စစ်အာဏာရှင်စနစ် ကျဆုံးပါစေ

Sunday, August 3, 2008

စာရေးဆရာ ဗေဒင်ဆရာ မင်းသိင်္ခင်္ကွယ်လွန် မြန်မာပြည်ကောင်းဖို့နီးပြီဟု မကွယ်လွန်ခင်ပြောခဲ့

ပီတာအောင်/ ၁ သြဂုတ် ၂၀၀၈


စာရေးဆရာ ဗေဒင်ဆရာ မင်းသိင်္ခ အသက် (၇၀) နှစ်သည် ယနေ့နံနက် (၆) နာရီက ရန်ကုန်မြို့ သုခ ကမ္ဘာ အထူးကုဆေးခန်း၌ နှလုံးသွေးကြောရပ် ရော ဂါဖြင့် ကွယ်လွန်သွားသည်ဟု ၎င်း၏ တပည့်သား ချင်းများက ပြောသည်။ ဆက်ဖတ်ရန် အပြည့်အစုံ ကို Click နှိပ်ပါ။

နှလုံး၊ သွေးတိုး၊ ဆီးချို ရောဂါများ ခံစားနေရသူ မင်းသိင်္ခသည် ဇူလိုင် (၄) ရက်က ဆေးရုံတက် ရောက်ကုသခဲ့ရပြီး ဆီးကြောပိတ်ကာ ခြေထောက် ဖြတ်ရမည့် အခြေအနေနှင့် ကြုံတွေ့ခဲ့ရသော်လည်း ကျန်းမာရေး ပြန်ကောင်းလာကာ (၁၅) ရက်နေ့ကမှ ဆေးရုံမှ ပြန်ဆင်းလာခဲ့သည်။

မင်းသိင်္ခ၏ တပည့်ရင်းတဦးဖြစ်သူ မင်းသိမ်းခိုင်က “ဆေးရုံကနေ ပြန်ဆင်းလာပြီးတော့ ခြံကို ပြန်ရောက်လာတယ်။ မနေ့က မနက်ကမှ ထူးထူးဆန်းဆန်း စကားတွေပြောတယ်။ ငါ ထွက်တော့ မယ်တဲ့။ ငါ့အခန်းထဲကို ပို့တဲ့။ အခန်းထဲ ရောက်တာနဲ့ ငါပြီးပြီတဲ့။ အဲလို့ပြောပြီး အခန်းထဲ ၀င်သွား တယ်။ ဒီနောက် ရုတ်တရက် အခြေအနေဆိုးလာလို့ မနေ့ကမနက်က ဆေးခန်းကို ပို့လိုက်တာ။ (၁) ရက်ပဲကြာတယ် နှလုံးရပ်ပြီး ဆုံးသွားတာ” ဟု ခေတ်ပြိုင်သို့ ပြောသည်။
မင်းသိင်္ခသည် မှော်ဘီမြို့နယ် မရမ်းတလင်းကျေးရွာရှိ အယူတော်မင်္ဂလာခြံဝင်းအတွင်း၌ နေထိုင် ကာ ဗေဒင်၊ လက္ခဏာ၊ ဂမ္ဘီရ ပညာရပ်များကို တပည့်တပန်းများစွာဖြင့် ဟောကြားပေးနေသူဖြစ်ပြီး ထင်ပေါ်ကြော်ကြားသူတို့အတွက် နာမည်အပေးကောင်းသူတဦးဖြစ်သည်။
အိန္ဒိယနိုင်ငံ ကာလကတ္တား တက္ကသိုလ်က ပေးအပ်သည့် ရိုးရာဗေဒင်ပညာ ပါရဂူဘွဲ့နှင့် မြန်မာမင်း (၁၂၂) ပါး၏ကံကြမ္မာ ကျမ်းစာအုပ်ဖြင့် နက္ခတ်ဗေဒပါရဂူဘွဲ့ (၂) ခုရရှိထားပြီး ဆုသွားရောက် လက်ခံ မရယူခင် ကွယ်လွန်သွားခြင်းဖြစ်သည်။
ဆရာမင်းသိင်္ခသည် ရှစ်လေးလုံးအရေးအခင်းတွင် လူထုနှင့်အတူ တက်ကြွစွာ ပါဝင်ခဲ့ပြီး စစ်အစိုးရ ကို ဝေဖန်တိုက်ခိုက်သည့် ဟောပြောမှုကြောင့် အာဏာသိမ်း န၀တ စစ်အစိုးရ၏ ထောင်ဒဏ်အနှစ် (၂၀) ချမှတ်ခံခဲ့ရသော်လည်း နှစ်ပြည့်မနေရခင် ပြန်လွတ်လာခဲ့သည်။
မြန်မာ့နိုင်ငံရေး အခြေအနေနှင့် ပတ်သက်၍ ဆရာမင်းသိင်္ခ၏ ပြောကြားချက်ကို ၎င်း၏ တပည့် ဖြစ်သူ ဆရာ ဇင်ယော်နီက “မြန်မာနိုင်ငံ ကောင်းခါနီးပြီ။ အဲဒါကို သူမီချင်သေးတယ်၊ ကြည့်ချင် သေးတယ်ဆိုတဲ့စကားမျိုး သူပြောပါတယ်။ လွန်ခဲ့တဲ့ (၁) လ၀န်းကျင်လောက်က ပြောသွားတာ” ဟုပြောသည်။
မင်းသိင်္ခသည် မနုစာရီ ၀တ္ထုဖြင့် စာပေလောကသို့ ၀င်ရောက်ခဲ့ပြီး မကွယ်လွန်ချိန်အထိ ဗေဒင်ကျမ်း စာအုပ်များအပါအ၀င် လုံးချင်းစာအုပ်ပေါင်း (၁၀၀) ကျော် ရေးသားထုတ်ဝေခဲ့သည်။ ၁၉၇၆ ခုနှစ်တွင် 'မနုစာရီ' လုံးချင်းဝတ္ထုကြီးကို စတင်ထုတ်ဝေခဲ့သည်။ ကောင်းမွန်စွာ အောင်မြင်မှု မရရှိခဲ့ပေ။ သို့သော် ဒုတိယအကြိမ် ရိုက်နှိပ်သောအချိန်၌ အောင်မြင်မှု အကြီးအကျယ်ရရှိခဲ့သည်။ 'ဆားပုလင်းနှင်းမောင်' လုံးချင်းဝတ္ထုများ တအုပ်ပြီးတအုပ် ထွက်လာခဲ့သည်။
မြန်မာစာဖတ်ပရိသတ်များအတွက် 'ဆားပုလင်းနှင်းမောင်' သည် မြန်မာရှားလော့ဟုမ်း ဖြစ်လာ ခဲ့သည်။ မင်းသိင်္ခ၏ အခြားလူကြိုက်များသော ဇာတ်လိုက်များမှာ 'ပုဏ္ဏားဘကွန်း' နှင့် စနေမောင်မောင်' တို့ဖြစ်သည်။
၎င်းကွယ်လွန်ချိန်၌ ဇနီးဟောင်း ဒေါ်အေးအေးနှင့် သားတဦးတုိ့ ကျန်ရစ်သည်။ ၎င်း၏ ဈာပနကို သြဂုတ် (၅) ရက်နေ့တွင် ရေဝေးသုသာန်၌ ဂူသွင်းသင်္ဂြိုဟ်ရန် အစီအစဉ်ရှိ ကြောင်းသိရသည်။ ။

အပြည့်အစုံဖတ်လိုလျှင်

စာနာမှု အထောက်အပံ့ သာမက လူ့အခွင့်အရေး တိုးတက်အောင် ကုလသမဂ္ဂ လုပ်ဆောင်သင့်

01 August 2008

ကုလသမဂ္ဂ လူ့အခွင့်အရေးကိုယ်စားလှယ်ရဲ့ မြန်မာနိုင်ငံခရီးစဉ်ဟာ မြန်မာနိုင်ငံ လူ့အခွင့်အရေး အခြေအနေ တိုးတက်အောင် တစုံတရာ အထောက်အကူ ပြုနိုင်မယ်လို့ ဒီမိုရေစီရေး လှုပ်ရှားသူတချို့က မျှော်လင့်ကြပါတယ်။ ဒါပေမယ့်လည်း မြန်မာပြည်ရဲ့ အခြေအနေကို ချဉ်းကပ်တဲ့အခါ ကုလသမဂ္ဂအနေနဲ့ လူသားချင်းစာနာမှု အကူအညီပေးရေး ကိစ္စတခုတည်းကို ရှေ့တန်းတင်တာမျိုး မလုပ်သင့်ဘူးလို့ ပြောဆိုပါတယ်။ အသေးစိတ်ကို ဦးသိန်းထိုက်ဦးက တင်ပြထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် သောမတ်စ် အိုဟေး ကင်တားနား ရှေ့သီတင်းပတ်ထဲမှာ မြန်မာနိုင်ငံကို လာရောက်မယ့် ခရီးစဉ်နဲ့ပတ်သက်လို့ ဒီမိုကရေစီ အင်အားစုတွေက သူတို့ သဘောထားကို ပြောခဲ့ကြတာပါ။
မစ္စတာ ကင်တာနား အနေနဲ့ ဒီနှစ် မတ်လ (၇) ကြိမ်မြောက် ကုလသမဂ္ဂ လူ့အခွင့်အရေး ကောင်စီ အစည်းအဝေးကနေ မြန်မာနိုင်ငံဆိုင်ရာ လူ့အခွင့်အရေး စုံစမ်းစစ်ဆေးသူအဖြစ် တာဝန်ပေးအပ်ပြီးနောက်ပိုင်း ပထမဆုံးအကြိမ် မြန်မာနိုင်ငံကို သွားရောက်မှာဖြစ်ပါတယ်။
မြန်မာ စစ်အစိုးရဘက်က သူ လာရောက်မှာကို အခုမှ လက်ခံခဲ့တာ ဖြစ်ပါတယ်။
ခရီးစဉ်အတွင်း မစ္စတာ ကွီတားနားအနေနဲ့ မြန်မာစစ်အစိုးရ အာဏာပိုင်တွေအပြင် နိုင်ငံရေး ပါတီတွေနဲ့ တိုင်းရင်းသား ကိုယ်စားလှယ်တွေကို တွေ့ဆုံမယ်လို့ ကုလသမဂ္ဂ သတင်းရပ်ကွက်က ပြောပါတယ်။ အဲန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်းကတော့ မစ္စတာ ကင်တားနားရဲ့ ခရီးစဉ်နဲ့ပတ်သက်လို့ အခုလို ပြောဆိုပါတယ်။
"မြန်မာနိုင်ငံက လူ့အခွင့်အရေး အခြေအနေကို အမှန်တကယ်လည်း သိသွားမယ်။ နောက် ဒီဟာနဲ့ပတ်သက်ပြီး တော့လည်း တိုးတက်မှု တစုံတရာတော့ ရနိုင်ပါတယ်လို့တော့ ကျနော်တို့ မျှော်မှန်းပါတယ်။"
အာဂျင်တီးနားနိုင်ငံသား သောမတ်စ် အိုဟေး ကင်တားနားဟာ ပြီးခဲ့တဲ့ အနှစ် ၂၀ အတွင်း မြန်မာနိုင်ငံရဲ့ လူ့အခွင့်အရေး အခြေအနေကို စုံစမ်းစစ်ဆေးဖို့ ကုလသမဂ္ဂက တာဝန်ပေးခြင်းခံရတဲ့ ပဉ္စမမြောက် လူ့အခွင့်အရေးဆိုင်ရာ စုံစမ်းသူဖြစ်ပါတယ်။
သူအရင် ဘရာဇီးနိုင်ငံသား ပါမောက္ခ ပေါ်လိုဆာဂျေယို ပင်ညဲရိုး (Paulo Sergio Pinheiro)၊ မောရီရှတ်စ် နိုင်ငံသား ရက်ဆိုမာ လာလား (Rajossomer Lallah) နဲ့ ဂျပန်နိုင်ငံက ဆာဒကို အိုဂါတာ (Sadako Ogata) နဲ့ ပါမောက္ခ ယိုဇို ယိုကိုတာ (Yozo Yokota) တို့ကို ကုလသမဂ္ဂက ခန့်အပ်ခဲ့ဖူးပါတယ်။
ကုလသမဂ္ဂအနေနဲ့ မြန်မာနိုင်ငံရဲ့ လူ့အခွင့်အရေး အခြေအနေကို လေ့လာစုံစမ်းခဲ့တဲ့ တချိန်တည်းမှာ အထူး ကိုယ်စားလှယ်တွေ ခန့်အပ်ပြီး မြန်မာနိုင်ငံကို စေလွှတ်ရင်း ဒီမိုကရေစီရေး ပြုပြင်ပြောင်းလဲအောင် တိုက်တွန်းနားချခဲ့တာတွေ ရှိပါတယ်။
ဒါပေမယ့်လည်း ဒီလို လူ့အခွင့်အရေး အခြေအနေ တိုးတက်အောင် သွားရောက်လေ့လာတဲ့ ခရီးစဉ်တွေဟာ မြန်မာနိုင်ငံ အခြေအနေ အမှန်တကယ် တိုးတက်ပါ့မလားဆိုပြီး သံသယနဲ့ တုံ့ပြန်သူတွေလည်း ရှိပါတယ်။ မြန်မာနိုင်ငံ လူအခွင့်အရေး ကာကွယ်မြှင့်တင်သူများ ကွန်ယက်က ဦးမြင့်အေးကတော့ အခုလို ပြောပါတယ်။
"သူ လာလေ့လာတဲ့ကိစ္စက သူ သိသွားယုံပဲ ရှိမှာပေါ့။ ဒါလည်း တကယ် ဒီလို နိုင်ငံခြား ဧည့်သူတွေလာတဲ့အခါမျိုးမှာ တကယ်တမ်း ဖြစ်စဉ်တွေ အမှန်တွေကို သိရှိဖို့အတွက် ကျနော် သိသလောက်ကတော့ အများအားဖြင့် ဘယ်သူမှ အဲဒီအခွင့်အရေး မရသွားဘူးခင်ဗျ။ အခုတော့ သူလည်း အဲဒီလိုပဲ လာပြီး ပြန်သွားတာပဲ ဖြစ်မှာပဲ။ ဘာမှ တိုးတက်စရာ မရှိပါဘူး။"
ဦးမြင့်အေးပြောသွားတာပါ။ ဒီနှစ်ပိုင်းအတွင်း မြန်မာနိုင်ငံ နာဂစ်မုန်တိုင်းဒဏ် ခံရပြီးနောက်ပိုင်းမှာ ကုလသမဂ္ဂ အတွင်းရေးမှူးချုပ် ဘန်ကီမွန်းအပါအ၀င် အခြား ထိပ်တန်း အရာရှိတွေ မြန်မာနိုင်ငံကို သွားရောက်ခဲ့ကြပါတယ်။
ဒါပေမယ့်လည်း ခရီးစဉ်တွေအတွင်း မြန်မာနိုင်ငံရဲ့ လူသားချင်းစာနာထောက်ထားမှု ကိစ္စတခုတည်းကိုပဲ ဦးတည်တယ်ဆိုပြီး လူ့အခွင့်အရေးကိစ္စတွေကို ပစ်ပယ်ခဲ့ကြတာကြောင့် ဝေဖန်တာတွေလည်း ခံခဲ့ကြရပါတယ်။
အဲန်အယ်လ်ဒီ ပြောရေးဆိုခွင့်ရှိသူ ဦးဥာဏ်ဝင်းကတော့ ဒါနဲ့ ပတ်သက်လို့ အခုလို ပြောပါတယ်။
"ကျနော်တို့ သုံးသပ်တာကတော့ အဲဒီ မစ္စတာ ဘန်ကီမွန်းတို့ ဘာတို့ လေဘေး ဒုက္ခသည်တွေအတွက်ပဲ နိုင်ငံရေးမပါဘူးလို့ ပြောတာ ကြားရပါတယ်။ ဒါပေမယ်လို့ ဘယ်လိုပဲ ပြောပြော နိုင်ငံရေးက ပါကို ပါရပါတယ်။ ကျနော်တို့ အဲဒီလိုပဲ နားလည်ပါတယ်။ နိုင်ငံရေး ကင်းလွတ်တဲ့ လူသားချင်းစာနာခြင်းဆိုတာလည်း မရှိနိုင်ဘူးလို့ပဲ ကျနော်တို့ နားလည်ပါတယ်။"
ကုလသမဂ္ဂအနေနဲ့ မြန်မာနိုင်ငံရဲ့ လူသားချင်းစာနာထောက်ထားမှု ကိစ္စတွေကို ကြည့်တဲ့အချိန်မှာ လူသားချင်း မစာမနာ အလုပ်ခံနေရတဲ့ လူ့အခွင့်အရေး ချိုးဖေါက်မှုတွေကိုလည်း လစ်လျူရှု မထားသင့်ဘူး ဆိုပြီး ဒီမိုကရေစီအင်အားစုတွေက ဝေဖန်ခဲ့ကြတာ ဖြစ်ပါတယ်။ မြန်မာနိုင်ငံ လူအခွင့်အရေး ကာကွယ်မြှင့်တင်သူများ ကွန်ယက်က ဦးမြင့်အေးကတော့ အခုလို ပြောပါတယ်။
"လောလောဆယ်က ကျနော်တို့ကဗျာ၊ လူသားချင်းစာနာထောက်ထားတယ် ဆိုတာက နာဂစ်ကို အကြောင်းပြပြီး သူတို့ ပြောတာပေါ့။ တကယ်တော့ ကျနော်တို့ ဒီ လူသားချင်း စာနာထောက်ထားသင့်တဲ့ အကြောင်းအရာက နာဂစ်မတိုင်ခင်ကတည်းက တိုင်းပြည် အင်မတန်ကို ဆင်းရဲနေတဲ့ အကြောင်းရင်းက ရှိနေပါတယ်။ ဘာပဲလုပ်လုပ် လူသားချင်း ထောက်ထားစာနာတဲ့ ရှင်းရှင်းပြောရမယ်ဆိုလို့ရှိရင် စာနာတယ်ဆိုတာကဗျာ၊ နိုင်ငံတကာ အကူအညီပေါ့ဗျာ။ ဒါကတော့ လိုနေတာပါပဲ။ ဒါပေမယ့် တပြိုင်နက်တည်းမှာပဲ နိုင်ငံရေးပြဿနာတွေ ရှိနေတယ်။ စီးပွားရေးပြဿနာတွေ ရှိနေတယ်။ လူ့အခွင့်အရေး ချိုးဖောက်တဲ့ ပြဿနာတွေ ရှိနေတယ်ပေါ့ဗျာ။ အဲဒါတွေလည်း မျှမျှတတ ချိန်ပြီးတော့ ဖိအားပေးဖို့တော့ လိုအပ်ပါတယ်။
သြဂုတ်လတွင်း ကုလမဂ္ဂ လူ့အခွင့်အရေးဆိုင်ရာ အထူးစုံစမ်းစစ်ဆေးသူ မစ္စတာ ကင်တားနားအပြင် ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး မစ္စတာ အီဘရာဟင် ဂမ်ဘာရီ လည်း မြန်မာနိုင်ငံကို သွားရောက်ဖို့ စီစဉ်ထားပါတယ်။
မြန်မာ့ဒီမိုကရေစီ အင်အားစုတွေကတော့ ကုလသမဂ္ဂဟာ ပြီးခဲ့တဲ့ မေလ အတွင်းရေးမှုးချုပ် ဘန်ကီမွန်း ကိုယ်တိုင် မြန်မာနိုင်ငံကို မသွားရောက်ခင် အနည်းဆုံး (၃၅) ကြိမ် မြန်မာနိုင်ငံကို အထူး ကိုယ်စားလှယ်တွေ စေလွှတ်ခဲ့ဖူးတယ်လို့ ပြောပါတယ်။
ဒါကြောင့်လည်း ဒီလို ခရီးစဉ်တွေကနေ ကုလသမဂ္ဂရဲ့ မြန်မာ့အရေး ချဉ်းကပ်မှုတွေဟာ လက်တွေ့ အပြောင်းအလဲတွေ ပေါ်လာနိုင်တဲ့ လက်ဆုပ်လက်ကိုင် ပြနိုင်တဲ့ တိုးတက်မှုတွေ ရှိလာအောင် ဒီထက်ပိုပြီး ဆောင်ရွက်ဖို့ လိုတဲ့အကြောင်း တိုက်တွန်းပြောဆိုနေကြတာ ဖြစ်ပါတယ်။

အပြည့်အစုံဖတ်လိုလျှင်

ကုလ လူ့အခွင့်အရေး ကိုယ်စားလှယ် မြန်မာနိုင်ငံကို ရှေ့အပတ်ထဲ ရောက်ရှိမည်

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ်မစ္စတာ သောမတ်စ်အိုဟေးကွီတာနား။

(ဓာတ်ပုံ-ယူအန်)

01 August 2008

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စတာ သောမတ်စ် အိုဟေးကွီတာနား (Thomas Ojea Quintana) ဟာရှေ့လာမယ့်အပတ် သြဂုတ်လ ၃ ရက်နေ့ကနေ၇ ရက်နေ့အထိ မြန်မာနိုင်ငံကိုသွားမယ်လို့ကုလသမဂ္ဂက သတင်းထုတ်ပြန်ထားပါတယ်။အပြည့်အစုံကို ကိုသားညွန့်ဦးက တင်ပြပေးထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
မစ္စတာကွီတာနားအနေနဲ့ မြန်မာနိုင်ငံသွားဖို့ပြင်တာကြာနေပေမယ့် အခုအချိန်ကြမှ မြန်မာစစ်အစိုးရက ဖိတ်ကြားခံခဲ့ရတာဖြစ်လို့ သွားမှာဖြစ်တယ်လို့ ကုလသမဂ္ဂဘက်က ပြောပါတယ်။ ဒါဟာ သူ့ကို ဒီတာဝန်ပေးပြီးနောက်မှာပထမဦးဆုံးအကြိမ် မြန်မာနိုင်ငံကို သွားရောက်နိုင်တာ ဖြစ်ပါတယ်။
မစ္စတာကွီတာနားအနေနဲ့ ဒီခရီးစဉ်အတွင်းမှာ မြန်မာအစိုးရ အာဏာပိုင်တွေနဲ့ တွေ့ဆုံမှာဖြစ်သလို အစိုးရအဖွဲ့အစည်းအသီးသီးက တာဝန်ရှိသူတွေ၊ အခြား တိုင်းရင်းသားကိုယ်စားလှယ်တွေ၊ နိုင်ငံရေးပါတီတွေက ကိုယ်စားလှယ်တွေ၊ လွတ်လပ်တဲ့ လူထုအဖွဲ့အစည်း အသီးသီးက ကိုယ်စားလှယ်တွေ၊ အစိုးရမဟုတ်တဲ့ အဖွဲ့အစည်းက တာဝန်ရှိသူတွေနဲ့လည်း တွေ့ဆုံခွင့်ရဖို့ သူကြိုးပမ်းသွားမယ်လို့ ကုလသမဂ္ဂရဲ့ ထုတ်ပြန်ချက်မှာဖော်ပြပါတယ်။
ဒါ့အပြင် ဆိုင်ကလုံးမုန်တိုင်းသင့်ခဲ့တဲ့ဒေသကိုလည်း သွားရောက်ကြည့်ရှုနိုင်ဖို့ မြန်မာအစိုးရ အာဏာပိုင်တွေထံကို သူခွင့်တောင်းထားတယ်လို့ သိရပါတယ်။ အခု မစ္စတာကွီတာနား မြန်မာနိုင်ငံကို သွားမယ့်အချိန်ဟာ တိုက်တိုက်ဆိုင်ဆိုင်ဆိုသလိုရှစ်လေးလုံးနှစ်ပတ်လည် နှစ် ၂၀ ပြည့်တဲ့ အချိန်အခါလည်း ဖြစ်ပါတယ်။ ရှစ်လေးလုံးကာလမှာ မြန်မာနိုင်ငံ လူ့အခွင့်အရေးနဲ့ ဒီမိုကရေစီရေးအတွက် ဆန္ဒပြ လှုပ်ရှားသူတွေကို မြန်မာအစိုးရ အာဏာပိုင်တွေဘက်က အကြမ်းဖက် နှိမ်နင်းခဲ့တာကြောင့်မြန်မာနိုင်ငံ လူ့အခွင့်အရေးသမိုင်းမှာတော့ ဆိုးဆိုးရွားရွား မှတ်တမ်းတင်ကျန်ခဲ့တဲ့နေ့လို့ ပြောရမှာပါ။
အခုလိုအချိန်ကျမှ တိုက်တိုက်ဆိုင်ဆိုင် မစ္စတာကွီတာနားကို မြန်မာနိုင်ငံလာရောက်ခွင့် ပေးခဲ့တာနဲ့ပတ်သက်လို့ အန်န်စီဂျီယူဘီဝန်ကြီး ဦးဘိုလှတင့်ရဲ့ အမြင်ကိုမေးကြည့်ပါတယ်။
"လူ့အခွင့်အရေးဆိုင်ရာ ကုလသမဂ္ဂ ကိုယ်စားလှယ်တွေကို ကိုယ်ကြိုက်တဲ့အချိန်မှာလက်ခံတယ်၊ ကိုယ်မကြိုက်တဲ့အချိန်မှာ ငြင်းပယ်၊ အချိန်ဆွဲတယ်ဆိုတဲ့ နေရာကနေအခုလို ရှစ်လေးလုံးနှစ်ပတ်လည် နီးကပ်လာတဲ့အချိန်မျိုးမှာ လာရောက်တာကို ခွင့်ပြုတယ်ဆိုတာကိုတော့ အပြုသဘောအနေနဲ့ သတိကြီးကြီးနဲ့ ကြိုဆိုကြရမှာဖြစ်ပါတယ်။
"ဒါပေမယ့် အဓိက အခု မစ္စတာကွီတာနားအနေနဲ့ သူ့ကို ကုလသမဂ္ဂက ပေးအပ်ထားတဲ့ Mandate အရ မြန်မာနိုင်ငံရဲ့ လူ့အခွင့်အရေး အခြေအနေတွေကို မှန်မှန်ကန်ကန်သိရှိနိုင်အောင် ဘယ်လောက် ပွင့်ပွင့်လင်းလင်း ဆောင်ရွက်နိုင်မှုရှိမလဲ၊ အဲဒါကိုနအဖအစိုးရကနေ ဘယ်လောက်အထိ ပူးပေါင်းဆောင်ရွက်မလဲဆိုတာ ပိုပြီးတော့အရေးကြီးတယ်လို့ မြင်ပါတယ်။"
အခု မစ္စတာကွီတာနားရဲ့ ခရီးစဉ်ကလည်း မြန်မာနိုင်ငံကို ပထမဆုံးသွားတဲ့ခရီးစဉ်ဖြစ်တဲ့အခါကျတော့ အများကြီးတော့ မျှော်လင့်လို့မရဘူးပေါ့။ ဒါပေမယ့် သူ့ရဲ့ ပထမဆုံးခရီးစဉ်မှာ အောင်မြင်တယ်လို့ ပြောလို့ရအောင် တိုင်းတာနိုင်တဲ့စံမျိုးတွေဆိုရင်ဦးဘိုလှတင့် ဘယ်လိုယူဆမလဲ။
"ကျနော်တို့အနေနဲ့ကတော့ နအဖစစ်ဗိုလ်ချုပ်ကြီးတွေအနေနဲ့ တဖက်က ဖိတ်ခေါ်ပြီးတော့ ကိုယ်ပြချင်တဲ့ ရှုခင်းရှုကွက်တွေကို ပြတာမျိုးထက် တကယ့် နိုင်ငံရေးအကျဉ်းသားတွေနဲ့ တွေ့ဆုံခွင့်ပေးမယ်၊ ဒေါ်အောင်ဆန်းစုကြည်ရဲ့ အတိုက်အခံခေါင်းဆောင်တယောက်အနေနဲ့၊ ပြည်သူလူထုရဲ့ ဒီမိုကရေစီခေါင်းဆောင် တယောက်အနေနဲ့ သူ့ရဲ့လူ့အခွင့်အရေးနဲ့ပတ်သက်တဲ့ အမြင်သဘောထားတွေကို ပြောပိုင်ခွင့်တွေ ရှိမယ်ဆိုခဲ့လို့ရှိရင်တော့ ဒါဟာ အားလုံးက ကြိုဆိုရမယ့် တိုးတက်ဖြစ်ပေါ်မှုတွေလို့ ကျနော်ယူဆပါတယ်။"အန်န်စီဂျီယူဘီ အဝေးရောက်ညွန့်ပေါင်းအစိုးရ၀န်ကြီး ဦးဘိုလှတင့် ပြောပြသွားတာပါ။
မစ္စတာကွီတာနားအနေနဲ့ ဒီခရီးစဉ်ရဲ့ရလဒ်ကိုတော့ ကုလသမဂ္ဂ လူ့အခွင့်အရေးကောင်စီကို တိုက်ရိုက် အစီရင်ခံစာတင်မှာ ဖြစ်ပါတယ်။မြန်မာနိုင်ငံနဲ့ပတ်သက်လို့ အခြား ကုလသမဂ္ဂကိုယ်စားလှယ် နောက်တဦးဖြစ်တဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာဂမ်ဘာရီ(Mr. Gambari) ဟာလည်း သြဂုတ်လအတွင်းမှာပဲ မြန်မာနိုင်ငံကို သွားရောက်ဖို့ရှိပါတယ်။ မစ္စတာဂမ်ဘာရီ အခုသွားရောက်မယ့်ခရီးစဉ်ဟာ ပြီးခဲ့တဲ့နှစ်ကတည်းကဆိုရင်လေးကြိမ်မြောက်ခရီးစဉ် ဖြစ်ပါတယ်။

