AP/ ၁၂ ဇွန် ၂၀၀၈
နိုင်ငံခြားအကူအညီများကို မြန်မာစစ်အစိုးရက လိုလိုချင်ချင် ဖြစ်လာသောအခါ ကယ်ဆယ်ရေး အေဂျင်စီများကလည်း စိုးရိမ်ပူပန်မှုများကို ဖော်ထုတ်ပြောလာကြပြီး ဆိုင်ကလုန်းမုန်တိုင်း ဒုက္ခသည်များထဲတွင် ကိုယ်ဝန်ဆောင် (၃၅,၀၀၀) ဦးကို သင့်တင့်လျောက်ပတ်သည့် စောင့်ရှောက်မှုမျိုး ပြုလုပ်ရန် အရေးတကြီး လိုအပ်သည်ဟု ကုလသမဂ္ဂမှ ကျွမ်းကျင်သူတဦးက ပြောကြားသည်။
ဆက်ဖတ်ရန် အပြည့်အစုံ ကို Click နှိပ်ပါ။
အာရှတိုက်မှ အဆင်းရဲဆုံး နိုင်ငံများစာရင်းဝင် မြန်မာနိုင်ငံ၌ ဆိုင်ကလုန်းမုန်တိုင်း မဖြစ်ခင် ကာလကပင် ကိုယ်ဝန်ဆောင်ခြင်းနှင့် သားဖွားခြင်းဆိုင်ရာ ကျန်းမာရေးကိစ္စများတွင် အန္တရာယ် စွန့်စားမှုများ ရှိခဲ့ပြီးဖြစ်ကြောင်း ကုလသမဂ္ဂ လူဦးရေရန်ပုံငွေအဖွဲ့၏ ပြောရေးဆိုခွင့်ရှိသူ ၀ီလျမ် ရိုင်ယန်က ယမန်နေ့၌ ပြောကြားခြင်းဖြစ်သည်။
ဆိုင်ကလုန်းထိခိုက်ရာ ဒေသတွင် တနေ့လျှင် ကလေး (၁၀၀) ကျော် နေ့စဉ် မွေးဖွားနေသည်ဟု မစ္စတာ ရိုင်ယန်က ထိုင်းနိုင်ငံ ဘန်ကောက်ရှိ သတင်းထောက်များကို ပြောသည်။
“ကျန်းမာရေးဌာနတွေ ပျက်စီးရတာတွေ၊ သားဖွားဆရာမတွေ ဆုံးရှုံးသွားရတာတွေဟာ နဂိုရှိတဲ့ စွန့်စားရတဲ့ အခြေအနေတွေကို ပိုဆိုးလာစေတယ်။ ကိုယ်ဝန်ဆောင် အမျိုးသမီး တော်တော် များများဟာ ကျွမ်းကျင်တဲ့ ထောက်ပံ့ကူညီမှုမျိုးနဲ့ မီးဖွားကြဖို့ဆိုရင် ဘယ်နေရာမှ သွားစရာ မရှိဘူး” ဟု ၎င်းက ပြောသည်။
ပျက်စီးသွားသည့် ကျန်းမာရေးထောက်ကူပစ္စည်းများကို ပြန်လည်တည်ဆောက်သင့်ပြီး လေ့ကျင့် သင်ကြားပေးထားသည့် သားဖွားဆရာမများလည်း လိုအပ်နေကြောင်း၊ မုန်တိုင်းမတိုက်မီ အချိန် အထိ ဒေသတွင်းရှိ သားဖွားမှု (၁) သိန်းတွင် သေဆုံးမှု (၃၈၀) နှုန်းရှိပြီး ယင်းနှုန်းသည် ထိုင်း နိုင်ငံထက် (၄) ဆများပြီး ဂျပန်နိုင်ငံထက် အဆ (၆၀) များသည်ဟု မစ္စတာ ရိုင်ယန်က ပြောသည်။
မုန်တိုင်းထိခိုက်သည့် (၁၀) မြို့နယ်တွင်ရှိသည့် ဆေးခန်းများတွင် ဖြန့်ချိရန်အတွက် ဆေးရုံသုံး ပစ္စည်းများနှင့် ရာဘာလက်အိတ်များ အပါအ၀င် ကျန်းမာရေးအတွက် ထောက်ကူပစ္စည်းများကို မြန်မာနိုင်ငံ ကျန်းမာရေးဝန်ကြီးဌာနသို့ ကုလသမဂ္ဂ လူဦးရေရန်ပုံငွေမှ ထောက်ပံ့ပေးခဲ့ကြောင်း သိရသည်။
တချိန်တည်းမှာပင် မုန်တိုင်းဒုက္ခသည်များ ကယ်ဆယ်ရေးအတွက် အစိုးရ၏ အသစ်ချမှတ်ထား သော စည်းကမ်းအသစ်များကြောင့် ထောက်ကူကယ်ဆယ်ရေးများတွင် နှောင့်နှေးစေသည်ဟု လည်း နိုင်ငံတကာ ကယ်ဆယ်ရေးအေဂျင်စီများက ဆိုသည်။
စစ်အစိုးရနှင့် ကုလသမဂ္ဂအေဂျင်စီများ၊ ပုဂ္ဂလိက လူသားချင်းစာနာထောက်ထားသည့် အဖွဲ့များ တို့ ပြုလုပ်ခဲ့သည့် အင်္ဂါနေ့ စည်းဝေးပွဲတွင် ဖြန့်ဝေခဲ့သော စည်းကမ်းချက် အသစ်များအရ ထောက်ပံ့ကူညီမှုများ လုပ်ဆောင်ကြရာတွင် စာရွက်စာတမ်းအတော်များများ လိုအပ်မည်ဖြစ်ပြီး အစိုးရအဖွဲ့အစည်းများနှင့်လည်း ထပ်တလဲလဲ ဆက်သွယ်နေရမည်ဖြစ်သည်။
ထောက်ခံချက်ရရန် အပိုလုပ်ဆောင်ရသော အဆင့်များသည် ကယ်ဆယ်ရေးတွင် မလိုအပ်ဘဲ နှောင့်နှေးကြန့်ကြာစေသည်ဟုလည်း ကမ္ဘာ့ကြက်ခြေနီအဖွဲ့နှင့် လခြမ်းနီအဖွဲ့များက အစီရင် ခံစာတစောင်တွင် ဖော်ပြထားသည်။
Rest of your post
Thursday, June 12, 2008
ကိုယ်ဝန်ဆောင်အမျိုးသမီးများကို စောင့်ရှောက်ရန်လိုအပ်ဟု ကုလအဖွဲ့ပြော
မြစ်ဝကျွန်းပေါ်ဒေသသို့ ၀င်ရောက်ကူညီခွင့် အပြည့်အ၀ ရမည်ဟု အာဆီယံအကြီးအကဲ ပြောကြား
AFP/ ၁၂ ဇွန် ၂၀၀၈
လုပ်ဆောင်ခွင့်ရရှိမည်ဟု အာဆီယံ အထွေထွေအတွင်းရေးမှူးချုပ် ဆူရင် ပစ်စ၀မ်က ပြော ကြားသည်။
ဆက်ဖတ်ရန် အပြည့်အစုံ ကို Click နှိပ်ပါ။
“အခု ကျနော်တို့ရဲ့ နာဂစ်အပြီး ကူညီဆောက်ရွက်မှု အဖွဲ့ဝင် (၂၅၀) ကျော်ဟာ ရန်ကုန်တိုင်း တောင်ပိုင်းမှာရှိတဲ့ ဧရာဝတီ မြစ်ဝကျွန်းပေါ်ဒေသမှာ ကူညီကယ်ဆယ်ရေးလုပ်ငန်းတွေ အပြည့်
အ၀ လုပ်ဆောင်တော့မှာပါ။ အထိနာတဲ့ နေရာတွေကိုလည်း ၀င်ရောက်ခွင့်ရပါမယ်” ဟု ဆူရင် ပစ်စ၀မ်က စင်ကာပူနိုင်ငံတွင် သတင်းထောက်များကို ယမန်နေ့က ပြောသည်။
ဆိုင်ကလုန်းနာဂစ်သည် ရန်ကုန်မြို့အပါအ၀င် မြန်မာနိုင်ငံ၏ အနောက်တောင်ပိုင်း ဧရာဝတီ
မြစ်ဝကျွန်းပေါ်ဒေသတွင် မေ (၂-၃) ရက်တို့၌ တိုက်ခတ်သွားခဲ့ရာ လူပေါင်း (၁၃၃,၀၀၀) ကျော် အသေအပျောက်ရှိခဲ့သည်။ ။
Rest of your post
ရောဂါဖြစ်မှုများသော်လည်း ကပ်ဘေးအဆင့် မဟုတ်ဟု MSF ပြော
ဇာနည်
ကြာသပတေးနေ့၊ ဇွန်လ 12 2008 18:58 - မြန်မာစံတော်ချိန်
ချင်းမိုင်။ ။ မြန်မာနိုင်ငံ ဆိုင်ကလုံးဒဏ်ခံ အသက်ရှင် ကျန်ရစ်သူများအကြား ၀မ်းရောဂါနှင့် အသက်ရူ လမ်းကြောင်းဆိုင်ရာ ပြဿနာများ ရှိနေသော်လည်း ကပ်ဘေးတခု အနေအထားအထိ ရောက်ရှိသည့် လက္ခဏာ မတွေ့ရသေးဟု ပြောလိုက်သည်။
ဆက်ဖတ်ရန် အပြည့်အစုံ ကို Click နှိပ်ပါ။
"အဲဒီဒေသမှာ ၀မ်းပျက် ၀မ်းလျောဖြစ်တာ လူနာ ၅၀ ကျော် တွေ့ရတယ်" ဟိုင်းကြီးကျွန်းပေါ်တွင် အဖွဲ့နှင့်အတူ ဆေးကုသရေး လုပ်ကိုင်နေသူ မြန်မာ ဆရာဝန်တဦးက ဗုဒဟူးနေ့က မဇ္ဈိမသို့ ပြောသည်။
"ဒါပေမယ့် ရောဂါပြန့်ပွားမှုကို ကျနော်တို့ ထိန်းချုပ်နိုင်ပြီး ရောဂါကပ်ဘေး အနေနဲ့ ပျံ့ပွားမယ့် အနေအထား မဟုတ်ပါဘူး" ဟု သူက ပြောသည်။
ဆရာဝန်နှင့် သူဆေးအဖွဲ့သည် မေ ၂ ရက်နေ့က မုန်တိုင်း တိုက်ခိုက်မှု ခံရသည့် ဟိုင်းကြီးကျွန်း ကျေးရွာအုပ်စုမှ ကျေးရွာ ၁၀၀ ကျော်ကို သွားရောက်ခဲ့ပြီးနောက် ယခုလို သုံးသပ်ပြခြင်း ဖြစ်သည်။
လပွတ္တာမြို့တွင် ကိုယ်ပိုင် ဆေးခန်းတွင် ဆိုင်ကလုံး ဒုက္ခသည်များကို ဆေးကုသမှု ပေးနေသူ ဒေါက်တာအေးကြူက သူ၏ ဆေးခန်းသို့ နေစဉ် လူနာ ၂၅ ဦးခန့် ၀မ်းရောဂါနှင့် ပတ်သက်ပြီး လာရောက်ကုသမှု ခံယူလျှက် ရှိသည်ဟု ပြောသည်။
