ်ဟာ ၁၈ နှစ် ဖြစ်ပါတယ်။ မြန်မာနိုင်ငံက
တပ်မတော်ကြည်း အပါအ၀င် တပ်ဖွဲ့တိုင်းမှာ ၀င်ရောက်လာကြသူတွေဟာ မိမိစိတ်
ဆန္ဒ သဘောထားနဲ့ ၀င်ရောက်လာကြသူတွေ ဖြစ်ပါတယ်။ အတင်းအကျပ် စစ်သား
စုဆောင်းတာမျိုးကို တင်းတင်းကျပ်ကျပ် တားမြစ်ထားပါတယ်။"

ဒါပေမယ့် အသက် ၁၈ နှစ်အောက် စစ်ထဲဝင်ခဲ့တဲ့ဖြစ်ရပ်တွေလည်း မြန်မာနိုင်ငံမှာ
ရှိခဲ့ဖူးတယ်လို့ သူက ၀န်ခံပါတယ်။ ဒါကြောင့် ၂၀၀၄ ခုနှစ်မှာ အစိုးရက ဥပဒေသစ်တွေ
ထုတ်ပြန်ခဲ့ပြီး အစိုးရအာဏာပိုင် အဆင့်ဆင့်အနေနဲ့လည်း ကုလသမဂ္ဂ အေဂျင်စီတွေနဲ့
လက်တွဲပြီး ကလေးစစ်သား ပပျောက်ရေးအစီအစဉ်တွေကို ဆောင်ရွက်လုပ်ကိုင်ခဲ့
တယ်လို့ ဆိုပါတယ်။

ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းကတော့ ကလေးစစ်သား ပပျောက်
ရေးကို လုပ်ရုံတင်မက၊ ဒီကလေးငယ်တွေအနေနဲ့ လူ့အသိုင်းအ၀ိုင်းထဲကို ပြန်လည်
ဝင်ဆံ့လာဖို့အတွက် အကူအညီတွေလည်း လိုအပ်တယ်လို့ ထောက်ပြခဲ့ပါတယ်။

"ကလေးငယ်တယောက် ကလေးစစ်သားဘ၀က လွတ်မြောက်လာပြီဆိုတာနဲ့ ပဲရစ်
အခြေခံမူမှာ ချမှတ်ထားတဲ့အတိုင်း ဒီကလေးငယ်တွေ လူ့အဖွဲ့အစည်း အသိုင်းအ၀ိုင်း
ထဲ ပြန်လည်ဝင်ဆံ့လာဖို့ အပြည့်အ၀ အကူအညီပေးရပါမယ်။ လိုအပ်တဲ့အရင်းအမြစ်
တွေကို အသုံးပြုပြီး အစိုးရတွေ၊ ကျနော်တို့တွဲလုပ်နေတဲ့ ဖွံ့ဖြိုးရေးဆိုင်ရာ အဖွဲ့အစည်း
တွေ အခုလို အကူအညီတွေပေးနိုင်ရေး နိုင်ငံတကာ အသိုင်းအ၀ိုင်းကနေ အားဖြည့်
ပေးကြဖို့ ကျနော် တိုက်တွန်းပါတယ်။ ဆင်းရဲမွဲတေမှုတွေနဲ့ ဖွံ့ဖြိုးရေးနောက်ကျမှုတွေ
ဟာ ကလေးငယ်တွေကို အသုံးချခံရစေဖို့၊ အကြမ်းဖက်မှုခံရစေဖို့ အားပေးသလို
ဖြစ်တယ်ဆိုတာကို မမေ့ကြဖို့လိုပါတယ်။" လို့ မစ္စတာဘန်ကီမွန်းက ပြောခဲ့ပါတယ်။

အမေရိကန်အခြေစိုက် Human Right Watch လူ့အခွင့်အရေး ကာကွယ်
စောင့်ရှောက်မှုအဖွဲ့က ထုတ်ပြန်မှုအရ ကမ္ဘာပေါ်မှာ ကလေးစစ်သားအသုံးပြုမှု
အများဆုံးနိုင်ငံတွေထဲမှာ မြန်မာနိုင်ငံလည်းပါဝင်တယ်လို့ ထောက်ပြထားပါတယ်။

အပြည့်အစုံဖတ်လိုလျှင်

မုန်တိုင်းသင့်ဒေသ စိုက်ပျိုးရေးနဲ့ မွေးမြူရေးလုပ်ငန်း အထောက်အပံ့ ဒေါ်လာ ၃၃ သန်းကျော် FAO မှတောင်းခံ