အပြည့်အစုံဖတ်လိုလျှင်

သမ္မတဘုရှ်၏ ထိုင်းခရီးစဉ် မြန်မာ့အရေး ဆွေးနွေးမည်

31 July 2008

အမေရိကန်သမ္မတဘုရှ် (Bush) နဲ့ သမ္မတကတော် လော်ရာဘုရ်ှ (Laura Bush)တို့ဟာ လာမယ့် ၅ ရက်နေ့မှာ ၇ ရက်ကြာအာရှသုံးနိုင်ငံခရီးစဉ် စတင်တော့မှာဖြစ်ပါတယ်။ ဒီခရီးစဉ်အတွင်း ထိုင်းနိုင်ငံ၊ဘန်ကောက်မြို့ကိုလည်း သွားရောက်မှာဖြစ်ပြီး မြန်မာနိုင်ငံအရေး တွေ့ဆုံဆွေးနွေးတာတွေ လုပ်ဖို့ရှိပါတယ်။ သမ္မတကတော်ဟာလည်း ဒုက္ခသည်စခန်းတခုနဲ့ဒေါက်တာစင်သီယာမောင် ဆေးခန်းတို့ဆီသွားရောက်လည်ပတ်ဖို့ စီစဉ်ထားပါတယ်။ဒီခရီးစဉ်နဲ့ပတ်သက်လို့ ဗွီအိုအေသတင်းထောက် ပေါ်လာ ၀ုဖ်ဆင် (Paula Wolfson) ပေးပို့ထားတဲ့ သတင်းဆောင်းပါးကိုအခြေခံပြီး ကိုကျော်ကျော်သိန်းက စုစည်းတင်ပြထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
အခုခရီးစဉ်ကတော့ သမ္မတ ဂျော့ခ်ျ ဒဗလျူ ဘုရ်ှရဲ့ သမ္မတသက်တမ်း ၈ နှစ်အတွင်းကိုးကြိမ် မြောက် အာရှခရီးစဉ်ပါ။ တောင်ကိုရီးယား၊ ထိုင်းနဲ့ တရုတ်နိုင်ငံတို့ဆီသွားရောက်မယ့် ဒီခရီးစဉ်အတွင်း ထိုင်းနိုင်ငံခရီးကတော့ မြန်မာ့အရေးနဲ့ တိုက်ရိုက်ကိုဆက်နွယ်နေပါတယ်။
မနေ့က သမ္မတအိမ်ဖြူတော်မှာလုပ်ခဲ့တဲ့ အထူးသတင်းစာရှင်းလင်းပွဲမှာ အမျိုးသားလုံခြုံရေးကောင်စီ၊ အာရှရေးရာဌာန၊ အကြီးတန်းညွှန်ကြားရေးမှူး ဒန်းနစ္စ ၀ိုင်လ်ဒါ(Dennis Wilder) က ခရီးစဉ်နဲ့ပတ်သက်ပြီး အသေးစိတ် ရှင်းလင်းပြောကြားခဲ့ပါတယ်။သမ္မတဘုရ်ှတို့ ဇနီးမောင်နှံဟာ ထိုင်းနိုင်ငံ၊ ဘန်ကောက်မြို့ကို သြဂုတ်လ ၅ ရက်နေ့ညနေပိုင်းမှာ ရောက်ပါမယ်။ သြဂုတ်လ ၆ ရက်၊ ဗုဒ္ဓဟူးနေ့မှာတော့ နာဂစ် ဆိုင်ကလုန်းမုန်တိုင်းဒဏ်သင့် မြန်မာနိုင်ငံမှာ ကူညီကယ်ဆယ်ရေးလုပ်ငန်းတွေ လုပ်ဆောင်နေတဲ့အစိုးရမဟုတ်တဲ့ အဖွဲ့အစည်းတွေနဲ့ အမေရိကန်အစိုးရ အဖွဲ့အစည်းတချို့တို့ကရှင်းလင်းပြောပြတာတွေကို နားထောင်ပါမယ်။ နေ့လယ်ပိုင်းမှာ မြန်မာ့ဒီမိုကရေစီရေးလှုပ်ရှားသူတွေနဲ့ တွေ့ဆုံပြီး သူတို့ပြောဆိုတာတွေကိုလည်း နားထောင်ပါမယ်။ အဲဒီနောက်မှာတော့ ထိုင်းနိုင်ငံမှာရှိတဲ့ သတင်းမီဒီယာတွေက သမ္မတကို တွေ့ဆုံမေးမြန်းခွင့်ရကြမှာဖြစ်ပြီး အဲဒီကနေတဆင့် မြန်မာနိုင်ငံတွင်းကို ထုတ်လွှင့်မှာဖြစ်လို့ မြန်မာလူထုကို သူပြောလိုတာတွေ တိုက်ရိုက်ပြောနိုင်လိမ့်မယ်လို့ ဒန်းနစ္စ ၀ိုင်လ်ဒါက ရှင်းပြခဲ့ပါတယ်။
ထိုင်းနိုင်ငံကိုရောက်တဲ့ အချိန်တိုလေးအတွင်းမှာ သမ္မတဘုရ်ှဟာ မြန်မာ့အရေးကိုအဓိက ပြောဆိုလုပ်ဆောင်မယ့်ပုံ ရှိနေတဲ့အပေါ် သူဟာ မြန်မာနိုင်ငံကိစ္စကို သိပ်အာရုံစိုက်လွန်းပြီး ဒေသတွင်း တခြားကိစ္စတွေပေါ် လုံလောက်တဲ့အာရုံစိုက်မှု မရှိဘူးလို့ဝေဖန်သူတဦးကတော့ ထိုင်းနိုင်ငံမှာ ထင်ရှားတဲ့ ချူလာလောင်ကွန်းတက္ကသိုလ်ကပါမောက္ခ သစ်တီနန် ဖွန်ဆူးဒီရက် (Thitinan Pongsudhirik) ဖြစ်ပါတယ်။
"အရှေ့တောင်အာရှကို ဘုရ်ှအစိုးရက အာရုံစိုက်ပြီဆိုရင် အဲဒါ မြန်မာနိုင်ငံကိစ္စပဲဗျ။ဒါ့ကြောင့် အမေရိကန်ပြည်ထောင်စုရဲ့ နိုင်ငံခြားရေးမူဝါဒဟာ ဒီဒေသတွင်းမှာ တကယ့်ကို အပြည့်အ၀ ဆောင်ရွက်တာမျိုး မရှိသေးပါဘူး။"
သမ္မတဘုရ်ှက ဘန်ကောက်မှာ သူ့အစီအစဉ်တွေအတိုင်းသွားနေချိန် သမ္မတကတော်လော်ရာဘုရ်ှက ထိုင်း-မြန်မာနယ်စပ် မဲဆောက်မြို့ကို သွားရောက်ပါမယ်။ အဲဒီကနေထိုင်း-မြန်မာနယ်စပ်မှာ အကြီးဆုံးဒုက္ခသည်စခန်းဖြစ်တဲ့ မယ်လဒုက္ခသည်စခန်းကိုသွားပြီး ဒုက္ခသည်တွေနဲ့ သွားရောက်တွေ့ဆုံပါမယ်။ အဲဒီကအပြန်မှာတော့ ဒေါက်တာစင်သီယာမောင်ရဲ့ မယ်တော်ဆေးခန်းကို ၀င်ရောက်မှာဖြစ်ပါတယ်။ မယ်တော်ဆေးခန်းဟာ ဒုက္ခသည်တွေ၊ မြန်မာနိုင်ငံကနေ ထိုင်းနိုင်ငံကိုသွားပြီး အလုပ်လုပ်နေကြသူတွေ အပါအ၀င် မြန်မာနိုင်ငံထဲကနေ နယ်စပ်ဖြတ်ပြီး ဆေးလာကုကြတဲ့ တခြားလူနာတွေကို အခမဲ့ဆေးကုသပေးနေတဲ့ ဆေးခန်းပါ။ ဒီဆေးခန်းကို သွားရောက်မှာဖြစ်တဲ့အတွက် ဒေါက်တာစင်သီယာမောင်နဲ့ သမ္မတကတော် လော်ရာဘုရ်ှတို့ တွေ့ဆုံကြမှာဖြစ်သလို ဆေးခန်းရဲ့အခြေအနေတွေကိုလည်း သမ္မတကတော်အနေနဲ့ကိုယ်တိုင်ကိုယ်ကျ သိခွင့်ရမှာပါ။
ထိုင်းနိုင်ငံခရီးစဉ်အပြီး သမ္မတဘုရ်ှရဲ့ နောက်ခရီးစဉ်ကတော့ အများအပြောများနေကြတဲ့ အငြင်းပွားဖွယ် တရုတ်ခရီးစဉ်ပါပဲ။ ဘာ့ကြောင့်လဲဆိုတော့ ဒီခရီးစဉ်ရဲ့ အဓိကရည်ရွယ်ချက်က ဘေဂျင်းမှာကျင်းပမယ့် အိုလံပစ်အားကစားပွဲတော် ဖွင့်ပွဲကိုတက်ရောက်ဖို့နဲ့ အားကစားပွဲတချို့ကို ကြည့်ရှုဖို့ဖြစ်လို့ပါ။ သမ္မတကတော့ သူ့ရဲ့ခရီးစဉ်နဲ့ပတ်သက်လို့ ခုလိုပြောပါတယ်။
"နိုင်ငံတော်အလံကို ဝှေ့ယမ်းနေတဲ့ သူတို့သမ္မတကို တွေ့ရတာဟာ အပြင်းအထန်ကြိုးစားခဲ့ကြတဲ့ အားကစားသမားတွေ အားတက်ကြမယ်လို့ ကျနော်ထင်ပါတယ်။"
ဒါပေမယ့် ဝေဖန်သူတွေရဲ့ အမြင်ကတော့ မစ္စတာဘုရ်ှနဲ့ မတူပါဘူး။ ဒဲရက် မစ်ချဲလ်(Derek Mitchell) ဟာ မဟာဗျူဟာနဲ့ နိုင်ငံတကာလေ့လာရေးဌာနကပါ။ သူကမစ္စတာဘုရှ် အဲဒီလိုပြောတာဟာ သူဖြစ်ချင်တဲ့အတွေးပဲ ဖြစ်ပါလိမ့်မယ်တဲ့။
"သမ္မတက သာမန်လူတယောက်အဖြစ် အားကစားပွဲသွားကြည့်တာမျိုးလောက်လုပ်လို့မရဘူးလေဗျာ။ အားကစားဖွင့်ပွဲမှာ တရုတ်နိုင်ငံက အခမ်းအနားဆင်ယင်နေတာကို သွားကြည့်တဲ့နေရာမှာ အမေရိကန်ပြည်ထောင်စုရဲ့ သမ္မတဆိုတဲ့ ဂုဏ်ရှိန်အဆင့်အတန်းက အပြည့်အ၀ ပါနေတာပါ။"
အိုလံပစ်ဖွင့်ပွဲကို မတက်ရောက်ဖို့ မစ္စတာဘုရ်ှကို ဖိအားပေး တိုက်တွန်းခဲ့သူတွေကတော့ တိဘက်အရေး ကိုင်တွယ်ပုံနဲ့ ဆူဒန်နိုင်ငံ၊ ဒါးဖောဒေသအရေးမှာ တရုတ်နိုင်ငံရဲ့လုပ်ရပ်တွေကို ထောက်ပြပြီး ဒါတွေဟာ သပိတ်မှောက်ဖို့ လုံလောက်တဲ့ အကြောင်းပြချက်တွေပါလို့ ဆိုကြပါတယ်။
ဒါပေမယ့် မစ္စတာဘုရ်ှဟာ တရုတ်သမ္မတ ဟူ ကျင်းတောင် (Hu Jintao) ရဲ့ ဖိတ်ကြားချက်ကို လက်ခံခဲ့ပြီးကတည်းက နောက်ပြန်လှည့်လို့ မရတော့ဘူးဆိုပြီး မစ်ချဲလ်ကပြောပါတယ်။
"သမ္မတက ချက်ချင်းပဲ သူသွားမယ်လို့ ပြောခဲ့ပါတယ်။ ဆိုတော့ အဲဒါကို ပြန်ပြောင်းမယ်ဆိုရင် တရုတ်ပြည်သူလူထုကို စိတ်ကသိကအောက်ဖြစ်စေတာ၊ စော်ကားသလိုဖြစ်စေတာမျိုး တနည်းနည်းနဲ့ဖြစ်မှာမို့ သူ့အတွက် ပိုပြီး ခက်ခဲပါတယ်။"
အားကစားပွဲကို သူမသွားဘူးဆိုရင် တရုတ်လူထုကို ဗြောင်စော်ကားသလို ဖြစ်လိမ့်မယ်လို့ သမ္မတဘုရ်ှကလည်း ပြောပါတယ်။
ဒါ့အပြင် အားကစားသမားတွေကို သူအနေနဲ့ လူကိုယ်တိုင်အားပေးချင်လွန်းလှပါပြီလို့အမေရိကန် အိုလံပစ်အားကစားအဖွဲ့ကို သမ္မတအိမ်ဖြူတော်မှာ တွေ့ဆုံခဲ့တုန်းကမစ္စတာဘုရှ် ပြောခဲ့ပါတယ်။
"အားကစားပွဲတက်ဖို့ ကျနော် သိပ်တက်ကြွနေတယ်။ ကျနော်တို့အားကစားသမားတွေကို အားပေးချင်လှပြီ၊ ခင်ဗျားတို့ရဲ့ အောင်ပွဲတွေအပေါ် အပျော်တွေကို ကျနော် မျှဝေခံစားချင်လှပြီ။"အမေရိကန်အားကစားသမားတွေဟာ လွတ်လပ်မှုအပေါ် အမေရိကန်ရဲ့ ချစ်ခင်မြတ်နိုးမှုကို ကိုယ်စားပြုတဲ့ လွတ်လပ်မှုရဲ့ သံတမန်တွေအဖြစ် သူမြင်တယ်လို့ သမ္မတဘုရ်ှကပြောခဲ့ပါတယ်။

အပြည့်အစုံဖတ်လိုလျှင်

၂၀၁၀ ရွေးကောက်ပွဲပေါ် သဘောထား လွှတ်တော်ကိုယ်စားလှယ်များအား တီးခေါက်မေးမြန်း

31 July 2008

မြန်မာစစ်အစိုးရ အထူးစုံစမ်းရေး ရဲတပ်ဖွဲ့ဝင်တွေက ဒီရက်ပိုင်းမှာ ၁၉၉၀ ခုနှစ်ရွေးကောက်ပွဲမှာ အနိုင်ရခဲ့တဲ့ လွှတ်တော်ကိုယ်စားလှယ်တွေနဲ့ သက်ဆိုင်တဲ့ သတင်းတွေကို စုံစမ်းနေသလို ရှေ့ကျင်းပမယ့် ရွေးကောက်ပွဲနဲ့ ပတ်သက်လို့လည်း လွှတ်တော်ကိုယ်စားလှယ်တွေရဲ့ သဘောထားတွေကို မေးမြန်းနေပါတယ်။ အကြောင်းစုံကိုကိုသိန်းထိုက်ဦးက တင်ပြပေးထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
ဒီရက်ပိုင်းထဲမှာ မြန်မာစစ်အစိုးရ အထူးစုံစမ်းရေး ရဲတပ်ဖွဲ့ဝင်တွေက ၁၉၉၀ ခုနှစ်ရွေးကောက်ပွဲမှာ အနိုင်ရခဲ့တဲ့ လွှတ်တော်ကိုယ်စားလှယ်တွေ ဘယ်မှာနေတယ်၊ သူတို့ရဲ့ ကျန်းမာရေးအခြေအနေကအစ အသေးစိတ် မေးမြန်းစုံစမ်းတာတွေ လုပ်နေတယ်လို့ အန်န်အယ်လ်ဒီ လွှတ်တော်ကိုယ်စားလှယ်တွေနဲ့ နီးစပ်တဲ့ သတင်းရပ်ကွက်ကပြောပါတယ်။
ဒါ့အပြင် ဒီလွှတ်တော်ကိုယ်စားလှယ်တွေအနေနဲ့ ၂၀၁၀ ခုနှစ် စစ်အစိုးရကရွေးကောက်ပွဲအသစ် ကျင်းပခဲ့လို့ရှိရင် ဒီရွေးကောက်ပွဲမှာ ၀င်မှာလား ဆိုတာမျိုး၊တိုက်ရိုက်၊ ဒါမှမဟုတ် သွယ်ဝိုက်ပြီးမေးတာမျိုးတွေ ရှိနေတယ်လို့ အန်န်အယ်လ်ဒီလွှတ်တော်ကိုယ်စားလှယ်တွေနဲ့ နီးစပ်သူတယောက်က အခုလိုပြောပါတယ်။
"ဘယ်လိုစစ်တမ်းကောက်လဲဆိုတော့ မြို့နယ်တိုင်းမှာ ၉၀ ခုနှစ်က အန်န်အယ်လ်ဒီလွှတ်တော်ကိုယ်စားလှယ်အနေနဲ့ အရွေးခံတဲ့ လွှတ်တော်ကိုယ်စားလှယ်တွေ ရှိတယ်။ အဲဒီလွှတ်တော်ကိုယ်စားလှယ်တွေကလည်း အရွေးချယ်ခံထားပြီးသားပေါ့။ အဲဒီလူတွေကို လက်ရှိ သက်ဆိုင်ရာ ရွေးချယ်လိုက်တဲ့မြို့နယ်မှာရှိလား၊ မရှိဘူးလား။ ပြီးတော့ကွယ်လွန်၊ ဒါမှမဟုတ် သက်ရှိ။
"တချို့ကလည်း ရန်ကုန်မှာနေပြီး ဒီမှာလာအရွေးခံတာတွေရှိတယ်။ ရှိရင်လည်းလောလောဆယ် ဘယ်မှာနေတယ်၊ အသက်အရွယ်၊ ကျန်းမာရေး၊ ပြီးတော့ အဲဒီကိုယ်စားလှယ်တွေအနေနဲ့ လာမယ့် ၂၀၁၀ ခုနှစ်မှာ အစိုးရကလုပ်မယ့် ရွေးကောက်ပွဲမှာ အရွေးချယ်ခံမှာလား၊ မခံဘူးလား။ အရွေးချယ်ခံမယ်၊ မခံဘူးဆိုတဲ့ကိစ္စကတော့တချို့နယ်တွေမှာ သွယ်ဝိုက်ပြီးစုံစမ်းသလို တချို့နယ်တွေမှာကျတော့လည်း အဲဒီလွှတ်တော်ကိုယ်စားလှယ်တွေကို တိုက်ရိုက်တွေ့ပြီး မေးတာတွေရှိတယ်။"
စစ်အစိုးရရဲ့ နိုင်ငံရေးလုပ်ငန်းစဉ်တွေက ဒီမိုကရေစီနည်းလမ်း မကျဘူးဆိုပြီး ပြီးခဲ့တဲ့ရက်ပိုင်းအတွင်းကပဲ လွှတ်တော်ကိုယ်စားလှယ်တချို့က မြန်မာစစ်အစိုးရဟာ ၂၀၁၀ခုနှစ် ရွေးကောက်ပွဲ ကျင်းပခဲ့မယ်ဆိုရင် ဒီရွေးကောက်ပွဲကို သပိတ်မှောက်မယ်ဆိုပြီးကြေညာချက် ထုတ်ခဲ့တာတွေ ရှိပါတယ်။ ဒီလိုကြေညာချက်တွေ၊ ပြောဆိုချက်တွေထွက်လာပြီးနောက်ပိုင်းမှာ အထူးစုံစမ်းရေး ရဲတပ်ဖွဲ့ကနေပြီး လွှတ်တော်ကိုယ်စားလှယ်တွေရဲ့ သဘောထားကို မေးမြန်းစုံစမ်းတာတွေ လုပ်လာခဲ့တာပါ။
တတိုင်းပြည်လုံးမှာရှိတဲ့ တခြားကျန်နေသေးတဲ့ ၉၀ ခုနှစ်ရွေးကောက်ပွဲမှာ အရွေးခံခဲ့ရတဲ့ လွှတ်တော်ကိုယ်စားလှယ်တွေရဲ့ သဘောထားကို ဒီလိုမေးမမေးဆိုတာတော့ မသိရသေးပါဘူး။ အမေးခံရတဲ့အထဲမှာ ပဲခူးမြို့က လွှတ်တော်ကိုယ်စားလှယ် ဦးမြတ်လှလည်းပါဝင်ပါတယ်။ ဦးမြတ်လှက အခုလိုပြောပါတယ်။
"အက်စ်ဘီက တယ်လီဖုန်းနဲ့မေးတာ။ ၀င်မှာလား၊ မ၀င်ဘူးလားတဲ့။ မသိသေးဘူး၊ရွေးကောက်ပွဲဥပဒေတွေ ထွက်မှပဲ စဉ်းစားမယ်လို့ ပြောလိုက်တယ်။ ဝေါက ဦးတင်ရွှေတို့ကိုလည်း မေးတယ်လို့ပြောတယ်။ သူတို့ ဘာရည်ရွယ်ချက်လဲတော့ မသိဘူး။ ကျနော်သိသမျှ ကျနော့်ကိုမေးပြီးတော့ ဟိုလူတွေ လျှောက်မေးတယ်လို့ပြောတယ်။"
၂၀၁၀ ခုနှစ် မြန်မာစစ်အစိုးရက ကျင်းပပေးမယ့် ရွေးကောက်ပွဲဟာ စစ်အုပ်ချုပ်ရေးကိုသက်တမ်းကြာအောင် ဟန်ပြကျင်းပြတဲ့ ရွေးကောက်ပွဲသာဖြစ်လိမ့်မယ်ဆိုပြီး ဒီရွေးကောက်ပွဲကို သပိတ်မှောက်ဖို့ ဒီမိုကရေစီ အင်အားစုတွေကြားမှာ တိုက်တွန်းပြောဆိုတာတွေ ရှိနေပါတယ်။
စစ်အစိုးရနဲ့ အပစ်အခတ် ရပ်စဲထားတဲ့ တိုင်းရင်းသား လက်နက်ကိုင်အဖွဲ့တချို့ကတော့နိုင်ငံရေးပါတီအသွင်ပြောင်းပြီး ဒီရွေးကောက်ပွဲမှာ ၀င်ရောက်ယှဉ်ပြိုင်ဖို့ ပြင်ဆင်နေတယ်ဆိုတဲ့ တိုင်းရင်းသားသတင်းရပ်ကွက်က သတင်းတွေလည်း ထွက်ပေါ်နေပါတယ်။မြန်မာစစ်အစိုးရ သတင်းစာတွေမှာတော့ စစ်အစိုးရ ဦးဆောင်ရေးဆွဲခဲ့တဲ့ ဖွဲ့စည်းအုပ်ချုပ်ပုံ အခြေခံဥပဒေကို တရားမ၀င်ဘူးဆိုပြီး လွှတ်တော်ကိုယ်စားလှယ်တချို့ရဲ့ကြေညာချက်တွေကို ဝေဖန်ပြစ်တင်ထားပြီး ဒီမိုကရေစီပန်းတိုင်နဲ့ အလှမ်းဝေးအောင်မလုပ်သင့်ဘူးဆိုတဲ့ ဆောင်းပါးမျိုးတွေ ရေးသားဖော်ပြနေပါတယ်။

အပြည့်အစုံဖတ်လိုလျှင်

မြန်မာနိုင်ငံ တောင်အာရှနိုင်ငံများအသင်း လေ့လာသူအဆင့်ရ


တောင်အာရှနိုင်ငံများအသင်း အစည်းအဝေး တက်ရောက်လာကြသော နိုင်ငံခြားရေးဝန်ကြီး အချို့။

ဇူလိုင် ၃၁၊ ၂၀၀၈။


တောင်အာရှနိုင်ငံများအသင်းလို့ လူသိများတဲ့ SAARC အဖွဲ့မှာ မြန်မာနိုင်ငံကိုလေ့လာသူအဆင့်အတန်းနဲ့ လက်ခံဖို့ဆုံးဖြတ်လိုက်တဲ့အကြောင်း သီရိလင်္ကာနိုင်ငံကလာတဲ့ သတင်းတပုဒ်မှာ ဖော်ပြထားပါတယ်။ တောင်အာရှနိုင်ငံတွေအနေနဲ့ ကုန်သွယ်ရေးအကျိုးစီးပွား မျှော်ကိုးပြီးလက်ခံခဲ့တာဖြစ်သလို တဖက်ကလည်းမြန်မာနိုင်ငံအခြေအနေကို မျက်ကွယ်ပြုထားလို့ မရဘူးလို့ သုံးသပ်တာရှိပါတယ်။အပြည့်အစုံကို ကိုကျော်ကျော်သိန်းက တင်ပြပေးထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
SAARC အဖွဲ့မှာ အဖွဲ့ဝင်အဖြစ် အပြည့်အ၀ခွင့်ပြုဖို့ မြန်မာနိုင်ငံက ပြီးခဲ့တဲ့မတ်လမှာတရားဝင်လျှောက်ထားခဲ့ပြီးတဲ့နောက် ကနဦးအနေနဲ့ လေ့လာသူအဖြစ် လက်ခံလိုက်တာပါ။ သီရိလင်္ကာနိုင်ငံ၊ ကိုလမ်ဘိုမြို့တော်မှာ ကျင်းပနေတဲ့ SAARC အဖွဲ့ လုပ်ငန်းကော်မတီရဲ့ ၃၅ ကြိမ်မြောက် အစည်းအဝေးမှာ အဲဒီဆုံးဖြတ်ချက်ကို ကြေညာခဲ့ပါတယ်။
အခုလို လေ့လာသူအဆင့်အတန်း ပေးလိုက်တာဟာ မြန်မာနိုင်ငံနဲ့ပတ်သက်ရင်ဒေသတွင်းနိုင်ငံတွေအနေနဲ့ ပြောဆိုဆွေးနွေးဖို့ အခွင့်အလမ်းတခု ပေါ်လာတယ်လို့သုံးသပ်သူက NCGUB အဝေးရောက် ပြည်ထောင်စုမြန်မာနိုင်ငံ ညွန့်ပေါင်းအစိုးရအဖွဲ့က အိန္ဒိယအခြေစိုက် ၀န်ကြီးတဦးဖြစ်သူ ဒေါက်တာတင့်ဆွေပါ။
"မြန်မာနိုင်ငံနဲ့ပတ်သက်ရင် သူတို့နိုင်ငံတွေက သူတို့အကျိုးစီးပွားအရ သူတို့လိုချင်တာတွေ တောင်းကြ၊ ပြောကြ၊ လုပ်ကြမှာဖြစ်သလိုပဲ မြန်မာနိုင်ငံဟာ ဒီ့ပြင် နိုင်ငံတကာစင်မြင့်မှာ နိုင်ငံတကာအားလုံးကနေ လက်ညှိုးထိုး၊ ဝေဖန်နေတဲ့ကိစ္စတွေကိုလည်းဒီအစည်းအဝေးကျင်းပတဲ့ အိမ်ရှင် တောင်အာရှနိုင်ငံအသင်းအနေနဲ့လည်း တာဝန်ရှိတဲ့နိုင်ငံ ပီသလို့ရှိရင်တော့ မြန်မာစစ်အစိုးရနဲ့ပတ်သက်ရင် ပြောစရာရှိတာတွေကိုတော့ ပြောရပါလိမ့်မယ်။ အဲဒါကြောင့် ပြောဖို့အတွက် နအဖစစ်အစိုးရ အုပ်ချုပ်တဲ့မြန်မာနိုင်ငံဟာ ဒီအထဲမှာ လေ့လာသူအဖြစ် ၀င်သွားတယ်ဆိုတော့ တနည်းအားဖြင့်အကောင်းရော၊ အဆိုးရော နှစ်မျိုးစလုံး ဖြစ်လာနိုင်တယ်လို့ ကျနော်တော့မြင်ပါတယ်။"
ဒေသတွင်းနိုင်ငံတွေပါဝင်တဲ့ အဖွဲ့အစည်းတွေထဲမှာ ASEAN အရှေ့တောင်အာရှနိုင်ငံများအဖွဲ့ပြီးရင် မြန်မာနိုင်ငံအတွက် ဒုတိယမြောက်ပါဝင်မယ့် အဖွဲ့အစည်းလည်း ဖြစ်ပါတယ်။
လေ့လာသူအဆင့်အတန်းဆိုတာ သိပ်ကြီးကျယ်တဲ့အဆင့်တော့ မဟုတ်ဘူး၊ အဖွဲ့ဝင်ဖြစ်လာဖို့ကတော့ အချိန်ယူရဦးမှာပါလို့ ဒေါက်တာတင့်ဆွေက ပြောပါတယ်။
တောင်အာရှနိုင်ငံများအသင်းကို ၁၉၈၅ ခုနှစ်၊ ဒီဇင်ဘာလ ၈ ရက်နေ့မှာ မူရင်းအဖွဲ့ဝင်၇ နိုင်ငံဖြစ်တဲ့ ဘင်္ဂလားဒေ့ရှ်၊ ဘူတန်၊ အိန္ဒိယ၊ မော်လ်ဒိုက်ဗ်စ်၊ နီပေါလ်၊ ပါကစ္စတန်၊သီရိလင်္ကာနိုင်ငံတို့နဲ့ တရားဝင် စတင်ဖွဲ့စည်းခဲ့တာပါ။ အဓိကရည်ရွယ်ချက်ကတော့အဖွဲ့ဝင်နိုင်ငံတွေမှာ စီးပွားရေးနဲ့ လူမှုရေး အခြေအနေတွေ တိုးတက်လာရေး ပူးပေါင်းဆောင်ရွက်ကြဖို့ ဖြစ်ပါတယ်။ ပြီးခဲ့တဲ့နှစ်မှာတော့ အာဖဂန်နစ္စတန်နိုင်ငံကို အဖွဲ့ဝင်သစ်အဖြစ် လက်ခံခဲ့ပါတယ်။ ဒါ့အပြင် တခြားလေ့လာသူအဆင့်အတန်းရှိတဲ့ နိုင်ငံ ၇ နိုင်ငံရှိပါသေးတယ်။ အဲဒါတွေကတော့ တရုတ်၊ အီရန်၊ ဥရောပသမဂ္ဂ၊ ဂျပန်၊ တောင်ကိုရီးယား၊ အမေရိကန်ပြည်ထောင်စုနဲ့ မော်ရစ်သျှနိုင်ငံတွေပါ။ အခု မြန်မာနိုင်ငံနဲ့အတူလေ့လာသူအဆင့် သတ်မှတ်မယ့်ထဲမှာ သြစတြေးလျနိုင်ငံလည်း ပါဝင်ပါတယ်။
မြန်မာအစိုးရက ကိုယ့်ပြည်သူလူထုအပေါ် ပြုမူလုပ်ဆောင်ပုံတွေနဲ့ပတ်သက်ပြီး နိုင်ငံတကာက ၀ိုင်းဝန်း ပြစ်တင်ဝေဖန်နေချိန်မှာ အခုလို နိုင်ငံတကာ အဖွဲ့အစည်းတခုမှာအဆင့်တခုရလာတဲ့အတွက် နိုင်ငံရေးအရ အဆင့်အတန်းတက်လာတယ်လို့ ပြောဖို့ကတော့ စောလွန်းသေးတယ်လို့ ဒေါက်တာတင့်ဆွေက ဆိုပါတယ်။
တောင်အာရှနိုင်ငံတွေဘက်ကလည်း ကုန်သွယ်ရေးတိုးချဲ့ဖို့ရာမှာ အချက်အချာကျတဲ့မြန်မာနိုင်ငံကို ခုလို စလက်ခံခဲ့ပေမယ့် မြန်မာ့အရေးမှာ ရေငုံနှုတ်ပိတ်နေလို့တော့ မရပါဘူးတဲ့။
"သူတို့ရဲ့ ကုန်သွယ်ရေးအကျိုးစီးပွားကတော့ မြန်မာနိုင်ငံပါလာတဲ့အတွက် အကျိုးတစုံတရာ ရမှာကတော့ အမှန်ပါပဲ။ တချိန်တည်းမှာ ဝေဖန်တဲ့ကိစ္စတွေကို ရေငုံနှုတ်ပိတ်နေမယ်ဆိုရင်တော့ လေ့လာသူနိုင်ငံတွေကလည်း ဒီမိုကရေစီနိုင်ငံတွေရှိတယ်၊ နိုင်ငံကြီးတွေလည်း ပါတယ်ဆိုတော့ ဝေဖန်ကြမယ်၊ ထောက်ပြမယ်။ အနည်းဆုံး သူ့နိုင်ငံပြည်သူလူထုနဲ့ အနည်းဆုံး ဒေသတွင်း မီဒီယာတွေက ထောက်ပြခံရမှာကတော့ အမှန်ပါပဲ။ ဒါကြောင့် ဒီနှစ်ခုကို SAARC နိုင်ငံတွေက ချိန်ပြီးတော့ လက်ခံတယ်။ သို့သော်လည်း သူတို့အကျိုးစီးပွားအရတော့ တစုံတရာ သူတို့အတွက် အကျိုးရှိမှာပါပဲ။"SAARC အဖွဲ့မှာ မြန်မာနိုင်ငံ လေ့လာသူအဆင့် ရခဲ့တာနဲ့ပတ်သက်လို့ NCGUB တာဝန်ရှိသူတဦးဖြစ်တဲ့ ဒေါက်တာတင့်ဆွေက သုံးသပ်ပြောဆိုသွားတာ ဖြစ်ပါတယ်။
Rest of your post