ဇွန် ၁၀ ရက်နေ့က ထုတ်ပြန်သော ကမ္ဘာ့ကျန်းမာရေး အဖွဲ့၏ စစ်တမ်းအရ လူပေါင်း ၆၈၅ ယောက် အသက်ရူလမ်းကြောင်းဆိုင်ရာ ဝေဒနာ ခံစားနေရပြီး ၀မ်းရောဂါဖြစ်ပွားသူ ၁၁၇ ယောက်၊ သွေးလွန်တုပ်ကွေး ဖြစ်ပွားသူ ၃ ဦး၊ အသည်းရောင်အသားဝါ ဖြစ်သူ ၄ ဦးတို့ကို ရန်ကုန်တိုင်း နှင့် ဧရာဝတီတိုင်းအတွင်း တွေ့ရှိခဲ့သည်ဟု ပါရှိသည်။
ကမ္ဘာ့ကျန်းမာရေး အဖွဲ့ကြီးကလည်း ကပ်ဘေးတခု အနေဖြင့် သတ်မှတ်ခြင်း မပြုပေ။ ထို့အပြင် ဆေးဝါး အထောက်အပံ့များ ဝေးလံ ခေါင်ဖျား ဒေသများအထိ ပို့ဆောင်ရန် လုပ်ဆောင်ပြီး ဖြစ်သည်ဟုလည်း ပြောသည်။
သို့သော်လည်း ကယ်ဆယ်ရေး လုပ်သားများကို ကန့်သတ် တားမြစ်ခြင်း ခံရလျှင် ဆေးဝါးကုသမှု အကူအညီများ ချက်ခြင်း မရောက်နိုင်လျှင် လူအမြောက်အများ သေစေနိုင်သည့် "ဒုတိယမြောက် သေမင်းတမန် လှိုင်းလုံးကြီး" ဖြစ်သွားမည့် အန္တရာယ် ရှိသည်ဟုတော့ ကုလသမဂ္ဂ အဖွဲ့ကြီးက သတိပေးထားသည်။
Rest of your post
ဒေါ်စုသည် ကြိမ်နဲ့ ရိုက်ဆုံးမရမည့် "လူဆိုးလေး" ဟု စစ်အစိုးရပြော
မုံးပီး
ကြာသပတေးနေ့၊ ဇွန်လ 12 2008 18:38 - မြန်မာစံတော်ချိန်
နယူးဒေလီ။ ။ မြန်မာစစ်အစိုးရက ဒေါ်အောင်ဆန်းစုကြည်သည် နိုင်ငံတော် လုံခြုံရေးနှင့် အေးချမ်း သာယာရေးကို နှောက်ယှက် ခြိမ်းခြောက်သူ ဖြစ်သည့်အတွက် ကြိမ်နဲ့ ရိုက်ဆုံးမရမည့် "လူဆိုးလေး" ဖြစ်သည်ဟု ပြောသည်။
ဆက်ဖတ်ရန် အပြည့်အစုံ ကို Click နှိပ်ပါ။
လက်ရှိဥပဒေအရ ပြဌာန်းထားသော ကန့်သတ်ကာလထက် ကျော်လွန်ကာ နေအိမ် အကျယ်ချုပ် ဆက်လက် ချုပ်နှောင်ခြင်းကို စစ်အစိုးရက ဗုဒ္ဓဟူးနေ့က ခုခံ ပြောဆိုရာတွင် သူမသည် လက်နက်စွဲကိုင် တိုက်ခိုက်နေသော အကြမ်းဖက် သောင်းကျန်းသူများကို နေအိမ်တွင် လက်ခံထားခြင်း၊ အကြမ်းဖက် အဖွဲ့အစည်းများနှင့် နိုင်ငံခြား အစိုးရများထံမှ ငွေကြေး ပစ္စည်း လက်ခံရယူခဲ့ခြင်း ပြုလုပ်ခဲ့သည်ဟု ဆိုသည်။
"အမှန်ကတော့ ကျောင်းပေါ်ခေါ်ပြီး ကြိမ်နဲ့ မှတ်လောက် သားလောက်အောင် ရိုက်ရမယ့် လူဆိုးလေးတွေပါဗျာ။ ဒါပေမယ့် မိဘနဲ့ တူတဲ့ နိုင်ငံတော် အစိုးရတွေအနေနဲ့ မဖြစ်သင့် မဖြစ်ထိုက်တာတွေ မဖြစ်ရအောင် နောင် ဒီလိုပြစ်မှုတွေ ထပ်မံကျူးလွန်လို့ မရအောင်ဆိုပြီး နေအိမ်မှာ တားဆီးမိန့်တွေ ထုတ်ပြန်ထားရတာပါ" ဟု စစ်အစိုးရ မူဝါဒကို ထင်ဟပ်သည့် မြန်မာ့အလင်း နေ့စဉ်ထုတ် သတင်းစာက ရေးသားထားသည်။
ဒေါ်အောင်ဆန်းစုကြည်ကို ထိန်းသိမ်းထားမှု ယခုဆိုလျှင် ဆက်တိုက် ခြောက်နှစ်ထဲ ၀င်လာခြင်းအပေါ် စစ်အစိုးရက ခုခံပြောဆိုရာတွင် အမေရိကန်နှင့် ဗြိတိန်နိုင်ငံတို့ အပါအ၀င် နိုင်ငံအချို့တွင် ကျင့်သုံးသော အကြမ်းဖက်မှု ဆန့်ကျင်ရေး ဥပဒေများနှင့် နှိုင်းယှဉ်ကာ ရေးသားထားသည်။
မလေးရှား၊ စင်္ကပူ၊ အမေရိကန်နှင့် ဗြိတိန်တို့ရှိ ပြည်တွင်းလုံခြုံရေး ဥပဒေများနှင့် အကြမ်းဖက်မှု ကာကွယ် ဆန့်ကျင်ရေး ဥပဒေများကို ဖော်ပြသွားပြီး " နိုင်ငံတော်အား နှောက်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ် စောင့်ရှောက်ဖို့အတွက် လိုအပ်တဲ့ ဥပဒေကို ပြဌာန်းတာဟာ မြန်မာနိုင်ငံ တခုတည်း မဟုတ်ပါဘူး။ " ဟု ရေးသားထားသည်။
"မိမိနိုင်ငံရဲ့ အခြေအနေအရ နိုင်ငံတော် လုံခြုံရေးကို ကာကွယ်ဖို့၊ ပြည်သူလူထုရဲ့ အသက်အိုးအိမ် စည်းစိမ်ကို ကာကွယ်ဖို့၊ လိုအပ်လာရင် ဘယ်နိုင်ငံမှာမဆို ဒီလိုပဲ ပြဌာန်းကြရတာပါပဲ" ဟု သတင်းစာက ရေးသားထားသည်။ စစ်အစိုးရက နေ့စဉ်ထုတ် သတင်းစာများကို ထိန်းချုပ်ထားပြီး သူတို့၏ ၀ါဒဖြန့်ချီမှုအတွက် ကိရိယာတခု အနေဖြင့် အသုံးပြုသည်။
သို့သော် ဝေဖန်သူများနှင့် ဒေါ်အောင်ဆန်းစုကြည်ကို ထောက်ခံသူများကမူ စစ်အစိုးရ၏ လက်ရှိ ဖိနှိပ်မှု ပြင်းထန်သော ဥပဒေအရပင်မူ သူမကို ၅ နှစ်ဆက်တိုက်သာ ချုပ်နှောင်ထားခွင့် ရှိသည်ဟု ပြောသည်။ ထိုအတိုင်းသာဆိုလျှင် သူမကို တရားရုံး မတင်ဘဲ ချုပ်နှောင်ခွင့်မှာ ပျက်ပြယ် သွားပြီ ဖြစ်သည်။
ဒေါ်အောင်ဆန်းစုကြည်၏ ဥပဒေ အကြံပေးအဖြစ် မိသားစုက ခန့်အပ်ခြင်းခံရသူ အမေရိကန်နိုင်ငံ အခြေစိုက် ဥပဒေ အကျိုးဆောင်အဖွဲ့ "Freedom Now" မှ ဂျားရတ် ဂျန်ဆာက အစိုးရ၏ ၁၉၇၅ ခုနှစ် အခြေခံဥပဒေအရ နိုင်ငံတော် လုံခြုံရေးကို ခြိမ်းခြောက်လျှင် လူပုဂ္ဂိုလ်တဦးကို တနှစ်တခါ သက်တမ်းတိုးကာ ဆက်တိုက် ၅ နှစ်သာ ချုပ်နှောင်ထားနိုင်သည်ဟု ပြောသည်။
၁၉၇၅ ခုနှစ် နိုင်ငံတော် ကာကွယ်ရေး ဥပဒေ ပုဒ်မ ၁၀ (ခ) အရ နိုင်ငံတော် လုံခြုံရေးနှင့် အချုပ်အခြာ အာဏာကို ထိပါး ခြိမ်းခြောက်လျှင် ထိုသူကို တနှစ်တခါ သက်တမ်းတိုးကာ ဆက်တိုက် ၅ နှစ်အထိ ထိန်းသိမ်းထားနိုင်သည်။
သို့သော် ဗုဒဟူးနေ့က စစ်အစိုးရ၏ ပြောကြားချက်တွင်မူ ထိုအခြေခံ ဥပဒေကိုပင် အဓိပ္ပါယ် ဖွင့်ဆိုမှု မတူ ကွဲပြားနေသည်။
"နိုင်ငံသား တဦးဦးသည် နိုင်ငံတော်၏ အချုပ်အခြာ အာဏာနှင့် နိုင်ငံတော် လုံခြုံရေးကို ဖြစ်စေ၊ အများပြည်သူတို့၏ အေးချမ်း သာယာရေးကို ဖြစ်စေ ထိပါးအန္တရာယ် ဖြစ်စေမည့် ပြုလုပ်မှုတခုခု ပြုလုပ်ခဲ့သည် သို့မဟုတ် ပြုလုပ်နေသည် သို့မဟုတ် ပြုလုပ်တော့မည်ဟု ယုံကြည် လောက်သော အကြောင်းရှိလျှင် ၀န်ကြီးအဖွဲ့သည် ယင်းပုဂ္ဂိုလ်၏ မူလ အခွင့်အရေး တရပ်ကို လိုအပ်သလို ကန့်သတ် ချမှတ်နိုင်သည်။" ဟု သတင်းစာက ရေးသားထားသည်။
Rest of your post
မိုးစပါးအတွက် အမတော်ကြေးများ ထုတ်ပေးမည်
ဝိုင်းပီး
ကြာသပတေးနေ့၊ ဇွန်လ 12 2008 17:36 - မြန်မာစံတော်ချိန်
နယူးဒေလီ။ ။ ဧရာဝတီတိုင်းအတွင်းရှိ နာဂစ် မုန်တိုင်းဒဏ်သင့် မြို့နယ်များတွင် မြန်မာလယ်ယာ ဖွံ့ဖြိုးရေးဘဏ်မှ မိုးစပါးအတွက် အမတော်ကြေး လယ်တဧကလျှင် ၈ ထောင်ကျပ်နှုန်း ထုတ်ချေးရန် စီစဉ်လျှက် ရှိသည်။
ဆက်ဖတ်ရန် အပြည့်အစုံ ကို Click နှိပ်ပါ။
မြို့နယ်အလိုက် မြန်မာ့လယ်ယာ ဖွံ့ဖြိုးရေးဘဏ်မှ ကျေးရွာတခုချင်း၏ ချေးငွေ စီစစ်ရေးအဖွဲ့ ဥက္ကဌများကို ခေါ်ယူကာ ၂ဝဝ၈ ခုနှစ် မိုးစပါး အတွက် ငွေချေးပုံစံ လျှောက်လွာများ ပေးအပ်ခဲ့ပြီး ဖြစ်သည်။