စပါးစိုက်ပျိုးရန်ပြင်ဆင်နေသည့် ဧရာဝတီတိုင်းအတွင်းရှိ လယ်သမားအချို့။

ဇူလိုင် ၁၀၊ ၂၀၀၈။
18 July 2008

မြန်မာနိုင်ငံက နာဂစ်ဆိုင်ကလုံးသင့်ခဲ့တဲ့မြစ်ဝကျွန်းပေါ်ဒေသတွေမှာ စားနပ်ရိက္ခာ
ဖူလုံရေး ထုတ်လုပ်ရေးတွေအတွက်နောက်ထပ် အမေရိကန်ဒေါ်လာ ၃၃ သန်း
ကျော်လိုအပ်နေတယ်လို့ FAO စားနပ်ရိက္ခာနဲ့ လယ်ယာစိုက်ပျိုးရေးအဖွဲ့ကနေ နိုင်ငံ
တကာကို တောင်းခံလိုက်ပါတယ်။ အခုရောက်နေတဲ့ စိုက်ပျိုးရာသီအတွင်း
လယ်ယာလုပ်ငန်းအတွက် အထောက်အပံ့၊အကူအညီတွေ အမြန်ဆုံးလိုအပ်တယ်လို့
လည်း ဆိုပါတယ်။ အကြောင်းစုံကိုကိုသားညွန့်ဦးက တင်ပြပေးထားပါတယ်။
ဆက်ဖတ်ရန် အပြည့်အစုံ ကို Click နှိပ်ပါ။
မြစ်ဝကျွန်းပေါ်ဒေသဟာ မြန်မာနိုင်ငံ စိုက်ပျိုးရေးလုပ်ငန်းတွေမှာ အားထားရတဲ့ ဒေသ
တခုပါ။ အခုတော့ ဒီဒေသက လယ်သမား ၇၅% လောက်မှာ လုံလောက်တဲ့မျိုးစပါးတွေ
မရှိတာကြောင့် FAO က စိုးရိမ်ပူပန်နေပါတယ်။ အခု သြဂုတ်လအကုန်ဆိုရင်ပဲ စိုက်ပျိုး
ရာသီချိန် ကုန်မှာမို့ လယ်သမားတွေ စိုက်ပျိုးရေးအတွက် အကူအညီတွေ အလျင်အမြန်
ကို လိုအပ်နေတာပါ။ မေလတုန်းက ဒီဒေသကို ရိုက်ခတ်ခဲ့တဲ့ ဆိုင်ကလုံးမုန်တိုင်း
ကြောင့် စပါးစိုက်ပျိုးမြေ ဟက်တာ ၈ သိန်းနီးပါး၊ ရာခိုင်နှုန်းအားဖြင့် ၆၃% လယ်မြေ
တွေ ထိခိုက်မှုရှိခဲ့သလို၊ မျိုးစပါး ၈၅% ဟာလည်း ပျက်စီးဆုံးရှုံးခဲ့တယ်လို့ FAO က
ကြေညာခဲ့ပါတယ်။ ဒါကြောင့် အကူအညီတွေ အလျင်အမြန်ရရှိဖို့ FAO က နိုင်ငံတကာ
ကို အကူအညီတွေ တောင်းခံထားတယ်လို့ ကုလသမဂ္ဂ အတွင်းရေးမှူးချုပ် ပြောခွင့်ရသူ
မာရီး အိုဂါဘီးက မနေ့က ကုလသမဂ္ဂ သတင်းစာရှင်းလင်းပွဲမှာ အခုလိုပြောသွားပါ
တယ်။

"မြန်မာနိုင်ငံမှာ အဓိက စိုက်ပျိုးရာသီမတိုင်ခင် စိုက်ပျိုးရေးဆိုင်ရာ အထောက်အပံ့၊
အကူအညီတွေ အလျင်အမြန် လိုအပ်နေတာကြောင့် ဆိုင်ကလုံးဒေသ မိသားစုဝင်တွေ
စားဝတ်နေရေးနဲ့ ဒီအချိန်ကာလအတွင်း စိုက်ပျိုးထုတ်လုပ်ရေးတွေမှာ အကူအညီပေးဖို့
FAO စားနပ်ရိက္ခာနဲ့ စိုက်ပျိုးရေးဆိုင်ရာ အဖွဲ့အစည်းအနေနဲ့ အမေရိကန်ဒေါ်လာ ၃၃.၅
သန်း ရရှိဖို့ တောင်းခံထားပါတယ်။"