အပြည့်အစုံဖတ်လိုလျှင်

ဆွေမျိုးအားလုံးကောင်းစားအောင်လုပ်ပြီးမှ ၀န်ကြီးရာထူးက ထွက်မည်

NEJ/ ၃၁ ဇူလိုင် ၂၀၀၈

ဆွေမျိုးသားချင်းများအား အထူးစောင့်ရှောက်သည်ဟု ၀န်ထမ်းများကြား နာမည်ကြီးသည့် နေပြည်တော်စက်မှု (၁) ၀န်ကြီး ဦးအောင်သောင်းသည် ရာထူးမှထွက်ပြီး နိုင်ငံရေးမလုပ်မီ "ငါ့ဆွေမျိုးအားလုံးကောင်းစားအောင်လုပ်ပေးပြီးမှ ၀န်ကြီးရာထူးက ထွက်မယ်" ဟု မကြာခင်က ပြောခဲ့သည်။ ဆက်ဖတ်ရန် အပြည့်အစုံ ကို Click နှိပ်ပါ။
ဦးဆောင်ညွှန်ကြားရေးမှူးများတက်ရောက်သည့် နေပြည်တော်စက်မှု (၁) ၀န်ကြီးဌာန အီးစီ အစည်းအဝေးတခုတွင် စက်မှု (၁) ၀န်ကြီး ဦးအောင်သောင်း ယခုကဲ့သို့ပြောခဲ့ခြင်းဖြစ်ကြောင်း နေပြည်တော် သတင်းရပ်ကွက်က ပြောသည်။ မည်သည့်အတွက် ယခုကဲ့သို့ပြောသည်ကို ရှင်းရှင်း လင်းလင်း မသိရသေးသော်လည်း ၀န်ကြီးဦးအောင်သောင်းအား ၀န်ကြီးဌာန တခုလုံးနီးပါး သဘောမကျဟု ၀န်ထမ်းများက ပြောသည်။
ဝန်ကြီးဦးအောင်သောင်းသည် ၂၀၀၇ ခုနှစ် အရေးအခင်းများတွင် ဆန္ဒပြပြည်သူများကို ရိုက်နှက် ဖို့ကိစ္စ နောက်ကွယ်က ကြိုးကိုင်သူအာဏာပိုင်များထဲမှာ တဦးအပါအ၀င် ဖြစ်သည်ဟု စက်မှု (၁) ၀န်ကြီးဌာန အရာရှိများ၏ စွပ်စွဲခြင်းခံရသူဖြစ်သည်။ ဆွေမျိုးသားချင်း ကောင်းစားရေးဝါဒ လက်ကိုင်ထားသည့် ၀န်ကြီးဦးအောင်သောင်းသည် အခြေခံဥပဒေ ဆန္ဒခံယူပွဲ၌ ၎င်း၏ဇာတိ တောင်သာမြို့နယ် ကျောက်ကာကျေးရွာမှ (၆၂) ရာနှုန်းသာ ထောက်ခံမဲရသည်ဟု စုံစမ်း သိရသည်။ ။

အပြည့်အစုံဖတ်လိုလျှင်

အမေရိကန် ငွေကြေးဒဏ်ခတ်သည့် စစ်အစိုးရကုမ္ပဏီများ ပုဂ္ဂလိက စီးပွားဘက်ကျဆင်း

မင်းနိုင်သူ/ ၃၁ ဇူလိုင် ၂၀၀၈

မြန်မာအစိုးရ ပိုင်ဆိုင်သည့် ကုမ္ပဏီ (၁၀) ခုကို ငွေကြေးဆိုင်ရာ ဒဏ်ခတ်လိုက်ကြောင်း အမေရိ ကန်အစိုးရ ဘဏ္ဍာရေးဝန်ကြီးဌာန၏ နိုင်ငံခြားပိုင်ဆိုင်မှု ထိန်းချုပ်ရေးရုံးအဖွဲ့မှ ကြေညာပြီး မကြာခင် အဆိုပါကုမ္ပဏီများနှင့် စီးပွားလုပ်ရသည်မှာ တွက်ခြေမကိုက်တော့ကြောင်း လုပ်ငန်းရှင် များက ထုတ်ဖော်ပြောဆိုသည်။
ဆက်ဖတ်ရန် အပြည့်အစုံ ကို Click နှိပ်ပါ။
မြန်မာစစ်အစိုးရနှင့် စီးပွားရေးကိစ္စများ ပူးပေါင်းလုပ်ဆောင်ခြင်းဖြင့် ရေရှည်ရလဒ်ကောင်းများ ပေါ်ထွက်မလာနိုင်သည့်အပြင် မိမိတို့၏ ရှိဆဲဥစ္စာဓနများပါ ပျောက်ကွယ်သွားနိုင်ကြောင်း စစ် အစိုးရနှင့် ပက်သက်ခဲ့သည့် စီးပွားရေးလုပ်ငန်းရှင်များက ထုတ်ဖော်ပြောဆိုလာခြင်း ဖြစ်သည်။
“စစ်အစိုးရနဲ့ စီးပွားရေးတွဲလုပ်ရတာဟာ ဆုပ်လည်းစူး၊ စားလည်းရူးပါပဲ။ စင်ကာပူကို သဲတင်ပို့ နေတဲ့ ကျနော်တို့ ကုမ္ပဏီတွေလည်း စစ်အစိုးရရဲ့မတရားပြုမှုတွေ ခံခဲ့ရပါတယ်” ဟု စင်ကာပူသို့ သဲတင်ပို့နေသည့် ပုဂ္ဂလိက ကုမ္ပဏီတခုက ထုတ်ဖော်ပြောဆိုသည်။
သဲတင်ပို့ရောင်းချမှုကို ၂၀၀၇ ခုနှစ် နှစ်လယ်ပိုင်းက စတင်ခဲ့ခြင်းဖြစ်ပြီး မြန်မာစစ်အစိုးရက ၎င်းတို့ ၏ စီးပွားရေးအင်အားစုများဖြစ်သည့် မြ၀တီ၊ မြန်ဂုဏ်မြင့်နှင့် ဗန္ဓုလကုမ္ပဏီတို့မှတဆင့် ပုဂ္ဂလိက ကုမ္ပဏီ (၁၂) ခုသို့ ပြန်လည်တင်ပို့ခွင့်ပြုခဲ့ခြင်းဖြစ်သည်။
ထိုသို့တင်ပို့ခွင့်ရရှိရန် ပုဂ္ဂလိက ကုမ္ပဏီများက စစ်အစိုးရပိုင်ကုမ္ပဏီများသို့ စပေါ်ငွေ အမေရိကန် ဒေါ်လာ (၃၀,၀၀၀) စီတင်ခဲ့ကြရသည်။ သို့သော် ယခုအခါ စစ်အစိုးရက အကြောင်းအမျိုးမျိုးပြကာ စပေါ်ငွေများ ပြန်မအမ်းဘဲ ပုဂ္ဂလိက ကုမ္ပဏီ (၉) ခု၏ ပြည်ပသဲတင်ပို့ခွင့်များကို ပယ်ဖျက်ခဲ့ရာ လက်ရှိတင်ပို့နေသည့် ကုမ္ပဏီ (၃) ခုသာ ရှိတော့သည်ဟု ယင်းလုပ်ငန်း လုပ်ကိုင်နေသူများက ပြောသည်။
ကျန်ရှိသည့် ကုမ္ပဏီ (၃) ခုသည် မြစ်သဲများကို သံလွင်နှင့် ဂျိုင်းမြစ်တို့မှ ထုတ်ယူခဲ့ကြပြီး မြစ်သဲ (၁) တန်လျှင် အမေရိကန်ဒေါ်လာ (၉) ဒေါ်လာရရှိပြီး မြ၀တီထရေးဒင်းလိမိတက်သို့ (၃) ဒေါ်လာ ခွဲ ပြန်လည်ပေးဆောင်ရကြောင်း ပုဂ္ဂလိက ကုမ္ပဏီတခုက ပြောဆိုသည်။
အလားတူဖြစ်ရပ်မျိုး မိမိတို့လုပ်ငန်းတွင်လည်း ကြုံတွေ့ရကြောင်း Royal Green Manufacturing co, Ltd မှ ဒါရိုက်တာဟောင်း တဦးကလည်း ထုတ်ဖော်ပြောဆိုသည်။
၎င်းက “စက်မှု (၂) ၀န်ကြီးဌာနနဲ့ စာချုပ်ချုပ်ဆိုပြီး က.စ.လ လျှပ်စစ်ပစ္စည်းစက်ရုံ အခုတော့ National ပေါ့။ အဲဒီစက်ရုံကို ကျပ်သိန်း (၂,၀၀၀) ကျော် အကုန်ကျခံပြုပြင်ပြီး (၁၀) နှစ်တာ လွှဲ ပြောင်းရယူလုပ်ကိုင်ဖို့ ကတိပြု စာချုပ်ချုပ်ခဲ့ကြတာပါ။ ၅/၃/၂ ပုံစံနဲ့လုပ်ကြဖို့ပေါ့။ ၅/၃/၂ ဆိုတာက ပထမ စာချုပ်သက်တမ်း (၅) နှစ်၊ ပြီးရင် စာချုပ်ထပ်ချုပ် (၃)နှစ်ဆက်လုပ်၊ ပြီးရင် (၂) နှစ် စာချုပ် ထပ်ချုပ်ဆိုတဲ့ ပုံစံပေါ့။ ဒါပေမယ့် (၄) နှစ်ခွဲပဲ လုပ်လိုက်ရပြီး စက်ရုံကို ပြန်အပ်လိုက်ရပါ တယ်” ဟု ရှင်းလင်းပြောဆိုသည်။အမေရိကန်အစိုးရ ထုတ်ပြန်လိုက်သော ငွေကြေးပိတ်ဆို့မှု၏ ရလဒ်အဖြစ် မြန်မာ့စီးပွားရေး ဦးပိုင်၏ လက်ခွဲကုမ္ပဏီလေးခုဖြစ်သည့် မြန်မာ ပတ္တမြားအင်တာပရိုက်စ်၊ မြန်မာအင်ပါရီယယ် ကျောက်စိမ်းကုမ္ပဏီ လိမိတက်၊ မြ၀တီ ကုန်သွယ်ရေး လိမိတက်နှင့် မြ၀တီဘဏ် လိမိတက် တို့ကိုလည်း နိုင်ငံခြားပိုင်ဆိုင်မှု ထိန်းချုပ်ရေးရုံးအဖွဲ့မှ သတ်မှတ်ထားသည့် အမေရိကန်နိုင်ငံ သားများ၊ အမေရိကန်အဖွဲ့အစည်းများနှင့် စီးပွားရေးမလုပ်ရန် နာမည်ပျက်ပုဂ္ဂိုလ်အဖွဲ့စာရင်းတွင် ထည့်သွင်းထားသည်။ယခုငွေကြေးပိတ်ဆို့မှုထဲတွင် စစ်အစိုးရပိုင် မြန်မာ့ သတ္ထုတွင်းဝန်ကြီးဌာနလက်အောက်ခံ အမှတ် (၁) သတ္ထုတူးဖော်ရေးလုပ်ငန်း၊ အမှတ် (၂) သတ္ထုတူးဖော်ရေးလုပ်ငန်းနှင့် အမှတ် (၃) သတ္ထုတူး ဖော်ရေးလုပ်ငန်းတို့ကိုလည်း သတ်မှတ်ထားသည်။ သမ၀ါယမ၀န်ကြီးဌာန လက်အောက်ခံ သမ၀ါယမ သွင်းကုန်ထုတ်ကုန်လုပ်ငန်းလည်း ပါဝင်သည်။ ။
Rest of your post

အပြည့်အစုံဖတ်လိုလျှင်

ဘိုကလေးနယ်မှ ဒုက္ခသည်များ ရိက္ခာလို

ကိုဝိုင်း/ ၃၁ ဇူလိုင် ၂၀၀၈

ဘိုကလေးမြို့ ကယ်ဆယ်ရေးစခန်းများမှ နေရပ်ရင်းရွာများသို့ ပြန်ကြရသည့် လေဘေးသင့်သူ များထံ၌ (၃) လစာသာ ရိက္ခာကျန်ရှိတော့သဖြင့် အစားအစာပြတ်လပ်မည်ကို စိုးရိမ်နေကြကြောင်း ဘိုကလေးမြို့မှ ကယ်ဆယ်ရေး လုပ်သားတဦးက ပြောသည်။
ဆက်ဖတ်ရန် အပြည့်အစုံ ကို Click နှိပ်ပါ။
“အခု သူတို့လက်ထဲမှာ ဆန်နည်းနည်း၊ ပဲနည်းနည်းပဲ ရှိတာပေါ့။ အ၀တ်အစားလည်း မလိုဘူး၊ ကျန်တဲ့ ထောက်ပံ့တဲ့ဟာတွေလည်း မလိုဘူးပေါ့။ သူတို့မှာ အဓိကလိုအပ်တာကတဲ့ ဆန်၊ ဆီပေါ့ အဲဒါလေးတွေ လိုအပ်ပါတယ်တဲ့။ တကယ်လို့ အလှူရှင်များရှိရင် သူတို့ရွာတွေကို လွှတ်ပေးဖို့၊ လှူဒါန်းပေးဖို့ ကျနော်တို့ကို ပြောပြတယ်” ဟု အဆိုပါ ကူညီရေးလုပ်သားက ပြောသည်။
ယူနီဆက်ဖ်ကဲ့သို့ ကုလသမဂ္ဂအဖွဲ့အစည်းများနှင့် တခြားအန်ဂျီအိုများက အပိုင်းလိုက် အုပ်စုခွဲ၍ သွားလာကူညီနေကြသော်လည်း ဘိုကလေးမြို့မှ ပဲ့ထောင်ဖြင့် (၂) နာရီကျော်ခန့် သွားရပြီး ချောင်းကြိုမြောင်းကြားများအတွင်း တည်ရှိနေသော မယ်တော်စု၊ ခေတ်ဆန်း၊ ကွင်းကြီး ငါးအိမ်တန်းစသည့် ရွာများသို့ ကူညီသူရောက်ရှိမှုနည်းသဖြင့် ရွာသားများက အစားအစာ ပြတ်လပ်မည်ကို စိုးရိမ်နေကြခြင်းဖြစ်သည်။
နေရပ်ရင်းပြန်ရောက်သူများထဲမှ လယ်ယာလုပ်သားများသည် ၎င်းတို့အား လယ်ပိုင်ရှင်များက ငှားရမ်းခြင်း မရှိသဖြင့် ပို၍ အခက်ကြုံနေကြရကြောင်း၊ ယခင်က လယ်စိုက်ပျိုးရာသီပြီးဆုံးသွား ချိန်တွင် ဓနိလုပ်ငန်း လုပ်ကိုင်ကြသော်လည်း ယခုအခါ မုန်တိုင်းကြောင့် ဓနိပင်များလည်း ပျက်စီး ခဲ့သဖြင့် အထောက်အပံ့ကိုသာ မျှော်နေကြရကြောင်း အဆိုပါဒေသများသို့ မကြာသေးမီက ရောက်ခဲ့သူ ကယ်ဆယ်ရေးလုပ်သားက ပြောသည်။
ကယ်ဆယ်ရေးလုပ်သားက “လယ်ပိုင်ရှင်တွေက မငှားကြဘူး။ မုန်တိုင်းကြောင့် လယ်တွေပျက် တော့ ခါတိုင်း (၁၀) ဧက လောက် လုပ်နိုင်တဲ့လူက အခု (၂) ဧကလောက်ပဲ လုပ်နိုင်တော့တယ်။ အဲဒီတော့ ကိုယ့်ရှိတဲ့ မိသားစုလေးနဲ့ပဲ လုပ်ကြတာပေါ့။ နောက်တခါ လယ်လုပ်ငန်းပြီးသွားရင် ဓနိလုပ်ငန်းလေးတွေ လုပ်မယ်ဆိုပြန်တော့လည်း ဓနိပင်တွေက မရှိတော့ဘူး။ ဓနိချိုးစရာ မရှိဘူးပေါ့။ အဲဒီအခါကျတော့ အထောက်အပံ့ပဲ စောင့်စားနေကြရတာပေါ့” ဟု ပြောသည်။
အစားအစာ ပြတ်လပ်မည်ကို စိုးရိမ်နေကြသည့် အဆိုပါ ရွာသားများသည် မုန်တိုင်းဖြစ်ပြီးကာစက ဘိုကလေးမြို့ပေါ်ရှိ ကျွန်းညိုကျောင်း၊ ရတနာပုံစာသင်တိုက်၊ အထက (၁)၊ အလက (၁)၊ ဆရာတော်ဦးဥာဏ်ကျောင်း စသည့်နေရာများတွင် လာရောက်ခိုလှုံခဲ့သူများဖြစ်ပြီး နေရပ်ရင်းသို့ မိမိသဘောဖြင့် ပြန်သူများရှိသကဲ့သို့ အာဏာပိုင်များ၏ အဓမ္မပြန်ခိုင်းမှုကြောင့် ပြန်ရသူများ လည်းရှိကြောင်း ၎င်းကပြောသည်။
ထို့အပြင် နေရပ်ရင်းပြန်ရွာသားများသည် ၎င်းတို့၏ နေအိမ်အမိုးအတွက် ယူနီဆက်ဖ်နှင့် အိုင်အိုအမ်တို့မှ ကူညီသော တာလဘတ်များကို အသုံးပြု၍ရသော်လည်း အကာအတွက်မူ မုန်တိုင်း တိုက်ပြီးနောက် ပျက်စီးကျန်ရစ်ခဲ့သော သစ်တိုသစ်စ၊ ပျဉ်တိုပျဉ်စများကိုသာ အသုံးပြုကြရ ကြောင်း သိရသည်။ ။

အပြည့်အစုံဖတ်လိုလျှင်

နိုင်ငံရေးဒုက္ခသည်အဖြစ်အသိအမှတ်ပြုရန် ဘန်ကောက်၌ ဆန္ဒပြတောင်းဆို

ပီတာအောင်/ ၃၁ ဇူလိုင် ၂၀၀၈

ဘန်ကောက်မြို့ရှိ နိုင်ငံရေးလှုပ်ရှားသူများကို ကုလသမဂ္ဂဒုက္ခသည်များဆိုင်ရာ မဟာမင်းကြီး (ယူအန်အိတ်ခ်ျစီအာ) ရုံးက နိုင်ငံရေးဒုက္ခသည်အဖြစ် အသိအမှတ်ပြု၍ ကာကွယ်စောင့်ရှောက် ပေးရန် မြန်မာ့ဒီမိုကရေစီရေးလှုပ်ရှားသူများက ယနေ့နံနက်ပိုင်းက ဘန်ကောက်မြို့ ကုလသမဂ္ဂ ရုံးရှေ့၌ ဆန္ဒပြတောင်းဆိုကြသည်။ ဆက်ဖတ်ရန် အပြည့်အစုံ ကို Click နှိပ်ပါ။
မြန်မာ့ဒီမိုကရေစီရေးလှုပ်ရှားသူ (၆၀) ကျော်တို့သည် ဘန်ကောက်မြို့ ကုလသမဂ္ဂရုံးရှေ့ သို့သွားရောက်၍ မြန်မာပြည်လွတ်မြောက်ရေး၊ ဒေါ်အောင်ဆန်းစုကြည်လွတ်မြောက်ရေး၊ ကုလသမဂ္ဂက မြန်မာ့အရေးဝင်ရောက်ဖြေရှင်းပေးရေး စသည့်ပိုစတာများနှင့် ကြွေးကြော်သံများ အော်ဟစ်ကာ (၁) နာရီကျော်ကြာ ဆန္ဒပြခဲ့ကြခြင်းဖြစ်သည်။
ဆန္ဒပြသူတဦးဖြစ်သည့် မြန်မာ့ဒုက္ခသည်များ ကူညီစောင့်ရှောက်ရေးအဖွဲ့ဝင် ကိုစိုးအောင်က“ကျနော်တို့ အဓိကဆန္ဒပြတာတော့ ကျနော်တို့မြန်မာနိုင်ငံမှာကြုံတွေ့နေတဲ့ပြဿနာတွေကို ကုလသမဂ္ဂလုံခြုံရေးကောင်စီအနေနဲ့ အမြန်ဆုံးဝင်ရောက်ဖြေရှင်းပေးဖို့ပါ။ နောက်တခုက ထိုင်းနိုင်ငံမှာရှိတဲ့ ကုလသမဂ္ဂရုံးကနေပြီးတော့ ကျနော်တို့မြန်မာနိုင်ငံသားတွေကို ဒုက္ခသည် အဖြစ်အသိအမှတ်ပြုဖို့ ကျနော်တို့တောင်းဆိုပါတယ်ခင်ဗျာ” ဟု ပြောသည်။
ဘန်ကောက်ရှိ နိုင်ငံရေးလှုပ်ရှားသူတို့၏ ဒုက္ခသည်အဖြစ် အသစ်လျှောက်ထားမှုများကို ယူအန်အိတ်ခ်ျစီအာက ၂၀၀၅ ခုနှစ်ကတည်းက အသစ်လက်မခံတော့သည့်အပြင် လျှောက် ထားပြီးသူတို့၏ လျှောက်လွှာများကိုလည်း အရေးယူဆောင်ရွက်ပေးခြင်း မရှိတော့ကြောင်း သိရသည်။
နိုင်ငံရေးဒုက္ခသည်အဖြစ် အသိအမှတ်ပြုမခံရဘဲ ဘန်ကောက်မြို့၌ အခက်အခဲတွေ့နေသူ (၁) ထောင်ဝန်းကျင်ရှိနိုင်ပြီး ၎င်းတို့အနေဖြင့် ထိုင်းနိုင်ငံ၌နေထိုင်ခွင့် အထောက်အထား တစုံတရာ မရှိသဖြင့် ထိုင်းရဲ၏ ဖမ်းဆီးခြင်းခံရပါက မြန်မာနိုင်ငံဘက် ပြန်ပို့ခံရနိုင်သည့် အန္တရာယ်ရှိနေသည်ဟု ဆန္ဒပြသူ ကိုဆန်ကြီးက ပြောသည်။
ဇိုမီးအမျိုးသားကွန်ဂရက် လူငယ်အဖွဲ့ဝင် ကိုဇော်မင်းက “ကျနော်တို့ကို ယူအန်က ဘာမှ လုပ်မပေးဘဲ ဒီအတိုင်းပဲထားထားတယ်။ တကယ့်ဒုက္ခသည်မဟုတ်တဲ့ လူတွေကျတော့ ပိုက်ဆံယူပြီး ယူအန်က တတိယနိုင်ငံကို ပို့ပေးနေတယ်။ ကျနော်တို့ နေရေးထိုင်ရေးအခက် အခဲတွေ့နေတယ်။ အလုပ်လုပ်မယ်ဆိုလည်း မလွယ်ဘူး။ ယူအန်အနေနဲ့ တခုခုလုပ်ပေးဖို့ တောင်းဆိုတာပါ” ဟု ပြောသည်။
ဆန္ဒပြသူအချို့ကို ကုလသမဂ္ဂရုံးမှ တာဝန်ရှိသူတဦးက တွေ့ဆုံပြီး တောင်းဆိုချက်များကို လက်ခံယူခဲ့ပြီး သက်ဆိုင်ရာသို့ ဆက်လက် တင်ပြပေးမည်ဟုသာ ပြန်လည်တုံ့ပြန်ခဲ့ကြောင်း သိရသည်။ ။

