NEJ/ ၂၁ ဇူလိုင် ၂၀၀၈
လပွတ္တာမြို့ (၃) မိုင်နှင့် (၅) မိုင် ကယ်ဆယ်ရေး စခန်းများတွင် ခိုလှုံနေကြသည့် မုန်တိုင်း ဒုက္ခ သည်များကို သက်ဆိုင်ရာ ကျေးရွာများသို့ ရွှေ့ပြောင်းနေကြောင်း မျက်မြင်တွေ့ကြရသည့် လပွတ္တာ မြို့ခံများက ပြောပြကြသည်။ ဆက်ဖတ်ရန် အပြည့်အစုံ ကို Click နှိပ်ပါ။
မြို့ခံတဦးက “ကျနော် ဇူလိုင် (၂၀) နေ့လယ် (၁၁) နာရီလောက်က သင်္ဘောဆိပ်ကို ရောက်သွား တယ်။ အဲဒီမှာ မုန်တိုင်းဒုက္ခသည်တွေကို သူတို့ မူရင်းကျေးရွာတွေကို သင်္ဘော (၄) စီးနဲ့ ပြန်ပို့ဖို့ စီစဉ်နေတာကို တွေ့ရတယ်” ဟု ပြောသည်။
ပြန်ပို့မည့်အချိန်၌ မိုးသည်းထန်စွာ ရွာနေသည့်အတွက် လမ်းခရီး လုံခြုံစိတ်ချရမှု ရှိမရှိ မပြောနိုင် ကြောင်း၊ လေဘေးသင့်ပြည်သူများကို ကြည့်ရသည်မှာ စိတ်မချမ်းသာစရာ အလွန်ကောင်းပြီး သင်္ဘောဆိပ်ခံ၌ပင် အာဏာပိုင်များက ပန်းကန်ခွက်ယောက်နှင့် မားမားခေါက်ဆွဲထုတ်၊ ဆန် အပါအ၀င် (၂) ပတ်စာ ရိက္ခာ ဝေပေးနေကြောင်း၊ ပြန်ပို့မည့် သင်္ဘောများမှာ ငါးဖမ်းလှေများ ဖြစ်ကြောင်း အဆိုပါ မြို့ခံက ပြောသည်။
အဆိုပါ မုန်တိုင်းဒုက္ခသည်များထဲမှ လွှစာကျေးရွာကို ပြန်မည့် လူတဦးက ၎င်းတို့အနေဖြင့် မပြန် ချင်သော်လည်း ကယ်ဆယ်ရေးစခန်းကို ပိတ်သိမ်းတော့မည်ဖြစ်၍ မဖြစ်မနေ ပြန်ကြရကြောင်း၊ ၎င်းတို့ ပြန်ရမည့် ရပ်ရွာတွင် နေစရာ အိမ်အဆင်သင့် မရှိသည့်အတွက် မည်သို့ နေထိုင် ရမည်ကို မသိရသေးကြောင်း ပြောသည်။
ဒုက္ခသည်များကိုပြန်ပို့သည့် သင်္ဘောဆိပ်တွင် ကမ္ဘာ့ကုလသမဂ္ဂ စားနပ်ရိက္ခာအစီအစဉ်မှ တာဝန် ရှိသူ နိုင်ငံခြားသားဝန်ထမ်းကိုလည်းတွေ့မြင်ရပြီး ၎င်းတို့လည်း ကြည့်ရှုနေကြကြောင်း၊ ယခုကဲ့သို့ စခန်းမှ နေရင်းပြန်ခိုင်းခြင်းကို ဇူလိုင် (၁၉) ရက်မှ စတင်ပြီး လာမည့် ဇူလိုင် (၂၅) ရက်၌ အပြီး ပြောင်းရွှေ့ရမည်ဖြစ်ကြောင်း သိရသည်။
အဆိုပါ လပွတ္တာမြို့ (၃) မိုင်နှင့် (၅) မိုင် ကယ်ဆယ်ရေးစခန်းများသည် မုန်တိုင်းတိုက်ပြီး တပတ် ခန့်အကြာမှ နိုင်ငံတကာက အကူအညီပေးသည့် ရွက်ဖျက်တဲများကို မက်စ်မြန်မာကုမ္ပဏီက တည်ဆောက်ပေးပြီးနောက် လပွတ္တာမြို့ ဘုရားကြီးဝင်းနှင့် ဘုန်းတော်ကြီးကျောင်းများ၌ ခိုလှုံ နေသည့် မုန်တိုင်းဒုက္ခသည်များကို ဘတ်စ်ကားများဖြင့် ရွှေ့ပြောင်းခဲ့ခြင်းဖြစ်သည်။ အဆိုပါ မုန်တိုင်းဒုက္ခသည်စခန်းကို စစ်အစိုးရ ထိပ်ပိုင်းခေါင်းဆောင်များ၊ နိုင်ငံခြားသား တာဝန်ရှိသူများ သွားရောက်လေ့ရှိသည့် စခန်းတခုဖြစ်သည်။ ။
Tuesday, July 22, 2008
လပွတ္တာကယ်ဆယ်ရေးစခန်းမှ မုန်တိုင်းဒုက္ခသည်များ အဓမ္မရွှေ့ပြောင်းခံရ
ကရင်ဒုက္ခသည်များအား နှင်ထုတ်သည့် ထိုင်းအစိုးရကို လူ့အခွင့်အရေးအဖွဲ့ ရှုတ်ချ
ဇူလိုင် (၁၇) ရက် နံနက်က မြန်မာဘက်ခြမ်းသို့ ပြန်ပို့ခံရသူ ကရင်ဒုက္ခသည်များ
NEJ/ ၂၁ ဇူလိုင် ၂၀၀၈
ထိုင်း-မြန်မာနယ်စပ် မယ်ဟောင်ဆောင်ခရိုင်အတွင်းရှိ မယ်ရာမို ကရင်ဒုက္ခသည်စခန်းမှ ကရင် ဒုက္ခသည် (၄၄) ဦးကို နှင်ထုတ်သည့်အတွက် ထိုင်းအစိုးရကို လူ့အခွင့်အရေးအဖွဲ့က ပြစ်တင် ရှုတ်ချလိုက်သည်။ ဆက်ဖတ်ရန် အပြည့်အစုံ ကို Click နှိပ်ပါ။