စိုက်ပျိုးရေးတင်မဟုတ်ပါဘူး၊ ဒေသတွင်းက စီးပွားရေးလုပ်ငန်းတွေဖြစ်တဲ့ ငါးမွေးမြူ
ရေး၊ ပင်လယ်နဲ့ ရေထွက်ပစ္စည်းလုပ်ငန်းတွေ စတဲ့ စားနပ်ရိက္ခာ ထုတ်လုပ်ရေးတွေ
အတွက်လည်း FAO က ကူညီထောက်ပံ့သွားမယ်လို့ မာရီးအိုဂါဘီးက ပြောခဲ့ပါတယ်။

"ဆန်စပါးထုတ်လုပ်မှု ကျဆင်းတာကြောင့် အဲဒီဒေသက လူထုအတွက် စားနပ်ရိက္ခာ
လုံလောက်ဖွယ်မရှိဘူးလို့ FAO က ပြောပါတယ်။ ဒါကြောင့် စားနပ်ရိက္ခာ ဖူလုံရေး
အတွက်ဆိုရင် အဲဒီဒေသက မိသားစုဝင်တွေကို အခြား အစားထိုးသီးနှံ စိုက်ပျိုးရေး
နည်းလမ်းတွေမှာ အကူအညီတွေ ပေးဖို့လိုသလို၊ အိမ်မွေးတိရစ္ဆာန်တွေ၊ ငါးလုပ်ငန်း၊
ပင်လယ်လုပ်ငန်းတွေနဲ့ သစ်တောအခြေခံ စားဝတ်နေရေးလုပ်ငန်းတွေ အလျင်အမြန်
လုပ်ကိုင်နိုင်ဖို့ အကူအညီတွေ လိုအပ်နေပါတယ်။"

မြစ်ဝကျွန်းပေါ်ဒေသရဲ့ အခြား အဓိကထုတ်ကုန်ဟာ ငါးလုပ်ငန်းနဲ့ ပင်လယ်လုပ်ငန်းတွေ
ဖြစ်ပါတယ်။ အခုဆိုရင် မုန်တိုင်းကြောင့် ရေလုပ်သား ၁ သိန်းကျော်လောက် လုပ်ငန်း
ထိခိုက်ကုန်ပြီး သူတို့ရဲ့လှေတွေ၊ လုပ်ငန်းသုံးပစ္စည်းတွေလည်း ဆုံးရှုံးခဲ့တယ်လို့ ဆိုပါ
တယ်။ ဒါ့အပြင် မွေးမြူရေးကန် ပမာဏ ဟက်တာ ၂ သောင်းကျော်လည်း ပျက်စီး
ကုန်တယ်လို့ FAO က ဆိုပါတယ်။ ဒီအတွက် လာမယ့်တနှစ်အတွင်း ဒေါ်လာ သန်း ၅၀
ကျော် လိုအပ်နေတယ်လို့ ဆိုပါတယ်။

"လယ်ယာလုပ်ငန်း၊ ငါးလုပ်ငန်း၊ ပင်လယ်နဲ့ ရေထွက်ပစ္စည်းလုပ်ငန်းနဲ့ သစ်တော
လုပ်ငန်းတွေ ပြန်လည်လုပ်ကိုင်ဆောင်ရွက်နိုင်အောင် ကူညီရေးလိုအပ်ချက်ဟာ
လာမယ့် ၁၂ လအတွင်း ဒေါ်လာ ၅၁ သန်း လိုအပ်ပါတယ်။ ဒါဟာ ပြီးခဲ့တဲ့အပတ်
အတွင်း မြန်မာ နာဂစ်မုန်တိုင်း ပြန်လည်ကယ်ဆယ်နေရာချထားရေးအတွက် ကုလ
သမဂ္ဂက တောင်းခံထားတဲ့ ငွေထဲက ပမာဏတခုပါ။ အဲဒီမှာတော့ စိုက်ပျိုးရေးလုပ်ငန်း
တွေ အပါအ၀င် ကူညီရေးလုပ်ငန်းအားလုံးအတွက် အမေရိကန်ဒေါ်လာ ၃၀၃ သန်း
တောင်းခံခဲ့ပါတယ်။"