၁ ဧက ၈ဝဝဝ နှုန်းနှင့် ၁ဝ ဧကအထိ ချေးပေးမည် ဖြစ်ကာ ၁၇ ရာခိုင်နှုန်း အတိုးပေးရမည့် ချေးငွေအတွက် ရယူလိုသော လယ်သမားသည် ဘဏ်၏ အသင်းဝင် ဖြစ်ရမှာဖြစ်ပြီး ပိုင်ဆိုင်မှု အထောက်အထားများနှင့် ကျေးရွာ ချေးငွေ စီစစ်ရေးအဖွဲ့ ဥက္ကဌ၏ ထောက်ခံစာများ တင်ပြရမည် ဟု ဘိုကလေးမြို့နယ်ရှိ မြန်မာလယ်ယာ ဖွံ့ဖြိုးရေးဘဏ်မှ ဒုတိယ ကြီးကြပ်ရေးမှူးတဦးက မဇ္ဈိမကို ပြောသည်။
နာဂစ် မုန်တိုင်းဒဏ်ကြောင့် မြို့နယ် လယ်ယာဘဏ်နှင့် နွေစပါးအတွက် အမတော်ကြေးငွေ ထုတ်ယူခဲ့သည့် လယ်သမားများ အခြေအတင် အငြင်းပွားနေရမှုများလည်း ရှိသည်။
ဖျာပုံမြို့နယ်တွင် ဘဏ်က လယ်သမားများထံမှ ချေးငွေ ပြန်ဆပ်ပြီး ဖြစ်ကြောင်း ပြေစာ ပြသနိုင်မှသာ နောက်ထပ် ချေးငွေအသစ် ပေးမည်ဟု ထုတ်ပြန်ထားသည်။
“ဘဏ်က ပြောတာကာ နာဂစ်ကြောင့် စာရွက်စာတမ်းတွေ ပျောက်သွားပြီတဲ့၊ အဲတော့ သူတို့မှာ စာရင်း မရှိတော့ဘူး။ လယ်သမားကပဲ ငွေဆပ် ပြီးတဲ့ စာပြရမယ်တဲ့။ လယ်သမားတွေလည်း နာဂစ်ကြောင့် အကုန်လုံး ဆုံးရှုံးမှတော့ စာရွက်စာတမ်းမရှိတဲ့ လူတွေက အများကြီး။ အဲဒီတော့ ဘဏ်က ချေးငွေသစ် ထုတ်မချေးပါဘူး လုပ်နေတယ်။” ဟု ဖျာပုံမြို့နယ်မှ တောင်သူကြီး တဦးက ပြောသည်။
ချေးထားသည့်ငွေများ ပြန်ဆပ်နိုင်ခြင်း မရှိသလို လယ်ယာ ဆက်လုပ်နိုင်ရန် ငွေကြေးလည်း မရှိခြင်းကြောင့် မျှော်လင့်ချက် မဲ့နေသည်ဟု လယ်သမားတဦးက ပြောသည်။
“လယ်လုပ်ငန်းကို ဆက်လုပ်ဖို့ အင်အားလည်း မရှိတော့ဘူး၊ မျှော်လင့်ချက် မဲ့နေတာ၊ ကျောချဖို့ တောင်မနည်း လုပ်နေရတယ်” ဟု မြင်းဂကုန်း ကျေးရွာမှ လယ်သမားတဦးက ပြောသည်။
အစိုးရဘဏ်က ထုတ်ချေးမှုမှာ ပမာဏ နည်းလွန်းလှသည်ဟုလည်း လယ်သမားများက ပြောသည်။
“ဘဏ်ကရတာ အရမ်းနည်းပါတယ်၊ ကုန်ကျစရိတ်ရဲ့ ရာခိုင်နှုန်း နည်းနည်းလေးပဲရတာ၊ မြို့ပေါ်က လုပ်ငန်းရှင်တွေဆီက ချေးပြီး လုပ်နေရတာ” ဟု မြင်းဂကုန်း ကျေးရွာရှိ လယ်သမားတဦးက ပြောသည်။ လယ်ဧက ၃ဝ ကျော်ပိုင်သော သူ၏ စပါးတင်း ၂ဝဝဝ ကျော် နာဂစ်ကြောင့် ရေစို ပျက်စီးသွားခဲ့သည်။
ထိုဒေသတွင် လယ် ၁ ဧကကို စိုက်ပျိုးရာတွင် ဓာတ်မြေသြဇာ အပါအဝင် ပျှမ်းမျှ ကုန်ကျစားရိတ်မှာ ကျပ် ၁ သိန်း ၈ သောင်း ဝန်းကျင် ဖြစ်သည်။ ငွေလိုသူ လယ်သမားများမှာ နီးစပ်ရာ ပုဂလိကများထံတွင် အတိုးနှုန်း အမြင့်နှင့် ချေးငှား လုပ်ဆောင်ရသည်ဟု လယ်သမားများက ပြောသည်။
ယခင် နွေစပါးအတွက် ချေးငွေနှုန်းထားမှာ တဧကလျှင် ၇ ထောင်ကျပ်နှုန်းဖြစ်ပြီး ၁ဝ ဧက အတွက် အများဆုံး ချေးငွေ ထုတ်ယူနိုင်သည်။
ကုလသမဂ္ဂ စားနပ်ရိက္ခာနှင့် လယ်ယာ စိုက်ပျိုးရေးအဖွဲ့ (FAO) က ထုတ်ပြန်ချက်တွင် နာဂစ်ကြောင့် လယ်ဧကပေါင်း ၅ သိန်းကျော် ပျက်စီး သွားသည်ဟု ပြောသည်။
သို့သော် ယခု မိုးရာသီတွင် မုန်တိုင်းကြောင့် မစိုက်ပျိုးနိုင်သည့် လယ်ဧကမှာ တပြည်လုံး စပါးစိုက်ဧက၏ ၁ ရာခိုင်နှုန်း မပြည့်ဟု စစ်အစိုးရက ထုတ်ပြန်ထားသည်။
Rest of your post
ဗီဒီယို ကင်မရာများ လိုက်လံ သိမ်းဆည်းနေ
နန်းဒေဝီ
ကြာသပတေးနေ့၊ ဇွန်လ 12 2008 17:34 - မြန်မာစံတော်ချိန်
နယူးဒေလီ။ ။ နာဂစ် မုန်တိုင်းဒဏ် ခံရသည့် ရန်ကုန်တိုင်း ကွမ်းခြံကုန်းမြို့တွင် အာဏာပိုင်များက ဗီဒီယိုနှင့် ရုပ်သေ ကင်မရာ ၁ဝ လုံးထက်မနည်း သိမ်းဆည်းထားသည်။
ဆက်ဖတ်ရန် အပြည့်အစုံ ကို Click နှိပ်ပါ။
စစ်အစိုးရ သတင်းစာမှ စစ်အစိုးရ ဆန့်ကျင်သူများနှင့် ကိုယ်ကျိုးရှာ အတ္တသမားများက လေဘေး ကယ်ဆယ်ရေးနှင့် ပြန်လည် ထူထောင်ရေး လုပ်ငန်းများကို လုပ်ကြံသတင်းများ ဖန်တီးလျက် ဓာတ်ပုံ ဗီဒီယို ရိုက်ကူးပြီး ပြည်ပ သတင်းဌာနများသို့ ပေးပို့ကာ ကိုယ်ကျိူးရှာနေကြကြောင်း ရေးသား ဖော်ပြခဲ့ပြီးနောက် သိမ်းဆည်းမှု ဖြစ်လာခဲ့သည်။
“ကွမ်းခြံကုန်းမှာ သိမ်းတာ။ ဒီဂျစ်တယ် ဗီဒီယို ကင်မရာ ၄ လုံးနဲ့ တခြား အိမ်သုံးကင်မရာ စုစုပေါင်း ၁ဝ ခုထက် မနည်းတော့ဘူး။ ဒီအပတ် ထဲမှာလည်း အိမ်တွေကို လိုက်ပြီးတော့ ကင်မရာတွေ သိမ်းနေတာ” ဟု ကွမ်းခြံကုန်းမှ ပြန်ရောက်လာသူ မဇ္ဈိမ သတင်းထောက်တဦးက ပြောသည်။
အလှူ မင်္ဂလာဆောင် မှတ်တမ်းတင် ဗီဒီယို ရိုက်ကူးသူ အများစုထံနှင့် ဓာတ်ပုံ ရိုက်ကူးရေး ဆိုင်ငယ်များ ဖွင့်ထားသူများ ထံမှ ခေတ္တခဏဟု ပြောကာ ယူငင်သွားသော်လည်း ယခုအချိန်အထိ ပြန်ပေးခြင်း မရှိသေးကြောင်း သူက ဆက်ပြောသည်။
ယခုလဆန်း ၄ ရက်နေ့ ညပိုင်းတွင် အာဏာပိုင်များက နာဂစ် မုန်တိုင်းဒဏ် ခံနေရသည့် ဒုက္ခသည်များအား ကူညီပေးနေသည့် ရုပ်ရှင်လောကမှ နာမည်ကျော် အနုပညာရှင် ဟာသ သရုပ်ဆောင် ကိုဇာဂနာကို ဖမ်းဆီး ထိန်းသိမ်းထားသည်။
ကိုဇာဂနာ ခေါ် ကိုသူရ၏ အိပ်ခန်းရှိ နာဂစ် ဗီစီဒီခွေများ၊ နာဂစ်မုန်တိုင်းနှင့် ပတ်သက်ပြီး ကလေးသူငယ်များ သီဆိုထားသည့် သီချင်းခွေများပါ သိမ်းဆည်းသွားသည်။
မေလ ၂-၃ ရက်နေ့များအတွင်းက တိုက်ခတ်ခဲ့သည့် နာဂစ်မုန်တိုင်းကြောင့် ရန်ကုန်တိုင်း မြို့နယ်အချို့နှင့် ဧရာဝတီတိုင်း မြို့နယ်များရှိ လူများ သေကြေပျက်စီးပုံ၊ လမ်း၊ သစ်ပင်များ၊ လူနေအိမ်ခြေများ ပျက်စီး ပြိုလဲမှုများကို မှတ်တမ်း တင်ထားသော ဓာတ်ပုံ၊ ဗွီဒီယိုခွေ၊ ဗီစီဒီခွေများကို အရောင်းတွင်ကျယ် လူကြိုက်များခဲ့သည်။
Rest of your post
လေဘေး အကူအညီအတွက် တံခါးဖွင့်ထားရန် သခင်သိန်းဖေ ပန်ကြား
နေသွင်
ကြာသပတေးနေ့၊ ဇွန်လ 12 2008 14:44 - မြန်မာစံတော်ချိန်
ချင်းမိုင်။ ။ စစ်အစိုးရအနေဖြင့် လေဘေး ဒုက္ခသည်များထံ အကူအညီ အလုံအလောက် ရရှိရေးအတွက် ကျွမ်းကျင်သူများနှင့် အကူအညီ များကို ခွင့်ပြု လက်ခံရန် သက်ရှိထင်ရှား လွတ်လပ်ရေး တိုက်ပွဲဝင် ရဲဘော်ဟောင်းကြီးက ယနေ့ တိုက်တွန်းလိုက်သည်။
ဆက်ဖတ်ရန် အပြည့်အစုံ ကို Click နှိပ်ပါ။