လွန်ခဲ့သည့် (၄) လကျော်က တောင်ငူနှင့် ညောင်လေးပင်ခရိုင်မှ ရောက်ရှိလာသူ ကရင်ဒုက္ခသည် (၄၄) ဦးအား ထိုင်းအာဏာပိုင်များက မြန်မာဘက်ခြမ်းသို့ စက်လှေ (၃) စီးဖြင့် ဇူလိုင် (၁၇) နံနက် ပိုင်းက ပြန်ပို့ပြီးနောက်ပိုင်း အမေရိကန်နိုင်ငံ နယူးယော့ခ်အခြေစိုက် လူ့အခွင့်အရေးအဖွဲ့မှ ယခု ကဲ့သို့ ရှုတ်ချလိုက်ခြင်းဖြစ်သည်။
အဆိုပါကိစ္စနှင့် ပတ်သက်၍ ကရင်ဒုက္ခသည်ကော်မီတီ KRC ဥက္ကဋ္ဌ စောရောဘတ်ထွေးက “ဒီလူ တွေက ပြီးခဲ့တဲ့ မတ်၊ ဧပြီက ရောက်လာတော့ စခန်းမှာက လူသစ်တွေကို လုံးဝလက်မခံတော့ ဘူးလို့ သိရတယ်။ ဒါကြောင့် သူတို့ကို ပြန်ပို့လိုက်တာဖြစ်တယ်။ မယ်ရာမိုစခန်းမှာ ဒုက္ခသည် လူသစ်တွေကို အသိအမှတ်ပြု မှတ်ပုံတင် လုပ်ပေးတာက ၂၀၀၅ ခုနှစ် နောက်ဆုံးပဲ” ဟု ခေတ်ပြိုင် သို့ပြောသည်။
ပြန်ပို့ခံရသူများအတွက် လိုက်လံကူညီဆောင်ရွက်ပေးသူ ကရင်အမျိုးသမီးအစည်းအရုံး (KWO) မှ တွဲ ဖက်အတွင်းရေးမှူး နော်ဘလူးမင်းနိုက်ဇန်က “အခုလို စခန်းထဲရောက်လာပြီးမှ ပြန်ပို့ခံရတာ ဟာ ပထမဆုံးဖြစ်ရပ်ပဲ။ ၂၀၀၅ ခုနှစ် နောက်ဆုံးမှတ်ပုံတင်အပြီးမှာ၂၀၀၆-၂၀၀၇ ထပ်ရောက်လာ တဲ့လူတွေကို စခန်းက လက်ခံထားသလိုပဲ သူတို့ကို လက်ခံသင့်တယ်။ သူတို့ဟာ တကယ်စစ် ဘေးဒဏ်ခံနေရတဲ့ဒေသက လူတွေဖြစ်တယ်။ ဒါကြောင့် ထိုင်းအာဏာပိုင်တွေကို လူသားချင်း စာနာမှု ရှုထောင့်ကနေ စဉ်းစားစေချင်တယ်” ဟု ပြောသည်။
ပြန်ပို့မည့် လူစာရင်းမှာ (၅၈) ဦး ဖြစ်သော်လည်း ကျန်းမာရေး မကောင်းသူများအား လောလော ဆယ် မပို့သေးဘဲ ကျန် (၄၄) ဦးကို မြန်မာဘက်ခြမ်းရှိ ကေအန်ယူ ထိန်းချုပ်နယ်မြေရှိရာ သံလွင် မြစ်တဖက်ကမ်း အီတူးထာ ဒုက္ခသည်စခန်းသို့ ထိုင်းအာဏာပိုင်များက နှင်ထုတ်ခဲ့ခြင်းဖြစ်သည်။ မြန်မာဘက်ခြမ်းရှိ အီတူးထာ ဒုက္ခသည်စခန်းသည် မယ်လာမို ဒုက္ခသည်စခန်းမှ ရေဆန်အတိုင်း စက်လှေဖြင့်သွားပါက (၄) နာရီကျော်ခန့် ကြာမြင့်သည်။
မယ်လဒုက္ခသည်စခန်းမှ ဒုက္ခသည်တဦးဖြစ်သူ စောကညောကလည်း “အခု ကြားရတဲ့ မယ်လာ မိုကိစ္စ ဒါလုံးဝ နည်းလမ်းမကျဘူး။ ကရင်ဒုက္ခသည်စခန်း (၇) ခု ရှိတဲ့အထဲမှာ တချို့ဆိုရင် နိုင်ငံ ခြားသွားရဖို့ ငွေပေးပြီး စခန်းထဲ လာဝင်နေတာ ရှိတယ်။ လူစားထိုးပြီး သွားတာတွေ နည်းလမ်း အမျိုးမျိုးနဲ့ ဒုက္ခသည် အသိအမှတ်ပြု လက်မှတ်ရအောင် လုပ်နေကြတာတွေ အများကြီးရှိတယ်။ ကျနော်တို့ဆီမှာဆိုရင် ဒီလိုကိစ္စ ပြဿနာဖြစ်လို့ ရုံးရောက် ဘာရောက်နဲ့ ဖြေရှင်းရတာတွေ အများ ကြီးပဲ။ ပြီးခဲ့တဲ့လက ဒုက္ခသည် အစစ်အမှန်တွေကို စခန်းက ရိက္ခာမပေးလို့ မဲဆောက် ယူအန်ရုံး အထိ သွားပြီး ဆန္ဒပြတာဖြစ်ခဲ့တယ်။ စခန်းတိုင်းမှာ အစစ်နဲ့ အတုရှိတယ်။ အတုက စာရင်းဝင်ပြီး ရိက္ခာရတယ်၊ နိုင်ငံခြားသွားရတယ်။ အစစ်ကတော့ ရိက္ခာမရတဲ့အပြင် မြန်မာပြည်ဘက် အခုလို ပြန်ပို့ခံရတာတွေရှိတယ်။ အာဏာပိုင်တွေအနေနဲ့ သေသေချာချာ စိစစ်ပြီးမှ ဟုတ်မဟုတ် ဆုံးဖြတ် စေချင်တယ်” ဟု ပြောသည်။