FAO အနေနဲ့ အခုထပ်ပြီးတောင်းခံတဲ့ အကူအညီတွေဟာ လယ်သမားငယ်တွေ စပါး
စိုက်ပျိုးရေး၊ မွေးမြူရေး စတဲ့ စားနပ်ရိက္ခာ ထုတ်လုပ်ရေးတွေအတွက် ဖြစ်ပါတယ်။
ဒီအထဲမှာ စပါးမျိုးစေ့တွေ၊ နွေကောက်ပဲသီးနှံမျိုးစေ့တွေ၊ မြေသြဇာတွေ ထွန်ယက်ဖို့
ကျွဲနွားတွေ၊ ရေစုပ်စက်တွေနဲ့ မြေယာပြုပြင်တာတွေ စိုက်ပျိုးဖို့တွေအတွက် လိုအပ်တဲ့
ပစ္စည်းပစ္စယတွေ ဝေငှသွားမှာဖြစ်တယ်လို့လည်း သိရပါတယ်။

အပြည့်အစုံဖတ်လိုလျှင်

စုစုနွေးနှင့် ကိုထင်ကျော်တို့ကို ပုဒ်မပြောင်း စွဲဆို

လူ့အခွင့်အရေးလှုပ်ရှားသူမစုစုနွေး။
17 July 2008

ဆန္ဒပြပွဲတွေမှာပါဝင်ပြီး ဖမ်းဆီးခံထားရသူတွေကိုနိုင်ငံတော် အကြည်ညိုပျက်စေမှုနဲ့ အရင်က တရားစွဲဆိုထားရာက အခုတော့ လူငါးယောက်ထက်ပိုပြီးစုဝေးတယ်၊ ဆူပူဖို့ကြိုးစားတယ်ဆိုတဲ့ အမှုမျိုးလောက်နဲ့သာ တရားစွဲဖို့ စစ်အစိုးရဘက်က ရှေ့နေ
တွေကိုယ်တိုင် တင်ပြလာတာတွေ ရှိနေတယ်လို့ ရန်ကုန်ရှေ့နေ အသိုင်းအ၀ိုင်းက ပြောကြပါတယ်။ အသေးစိတ်ကို ဘန်ကောက်ရောက် ဗွီအိုအေ ၀ိုင်းတော်သား ကိုသိန်းထိုက်ဦးက တင်ပြပေးထား ပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
မနေ့က ရန်ကုန် အင်းစိန်ထောင် သီးသန့်ရုံးမှာ ကုန်ဈေးနှုန်းကြီးမြင့်တာကို ဆန္ဒပြခဲ့တဲ့
ကိုထင်ကျော်နဲ့ လူ့အခွင့်အရေးလှုပ်ရှားတဲ့ ထန်းမနိုင်ရွာသူ မစုစုနွေးတို့ရဲ့ အမှုတွေကို
ရုံးထုတ်စစ်ဆေးခဲ့ပါတယ်။ အရင်တုန်းက သူတို့ကိုစွဲခဲ့တဲ့ ပုဒ်မ ၁၂၄(က) နိုင်ငံတော်ကို
အကြည်ညိုပျက်စေမှုနဲ့ စွဲခဲ့တာပါ။ ဒီအမှုမျိုးက ထောင်ဒဏ်တသက်အထိ ကျခံရနိုင်တဲ့
စွဲချက်မျိုးပါ။ ဒီစွဲချက်ကို ပြန်လည်ပြင်ဆင်ဖို့ အစိုးရရှေ့နေတွေဘက်က ပြန်လည်တင်ပြ
လာတာတွေရှိတယ်လို့ ရန်ကုန်မြို့က ရှေ့နေကြီး ဦးအောင်သိန်းက ပြောပါတယ်။

"ကိုထင်ကျော်ကို စဆွဲတာက ပန်းဘဲတန်းမြို့နယ် သိမ်တော်ကြီးရှေ့မှာ ဆန္ဒပြမှုနဲ့ ပုဒ်မ
၁၂၄(က) နဲ့ တမှုစွဲတယ်။ နောက်တခါ ကမာရွတ်မှာ ဘုန်းကြီးဝတ်ခွင့်မရလို့ သပိတ်နဲ့
သင်္ကန်းကိုင်ပြီး ဆန္ဒပြတဲ့အတွက် ကမာရွတ်မြို့နယ်ဘက်က ၁၂၄(က) နဲ့ တမှုစွဲထား
တယ်။ နောက် သင်္ဃန်းကျွန်း စံပြဈေးရှေ့မှာ ဗိုလ်ချုပ်မှူးကြီးသန်းရွှေပုံကိုင်ပြီး ဆန္ဒပြ
တဲ့အတွက် ၁၂၄(က) နဲ့ တမှုထပ်စွဲထားတယ်။ ကိုထင်ကျော်ကို သုံးမှု ၁၂၄(က) နဲ့
စွဲတော့ ခရိုင်တရားရုံးအနေနဲ့ စစ်နေတာပေါ့။"