မုန်တိုင်းကျပြီး တလကျော်ကြာ ယခုထိ ဝေးလံခေါင်ဖျားဒေသမှ လေဘေး ဒုက္ခသည်များထံ အကူအညီများ မရောက်ရှိဟူသော သတင်းစကား များ ကြားရပြီးနောက် အသက် ၉၂ နှစ်ပြည့်သွားပြီ ဖြစ်သည့် သခင်သိန်းဖေက ယခုလို ပြောဆိုလိုက်ခြင်း ဖြစ်သည်။
“အစိုးရအနေနဲ့ တတ်နိုင်သမျှ လုပ်ဆောင်ပေးနေပေမယ့် လုံလောက်မှု မရှိတာ ကြားနေရတယ်။ သမာရိုးကျ အတင်းအကျပ် တံခါးပိတ် ထားတာမျိုး မလုပ်ဘဲနဲ့ နိုင်ငံထဲကို ဝင်ရောက်ပြီး ဘေးဒုက္ခရောက်နေတဲ့ ကိုယ့်တိုင်းသူပြည်သားတွေကို ထိထိရောက်ရောက် အကူအညီ ပေးနိုင်ရေးကို ဆောင်ရွက်သင့်ပါတယ်။ ခွင့်ပြုသင့်ပါတယ်” ဟု ရန်ကုန်မြို့ နေအိမ်တွင် ပြုလုပ်သည့် သူ၏ မွေးနေ့ အခမ်းအနားတွင် သခင်သိန်းဖေက ပြောဆိုသွားသည်။
အခမ်းအနားသို့ သခင်လှကွန်း၊ သခင်လှမြင့်၊ သခင်သိန်းမောင်၊ သခင်ချန်ထွန်း စသော လုပ်ဖော်ကိုင်ဖက် သခင်ဟောင်းကြီးများ၊ အမျိုးသား ဒီမိုကရေစီအဖွဲ့ချုပ် ထိပ်တန်း ခေါင်းဆောင်များဖြစ်သည့် ဦးစိုးမြင့်၊ ဦးညွန့်ဝေ၊ ဦးမြင့်သိန်း နှင့် ဦးသုဝေ၊ ဦးဝင်းနိုင် အပါအဝင် ထင်ရှားသော နိုင်ငံရေးသမားများနှင့် ဧည့်ပရိသတ် ၁ဝဝ ခန့် တက်ရောက်ကြသည်။
ဝါရင့် နိုင်ငံရေးသမားကြီးက မြန်မာပြည်၏ လက်ရှိ အခြေအနေ အရပ်ရပ်သည် လွတ်လပ်ရေးမရခင် အချိန်ကထက်ပင် ဖိနှိပ်မှု၊ အကြမ်းဖက်မှု များ ရှိနေပြီး လွတ်လပ်ရေး တိုက်ပွဲဝင်စဉ်က မျှော်မှန်းခဲ့သော လွတ်လပ်ရေး၊ ငြိမ်းချမ်းရေး၊ ဒီမိုကရေစီရေး၊ အမျိုးသား သွေးစည်း ညီညွတ်ရေး နှင့် တိုင်းပြည် ဖွံ့ဖြိုးတိုးတက်ရေးတို့ လုံးဝ ပျောက်ကွယ်နေသည်ဟု ဝေဖန်သည်။
လွတ်လပ်ရေးတိုက်ပွဲဝင် လုပ်ဖော်ကိုင်ဖက်များသည် မေလ ၂၂ ရက်နေ့ကလည်း လေမုန်တိုင်းအလွန် ပြန်လည် ထူထောင်ရေး လုပ်ငန်များတွင် အင်ဒိုနီးရှားနိုင်ငံ၏ ဆူနာမီ အတွေ့အကြုံကို နမူနာယူရန် စစ်အစိုးရကို တိုက်တွန်းခဲ့သေးသည်။ ၂ဝဝ၄ ခုနှစ် ဆူနာမီ ဖြစ်စဉ်က အင်ဒိုနီးရှား နိုင်ငံတွင် ပြည်တွင်းနိုင်ငံရေး ပြဿနာများ ရှိနေသော်လည်း နိုင်ငံတကာမှ အကူအညီ ပေးသူများကို အတားအဆီးမရှိ လွတ်လပ်စွာ ကူညီခွင့်ပေးခဲ့သည့် နမူနာကို ရယူရန် ထောက်ပြခဲ့ခြင်း ဖြစ်သည်။
သခင်သခင်ချန်ထွန်း (၈၇ နှစ်) က စစ်ခေါင်းဆောင်များ၏ သဘောထား ပျော့ပြောင်းမည့် အချိန်ကို ဆုတောင်းနေရသည်ဟု ပြောသည်။ ပုံမှန်အားဖြင့် နိုင်ငံရေးသမားကြီးများ၏ တိုက်တွန်းချက်ကို စစ်အစိုးရက အလေးဂရုပြုသည့် လက္ခဏာ ပြသမှု မရှိပေ။
“ကျနော်တို့ အနေနဲ့က ကျနော်တို့ ထုတ်သမျှတွေ၊ တိုက်ရိုက်ပေးစာတွေ အကုန်လုံးကို အရောက်ပို့ပေးပါတယ်။ ကမ္ဘာ့ကလည်း တိုက်တွန်း၊ ကျနော်တို့ကလည်း တိုက်တွန်း၊ အားလုံးက တိုက်တွန်းနေမှာပဲ။ လက်ရှိ တပ်မတော် ခေါင်းဆောင်တွေ အနေနဲ့ သူတို့က ဘယ်သူမှ၊ ဘာမှ ဂရုစိုက်ဘူး၊ လုပ်ချင်ရာ လုပ်မယ်ဆိုပြီး လုပ်နေတာ၊ မြင်နေတာပဲ။ ဘယ်တော့ ပျော့ပြောင်းလာမယ် ဆိုတာတော့ ကျနော်တို့ စောင့်ကြည့် နေရတာပါပဲ။ သဘောထားတွေ ပြောင်းပါစေတော့လို့ ဆုတောင်းနေရတာပဲ” ဟု သခင်ချန်ထွန်းက ပြောသည်။
ယမန်နေ့က ထုတ်ပြန်သော စစ်အစိုးရ အာဘော် သတင်းစာတွင် ယခုအချိန်တွင် ပြည်ပမှ ဝင်ရောက်လာပြီး လေဘေးသင့် ဒေသများတွင် ကယ်ဆယ်ရေးလုပ်ငန်း လုပ်ကိုင်နေသူပေါင်း ၅၆၉ ဦး ရှိသည်ဟု ဆိုသည်။ သူတို့တွင် ကုလသမဂ္ဂ၊ နိုင်ငံတကာ အစိုးရမဟုတ်သော အဖွဲ့များနှင့် တသီးပုဂ္ဂလများ ပါဝင်သည်ဟု ဆိုသည်။
လူပေါင်း ၁ သိန်း ၃ သောင်းကျော် အသေအပျောက် ရှိခဲ့သော မြစ်ဝကျွန်းပေါ်မှ ကယ်ဆယ်ရေး လုပ်ငန်းများအတွက် အနည်းဆုံး ၆ လကြာ အချိန်ယူ ရမည်ဟု ကုလသမဂ္ဂက တွက်ဆထားသော်လည်း စစ်အစိုးက မြစ်ဝကျွန်းပေါ်တွင် ကယ်ဆယ်ရေး လုပ်ငန်းများ ပြီးဆုံးကာ ပြန်လည် ထူထောင်ရေး လုပ်ငန်းများ စတင်နေပြီဟု ဆိုသည်။
ဤအတောအတွင်း မြစ်ဝကျွန်းပေါ် အစွန်အဖျား ဒေသသို့ ရှေ့ပြေး ရောက်သွားသော သုံးပွင့်ဆိုင် ကယ်ဆယ်ရေး အဖွဲ့က ဒေသတွင်း၌ အကူအညီများ လိုအပ်နေသည်ဟု ပြောသည်။ ကုလသမဂ္ဂ၊ အာဆီယံနှင့် မြန်မာတို့ ပါဝင်သော အဖွဲ့သည် ယခုအခါ မြစ်ဝကျွန်းပေါ်ဒေသ၏ နောက်ဆုံး အခြေအနေကို ကွင်းဆင်းကာ အချက်အလက် စုဆောင်းနေဆဲ ဖြစ်သည်။
Rest of your post
ကယ်ဆယ်ထောက်ပံ့ရေး လုပ်နေသည့် နိုင်ငံတကာ အန်ဂျီအိုများသို့ စစ်အစိုးရ၏ စည်းကမ်းချက်များ
ကြာသပတေးနေ့၊ ဇွန်လ 12 2008 14:51 - မြန်မာစံတော်ချိန်
နာဂစ်မုန်တိုင်းဒဏ် သင့်သူများကို အကူအညီပေးနေသည့် နိုင်ငံတကာ အန်ဂျီအိုများ လုပ်ငန်း ဆောင်ရွက်ရာတွင် လိုက်နာရမည့် ကန့်သတ်ချက်များကို အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီး ဦးစိုးသာက ရန်ကုန်မြို့ မော်ကွန်းတိုက် ဦးစီးဌာန အစည်းအဝေး ခန်းမတွင် ဇွန် ၁၁ ရက်၊ ၂၀၀၈ ခုနှစ်တွင် ပြုလုပ်သော အစည်းအဝေးတွင် ပြောကြားသွားသည်။
ဆက်ဖတ်ရန် အပြည့်အစုံ ကို Click နှိပ်ပါ။
အဆိုပါ အချက်များမှာ
(၁) အကူအညီပေးသည့် နိုင်ငံ၊ အထောက်အပံ့ ပစ္စည်းစာရင်း၊ တန်ဖိုး၊ လက်ခံရရှိမှု အခြေအနေ စာရင်းဇယားများ ပေးပို့ရမည်။
(၂) လှူဒါန်းသည့်အခါ လေဘေးသင့်သူများ အမှန်တကယ် လိုအပ်မည့် ပစ္စည်းများ ဖြစ်ရမည်။ အသုံးမတည့်သည့် ပစ္စည်း၊ သုံးလေ့သုံးထ မရှိသည့် ပစ္စည်းမျိုး ဖြစ်နေ၍ ပြန်လည် ရောင်းချပါက အကျင့်ပျက်သွားနိုင်၊ နိ်ုင်ငံဂုဏ်သိက္ခာ ထိခိုက်မှု အဖြစ်မခံနိုင်။
(၃) မုန်တိုင်းနှင့် ပတ်သက်သည့်  အကူအညီပေးမည့် လုပ်ငန်းအစီအစဉ် အပြည့်အစုံကို သက်ဆိုင်ရာ Focal Ministry နှင့် မြန်မာ၊ အာဆီယံ၊ ကုလသမဂ္ဂ သုံးပွင့်ဆိုင် ဗဟိုကို ကြိုတင် အကြောင်းကြား ခွင့်ပြုချက် ရယူရမည်။
(၄) ထောက်ပံ့ပစ္စည်းများ မြန်မာနိုင်ငံ ရန်ကုန်မြို့သို့ ရောက်ရှိလာ၍ ပစ္စည်းများ ထုတ်ယူရာတွင်လည်း သက်ဆိုင်ရာ Focal Ministry နှင့် သုံးပွင့်ဆိုင် ဗဟိုအဖွဲ့တို့၏ ထောက်ခံချက်ဖြင့် ထုတ်ယူရမည်။
(၅) ပစ္စည်းများ သိုလှောင်ထားရှိမှုကို သက်ဆိုင်ရာ Focal Ministry နှင့် သုံးပွင့်ဆိုင် ဗဟိုသို့ အကြောင်းကြားရမည်။