ထိုင်း-မြန်မာနယ်စပ်တလျှောက်တွင် မယ်လာအူး၊ မယ်လာမို၊ မယ်လ၊ အုန်းဖျံ၊ နို့ဖိုး၊ ဘန်းတုံယမ်း နှင့် ထမ်းဟင်အပါအ၀င် ကရင်ဒုက္ခသည်စခန်း (၇) ခု ရှိသည်။ မယ်လာမိုစခန်းသည် မယ်ဟောင် ဆောင်ခရိုင်၊ မယ်စရီးယမ်းမြို့နယ် သံလွင်မြစ်ကမ်းဘေးတွင် တည်ရှိသည်။ ။
ကဏန်းရန်ကြောင့် လယ်သမားများ စပါးပျိုးမအောင်မြင်
NEJ/ ၂၁ ဇူလိုင် ၂၀၀၈
ဖျာပုံခရိုင် ဒေးဒရဲမြို့နယ်အတွင်းမှ ရွာများရှိ လယ်မြေများတွင် ပျိုးကြဲထားသည့် မျိုးစပါးများကို ပင်လယ်ကဏန်းများ ဖျက်ဆီးသဖြင့် ပျိုးမအောင် ဖြစ်ကြရကြောင်း ဒေသခံရွာသားများက ပြောသည်။ ဆက်ဖတ်ရန် အပြည့်အစုံ ကို Click နှိပ်ပါ။
“ဒေသအခေါ် ပဲလှော်လို့ခေါ်တဲ့ ပင်လယ်ကဏန်းတွေက စပါးစေ့တွေကို လက်မနဲ့ ပိုင်းပြီး ဖျက် တယ်လေ၊ စပါးစေ့တွေ ကြဲထားသလောက် အပင်မပေါက် ဖြစ်ရတယ်၊ ဒါကြောင့် မျိုးမအောင် ဖြစ်ရတယ်။ ဒီကဏန်းတွေက မုန်တိုင်းကာလမှာ ပင်လယ်ရေနဲ့ ပါလာတာတွေ၊ နှိမ်နင်းလို့ မရလို့ ခက်နေတယ်” ဟု ဒေးဒရဲမြို့နယ်မှ ရွာသားတဦးက ပြောသည်။
နာဂစ်မုန်တိုင်းကြောင့် စပါးများ ရေစိုပျက်စီးကုန်သဖြင့် လယ်မြေ ထွန်ယက်စိုက်ပျိုးရန် မျိုးစပါး မရှိသည့် အခက်အခဲ၊ ကျွဲနှင့် လယ်ထွန်စက်များ မလုံလောက်မှု အခက်အခဲများကြားမှ ငွေကြေး တတ်နိုင်သူ လယ်သမားအချို့ မျိုးစပါးဝယ်ကာ ပျိုးကြဲထားသည့် လယ်များတွင် ကဏန်းများ ဖျက်ဆီး၍ မျိုးမအောင် ဖြစ်နေရသည်ဟု ဒေသခံများက ပြောသည်။
ထိုကြောင့် လယ်သမားများ၏ စပါးစိုက်ပျိုးမှုနှင့် စပါးထွက်ရှိမှုမှာ လက်ရှိလုပ်နေရသည့် အခြေ အနေမှာပင် ထွက်ရှိမှု အဆင်ပြေနိုင် မပြေနိုင်၊ ထွက်နှုန်း ကောင်းမကောင်းဆိုသည်မှာ မသေချာ မရေရာ ဖြစ်နေသည်။
ဒေးဒရဲမြို့နယ်အတွင်းမှ မျိုးစပါးများ ကဏန်းဖျက်ဆီးခံရသည့် ရွာများမှာ မငဲကြီး၊ ကံစု၊ မကျည်း ကန်၊ ဘုရားလေး၊ ဖိုးချမ်းကြီး စသည့်ရွာအများစု ပါဝင်သည်။ အဆိုပါ ကျေးရွာများမှ လယ်သမား တဦးလျှင် လယ် (၁၀) ဧကမှ ဧက (၅၀) အထိ ပိုင်ဆိုင်သူများ ရှိသည်။
“ကဏန်းညှပ်လို့ ကုန်သွားတဲ့ မျိုးစပါးတွေနေရာမှာ ခုနေခါ အစားထိုးကြဲရင် အချိန်နောက်ကျ နေပြီ။ နောက်ကျပါစေ ကြဲမယ်ဆိုပြန်တော့လည်း မျိုးစပါးက မရှိ ဖြစ်နေတယ်” ဟု ဒေသခံရွာ သားတဦးက ပြောသည်။
မျိုးစပါးများကို လယ်တွင် စတင်ကြဲ၍ ပျိုးထောင်ချိန်မှာ နယုန်လတွင်း၌ ပြုလုပ်သော်လည်း နာဂစ် လေမုန်တိုင်းဒဏ်ကြောင့် ပျိုးစပါးများ အခက်အခဲဖြစ်ကာ ၀ါဆိုလဆန်းကမှ လယ်သမားအများစု ပျိုးကြဲကြခြင်းဖြစ်သည်။
အစိုးရက မျိုးစပါး မပေးသည့်အတွက် ဒေးဒရဲခရိုင်အတွင်းရှိ လယ်သမားအများစုသည် ဖျာပုံမှ ပုဂ္ဂလိက ဆန်စက်တခုဖြစ်သည့် ခေတ်သစ်ဆန်စက်မှ မျိုးစပါး (၁) တင်း ကျပ် (၁) သောင်းဖြင့် ၀ယ်ယူစိုက်ပျိုးရကြောင်း၊ အစိုးရ စိုက်ခိုင်းသည့် (၃) လကြာ ရိတ်သိမ်းနိုင်သည့် ရွှေဝါထွန်း၊ ကမာ ကြည် စသည့် သက်နုစပါးများမှာ ဈေးမရသည့်အတွက် လယ်သမားများက မစိုက်ကြကြောင်း၊ ယင်းဒေသတွင် ယခုကြဲထားသည့် မျိုးများမှာ ဘေးကြားစပါးမျိုးဖြစ်ကြောင်း သိရသည်။ ။
Monday, July 21, 2008
၁နှစ်အတွင်း ဒေါ်အောင်ဆန်းစုကြည် လွတ်လာနိုင်ဖွယ်ရှိ