အပြည့်အစုံဖတ်လိုလျှင်

ဝန်ကြီးချုပ်ဟောင်း တပ်ဆင်၏ဇနီးကို အခွန်ရှောင်မှုဖြင့် ထောင်သုံးနှစ်ချ

တပ်ဆင်၏ဇနီး ပွတ်ဂျမန် တရားရုံးသို့ မိသားစုနှင့်အတူ ရောက်လာစဉ်

Agencies/ ၃၁ ဇူလိုင် ၂၀၀၈


ထိုင်းဝန်ကြီးချုပ်ဟောင်း တပ်ဆင်၏ဇနီး ပွတ်ဂျမန်သည် အခွန်ရှောင်လွှဲမှုဖြင့် အပြစ်ရှိကြောင်း ထိုင်းတရားရုံးတခုမှ ထောင်ဒဏ် (၃) နှစ် ကျခံစေရန် အမိန့်ချမှတ်လိုက်သည်။
ပွတ်ဂျမန်၏ မောင်နှင့် သူမ၏ အတွင်းရေးမှူးသည်လည်း ၁၉၉၇ ခုနှစ်တွင် တပ်ဆင်မိသားစုပိုင် တယ်လီကွမ်းလုပ်ငန်းတွင် အစုရှယ်ယာများလွှဲပြောင်းရာ၌ အခွန်ငွေ ထိုင်းဘတ် (၅၄၆) သန်း ရှောင်တိမ်းမှုဖြင့် အပြစ်ရှိသည်ဟု တွေ့ရှိရသည်။ ဆက်ဖတ်ရန် အပြည့်အစုံ ကို Click နှိပ်ပါ။
ပွတ်ဂျမန်၏မောင် ဘန်နာပေါ့ကိုလည်း ထောင်ဒဏ် (၃) နှစ် အပြစ်ပေးခံရပြီး အတွင်းရေးမှူးကို လည်း ထောင်ဒဏ် (၂)နှစ် ချမှတ်ခဲ့သည်။ ထိုအမှုသည် တပ်ဆင်မိသားစုကို စွဲဆိုထားသည့် အမှုတွဲများတွင် ပထမဆုံးအမှုဖြစ်ပြီး တပ်ဆင်သည် ယခု သူ့မိသားစု၏ အခွန်ရှောင်လွှဲမှုအပါအ၀င် သူ့ကို စွပ်စွဲထားသော အဂတိလိုက်စားမှုများ အားလုံးကို ငြင်းဆန်ခဲ့သည်မှာ ကြာပြီဖြစ်သည်။
ထိုင်းတရားရုံးက တပ်ဆင်၏ဇနီး ပွတ်ဂျမန်နှင့် အပေါင်းအပါ နှစ်ယောက်အား အာမခံငွေ ထိုင်းဘတ် (၅) သန်းဖြင့် ပြန်လွှတ်ထားသည်ဟု တရားရုံးအရာရှိတဦးက ပြောသည်။ ပွတ်ဂျမန်အနေဖြင့် ထိုအမှုကို အယူခံဝင်မည်ဟုလည်း အများက မျှော်လင့်နေကြသည်။
တပ်ဆင်၏ နိုင်ငံရေးလက်တွဲဖော်လည်းဖြစ်၊ စီးပွားရေးလက်တွဲဖော်လည်းဖြစ်သည့် ပွတ်ဂျမန်ကို ထိုင်းတရားရုံးက အပြစ်ရှိသည်ဟု အမိန့်ချမှတ်ခဲ့မှုတွင် ပွတ်ဂျမန်အနေဖြင့် သတိလစ်မတတ် ဖြစ်သွားသည်။
ထိုင်းနိုင်ငံ ရာဇ၀တ်တရားရုံးသို့ ပွတ်ဂျမန်သွားရာတွင် တပ်ဆင်သည် ဇနီးဖြစ်သူနှင့် အဖော်လိုက်ပါ သွားခဲ့ရာ တပ်ဆင်မိသားစုပြန်အလာကို ထောက်ခံသူ ရာပေါင်းများစွာသော ပရိသတ်များက လက်ခုပ်လက်ဝါးတီးကာ ကြိုဆိုကြသည်။ ၎င်းတို့နှင့်အတူ သားသမီးသုံးယောက်လည်း လိုက်ပါ လာသည်။
တရားရုံးတ၀ိုက်တွင် တပ်ဆင်ကိုထောက်ခံသူများနှင့် ဆန့်ကျင်သူများ ရုန်းရင်းဆန်ခတ် ဖြစ်ပွားမည်စိုးသောကြောင့် လုံခြုံရေးရဲဝန်ထမ်း (၃၀၀) ကျော် နေရာချထားရသည်။
ယနေ့အမှုမှာ ၁၉၉၇ ခုနှစ်တွင် ရှင်နာဝါထရာ ကွန်ပျူတာ ကုမ္ပဏီ (နောင်တွင် ရှင်းကော်ပိုရေးရှင်း ဖြစ်လာသည်။ ရှင်းကော်ပိုရေးရှင်းသည် ထိုင်းနိုင်ငံတွင် အကြီးဆုံး ကြေးနန်းဆက်သွယ်ရေး ကုမ္ပဏီဖြစ်သည်) အတွင်း အစုရှယ်ယာ လွှဲပြောင်းမှုတွင် အဓိကထားသည်။ ၂၀၀၆ ခုနှစ်တွင် ထိုကုမ္ပဏီကို စင်ကာပူအစိုးရပိုင် ကုမ္ပဏီတခုအား ဒေါ်လာ (၂.၂) ဘီလီယံဖြင့် ရောင်းချခဲ့သည်။
ထိုကုမ္ပဏီတွင်း အစုရှယ်ယာ လွှဲပြောင်းမှုတန်ဖိုးပမာဏမှာ ဘတ်ငွေ (၇၃၈) သန်းရှိပြီး အခွန် ဆောင်ခြင်းမရှိဟု ယူဆထားသည်။ တပ်ဆင်မိသားစုသည် ထိုအစုရှယ်ယာ လွှဲပြောင်းမှုကို အခွန်ကင်းလွတ်ခွင့်ရှိသော စတော့ဈေးကွက်အတွင်း ရှယ်ယာလွှဲပြောင်းခြင်းဟုသာ စာရင်းပြခဲ့သည်။
တပ်ဆင် ၀န်ကြီးချုပ်ရာထူးမှ ရပ်ဆိုင်းခံရပြီးနောက်တွင် ထိုကိစ္စအား စုံစမ်းစစ်ဆေးခဲ့ရာမှ အမှုမှန် ပေါ်ပေါက်လာခြင်းဖြစ်သည်။ သူမသည် မိသားစု၏ အိမ်စေ တယောက်ထံမှ ရှယ်ယာများကို ၀ယ်ယူကာ ထိုရှယ်ယာများကို မွေးစားမောင်ဖြစ်သူ ဘာနပေါ့ ဒါမာပေါင်အား လွှဲပြောင်းပေး ခဲ့ခြင်းဖြစ်ပြီး ထိုလုပ်ရပ်မှာ ထိုင်းဥပဒေအရ အခွန်ကောက်ခွင့်မရှိဟု ပွတ်ဂျမန်ကလည်း ၎င်း၏ ရှေ့နေမှတဆင့် ပြောကြားခဲ့သည်။
သို့ရာတွင် အိမ်စေသို့ပေးသော ငွေများမှာ နောင်တွင် ဘဏ်အသစ်တခု၌ ပွတ်ဂျမန်၏ ဘဏ် စာရင်းဖြင့် အပ်နှံထားသည်ကို တွေ့ရှိရသည်ဟု ထိုင်းပိုင်ဆိုင်မှုစစ်ဆေးရေးကော်မတီက ဆိုသည်။
ပွတ်ဂျမန်နှင့် မောင်ဖြစ်သူသည် အခွန်ရှောင်လွဲလိုခြင်းကြောင့် ငွေလွှဲပြောင်းမှုသဘာဝကို မှား ယွင်းစွာ လုပ်ဆောင်ခဲ့သောကြောင့် ၎င်းတို့အနေဖြင့် အခွန်ငွေ ဘတ် (၅၄၆) သန်း ပေးသင့် သည်ဟု ကော်မတီက ပြောသည်။ ထိုအခွန်ရှောင်လွဲမှုတွင် တပ်ဆင်အနေဖြင့် ငြိစွန်းခြင်း မရှိချေ။
အကျိုးစီးပွားချင်း ပဋိပက္ခဖြစ်မှုဆိုင်ရာ ဥပဒေများကို ရှောင်လွဲလိုသောကြောင့် တပ်ဆင်သည် ၀န်ကြီးချုပ်မဖြစ်မီကတည်းက ရှင်းကော်ပိုရေးရှင်းမှ ရှယ်ယာများကို သူ့ အိမ်စေ၊ ဒရိုင်ဘာ၊ ဆွေမျိုးသားချင်းများနှင့် အခြားသူများထံ လွှဲပြောင်းမှု ပြုလုပ်ထားခဲ့ကြောင်း သိရှိရသည်။
တပ်ဆင်သည် အာဏာအလွဲသုံးစားပြုလုပ်သည့် အမှု (၃) ခုဖြင့်လည်း တရားစွဲဆိုထားခြင်း ခံနေ ရပြီး ၎င်း၏ အမှုများကို ဗဟိုတရားရုံးချုပ်မှ ကြားနာမည်ဖြစ်သည်။ အပြစ်ရှိကြောင်း တွေ့ရှိရပါက သူ့အနေဖြင့် အယူခံဝင်၍ ရနိုင်မည်မဟုတ်ပေ။
ပြီးခဲ့သည့်နှစ်တွင် စစ်တပ်မှတင်သွင်းသော ဖွဲ့စည်းပုံအခြေခံဥပဒေသစ်အောက်တွင် နိုင်ငံရေး သမားများနှင့် ပတ်သက်လျှင် တရားစီရင်မှုရေးရာတွင် လုပ်ပိုင်ခွင့်များတိုးမြှင့်ထားသည်ကို တွေ့ရသည်။
ဝန်ကြီးချုပ်ဟောင်း တပ်ဆင်မိသားစုနှင့် ပတ်သက်ပြီး စွဲဆိုထားသည့်အမှုများ ပုံနေသောကြောင့် ယခုလက်ရှိအချိန်တွင် ထိုင်းနိုင်ငံ၌ အာဏာအကြီးဆုံးအဖွဲ့အစည်းမှာ တရားစီရင်ရေးအဖွဲ့ပင် ဖြစ်နေသည်ကို တွေ့ရှိရသည်။ ။

အပြည့်အစုံဖတ်လိုလျှင်

ဝန်ကြီးချုပ်ဟောင်းတပ်ဆင် မြန်မာစစ်အစိုးရကို ဘာကြောင့် ဘတ်ငွေ သန်း (၄,၀၀၀) ချေး

(သတင်းသုံးသပ်ချက်)
သတင်းထောက် ဟန်တင်အောင်/ ၃၁ ဇူလိုင် ၂၀၀၈

ဝန်ကြီးချုပ်ဟောင်း မစ္စတာ တပ်ဆင် လက်ထက်တွင် ထိုင်း EXIM ဘဏ်မှ မြန်မာစစ်အစိုးရကို ချေးခဲ့သည့် ဘတ်ငွေ သန်း (၄,၀၀၀) ကိစ္စနှင့် ပတ်သက်သည့်အမှုကို မကြာခင် ဘန်ကောက် တရားရုံးချုပ်က စစ်ဆေးတော့မှာ ဖြစ်သည်။
ထိုင်းစစ်အစိုးရ၏ စုံစမ်းစစ်ဆေးမှုများကို ပူးပေါင်းကူညီသွားမည့်အကြောင်း ထိုင်း EXIM ဘဏ် ကလည်း ထုတ်ပြန်ကြေညာထားပြီးဖြစ်သည်။ ဆက်ဖတ်ရန် အပြည့်အစုံ ကို Click နှိပ်ပါ။
ဝန်ကြီးချုပ်ဟောင်း မစ္စတာတပ်ဆင် တာဝန်ထမ်းဆောင်နေစဉ်ကာလအတွင်း ဝန်ကြီးချုပ် လုပ်ပိုင်ခွင့် ကို အသုံးချပြီး ကိုယ်ပိုင် စီးပွားရေးလုပ်ငန်းများအတွက် အကျိုးရှိအောင် လုပ်သွားသည့် အဂတိလိုက်စားမှုများရှိသည်ဟု စွပ်စွဲခဲ့သည့် အမှုများစွာရှိသည်။ ထိုအမှုများထဲမှာ မြန်မာစစ်အစိုးရ စီမံကိန်းများအတွက် ထိုင်းအစိုးရက ဘတ်သန်း (၄,၀၀၀) ချေးသည့်ကိစ္စလည်း အပါအဝင်ဖြစ်သည်။
ဗိုလ်ချုပ်ကြီးခင်ညွန့် မပြုတ်ခင် (၅) လအလိုမှာ မြန်မာစစ်အစိုးရပိုင် MFTB ခေါ် မြန်မာ့နိုင်ငံခြား ကုန်သွယ်မှုဘဏ်ကို ထိုင်း EXIM ဘဏ်ကနေ ဘတ်ငွေ သန်း (၄,၀၀၀) ကို အတိုး (၃) ရာနှုန်းနှင့် (၁၂) နှစ်အတွင်း ပြန်ပေးရမည်ဆိုသည့် စာချုပ်ဖြင့် ချေးခဲ့ခြင်းဖြစ်သည်။
အဆိုပါငွေတွေကို မြန်မာနိုင်ငံမှာ လမ်းဖောက်လုပ်ရေးကိစ္စ၊ ဆက်သွယ်ရေးကိစ္စတွေအတွက် သုံးစွဲမှာဖြစ်ပြီး ၎င်းစီမံကိန်းတွေအတွက် ပစ္စည်းတင်ပို့ပေးမည့် ထိုင်းပို့ကုန်ကုမ္ပဏီ (၁၆) ခုမှာ အကျိုးရှိနိုင်သည်ဟု ထိုင်း EXIM ဘဏ် ဥက္ကဋ္ဌ က ပြောသည်။
အထူးသဖြင့် ယခုကဲ့သို့ မြန်မာစစ်အစိုးရအား ဘတ်ငွေ သန်း(၄,၀၀၀) ချေးလိုက်သည့် အတွက် ထိုင်းစက်မှုပစ္စည်း ပို့ကုန်လုပ်ငန်း ကုမ္ပဏီတွေ ထိုင်း ဆောက်လုပ်ရေးလုပ်ငန်း ကန်ထရိုက်တာတွေ ထိုင်း ရေနံဓာတုထုတ်လုပ်သည့် ကုမ္ပဏီတွေအတွက် ဝင်ငွေရမည့်အပြင် အလုပ်အကိုင် အခွင့်အလမ်းတွေပါ ရလာဖို့ အထောက်အကူဖြစ်သည်ဟု ထိုင်း EXIM ဘဏ်၏ ထုတ်ပြန်ချက်တွင် ရေးထားသည်။
ထိုင်း EXIM ဘဏ်က ထိုင်းကုမ္ပဏီတွေအတွက် အကျိုးရှိပါသည်ဟု ပြောသော်လည်း မြန်မာ စစ်အစိုးရအနေဖြင့် ထိုအချိန်က စီးပွားဖက်နေသည့်ဝန်ကြီးချုပ်ဟောင်း မစ္စတာ တပ်ဆင်ပိုင် Shin ကော်ပိုရေးရှင်းအတွက် အမေရိကန်ဒေါ်လာ (၉၇) သန်း အကျိုးရှိမည်ဆိုသည်ကိုတော့ မစ္စတာ တပ်ဆင် က ပြောဆိုမသွားဘူးဟု နိုင်ငံခြားသတင်းများက ရေးသည်။
မြန်မာစစ်အစိုးရကို ထိုင်းအစိုးရကချေးသည့် ဘတ် သန်း (၄,၀၀၀) ထဲကနေ ဘတ် သန်း (၆ဝဝ) ကို မြန်မာနိုင်ငံမှာ အင်တာနက်အမြန်စနစ် တပ်ဆင်ပေးဖို့ မစ္စတာတပ်ဆင်ပိုင် Shin ကော်ပိုရေး ရှင်းက ရခဲ့သည်။ ဗိုလ်ချုပ်ကြီးခင်ညွန့် မပြုတ်ခင် ဗိုလ်ချုပ်ကြီးခင်ညွန့်သားပိုင်သည့် Bagan Cybertech ကုမ္ပဏီအတွက် ဂြိုဟ်တုဆက်သွယ်ရေးလုပ်ငန်းတွေမှာ မစ္စတာတပ်ဆင်ပိုင် Shin ကော်ပိုရေးရှင်းက ရင်းနှီးမြှုပ်နှံထားခဲ့သည်ဟု The Nation သတင်းစာက ရေးခဲ့သည်။
အထူးသဖြင့် မြန်မာစစ်အစိုးရရဲ့ ဆက်သွယ်ရေးစာတိုက်နဲ့ ကြေးနန်းဝန်ကြီးဌာနကနေ မစ္စတာ တပ်ဆင် ပိုင် Shin ကော်ပိုရေးရှင်းကို ဂြိုဟ်တုစနစ်သုံး အင်တာနက်အမြန်စနစ် တပ်ဆင်ပေးဖိ်ု့ ရွေးချယ်ခဲ့ခြင်းဖြစ်သည်။
မစ္စတာ တပ်ဆင် လက်ထက်က မစ္စတာ တပ်ဆင် မိသားစုပိုင် စီးပွားရေး လုပ်ငန်းတွေ တရှိန်ထိုး တက်လာသည့်အတွက် အမြတ်များများကျန်သည့် စတော့တွေကို တပ်ဆင် စတော့ ဆိုပြီး ရင်းနှီး မြှုပ်နှံရေး ကျွမ်းကျင်သူတွေက ဖောက်သည်တွေကို ပြောလေ့ရှိသည်။
ဝန်ကြီးချုပ်ဟောင်း မစ္စတာ တပ်ဆင် သည် အာဏာရပြီး (၅) နှစ်အကြာတွင် နိုင်ငံခြားသား ပိုင် ဆိုင်ခွင့် ရှယ်ယာအချိုး ဥပဒေကို (၂၅) ရာနှုန်းကနေ (၄၉) ရာနှုန်းထိ ပြင်ဆင်သတ်မှတ်ခဲ့သည်။ ယင်းသို့ ပြင်ဆင်သတ်မှတ်ပြီး မကြာခင် မစ္စတာ တပ်ဆင်ပိုင် Shin ကော်ပိုရေးရှင်း၏ ရှယ်ယာ တန်ဖိုး ဒေါ်လာ သန်း (၂,၀၀၀) ထောင်နီးပါးကို စင်ကာပူအစိုးရပိုင် Temasak ကုမ္ပဏီသို့ ရောင်းလိုက်သည်။
မကြာခင် ထိုသို့ ရှယ်ယာတွေ ရောင်းခြင်းသည် အစိုးရကို မစ္စတာ တပ်ဆင် က အခွန်မဆောင်ဘူး ဆိုသည့် စွပ်စွဲချက်များ၊ နိုင်ငံခြားတိုင်းပြည်က ထိုင်းပြည်တွင်းရေးမှာ ဝင်စွက်ခွင့်ရသွားပြီဆိုသည့် စွပ်စွဲချက်များပေါ်ထွက်အပြီးမှာ ဝန်ကြီးချုပ်ဟောင်း မစ္စတာ တပ်ဆင် ကို ဆန့်ကျင်သည့် လူထု ဆန္ဒပြပွဲကြီးတွေ ဆက်တိုက်ဖြစ်ခဲ့သည်။
နောက်ဆုံး ထိုင်းစစ်တပ်က အာဏာသိမ်းသည်ထိ ထိုင်းနိုင်ငံရေး ရှုတ်ထွေးခဲ့ရပြီး ဝန်ကြီးချုပ် ဟောင်း မစ္စတာ တပ်ဆင်လည်း ထိုင်းနိုင်ငံ ပြန်မလာနိုင်တော့ဘဲ အင်္ဂလန်နိုင်ငံ လန်ဒန်မြို့မှာ သောင်တင်ရသည့် အဖြစ်ရောက်သွားခဲ့ရသည်။
ပိုင်ဆိုင်မှုစစ်ဆေးရေး ကော်မတီက စုံစမ်းစစ်ဆေးသွားမည့် ဝန်ကြီးချုပ်ဟောင်း မစ္စတာ တပ်ဆင် လက်ထက် အဂတိလိုက်စားမှု ဦးစားပေးအမှုကြီး (၈) ခုထဲမှာ မြန်မာစစ်အစိုးရကို ဘတ်ငွေ သန်း (၄,၀၀၀) ချေးလိုက်တဲ့ကိစ္စလည်း တခု အပါအဝင်ဖြစ်သည်ဟု ပိုင်ဆိုင်မှုစစ်ဆေးရေးကော်မတီက ထုတ်ပြန်ထားသည်။ သို့သော် အဆိုပါကိစ္စ စစ်ဆေးရာကနေ မြန်မာအာဏာပိုင်တွေဘက်က အဂတိလိုက်စားမှုများ ပေါ်ထွက်လာမလာဆိုသည်ကိုမူ ရှင်းရှင်းလင်းလင်း မသိရသေးပေ။ ။

အပြည့်အစုံဖတ်လိုလျှင်

မုန်တိုင်းဒုက္ခသည် မိဘမဲ့ကလေးများကို မန္တလေး ဘုန်းတော်ကြီးများက စောင့်ရှောက်ထား

ကိုစိုး ဇူလိုင် ၃၀၊ ၂၀၀၈

နာဂစ်မုန်တိုင်း ဒဏ်သင့် ဧရာဝတီ မြစ်ဝကျွန်းပေါ် ဒေသမှ မိဘမဲ့ ကလေးများကို မန္တလေးမြို့ရှိ ဘုန်းတော်ကြီး ကျောင်း ၂ ကျောင်းက ခေါ်ယူစောင့်ရှောက်ထားကြောင်း ဘုန်းတော်ကြီးများက ပြောသည်။လပွတ္တာမြို့နှင့် ဘိုကလေး မြို့နယ်များမှ အသက် ၆ နှစ်မှ ၁၂ နှစ် အထိ ရှိသော မိဘမစုံသော ကလေးများ အပါအ၀င် မိဘမဲ့ကလေးများကို ခေါ်ယူစောင့်ရှောက် ထားခြင်းဖြစ်ကြောင်း မန္တလေးမြို့သစ် ကန်တက်ကုန်း မစိုးရိမ် ကျောင်းတိုက် မှ ဆရာတော် ဦးတေဇောဘာသ က ပြောသည်။ ဆက်ဖတ်ရန် အပြည့်အစုံ ကို Click နှိပ်ပါ။
“အခုက ပြန်သွားတာနဲ့ဆိုတော့ ၉ ဦး လောက်ပဲ ရှိတယ်၊ အားလုံး က ၁၂ ဦး ၊ လပွတ္တာနဲ့ ဘိုကလေး ဘက် ကနေ မစိုးရိမ် တိုက်သစ် နာယက ဆရာတော်တွေက ခေါ်လာတာ၊ မိဘ မရှိတာရော၊ မိဘ မစုံတာရော ၊ စုံတာ ရောပဲ၊ တချို့ကလေး တွေက မိဘရှိပြီး ဆင်းရဲလို့ ခေါ်လာတာ၊ စားရေး နေရေး နဲ့ အဓိက က ပညာရေး အတွက် ပေါ့၊ မိဘ ရှိတဲ့ ကလေးတွေ ကတော့ တချိန် မိဘတွေ ဆီ ပြန်ပို့ပေးရမှာပါ၊ ပညာသင်ကြားပေးပြီး ပြန်ပို့ပေးဖို့ ဘုန်းကြီး က ရည်ရွယ်ထားပါတယ်၊ တချို့ကလေးတွေက သိပ်တော့ မပျော်ဘူး၊ ဒေသ ခွဲလာရတာရယ်၊ အပေါင်း အသင်း သူငယ်ချင်းမရှိတာရယ်၊ စာသင်ရ တာလည်းပါတယ်”ဟု ဆရာတော် ဦးတေဇောဘာသ က ပြောပြသည်။

ရောက်ရှိလာသော ကလေးများထဲတွင် မိန်းကလေး ၂ ဦး ပါဝင် ပြီး အသက် ၆ နှစ် နှင့် ၈ နှစ် ဖြစ်ကြောင်းနှင့် ယောက်ျား လေး ၆ ဦးကို သင်္ကန်းစည်းပေးထားကြောင်း၊ ၎င်းတို့အား အတန်းပညာ အဓိက သင်ပေးကြောင်းနှင့် ဘာသာရေးစာပေ ကိုလည်း တ ရက် တနာရီခန့် သင်ကြားပေးကြောင်း သိရသည်။

အဆိုပါကလေးများအတွက် စရိတ်ကို သီးသန့်အလှူခံခြင်းမရှိဘဲ ကျောင်းတိုက်မှ ရရှိလာသည့် လာဘ်လာဘထဲ မှပင် သုံးစွဲရသည့်အတွက် ပေါပေါများများ မသုံးစွဲနိုင်ဟုလည်း ဦးတေဇောဘာသ က ပြောဆိုသည်။

ဆရာတော် ဦးတေဇောဘာသ ဦးဆောင်တည်ထောင်ထားသော ယင်း ကန်တက်ကုန်း မစိုးရိမ် ကျောင်းတိုက်သည် သက်တမ်း ၁၅ နှစ်ခန့်ရှိပြီး ယခင်ကပင် ပထမ ငယ်၊ ပထမ လတ်၊ ပထမကြီး နှင့် ဓမ္မာစရိယ အတန်းများ ကို သင်ကြား သော ပရိယတ္တိ စာသင်တိုက်နှင့် ဘုန်းတော်ကြီးသင် မူလတန်းလွန် စာသင်ကျောင်းလည်း ဖွင့်လှစ် ထားသောကြောင့် တချို့ဆွမ်းကွမ်းနှင့် စာအုပ်စာတန်းများကို လှူဒါန်း ထောက်ပံ့မှုများ ရှိကြောင်း သိရသည်။

အလားတူ မန္တလေးမြို့ရှိ ဘုန်းတော်ကြီးသင် ပညာရေး ကျောင်း တကျောင်းကလည်း လပွတ္တာ၊ ဘိုကလေးနှင့် မော်လမြိုင် ကျွန်း မြို့နယ်များမှ မိဘမဲ့ ကလေး ၃၀ ခန့်ကို ခေါ်ယူ စောင့်ရှောက်ထားကြောင်း ထိုကျောင်းမှ တာဝန် ခံ ဆရာတော် တပါးက ပြောဆိုသည်။

“ဇွန်လ ၂၈ ရက် လောက်ကတည်းက စခေါ်လာပြီး စောင့်ရှောက်ထားတာပါ၊ တော်တော်များများက သူတို့ သား ချင်းတွေ ကိုယ်တိုင် အပ်ကြတာပါ၊ ရာခိုင်နှုန်းအများစုက မိဘမဲ့၊ တချို့ကတော့ မိဘမစုံတော့တဲ့သူတွေ၊ နောက် ထပ် ၁၀ ဦး လောက်လည်း ရောက်ဖို့ရှိသေးတယ်၊ အခု ရောက်နေတဲ့ ကလေးတွေက အသက် ၅ နှစ် လောက် ကနေ တချို့ ၁၆ နှစ် လောက်အထိပါတယ်၊ စားရေးနေရေး၊ ၀တ်ရေး၊ ပညာရေးရော ကျန်းမာရေးပါ၊ အကုန် စောင့်ရှောက်ထားတာ၊ စရိတ် ကတော့ တော်တော်လေး ရှာရပါတယ်”ဟု ၎င်းက ပြောသည်။

အဆိုပါဒုက္ခသည် ကလေးများကို မြစ်ဝကျွန်းပေါ်ရှိ ဘုန်းတော်ကြီး ကျောင်းတကျောင်းမှ တဆင့် ပို့ဆောင် ပေးခြင်း ဖြစ်ပြီး ကလေးများကို သင်ကြားစောင့်ရှောက်ရန် သင်တန်းဆင်း ဆရာမ ၂ ဦးကို ထားရှိ၍ ကျန်းမာရေး အတွက်လည်း ကျောင်းဝန်းအတွင်းပင် ဆေးခန်းနှင့် စနစ်တကျ စီစဉ်ထားသည်ဟုလည်း သိရသည်။

ယခု ဒုက္ခသည်ကလေးများကို စောင့်ရှောက်ထားသော ဘုန်းတော်ကြီးသင် ပညာရေးကျောင်းသည် ယခင်ကပင် မိမဲ့ ကလေး ၇၅ ဦး ခန့်နှင့် ရှမ်း၊ ၀ ၊ ပလောင်၊ အခါ ၊ ကရင် စသည့် တိုင်းရင်းသားကလေးငယ် ၁၀၀ ခန့်ကိုလည်း စောင့်ရှောက် ထားသည့် ပရဟိတ ကျောင်းတကျောင်းအဖြစ် သက်ဆိုင်ရာကို အသိပေးဆောင်ရွက် ထားခြင်းဖြစ် ကြောင်း အထက်ပါ ဆရာတော်က ပြောဆိုသည်။
မုန်တိုင်းဒဏ်သင့် မိဘမဲ့ ကလေးများ အတွက် စစ်အစိုးရ အမျိုးသား သဘာဝဘေး ကာကွယ်စောင့်ရှောက်ရေး ဗဟို ကော်မတီက လပွတ္တာနှင့် ဖျာပုံတို့တွင် မိဘမဲ့ကလေး သင်တန်းကျောင်းများကို ဖွင့်လှစ်ပေးကြောင်း အစိုးရ သတင်းစာများ တွင်ဖော်ပြထားသည်။

အပြည့်အစုံဖတ်လိုလျှင်

ရှားပါးတိရစ္ဆာန်များ အထူးဟင်းလျာအဖြစ် ရန်ကုန်တွင် ခေတ်စား

ကြည်ဝေ/ရန်ကုန် ဇူလိုင် ၃၀၊ ၂၀၀၈

သောကြာနေ့ဆိုလျင် ရန်ကုန်၊ မရမ်းကုန်းမြို့နယ်ထဲက တရုတ်စားသောက်ဆိုင်ကလေးမှာ တခြားနေ့များထက် ပိုပြီး စည်ကားနေတတ်သည်။

ဆိုင်ထဲရှိ သာမန်စားပွဲများတွင် လူအနည်းငယ်ခန့်သာ ရှိသော်လည်း အထူးခန်းဟု ခေါ်သော စားသောက်ဆိုင်၏ အတွင်း ဘက် လေအေးပေးစက်တပ်ထားသည့် အခန်းငယ်လေး များတွင်တော့ အထူးဟင်းလျာနံ့များနှင့် ထုံမွှန်းပြည့်ကြပ်နေ တော့သည်။ ဆက်ဖတ်ရန် အပြည့်အစုံ ကို Click နှိပ်ပါ။
ထိုဆိုင်ကလေးမှာ သောကြာနေ့ ဆိုလျင် ဆိုင်၏ မီးနူးစာအုပ်ထဲတွင် တွေ့ရလေ့မရှိသော အထူးဟင်းလျာများ ရရှိတတ် သည်။ မျောက်သား၊ မြွေသား၊ တောကြောင်သား၊ ဂျီသား၊ ဆတ်သား၊ လိပ်သား၊ ပင်လယ်ရေခူ၊ ငါးမန်းတောင်ဟင်းချို၊ ပင်လယ်မျှော့သုတ် စသည့် ဟင်းလျာများ ဖြစ်သည်။ မီနူးစာအုပ်ထဲတွင် ထည့်သွင်း ထားခြင်းမရှိသော အဆိုပါ အထူး ဟင်းလျာများအကြောင်း လူတိုင်းမသိနိုင်သော်လည်း ဖောက်သည်များ ကတော့ သိသည်။ သောကြာနေ့တိုင်း အထူး သီးသန့်ခန်းများတွင် ဖောက်သည်များနှင့် ပြည့်နေတတ်၏။

ယခုတပတ်အတွက် အထူးဟင်းလျာများမှာ မျောက်သားချက်နှင့် ငါးမန်းတောင်ဟင်းချို ဖြစ်သည်။ မျောက်သား မစားရဲ သူများအတွက် ချေသားချက်ကိုလည်း စီမံပေးထားသည်။

အတုံးလေးတွေတုံးကာ ကြော်ထားသော မျောက်သားကို တူဖြင့်ကော်ကာ စားနေကြသူများမှာ ဆိုင်မျက်နှာစာ ရှေ့နံရံတွင် ချိတ်ဆွဲထားသည့် ဥပဒေအရ ကန့်သတ်ထားသော သားရဲ တိရစ္ဆာန်များ၏ အသားကို ၀ယ်ယူ ရောင်းချခြင်းမပြု ဟူသော စာတမ်းကို ဖတ်ရှုခဲ့ဖူးသူများသာ ဖြစ်သည်။

ရန်ကုန်မြို့ရှိ စားသောက်ဆိုင်တချို့တွင် သစ်တောဥပဒေမှ ပိတ်ပင်တားမြစ်ထားသော သားငှက်တိရစ္ဆာန်များကို အထူး ဟင်းလျာများအဖြစ် ရောင်းချလျက်ရှိကြောင်း တွေ့ရသည်။