မနေ့က အင်းစိန်ထောင် သီးသန့်ရုံးမှာ ရုံးထုတ်စစ်ဆေးတဲ့အချိန် ရှေ့နေကြီး
ဦးအောင်သိန်းက ကိုထင်ကျော့်ဘက်က လျှောက်လဲချက်ပေးခဲ့တဲ့ အကြောင်းကိုလည်း
အခုလိုရှင်းပြပါတယ်။

"မနေ့ကတော့ ကျနော်တို့က လျှောက်လဲချက်ပေးလိုက်တယ်။ ၁၂၄(က) နဲ့ စွဲချက်
မတင်ထိုက်ဘူး။ အစိုးရကို အကြည်ညိုပျက်စေတဲ့ အသုံးအနှုန်း၊ ပြောဆိုတဲ့စကားလုံး
မရှိဘူး။ ငြိမ်းချမ်းစွာ ဆန္ဒပြမှုဖြစ်တယ်။ သူဆန္ဒပြ၊ ဆိုင်းဘုတ်ကိုင်ပြီး လမ်းလျှောက်လာ
တဲ့အချိန်မှာ ကားတွေကလည်း သွားမြဲသွားနေတယ်၊ ဈေးသည်တွေကလည်း ဈေး
ရောင်းမြဲ ရောင်းနေတယ်၊ ခရီးသည်တင် ဘတ်စ်ကားတွေကလည်း သွားမြဲသွားနေ
တယ်။ အဲလိုအခြေအနေ ဓာတ်ပုံမှတ်တမ်းတွေကို ကြည့်ခြင်းအားဖြင့်တောင် လူတွေကို
ထိတ်လန့်တုန်လှုပ်စေတဲ့ အပြုအမူမျိုး မရှိဘူး။

"ပြောတဲ့ကိစ္စတွေကလည်း ကုန်ဈေးနှုန်းတက်လို့ တက်တယ်ပြောတယ်။ လောင်စာဆီ
ဈေးနှုန်း တက်နေတဲ့အတွက် ချပေးပါလို့ပြောတယ်။ ဒီဟာတွေက အစိုးရကို အကြည်
ညိုပျက်စေတဲ့ အကြောင်းတရားတွေမှာ ဘာမှပေါ်ပေါက်ခြင်းမရှိဘူး။ ကျနော်တို့ဘက်
က စွဲချက်တင်သင့်မသင့် လျှောက်လဲချက်တော့ ပေးလိုက်ပြီ။ ခရိုင် ဥပဒေအရာရှိ
ဘက်ကတော့ ငါးယောက်ထက်ပိုပြီး ဆန့်ကျင်တဲ့ တူညီတဲ့ရည်ရွယ်ချက်နဲ့ စုဝေးတဲ့ကိစ္စ
လောက်နဲ့ပဲ သူတို့က စွဲချက်တင်စေချင်တာပေါ့။ ဆိုတော့ ပုဒ်မက အများကြီးကွာ
သွားပြီ။"

စစ်အစိုးရရှေ့နေ ခရိုင်ဥပဒေအရာရှိ ကိုယ်တိုင်က နိုင်ငံတော်ကို အကြည်ညိုပျက်စေတဲ့
အမှုနဲ့ အရင်တုန်းက စွဲဆိုထားတာကို ပြန်လည်ပြင်ဆင်ဖို့ လျှောက်လဲတာမျိုးတွေရှိ
တော့ ကျန်တဲ့ အဖမ်းခံထားရတဲ့သူတွေအတွက်ပါ အခြေအနေကောင်းမယ်လို့
မျှော်လင့်မိတဲ့အကြောင်း ဦးအောင်သိန်းက ပြောပါတယ်။

