NEJ/ ၂၂ ဇူလိုင် ၂၀၀၈နာဂစ်ရန်ပုံငွေအတွက် မြန်မာကာတွန်းဆရာများ၏ “မုန်တိုင်းမှ နိုးထခြင်း” အမည်ရှိ ကာတွန်းပြပွဲ ကို ယနေ့နံနက်ပိုင်းတွင် ရန်ကုန်မြို့ ပန်းဆိုးတန်းရှိ လောကနတ် ပန်းချီခန်းမတွင် ပြသသည်။
ပန်းချီကားပေါင်း (၁၄၆) ကားကို ပန်းချီဆရာ (၆၄) ဦးက ရေးဆွဲကာ နာဂစ်မုန်တိုင်း ဒုက္ခသည်များ အတွက် ရည်ရွယ်၍ ပထမဦးဆုံး ကျင်းပသည့် ကာတွန်းပြပွဲဖြစ်သည်။ ဆက်ဖတ်ရန် အပြည့်အစုံ ကို Click နှိပ်ပါ။
ပါဝင်ပြသကြသည့် ကာတွန်းဆရာများမှာ နာမည်ကြီး ကာတွန်းဆရာ အော်ပီကျယ်၊ ကိုရွှေထူး (ပြည်) ကာတွန်းမြင့်သိန်း၊ ရွှေမင်းသား၊ စိုးသော်တာ၊ ကာတွန်းလှဖေ၊ အောက်တိုဘာအောင်ကြီး၊ အကိန်း၊ ဖေသစ်တည်၊ ညီပုချေ၊ အောင်ဌေးမင်း၊ အောင်မင်းမင်း၊ နောက်နောက်၊ မောင်နန္ဒ၊ မောင်တင်ယု စသူတို့ ပါဝင်ကြသည်။
ကာတွန်းဆရာတဦးလျှင် ကာတွန်း (၃) ခုထိ ပါဝင်ပြသခွင့်ရပြီး ကာတွန်းများကို စစ်ဆေးရေး အဖွဲ့က လာရောက်စစ်ဆေးသည်။
ကာတွန်းဆရာ ညီပုချေ၏ “ပြီးစလွယ်” ကာတွန်းကား၊ ဆရာအောင်ကောင်း၏ “ရုက္ခစိုး”၊ ဆရာ အောက်တိုဘာအောင်ကြီး၏ “ကံကောင်းခြင်းလက်ဆောင်”၊ ဆရာဝင်းအောင်၏ “လောကကိုအလှ ဆင်မယ်” စုစုပေါင်း ကာတွန်း (၄) ကားကို အားလုံးပြသရန် နံရံတွင် ကပ်ထားပြီးမှ ကာတွန်း စိစစ်ရေးက ပြသခွင့်မပြုဘဲ ပြန်ဖြုတ်ခိုင်းခဲ့သည်။
ပြပွဲလာသူ စာရေးဆရာ မောင်ဝံသက “ ဘ၀မုန်တိုင်း၊ လောကဓံမုန်တိုင်း၊ နိုင်ငံရေးမုန်တိုင်းတွေ ရှိတယ်။ မြန်မာကာတွန်းဆရာတွေက ပြည်သူတွေကို တင်ပြတဲ့အခါ မေတ္တာ၊ ဂရုဏာ၊ စေတနာ တွေနဲ့ တင်ပြတာရှိတယ်၊ အခုနာဂစ်နဲ့ ပတ်သက်ပြီး ကာတွန်းမှာ အဲဒီလို တင်ပြမှုတွေအပြင်
ဝိညာဉ်တွေက မုန်တိုင်းလာမယ်ဆိုတာကို သိတယ်။ ဒါပေမယ့် ဘယ်လောက်ပြင်းမယ်ဆိုတာ၊ ဘယ်လိုကာကွယ်ရမယ်ဆိုတာ မသိခဲ့ဘူးဆိုတဲ့ ကာတွန်းတွေ၊ သစ်ပင်တွေကို ၀ိသမလောဘနဲ့ ခုတ်ရောင်း၊ စီးပွားရှာ၊ တဖက်နိုင်ငံကို ရောင်းလို့ ရာသီဥတုဖောက်ပြန်တဲ့အတွက် နာဂစ်တိုက်တာ ဆိုတာမျိုး၊ ဒီရေတောတွေ ပြုန်းတီးမှုပုံရိပ်တွေ၊ ပြန်လည်ထူထောင်ရေး လုပ်တဲ့အခါ ဖြတ်စား၊ လာဘ်စားလုပ်တာတွေ စသဖြင့် အားလုံးကို တင်ပြထားတာ တွေ့ရတယ်။ ဒါဟာ မြန်မာ ကာတွန်းဆရာတွေရဲ့ အနုပညာ အစွမ်းတွေပါ” ဟု ပြောသည်။
ကာတွန်းအားလုံးကို လာကြည့်သူတိုင်းက စိတ်ဝင်စား ကြိုက်နှစ်သက်ကြပြီး “အော်ပီကျယ်ရဲ့ ကာတွန်းမှာ မုန်တိုင်းတိုက်လို့ အားလုံးလွင့်ပြီးကုန်နေတာတောင် ထိုင်ခုံပျောက်မှာစိုးလို့ လက်နဲ့ အတင်းဖိထားတာ လူတိုင်းကြိုက်တယ်” ဟု ပြပွဲလာသူတဦးက ပြောသည်။
ကာတွန်းတကားလျှင် ကျပ်(၅,၀၀၀) မှ ကျပ် (၅၀,၀၀၀) ထိရောင်း ပြီး ယနေ့စတင်ပြသည့် မွန်းလွဲ ပိုင်းအထိ (၁၀) ကားခန့် ရောင်းရပြီး ပြပွဲကို ဇူလိုင် (၂၂) ရက်မှ (၂၆) ရက်အထိ ပြသသွားမည် ဖြစ်သည်။ ကာတွန်းပြပွဲကို Ecovision ဂျာနယ်က တာဝန်ယူ ဆောင်ရွက်ပြီး ကာတွန်းရောင်းရ ငွေများကို နာဂစ်မုန်တိုင်းရန်ပုံငွေအဖြစ် လှူဒါန်းသွားမည်ဖြစ်သည်။ ။
No comments:
Post a Comment