မန္တလေးထောင်အတွင်း နိုင်ငံရေးအကျဉ်းသားတဦး သေဆုံး

ကိုစိုး ဇူလိုင် ၂၁၊ ၂၀၀၈

စစ်အစိုးရ မန္တလေး အကျဉ်းထောင်အတွင်း ဇူလိုင်လ ၁၈ ရက်နေ့က အသက် (၄၆)နှစ်ရှိ နိုင်ငံရေးအကျဉ်းသား ကိုခင်မောင်တင့် (ခ) ထိပ်တင်မောင်မောင်ရာပြည့်(ခ) ကိုရာပြည့်သည် တီဘီရောဂါဖြင့် သေဆုံးခဲ့ကြောင်း သိရသည်။ ဆက်ဖတ်ရန် အပြည့်အစုံ ကို Click နှိပ်ပါ။
၎င်း ကိုခင်မောင်တင့်သည် အကျဉ်းထောင်တွင်း၌ ကျန်းမာရေး ဆိုးရွားနေချိန်တွင် ဆေးဝါးကုသခွင့် ထိရောက်စွာ မရရှိ သောကြောင့် ယခုကဲ့သို့ သေဆုံးရခြင်းဖြစ်သည်ဟု ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီ စောင့်ရှောက် ရေးအသင်း(AAPP) အထွေထွေအတွင်းရေးမှူး ဦးတိတ်နိုင်က ပြောသည်။

“သူက အဲဒီရောဂါ ဖြစ်နေတာ နည်းနည်းကြာပြီလို့ သိရတယ်၊ အဓိကက လုံးဝဆေးဝါးကုသခွင့်မရတဲ့ ပုံစံမျိုး ဖြစ်တာ၊ သူ့မိသားစုကလည်း သိပ်နားမလည်ဘူး၊ အခုဆုံးတဲ့အခါ ကြတော့မှ သွားတွေ့ရတာ”ဟု ဦးတိတ်နိုင်က ပြော ဆိုသည်။

အဆိုပါ ကိုခင်မောင်တင့်မှာ ၁၉၈၈ ခုနှစ် ဒီမိုကရေစီ အရေးတော်ပုံမှ စတင်၍ စစ်အာဏာရှင်စနစ် ဆန့်ကျင်ရေးနှင့် ဒီမိုကရေစီရေး လှုပ်ရှားမှုများတွင် ပါဝင်ခဲ့သူဖြစ်ကြောင်း သိရသည်။

၎င်းသည် ၁၉၈၈ ခုနှစ် စစ်တပ်က အာဏာသိမ်းပြီးနောက် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) (မြောက်ပိုင်း) နှင့် ဆက်သွယ်လှုပ်ရှားခဲ့ကြောင်း၊ ထို့နောက် ယင်း ABSDF စခန်းမှ မြန်မာနိုင်ငံတွင်းသို့ ပြန်လည် ရောက်ရှိလာကာ ဒီမုကရေစီရေးနှင့် လူ့အခွင့်အရေးတို့ အတွက် လုပ်ကိုင်နေရင်း ၁၉၉၈ ခုနှစ်တွင် စစ်အစိုးရ၏ ထပ်မံ ဖမ်းဆီးခြင်းခံခဲ့ရပြီး ပုဒ်မ ၁၂၄ ဖြင့် ထောင်ဒဏ် အနှစ် ၂၀ ချမှတ်ခံခဲ့ရသူ ဖြစ်ကြောင်း ယမန်နေ့ က ထုတ်ပြန်သည့် AAPP ၏ ကြေညာချက်တွင်လည်း ဖော်ပြထားသည်။

ဇွန်လ ၃ ရက်နေ့ကလည်း သာယာဝတီထောင်တွင် နိုင်ငံရေးအကျဉ်းသား ကိုဝင်းတင် သေဆုံးခဲ့ပြီး ယခု ကိုခင်မောင်တင့် အပါအ၀င် ၂၀၀၈ ခုနှစ်အတွင်း အကျဉ်းထောင်တွင်း၌ သေဆုံးသည့် နိုင်ငံရေးအကျဉ်းသား ၂ ဦး ရှိပြီ ဖြစ်ကြောင်းနှင့် ၁၉၈၈ ခုနှစ်မှ ယနေ့အထိသေဆုံးခဲ့သည့် နိုင်ငံရေးအကျဉ်းသားပေါင်း ၁၃၇ ဦး ရှိကြောင်း ဦးတိတ်နိုင်က ပြောပြသည်။

တချိန်တည်းတွင်ပင် ၆၁ နှစ်မြောက် အာဇာနည်နေ့ မတိုင်မီ ဇူလိုင် ၁၇ ရက်နေ့ကစတင်၍ ၂ ရက်ဆက်ကာ အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) အဖွဲ့ဝင် ၇ ဦးကို စစ်အာဏာပိုင်များက အကြောင်း ပြချက်မပေး ဘဲ ဖမ်းဆီးခဲ့ပြီး အာဇာနည်နေ့ ညနေပိုင်းနှင့် တနင်္ဂနွေနေ့ တို့တွင်မှ ပြန်လည်လွှတ်ပေးခဲ့ကြောင်း အန်အယ်လ်ဒီ ပြောခွင့်ရ ပုဂ္ဂိုလ် ဦးဥာဏ်ဝင်းကလည်း ပြောသည်။

ယင်းသို့ ဖမ်းဆီးခံရသူများတွင် ၂၀၀၅ ခုနှစ် ဖေဖော်ဝါရီ ၁၃ ရက် ဗိုလ်ချုပ်အောင်ဆန်းမွေးနေ့က ဗိုလ်ချုပ် အောင်ဆန်း ဓာတ်ပုံကို အလေးပြုသည့်အတွက် ထောင် ၃ နှစ် ချမှတ်ခံရသော တွံတေးမြို့မှ ကျူရှင်ဆရာ ဦးအောင်ဖေသည်လည်း ပြီးခဲ့သည့် အာဇာနည်နေ့ မတိုင်မီ သောကြာနေ့ညက ထပ်မံဖမ်းဆီးခံခဲ့ရကြောင်း သိရ သည်။

“အဲဒီ ဆရာ ဦးအောင်ဖေလည်း ပြန်လွတ်လာပါပြီ၊ ကျနော် သိသလောက် ၁၉ ရက်နေ့ ညနေက ၃ ဦး၊ နောက် ရက် မှာ ၄ ဦး ပြန်လွတ်လာပါတယ်၊ အားလုံးပြန်လွှတ်ပေးလိုက်ပါတယ်”ဟု ဦးဥာဏ်ဝင်းက ပြောသည်။

စစ်အစိုးရ အကျဉ်းထောင်များအတွင်း ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသားပေါင်း ယနေ့ အထိ ၂၀၅၂ ဦး ရှိပြီဖြစ်ကြောင်း AAPP ၏ ပြောဆိုချက်အရ သိရသည်။