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ် ချထားရာကနေ ၆လအတွင်း ပြန်လွှတ် ပေးဖို့ရှိတယ်လို့ မြန်မာ စစ်အစိုးရဘက်က ပြောကြားချက်ကို အာစီယံ ၀န်ကြီးများအဆင့် ဆွေးနွေးပွဲ ကမကထ လုပ်တဲ့ စင်္ကာပူနိုင်ငံရဲ့ နိုင်ငံခြားရေး ၀န်ကြီးက ပြောကြားလိုက်ပါတယ်။ အာစီယံ ခေါင်းဆောင်တွေက ဒေါ်အောင်ဆန်းစုကြည်ကို ဖမ်းဆီးထားတဲ့ သက်တမ်း နောက်ထပ် တနှစ်တိုးဖို့ မေလတုန်းက ဆုံးဖြတ်ချက်ချတဲ့အပေါ် အလွန်အမင်း စိတ်ပျက်မိ တယ်လို့ ပြောဆိုကြတဲ့ နောက်ပိုင်း ပြန်လွှတ်ပေးမယ်လို့ အရိပ်အမြွတ်တွေ ပြောလာကြတာဖြစ်ပါတယ်။ အကြောင်းစုံကို ဒေါ်ခင်မျိုးသက်က တင်ပြပေးပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
ဒေါ်အောင်ဆန်းစုကြည်ကို လွှတ်ပေးဖို့အတွက် နိုင်ငံတကာက တောင်းဆိုသံတွေ ညံနေပေမယ့် မြန်မာစစ်အစိုးရဘက်က ဂရုမစိုက်ဘဲနေနေရာကနေ အခု မြန်မာ နိုင်ငံခြားရေး ၀န်ကြီး ဦးဥာဏ်ဝင်းရဲ့ ဒေါ်အောင်ဆန်းစုကြည်ကို လွှတ်ပေးမယ့် အချိန်ကာလ အနီးစပ်ဆုံး ပြောကြားချက် ထွက်လာတာမို့ ဒါကို အပြုသဘောအဆောင်ဆုံး လုပ်ရပ်တခုအဖြစ်နဲ့ သတ်မှတ် ကြပါတယ်။ အာစီယံ နိုင်ငံခြားရေး ၀န်ကြီးများ အစည်းအဝေး တက်ရောက်လာသူတွေကို အိမ်ရှင် စင်္ကာပူ နိုင်ငံခြားရေး ၀န်ကြီး ဂျော့်ရိုးက ညစာ စားပွဲနဲ့ တည်ခင်း ဧည့်ခံတုန်း ဦးဥာဏ်ဝင်းက အခုလို အရိပ်အမြွတ် ပြောကြားခဲ့တာပါ။
၂၇နိုင်ငံက နိုင်ငံခြားရေး ၀န်ကြီးတွေ တက်ရောက်မယ့် ဒေသတွင်း ဆွေးနွေးပွဲ မတိုင်ခင်ကတည်းက ဒီဆွေးနွေးပွဲတွေမှာ အဓိက ဆွေးနွေးကြမယ့် အကြောင်းအရာကို ကြေညာထားပါတယ်။ ဒီအကြောင်းအရာတွေထဲက ကမ္ဘောဒီးယားနိုင်ငံနဲ့ ထိုင်းနှစ်နိုင်ငံ အငြင်းပွားနေတဲ့ ဟိန္နူဘုရားကျောင်း ပြဿနာ၊ မြန်မာနိုင်ငံနဲ့ သဘာဝ ဘေးအန္တရာယ် ကယ်ဆယ်ကူညီရေး ဆိုင်ရာ ပြဿနာတွေကို ညစာစားပွဲမှာ ဆွေးနွေးကြပါတယ်။
ထိုင်း၊ ကမ္ဘောဒီးယား နှစ်နိုင်ငံခြားမှာ တည်ထားတဲ့ ရှေးဟောင်း ဟိန္နူ ဘုရားကျောင်းတ၀ိုက် နှစ်နိုင်ငံက စစ်တပ်တွေ ချထားပြီး နယ်မြေပိုင်ဆိုင်ခွင့် ဆိုင်ရာ အငြင်းပွားနေကြတာတွေနဲ့ မြန်မာစစ်အစိုးရရဲ့ ဒီမိုကရေစီရေး လုပ်ဆောင်မှု ရှိတာတွေ၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အခုထိ နေအိမ်အကျယ်ချုပ်ချထားပြီး ပြန်လွှတ်ပေးဖို့ ငြင်းဆန်ခဲ့တဲ့ ပြဿနာတွေကို ဆွေးနွေးကြမှာဖြစ်ပါတယ်။ အာစီယံ နိုင်ငံတွေ အနေနဲ့ အဖွဲ့ဝင် မြန်မာနိုင်ငံ အပေါ် ပြုပြင်ပြောင်းလဲလာဖို့အတွက် ဖိအားပေး ဆောင်ရွက်မှုတွေ သိပ်ကို နဲနေတယ်လို့ ဝေဖန်ခံနေရပေမယ့် မေလတုန်းက နာဂစ်ဆိုင်ကလုံးဒဏ်ခံရတဲ့နောက် နိုင်ငံတကာ အကူအညီတွေ၊ ကယ်ဆယ်ကူညီသူတွေကို လက်ခံဖို့ မြန်မာစစ်အစိုးရကို ဖြောင်းဖျနိုင်ခဲ့တဲ့အတွက် အာစီယံကို အချီးကျူးခံခဲ့ရပါတယ်။
အာစီယံ ဆွေးနွေးပွဲ ဆိုင်ရာ ပြောခွင့်ရ အင်ဒရူး တန်ကတော့
“လူသားချင်း စာနာမှုဆိုင်ရာ အကူအညီပေးတဲ့နေရာမှာရော၊ ကူညီကယ်ဆယ်ရေး လုပ်ငန်းကို လုပ်ကိုင်ရာမှာရော နိုင်ငံရေးနဲ့ မရောနှောဘူးလို့ အာစီယံနိုင်ငံခြားရေး ၀န်ကြီးတွေက သူတို့ရဲ့ ရပ်တည်ချက်ကို ရှင်းရှင်းလင်းလင်း ပြောထား ပြီးသားပါ။ ဒါပေမယ့် အာစီယံ မိသားစုဝင်တွေထဲမှာတော့ အချင်းချင်း ဒီကိစ္စတွေကို တကယ်ပဲ ဆွေးနွေးကြမှာဖြစ်တဲ့ အပြင် တချိန်ထဲမှာ မြန်မာနိုင်ငံရဲ့ နိုင်ငံရေး တိုးတက်ပြောင်းလဲမှုတွေအတွက် မြန်မာအစိုးရစီက နောက်ဆုံး အခြေအနေ တွေကိုလည်း သိရှိနေရတာဖြစ်ပါတယ်။”