ရှားပါးမျိုးစိတ်များဖြစ်ကြသော တောဝက်၊ တောကြောင်၊ မျောက်၊ ၀က်ဝံ၊ မြွေအမျိုးမျိုး၊ ရေသတ္တ၀ါထဲမှ ငါးမန်း၊ လိပ်၊ ပင်လယ်မျှော့ စသည့် သတ္တ၀ါများကို စားသုံးနေကြခြင်းမှာ ၎င်းတိရိစ္ဆာန်များ မျိုးသုဉ်းပျောက်ကွယ် စေခြင်း၏ အကြောင်း ရင်း တရပ်ဖြစ်ကြောင်း မြန်မာနိုင်ငံသားငှက်တိရိစ္ဆာန် ထိန်းသိမ်းကာကွယ်ရေး အဖွဲ့တဖွဲ့မှ တာဝန်ရှိသူတဦးက ပြောသည်။

“ပုပ္ပားတောင်ပေါ်က မျောက်တွေဆိုရင် အရင်တုန်းက အုပ်စုလိုက်ကို အများကြီးတွေ့ရတာ အခု တော်တော့်ကို နည်းသွား ပြီ။ ပုပ္ပားကလူတွေကို မေးကြည့်တော့ မျောက်ပစ်တဲ့ သူတွေကြောင့်လို့ ဖြေကြတယ်” ဟု အဆိုပါ တာဝန်ရှိသူက ပြောသည်။

အဆိုပါဒေသမှ မျောက်ပစ်သူများသည် မျောက်သားစားချင်သောကြောင့် ပစ်ခြင်းမဟုတ်ဘဲ မျောက်တကောင် ကျပ် ၅ ထောင်မှ ကျပ် ၂ သောင်းထိ ဈေးပေးဝယ်သူများ ရှိသည့်အတွက် ရောင်းစားရန် ပစ်ကြခြင်းဖြစ်ကြောင်း သိရှိရသည်။

မျောက်သားနှင့် မျောက်သွေးမှာ ဈေးကွက်ဝင်လျက်ရှိသကဲ့သို့ မျောက်အကောင်လိုက် ရောင်းချခြင်းမှာလည်း ခေတ်စား လျက်ရှိကြောင်း ပုပ္ပားတောင် ဘေးမဲ့ဥယျာဉ်မှ တောခေါင်း တဦးက ပြောပြသည်။

စားသောက်ဆိုင်များတွင် နာမည်ကြီးလှသော ငါးမန်းတောင်ဟင်းချိုကြောင့် မြန်မာ့ ပင်လယ် ပြင်မှ ငါးမန်း မျိုးစိတ်တချို့ ပျောက်ကွယ်မျိုးသုဉ်းသွားရကြောင်း ငါးလုပ်ငန်းဦးစီးဋ္ဌာနမှ မြို့နယ် ဦးစီးမှူး တဦးက ပြောသည်။

“ငါးမန်းဈေးကွက် ကြီးလာတော့ ငါးမန်းကိုပဲ လိုက်ရှာဖမ်းတဲ့သူတွေ များလာတယ်။ ရခိုင်က လူတွေဆိုရင် လင်းရှူးသားကို ငါးမန်းစာအဖြစ် ငါးမျှားချိတ်မှာ တပ်ဖမ်းတော့ ငါးမန်းရော လင်းချူးတွေပါ ပျောက်ကုန် တော့တာပဲ” ဟု အဆိုပါ မြို့နယ်ဦးစီးမှူးက ဆိုသည်။

ငါးမန်းဖမ်းသည့် လင်းရှူးငါးများသည် ရှားပါးစားရင်းဝင် ငါးမျိုးစိတ်တမျိုးဖြစ်ပြီး ယခင်က ရခိုင်ပြည်နယ် ပင်လယ်ကမ်းရိုး တန်းတလျှောက်တွင် ပေါများစွာ တွေ့ရသော်လည်း ယခုအခါ စစ်တွေ-တောင်ကုတ် ရေလမ်းတလျှောက် အနည်းငယ်သာ တွေ့မြင်ရတော့ကြောင်း ၎င်းက ပြောသည်။

ငါးမန်းတောင်၊ ငါးမန်းသွားနှင့် ငါးမန်းအသည်းများမှာ ဈေးကောင်းလျက်ရှိပြီး ယခုအခါ ငါးမန်း သားပေါက်လေး များကိုပါ စစ်တွေ၊ မြိတ်၊ ထားဝယ်နှင့် ဟိုင်းကြီးကျွန်းရှိ ငါး ဈေးကွက်များတွင် ရောင်းချနေကြကြောင်း ၎င်းက ဆက်လက်ပြောပြသည်။

မြန်မာနိုင်ငံတွင် ငါးမန်းမျိုးစိတ်ပေါင်း ၅၂ မျိုးနေထိုင် ကျက်စားလျက်ရှိရာမှ ပင်လယ် ရေငုပ်သမားများ၏ တရားမ၀င် ရောင်းဝယ် မှုများကြောင့် ယခုအခါ ငါးမန်းမျိုးစိတ်ပေါင်း ၁၆ မျိုးခန့်ကိုသာ တွေ့မြင်ရတော့ကြောင်း ၂၀၀၄ ခုနှစ်တွင် ပြုလုပ်ခဲ့သော စာရင်းများအရ သိရှိရသည်။

ငါးမန်းအပြင် မျိုးသုဉ်းအန္တရာယ်နှင့် ရင်ဆိုင်နေရသော ရေသတ္တ၀ါတမျိုးမှာ ပင်လယ်လိပ် ဖြစ်ကြောင်း သိရသည်။

“လိပ်ဥ၊ လိပ်သားကို လူတွေက ချက်စားလာတဲ့အပြင် လိပ်ခွံတွေကိုလည်း လူ့အသုံး အဆောင်ပစ္စည်းလုပ်ပြီး ရောင်းချလာကြတယ်။ အဲဒီဈေးကွက်က ပြည်တွင်းမှာတင် တော်တော်ကြီးနေတော့ လိပ်မျိုးထိန်းသိမ်းရေးဆိုင်ရာ ပြဿနာဖြစ်လာတာပဲ” ဟု ငါးလုပ်ငန်းဦးစီးဋ္ဌာန၊ ပင်လယ်လိပ် သားပေါက်ထိန်းသိမ်းရေး စခန်းမှ တာဝန်ရှိသူ တဦးက ပြောသည်။

လိပ်ဥ၊ လိပ်သားချက်များကို ပင်လယ်ကမ်းရိုးတန်း မြို့များတွင်သာမက ရန်ကုန် စားသောက်ဆိုင် များတွင်ပါ တွေ့မြင်လာ ရပြီး လိပ်များကို အကောင်လိုက် ဖမ်းဆီးကာ တရုတ်နိုင်ငံ အပါအ၀င် တခြားသော အိမ်နီးချင်း နိုင်ငံများသို့ နယ်စပ်ဂိတ် များမှ တဆင့် တရားမ၀င် တင်ပို့မှုများ ရှိကြောင်းလည်း သိရသည်။

မြန်မာနိုင်ငံတွင် လိပ်ဇောင်းလျား၊ ပြင်သာလိပ်၊ လိပ်ကြက် တူရွေး၊ လိပ်ခွေးနှင့် လိပ်လောင်း ဟူ၍ ပင်လယ်လိပ် ၅ မျိုး ရှိခဲ့သော်လည်း ယခုအခါ လိပ်ဇောင်းလျား တမျိုးတည်းသာ တွေ့ ရတော့ကြောင်း ငါးလုပ်ငန်းဦးစီးဋ္ဌာန လိပ်ထိန်းသိမ်းရေးစခန်းများမှ စာရင်းများအရ သိရှိရသည်။

မျောက်လွှဲကျော်၊ ကြံ့၊ ဆင်၊ ရွှေသမင်၊ ကတိုးဂျီ၊ တောင်ဆိတ်နီ၊ ကျား၊ ကျားသစ်၊ ကြောင်သလင်း၊ ရေ၀က်၊ ၀ံပုလွေ၊ သင်းခွေချပ်၊ စိုင်၊ ဘဲခေါင်းပန်းရောင်၊ ၀ံပို၊ ရေငုံးအမျိုးမျိုး၊ ဇီးကွက်၊ ဒီးဒုတ်၊ မိကျောင်း၊ လိပ်၊ ဆတ်၊ မြင်းဝံ တို့မှာ မြန်မာနိုင်ငံတွင် ကာကွယ်ထိန်းသိမ်းထားသော တောရိုင်း တိရစ္ဆာန်များအဖြစ် ဥပဒေ ထုတ်ထားသော် လည်း ပြည်ပ နိုင်ငံများသို့ တရားမ၀င် ခိုးရောင်းနေကြသည်မှာ တနှစ်ထက် တနှစ်တိုးပွားလျက် ရှိနေကြောင်း သားငှက်တိရစ္ဆာန်ကာကွယ်ရေးအဖွဲ့မှ အဖွဲ့ဝင်တဦးက ပြောပြသည်။

မြန်မာနိုင်ငံမှ သားရဲတိရစ္ဆာန်များမှာ နယ်စပ်များမှ တဆင့် အခြားအိမ်နီးချင်းနိုင်ငံများသို့ တရားမ၀င် မှောင်ခို ရောင်းချခြင်း ခံနေရပြီး တချို့မှာမူ စားသုံးသူ တချို့၏ တရားမ၀င် ဈေးကွက်ဖြစ်လျှက်ရှိကာ မျိုးသုဉ်း ပျောက်ကွယ်ရန် ခြိမ်းခြောက် ခံနေရကြောင်း သိရှိရသည်။
“အဓိကကတော့ တရုတ်ပြည်ကို နယ်စပ်တွေကနေ အများဆုံးတင်ပို့နေလို့ပဲ။ တရုတ်ပြည်က တိုင်းရင်းဆေး ဖော်တဲ့နေရာ မှာ တိရစ္ဆာန်တွေရဲ့ အသွေး၊ အသားနဲ့ အရိုးတွေကို သုံးတယ်။ မြွေတို့ မျောက်တို့ သင်းခွေချပ်တို့ ဆိုရင် အရှင်လိုက်ကို ပို့နေကြတာ” ဟု သူက ဆက်ပြောပြသည်။

အပြည့်အစုံဖတ်လိုလျှင်

မြန်မာစစ်အစိုးရအပေါ် ကျောက်မျက်နှင့် ပတ်သက်၍ ထပ်မံပိတ်ဆို့ရန် ဘုရှ် ထုတ်ပြန်

ဧရာဝတီ ဇူလိုင် ၃၀၊ ၂၀၀၈

အမေရိကန်သမ္မတ ဂျော့ဒဗလျူဘုရ်ှက မြန်မာနိုင်ငံကို စီးပွားရေးပိတ်ဆို့မှု သက်တမ်း ထပ်တိုး၍ အမေရိကန် ဈေးကွက်သို့ ကြားနိုင်ငံများမှ တဆင့် မြန်မာစစ်အစိုးရ၏ ကျောက်မျက်ရတနာ တင်သွင်းနေမှု များကိုပါ ပိတ်ဆို့လိုက်ပြီဖြစ်ကြောင်း ယမန် နေ့က စည်းမျဉ်းအသစ် ထုတ်ပြန်ကာ လက်မှတ် ရေးထိုးလိုက်သည်ဟု အေအက်ဖ်ပီ သတင်းတွင် ရေးသားဖော်ပြ ထားသည်။ ဆက်ဖတ်ရန် အပြည့်အစုံ ကို Click နှိပ်ပါ။
တပြိုင်နက်တည်းတွင် အမေရိကန် ဘဏ္ဍာရေး ဝန်ကြီးဌာနကလည်း မြန်မာ စစ်အစိုးရပိုင် သို့မဟုတ် မြန်မာ စစ်အစိုးရ ခေါင်းဆောင်ပိုင်းများနှင့် ပတ်သက်လျှက် ရှိသော ကျောက်မြက်ရတနာ ကုမ္ပဏီများ အပါအဝင် ကုမ္ပဏီ ၁၀ ခုကို စီးပွားရေး ပိတ်ဆို့မှု သက်တမ်း တိုးမြှင့်လိုက်ပြီ ဖြစ်သည်။

အိမ်ဖြူတော်တွင် ကျင်းပပြုလုပ်သည့်အခမ်းအနားတွင် မြန်မာစစ်အစိုးရအား စီးပွားရေး ပိတ်ဆို့မှု သက်တမ်း တိုးမြှင့်လိုက် ကြောင်း အတည်ပြုလက်မှတ် ရေးထိုးရင်း သမ္မတ ဘုရှ် က “မြန်မာစစ်အစိုးရကို သတင်းစကား ပါးချင်တာကတော့ အမေရိကန်နိုင်ငံဟာ ဒီမိုကရေစီနဲ့ လွတ်လပ် တရားမျှတမှုကို ယုံကြည်တယ် ဆိုတာပါပဲ” ဟု ပြောကြား ခဲ့ကြောင်း သိရသည်။

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဒီပဲရင်းအရေးကိစ္စတွင် မြန်မာစစ်အစိုးရက တိုက်ခိုက်ခဲ့ပြီး နောက်ပိုင်း ၂၀၀၃ ခုနှစ်မှစတင်ကာ အမေရိကန်နိုင်ငံက စီးပွားရေး ပိတ်ဆို့ခဲ့ခြင်းဖြစ်ပြီး ယခုအခါ ၎င်းပိတ်ဆို့မှုများကို သက်တမ်းထပ်တိုးလိုက်ခြင်း ဖြစ်သည်။

ဘုရ်ှက စီးပွားရေး ပိတ်ဆို့မှုအသစ်အနေဖြင့် မြန်မာနိုင်ငံမှ ကျောက်စိမ်းနှင့် ပတ္တမြား အပါအဝင် တခြားသော ကျောက်မျက်ရတနာများကို ထိုင်းနိုင်ငံ၊ တရုတ်၊ ထိုင်ဝမ်၊ မလေးရှား၊ စင်ကာပူ စသည့် ကြားနိုင်ငံများ မှတဆင့် အမေရိကန် ဈေးကွက်သို့ တင်ပို့ နေမှုကိုပါ ရပ်တန့်စေတော့မည်ဖြစ်သည်။

ကျောက်မျက်ရတနာမှာ မြန်မာစစ်အစိုးရအတွက် အဓိက ဝင်ငွေရရာ လမ်း ကြောင်း များထဲမှ တခုဖြစ်သည်။ အမေရိကန် နိုင်ငံသည် မြန်မာစစ်အစိုးရကို စီးပွားရေး ပိတ်ဆို့ရုံသာမကဘဲ မြန်မာစစ်အစိုးရ ခေါင်းဆောင်များနှင့် ၎င်းတို့၏ မိသားစု များကို အမေရိကန် ပြည်ဝင်ခွင့် ဗီဇာပါ ပိတ်ခဲ့ခြင်းဖြစ်သည်။

အမေရိကန် ဘဏ္ဍာရေး ဝန်ကြီးဌာနက မြန်မာစစ်တပ်ပိုင် လုပ်ငန်းများဖြစ်သော မြန်မာ့ စီးပွားရေး ဦးပိုင် လီမိတက်နှင့် မြန်မာ့စီးပွားရေးကော်ပိုရေးရှင်း (MEC) တို့ကို အဓိက ပစ်မှတ်ထား ပိတ်ဆို့လိုခြင်းဖြစ်သည်။ ၎င်း လုပ်ငန်းနှစ်ခုစလုံးမှာ ကျောက်မျက်ရတနာ ကုန်သွယ်မှုလုပ်ငန်းများတွင် ပါဝင်ပတ်သက်လျှက်ရှိသည်။

ထို့အပြင် အမေရိကန် ဘဏ္ဍာရေး ဝန်ကြီး ဌာနက မြန်မာ့ကျောက်မျက် ရတနာ တူးဖော်ရေးလုပ်ငန်းများကိုပါ တပါတည်း ပစ်မှတ်ထား ဆောင်ရွက်ခြင်းဖြစ်သည်။ ထိုကျောက်မျက်တူးဖော်ရေး လုပ်ငန်းများမှာ မြန်မာ့ သတ္ထုတွင်း ဝန်ကြီးဌာန လက်အောက်တွင် ရှိသည်။

အမေရိကန်သမ္မတ ဘုရ်ှသည် လာမည့် သြဂုတ်လထဲတွင် ထိုင်းနိုင်ငံဘန်ကောက်မြို့သို့ လာရောက်၍ ပြည်ပရောက် မြန်မာ အတိုက်အခံအဖွဲ့အစည်းများ၊ မီဒီယာများနှင့် တွေ့ဆုံ စကားပြောမည်ဖြစ်ပြီး ၎င်း၏ဇနီးဖြစ်သူ လော်ရာဘုရ်ှက ထိုင်းနိုင်ငံ မဲဆောက်မြို့ရှိ ဒေါက်တာစင်သီယာမောင် ဆေးခန်းသို့ သွားရောက်မည် ဖြစ်ကြောင်း သတင်းရရှိသည်။

အပြည့်အစုံဖတ်လိုလျှင်

ရတနာပုံ တယ်လီပို့တွင် ရင်နှီးမြှုပ်နှံရန် ကုမ္ပဏီများအား ခွင့်ပြု

ဧရာဝတီ ဇူလိုင် ၃၀၊ ၂၀၀၈

ပြည်တွင်း ပြည်ပရှိ သတင်းဆက်သွယ်ရေးနည်းပညာ (အိုင်တီ) ကုမ္ပဏီ ၁၂ ခုအား ရတနာပုံမြို့သစ်တွင် ဖွင့်လှစ်ထားသည့် ရတနာပုံ တယ်လီပို့၌ ရင်းနှီးမြှုပ်နှံရန် စစ်အစိုးရက ခွင့်ပြုလိုက်ကြောင်း သိရသည်။
ရတနာပုံ တယ်လီပို့တွင် ရင်းနှီးမြှုပ်နှံခွင့်ရ သည့် ပြည်တွင်းစီးပွားရေးလုပ်ငန်းများမှာ မြန်မာတယ်လီပို့ အပါအ၀င် FISCA Enterprise ၊ MCC and Fourtune International ၊ Myanmar World Distribution ၊ Yadanabon Cyber Corporation ၊ ထူး၊ နိဗ္ဗာန်၊ တာမိုးညဲ ချမ်းသာ ထွန်းဝေသားနှင့် မြန်မာအင်ဖိုတက်ခ် ကုမ္ပဏီများ ဖြစ်ကြသည်။
ဆက်ဖတ်ရန် အပြည့်အစုံ ကို Click နှိပ်ပါ။
ပြည်ပမှ လာရောက်ရင်းနှီးမြှုပ်နှံခွင့်ပြုသည့် ကုမ္ပဏီများမှာ ရုရှားပိုင် CBOSS Corpo-ration ၊ Maxinet of Australia နှင့် Global Technology ကုမ္ပဏီများ ဖြစ်ကြသည်။ Global Technology ကုမ္ပဏီသည် ထိုင်းနှင့် အင်္ဂလန် နိုင်ငံများတွင် အခြေစိုက်သည်ဟု ယူဆရသည်။

ထိုင်းဝန်ကြီးချုပ်ဟောင်း သက်ဆင် ရှင်န၀ပ် ထူထောင်ခဲ့သည့် ရှင်း ဂြိုဟ်တုဆက်သွယ်ရေးကုမ္ပဏီ၊ တရုတ်နိုင်ငံမှ ပုဂ္ဂလိက ကုမ္ပဏီ တခုဖြစ်သည့် ZTE ကုမ္ပဏီနှင့် မလေးရှားနိုင်ငံမှ IP Tel Sdn Bhd ကုမ္ပဏီများ ရင်းနှီးမြှုပ်နှံခွင့် မရကြကြောင်း စစ်အစိုးရနှင့် နီးစပ်သူများမှတဆင့် သိရသည်။

အိုင်တီ ကုမ္ပဏီ ၁၂ ခုသည် အမေရိကန်ဒေါ်လာ ၂၂ သန်းကို ရင်နှီးမြှုပ်နှံကြရန် သဘောတူထားကြသည်ဟု မြန်မာတိုင်းစ် ဂျာနယ်တွင် ဖော်ပြထားသည်။

စစ်အစိုးရအား ပြစ်တင်ဝေဖန်မှုများနှင့် သတင်းအချက်အလက်များကိုထုတ်လွှင့်သည့် အင်တာနက် စာမျက်နှာများနှင့် အင်တာနက်အသုံးပြုသူများကို ရတနာပုံ တယ်လီပို့ အစီအစဉ်ဖြင့် တင်းကျပ်စွာ ပိတ်ပင်ရန် ရှိသည်ဟုလည်း ကွန်ပျူတာ တက္ကသိုလ်ရှိ ကျောင်းသူ၊ ကျောင်းသားများက ပြောသည်။

မြေဧကတသောင်း အကျယ်အ၀န်းရှိသည့် ရတနာပုံ တယ်လီပို့သည် မန္တလေးတိုင်း၊ ပြင်ဦးလွင်မြို့နယ်တွင် တည်ရှိပြီး ဆောက်လုပ်ရေးအစီအစဉ်ကို ၂၀၀၆ ခုနှစ် ဇွန်လတွင် စတင်ခဲ့သည်။ မြေနေရာအကျယ်အ၀န်း၏ ငါးပုံတပုံကို ကွန်ပျူတာ ဆော့ဝဲလ်နှင့် ဟတ်ဝဲလ် ထုတ်လုပ်ရေးအတွက် အသုံးပြုသွားမည်ဟု သိရသည်။

မြန်မာနိုင်ငံ၏ အင်တာနက်ဝန်ဆောင်မှုလုပ်ငန်းများကို မြန်မာ့ဆက်သွယ်ရေးလုပ်ငန်း၊ မြန်မာတယ်လီပို့နှင့် ကြံ့ဖွံ့ပိုင် Information Technology Central Services တို့က ချုပ်ကိုင်ထားကြပြီး ၎င်းဌာနများသည် ရန်ကုန်တွင် အခြေစိုက်လျက် ရှိသည်။

မြန်မာနိုင်ငံသည် အင်တာနက်စည်းကမ်းများနှင့်ပတ်သက်၍ ထိန်းချုပ်မှုအများဆုံးနိုင်ငံများစာရင်းတွင် ပါဝင်သည်။

အပြည့်အစုံဖတ်လိုလျှင်

ငပုတောက လယ်ယာများ ဂဏန်းကိုက်၍ ပျက်စီးဆုံးရှုံးနေ

ဖနိဒါ
ဗုဒ္ဓဟူးနေ့၊ ဂျူလိုင်လ 30 2008 14:26 - မြန်မာစံတော်ချိန်


ချင်းမိုင်။ ။ မုန်တိုင်းသင့် ဧရာဝတီတိုင်း ငပုတောမြို့နယ်ရှိ ကျေးရွာများတွင် စပါးခင်းများကို လယ်ပုဇွန် ဂဏန်းများ ကိုက်ဖြတ်နေသဖြင့် ပျက်စီးဆုံးရှုံးမှု ကြီးမားနေသည်။
ငပုတောမြို့နယ် သင်္ဃန်းကုန်း၊ သညင်မူ၊ ဇီးဖြူဆိပ်၊ ငကုန်း၊ ကုန်းတန်းပုတ္တ၊ ခွေးချောင်း၊ ကိုးထောင် အစရှိသည့် ကျေးရွာများ အပါအဝင် ကျေးရွာအများစုတွင် စိုက်ပျိုးထားသည့် စပါးပင်များကို လယ်ပုဇွန် ဂဏန်းများက ကိုက်ဖြတ်သဖြင့် အပျက်အစီး ကြီးမားနေခြင်း ဖြစ်သည်။ ဆက်ဖတ်ရန် အပြည့်အစုံ ကို Click နှိပ်ပါ။
“မနှစ်ကဆို ဗမာလို ဝါဆိုလပြည့် ဇူလိုင်လလယ်ပေါ့နော်။ ဒီအချိန်မှာ အဲဒီပိုးက အကုန်ဆင်းတယ်ပေါ့နော်။ အခု မိုးကလည်း မရွာဆိုတော့ ပိုးက မဆင်းတတ်ဘူး ဖြစ်နေတယ်။ ဇူလိုင် ၁၂ ရက်လောက်က စပြီး မိုးမရွာတော့ မဆင်းဘူး။ အပင်ရှည်၊ အပင်တို ကိုက်တယ်။ အခုဆို အပင်တောင် မပေါက်တာ။ ပြတ်သွားပြီဆိုရင် စပါးပင်က သေတာပဲ” ဟု ငပုတောမြို့နယ်ရှိ စိုက်ပျိုးရေးဌာနမှ စိုက်ပျိုးရေးအရာရှိ တဦးက မဇ္ဈိမကို ပြောသည်။

သင်္ဃန်းကုန်းရွာ လယ်သမားတဦးက “စပါးပင် နည်းနည်း ကြီးထွားလာတဲ့အခါမှာ ဂဏန်းက ကိုက်လို့မရဘူး။ အခု လုပ်ငန်းခွင် နောက်ကျတာရယ်၊ မျိုးစပါးမပေါက်တဲ့ အခြေအနေတွေကြောင့် ပေါ့နော်၊ စပါးပင်ကို ဂဏန်းက ကိုက်တာ။ ရွာတွေ အများကြီးပဲ။ မျိုးစပါး မအောင်မြင်မှုက ပိုပြီး ကြီးမားပါတယ်။ ဒီပိုးတွေ မဆင်းတာက အမှန်တော့ ရေလျှော့၊ ထုတ်ဖို့ မရှိလို့ ဖြစ်တယ်။ မိုးရွာလည်း နည်းလို့ပေါ့။ ဆားငန်ရေတွေ ဝင်ခဲ့လို့ ပိုဆိုးတာ” ဟု ပြောသည်။

မကြာသေးခင် ရက်ပိုင်းကပင် ထိုဒေသသို့ ကယ်ဆယ်ရေး ပစ္စည်းများ လှူခဲ့သူတဦးကလည်း ယခုသတင်း ဟုတ်မှန်ကြောင်းနှင့် ရွာပေါင်း ၇ဝ ခန့်တွင် အဆိုပါ ပျက်စီးဆုံးရှုံးမှုများ ဖြစ်ပေါ်နေကြောင်း ယခုလို ပြောသည်။

“လယ်သမားတွေက မျိုးစပါးမပေါက်တာရော ပေါက်တဲ့ စပါးတွေကလည်း ဂဏန်းကိုက်တယ်။ လယ်သမားတွေ ငြီးနေတယ်။ မျိုးစပါး မပေါက်တော့ အခုမှ ပြန်ကျဲရင်လည်း နောက်ကျပြီ်။ ပေါက်တာကလည်း ဂဏန်းကိုက်လို့ လယ်ယာအများ ဆုံးရှုံးရပါတယ်။ လယ်သမားတွေ ငြီးတွားသံတွေကို ကျနော် သိရတာ ရွာပေါင်း ၇ဝ လောက် ရှိမယ်” ဟု သူက ပြောသည်။

အလားတူပင် ကော့မှူးမြို့နယ်ရှိ မြစန္ဒီကျေးရွာတွင်လည်း မျိုးစပါး မအောင်သလို၊ ဂဏန်းများ ကိုက်နေကြောင်း မြစန္ဒီကျေးရွာ လယ်သမားဦးက ယခုလို ပြောသည်။

သူက “ဒီမှာလည်း သူတို့ မျိုးစပါးက ကျဲလို့မှ မရတာ။ ပေါက်ကို မပေါက်တာ။ စပါးအဖျားတွေ ခြောက်ပြီးတော့ နီလာတယ်။ ဒါပေမဲ့ ကျနော်တို့က ဂဏန်းမကြီးခင် စပါးကို ကျဲပစ်လိုက်တယ်။ ဂဏန်း နည်းနည်းကြီးသွားတော့ စပါးက စိုက်လို့ မရဘူး။ သူက စပါးပေါက်ခါစဆိုရင် စပါးပင်ကို လိုက်လိုက် ကိုက်ဖြတ်တာ။ အဲဒီဂဏန်း တကောင်ပေါက်ရင် အကောင် ၅ဝဝ လောက် ပြန်ပေါက်တယ်။ အဲဒါကြောင့် သူက ဖျက်ဆီးတာ သိပ်မြန်တယ်” ဟု ပြောသည်။

ဂဏန်းမှာ ထမင်းလုံးဟု ဒေသတွင်း၌ ခေါ်ဆိုသည့် ပိုးကောင်တမျိုးမှ ပေါက်ဖွားလာပြီး ချောင်းဂဏန်း၊ လယ်ပုဇွန်လုံးဂဏန်းနှင့် ဖောင်စီးဂဏန်း စသည့် ဂဏန်းမျိုးများ ရှိကြောင်း သိရသည်။

ငပုတောဒေသတွင်း၌ မျိုးစပါး အောင်မြင်မှု မရှိသလို၊ ဂဏန်းပိုးကောင်များ ဖျက်ဆီးမှုအပြင် ဓာတ်မြေသြဇာ လိုအပ်ချက်လည်း ကြီးမားနေသဖြင့် လှူဒန်းပံ့ပိုးပေးမည့် အကူအညီများ လိုအပ်နေကြောင်း စိုက်ပျိုးရေး ပညာရှင်က ယခုလို ပြောဆိုခဲ့သည်။

“မြေသြဇာလည်း လယ်သမားများက မဝယ်နိုင်ဘူး။ မြေကြီးမှာ အပုတ်နံ့ထွက်တာကို ကာကွယ်ရအောင်ပေါ့။ စိုက်ထားတဲ့ အပင်လေးတွေက မြေသြဇာ မစားရတဲ့အခါ ဝဝတုတ်တုတ် အားရှိတဲ့ အပင်လေးမျိုး မဖြစ်နိုင်ဘူး။ ဒါကြောင့် စပါးထွက်ရှိမှု တော်တော်လေး စိုးရိမ်ရတဲ့ အချိန်ဖြစ်နေတယ်။ ဒါကြောင့် ပံ့ပိုးပေးနိုင်မယ့် လူတွေရှိရင် တတ်နိုင်သလောက်ပေါ့နော်၊ ကောင်းတဲ့ အခြေအနေ ဖြစ်နိုင်မယ်လို့ ထင်ပါတယ်ခင်ဗျာ။ ဒီမှာက ပံ့ပိုးမယ့်သူ တဦးမှ မရှိသေးဘူးလေ။ ကျနော်တို့ ဗမာလူထုက ကျေးဇူးတင်မှာပါ” ဟု သူက ပြောသည်။