(၆) ထောက်ပံ့ ပစ္စည်းများနှင့် စပ်လျဉ်း၍ မည်သည့်ပစ္စည်း မည်သို့ပို့မည် ဆိုသည့် အစီအစဉ်ကိုလည်း Focal Ministry နှင့် သုံးပွင့်ဆိုင် ဗဟိုသို့ အကြောင်းကြားရမည်။
(၇) ဖြန့်ဝေမည့် မြို့နယ်တွင် ဖြန့်ဝေမည့် ပစ္စည်းအမျိုးအစား၊ အရေအတွက်နှင့် တန်ဖိုးစာရင်းကို မြို့နယ် အာဏာပိုင်များသို့ ပေးပို့ရမည်။
(၈) မြို့နယ်အတွင်း ဖြန့်ဝေမှုတွင်လည်း သက်ဆိုင်ရာ မြို့နယ် အာဏာပိုင်များနှင့် ညိုနှိုင်းရမည်။
( ဇွန် ၁၁ ရက်နေ့ထုတ် မြန်မာ့အလင်း သတင်းစာကို ကိုးကားပါသည်။)
Rest of your post
အသက်မသေ ကျန်ခဲ့သူ ကလေးအများ စိတ်ဒဏ်ရာရနေ
ဇာနည်
ကြာသပတေးနေ့၊ ဇွန်လ 12 2008 11:50 - မြန်မာစံတော်ချိန်
အသက်မသေ ကျန်ခဲ့သူ ကလေးအများ စိတ်ဒဏ်ရာရနေ
ချင်းမိုင်။ ။ မိဘဆွေမျိုးများ သေဆုံး ကုန်ကြသည်ကို တွေ့ပြီးနောက် နာဂစ် ဆိုင်ကလုံး မုန်တိုင်း ဘေးမှ အသက်မသေ လွတ်မြောက် လာခဲ့သူ ကလေးသူငယ် အများအပြားသည် စိတ်ဒဏ်ရာ ရနေကြသည်ဟု ကလေးများအတွက် လုပ်ဆောင်ပေးနေသော နိုင်ငံတကာ အကူအညီပေးရေး အေဂျင်စီတခုက ပြောကြားလိုက်သည်။
ဆက်ဖတ်ရန် အပြည့်အစုံ ကို Click နှိပ်ပါ။
ထိုအသက်မသေ လွတ်မြောက်ခဲ့သူများထဲတွင် ကလေးသူငယ်များသည် အားအနွဲ့ဆုံး အုပ်စုဖြစ်ပြီး သူတို့ကို နက်နက်ရှိုင်းရှိုင်း ထိခိုက်စေခဲ့သော စိတ်ဒဏ်ရာများမှ လွတ်မြောက်ရန် လုံးပန်းနေရဆဲ ဖြစ်ကြသည် ဟု ဘန်ကောက်ရှိ World Vision ဒေသဆိုင်ရာ ဆက်သွယ်ရေးရုံး ဒါရိုက်တာ James East က ပြောကြားသွားပါသည်။
“ကလေး တော်တော်များများ စိတ်ဒဏ်ရာ၊ စိတ်သောက ဝေဒနာ ခံစားနေကြရတယ်” ဟု East က ဗုဒ္ဓဟူးနေ့တွင် မဇ္ဈိမသို့ ပြောကြားခဲ့ပါသည်။
World Vision, UNICEF, Save the Childred အဖွဲ့များ အပါအဝင် နိုင်ငံတကာ အစိုးရ မဟုတ်သော အဖွဲ့အစည်း (အိုင်အန်ဂျီအို) ၁ဝ ခုကျော်သည် အဆိုပါ ကလေးငယ်များကို အကူအညီပေးရန် အလုပ်အဖွဲ့ တခုကို ဖွဲ့စည်းထားသည်ဟု ဆိုသည်။
“မုန်တိုင်းဒဏ် ခံခဲ့ရတဲ့ ဒေသတချို့မှာ ကလေးတွေ ကစားနိုင်တဲ့ နေရာလေးတွေ လုပ်ထားပါတယ်။ ဒါတွေဟာ “ကလေးများ နေပျော်ဘွယ် ဂေဟာ” (Child-friendly Spaces) လေးတွေပါ။ နေစရာ ဘုံပျောက်နေတဲ့ ကလေးတွေအတွက် လုံခြုံစိတ်ချရပြီး အကာအကွယ် ပေးနိုင်မဲ့ ဝန်းကျင်တရပ်ကို ဖန်တီးပေးထားတာပါ” ဟု East က ပြောသွားပါသည်။
ဆိုင်ကလုံး မုန်တိုင်းဒဏ် ခံခဲ့ရသော ကလေးငယ် အရေအတွက်ကို မခန့်မှန်းနိုင်သေးသော်လည်း မိဘများ ပျောက်ဆုံးနေသည့် ကလေးငယ် အနည်းဆုံး ၂ဝဝဝ ကို ရန်ကုန်တိုင်းအတွင်း ရှာဖွေ တွေ့ရှိထားသည်။ ဧရာဝတီတိုင်း ဘိုကလေးမြို့တွင် ထိုသို့ မိဘများ ပျောက်ဆုံးနေသူ ကလေးပေါင်း ၃၂ ဦးကို မှတ်ပုံတင်ထားပြီး ဖြစ်သည်။
ဧရာဝတီ မြစ်ဝကျွန်းပေါ် ဒေသသည် မုန်တိုင်းဒဏ်ကို အဆိုးဝါးဆုံး ခံခဲ့ရသော ဒေသဖြစ်သော်လည်း မိဘနှင့် လူကြီးအစောင့်အရှောက် မပါသည့် ကလေးငယ် အရေအတွက်ကို အတည်ပြုဘို့ လိုသေးသည်ဟု ကမ္ဘာ့ကလေးများ ရံပုံငွေအဖွဲ့ (UNICEF) က ပြောကြားလိုက်ပါသည်။
သူတို့ ဖွဲ့စည်းထားသော အလုပ်အဖွဲ့သည် သူတို့ မိသားစုနှင့် ပြန်လည် ဆုံစည်းနိုင်ရန် ခြေရာခံ ရှာဖွေပေးမည့် အဖွဲ့ဖြစ်သည်ဟု ဘန်ကောက်ရှိ (UNICEF) အရှေ့အာရှနှင့် ပစိဖိတ်ဒေသဆိုင်ရာရုံး ကလေးငယ် ကာကွယ်ရေး အရာရှိ အလက်ဇန်းဒါး ကရူးဂါး (Alexander Krueger) က ပြောဆိုပါသည်။
“ဒီလို သူတို့ မိဘဆွေမျိုးတွေကို လိုက်ရှာပေးတဲ့အလုပ် မပြီးမချင်း မိဘမဲ့ကလေး ဘယ်လောက်ရှိတယ် ဆိုတာ ပြောဘို့ ခက်ပါတယ်” ဟု Krueger က ပြောသွားပါသည်။
သို့သော် မိဘများနှင့် ကွဲကွာနေသူ ကလေးပေါင်း ရာဂဏန်း အချို့ရှိပြီး လူကြီးနှင့် ဆွေမျိုး အစောင့်အရှောက် မပါသည့် ကလေးငယ်ပေါင်းက ၁ဝဝ ခန့်ရှိသည်ဟု သူက ဆိုပါသည်။
ကလေးငယ်များနှင့် အရွယ်မရောက်သေးသူများ လမ်းများပေါ် ထွက်၍ တောင်းစားနေသည်ကို တွေ့ခဲ့ရသည်ဟု မုန်တိုင်းဘေးမှ အသက်မသေ လွတ်မြောက်ခဲ့သူများကို ကူညီ စောင့်ရှောက်ပေးနေသည့် မြန်မာလူမျိုး အကူအညီပေးရေး လုပ်သားများနှင့် စေတနာ့ ဝန်ထမ်းများက ထိုကဲ့သို့သော ကလေးအများစုမှာ “ခံစားချက်မဲ့သည့်” မျက်နှာများဖြင့် ငူငူငိုင်ငိုင်ကြီး ထိုင်နေကြပြီး၊ ယင်းမှာ စိတ်ခြောက်ခြားမှု ဝေဒနာ စိတ်ဒဏ်ရာ ရနေသည့် လက္ခဏာ ဖြစ်သည်ဟု နိုင်ငံတကာ အကူအညီပေးရေး အေဂျင်စီ တခုနှင့် အလုပ် တွဲလုပ်နေသည့် မြန်မာ အကူအညီပေးရေး လုပ်သားတဦးက ပြောပါသည်။
“ကလေးတချို့ကတော့ သူတို့ မိဘတွေ ဘယ်ရောက်ကုန်မှန်း မသိလို့ လိုက်ရှာနေကြတာ၊ တချို့ကတော့ သူတို့ မိဘတွေ ရေနစ်သေကုန်ပြီလို့ ပြောတယ်” ဟု ဧရာဝတီ မြစ်ဝကျွန်းပေါ် ဒေသတွင် မုန်တိုင်း ဒုက္ခသည်များကို အကူအညီ ပေးနေသည့် အကူအညီပေးရေး လုပ်သားတဦးက မဇ္ဈိမ သတင်းဌာနကို လွန်ခဲ့သော ရက်သတ္တပတ်က ပြောကြားခဲ့ပါသည်။
ယာယီ ကယ်ဆယ်ရေး လုပ်ငန်းအနေဖြင့် ထိုကဲ့သို့သော ကလေးများအတွက် “ကလေးများ နေပျော်ဘွယ် ဂေဟာ” များကို သူတို့ အလုပ်အဖွဲ့က တည်ဆောက်ပေးထားကြောင်း၊ ထိုဂေဟာများတွင် ကလေးများကို ကျွေးမွေး စောင့်ရှောက်ထားကြောင်း၊ ဆော့ကစားနိုင်ကြောင်း၊ စာသင်ကြား လေ့လာနိုင်ကြောင်း၊ သူတို့မိဘများ ဒုက္ခ သုခများမှ လွတ်မြောက်ကြောင်း ရှာဖွေ ရုန်းကန်နေရချိန်တွင် ထိုသို့ကလေးများ သောကမဲ့ နေနိုင်ရေး စီစဉ်ပေးထားကြောင်းလည်း East က ပြောသွားပါသည်။
“ဧရာဝတီတိုင်းနဲ့ ရန်ကုန်တိုင်းအတွင်း ဒီလို “ကလေးများ နေပျော်ဘွယ်ဂေဟာ” လေးတွေ ၄၄ ခုလောက် တည်ဆောက် ပေးထားပါတယ်၊ ဒီနေရာတွေမှာ နေပြီး ကစားလို့ ရတယ်၊ သူတို့ရဲ့ အတိတ် အိပ်မက်ဆိုးတွေကို မေ့ပျောက်အောင် ကြိုးစားလို့ရတယ်” ဟု East က ဆိုပါသည်။