ညစာ စားပွဲအပြီး သတင်းစာ ရှင်းလင်းပွဲမှာတော့ စင်္ကာပူနိုင်ငံခြားရေးဝန်ကြီးက ကမ္ဘောဒီးယားနဲ့ ထိုင်း နှစ်နိုင်ငံကြား အငြင်းပွားနေတဲ့ ပြဿနာတွေကို အိမ်နီးချင်းကောင်းပီသစွာနဲ့ စည်းစည်းလုံးလုံး ဖြေရှင်းဖို့ တိုက်တွန်းခဲ့တဲ့အပြင် မြန်မာနိုင်ငံနဲ့ ပတ်သက်ပြီးတော့ ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်းတိုးခဲ့တဲ့အပေါ် စိတ်ပျက်ကြောင်း အခုလို ပြောပါတယ်။
“မြန်မာစစ်အစိုးရကနေပြီး ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်းတိုးတဲ့အပေါ် အတော်လေးကို စိတ်ပျက်မိတယ်လို့ နိုင်ငံခြားရေး ၀န်ကြီးတွေက ပြောကြပါတယ်။ မြန်မာနိုင်ငံမှာ အမျိုးသား ပြန်လည်သင့်မြတ်ရေး လုပ်ငန်းစဉ်တွေအတွက် အစိတ်အပိုင်း တခုအနေနဲ့ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးဖို့ အာစီယံခေါင်းဆောင်တွေကနေ ထပ်မံတောင်းဆိုခဲ့ကြပါတယ်။ ”
အာစီယံအဖွဲ့ကြီး အနေနဲ့ မြန်မာနိုင်ငံနဲ့ ပတ်သက်ပြီး တောင်းဆိုမှုတွေ သိပ်မလုပ်ခဲ့ပါဘူး။ ဒါပေမယ့် အခု စိတ်ပျက်မှုတွေ အခါခါ ကြုံလာရတာမို့ တောင်းဆိုလာကြတာပါ။ နိုင်ငံတကာက မြန်မာနိုင်ငံအရေးနဲ့ ပတ်သက်ပြီး အာစီယံဘက်က လုံလောက်တဲ့ ဖိအားတွေ မပေးဘူးဆိုပြီး ၀ိုင်းဝန်း ပြစ်တင်ကြတာမို့ ခံရတာများလာတာမို့ အခု အာစီယံဘက်နေ စိတ်ပျက်လာတာပါ။ မြန်မာနိုင်ငံခြားရေး ၀န်ကြီး ဦးဥာဏ်ဝင်းက ဒေါ်အောင်ဆန်းစုကြည်ကို ဖမ်းဆီးထားတဲ့ နိုင်ငံရေး အမှုဟာ အလွန်ဆုံး ခြောက်နှစ်အထိပဲ ထိန်းသိမ်းနိုင်တယ်လို့ သူတို့ကို ရှင်းပြခဲ့ကြောင်း မစ္စတာရိုးက ရှင်းပြခဲ့ပါတယ်။
“သူတို့ရဲ့ ဥပဒေအောက်မှာတော့ ဒေါ်အောင်ဆန်းစုကြည်ကို ပြည်ထဲရေး ထောက်ခံမှုအရ ထိန်းသိမ်းထားနိုင်တဲ့ကာလက ၁နှစ်ပဲ ဖြစ်ပါတယ်။ ၀န်ကြီးအဖွဲ့ရဲ့ ဆုံးဖြတ်ချက်နဲ့ ၀န်ကြီးအဖွဲ့က ထောက်ခံလို့ ထိန်းသိမ်းထားနိုင်တဲ့ကာလက ၅နှစ် ဖြစ်ပါတယ်။ ဆိုလိုတာက ၆နှစ်အများဆုံးပါ။ ၆နှစ် သက်တမ်း အကန့်အသတ်ဟာ အခုလာမယ့် ခြောက်လဆို ပြည့်တော့ မယ်လို့ သူက ကျွန်တော်တို့ကို ပြောပါတယ်။”
အခုလို ပြောခဲ့ပေမယ့် ဒေါ်အောင်ဆန်းစုကြည်ကို ခြောက်လအကြာမှာ မလွှတ်ပေးဘူး။ အတိအကျ ပြောဆိုဖို့ ငြင်းတယ်လို့ ပြောဆိုပါတယ်။ စစ်အစိုးရထုတ် သတင်းစာတွေမှာ ဒေါ်အောင်ဆန်းစုကြည်ကို အာဏာပိုင်တွေက ခြောက်နှစ်အထိ ဆက်လက် ချုပ်နှောင်ထားခွင့်ရှိတယ်လို့ ပြောခဲ့တာတွေ ရှိပေမယ့် အခု စစ်အစိုးရကိုယ်တိုင် နိုင်ငံတကာ အစည်းအဝေး ပွဲမှာ ဒေါ်အောင်ဆန်းစုကြည် ပြန်လွတ်လာနိုင်တယ်လို့ ပြောတာဟာအခု အကြိမ်ဟာ ပထမဆုံး ဖြစ်ပါတယ်။ စစ်အာဏာပိုင်တွေက ပြီးခဲ့တဲ့ မေလ ၂၇ရက်နေ့မှာ ဒေါ်အောင်ဆန်းစုကြည်ကို နေအိမ်အကျယ်ချုပ်သက်တမ်း ၁နှစ် ထပ်တိုးခဲ့တာမို့ ဒေါ်အောင်ဆန်းစုကြည်စုဟာ အခုဆိုရင် ပြီးခဲ့တဲ့ ၁၈နှစ်တာကာလအတွင်း ၁၂နှစ်ကျော် အထိန်းသိမ်းခံနေရပါတယ်။ ဒေါ်အောင်ဆန်းစုကြည်ရဲ့ အမျိုးသား ဒီမိုကရေစီ အဖွဲ့ချုပ်ကတော့ အခုလို သက်တမ်းတိုးတဲ့အပေါ် ရှုံ့ ချလိုက်ပြီး ဒီလို သက်တမ်းတိုးတာဟာ တရားဝင် မဟုတ်တဲ့အပြင် ဆက်လက်ချုပ်နှောင်ခွင့်ဟာ ငါးနှစ်ထပ် ပိုလို့ မရဘူးလို့ လက်ရှိဥပဒေကို အဓိပ္ပါယ် ဖွင့်ဆိုခဲ့ပါတယ်။