အပြည့်အစုံဖတ်လိုလျှင်

မဇ္ဈိမ ဝဘ်ဆိုဒ် တိုက်ခိုက်ခံနေရ

မဇ္ဈိမသတင်းဌာန
ဗုဒ္ဓဟူးနေ့၊ ဂျူလိုင်လ 30 2008 13:50 - မြန်မာစံတော်ချိန်


နယူးဒေလီ။ ။ နယူးဒေလီ အခြေစိုက် မဇ္ဈိမသတင်းဌာန၏ မြန်မာဘာသာ ဝဘ်ဆိုဒ် www.mizzimaburmese.com သည် ပြင်းထန်စွာ ဆက်တိုက် တိုက်ခိုက်ခံနေရပြီး တင်္နလာနေ့မှစ၍ ဝဘ်ဆိုဒ်သို့ ဝင်ရောက်ကြည့်ရှု၍ မရတော့ပါ။ ယင်းတိုက်ခိုက်ခြင်းသည် နည်းပညာ အခေါ်အရ (Distributed Denial of Services – DDoS) attack ဖြစ်ကြောင်း သိရသည်။ ဆက်ဖတ်ရန် အပြည့်အစုံ ကို Click နှိပ်ပါ။
မဇ္ဈိမဝဘ်ဆိုဒ်၏ မြန်မာဆာဗာသည် ၎င်းလက်ခံနိုင်သည့် ပမာဏထက် ကျော်လွန်သည့် ဒေတာများဖြင့် တိုက်ခံရပြီးနောက် ယခုကဲ့သို့ ရပ်ဆိုင်းသွားရခြင်း ဖြစ်သည်။

ဤတိုက်ခိုက်နည်း၏ အဓိက ရည်ရွယ်ချက်မှာ ဝဘ်ဆိုဒ်ကို ကြည့်ရှု၍မရအောင် ပြုလုပ်ရန် ဖြစ်သည်ဟု မဇ္ဈိမ၏ ဝဘ်မာစတာက ပြောဆိုသည်။ သတင်းအချက်အလက်များကို တပြိုင်တည်း အလွန်အကျွံ စုပြုံ၍ ပေးပို့လိုက်ခြင်းကြောင့် ဝဘ်ဆိုဒ်က လက်ခံနိုင်သည့် ပမာဏထက် ကျော်လွန်သွားစေကာ အချက်အလက်များကို ပြန်လည် မပေးပို့နိုင်ပဲ ရပ်ဆိုင်းသွားခြင်း ဖြစ်သည်။

စစ်ဆေးလေ့လာချက်များအရ သတင်းအချက်အလက်များမှာ ၁၅ မိနစ်အတွင်း ၅ ဂျီဂါဘိုက် (၅ Gigabytes) ခန့်အထိ ရှိကြောင်း တွေ့ရှိရသည်။ ဤပမာဏသည် သာမန် လက်ခံနေရသည့် ပမာဏထက် အဆပေါင်းများစွာ ပိုနေသည့်အတွက် ဤသို့ အလုပ်မလုပ်နိုင်ဘဲ ရပ်ဆိုင်းသွားခဲ့ရခြင်း ဖြစ်သည်ဟု မြန်မာဆာဗာကို ကူညီထိန်သိမ်း ကြည့်ရှုပေးသူ မဇ္ဈိမ၏ မိတ်ဆွေ နည်းပညာရှင်တဦးက ပြောဆိုသည်။

ဤသို့ တိုက်ခိုက်မှုမျိုး၏ မူရင်းကို ခြေရာခံ သိရှိနိုင်ရန် ခက်ခဲပြီး ဤတိုက်ခိုက်မှုသည် မဇ္ဈိမ မြန်မာဝဘ်ဆိုဒ်ကို အဓိက ချိန်ရွယ် တိုက်ခိုက်ခြင်း ဖြစ်ကြောင်း ပြောသည်။

ဤသို့သော တိုက်ခိုက်မှုသည် လွန်ခဲ့သည့် ရက်ပေါင်း အတော်ကြာကတည်းက ဖြစ်ပေါ်တည်ရှိ နေခဲ့ခြင်းဖြစ်ပြီး တရုတ်၊ ရုရှ၊ ဟန်ဂေရီနိုင်ငံတို့မှ ဆာဗာများကို အသုံးပြု တိုက်ခိုက်ခဲ့ကြောင်း သူက ဆက်ပြောသည်။ မဇ္ဈိမ မြန်မာဘာသာ ဝဘ်ဆိုဒ်ကို တိုက်ခိုက်ခြင်းတွင် အနည်းဆုံး ဆာဗာ ၃ဝ ကို ပါဝင်ပတ်သက် အသုံးပြုထားသည်ဟု သူက ပြောသည်။

မဇ္ဈိမသတင်းဌာနသည် မြန်မာနိုင်ငံနှင့် ဆက်စပ် ပတ်သက်သည့် သတင်းများ၊ အမြင်များကို စုစည်း တင်ဆက်ပေးနေသည့် လွတ်လပ်သော မြန်မာ မာလ်တီမီဒီယာ သတင်းဌာနတခုဖြစ်ပြီး ပြည်ပအခြေစိုက် မြန်မာဂျာနယ်လစ်များက ဦးစီး လုပ်ကိုင်နေသည့် သတင်းဌာနတခု ဖြစ်သည်။ အဓိက ဝဘ်ဆိုဒ် ၄ ခုဖြစ်သည့် (mizzima.com, mizzimaburmese.com, mizzima.tv, mizzimaphoto.com) တို့မှ သတင်းများ၊ ဓာတ်ပုံများ၊ ဗီဒီယိုများကို နေ့စဉ် တင်ဆက်ပေးနေသည်။

သတင်းများကို မြန်မာဘာသာ၊ အင်္ဂလိပ် ဘာသာတို့ဖြင့် နေ့စဉ် တင်ဆက် ပေးနေသည့်အပြင် ဤသတင်း ဝဘ်ဆိုဒ်တွင် ဗီဒီယို သတင်းများကိုလည်း မဇ္ဈိမတီဗီ ဝဘ်ဆိုဒ် (mizzima.tv) တွင် တင်ဆက်ပေးလျက် ရှိသည်။ ဤဝဘ်ဆိုဒ်မှ သတင်းများကို အခြားသတင်းဌာနများကလည်း မကြာခဏ ဝင်ရောက်ကြည့်ရှု အသုံးပြုလေ့ ရှိသည်။

မဇ္ဈိမ မြန်မာဘာသာနှင့် အင်္ဂလိပ်ဘာသာ ဝဘ်ဆိုဒ်များကို နေ့စဉ် ဝင်ရောက်ကြည့်ရှုသည့် Unique Visitors ပျှမ်းမျှ တသောင်းမှ သောင်းငါးထောင်အထိ ရှိပြီး ယမန်နှစ် စက်တင်ဘာလအတွင်း မြန်မာနိုင်ငံတွင် ဖြစ်ပွားခဲ့သည့် ဆန္ဒပြပွဲများ အတွင်း နှင့် နာဂစ်ဆိုင်ကလုံး ဝင်ရောက် တိုက်ခတ်အပြီးနှင့် ယခုနှစ်မေလနှင့် ဇွန်လတို့တွင် ဝင်ရောက်ကြည့်ရှုသူ အရေအတွက်မှာ နှစ်ဆကျော်ခန့် ထိုးတက်သွားခဲ့သည်။

ဤတိုက်ခိုက်မှု၏ နောက်ကွယ်တွင် မည်သူ ရှိနေမည် ဆိုသည်ကို သိရှိရှာဖွေရန်မှာ ခက်ခဲသော်လည်း ဤဝင်ရောက် တိုက်ခိုက်မှုများသည် တရုတ်၊ ရုရှ၊ ဟန်ဂေရီနိုင်ငံများရှိ ဆာဗာများကို အသုံးပြု တိုက်ခိုက်ခဲ့ခြင်း ဖြစ်သည့်အတွက် ယင်းနိုင်ငံများတွင် အတတ်ပညာရှင်နှင့် အင်ဂျင်နီယာ အများအပြားကို ပညာသင်ရန် စေလွှတ်ထားသည့် မြန်မာစစ်အစိုးရ လူများလက်ချက် ဖြစ်နိုင်ကြောင်း ခန့်မှန်းရသည်။

မဇ္ဈိမဝဘ်ဆိုဒ်ကို မြန်မာနိုင်ငံတွင် ပိတ်ပင်ထား၍ ဝင်ရောက် ကြည့်ရှုနိုင်ခြင်း မရှိဘဲ ကြည့်ရှုလိုပါက မြန်မာအာဏာပိုင်များ မသိအောင် ဘရောက်ဇီ ဆာဗာများခံ၍ ဝင်ရောက်ကြည့်ရှုရပြီး သိသွားပါက ဒဏ်ငွေ အမြောက်အမြား ပေးရနိုင်သည်။

ဤသို့ တိုက်ခိုက်မှုတွင် မဇ္ဈိမ ဝဘ်ဆိုဒ်သာမက နော်ဝေနိုင်ငံ အော်စလို အခြေစိုက် ဒီမိုကရက်တစ် မြန်မာ့အသံ (DVB) ၏ ဝဘ်ဆိုဒ် www.dvb.no သည်လည်း ဇူလိုင်လ ၂ဝ ရက်နေ့ကတည်းက ဤသို့ ပြင်းထန်သည့် တိုက်ခိုက်မှုမျိုးကို ခံနေရကြောင်း သိရသည်။

လွန်ခဲ့သော ၄ ရက်အတွင်း ပိုမိုပြင်းထန်၍ ဆက်တိုက် တိုက်ခိုက် ခံခဲ့ရသည့်အတွက် တိုက်ခိုက်သူသည် (DVB) ဝဘ်ဆိုဒ်ကို ရပ်ဆိုင်းသွားစေရန် ကြိုးပန်းနေခြင်း ဖြစ်ကြောင်း DVB ၏ ဒုတိယအမှုဆောင် ညွှန်ကြားရေးမှူး ဦးခင်မောင်ဝင်း က သောကြာနေ့က သတင်းထုတ်ပြန်ချက်တရပ် ထုတ်ပြန်ခဲ့သည်။

“အခုထိ တိုက်ခိုက်ခံနေရဆဲပါပဲ” ဟု ဦးခင်မောင်ဝင်း က ပြောကြားသည်။

“နည်းပညာအရ တိုက်ခိုက်မှု၏ နောက်ကွယ်တွင် မည်သူရှိသည် ဆိုသည်ကို ပြောဆိုရန်မှာ ခက်ခဲသည်။ သို့သော် ဤတိုက်ခိုက်မှု၏ နောက်ကွယ်တွင် မြန်မာအစိုးရ ရှိကြောင်း အလွယ်တကူ ပြောနိုင်သည်” ဟု ဦးခင်မောင်ဝင်းက ပြောသည်။

အပြည့်အစုံဖတ်လိုလျှင်

မြန်မာအစိုးရပိုင် လုပ်ငန်းများအား အမေရိကန်အစိုးရ ဘဏ္ဍာရေးဝန်ကြီးဌာနမှ ဒဏ်ခတ

U.S Treasury Department/ ၃၀ ဇူလိုင် ၂၀၀၈

ကျောက်မျက်ရတနာ တူးဖော်ရေးလုပ်ငန်းနှင့် ပတ်သက်နေသည့် ကုမ္ပဏီများအပါအ၀င် မြန်မာ အစိုးရ (သို့) မြန်မာစစ်အရာရှိများ ထိန်းချုပ်သည့် (သို့) ပိုင်ဆိုင်သည့် ကုမ္ပဏီ (၁၀) ခုကို ငွေ ကြေးဆိုင်ရာ ဒဏ်ခတ်လိုက်ကြောင်း အမေရိကန်အစိုးရ ဘဏ္ဍာရေးဝန်ကြီးဌာန၏ နိုင်ငံခြား ပိုင်ဆိုင်မှု ထိန်းချုပ်ရေးရုံးအဖွဲ့မှ ဇူလိုင်လ (၂၉) ရက်နေ့တွင် ကြေညာချက်ထုတ်ပြန်ခဲ့သည်။ ဆက်ဖတ်ရန် အပြည့်အစုံ ကို Click နှိပ်ပါ။
ထိုငွေကြေးပိတ်ဆို့မှုသည် (ကွယ်လွန်သူ အထက်လွှတ်တော်ကိုယ်စားလှယ် ) တွမ်လန်တို့စ်၏ မြန်မာ့ကျောက်မျက် ပိတ်ပင်ရေး ၂၀၀၈ ဥပဒေကို သမ္မတ လက်မှတ်ထိုးချိန်နှင့် တိုက်ဆိုင်နေ သည်။

ထိုဥပဒေ ပြဌာန်းခြင်းသည် မြန်မာစစ်အစိုးရ ခေါင်းဆောင်များ၊ စစ်ခေါင်းဆောင်များကို စီးပွား ရေးအရရော နိုင်ငံရေးအရပါ ထောက်ပံ့ပေးသူများ၊ ၎င်းတို့၏ အနီးစပ်ဆုံး မိသားစုဝင်များ၊ စစ် အစိုးရ၏ ဘဏ္ဍာငွေအတွက် အရေးပါသည့် အရင်းအမြစ်ဖြစ်သော မြန်မာ့ကျောက်မျက်ရတနာ လုပ်ငန်းတို့ကို ပိတ်ဆို့ထားမှုများ ထပ်မံချဲ့ထွင်ရန် ရည်ရွယ်ခြင်းဖြစ်သည်။

“ကျနော်တို့ဟာ မြန်မာနိုင်ငံရဲ့ ဖိနှိပ်တဲ့ စစ်အစိုးရနဲ့ စစ်အစိုးရကို ထောက်ပံ့ပေးနေတဲ့ ကုမ္ပဏီ တွေကို ပိုပြီးတင်းကျပ်တဲ့ ငွေကြေးပိတ်ဆို့မှု လုပ်လိုက်တာဖြစ်ပါတယ်။ ဆိုင်ကလုန်းဒုက္ခသည် တွေကို ကာကွယ်ပေးဖို့၊ ကယ်ဆယ်ရေးအကူအညီတွေ ခွင့်ပြုဖို့ကို စစ်အစိုးရ ငြင်းဆန်လိုက် တာဟာ ပြည်သူတွေကို အကြင်နာမဲ့စွာ လစ်လျူရှုထားတာကို ပြလိုက်တဲ့ နောက်ထပ် ဥပမာ တခုပါပဲ”ဟု နိုင်ငံခြားပိုင်ဆိုင်မှု ထိန်းချုပ်ရေးရုံးအဖွဲ့၏ ဒါရိုက်တာ အဒမ် ဂျေ ဇူဘင်းက ပြော သည်။

ယမန်နေ့က ထုတ်ပြန်လိုက်သော ငွေကြေးပိတ်ဆို့မှုသည် မြန်မာစစ်အစိုးရအတွက် အရေးကြီး သည့် ကဏ္ဍအမျိုးမျိုးတွင် လုပ်ပိုင်ခွင့်များ ကြီးကြီးမားမား ရှိနေသည့် မြန်မာ့စီးပွားရေးဦးပိုင်နှင့် မြန်မာ့စီးပွားရေး ကော်ပိုရေးရှင်းကြီး နှစ်ခုစလုံးကို ပစ်မှတ်ထားခဲ့ခြင်းဖြစ်သည်။ ထိုစစ်အစိုးရပိုင် ကုမ္ပဏီနှစ်ခုသည် ကျောက်မျက်ရတနာလုပ်ငန်း၊ ဘဏ်လုပ်ငန်းနှင့် ဆောက်လုပ်ရေးလုပ်ငန်း မျိုးစုံတွင် အကျိုးစီးပွား ကျယ်ကျယ်ပြန့်ပြန့် လုပ်ကိုင်နေသည့် ကုမ္ပဏီကြီးများ ဖြစ်သည်။

ထုတ်ပြန်လိုက်သော ငွေကြေးပိတ်ဆို့မှု၏ ရလာဒ်အဖြစ် မြန်မာ့စီးပွားရေးဦးပိုင်၏ လက်ခွဲကုမ္ပဏီ လေးခုဖြစ်သည့် မြန်မာ ပတ္တမြားအင်တာပရိုက်စ်၊ မြန်မာအင်ပါရီယယ် ကျောက်စိမ်းကုမ္ပဏီ လိမိ တက်၊ မြ၀တီ ကုန်သွယ်ရေး လိမိတက်နှင့် မြ၀တီဘဏ် လိမိတက်တို့ကိုလည်း နိုင်ငံခြားပိုင်ဆိုင်မှု ထိန်းချုပ်ရေးရုံးအဖွဲ့မှ သတ်မှတ်ထားသည့် အမေရိကန်နိုင်ငံသားများ။ အမေရိကန် အဖွဲ့အစည်း များနှင့် စီးပွားရေးမလုပ်ရန် နာမည်ပျက်ပုဂ္ဂိုလ်အဖွဲ့စာရင်းတွင် ထည့်သွင်းထားသည်။

ယခုငွေကြေး ပိတ်ဆို့မှုထဲတွင် စစ်အစိုးရပိုင် မြန်မာ့သတ္ထုတွင်းဝန်ကြီးဌာန လက်အောက်ခံ အမှတ် (၁) သတ္ထု တူးဖော်ရေးလုပ်ငန်း၊ အမှတ် (၂) သတ္ထုတူးဖော်ရေးလုပ်ငန်းနှင့် အမှတ် (၃) သတ္ထုတူး ဖော်ရေးလုပ်ငန်းတို့ကိုလည်း ပစ်မှတ်ထားသည်။ သမ၀ါယမ၀န်ကြီးဌာန လက်အောက်ခံ သမ၀ါ
ယမ သွင်းကုန်ထုတ်ကုန် လုပ်ငန်းလည်း ပါဝင်သည်။

မြန်မာစစ်အစိုးရဖြစ်စေ စစ်အစိုးရ၏ အရာရှိတဦးဖြစ်စေ၊ အရာရှိများဖြစ်စေ တိုက်ရိုက်သော် လည်းကောင်း သွယ်ဝိုက်၍သော်လည်းကောင်း ပိုင်ဆိုင်ထားသော၊ ထိန်းချုပ်ထားသော ပိုင်ဆိုင် မှုများနှင့် ပိုင်ဆိုင်မှု အကျိုးအမြတ်များကို အမေရိကန်အစိုးရ ဘဏ္ဍာရေးဝန်ကြီးအား ပိတ်ဆို့ ခွင့်ပြုလိုက်သည့် သမ္မတအမိန့် (၁၃၄၆၄) အရ အရေးယူလိုက်ခြင်းဖြစ်သည်။ (၂၀၀၈) ခုနှစ် ဧပြီလ (၃၀) ရက်နေ့ကလည်း မြန်မာအစိုးရပိုင် လုပ်ငန်းသုံးခုဖြစ်သည့် မြန်မာ့ကျောက်မျက် ရတနာလုပ်ငန်း၊ မြန်မာ့သစ်လုပ်ငန်းနှင့် မြန်မာ့ ပုလဲလုပ်ငန်းတို့၏ ပိုင်ဆိုင်မှုများနှင့် ပိုင်ဆိုင်မှု အကျိုးအမြတ်များကို သမ္မတအမိန့် နောက်ဆက်တွဲ (၁၃၄၆၄) အရ သမ္မတဘုရ်ှက ပိတ်ဆို့ ခဲ့သည်။

အဆိုပါ ငွေကြေးပိတ်ဆို့မှု ဥပဒေသစ်အရ အမေရိကန် တရားစီရင်ရေးက သတ်မှတ်ထားသည့် အမေရိကန် နိုင်ငံသားများ၊ အမေရိကန် အဖွဲ့အစည်းများနှင့် စီးပွားရေး မလုပ်ရန် နာမည်ပျက် ပုဂ္ဂိုလ်အဖွဲ့စာရင်းဝင် ပုဂ္ဂိုလ်အားလုံး၏ ပိုင်ဆိုင်မှုအလုံးစုံကို ပိတ်ဆို့ထားမည်ဖြစ်ပြီး ထိုသူများနှင့် မည်သည့်အမေရိကန်နိုင်ငံသား၊ မည်သည့် အမေရိကန်လုပ်ငန်း အေဂျင်စီများမဆို ဘဏ္ဍာရေး အရဖြစ်စေ ကူးသန်းရောင်းဝယ်မှုအရဖြစ်စေ တားမြစ်သည်။

မြန်မာစစ်အစိုးရအား အဓိက ထောက်ပံ့နေသော မြန်မာပြည်သူလူထုကို စနစ်တကျ ဖိနှပ်နေသည့် စစ်အစိုးရကို အထူးထောက်ပံ့ပေးနေသော ပိတ်ဆို့ထားသည့် ကုမ္ပဏီများနှင့် ပတ်သက်သည့် သတင်းအချက်အလက်များကိုလည်း နိုင်ငံတကာအသိုင်းအ၀ိုင်းအား သိရှိစေမည်ဖြစ်သည်။ ။

အပြည့်အစုံဖတ်လိုလျှင်

Friday, August 1, 2008

မြန်မာကုန်စည် အမေရိကန်တင်သွင်းခွင့် ပိတ်သည့်ဥပဒေကို သမ္မတက သက်တမ်းတိုး

Agencies/ ၃၀ ဇူလိုင် ၂၀၀၈

အမေရိကန်သို့ မြန်မာကုန်ပစ္စည်းများ တင်သွင်းမှု ပိတ်ပင်သည့် ဥပဒေကို သမ္မတဂျော့ခ်ျ ဒဗလျူ ဘုရ်ှက သက်တမ်းတိုးလိုက် ပြီး မြန်မာ့ကျောက်မျက်ရတနာများအား တတိယနိုင်ငံများမှတဆင့် တင်သွင်းမှုကို ပိတ်ပင်သည့် ဥပဒေအသစ်ကိုလည်း လက် မှတ်ရေးထိုး အတည်ပြုလိုက်သည်။
ဆက်ဖတ်ရန် အပြည့်အစုံ ကို Click နှိပ်ပါ။
သမ္မတဘုရ်ှက “အမေရိကန်နိုင်ငံဟာ ဒီမိုကရေစီနဲ့ လွတ်လပ်မှုကို အပြည့်အ၀ ယုံကြည်တယ် ဆိုတာကို မြန်မာစစ်အစိုးရကို ကျနော်တို့ အသိပေးချင်ပါတယ်” ဟု ယမန်နေ့က ပြုလုပ်သည့် လက်မှတ်ရေးထိုးပွဲတွင် ပြောသည်။

ထို့အပြင် အမေရိကန် ဘဏ္ဍာရေးဝန်ကြီးဌာနကလည်း စစ်အစိုးရ ထိပ်ပိုင်းခေါင်းဆောင်များနှင့် လက်အောက်အရာရှိကြီးများ ပိုင်ဆိုင် (သို့) ထိန်းချုပ်ထားသော ကျောက်မျက်ကုမ္ပဏီများ အပါ အ၀င် ကုမ္ပဏီ (၁၀) ခုကို ဘဏ္ဍာရေးအရ ပိတ်ပင်ဆို့မှု ပြုလုပ်ခဲ့သည်။

၂၀၀၃ ခုတွင် သမ္မတဘုရှ် ထုတ်ပြန်ခဲ့သော မြန်မာနိုင်ငံ လွတ်မြောက်ရေးနှင့် ဒီမိုကရေစီ ဥပဒေ The Burmese Freedom and Democracy Act အား ပိုမိုခိုင်မာစေရန် ရည်ရွယ်ပြီး ကွယ်လွန်သူ အောက်လွှတ်တော် နိုင်ငံခြားရေးရာကော်မတီ ဥက္ကဋ္ဌဟောင်း မစ္စတာ တွမ်လန်းတော့စ်က Block Burmese JADE Act ခေါ် အဆိုပါ မြန်မာ့ကျောက်မျက်တင်သွင်းမှု ပိတ်ပင်ရေး ဥပဒေမူကြမ်းကို ၂၀၀၇ ခု၌ ဦးဆောင်ရေးဆွဲ အဆိုပြုခဲ့ခြင်းဖြစ်သည်။

ကျောက်မျက်ရတနာ ရောင်းဝယ်ရေးလုပ်ငန်းသည် လူ့အခွင့်အရေးချိုးဖောက်နေပြီး ဒီမိုကရေစီ လှုပ်ရှားမှုများကို ဖိနှိပ်နေသော မြန်မာစစ်အစိုးရကို နိုင်ငံခြားငွေ အဓိကရှာပေးနေသည့် လမ်း ကြောင်းတခုဖြစ်သဖြင့် ယခု ဥပဒေအသစ်ကြောင့် စစ်အစိုးရအတွက် နှစ်စဉ် အမေရိကန်ဒေါ်လာ သန်းရာနှင့်ချီ၍ နစ်နာစေမည်ဖြစ်သည်။

ထို့အပြင် မြန်မာစစ်ဗိုလ်ချုပ်ကြီးများနှင့် ၎င်းတို့၏ မိသားစုဝင်များအား အမေရိကန် ပြည်ဝင်ခွင့် ဗီဇာ ထုတ်ပေးမည် မဟုတ်သကဲ့သို့ တတိယနိုင်ငံများမှတဆင့် အမေရိကန် ဘဏ္ဍာရေးအဖွဲ့ အစည်းများအား အသုံးပြုနေမှုကိုလည်း ယခု ဥပဒေသစ်အရ ကာကွယ်ထိန်းချုပ်သွားနိုင်မည် ဖြစ်သည်။

အမေရိကန်မှ ချမှတ်ထားသော ပိတ်ဆို့အရေးယူမှု ဥပဒေများသည် မြန်မာစစ်အစိုးရ၏ ဘဏ္ဍာငွေ အရင်းအမြစ်များကိုသာ ပိတ်ဆို့ထားခြင်းဖြစ်ပြီး သာမန်ပြည်သူများအတွက် နစ်နာမှုမရှိကြောင်း သမ္မတအိမ်တော် ပြောခွင့်ရ အမျိုးသမီး ဒါနာပရီနိုက ထပ်မံပြောဆိုသည်။

ပြောခွင့်ရအမျိုးသမီး ဒါနာပရီနိုက “စစ်အစိုးရကို ဖိအားပေးဖို့ အမေရိကန်က သီးသန့် လုပ်ဆောင် နေတဲ့အပြင် အခြားနိုင်ငံတွေကလည်း သူ့နည်းသူ့ဟန်နဲ့ လုပ်ဆောင်နေကြတဲ့အတွက် ဒီပိတ်ဆို့ အရေးယူမှုဟာ ထိရောက်မှုရှိပါတယ်။ ကျမတို့ရဲ့ ရည်ရွယ်ချက်က ပြည်သူတွေကို ဖိနှိပ်နေတဲ့ သူတွေကိုသာ ဦးတည်တာပါ။ ဖိနှိပ်ခံနေရတဲ့ ပြည်သူတွေအတွက် မထိခိုက်နိုင်ပါဘူး” ဟု ပြောသည်။ ။

အပြည့်အစုံဖတ်လိုလျှင်

မြန်မာနိုင်ငံ၌ လူ (၁) ထောင်လျှင် (၇) ဦးနှုန်း အိတ်ခ်ျအိုင်ဗွီပိုး ကူးစက်ခံနေရ


ဒေါက်တာစန်ဂန် (၀ဲ) အား ဘန်ကောက်မြို့ (FCCT) တွင် ကျင်းပသည့် သတင်းစာရှင်းလင်းပွဲ၌တွေ့ရစဉ်
ပီတာအောင်/ ၃၀ ဇူလိုင် ၂၀၀၈

မြန်မာနိုင်ငံ၌ ကိုယ်ခံအားကျဆင်းစေသည့် အိတ်ခ်ျအိုင်ဗွီ ဗိုင်းရပ်ကူးစက်ခံနေသူ အရေအတွက် သိသိသာသာ လျော့နည်းကျဆင်းသွားသော်လည်း လူ (၁) ထောင်လျှင် (၇) ဦး ကူးစက်ခံနေ ရဆဲဖြစ်သည်ဟု ကုလသမဂ္ဂ ယူအန်အေ့ဒ်စ် (UNAIDS) အဖွဲ့၏ ကမ္ဘာလုံးဆိုင်ရာ အစီရင်ခံစာ၌ ဖော်ပြထားသည်။ ဆက်ဖတ်ရန် အပြည့်အစုံ ကို Click နှိပ်ပါ။
မြန်မာနိုင်ငံတွင် အိတ်ခ်ျအိုင်ဗွီ ကူးစက်ခံနေရသည့် အရွယ်ရောက်သူနှင့် ကလေးဦးရေသည် ၂၀၀၁ ခုတွင် (၃၀၀,၀၀၀) ခန့် ရှိရာမှ ၂၀၀၇ခု၌ (၂၄၀, ၀၀၀) ခန့်သာ ရှိတော့သည်ဟု ယမန် နေ့ထုတ် အစီရင်ခံစာတွင် ဖော်ပြထားခြင်းဖြစ်သည်။

ထိုသို့ကျဆင်းသွားရခြင်းသည် ကိုယ်ဝန်ဆောင်မိခင်များ၌ ကူးစက်မှု ကျဆင်းသွား၍ ဖြစ်သည်ဟု ယူအန်အေ့ဒ်စ်အဖွဲ့ ဒေသတွင်းအစီစဉ် အကြံပေးပုဂ္ဂိုလ် ဒေါက်တာစန်ဂန်က ဘန်ကောက်မြို့ရှိ နိုင်ငံခြားသတင်းထောက်များအသင်း၌ ယနေ့နံနက် ပြုလုပ်သည့် သတင်းစာရှင်းလင်းပွဲ၌ ခေတ်ပြိုင်သို့ ပြောကြားသည်။