မစုစုနွေးကို မနေ့က ရုံးထုတ်ခဲ့တဲ့အချိန်မှာတော့ အရင်တုန်းက လူစုလူဝေးနဲ့ ဆူပူ
အောင်လုပ်တယ်ဆိုတဲ့ စွဲချက်တွေကို အစိုးရရှေ့နေ ဆွဲချဘက်က ထပ်ဖြည့်ပြီး အမှုတွေ
ထပ်တိုးခဲ့တယ်လို့ မစုစုနွေးအမှုကို လိုက်ပါဆောင်ရွက်နေတဲ့ ရှေ့နေ ဦးကြည်ဝင်းက
ပြောပါတယ်။ နိုင်ငံတော် အကြည်ညိုပျက်စေမှုနဲ့ တရားစွဲဆိုထားတာကို ပြင်ပေးပေ
မယ့် နောက်ထပ် အမှုတွေ ထပ်တိုးတာကတော့ မဖြစ်သင့်တဲ့အကြောင်း သူ့ဘက်က
ပြန်လည်ချေပခဲ့တယ်လို့လည်း ရှေ့နေ ဦးကြည်ဝင်းက ပြောပါတယ်။

"၁၂၄(က) ကိုတော့ ဖြုတ်တယ်။ စွဲချက်က တင်ပြီးပြီ။ တင်ပြီးသားကို အခု သူတို့က
အဲဒါကိုဖြုတ်ချင်တယ်။ ဖြုတ်ပြီးတော့ နောက်ထပ်ပုဒ်မကတော့ ၅၂ တို့ ဘာတို့နဲ့ ထပ်
တိုးပြီးတော့ စွဲချင်တာ။ ကျနော်လျှောက်လဲတဲ့အမှုမှာတော့ ကျနော်က ဥပဒေနဲ့
ဆန့်ကျင်တဲ့ လူစုလူဝေးမှ မဖြစ်ခဲ့ဘဲ။ ရုတ်ရုတ် ရုတ်ရုတ်ဖြစ်အောင် လုပ်တာတို့၊
အန်တုဗလလုပ်တာတို့ စသဖြင့် အဲဒါတွေမှ မပေါ်ဘဲ။ တရားလိုသက်သေတွေကို
စစ်တော့ သူတို့ ရောက်လာပြီးတားတယ်၊ တားတော့ စကားများကြပြီး ကားပေါ်
တက်ခိုင်းတော့ တက်တာပဲ။"

ပုဒ်မ ၁၂၄(က) မှာ ဖြော်ပထားတာက ဥပဒေအရ ဖွဲ့စည်းတည်ထောင်ထားတဲ့ အစိုးရ
မျိုးကို အကြည်ညိုပျက်အောင် လုပ်တာမျိုးကိုမှ စွဲဆိုလို့ရတဲ့အမှုမျိုးလို့ ရှေ့နေ
ဦးကြည်ဝင်းက ရှင်းပြပါတယ်။ ဒါက လက်ရှိစစ်အစိုးရကို တရားဝင်အစိုးရ မဟုတ်ဘူး
လို့ ပြောတာမဟုတ်တဲ့အကြောင်း၊ ဒါပေမယ့်လည်း ဥပဒေနဲ့အညီ ဖွဲ့စည်းတည်ထောင်
ထားတဲ့ အစိုးရမျိုးကို အသရေပျက်အောင်လုပ်မှ ဒီလိုပုဒ်မနဲ့ စွဲဆိုလို့ရတဲ့အကြောင်း၊
အရင်တုန်းက ရှမ်းတိုင်းရင်းသားခေါင်းဆောင်တွေ ဖမ်းဆီးခံခဲ့ရတဲ့ အချိန်တုန်းက
လည်း သူ့ဘက်က လျှောက်လဲချက်ပေးခဲ့ဘူးတယ်လို့ ဦးကြည်ဝင်းက ပြောပါတယ်။
ဘာပဲဖြစ်ဖြစ် ဒီပုဒ်မနဲ့စွဲဆိုထားတဲ့အမှုကို ပြန်လည်ပြင်ဆင်ပေးမယ်ဆိုရင်တော့
ဖမ်းဆီးခံထားရသူတွေအတွက် သက်သာရာရနိုင်တယ်ဆိုပြီး ရန်ကုန်ရှေ့နေအသိုင်း
အ၀ိုင်းက တွက်ဆထားကြပါတယ်။

အပြည့်အစုံဖတ်လိုလျှင်

ပြည်ပသွားရမည့် မြန်မာသံတမန်အချို့ကို ဆေးကျအောင်လုပ်ပြီး စစ်အရာရှိများနှင့် အစားထိုး