မြန်မာ စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ ဆိုင်ကလုံး မုန်တိုင်း ဖျက်ဆီးခံခဲ့ရသည့် ဧရာဝတီ မြစ်ဝကျွန်းပေါ် ဒေသသို့ မေလ အတွင်းက လာရောက် စစ်ဆေးကြည့်ရှုခဲ့စဉ် ကလေးများအတွက် မိဘမဲ့ ဂေဟာများ တည်ဆောက်ပေးရန် ဒေသခံ အာဏာပိုင်များကို လမ်းညွှန် မှာကြားသွားခဲ့သည်။ ထိုကလေးများသည် ဧရာဝတီ မြစ်ဝကျွန်းပေါ်ဒေသ ဖျာပုံနှင့် လပွတ္တာ မြို့နယ်များအတွင်း ဆိုင်ကလုံးမုန်တိုင်း တိုက်ခတ်စဉ် သူတို့၏ မိဘများကို ဆုံးရှုံးခဲ့ကြရသူများ ဖြစ်သည်။
သို့သော် အဆိုပါ ကလေးများကို မိဘမဲ့ ဂေဟာများတွင် ထားရှိခြင်းသည် အကောင်းဆုံး အဖြေတခု မဟုတ်ကြောင်း အကူအညီပေးရေး အေဂျင်စီများက ပြောဆိုကြပါသည်။ သူတို့ကို မွေးစားလိုသည့် မွေးစားမိဘများ၊ ဆွေမျိုးသားချင်းများ အကြား၌ နေခြင်းကသာလျှင် ကလေးများအတွက် ပိုမို ရင်းနှီးနွေးထွေးသည့် ဝန်းကျင်ကောင်း တခုကို ရရှိစေမှာ ဖြစ်ကြောင်းလည်း သူတို့က ထောက်ပြကြပါသည်။
“အစိုးရက မိဘမဲ့ကလေးတွေ၊ လူကြီးဆွေမျိုး အစောင့်အရှောက် မရှိတဲ့ကလေးတွေ အတွက် မိဘမဲ့ဂေဟာတွေ ဆောက်ဘို့ကို အဖွဲ့အစည်း ဆန်ဆန် အဆောက်အအုံ အနေနဲ့ကို စီစဉ်နေပါပြီ” ဟု UNICEF အဖွဲ့မှ Krueger က ပြောသွားပါသည်။
ဤသို့ တည်ဆောက်ခြင်းသည် ယာယီ အခြေအနေတရပ် အတွက်သာ ဖြစ်သင့်ကြောင်း၊ ထိုသို့ဖြစ်မှသာ ကလေးများ အနေဖြင့် လက်ခံနိုင်ဘွယ် ရှိမှာ ဖြစ်ကြောင်း၊ သူတို့ ဆွေမျိုးသားချင်းများ၊ သူတို့ သိကျွမ်းသူ လူကြီးအသိအကျွမ်းများကို ဘယ်လိုမှ ရှာဖွေ မတွေ့ရှိနိုင်မှသာ ဤသို့ ကလေးများအတွက် အဖွဲ့အစည်းဆန်ဆန် အတည်တကျ ထူထောင်ခြင်းကို နောက်ဆုံး နည်းလမ်းအနေဖြင့်သာ လုပ်ဆောင်သင့်သည်ဟု UNICEF က သဘောရသည်ဟုလည်း Krueger က ပြောသွားပါသည်။
“မိသားစု အခြေခံတဲ့ ကူညီစောင့်ရှောက်ရေး နည်းလမ်းတွေကို ရှာဖွေဘို့ ကျနော်တို့ မြန်မာအစိုးရကို တိုက်တွန်း ပြောဆိုနေပါတယ်” ဟု Krueger က ဆက်လက် ပြောဆိုသွားပါသည်။
မြန်မာလူထုသည် မိသားစုကြီးကြီး၊ ဆွေမျိုး အသိုင်းအဝိုင်းများ တအိမ်တည်း စုပေါင်းနေထိုင်သည့် အလေ့ရှိခြင်းကြောင့် ထိုဆွေမျိုး အသိုင်းအဝိုင်းနှင့် ပြန်လည် ဆက်သွယ်ပေးပြီး နေထိုင်စေခြင်းသာ မုန်တိုင်းအတွင်း မိဘများ ဆုံးရှုံးခဲ့ရသည့် ကလေးများကို ကူညီနိုင်သည့် အကောင်းဆုံး ဖြေရှင်းနည်း ဖြစ်သည် ဟု East က ပြောပါသည်။
မေ ၂ ရက်နှင့် ၃ ရက်နေ့များက မုန်တိုင်းတိုက်ခတ်အပြီး ဆိုင်ကလုံး မုန်တိုင်း ဒုက္ခသည်များကို ချက်ချင်း သွားရောက် အကူအညီ ပေးခဲ့သည့် Save the Children အဖွဲ့ကမူ ကလေးများကို ကျောင်းများတွင် ထားရှိခြင်းသည်သာ အလုံခြုံဆုံး ဖြစ်မည်ဖြစ်ကြောင်း၊ ထိုနေရာတွင်သာ ကလေးများ အနေဖြင့် သူတို့ သူငယ်ချင်းများနှင့် ရောနှောနေထိုင်ပြီး အတိတ်ဆိုးများကို မေ့ပျောက်စေနိုင်မှာ ဖြစ်ကြောင်း ပြောကြား သွားပါသည်။
“ပညာရေးက အရေးကြီးတယ်၊ အရေးပေါ် ကယ်ဆယ်ရေး လုပ်ငန်းတွေအပြီး သူတို့ မိသားစုတွေ ကလေးတွေအတွက် ပုံမှန်ဘဝ ရောက်ဘို့ ပြန်လည် တည်ဆောက်ရာမှာ ပိုလို့တောင် အရေးကြီးလာဦးမယ်” ဟု Save the Children အဖွဲ့၏ မြန်မာနိုင်ငံ ဒါရိုက်တာ အင်ဒရူး ကတ်ခ်ဝုဒ် (Andrew Kirkwood) က ကြေညာချက် ထုတ်ပြန် ပြောကြားသွားခဲ့ပါသည်။
“ကလေးတွေအတွက် ကျောင်းတွေသာ လုံခြုံ စိတ်ချရတဲ့နေရာ ဖြစ်တယ်။ အဲဒီမှာသာ အခြား ကလေးတွေနဲ့ ရောနှော နေထိုင်ပြီး ဆော့ကစား နိုင်မှာ ဖြစ်တယ်၊ သူတို့ ကြုံခဲ့ရတဲ့ စိတ်ခြောက်ခြားမှု စိတ်သောကတွေကို စတင် ကုစားနိုင်မဲ့ နေရာလဲ ဖြစ်ပါတယ်” ဟု Kirkwood က ဆိုလိုက်ပါသည်။
(မုံပီး ဖြည့်စွက် တင်ပြသည်)
Rest of your post
လေဘေးကယ်ဆယ်ရေး သံဃာတော်တွေ လွတ်လွတ်လပ်လပ် လုပ်ခွင့်မရ
12 June 2008
မုန်တိုင်းဒဏ်ကြောင့် ပျက်စီးသွားသော ကျောက်တန်းမြို့နယ်ရှိ စေတီနှင့် ဘုန်းကြီးကျောင်းကို ရှင်းလင်းနေသော သံဃာတော်တပါး။ မေ ၈၊ ၂၀၀၈။(ဓာတ်ပုံ-အေပီ)
လေဘေးကယ်ဆယ်ရေးအတွက် အစိုးရ လက်အောက်ခံမဟုတ်တဲ့ အဖွဲ့အစည်းတွေနဲ့ နိုင်ငံတကာ အကူအညီပေးရေးအဖွဲ့တွေအပေါ် စစ်အစိုးရက လမ်းညွှန်ချက်တွေ ထုတ်ပြန်နေတဲ့ တချိန်တည်းမှာ ပြည်တွင်းက ကယ်ဆယ်ရေးလုပ်နေတဲ့ သံဃာတော်တွေ
အတွက်လည်း သံဃာ့မဟာနာယကအဖွဲ့နဲ့ အာဏာပိုင်တွေဘက်က ကန့်သတ်မှုတွေ
ရှိနေတယ်လို့ ပြည်တွင်းက သံဃာတော်တွေက မိန့်ကြားပါတယ်။ မြင်းခြံမြို့မှာ လေဘေးကယ်ဆယ်ရေးလုပ်ငန်းတွေ လုပ်ကိုင်နေတဲ့ သံဃာတော်တပါးက ဒီလို
ကန့်သတ်မှုတွေနဲ့ ပတ်သက်ပြီး မိန့်ကြားခဲ့တာကို မညိုညိုလွင်က စုစည်းတင်ပြ
ထားပါတယ်။
ဆက်ဖတ်ရန် အပြည့်အစုံ ကို Click နှိပ်ပါ။
“သဘောတခုက အလှူခံတယ်၊ စသည်အားဖြင့် လုပ်လို့ရှိရင် သံဃာ့နာယကမှာ အလှူ
ခံခွင့်ပါမစ် တောင်းရတယ်။ အဲလိုတောင်းတဲ့အခါ သူတို့က ပါမစ်ပေးမယ်။ ဦးဇင်းတို့
အလှူခံတဲ့ဟာကို အာဏာပိုင်အဖွဲ့အစည်းနဲ့ ပူးပေါင်းပြီးလှူပါဆိုရင် ဦးဇင်းတို့က မလှူ
နိုင်ဘူး။ မလှူနိုင်တဲ့အတွက် ဦးဇင်းတို့က မြန်မာပြည်မှာ ထင်ရှားတဲ့ သီတဂူဆရာတော်
ကြီးနဲ့ ပူးပေါင်းပြီး မြင်းခြံသီတဂူ အဖွဲ့ခွဲအနေနဲ့ ၀ါသနာတူရာ လူငယ်များနဲ့ပူးပေါင်းပြီး
မြင်းခြံအနေနဲ့ ဆောင်ရွက်ပါတယ်။”
သံဃာ့မဟာနာယကအဖွဲ့က ကူညီကယ်ဆယ်ရေးလုပ်ဆောင်နေတဲ့ သံဃာတော်တွေ
ကို အခုလို ကန့်သတ်မှုတွေ လုပ်ဆောင်နေပေမယ့် ဦးစီးဦးဆောင် ညွှန်ကြားပေးတာ
မျိုးတော့ မရှိဘူးလို့ ဆိုပါတယ်။
“နိုင်ငံတော်သံဃာ့မဟာနာယကအနေနဲ့လည်း နာဂစ်နဲ့ပတ်သက်လို့ ဘာမှညွှန်ကြား
ချက်မပေးသလို နာဂစ်ကူညီရေးအတွက်ကိုလည်း လုပ်ဆောင်ရမယ်ဆိုတဲ့ ညွှန်ကြား
ချက်တွေ လုံးဝမရှိပါဘူး။”
ဆရာတော်အနေနဲ့ လေဘေးဒဏ် ပြင်းပြင်းထန်ထန်ခံခဲ့ရတဲ့ ဟိုင်းကြီးကျွန်းကို
ရောက်ရှိခဲ့တဲ့ အခြေအနေနဲ့ပတ်သက်ပြီး မိန့်ကြားတာကတော့ …
“ဟိုင်းကြီး မဲသရဲရွာကိုသွားတယ်။ မဲသရဲရွာကို ဦးဇင်းအနေနဲ့ သီတဂူအဖွဲ့ခွဲနဲ့ ပူးပေါင်း