၎င်းက “ဆေးခန်းတွေက ရရှိတဲ့ စာရင်းတွေအရ များသောအားဖြင့် ကိုယ်ဝန်ဆောင် မိခင်တွေမှာ ကူးစက်မှု သိသိသာသာ ကျဆင်းသွားတာဖြစ်တယ်။ လွန်ခဲ့တဲ့ သုံးလေးနှစ်အတွင်းမှာ အဲဒီအုပ်စု အကြားမှာ (၂.၅) ရာခိုင်နှုန်းလောက်ကနေ (၁) ရာခိုင်နှုန်း ကျော်ကျော်လောက်ထိ ကျဆင်းသွား တယ်။ ဒါပေမယ့် ထိုင်းနိုင်ငံအပါအ၀င် မြန်မာနိုင်ငံဟာ ဒေသတွင်းမှာတော့ အိတ်ခ်ျအိုင်ဗွီ ကူးစက် နှုန်း အမြင့်မားဆုံး ဖြစ်နေတုန်းပဲ” ဟု ပြောသည်။

မြန်မာနိုင်ငံတွင် လူ (၁) ထောင်လျှင် (၇) ဦး အိတ်ခ်ျအိုင်ဗွီ ကူးစက်ခံနေရကြောင်း၊ အသက် (၁၅) နှစ်မှ (၂၄) နှစ်အကြား လူငယ်အမျိုးသမီး (၁) ထောင်လျှင် (၆) ဦးနှင့် လူငယ်အမျိုးသား (၁) ထောင်လျှင် (၇) ဦးနှုန်း ဖြစ်ပွားနေပြီး ၂၀၀၇ ခုနှစ် စာရင်းအရ အ်ိတ်ခ်ျအိုင်ဗွီကြောင့် သေဆုံးသူ (၂၄,၀၀၀) ဦး ရှိကြောင်း အစီရင်ခံစာအရ သိရသည်။
အာရှ ဒေသတခုလုံး၌ အိတ်ခ်ျအိုင်ဗွီ ကူးစက်ခံနေရသူပေါင်း (၅) သန်းရှိပြီး တကမ္ဘာလုံး၌ (၃၃) သန်းရှိကြောင်းနှင့် နိုင်ငံအများအပြားတွင် လူငယ်လူရွယ်များအကြား ကွန်ဒုံးသုံးဆွဲမှု ပိုမိုများပြား လာကြောင်း ယူအန်အေ့ဒ်စ် အစီရင်ခံစာတွင် ဖော်ပြထားသည်။ ။

အပြည့်အစုံဖတ်လိုလျှင်

လယ်သမားများ ဓာတ်မြေသြဇာ အခက်အခဲဖြစ်

NEJ/ ၃၀ ဇူလိုင် ၂၀၀၈

ယခုနှစ် စပါးစိုက်ပျိုးရာသီ၌ လယ်သမားအများစု စိုက်ခင်းထဲသို့ ထည့်မည့် ဓာတ်မြေသြဇာ ၀ယ်ယူ ရန် ငွေကြေးမတတ်နိုင်၍ နီးစပ်ရာ အန်ဂျီအိုများနှင့် ကုလသမဂ္ဂ ကမ္ဘာ့စားနပ်ရိက္ခာ အစီအစဉ် (WFP) အဖွဲ့များထံ အကူအညီတောင်းထားကြကြောင်း လယ်သမားများက ပြောသည်။ ဆက်ဖတ်ရန် အပြည့်အစုံ ကို Click နှိပ်ပါ။
လပွတ္တာမြို့နယ် ထုံးဘူးကျကျေးရွာအုပ်စု ဘီတွတ်ကျေးရွာမှ လယ်သမားတဦးက “အစိုးရက ရောင်းချပေးတဲ့ ပုလဲဓာတ်မြေသြဇာက အိတ်အရေအတွက် အနည်းငယ်သာ ရှိပြီး လယ်သမား တိုင်းမရလို့ အခက်တွေ့နေတယ်” ဟု ပြောသည်။

ယခင်နှစ်များထက် ယခုနှစ်တွင် ဓာတ်မြေသြဇာ ပိုမိုလိုအပ်ကြောင်း၊ လိုအပ်ရသည့် အကြောင်းမှာ မျိုးစပါးအခက်အခဲကြောင့် အချိန်နောက်ကျမှ စပါးစိုက်နိုင်ပြီး တမန်းညက်အောင် မထွန်နိုင်သည့် အတွက်ဖြစ်ကြောင်း အဆိုပါ လယ်သမားက ရှင်းပြသည်။

၎င်းက “ အချိန်နောက်ကျတော့ လယ်ထဲမှာ တမန်းညက်အောင် မထွန်နိုင်ဘူး။ မြက်တွေ မပုတ်ဘူး ဖြစ်နေတယ်။ ဒီတော့ စိုက်ပြီးနောက် ဓာတ်မြေသြဇာ ထည့်ဖို့ လိုလာတယ်။ ကျနော့်လယ်ဆိုရင် တဧက (၃) အိတ်လောက် ထည့်ရလိမ့်မယ်။ ဒါပေမယ့် ငွေက မရှိဘူး။ ဒီတော့ လပွတ္တာမြို့ပေါ် တက်ပြီး အန်ဂျီအို အဖွဲ့တွေကို တနည်းနည်းနဲ့ အကူအညီပေးပါလို့ မေတ္တာရပ်ခံထားတယ်။ ကူညီ တာမျိုးဖြစ်ဖြစ်၊ စပါးပေါ်ချိန် စပါး ပြန်ပေးရတာမျိုးဖြစ်ဖြစ်” ဟု ပြောသည်။

အဆိုပါ လယ်သမားကဲ့သို့ အခြားရွာများမှ လယ်သမားများလည်း လာရောက်အကူအညီ တောင်းခံ ထားခြင်းမျိုး ရှိကြောင်း လပွတ္တာာမြို့ပေါ်၌ ရုံးစိုက်ထားသည့် အန်ဂျီအိုတခုမှ တာဝန်ခံတဦးက ပြောသည်။

ယခုလက်ရှိ လေဘေးကယ်ဆယ်ရေးအတွက် နယ်စပ်သွင်း ကုန်ပစ္စည်းအချို့ကို အကောက်ခွန် လွတ်ငြိမ်းခွင့် ပြုခဲ့ရာတွင် ဓာတ်မြေသြဇာ မပါဝင်သည့်အတွက် ဈေးနှုန်း ကြီးမြင့်နေကြောင်း သိရသည်။

ဇူလိုင် (၂၈) ရက် ပေါက်ဈေး ရွှေတောင် အပင်အားတိုးဆေး ပုလဲဓာတ်မြေသြဇာ တအိတ် (၃၁,၃၀၀) ကျပ်၊ ဓူဝံတံဆိပ်က (၃၁,၅၀၀) ကျပ်၊ သံကွင်းတံဆိပ်က ကျပ် (၄၀,၀၀၀) အထိ ဈေးပေါက်နေပြီး ပြီးခဲ့သည့်နှစ် တအိတ် ကျပ် (၂၅,၀၀၀) ကျော်နှင့် နှိုင်းယှဉ်ပါက မြင့်တက်လာ ကြောင်း၊ အသီးအားတိုးဆေး တီစူပါ (၁၆) ရာခိုင်နှုန်းမှာ တအိတ် (၁၃,၈၀၀) ကျပ်၊ (၁၂) ရာခိုင် နှုန်းက (၁၂,၅၀၀) ကျပ် ဈေးနှုန်းရှိပြီး ကွန်ပေါင်းဓာတ်မြေသြဇာများကိုမူ အချိုးအစားလိုက်ပြီး ကျပ် (၅၀,၀၀၀) မှ (၂၂,၀၀၀) အထိ ဈေးပေါက်နေသည်။

ဓာတ်မြေသြဇာ အခက်အခဲ မပေါ်ခင်ကတည်းက လယ်ထွန်စက် အခက်အခဲ၊ လောင်စာဆီ အခက် အခဲ၊ မျိုးစပါးအခက်အခဲနှင့် ရရှိသည့် မျိုးစပါးများ အပင်မပေါက်သည့် ပြဿနာများ ကြုံခဲ့ရသည့် အတွက် လယ်သမားအများအပြားသည် လယ်မြေအများစုကို စိုက်ပျိုးနိုင်ခြင်း မရှိကြဘဲ စိုက်ပျိုး နိုင်သည့် လယ်သမားများသည်လည်း ဓာတ်မြေသြဇာပြဿနာ ထပ်ဆင့်ကြုံတွေ့နေရသည်။
မြန်မာနိုင်ငံအတွင်း ဓာတ်မြေသြဇာ တင်သွင်းရာ၌ ဗိုလ်ချုပ်ကြီး သူရရွှေမန်းသား အောင်သက်မန်း ပိုင် ဧရာရွှေဝါ ကုမ္ပဏီသည် အကြီးဆုံးဖြစ်ပြီး ဧရာဝတီတိုင်းရှိ ဓာတ်မြေသြဇာ ဈေးကွက်ဝေစုကို လည်း အကြီးမားဆုံး ရရှိထားသူဖြစ်ကြောင်း ဆန်စပါး လုပ်ငန်းရှင်များက ပြောသည်။

အပြည့်အစုံဖတ်လိုလျှင်

စာသင်ကျောင်းပြိုများ ပြန်မပြင်နိုင၊်ဇရပ် ဓမ္မာရုံကို ယာယီကျောင်းများလုပ်ရ

NEJ/ ၃၀ ဇူလိုင် ၂၀၀၈

နအဖစစ်အစိုးရ ပညာရေးဝန်ကြီးဌာနမှ ကျောင်းသည် ကျောင်းနှင့် တူရမည်ဟူသောဆောင်ပုဒ် ချထားသော်လည်း စာသင်ကျောင်းဖြင့် စာမသင်ရဘဲ ယခုတိုင် ယာယီတဲများဖြင့် စာသင်နေရ သည့် ကလေးများ အမြောက်အမြား ရှိနေသည်။ ဆက်ဖတ်ရန် အပြည့်အစုံ ကို Click နှိပ်ပါ။
ရန်ကုန်တိုင်းအတွင်း မြို့နယ်အချို့မှ နာဂစ်မုန်တိုင်းကြောင့် ကျောင်းများ ပြိုပျက်သွားပြီး အဆိုပါ ကျောင်းများမှာ ယခုတိုင် ပြည်လည် မတည်ဆောက်နိုင်သေးသည့်အတွက် ကျောင်းသားများ စာသင်ရန် နေရာအခက်အခဲ ဖြစ်နေသည်။

အဆိုပါကျောင်းများမှာ ရန်ကုန်တိုင်းအတွင်းရှိ ကွမ်းခြံကုန်း၊ ကော့မှူး၊ ဒလ၊ တွံတေး၊ ဆိပ်ကြီး၊ ခနောင်တိုတို့တွင်ရှိသော စာသင်ကျောင်းအချို့ဖြစ်သည်။

ယင်းမြို့နယ်များရှိ စာသင်ကျောင်းများအနက် လေးပုံတပုံခန့်မှာ အပျက်အစီးများရှိကြောင်း ရန်ကုန်ရှိ မြန်မာနိုင်ငံဆောက်လုပ်ရေး လုပ်ငန်းရှင်များ အသင်းမှ အင်ဂျင်နီယာတဦးက ပြောသည်။

ရန်ကုန်မြို့တော် စည်ပင်သာယာရေးကော်မတီ မြို့တော်ဝန် ဗိုလ်မှူးချုပ် အောင်သိန်းလင်းက ရန်ကုန် မြူနီစပါယ်နယ်နမိတ်အတွင်းရှိ မြို့နယ်များတွင် နာဂစ်ကြောင့် ပြိုသွားသည့် ကျောင်းများ ကို စတီး structure ကျောင်းများအဖြစ် တည်ဆောက်ပေးနေသော်လည်း ကွမ်းခြံကုန်း၊ ကော့မှူး၊ တွံတေး၊ ဆိပ်ကြီး၊ ခနောင်တို့မှာ မြူနီစပါယ် ဧရိယာအတွင်း မပါဝင်သည့်အတွက် တည်ဆောက်
မှု ပြုလုပ်ပေးမည်ကို တိတိကျကျ မသိရှိရကြောင်း ဒေသခံ ကျောင်းအုပ်ကြီးများက ပြောသည်။

ကော့မှူးမြို့နယ် မြို့မ (အမက) ကျောင်းမှာ မုန်တိုင်းကြောင့် လုံးလုံးပြိုကျသွားပြီး အေးရှားဝေါလ် ကုမ္ပဏီက မေလ (၁၂) တွင် လာရောက်ကြည့်ရှုသော်လည်း နောက်ထပ် မလာတော့ကြောင်း ကျောင်းအုပ်ဆရာကြီးက ပြောသည်။

အဆိုပါကျောင်းတွင် ကျောင်းသား (၁၁၂) ဦးရှိပြီး ကျောင်းအုပ်ကြီး အပါအ၀င် ဆရာ (၄) ဦးရှိပြီး ယခုအခါ ရပ်ကွက်ဓမ္မာရုံတွင် စာသင်နေကြရသည်။

တွံတေးမြို့နယ် အိုးဖိုအနောက်ရပ်ကွက် စံပြ (၃) လမ်းရှိ မူလတန်းကျောင်းမှာလည်း လုံးဝပြိုကျ သွားသည့်အတွက် ကျောင်းသား (၂၅၀) မှာ မေလက နအဖအခြေခံဥပဒေ မဲဆန္ဒခံယူပွဲအတွက် မဲရုံပြုလုပ်သောနေရာတွင် စာသင်ခုံများချ၍ စာသင်နေရသည်။

“အလှူရှင်တွေ လာလှူတဲ့ တာပေါ်လင်တွေကို အကာလုပ်ပြီး မဲရုံနေရာမှာပဲ ဖြစ်သလို စာသင်နေ ရတယ်။ နေရာမလောက်လို့ စတုတ္ထတန်းကိုတော့ ရယက ရုံးမှာ နေရာခွဲ သင်နေရတယ်။ စာသင် ကျောင်းနဲ့ စာမသင်ရတော့ ကလေးတွေ စိတ်ဓာတ်ကျမှာ စိုးရိမ်နေရတယ်” ဟု ကျောင်းအုပ်ဆရာ မကြီး နော်တင်အေးက ပြောသည်။

ယင်းမူလတန်းကျောင်းမှာ တွံတေးမြို့၏ အဆင်းရဲဆုံး ရပ်ကွက်ကျောင်းတကျောင်းဖြစ်ပြီး ကျောင်းတွင် နေထိုင်ရသည့် ကျောင်းအုပ်ဆရာမကြီး မိသားစုမှာလည်း နေစရာ အခက်အခဲ ဖြစ်နေကာ ကျောင်းခြံဝင်းအတွင်း ကျောင်းမှ ကွာကျသော သွပ်များကို မိုးကာ တို့တာဝန်အရေး သုံးပါးဆိုင်းဘုတ်ကို တံခါးလုပ်နေရသည်။

နအဖစစ်အစိုးရက အနှစ်သုံးဆယ် နှစ်ရှည်ပညာရေးစီမံကိန်းအဖြစ် မျက်မှောက်ကာလဖြစ်သော ပညာခေတ်၏ စိန်ခေါ်မှု ရင်ဆိုင်နိုင်မည့် လေ့လာသင်ယူနေသော လူ့ဘောင်အဖွဲ့အစည်းကို ဖန်တီးပေးနိုင်သည့် ပညာရေးစနစ်တခု ဖြစ်ထွန်းလာစေရန်ဟူ၍ ပညာရေးရည်မှန်းချက် ချထား ကြောင်းသိရသည်။ ။

အပြည့်အစုံဖတ်လိုလျှင်

ပထမဆုံး နာဂစ်ရန်ပုံငွေ ဟစ်ဟော့ရှိုးပွဲ

နာဂစ်ရန်ပုံငွေ ရှာမည့် နာမည်ကြီး ဟစ်ဟော့အဆိုတော် အချို့
NEJ/ ၃၀ ဇူလိုင် ၂၀၀၈


နာဂစ်အတွက် ရန်ပုံငွေရရှိစေရန် မြန်မာ့ပထမဆုံး ဟစ်ဟော့ အဆိုတော်များ တစုတပေါင်းတည်း ပါဝင်ကြမည့် ဟစ်ဟော့ပွဲကို သြဂုတ် (၃) ရက် သုဝဏ္ဏ အမျိုးသားအားကစားရုံ၌ ကျင်းပပြု လုပ်မည်။ ဆက်ဖတ်ရန် အပြည့်အစုံ ကို Click နှိပ်ပါ။
ဟစ်ဟော့တေးဂီတဖြစ်သော်လည်း နာဂစ်နှင့် ပတ်သက်၍ ရန်ပုံငွေ ရှာသည့်ပွဲဖြစ်သဖြင့် သီဆို ဟန်များ၊ ကခုန်မှုပုံစံများ၊ စင်ပေါ်က ပရိသတ်ကို နှုတ်ဆက်ဟန်ကစ၍ နွေးထွေးမှု ကရုဏာအပြည့် ပုံစံဖြင့် သီဆိုကြမည်ဖြစ်ကြောင်း သိရသည်။

ဟစ်ဟော့ အဆိုတော်များက အခကြေးငွေမယူဘဲ တဦးလျှင်၊ အဖွဲ့တဖွဲ့လျှင် သီချင်း (၂) ပုဒ် သီဆိုပေးကြမည်ဖြစ်သည်။

ပါဝင်သီဆိုကြမည့်သူများမှာ မျိုးကျော့မြိုင်၊ စိုင်းစိုင်းခမ်းလှိုင်၊ ရဲလေး၊ ရသ၊ စောညီညီ (too big)၊ အနဂ္ဂ၊ ဘာဘူ၊ သားစိုး၊ J-me၊ ကြက်ဖ၊ ထွန်းထွန်း(Example)၊ မိုးမိုး၊ လင်းလင်း၊ ကျော်သူစိုး၊ ချမ်းအေးဝင်း၊ ဘိုလေး (ယုန်လေး)၊ လင်းပင်ဟိန်း၊ ဂျောက်ဂျက်၊ Wai လျှံ၊ အာဘွိုင်း၊ ၀ိုင်းစုခိုင် သိန်း၊ နန်းဆုရတီစိုး၊ ပြည့်ဖူးခိုင်၊ စန္ဒီမြင့်လွင့်၊ သီရိဆွေ၊ သဇင်၊ No (ရီမွန်+ရတနာ)၊ Cartoon၊ Blueberry၊ Cyclone၊ Double Beatz၊ Project #1 စသည်တို့ဖြစ်ကြောင်း သိရသည်။

ဝင်ကြေးများကို (၈,၀၀၀) နှင့် (၅,၀၀၀) သတ်မှတ်ရောင်းချမည်ဖြစ်ပြီး လေဘေးသင့် ပြည်သူများ အတွက် ရည်ရွယ်၍ စိတ်ဖြေသိမ့်မည့် သီချင်းများကို သီဆိုပေးသွားမည်ဖြစ်ကြောင်း ဟစ်ဟော့ အဆိုတော် အနဂ္ဂက ပြောသည်။

ဟစ်ဟော့တေးဂီတ အဆိုရှင်များ အနေဖြင့် နာဂစ်နှင့် ပတ်သက်၍ ၎င်းတို့ ရေးစပ်ထားကြသည့် သီချင်းများကို လွတ်လပ်စွာ သီဆိုကြမည်ဖြစ်ကြောင်း၊ ဟစ်ဟော့ လူငယ် (၂၀) တို့က အထူး ရေးဖွဲ့ထားသော သီချင်းတပုဒ်ကိုလည်း စီစဉ်တင်ဆက်သွားမည်ဖြစ်ပြီး ရေးသူမှ မိမိရေးသော သီချင်းပိုဒ်ကို ကိုယ်တိုင်သီဆိုသွားမည် ဖြစ်သည်ဟု စိုင်းစိုင်းခမ်းလှိုင်က ပြောသည်။
မြန်မာ့ဟစ်ဟော့ အဆိုတော်များကို အစိုးရက စောင့်ကြည့်လေ့ရှိပြီး အက်ဆစ်ဟစ်ဟော့အဖွဲ့မှ အဆိုတော် ဇေယျာသော်ကို ယခုအချိန်အထိ ဖမ်းဆီးထားဆဲဖြစ်သည်။ ထိုကြောင့် နာဂစ်ရန်ပုံငွေ ဟစ်ဟော့ပွဲတွင်လည်း အစိုးရကစောင့်ကြည့်နိုင်သည်ဟု ဟစ်ဟော့အသိုင်းအ၀န်းက ဝေဖန် ပြောဆိုနေကြသည်။

အပြည့်အစုံဖတ်လိုလျှင်

အာဏာပိုင်များနှင့်နီးစပ်သူများက ဖမ်းဆီးတရုတ်ကုန်ပစ္စည်းများကို ထုတ်ယူ

NEJ/ ၃၀ ဇူလိုင် ၂၀၀၈

ရှမ်းပြည်မြောက်ပိုင်း၊ သိန္ဓီမြို့နယ် ရေပူစစ်ဆေးရေးဂိတ်၌ ဖမ်းဆီးထားသည့် ပစ္စည်းများကို အာဏာပိုင်များနှင့် နီးစပ်သည့် ကုန်သည်များက ထုတ်ယူနေကြကြောင်း နယ်စပ်ကုန်သည် အသိုင်းအ၀န်းက ပြောသည်။ ဆက်ဖတ်ရန် အပြည့်အစုံ ကို Click နှိပ်ပါ။
၂၀၀၆ ခု ဧပြီအတွင်း (၁၀၅) မိုင် ကုန်သွယ်ရေးဇုန် ဖွင့်စဉ်ကာလအတွင်း ကုန်ကားများ ဆင်းခွင့် မရဘဲ တရုတ်ပြည်ဘက် ရက်အတော်ကြာ စုပြုံထားပြီးနောက် မြန်မာပြည်ဘက် ပြန်ဆင်းချိန်တွင် အပိုသယ်လာသည့် ဓာတ်ဆီ၊ ဒီဇယ်၊ အမျိုးအမည်၊ အရေအတွက် စာရင်းလိမ်ပြီး အခွန်မဆောင်
ဘဲ သွင်းလာသည့် ကုန်စည်များကို ကား (၉၉) စီးနှင့်အတူ ၂၀၀၆ ခု မေ (၅) ရက်တွင် ရှမ်းပြည် မြောက်ပိုင်း သိန္ဓီမြို့နယ် ရေပူစစ်ဆေးရေးဂိတ်တွင် ရမခ လက်အောက်ခံ တပ်များက စစ်ဆေး ဖမ်းဆီးခဲ့သည်။

အဆိုပါကိစ္စနှင့် ပတ်သက်၍ ကုန်သွယ်ရေးဇုန်မှ နကသအရာရှိများ အပါအ၀င် ကုန်သည်များ၊ အေးဂျင့်များ၊ ကားသမားများကို ဖမ်းဆီးခဲ့သကဲ့သို့ အချို့ကုန်သည်များလည်း ထွက်ပြေးတိမ်း ရှောင်ခဲ့ကာ နယ်စပ်ကုန်သွယ်ရေး ကမောက်ကမများ လအတော်ကြာ ဖြစ်သွားခဲ့သည်။

ကုန်ပစ္စည်းပိုင်ရှင်များမှာ ထွက်ပြေး တိမ်းရှောင်ခဲ့ကြပြီး အချို့လည်း မိမိပစ္စည်းပါဟု ၀န်ခံထွက်ဆို ခြင်းမရှိသည့်အတွက် ပိုင်ရှင်မဲ့အဖြစ် သိမ်းယူထားသည့် ပစ္စည်းများမှ အချို့ကို လေလံတင် ရောင်း ချပြီး အချို့ကို ရမခက ထုတ်ယူသွားခဲ့ကာ ယခုနောက်ဆုံး လက်ကျန်ပစ္စည်းများကို ရမခနှင့် နီးစပ်သည့် ကုန်သည်များက ထုတ်ယူနေသည်ဟု နယ်စပ်ကုန်သည်တဦးက ပြောသည်။

၎င်းက “ကျန်နေတာက ကုန်မာပစ္စည်းတွေလိုမျိုးပဲ။ လူသုံးကုန်တွေ၊ လယ်ယာသုံးပစ္စည်းတွေ၊ ဆောက်လုပ်ရေးပစ္စည်းတွေလိုမျိုးပေါ့။ ကားတစီးစာ အဲဒီတုန်းက ဈေးနဲ့ကို သိန်း (၅၀၀) အထက် မှာ ရှိတယ်။ အခုဆို ဈေးတွေတက်တော့ သိန်း (၁,၅၀၀) လောက် ရှိနေပြီ။ အဲဒါကို ပိုင်ရာဆိုင်ရာက တဆင့် ရမခကို ဘာရန်ပုံငွေ၊ ညာရန်ပုံငွေဆိုပြီး သိန်း (၂၅၊ ၃၀) ထည့်လိုက်ရင် ကားတစီးတိုက်စာ ထုတ်လို့ရပြီ။ နောက်တခုက ကျမ်းကျိန်တာပေါ့။ ကိုယ့်ရဲ့ ပစ္စည်းတွေပါဆိုပြီး တရားရုံးမှာ ကျမ်း ကျိန်ပြီး ဒဏ်ကြေးဆောင်တာရယ်၊ ပေးကမ်းရတာတွေရယ် သိန်း (၇၀၊ ၈၀) လောက်ရင်းပြီး ပစ္စည်းတွေ ပြန်ထုတ်ပဲ။ ဘယ်ကားနဲ့ ဘာပစ္စည်းတွေ ပါတယ်ဆိုတဲ့အကြောင်း သူ့ဇစ်မြစ်တော့ သိဖို့ လိုတာပေါ့။ ဒါလည်း စာရေးတွေ၊ ဘာတွေကနေ လိုက်လို့ရတာပဲ” ဟု ပြောသည်။

ဖမ်းဆီးခဲ့သည့် ကား (၉၉) စီးနှင့် ဓာတ်ဆီ၊ ဒီဇယ်များကို ၂၀၀၆ ခုနှစ်အတွင်းမှာပင် ရမခနှင့် နီးစပ် သူများကိုသာ လက်သိပ်ထိုး ရောင်းချလိုက်ပြီး ၂၀၀၇ ခု နိုဝင်ဘာတွင် ဖယောင်းများကို လေလံတင် ရောင်းချခဲ့ကြောင်း၊ ဓာတ်မြေသြဇာများကိုမူ ရမခ၌ တပ်စိုက်ခင်းများ၊ လယ်မြေများတွင် အသုံးပြု ခဲ့ကြောင်း အဆိုပါ ကုန်သည်က ပြောသည်။

ပစ္စည်းပိုင်ရှင်များအနေဖြင့် မိမိတို့၏ ပစ္စည်းများကို ပြန်မထုတ်ရဲသဖြင့် အခြားကုန်သည်များက အာဏာပိုင်များနှင့် ပေါင်းပြီး ကလိမ်ကကျစ်ကျကာ ထုတ်ယူနေမှုကို သိသိကြီးနှင့် ငြိမ်နေရခြင်း ဖြစ်သည်ဟု ပစ္စည်းပိုင်ရှင် ကုန်သည်တဦးက ပြောသည်။

၎င်းက “အဲဒီမှာ လယ်ယာသုံးပစ္စည်းတွေ၊ ဆောက်လုပ်ရေးပစ္စည်းတွေ အများကြီး ကျန်သေးတယ်။ အဲဒီပစ္စည်းတွေကို နာဂစ်ဒုက္ခသည် ကယ်ဆယ်ထောက်ပံ့ရေးတွေမှာ သုံးလိုက်စမ်းပါ။ ကျနော်တို့ ကျေကျေနပ်နပ် လက်ခံတယ်။ အခုတော့ အဖမ်းခံရမှာကြောက်လို့ သွားပြီး မျက်နှာမပြရဲတာကို အခွင့်ကောင်းယူ လုပ်နေတာ” ဟု ပြောသည်။

ကုန်သွယ်မှုစည်းကမ်းများနှင့် မကိုက်ညီသည့် အကြောင်းပြချက်ဖြင့် ဖမ်းဆီးထားသည့် အဆိုပါ ကား (၉၉) စီးတိုက် ကုန်ပစ္စည်းများမှ လက်ကျန်ပစ္စည်းများကို အာဏာပိုင်များနှင့် နီးစပ်သည့် ကုန်သည်များက ဇူလိုင်လဆန်းပိုင်းမှ စတင်၍ ထုတ်ယူနေကြခြင်းဖြစ်သည်ဟု ဒေသခံကုန်သည် များက ပြောသည်။ ။

အပြည့်အစုံဖတ်လိုလျှင်

ကေအဲန်ယူနှင့် ဒီကေဘီအေအကြား တင်းမာမှုဖြစ်၊ ရွာသား ၂၀၀ ကျော် နယ်စပ်သို့ ထွက်ပြေး

ခွန်အောင်မြတ်။
ဇူလိုင်လ ၃၀ ရက်၊ ၂၀၀၈ ခုနှစ်။

ကရင်လက်နက်ကိုင်တပ်ဖွဲ့ အချင်းချင်း တိုက်ခိုက်ကြမည့် အခြေအနေကြောင့် ကော့ကရိတ်မြို့နယ်အတွင်းမှ ကရင်ကျေးရွာသား ၂၀၀ ကျော် နေအိမ်၊ ခြံယာများကို စွန့်၍ ထိုင်း-မြန်မာနယ်စပ်သို့ ထွက်ပြေး တိမ်းရှောင် နေကြရသည်။
ဆက်ဖတ်ရန် အပြည့်အစုံ ကို Click နှိပ်ပါ။
ထွက်ပြေးတိမ်းရှောင်ကြရသည့် ရွာသားများသည် ကေအဲန်ယူထိန်းချုပ်သည့် တပ်မဟာ (၆) ဝေါ်လခီးဒေသ အနီး ထိုင်း-မြန်မာ နယ်စပ် မြ၀တီမြို့နှင့် မိုင် ၃၀ နီးပါးခန့် ဝေးသည့် ကော့ကရိုက်မြို့နယ်အတွင်းရှိ ကနှဲလေး၊ မော်ဖိုးခီးနှင့် မော်ဖိုးကလု ကျေးရွာများဖြစ် သည်ဟု ကရင်အမျိုးသားအစည်းအရုံး (ကေအဲန်ယူ)၏ သတင်းနှင့် ပြန်ကြားရေးတာဝန်ခံ ဗိုလ်မှူးစောလှငွေက ပြောသည်။