NEJ/ ၁၇ ဇူလိုင် ၂၀၀၈

ပြည်ပ မြန်မာသံရုံးများတွင် တာဝန်ထမ်းဆောင်ရမည့် နေပြည်တော် နိုင်ငံခြားရေးဝန်ကြီးဌာန အရာထမ်း အမှုထမ်းများကို ရန်ကုန် အာရှတော်ဝင်ဆေးခန်းတွင် ဆေးစစ်ခိုင်းပြီး မလွှတ်ချင်သူ များကို ဆေးကျအောင် လုပ်နေသည်ဟု သံတမန်အသိုင်းအ၀န်းက ပြောသည်။
ဆက်ဖတ်ရန် အပြည့်အစုံ ကို Click နှိပ်ပါ။
ယခင်က မိမိအစီအစဉ်ဖြင့် ဆေးစစ်ခွင့်ရှိသော်လည်း ယခု အာရှတော်ဝင် ဆေးခန်းတခုတည်း တွင်သာ ဆေးစစ်ရန် အာဏာပိုင်များက ပြောင်းလဲသတ်မှတ်ခဲ့ခြင်းဖြစ်သည်။ ပြည်ပ မြန်မာသံရုံး များတွင် တာဝန်ထမ်းဆောင်မည့် အရည်အချင်းရှိသည့် အရပ်ဘက် အရာထမ်းအချို့နေရာကို စစ်တပ်အရာရှိများနှင့် လူစားထိုးချင်သည့်အခါမျိုးနှင့် လူလျှော့လိုသည့်အခါမျိုးတွင် ဆေးကျ အောင်လုပ်လေ့ရှိသဖြင့် အရပ်ဘက်ဝန်ထမ်းများ စိတ်ဓာတ်ကျနေသည်ဟု နေပြည်တော်သတင်း ရပ်ကွက်ကလည်း ပြောသည်။

နေပြည်တော် နိုင်ငံခြားရေးဝန်ကြီးဌာနတွင် စစ်အရာရှိများကိုသာ ဦးစားပေးလာသည့်အတွက် အတွေ့အကြုံများပြီး အရည်အချင်းရှိသည့် အရပ်ဘက် အရာထမ်းအချို့ဆိုလျှင် ရုံးမတက်
တော့ဘဲ ၀န်ထမ်းပြေး ဖြစ်နေသူများလည်း ရှိသည်ဟု စုံစမ်းသိရသည်။ ။

အပြည့်အစုံဖတ်လိုလျှင်

ရွှေဈေး ကျပ် (၆) သိန်းကျော်သော်လည်း အ၀ယ်လိုက်

NEJ/ ၁၇ ဇူလိုင် ၂၀၀၈
ပြည်သူအများ စီးပွားရေးကျပ်တည်းနေချိန်တွင် ရွှေဈေးနှုန်းများ တက်နေသော်လည်း ရွှေအ၀ယ် လိုက်နေကြောင်း ရွှေဘုံသာလမ်းမှ ရွှေကုန်သည်များက ပြောသည်။

ယခုလ (၁၅) ရက်၌ ရန်ကုန်ရွှေဈေးကွက်တွင် အခေါက်ရွှေ (၁) ကျပ်သား (၆၀၂,၅၀၀) ကျပ် အထိ ဈေးပေါက်နေကြောင်း သိရသည်။ ဆက်ဖတ်ရန် အပြည့်အစုံ ကို Click နှိပ်ပါ။
နိုင်ငံတကာ ရွှေဈေးနှုန်းများ တက်နေသည့်အတွက် ပြည်တွင်းရွှေဈေးနှုန်းများလည်း လိုက်တက် ခြင်းဖြစ်ကြောင်း၊ ပြည်တွင်းရွှေဈေးနှုန်းသည် နိုင်ငံတကာ ရွှေပေါက်ဈေးနှင့် ပြည်တွင်းဒေါ်လာ ပေါက်ဈေးအပေါ် မူတည်ပြီး အတက်အကျဖြစ်ကြောင်း ရွှေဘုံသာလမ်းမှ ရွှေကုန်သည်တဦးက ပြောသည်။

၎င်းက“ ပြည်တွင်းမှောင်ခိုဈေးကွက်မှာ အမေရိကန် (၁) ဒေါ်လာကို (၁,၁၈၀) ကျပ် ၀န်းကျင် ပေါက်ဈေးရှိနေလို့ ရန်ကုန်မြို့တွင်း ရွှေပေါက်ဈေးဟာ ကမ္ဘာ့ရွှေပေါက်ဈေးထက် ကျပ် (၁) သောင်းလောက် နည်းနေတယ်။ ဒါကြောင့် မန္တလေးဝယ်လက်တွေက တရုတ်ပြည်တင်ဖို့ ရွှေချောင်းတွေ အများကြီးဝယ်နေကြတယ်” ဟု ပြောသည်။