Rest of your post
အာဆီယံက မြန်မာစစ်အစိုးရနဲ့ နိုင်ငံတကာ အသိုင်းအ၀ိုင်းအကြား ယုံကြည်မှုတည်ဆောက်ပေးနေ
21 July 2008
မြန်မာစစ်အစိုးရနဲ့ နိုင်ငံတကာ အသိုင်းအ၀ိုင်းအကြားယုံကြည်မှု တည်ဆောက်ပေးဖို့အတွက် အာဆီယံအရှေ့တောင်အာရှနိုင်ငံတွေက ဆက်လက်ဆောင်ရွက်သွားမှာ ဖြစ်တဲ့အကြောင်း စင်ကာပူဝန်ကြီးချုပ်လီဆမ်လွန်း (Lee Hseng Loong) က အာဆီယံနိုင်ငံခြားရေးဝန်ကြီးများ အစည်းအဝေးမှာ ပြောဆိုပါတယ်။ တချိန်တည်းမှာ မြန်မာစစ်အစိုးရအနေနဲ့အာဆီယံရဲ့ အခန်းကဏ္ဍကို သိမြင်ဖို့လိုသလို မြစ်ဝကျွန်းပေါ်ဒေသ ရေရှည်ပြန်လည်တည်ဆောက်ရေး
ဟာ နိုင်ငံတကာမိသားစုကသာ ဆောင်ရွက်နိုင်စွမ်းရှိလိမ့်မယ်လို့လည်း ပြောဆိုပါတယ်။ အသေးစိတ်ကိုဘန်ကောက်မြို့ကနေ ဦးသိန်းထိုက်ဦးက သတင်းပေးပို့ထားပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
စင်ကာပူနိုင်ငံမှာကျင်းပတဲ့ ၄၁ ကြိမ်မြောက်အာဆီယံ နိုင်ငံခြားရေးဝန်ကြီးတွေရဲ့ အစည်းအဝေးအဖွင့်မိန့်ခွန်းမှာ မြန်မာနိုင်ငံ နာဂစ်မုန်တိုင်းဒဏ်ကယ်ဆယ်ရေး ဒေသတွင်းနိုင်ငံတွေရဲ့ ဆောင်ရွက်ချက်တွေကို အာဆီယံရဲ့ အောင်မြင်
မှုတခုအဖြစ် စင်ကာပူဝန်ကြီးချုပ် လီဆမ်လွန်းက ထည့်သွင်းပြောဆိုသွားတာပါ။
တချိန်တည်းမှာ အာဆီယံကို နိုင်ငံတကာနဲ့ မြန်မာစစ်အစိုးရအကြား ယုံကြည်မှု
ပေါင်းကူးပေးနိုင်မယ့် အဖွဲ့အစည်းတခုအဖြစ် သူက ပြောဆိုသွားပါတယ်။
"စင်ကာပူနိုင်ငံ အာဆီယံရဲ့ အလှည့်ကျသဘာပတိအဖြစ် ဆောင်ရွက်ခဲ့တဲ့ကာလမှာ
အရေးကြီးတဲ့ အဖြစ်အပျက်ကြီးနှစ်ခုကို ကြုံခဲ့ရပါတယ်။ ရှေ့လာမယ့်နှစ်တွေမှာ
အာဆီယံရဲ့ အဓိပ္ပာယ်ကို သတ်မှတ်ပြဋ္ဌာန်းမယ့် အဖြစ်အပျက်တွေလို့ ကျနော်ယုံပါ
တယ်။ ပထမတချက်က မြန်မာနိုင်ငံမှာ မေလက ကြုံခဲ့ရတဲ့ နာဂစ်မုန်တိုင်းဒဏ်ခံရပြီး
အာဆီယံအဖွဲ့ကြီးက တုံ့ပြန်ဆောင်ရွက်ခဲ့တာတွေပါ။ ဒီအကျပ်အတည်းက အာဆီယံရဲ့
သွေးစည်းညီညွတ်မှုကို စမ်းသပ်ခဲ့တာပါ။ အာဆီယံရဲ့ မြန်မာနိုင်ငံအပေါ် သဘောထား၊
မြန်မာနိုင်ငံဘက်က အာဆီယံအတွက် တဖန် ဘယ်လိုသဘောထားတယ်ဆိုတာကို
မဖြစ်မနေ စဉ်းစားလာခဲ့ရပါတယ်" လို့ ပြောဆိုသွားတာပါ။
မြန်မာနိုင်ငံဘက်က တုံ့ပြန်ခဲ့တာ၊ အာဆီယံနဲ့ ပူးပေါင်းဆောင်ရွက်ခဲ့တာကို စင်ကာပူ
ဝန်ကြီးချုပ်က ချီးကျူးပြောဆိုပါတယ်။ မြန်မာနိုင်ငံအတွင်း နိုင်ငံတကာ အကူအညီ
တွေ ပေးပို့နိုင်အောင် ဆောင်ရွက်ခဲ့တာတွေကို အာဆီယံဘက်က စွမ်းဆောင်နိုင်ခဲ့တဲ့
အဓိပ္ပာယ်ရှိပြီး ယုတ္တိနည်းလမ်းကျတဲ့ လုပ်ဆောင်ချက်တွေလို့ သူကဆိုပါတယ်။
"အခက်အခဲတွေ၊ ရှေ့မှာ ဆောင်ရွက်စရာတွေ အများကြီးရှိပါတယ်။ ဒါပေမယ့်လည်း
အာဆီယံအနေနဲ့ မြန်မာနိုင်ငံနဲ့ နိုင်ငံတကာ အသိုင်းအ၀ိုင်းအကြား၊ မြန်မာနိုင်ငံနဲ့
ကုလသမဂ္ဂ၊ ကမ္ဘာ့ဘဏ်တို့လို အဖွဲ့အစည်းတွေအကြား ကွာဟနေတဲ့ ယုံကြည်မှုကို