“အခြေအနေကတော့ ဝေါ်လခီးဘက်မှာ ကနှဲလေးဘက်က ရွာတရွာနှစ်ရွာက ဒီဘက်က ဖထီးဆိုတဲ့ ဒီဘက်နယ်စပ်ဘက်ကို ထွက်ပြေးလာတယ်။ လွန်တဲ့ သုံးလေးရက်က ကိစ္စ တွေပေါ့။ အဲဒီနေရာ တွေမှတော့ လောလောဆယ် တိုက်ပွဲဖြစ်တာတော့ မရှိသေးဘူး။ မရှိသေးပေမယ့်လို့ အဲဒီဘက်က ဒီကေဘီအေကနေ ကနှဲလေးဆိုတဲ့ အိမ်ခြေ (၉၀) ကျော် လူဦးရေ (၂၀၀)ကျော်လောက်ရှိမယ့်ရွာကို ၀င်လာတော့ ဒီ ဒီကေဘီအေ မ၀င်လာခင်မှာ နအဖတပ်က မင်းတို့ ပြေးကြတော့လို့ပြောတယ်တဲ့။ လူထုကိုပြောတယ် မင်းတို့ပြေးကြ ဆိုတော့ မင်းတို့မပြေးရင် ဒီကေဘီအေက ပေါ်တာဖမ်းမယ် ဆိုတော့ ရွာသားက ပြေးကြ တာပေါ့။”

တိုးတက်သောကရင်ဗုဒ္ဓဘာသာတပ်ဖွဲ့ (DKBA) ၏ တပ်ရင်း ၉၀၇ လှုပ်ရှားနေသည့် ဒေသရှိ ကျေးရွာများကို ယခုလ ၂၆ ရက်နေ့တွင် ကရင်အမျိုးသား လွတ်မြောက်ရေး တပ်မတော် (ကေအဲန်အယ်လ်အေ) ၏ တပ်ဖွဲ့ ၀င်ရောက်သဖြင့် တိုက်ပွဲဖြစ်ပွားမည်ကို စိုးရိမ်ကာ ထွက်ပြေး တိမ်းရှောင်ခြင်းဖြစ်သည်ဟု ဗိုလ်မှူး စောလှငွေက ပြောသည်။

“ဒီက ကေအဲန်အယ်လ်အေ ဘက်ကနေပြီးတော့ မင်းတို့ ကနှဲလေးရွာထဲကို ဒီကေဘီအေက ၀င်ပြီး တော့ နေရာယူပြီ။ ဒါကတော့ နေရာယူထားတာ တို့ကလည်းပဲ တို့ကို တိုက်တဲ့ လူလာလိုရှိရင် ပစ်ရ မယ်ဆိုတော့ ရွာသားတွေက ရွာထဲမနေရဲတော့ အဲဒါကြောင့် ပြေးရတယ်ပေါ့။ ”

ဒီကေဘီအေတပ်ဖွဲ့က ထွက်ပြေးတိမ်းရှောင်နေကြသည့် ကျေးရွာသားများအား နေရပ်ရင်း ကျေးရွာသို့ ပြန်လာ ရန် ပြန်မလာပါက စိုက်ပျိုးထားသည့် ပျိုးခင်းများ အသီးအနှံစိုက်ခင်း များအား ဖျက်ဆီးမည်ဟု ခြိမ်းခြောက်သည်ဟု ဝေါ်လခီးဒေသဖက်သလို့ ထွက်ပြေးလာ သည့် ရွာသားများက ပြောသည်။

ပြီးခဲ့သည် ဇွန်လ ၃၀ ရက်နေ့တွင် နအဖနှင့် ဒီကေဘီအေတပ်ဖွဲ့တို့ပူးပေါင်းကာ ကေအဲန်ယူ၏ တပ်မဟာ ၆ ဒေသရှိ ဝေါ်လခီး တပ်စခန်းတခုကို ၀င်ရောက်တိုက်ခိုက်ခဲ့ရာ နှစ်ဘက် သေဆုံး ဒဏ်ရာရှိခဲ့ပြီး ကေအဲန်ယူ တပ်ရင်း ၂၀၁ စခန်း ဒီကေဘီအေ လက်ထဲ တရက်ကျရောက်ခဲ့သော်လည်း နောက်တရက်တွင် ပြန်လည် သိမ်းပိုက်နိုင်ခဲ့သည်။
ယင်းတိုက်ပွဲကြောင့် ဝေါ်လခီးဒေသအနီးရှိ ကျေးရွာသား ၃၀ ကျော် နေအိမ်စွန့်၍ ထိုင်းနယ်မြေတွင်းသို့ ထွက်ပြေးတိမ်းရှောင်ခဲ့ရသည်။

အပြည့်အစုံဖတ်လိုလျှင်

မြန်မာစစ်အစိုးရကို ငွေချေးသည့်ကိစ္စ ထိုင်းဝန်ကြီးချုပ်ဟောင်း တက်ဆင်ကို တရားစွဲမည်

30 July 2008

ထိုင်းဝန်ကြီးချုပ်ဟောင်း တက်ဆင် ရှင်နာဝပ်အပေါ် အကျင့်ပျက်ခြစားမှုနဲ့ စွဲချက်အသစ်တင်ထားတာကို ကြားနာဖို့ ထိုင်းတရား ရုံးချုပ်က သဘောတူလိုက်ပါတယ်။
ထိုင်းထုတ်ကုန်သွင်းကုန်ဘဏ်ကနေ မြန်မာအစိုးရကို အတိုးနှုန်းနည်းနည်းနဲ့ ငွေချေးဖို့ အတည်ပြုခဲ့တာဟာ သူ့ကိုယ်ကျိုး စီးပွားအတွက်လုပ်ခဲ့တာလို့ အစိုးရစုံစမ်းစစ်ဆေးရေးကော်မတီတခုက စွပ်စွဲထားတာပါ။ ဒေါ်လာ သန်း ၁၂၀ ချေးငွေနဲ့ အဲဒီအချိန် က မစ္စတာတက်ဆင်မိသားစုပိုင် ရှင်းဂြိုဟ်တုကုမ္ပဏီကနေ ပစ္စည်းကိရိယာတွေကို မြန်မာနိုင်ငံက၀ယ်ယူဖို့ ရည်ရွယ်ခဲ့ပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
အမှုအတွက် ပထမဆုံးကြားနာပွဲကို စက်တင်ဘာလလယ်မှာလုပ်ဖို့ သတ်မှတ်ထားပါတယ်။

သူဝန်ကြီးချုပ်အဖြစ် တာဝန်ထမ်းဆောင်စဉ်ကာလအတွင်းဖြစ်ခဲ့တယ်ဆိုတဲ့ အကျင့်ပျက်ခြစားမှုစွဲချက် အများအပြားကို မစ္စတာ တက်ဆင် ရင်ဆိုင်နေရရပါတယ်။ သူ့အစိုးရက နိုင်ငံတော်အောင်ဘာလေထီ စဖွင့်ခဲ့တဲ့အချိန်တုန်းက ထီနဲ့ဆိုင်တဲ့ဥပဒေကို ချိုးဖောက်မှု ရှိ-မရှိ မစ္စတာတက်ဆင်အပါအ၀င် ၀န်ကြီးဟောင်း ၄၇ ယောက်တို့ကို ကြားနာစစ်ဆေးဖို့ တနင်္လာနေ့ကပဲ တရားရုံး ချုပ်က သဘောတူခဲ့ပါသေးတယ်။

မစ္စတာတက်ဆင်ကို ၂၀၀၆ ခုနှစ်မှာ စစ်တပ်က အာဏာသိမ်းပြီး ရာထူးကဖြုတ်ချခဲ့ပါတယ်။ အဲဒီနောက် အာဏာသိမ်းစစ်တပ်က ကော်မတီတရပ်ဖွဲ့စည်းပြီး အာဏာအလွဲသုံးစားလုပ်မှု၊ သူ့အစိုးရအဖွဲ့ရဲ့ မလျော်မကန်ပြုကျင့်မှုတွေကို စုံစမ်းစစ်ဆေးခဲ့ပါတယ်။

အပြည့်အစုံဖတ်လိုလျှင်

အမေရိကန် အရေးယူမှုစာရင်းမှာ စစ်အစိုးရနှင့်ပတ်သက်တဲ့ စီးပွားရေးလုပ်ငန်းတချို့ ထပ်မံထည့်သွင်း

30 July 2008

ဒီမိုကရေစီကို ဆန့်ကျင်တဲ့ လုပ်ရပ်တွေနဲ့ ဖိနှိပ်မှုတွေ လုပ်နေတဲ့ မြန်မာစစ်အစိုးရကို အထောက်အပံ့ဖြစ်စေတဲ့ လုပ်ငန်းတွေကို နောက်ထပ် အရေးယူဒဏ်ခတ်မှုတွေ ပြုလုပ်ဖို့ အမေရိကန်ပြည်ထောင်စုက ကြေငြာလိုက်ပါတယ်။ အမေရိကန် ဘဏ္ဍာရေးဝန်ကြီးဌာနက မြန်မာစစ်အစိုးရပိုင် လုပ်ငန်းတွေကို နောက်ထပ်တိုးမြှင့် အရေးယူတာတွေ လုပ်ဖို့ ဆုံးဖြတ်လိုက်တာပါ။ ဒီတော့ အခုအရေးယူ ဆောင်ရွက်မှုတွေက မြန်မာစစ်အစိုးရနဲ့ မြန်မာ့စီးပွားရေးမှာ ဘယ်လိုများ သက်ရောက်မှုတွေ ရှိလာနိုင်ပါသလဲ။ မြန်မာ့စီးပွားရေးကျွမ်းကျင်သူ ဘောဂဗေဒ ပညာရှင် ဦးမော်သန်း ကို ဦးအောင်လွင်ဦးက ဆက်သွယ် မေးမြန်းထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
မြန်မာစစ်အစိုးရက နိုင်ငံရေး ပြုပြင်ပြောင်းလဲမှုတွေလုပ်ဖို့ ပျက်ကွက်နေတာ၊ လူ့အခွင့်အရေး ချိုးဖောက်မှုတွေ ရှိနေတာကြောင့် အရေးယူပိတ်ဆို့ ဒဏ်ခတ်မှုတွေကို အမေရိကန်ပြည်ထောင်စုက တိုးမြှင့် လုပ်ဆောင်လာတဲ့ နေရာမှာ မနေ့ကဆိုရင်လည်း အမေရိကန် ဘဏ္ဍာရေးဝန်ကြီးဌာနက မြန်မာစစ်အစိုးရပိုင် လုပ်ငန်းတွေကို ပိတ်ဆို့ အရေးယူမယ့် အမည်စာရင်းထဲမှာ နောက်ထပ် ထည့်သွင်းလိုက်တာပါ။ အစိုးရက ထိန်းချုပ်ထားတဲ့ မြန်မာ့စီးပွားရေးဦးပိုင် လီမိတက် နဲ့ မြန်မာ့စီးပွားရေး ကော်ပိုရေးရှင်းတို့ရဲ့ လက်အောက်ခံ ကျောက်မျက်၊ ဘဏ်နဲ့ ဆောက်လုပ်ရေး လုပ်ငန်းတွေကို အဓိက ပစ်မှတ်ထား အရေးယူခဲ့တာပါ။ ဒီအထဲမှာ၊ Myanmar Ruby Enterprise, Myanmar Imperial Jade Company Ltd., Myawaddy Trading Ltd., နဲ့ Myawaddy Bank Ltd., စတဲ့ လုပ်ငန်း ၄ ခု တို့အပြင် သတ္တုတွင်းလုပ်ငန်း အမှတ် - ၁၊ ၂၊ ၃၊ နောက် သမ၀ါယမ သွင်းကုန်ထုတ်ကုန် လုပ်ငန်းတို့ကိုလည်း အရေးယူ ပိတ်ဆို့မယ့် စာရင်းထဲ ထည့်သွင်းခဲ့တာပါ။ ဒါဟာဆိုရင် မြန်မာနိုင်ငံမှာ ဖိနှိပ်မှုတွေလုပ်နေတဲ့ အစိုးရအတွက် ၀င်ငွေရပေါက်ရလမ်းတွေကို ပိတ်ဆို့ဖို့ ပစ်မှတ်ထား လုပ်ဆောင်ခဲ့တာပါ။ ဒီရည်ရွယ်ချက်ပစ်မှတ်တွေ ဘယ်လောက်အတိုင်းအတာ အထိ ထိရောက်မှု ရှိနိုင်မလဲဆိုတာနဲ့ ပတ်သက်လို့ စီးပွားရေးတက္ကသိုလ် အငြိမ်းစားပါမောက္ခချုပ် ဦးမော်သန်း ရဲ့ အမြင်ကို ကျနော် မေးကြည့်ပါတယ်။

"အဲဒါက ရှင်းပါတယ်။ မြန်မာနိုင်ငံအနေနဲ့ ပို့ကုန်နဲ့ ပတ်သက်လို့ အဓိက ၀င်ငွေက ကျောက်စိမ်းတို့၊ ကျောက်မျက်ရတနာတွေတို့ ပေါ့လေ။ အစိုးရက လုပ်နိုင်တဲ့ လုပ်ငန်းတွေပေါ့။ အစိုးရက သူပဲ reserved လုပ်ထားတယ်။ သူပဲ ကိုင်နိုင်ခွင့်ရှိတယ်။ ကျန်တဲ့ ကုမ္မဏီတွေ ကိုင်ခွင့်မရှိဘူး။ အဲဒါတွေ ကိုင်ရင်တော့ အစိုးရ ကော်ပရေးရှင်းတွေ ပိုပြီး ထိခိုက်မှာပေါ့။ တိုင်းပြည်အနေနဲ့လည်း နိုင်ငံခြားငွေနဲ့ ပတ်သက်ပြီး ဒီလုပ်ငန်းတွေ ပေါ်မှာ အမှီပြုရတဲ့အတွက် တိုင်းပြည်ဝင်ငွေ ပိုထိခိုက်တာပေါ့။"

ဒါပေမဲ့လည်း ဒီလို ပြည်ပနိုင်ငံတွေက ပိတ်ဆို့ဒဏ်ခတ် အရေးယူမှုတွေဟာ အကျိုးထက်အပြစ်သာဖြစ်စေတယ်ဆိုပြီး လက်မခံလိုသူတွေရှိကြသလို၊ မြန်မာစစ်အစိုးရ ကိုယ်တိုင်ကလည်း တိုင်းပြည်နဲ့ လူထုကိုသာ ထိခိုက်နစ်နာစေတယ် ဆိုပြီး တုန့်ပြန်တာတွေလည်း ရှိပါတယ်။ စီးပွားရေးပညာရှင် ဦးမော်သန်း ကတော့ အခုလို သုံးသပ်ပါတယ်။

"တိုက်ရိုက်ထိခိုက်မှာကတော့ သက်ဆိုင်ရာ ကော်ပရေးရှင်းတွေ ပေါ့လေ။ နိုင်ငံပိုင် ကော်ပရေးရှင်းတွေဆိုတာက အစိုးရနဲ့ ဆိုင်တာပေါ့လေ။ သူတို့မှာတော့ တိုက်ရိုက်သွားပြီး ထိခိုက်မှာပေါ့။ သူတို့ပေါ်မှာ မှီနေတဲ့ ပြည်သူကတော့ အလုပ်အကိုင် ရရှိမှု အနေနဲ့ ထိခိုက်မယ်။ နောက်တခုက နိုင်ငံအတွက် နိုင်ငံခြားငွေ ရပေါက်ရလမ်း၊ ၀င်ငွေ ရပေါက်ရလမ်းက ဒီကော်ပရေးရှင်းတွေပေါ်မှာမှီရတယ်ဆိုတော့ နိုင်ငံလည်းပဲ ထိခိုက်မှာပါပဲ။ ဒီကော်ပရေးရှင်းအနေနဲ့ အဓိကအားဖြင့် လှုပ်ရှားတဲ့နေရာမှာ၊ ပြည်ပနဲ့ ဆက်သွယ်တဲ့နေရာမှာ အဓိက တံခါးပေါက်လို ဖြစ်နေတာ။ အကျိုးခံစားခွင့် ကိစ္စရပ်တွေအတွက် ဒီကော်မတီကြီးက ဂိတ်ပေါက်လို ဖြစ်နေတာ။ ကျန်တဲ့ စီးပွားရေးကတော့၊ ပုဂ္ဂလိက ကဏ္ဍကတော့ ဒီလောက် ထိခိုက်မယ်မထင်ပါဘူး။"

နိုင်ငံတကာက မြန်မာစစ်အစိုးရအပေါ် အရေးယူဒဏ်ခတ်မှုတွေ လုပ်နေတဲ့အထဲမှာ အပြင်းထန်ဆုံးလို့ ဆိုရမယ့် အမေရိကန် ပြည်ထောင်စုက တိုက်တိုက်ဆိုင်ဆိုင်ဆိုသလိုပဲ မြန်မာနိုင်ငံက ကျောက်မျက်ရတနာတွေကို အမေရိကန် နိုင်ငံထဲ တင်သွင်းတာတွေကို တိုးမြှင့်ပိတ်ပင်တဲ့ ဥပဒေမူကြမ်းတရပ်ကိုလည်း သမ္မတ ဂျော့ဂ်ျ ဘုရှ် က မနေ့ကပဲ လက်မှတ် ရေးထိုး အတည်ပြုလိုက်ပါတယ်။ အရင်တုန်းက ပြဋ္ဌာန်းထားတဲ့ ဥပဒေမှာ မြန်မာ့ကျောက်မျက်တွေကို တတိယ နိုင်ငံတွေက တဆင့် အမေရိကန်နိုင်ငံထဲ တင်သွင်းတာတွေကို တားမြစ်ထားတာမျိုး မရှိပဲ ဖြစ်နေရာက အခုတော့ အဲဒီလိုပါ တင်သွင်းခွင့် မရှိတော့တဲ့ ဥပဒေသစ် တရပ်ကို ချမှတ်လိုက်တာပါ။ စီးပွားရေးပညာရှင် ဦးမော်သန်း ကတော့ ဒီဥပဒေသစ်နဲ့ ပတ်သက်လို့ အခုလို မြင်ပါတယ်။

"နိုင်ငံခြားကို ဒီကျောက်မျက်ရတနာတွေနဲ့ ပတ်သက်လို့ ထွက်ပေါက်က ပြည်ပနိုင်ငံတွေက အကုန်လုံး အမေရိကန်နဲ့ ပူးပေါင်းပြီးတော့ လုပ်ဆောင်ကြမယ်ဆိုရင် တော်တော်ထိခိုက်မယ်ပေါ့။ ဒီလိုမှ မဟုတ်ဘူး၊ အမေရိကန် တနိုင်ငံထဲဆိုရင် တော့ ထိခိုက်မှုက သက်သာမှာပေါ့။ မြန်မာနိုင်ငံက အာစီယံ အဖွဲ့ဝင်တို့ ဖြစ်နေတော့ အဲဒီကလည်း ထွက်နိုင်တယ်။ သို့မဟုတ် တရုတ်နိုင်ငံတွေက ထွက်ပေါက်ရှိနေမယ်ဆိုရင်တော့ သိပ်ပြီးတော့ ထိခိုက်မှာ မဟုတ်ပါဘူး။ အမေရိကန် ပြည်အနေနဲ့ အမေရိကန် ဈေးကွက်က ကမ္ဘာ့ ဈေးကွက်မှာ တစိတ်တပိုင်းပဲ ရှိတာ။ ဥပမာ ဥရောပသမဂ္ဂလို၊ တရုတ် ပြည်ပကြီးတို့လို၊ ရေနံနိုင်ငံတွေလို၊ အိန္ဒိယနိုင်ငံတွေလို အဲဒီလို ဈေးကွက်တွေလည်း ရှိတာပေါ့။ အကုန်လုံးက အမေရိကန်နဲ့ ၀ိုင်းပြီးတော့ပါတယ်ဆိုရင်တော့ ပိုပြီးတော့ နာမှာပေါ့။"
စီးပွားရေးတက္ကသိုလ် အငြိမ်းစားပါမောက္ခချုပ် ဦးမော်သန်း ဖြစ်ပါတယ်။ ပြီးခဲ့တဲ့ ဧပြီလထဲတုန်းကလည်း အမေရိကန် ပြည်ထောင်စုက အလားတူ ဒဏ်ခတ်အရေးယူဖို့ ဆုံးဖြတ်ခဲ့တာမျိုး ရှိခဲ့ပါတယ်။ အဲဒီတုန်းက မြန်မာ စစ်အစိုးရ အတွက် နိုင်ငံခြားဝင်ငွေရနေတဲ့ မြန်မာ့ကျောက်မျက်လုပ်ငန်း၊ သစ်လုပ်ငန်းနဲ့ ပုလဲလုပ်ငန်း တို့ကို အရေးယူ ပိတ်ဆို့မယ့် စာရင်းထဲ ထည့်သွင်းခဲ့တာဖြစ်ပါတယ်။

အပြည့်အစုံဖတ်လိုလျှင်

မုန်တိုင်းဒုက္ခသည်များကို ကျန်းမာရေး နယ်လှည့်ဆရာဝန်များအဖွဲ့ စောင့်ရှောက်

30 July 2008

မြန်မာနိုင်ငံမှာ မေလဆန်းက တိုက်ခတ်သွားတဲ့ နာဂစ်ဆိုင်ကလုံးမုန်တိုင်းကြောင့် ဒုက္ခ
ရောက်ခဲ့သူ ထောင်ပေါင်းများစွာအတွက် အခြေခံကျန်းမာရေး စောင့်ရှောက်မှုနဲ့
လိုအပ်တဲ့ ဆေးဝါးကုသမှုတွေကို နိုင်ငံတကာ နေရပ်ရွှေ့ပြောင်းနေထိုင်သူများဆိုင်ရာ
အဖွဲ့ (အိုင်အိုအမ်) က ကျန်းမာရေးဝန်ထမ်းတွေက ဆောင်ရွက်ပေးခဲ့တယ်လို့
အိုင်အိုအမ်က ပြောပါတယ်။ အိုင်အိုအမ် ဌာနချုပ်ရှိရာ ဂျနီဗာမြို့ကနေ ဗွီအိုအေ
သတင်းထောက် လီဆာ ရှလိုင်း (Lisa Schlein) သတင်းပေးပို့ထားတာကို
ဦးရော်နီညိမ်းက တင်ပြပေးထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
လူသူအရောက်အပေါက်နည်းပြီး ခရီးသွားဖို့ ခက်ခဲလှတဲ့ ဧရာဝတီ မြစ်ဝကျွန်းပေါ်ဒေသ
မုန်တိုင်းသင့်နေရာတွေက အသက်မသေ ကျန်ရစ်သူ ဒုက္ခသည်တွေဆီ ရောက်အောင်
သွားနိုင်ဖို့အတွက် အလွယ်တကူ ရွေ့ရှားနိုင်တဲ့ ဆေးကုသရေး အဖွဲ့ငယ်လေးတွေ
(Mobile Medical Teams) ကို အရင်ဖွဲ့စည်းရပါတယ်လို့ အိုင်အိုအမ် ပြောရေးဆိုခွင့်ရှိသူ
ယွန်း ဖိလစ် ရှောက်ဇေ (Jean -phillippe Chauzy) က ဗွီအိုအေကို ပြောပါတယ်။ အဲဒီ
ရွေ့ရှားဆေးကုသရေး အဖွဲ့ငယ်လေးတွေဟာ မြစ်ချောင်း ကျဉ်းကျဉ်းမြောင်းမြောင်းတွေ
ကြားမှာ ရေကြောင်းလမ်းကို အတော်လေး ရှာဖွေပြီး သွားခဲ့ကြရတယ်လို့ သူက ဆိုပါ
တယ်။ သူပြောပြတာကတော့ …

"ကျနော်တို့လုပ်တာက တကယ်တမ်းမှာ အတော်လေး စိတ်ဝင်စားစရာ ဖြစ်နေပါတယ်။
အင်ဂျင်အောက်ထိုင်ရော၊ အပေါ်ထိုင်ရော နှစ်မျိုးလုံးပါတဲ့ ဇိုးဒီယက်ဆိုတဲ့ ရာဘာလှေ
တွေ တစုတဝေးကြီးနဲ့ မြစ်တွေ ချောင်းတွေထဲ ဟိုရွာဝင် ဒီရွာထွက်နဲ့ အနှံ့သွားခဲ့ကြတဲ့
အတွက် စိတ်ဝင်စားစရာ ကောင်းခဲ့တာပါ။ ကျနော်တို့ရဲ့ ဆေးပစ္စည်းကိရိယာတွေကို
ရွာစဉ်ရွာတိုင်း သွားလေရာ ယူသွားခဲ့ကြတယ်။ ဒါက ကျယ်ပြန့်လှတဲ့ ကျန်းမာရေး
စောင့်ရှောက်မှု လုပ်ငန်းကြီးထဲက အစိတ်အပိုင်းတခုပါ။ မုန်တိုင်းကြောင့် ကျေးရွာ
ဆေးပေးခန်းတွေ လုံးလုံးပျက်စီးသွားတဲ့ ရွာတွေမှာ ယာယီတဲတွေထိုးပြီး ဆေးခန်း
ဖွင့်ခဲ့ကြတာ တဲဆေးခန်း ၁၅ ခု ဖွင့်နိုင်ခဲ့ကြပါတယ်။"

အခုအချိန်အထိ မြစ်ဝကျွန်းပေါ်ဒေသ လမ်းပန်းဆက်သွယ်ရေး ခက်ခဲလှတဲ့ ကျေးရွာ
ပေါင်း ၃၂၇ ရွာက လူနာပေါင်း ၂၅,၀၀၀ နီးပါးကို အိုင်အိုအမ်ရဲ့ ရွေ့ရှားဆေးကုသရေး
အဖွဲ့ငယ်လေးတွေနဲ့ ကျန်းမာရေး စောင့်ရှောက်ကုသမှု ပေးခဲ့နိုင်ပါပြီ။ နာဂစ်မုန်တိုင်း
ဟာ ဧရာဝတီမြစ်ဝကျွန်းပေါ်ဒေသရဲ့ ဆေးရုံဆေးခန်းအားလုံးရဲ့ ၇၅% ကို ချေမွ
ဖျက်ဆီးသွားခဲ့တာပါ။ မသန့်တဲ့သောက်ရေ၊ မသန့်တဲ့အစားအသောက်တွေကြောင့်
လူတွေဟာ မကျန်းမမာတွေဖြစ်၊ အမိုးအကာ မလုံမခြုံနဲ့ အ၀တ်အစား မလောက်ငတာ
တွေဖြစ်၊ အညစ်အကြေးစွန့်မှု ပရမ်းပတာတွေဖြစ်နဲ့ လူတွေဟာ မုန်တိုင်းသင့်ဝေဒနာ
မျိုးစုံကို အပြင်းအထန် ခံစားနေကြရတယ်လို့ ယွန်း ဖိလစ် ရှောက်ဇေကပဲ ပြောပြပါ
တယ်။

အသက်မသေ ကျန်ရစ်ကြတဲ့ မုန်တိုင်းသင့်ဒုက္ခသည်တွေဟာ ဘ၀တသက်တာမှာ
ဘယ်လိုမှ မမျှော်လင့်ထားတဲ့ အဖြစ်ဆိုးကြီးကို ရုတ်တရက် ဆုံတွေ့လိုက်ရတဲ့ အတွေ့
အကြုံက စိတ်နှလုံး ထိခိုက်ကြေမွသွားရတဲ့အတွက် စိတ်ပိုင်းဆိုင်ရာ မြှင့်တငကူညီပံ့ပိုး
ပေးဖို့ သိပ်ကိုလိုအပ်နေတယ်လို့လည်း မစ္စတာ ချောက်စီက အခုလိုပြောပြပါတယ်။

"ကျနော်တို့ရဲ့ ဆေးကုသရေးအဖွဲ့တွေမှာ လူမှုရေးနဲ့ စိတ်ပိုင်းဆိုင်ရာ အတိုင်ပင်ခံ
ကျွမ်းကျင်သူတွေလည်း ပါဝင်ကြပါတယ်။ မုန်တိုင်းကြောင့် စိတ်ပိုင်းဆိုင်ရာ ထိခိုက်
ပူဆွေးနေတဲ့လူတွေ၊ ကြောက်ရွံ့ထိတ်လန့် ဖြစ်နေကြတဲ့လူတွေကို သူတို့တွေက
အတတ်နိုင်ဆုံး၊ အကောင်းဆုံး စိတ်ဓာတ်ရေး ကုသမှုတွေ ပေးခဲ့ကြပါတယ်။ ဒီ
စိတ်ဓာတ်ရေးရာ ကုသပေးရမှာက ရေရှည်လုပ်ငန်းတာဝန်ကြီးတခုပါ။ ဒီမုန်တိုင်းကြီး
ကြောင့် ညှိုးငယ် စိတ်ဓာတ်ကျနေတဲ့ လူကြီး လူငယ်တွေကို ကျနော်တို့ ဆက်ပြီး
စိတ်ပိုင်းဆိုင်ရာ အထောက်အပံ့ပေးဖို့ လိုအပ်နေပါတယ်။"

ဒီလို ဆေးကုသမှုတွေအပြင် တိုက်ရိုက် ကျန်းမာရေး ကူညီစောင့်ရှောက်မှုတွေအဖြစ်
ကျန်းမာရေးနဲ့ ညီညွတ်စွာ နေထိုင်နိုင်ကြဖို့ တာပေါ်လင် ဖျင်စတွေ၊ သန့်ရှင်းတဲ့ရေပုံး
တွေ၊ ရေသန့်ဖို့ခပ်တဲ့ ကလိုရင်းဆေးတွေ၊ တကိုယ်ရေသန့်ရှင်းဖို့ အသုံးအဆောင်တွေ
နဲ့ ပိုးသတ်ဆေးဖြန်းထားတဲ့ ခြင်ထောင်တွေကိုပါ မုန်တိုင်းသင့်ဒုက္ခသည်တွေကို
အိုင်အိုအမ်အဖွဲ့ကြီးက ဝေငှခဲ့ပါတယ်။

အပြည့်အစုံဖတ်လိုလျှင်