ပြီး လူပုဂ္ဂိုလ်များ၊ သံဃာတော်များက ပံ့ပိုးပေးလိုက်တဲ့ အ၀တ်အထည်များကို ဦးဇင်း
တို့က ကျေးရွာရော၊ ကျေးရွာ ဆားကွင်းထဲမှာရှိတဲ့ အိမ်ခြေ ၂၇၀ ကို တအိမ်ထောင်ကို
အ၀တ်အထည် ၁၀ ထည်နှုန်းလောက်နဲ့ ဝေနိုင်ခဲ့ပါတယ်။
“အဲလိုဝေတဲ့အခါ သူတို့ရဲ့ တလရှိတဲ့အတိုင်းအတာကို နိုင်ငံတော်ရဲ့ အထောက်အပံ့ ဘယ်လောက်ရသလဲလို့ ဦးဇင်းမေးကြည့်ပါတယ်။ မေးကြည့်တဲ့အခါ အဲဒီရွာက ပုဂ္ဂိုလ်
များက ဆန် ၆ ပြည်၊ ဆီ ၅ ကျပ်သား မပြည့်တပြည့်၊ အာလူး ၅ လုံး၊ ကြက်သွန် ၇ လုံး၊
ဒါပဲရတယ်လို့ ပြောပါတယ်၊ စားသောက်ကုန်နဲ့ပတ်သက်လို့။
“အိမ်ဆောက်ပစ္စည်းနဲ့ပတ်သက်လို့ကတော့ လောလောဆယ် ဆောက်နေဆဲ အိမ်တွေ
ကိုပဲ တပိဿာနဲ့ သုံးဆယ်သားပေးတယ်လို့ ပြောပါတယ်။ မဲသရဲရွာရဲ့ ဆရာတော်ကြီး
က အသက် ၉၀ နား နီးနေပါပြီ။ ကျောင်းတွေက နာဂစ်မုန်တိုင်းဒဏ်ကြောင့် အကုန်
လုံး အမိုးတွေမရှိတော့ပါဘူး။ အဲဒါကြောင့် ဆရာတော်ကြီးက ရွာထဲမှာသွားပြီး သီတင်း သုံးနေပါတယ်။
“ပထမတုန်းကတော့ တက်လမ်းကုမ္ပဏီက ဒီကျောင်းတွေကို ပြင်ပေးမယ်လို့ ဦးဇင်း
ရှေ့မှာ လာလျှောက်ပေမယ့် ဦးဇင်း ဒီကိုပြန်ရောက်ပြီး မေးကြည့်တဲ့အခါ ဒီကုမ္ပဏီတွေ
က ဆက်ပြီးမလုပ်တော့ဘူးလို့ ပြောတဲ့အတွက် ဒီကျောင်းတော်ကြီးတွေ ပြင်ဖို့ရာ
ကိုယ်တိုင်ကိုယ်ကျ ရွာက နာဂစ်မုန်တိုင်းဒဏ်ခံရတဲ့ လုပ်သားပြည်သူများက ၀ိုင်းပြီး
တော့ပဲ ဆောက်ပေးရမယ့်ပုံစံ ဖြစ်နေပါတယ်။ အဲဒီအတွက် ဒီဆရာတော်ကြီးရဲ့ နေရေးထိုင်ရေးကလည်း အင်မတန်အခက်အခဲဖြစ်နေတယ်လို့ ဦးဇင်းပြောချင်ပါ
တယ်။”
မြန်မာနိုင်ငံက သံဃာ့မဟာနာယကအဖွဲ့အနေနဲ့ အခုလို သံဃာတော်တွေရဲ့အကျိုး၊ ပြည်သူတွေရဲ့အကျိုး ဆောင်ရွက်တာတွေ မရှိတာကြောင့် ဖျက်သိမ်းပစ်လိုက်ရင် အကောင်းဆုံးပဲလို့လည်း မြန်မာနိုင်ငံ အလယ်ပိုင်းက ဆရာတော်တပါးက အခုလို
မိန့်ကြားခဲ့ပါတယ်။
“အဲဒီအဖွဲ့အစည်းကိစ္စနဲ့ပတ်သက်ရင် စက်တင်ဘာမှာတုန်းကလည်း နိုင်ငံတော် သံဃာ့
မဟာနာယက အဖွဲ့အစည်းတွေက အာဏာရှင်ခိုင်းတဲ့ကိစ္စတွေနဲ့ ပတ်သက်ပြီး တုံဏှိ
ဘာဝေ လုပ်လိုက်တယ်။ တုံဏှိဘာဝေ ဆိတ်ဆိတ်နေခြင်းဟာ ၀န်ခံလိုက်တဲ့သဘော
ပဲ။ ဒါ လုပ်ခိုင်းလိုက်တဲ့သဘောပဲ။ အဲဒါပြီးတော့ အခု နာဂစ်မုန်တိုင်းနဲ့ ပတ်သက်ပြီး
တော့လည်း နိုင်ငံတော် သံဃာ့မဟာနာယက အဖွဲ့အစည်းတွေ ငြိမ်နေတယ်။ ရပ်ကွက် သံဃာ့နာယက၊ တိုင်းသံဃာ့နာယက၊ မြို့နယ်သံဃာ့နာယက၊ စတဲ့ သာသနာနဲ့
ပတ်သက်တဲ့ အဖွဲ့အစည်းတွေက အားလုံးငြိမ်နေကြတယ်။
“ဒီမှာ သာသနာရေး၊ ဘာသာရေးကိစ္စနဲ့ပတ်သက်ပြီး အောက်ပိုင်းမှာ တော်တော်လေး
အတိဒုက္ခ ရောက်နေကြတယ်။ ဒါက မြန်မာနိုင်ငံမှမဟုတ်ဘူး၊ တကမ္ဘာလုံးသိနေတဲ့
ကိစ္စကြီးကို အမိန့်မထုတ်၊ ဦးစီးဦးဆောင် မလုပ်ဘဲနဲ့ ဒီတိုင်းငြိမ်နေတယ်။ ဒီတော့ နိုင်ငံတော်သံဃာ့မဟာနာယက ဖွဲ့စည်းထားတဲ့ဥစ္စာကြီးက အလကားဖြစ်နေတယ်။
အဲလို အလကားဖြစ်နေတဲ့အတူတူကတော့ ဖျက်ပစ်လိုက်တာ ကောင်းလိမ့်မယ်။ လုပ်ငန်းမှမလုပ်ဘဲနဲ့။”
မြန်မာနိုင်ငံမှာ လေဘေးကယ်ဆယ်ရေးလုပ်ဆောင်နေတဲ့ သံဃာတော်တွေအပေါ် သံဃာ့မဟာနာယကအဖွဲ့က ကန့်သတ်ပိတ်ပင်တာတွေနဲ့ပတ်သက်ပြီး မြန်မာနိုင်ငံ အလယ်ပိုင်းဒေသက ဆရာတော်တွေ မိန့်ကြားခဲ့တာဖြစ်ပါတယ်။
Rest of your post
ဖွဲ့ စည်းပုံဆန္ဒခံယူပွဲကိုဝေဖန်တဲ့ ကုလသမဂ္ဂရဲ့ အစီရင်ခံစာကို အမေရိကန်ထောက်ခံ
12 June 2008
မြန်မာနိုင်ငံတွင်း လူ့အခွင့်အရေးအခြေအနေတွေနဲ့ပတ်သက်လို့ မကြာခင်ကပဲ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ်သစ် မစ္စတာ ကင်တာနားက ကုလသမဂ္ဂ လူ့အခွင့်အရေး ကောင်စီကို ပထမဆုံးအစီရင်ခံစာ တင်သွင်းခဲ့ပါတယ်။ ဒီအစီရင်ခံစာတွင်းမှာ မြန်မာနိုင်ငံ လူ့အခွင့်အရေး ချိုးဖောက်မှုနဲ့ပတ်သက်လို့ အရေးကြီးတဲ့ အထောက်အထားတွေကို ဖော်ပြထားတာကြောင့် ဇွန်လ ၁၀ရက်နေ့ ရက်စွဲနဲ့ထုတ်တဲ့ အမေရိကန် နိုင်ငံခြားရေးဌာန ကြေညာချက်မှာ ပြောခွင့်ရသူ ရှောင်မက်ကောမက်က ဒီ လူ့အခွင့်အရေး အထူးကိုယ်စားလှယ်ရဲ့ အစီရင်ခံစာကို ထောက်ခံ ချီးကျူးလိုက်ပါတယ်။ ဒါ့အပြင် အစီရင်ခံစာထဲမှာ ဖော်ပြထားသလို - မြန်မာနိုင်ငံမှာ မိမိ သဘောထား အမြင်တွေကို လွတ်လပ်စွာ ထုတ်ဖော် ပြောဆိုဖို့ ခက်ခဲတာကြောင့် ပြီးခဲ့တဲ့ ဖွဲ့စည်းပုံဆိုင်ရာ လူထုဆန္ဒခံယူပွဲ ရလဒ်ကိုလည်း လက်ခံ ယုံကြည်ဖို့ ခက်တယ်လို့ အမေရိကန် ပြည်ထောင်စုက ပြောလိုက်ပါတယ်။ နိုင်ငံခြားရေးဌာန ပြောခွင့်ရသူရဲ့ ဒီထုတ်ပြန်ချက်ကို အမေရိကန် နိုင်ငံခြားရေးဌာန အရာရှိတဦးက အခုလို ဖတ်ပြပါတယ်။
ဆက်ဖတ်ရန် အပြည့်အစုံ ကို Click နှိပ်ပါ။
“ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ်ရဲ့ မကြာခင်က အစီရင်ခံစာထဲမှာ မြန်မာအစိုးရရဲ့ ဖွဲ့စည်းပုံ အခြေခံဥပဒေမူကြမ်း လူထုဆန္ဒ ခံယူပွဲအပေါ် လက်ခံ ယုံကြည် စိတ်ချရဖို့ အလှမ်းဝေးတယ်ဆိုတဲ့ နိဂုံးချုပ်ချက်အပေါ်မှာ အမေရိကန် ပြည်ထောင်စုကလည်း သဘောတူညီ ပါတယ်။ ကြည့်မယ်ဆိုရင် အခုအချိန်အထိ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို ဆက်ပြီး ဖမ်းဆီးထားတဲ့ကိစ္စဟာ အတော့်ကို ဆိုးဆိုးဝါးဝါး နိုင်ပါတယ်။ မြန်မာ အစိုးရအနေနဲ့ လူမျိုး ဘာသာမခွဲခြားပဲ အခြေခံ လူအခွင့်အရေးတွေကို လေးစားလိုက်နာဖို့နဲ့ နာဂစ် ဆိုက်ကလုံး မုန်တိုင်းဒုက္ခသည်တွေကို နိုင်ငံတကာက အကူအညီပေးဖို့ ကြိုးပမ်းမှုတွေမှာလည်း လက်ခံဖို့ဆိုတာတွေ ပါပါတယ်။”
ကုလသမဂ္ဂ လူ့အခွင့်အရေး ကိုယ်စားလှယ်ကတော့ ဒီဆန္ဒခံယူပွဲဟာ ဘယ်လောက်အထိ ဒီမိုကရေစီ စံချိန်စံညွန်းတွေနဲ့ ကိုက်ညီသလဲဆိုတာကို မြန်မာ အစိုးရအနေနဲ့ ရှင်းချက်ထုတ်ပြန်ပေးဖို့ တောင်းဆို ခဲ့ပါတယ်။ မြန်မာ အစိုးရဖက်ကတော့ ဒါဟာ လူ့အခွင့်အရေးနဲ့မဆိုင်ပဲ မြန်မာနိုင်ငံရဲ့ ပြည်တွင်းရေး ကိစ္စဖြစ်တယ်လို့သာ တုန့်ပြန်ခဲ့ပါတယ်။ တဆက်တည်းပါပဲ ဒီအစီရင်ခံစာထဲမှာတော့ မကြာခင်က ဆိုက်ကလုံး မုန်တိုင်းဒုက္ခသည်တွေကို နိုင်ငံတကာ အကူအညီ ပေးရေးကိစ္စတွေ နှောင့်နှေး ရတာတွေကိုလည်း လူ့အခွင့်အရေးချိုးဖောက်မှုတရပ်အနေနဲ့ ထည့်သွင်းထားပါတယ်။ အမေရိကန် နိုင်ငံခြားရေးဌာန ထုတ်ပြန်ချက်မှာလည်း မြန်မာအစိုးရအနေနဲ့ နိုင်ငံတကာကို ကတိပေးထားတဲ့အတိုင်း အကူအညီ ပေးရေး လုပ်သားတွေကို အနှောက်အယှက်မဖြစ်စေဖို့ ထပ်မံ တိုက်တွန်းလိုက်ပြန်ပါတယ်။