တည်ဆောက်ပေးနိုင်အောင် အရေးကြီးတဲ့ အခန်းကဏ္ဍက ဆောင်ရွက်ပေးနိုင်ခဲ့ပါ
တယ်" လို့ စင်ကာပူဝန်ကြီးချုပ် လီဆမ်လွန်းက ပြောဆိုသွားတာပါ။
"ဧရာဝတီ မြစ်ဝကျွန်းပေါ်ဒေသမှာ ကြုံတွေ့ခဲ့ရတဲ့ ပျက်ဆီးဆုံးရှုံးမှုပမာဏက သိပ်ကို
ကြီးပါတယ်။ ပြန်လည်တည်ဆောက်ရေး ရေရှည်လုပ်ငန်းတွေကို နိုင်ငံတကာမိသားစု
ကသာ ဆောင်ရွက်ပေးနိုင်မှာပါ။ မြန်မာနိုင်ငံအနေနဲ့ အာဆီယံ၊ ကုလသမဂ္ဂ သုံးဦး
သုံးဖလှယ် ဆက်ပြီး ပူးပေါင်းဆောင်ရွက်ဖို့ ဆန္ဒရှိတာကို အာဆီယံက ကြိုဆိုပါတယ်။
အာဆီယံရဲ့ အခန်းကဏ္ဍကို မြန်မာနိုင်ငံဘက်က သိမြင်သမျှ အာဆီယံကလည်း မြန်မာ
စစ်အစိုးရနဲ့ နိုင်ငံတကာ အသိုင်းအ၀ိုင်းအကြား ယုံကြည်မှုပိုပြီး ကြီးကြီးမားမား
တည်ဆောက်နိုင်ဖို့ ကျနော်တို့ဘက်က ဆောင်ရွက်နိုင်သမျှ ဆောင်ရွက်သွားမှာပါ" လို့
ပြောဆိုသွားပါတယ်။
မြန်မာနိုင်ငံရဲ့ နိုင်ငံရေးဖြစ်ပေါ်တိုးတက်မှု အခြေအနေတွေကို ကျနော်တို့ ဥပေက္ခာ
ပြုထားလို့ မရသလို လူတွေအများအပြား သေကျေပျက်ဆီးခဲ့ပြီး လူတွေ ဒီ့ထက်ပိုပြီး
အန္တရာယ်ကျရောက်နိုင်တဲ့ အနေအထားကို ကျနော်တို့ မသိကျိုးကျွံပြုထားလို့ မရပါဘူး
ဆိုပြီး စင်ကာပူဝန်ကြီးချုပ်က ပြောဆိုသွားပါတယ်။
မြန်မာနိုင်ငံအတွင်း နာဂစ်မုန်တိုင်းဒဏ်ကြောင့် ပျက်ဆီးခဲ့တာတွေနဲ့ပတ်သက်ပြီး
စစ်အစိုးရ၊ အာဆီယံနဲ့၊ ကုလသမဂ္ဂ ကျွမ်းကျင်သူတွေရဲ့ အကဲဖြတ် စမ်းစစ်ချက် အစီ
ရင်ခံစာ ဒီနေ့ ထုတ်ပြန်ပါတယ်။ ဒီအစီရင်ခံစာဟာ အာဆီယံဘက်က ဆောင်ရွက်နိုင်
မှုတွေကို ပြသလိုက်တာပါလို့လည်း စင်ကာပူဝန်ကြီးချုပ်က ဒီနေ့ အဖွင့်မိန့်ခွန်းမှာ
ထည့်သွင်းပြောဆိုသွားပါတယ်။
မြန်မာပြည်ရဲ့ မုန်တိုင်းကယ်ဆယ်ရေး လုပ်ဆောင်ချက်နဲ့ အာဆီယံ ပဋိဉာဉ်စာတမ်းကို
လက်မှတ်ရေးထိုးနိုင်ခဲ့ကြတဲ့ အဖြစ်အပျက်တွေကို စင်ကာပူ အလှည့်ကျသဘာပတိ
အဖြစ် ဆောင်ရွက်ခဲ့တဲ့ ကာလတွေအတွင်း ထူးခြားတဲ့ စွမ်းဆောင်ချက်တွေလို့
စင်ကာပူဝန်ကြီးချုပ်က ထည့်သွင်းပြောဆိုသွားပါတယ်။
အာဇာနည်နေ့ အခမ်းအနားများ အတိုက်အခံများ ကျင်းပ
မဇ္ဈိမသတင်းဌာန
စနေနေ့၊ ဂျူလိုင်လ 19
ချင်းမိုင်။ ။ ၆၁ နှစ်မြောက် အာဇာနည်နေ့ အခမ်းအနားကို ရန်ကုန်မြို့ရှိ အဖွဲ့ချုပ်ရုံးနည်းတူ အခြား မြို့နယ်များတွင်လည်း အခမ်းအနားများကို ကျင်းပကြသည်။
ရန်ကုန်မြို့ ဗဟန်းမြို့နယ်ရှိ အဖွဲ့ချုပ်ရုံးတွင် အဖွဲ့ချုပ်၊ အဖွဲ့ဝင်များ၊ မိတ်ဖက် နိုင်ငံရေးပါတီ အသီးသီးမှ ကိုယ်စားလှယ်များ၊ ဝါရင့်နိုင်ငံရေး သမားကြီးများ၊ သံရုံးဝန်ထမ်းများနှင့် နိုင်ငံခြား သတင်းထောက် တက်ရောက်ကြသည်။ ဆက်ဖတ်ရန် အပြည့်အစုံ ကို Click နှိပ်ပါ။
မိတ္ထီလာ၊ ရေနံချောင်း၊ မန္တလေး၊ အောင်လံ၊ မှော်ဘီမြို့နယ်များရှိ အဖွဲ့ချုပ် ရုံးများတွင် ကျင်းပသလို အိန္ဒိယနိုင်ငံနှင့် ဂျပန်နိုင်ငံများတွင်လည်း အတိုက်အခံများက အာဇာနည် ခေါင်းဆောင်ကြီးများကို အောက်မေ့ ဂါရဝပြု အခမ်းအနားများ ကျင်းပခဲ့ကြသည်။
မိတ္ထီလာမြို့ အဖွဲ့ချုပ်က လွမ်းသူပန်းခွေကို အာဇာနည်ကျောက်တိုင်တွင် လုပ်ရန် ခွင့်တောင်းခြင်းကို အာဏာပိုင်များက ပိတ်ပင်၍ ဘုန်းကြီးဆွမ်းကပ်ခြင်းနှင့် ရုံးတွင်း အခမ်းအနားသာ ပြုလုပ်ခဲ့ရသည်။