ရွှေချောင်းများ ၀ယ်ယူတင်ပို့မှုကို မန္တလေးတရုတ်သူဌေးများက ရန်ကုန်ရွှေဘုံသာလမ်းတွင်
အ၀ယ်တော်ထားရှိကာ ဒိုင်ခံလုပ်ကိုင်နေကြပြီး တရုတ်ပြည်မှ မန္တလေးမြို့ကို ကြားခံကာ ရန်ကုန်သို့ ငွေလွှဲပြီး မန္တလေးမှတဆင့် တရုတ်ပြည် မူဆယ်ဘက်သို့ ရွှေတင်ပို့ ပေးနေခြင်း ဖြစ်သည်။

ပြည်တွင်း၌ ရွှေဈေးမြင့်နေပါက ရွှေကုန်သည်များက နိုင်ငံခြားမှ မြန်မာပြည်တွင်းသို့ ရွှေခိုးသွင်း ကြပြီး ပြည်တွင်း၌ ဈေးနိမ့်နေပါက နိုင်ငံခြားသို့ ခိုးထုတ်လေ့ရှိသည်။

စစ်အစိုးရအာဏာပိုင်များက ဒေါ်လာဈေးတက်၊ ရွှေဈေးတက်ပါက အရေးယူခြင်း၊ ရွှေသမားများ ကို ဖမ်းဆီးခြင်းများ ရှိခဲ့သော်လည်း တခါမှ ထိန်းချုပ်နိုင်ခြင်း မရှိခဲ့ပေ။

ပြည်တွင်းရွှေဈေးကွက်သည် နိုင်ငံတကာနှင့် ချိတ်ဆက်နေသည့်အတွက် အစိုးရက ၀င်ရောက်
စွက်ဖက်သော်လည်း ဘာမှအကျိုးထူးမရှိနိုင်ဟု ရွှေကုန်သည် အသိုင်းအ၀န်းက ပြောသည်။

ရန်ကုန်ဈေးကွက်တွင် ရွှေဆိုင်များသည် လက်လီအရောင်းအ၀ယ် မကောင်းသည်မှာ ကြာပြီ ဖြစ်သောကြောင့် ရွှေပိုင်ရှင်အများစုသည် သန့်စင်ပြီး အခေါက်ရွှေများကိုသာ အရောင်းအ၀ယ်
လုပ်ကြကြောင်း သိရသည်။

သာမာန်လူလတ်တန်းစားနှင့် အောက်ခြေလူတန်းစားများသည် အပိုဝင်ငွေ နည်းလာမှု၊ ရွှေဈေး အလွန်မြင့်တက်လာမှုတို့ကြောင့် ပြည်သူများ ရွှေလက်ဝတ်လက်စား ၀ယ်ယူမှု ကျဆင်းလာ ကြောင်း ရွှေကုန်သည်များက ပြောသည်။

“လူတွေ စီးပွားရေး အဆင်မပြေရင် ရွှေလက်လီအရောင်းဆိုင်တွေ နောက်ဆို အရောင်းပါး သွားမယ်၊ နောက်ပိုင်း ကြော်ငြာတွေတောင် တွေ့ရတော့မှာမဟုတ်ဘူး” ဟု ရွှေဆိုင်ပိုင်ရှင်တဦးက ပြောသည်။

ရွှေဈေးအပြောင်းအလဲမှာ ပြီးခဲ့သည့် ဇွန်လတွင် နိုင်ငံတကာပေါက်ဈေးရွှေ (၁) အောင်စလျှင် (၈၈၆) ဒေါ်လာ၊ ပြည်တွင်းပေါက်ဈေး ရွှေ (၁) ကျပ်သားလျှင် (၅၆၀,၀၀၀) ကျပ် ရှိခဲ့ရာမှ ယခုဇွန်လတွင် နိုင်ငံတကာပေါက်ဈေး (၉၆၀) ဒေါ်လာနှင့် ပြည်တွင်းပေါက်ဈေး (၆၀၂,၅၀၀) ကျပ်သို့ မြင့်တက်လာခြင်းဖြစ်သည်။ ။