“အမေရိကန် အစိုးရအနေနဲ့ ဒီ ဒီကပ်ဘေး အကျပ်အတည်းက ဒုက္ခသည်တွေကို ကူညီသွားဖို့ ပိုင်းဖြတ်ထားပါတယ်။ ဒါ့အပြင် နိုင်ငံတကာက လူသားချင်း စာနာကူညီရေးဝန်ထမ်းတွေ ဘာအနှောက်အယှက်မှ မရှိပဲ ဆိုက်ကလုံးသင့် ဒေသတွေကို သွားနိုင်မယ်လို့ ကုလသမဂ္ဂ အတွင်းရေးမှုးချုပ် ဘန်ကီမွန်းကို ပေးထားတဲ့ ကတိက၀တ်ကိုလည်း လေးစားလိုက်နာဖို့ မြန်မာ အစိုးရကို တိုက်တွန်းပါတယ်။
မုန်တိုင်း ဒုက္ခသည်တွေကို အတင်းအကြပ်နေရပ်ပြောင်းရွှေ့ခိုင်းတာတွေ၊ ဒုက္ခသည်တွေအတွက် အထောက်အပံ့အကူအညီ လုံလုံလောက်လောက် မရှိတာတွေတွေအတွက် အမေရိကန် ပြည်ထောင်စု အနေနဲ့ စိုးရိမ်မိပါတယ်။”
တချိန်တည်းမှာပဲ မြန်မာနိုင်ငံ ဒီမိုကရေစီ အသွင်ကူးပြောင်းရေးအတွက် တွေ့ဆုံ ဆွေးနွေး အဖြေရှာရေးကိုလည်း အမေရိကန် ပြည်ထောင်စုအနေနဲ့ ဆက်ပြီး တွန်းအားပေးသွားမယ်လို့ နိုင်ငံခြားရေး ဌာနက ထုတ်ပြန်ခဲ့ပါတယ်။
“ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံးကို ပြန်လွှတ်ပေးဖို့နဲ့ ဒီမိုကရေစီ အသွင်ကူးပြောင်းရေးအတွက် ဒီမိုကရေစီနဲ့ တိုင်းရင်းသား ခေါင်းဆောင်တွေနဲ့ စစ်မှန်တဲ့ တွေ့ဆုံ ဆွေးနွေးမှုတွေ စတင်ဖို့ မြန်မာ စစ်အစိုးရကို အမေရိကန် ပြည်ထောင်စုက ဆက်ပြီး တွန်းအားပေးနေပါတယ်။”
အမေရိကန် နိုင်ငံခြားရေးဌာန ပြောခွင့်ရသူ ထုတ်ပြန်ချက်ကို နိုင်ငံခြားရေးဌာန အရာရှိတဦး ဖတ်ပြခဲ့တာပါ။
Rest of your post
ဗီယက်နမ်လို မြန်မာ ဘာကြောင့် မတိုးတက်သလဲ
11 June 2008
ကွယ်လွန်သွားခဲ့တဲ့ ဗီယက်နမ် ၀န်ကြီးချုပ်ဟောင်း ဘိုဗန်ကီယက်က ဗီယက်နမ်ကို စီးပွားရေး ဖွင့်ဖြိုးတိုးတက်မှု လမ်းကြောင်းပေါ်ရောက်အောင် ဆောင်ရွက်နေချိန် မြန်မာနိုင်ငံမှာလည်း လွတ်လပ်တဲ့ စီးပွားရေး ဈေးကွက်စနစ်ကို စတင်ခဲ့တာပါ။ ဗီယက်နမ်မှာကျတော့ မြန်မြန်ဆန်ဆန် တိုးတက်လာပေမယ့် မြန်မာနိုင်ငံမှာတော့ ဘာကြောင့် မတိုးတက်သလဲနဲ့ ပတ်သက်ပြီး ဦးကျော်ဇံသာက သုံးသပ်ပြထားပါတယ်။
ဆက်ဖတ်ရန် အပြည့်အစုံ ကို Click နှိပ်ပါ။
ပထမဦးဆုံးကတော့ စိတ်ဓာတ်ဖြစ်ပါတယ်။ ဗီယက်နမ် လူမျိုးတွေဟာ သိပ်ကို ရန်ညိုးဖွဲ့ပြီးတော့ စွဲမြဲထားတတ်တဲ့ သူတွေ မဟုတ်ပါဘူး။ မြန်မာနိုင်ငံမှာဆိုရင် နယ်ချဲ့ ဗြိတိသျှအုပ်စိုးခဲ့တာ လွန်ခဲ့တဲ့ နှစ်ပေါင်း ၆၀ကျော်လောက်ကတည်းက ကုန်ဆုံးသွားခဲ့ပါပြီ။ အခုထိ နယ်ချဲ့ ဗြိတိသျှကို ဗမာ အာဏာပိုင်တွေ အထူးသဖြင့် ရန်ညိုးဖွဲ့ပြီး တိုက်ခိုက်နေဆဲဖြစ်ပါတယ်။ ဗီယက်နမ်မှာ နှစ်ပေါင်းလေးဆယ်လောက်တွင်းက သူတို့ကို ဗုံးကြဲပြီးတော့ တတိုင်းပြည်လုံး ဖွတ်ဖွတ်ညက်ညက် ကြေစေခဲ့တဲ့ အမေရိကန်ကို သူတို့ ရန်သူလို သဘောမထားပါဘူး။ အခု အမေရိကန်နဲ့ပဲ ပြန်လက်တွဲပြီးတော့ စီးပွားရေး လုပ်နေပါတယ်။ အလားတူစွာပဲ တရုတ်နိုင်ငံဆိုရင် ဗီယက်နမ်ကို နှစ်ပေါင်းတထောင်နီးပါး လွှမ်းမိုးဖို့ ကြိုးပမ်းခဲ့တာ ဖြစ်ပါတယ်။ ၁၉၇၀ကျော်ကျော် လောက်မှာလည်း ကျူးကျော်ပြီးတော့ စစ်တိုက်ခဲ့ပါသေးတယ်။ ဒါပေမဲ့ ဗီယက်နမ်တွေဟာ တရုတ်ကို ရန်သူလို သဘောမထားဘူး။ စီးပွားရေး လုပ်ဖော်ကိုင်ဘက် အဖြစ် ရင်းရင်းနှီးနှီး ဆက်ဆံပါတယ်။ ဥပမာ ဗမာဆိုရင် ထိုင်းနိုင်ငံကို တကယ်တော့ သူတို့ကပဲ နိုင်နေ ခဲ့တာ။ ဒါပေမဲ့ ထိုင်းကို အခုထိရန်သူလို သဘောထားတယ်။ ထိုင်း ယဉ်ကျေးမှုအရ လက်အုပ်ချီ ပြီးတော့ အပြန်အလှန် ရှိခိုးတာတောင် ထိုင်းဘက်ကသာ ရှိခိုးတယ် ဗမာဘက်က အာဏာပိုင် အသိုင်းအ၀ိုင်းတွေမှာ တခါမှ ပြန်ရှိခိုးတာ မတွေ့ရပါဘူး။ ဒီလို စိတ်ဓာတ်မျိုး ဗီယက်နမ်မှာ မရှိပါဘူး။
ဒုတိယ အရေးကြီးတဲ့ အချက်တခုကတော့ ဗီယက်နမ် ခေါင်းဆောင်တွေဟာ အရပ်သားတွေ ဖြစ်ပါတယ်။ ကွန်မြူနစ်ပါတီဝင်တွေဟာ စစ်သားတွေ မဟုတ်ပါဘူး။ ဒါကြောင့် ဗမာ စစ်ဗိုလ်တွေ ကြည့်သလို အရာရာကို စစ်ရေး ရှုထောင့်က မကြည့်ပါဘူး။ စစ်ရဟတ်ယာဉ်ပဲလာလာ၊ ဘယ် လေယာဉ်လာလာ၊ စစ်သင်္ဘောလာလာ သူတို့မှာ ကူညီမယ် ဆက်ဆံရေး လုပ်မယ်ဆိုရင် ရင်းရင်းနှီးနှီး ပွင့်ပွင့်လင်းလင်း လက်ခံပါတယ်။
နောက်တခုကတော့ အမျိုးသား ပြန်လည်သင့်မြတ်ရေးကို ဗီယက်နမ် အကောင်အထည်ဖော်တာ သိပ်အံ့သြဖို့ကောင်းပါတယ်။ အတိုက်အခံ ပါတီမရှိပေမယ့် တောင်ပိုင်းနဲ့ မြောက်ပိုင်းအကြား လွတ်လပ်ရေး ရပြီးနောက်ပိုင်းမှာ အမျိုးသား ပြန်လည်သင့်မြတ်ရေး မရှိခဲ့ပါဘူး။ ဘာကြောင့်လည်း ဆိုတော့ တောင်ပိုင်းဟာ အမေရိကန်နဲ့ နီးစပ်တယ်။ မြောက်ပိုင်းက ကွန်မြူနစ်တွေ ဖြစ်တယ်။ နှစ်တော်တော်များများ တောင်ပိုင်းသားတွေကို နေရာမပေးဘူး။ အခုအခါမှာ ပေါ်လစ်ဗျူရို နေရာမျိုးမှာ တောင်ပိုင်းသားတွေကို နေရာပေးတဲ့အတွက် တောင်ပိုင်း၊ မြောက်ပိုင်း အမျိုးသား ပြန်လည်သင့်မြတ်ရေး ပြဿနာဟာ ပြေလည်သွားပြီ ဖြစ်ပါတယ်။
နောက်ဆုံးတခုကတော့ လူဦးရေနဲ့ ပတ်သက်ပါတယ်။ ဗီယက်နမ်နိုင်ငံမှာ လူဦးရေရဲ့ ၇၀ရာခိုင်နှုန်း ကျော်ကျော်ဟာ အသက်သုံးဆယ်အောက် လူငယ်တွေချည်းပဲ ဖြစ်ပါတယ်။ ဆိုတော့ အစိုးရက စစ်မှန်တဲ့ မူဝါဒလမ်းစဉ်တွေနဲ့ လမ်းဖွင့်ပေးတော့ လူငယ်တွေဟာ အားသစ် မာန်သစ်နဲ့ တက်တက်ကြွကြွ ကြိုးစားတာကို ကြည့်ရပါတယ်။
ဒါတွေဟာ အဓိကအားဖြင့် မြန်မာနိုင်ငံ မဖွင့်ဖြိုး၊ ဈေးကွက် စီးပွားရေး စနစ်ကို ကျင့်သုံးတယ် ဆိုပေမယ့် တကယ်ဖွင့်ဖြိုးချင်း၊ ပြုပြင် ပြောင်းလဲချင်းမရှိဘဲနဲ့ ဗီယက်နမ်ကျတော့ တကယ် ပြုပြင်ပြောင်းလဲတဲ့အတွက် တိုးတက်သွားတယ်လို့ ဆိုရပါမယ်။