“အာဏာပိုင်တွေက နေပြည်တော်နဲ့ ဗဟိုက လွဲပြီးတော့ ဘယ်မှ လုပ်ဖို့ အစီအစဉ် မရှိပါဘူးပြောတယ်။” ဟု မိတ္ထီလာ အဖွဲ့ချုပ် အတွင်းရေးမှူး ဒေါ်မြင့်မြင့်အေးက ပြောသည်။
အာဏာပိုင်များက မိတ္တီလာမြို့တွင် လုံခြုံရေးများ ထူးကဲစွာချထားပြီး လမ်းများတွင် စစ်ဆေးမှုများ ပြုလုပ်ခဲ့သည်။
အလားတူပင် ရေနံချောင်းမှာလည်း အာဇာနည်နေ့ အခမ်းအနားကို ပြုလုပ်ခဲ့ကြသည်။
“ကျဆုံးသွားတဲ့ အာဇာနည်များရဲ့ ကိုယ်ကျိုးစွန့် စိတ်ဓာတ်ကို နောင်လာနောက်သားတွေ သိဖို့လုပ်ရမယ် ဖော်ထုတ်ရမယ်။ ကျေးဇူးကို ဆပ်ရမယ်။ မစားဘဲနဲ့ စွန့်သွားတဲ့ ပုဂ္ဂိုလ်တွေ ကို မစွန့်ဘဲနဲ့ စားတဲ့ လူတွေက ဘာလို့ မနာလိုနေရတာလဲ မသိဘူး” ဟု ရေနံချောင်း အဖွဲ့ချုပ် ဒုဥက္ကဌ ဖြစ်တဲ့ ဒေါ်ခင်စောဌေးက ပြောသည်။
အဖွဲ့ချုပ်ဝင်များက ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို ပြန်လွတ်ပေးရန် ထပ်မံ တောင်းဆိုလိုက်ပြီး ဖျက်သိမ်းခံ နိုင်ငံရေး ပါတီများအား တရားဝင် ပြန်လည်ဖွဲ့စည်းခွင့်၊ စည်းရုံး လှုံ့ဆော်ခွင့်များ ပေးရန် တောင်းဆိုခဲ့ကြသည်။
အာဆီယံလုံခြုံရေးအစည်းအဝေး မြန်မာ့အရေးဆွေးနွေးမည်
အာဆီယံ အတွင်းရေးမှူးချုပ် ဆူရင် ပီဆူဝမ်
20 July 2008
အရှေ့တောင်အာရှ နိုင်ငံများအသင်း (အာဆီယံ) အဖွဲ့က နိုင်ငံခြားရေးဝန်ကြီးတွေရဲ့ ဒေသတွင်း လုံခြုံရေးဆိုင်ရာ အစည်းအဝေး ပွဲတွေ စင်္ကာပူနိုင်ငံမှာ ဒီကနေ့ စတင်ခဲ့တာာမှာ မြန်မာနိုင်ငံက ပြဿနာတွေနဲ့ ပတ်သက် လို့လည်း ပြောကြဆိုကြဖို့ ရှိနေပါတယ်။ အထူးသဖြင့် ပြီးခဲ့တဲ့ မေလထဲတုန်းက လူပေါင်း ၇ သောင်း ၈ ထောင် လောက် သေဆုံးပြီး၊ ခန့်မှန်းချေ ၅ သောင်း ၆ ထောင် လောက် ပျောက်ဆုံးခဲ့တဲ့ နာဂစ် ဆိုင်ကလုန်း လေဘေးဒဏ် အကူအညီ ပေးရေး ကိစ္စတွေကတော့ အဓိက ဆွေးနွေးမယ့် အကြောင်းအရာဖြစ်ဖို့ ရှိပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
အာဆီယံ အတွင်းရေးမှူးချုပ် ဆူရင် ပီဆူဝမ် (Surin Pitsuwan) ကတော့ လူသားချင်း စာနာမှုဆိုင်ရာ ကိစ္စတွေကို အလေးထား ဆောင်ရွက်ဖို့ ရှိပြီးတော့၊ နိုင်ငံရေးကိစ္စတွေနဲ့ ရောထွေးမှာ မဟုတ်တဲ့အကြောင်းလည်း ပြောဆိုထားတာပါ။ တကယ်တော့ အာဆီယံ အဖွဲ့ကြီးဟာ မြန်မာနိုင်ငံမှာ ဒီမိုကရေစီရေး ပြောင်းလဲမှု တွေ ဖြစ်ပေါ်ဖို့အတွက် ဖိအားပေး ဆောင်ရွက်မှုတွေ မလုပ်တဲ့အတွက် အနောက် အုပ်စုနိုင်ငံတွေ၊ လူ့အခွင့်အရေး အဖွဲ့တွေက ဝေဘန်ပြစ်တင်တာကို ခံနေရ တာပါ။ ဒါပေမဲ့လည်း အာဆီယံဖက်ကတော့ ဆိုင်ကလုန်း မုန်တိုင်းသင့်ခဲ့အပြီး မြန်မာနိုင်ငံကို နိုင်ငံတကာ အသိုင်းအ၀ိုင်းက ကူညီကယ်ဆယ်ရေး လုပ်ငန်းတွေပေးအပ်မယ့် ကိစ္စကို မြန်မာစစ်အစိုးရ ဖက်က လက်ခံလာအောင် လုပ်နိုင်ခဲ့တယ်ဆိုပြီး ကြွေးကြော်ထားတာပါ။
လာမယ့် ကြာသပတေးနေ့ ကျရင်တော့ အမေရိကန် နိုင်ငံခြားရေးဝန်ကြီး ကွန်ဒိုလီဇာ ရိုက်စ် (Condoleezza Rice) နဲ့ အီးယူ (ဥရောပ သမဂ္ဂ) ပါ ပါဝင်တက်ရောက်မယ့် လုံခြုံရေး ဆိုင်ရာ နှစ်စဉ် ဆွေးနွေးပွဲတွေကို စတင်ဖို့လည်း ရှိနေပါတယ်။
