ကယ်ဆယ်ရေးလုပ်သားအားလုံး ပြည်ဝင်ခွင့်ရပြီ

မေ ၂၃။ အေပီ





Pic: အပြုံးနှင့်အမဲ့၊ နေပြည်တော် မြို့သစ်တွင် တွေ့ဆုံကြသည့် ဘန်ကီမွန်းနှင့် သန်းရွှေ


ကုလသမဂ္ဂ အတွင်းရေးမှူးချုပ် ဘန်ကီမွန်းသည် နေပြည်တော် မြို့သစ်တွင် တံခါးပိတ် နေထိုင်သော ဗိုလ်ချုပ်မှူးကြီး သန်းရွှေနှင့် ယနေ့မွန်းလွဲ တွေ့ဆုံဆွေးနွေးပွဲတွင် နိုင်ငံခြားမှ ကယ်ဆယ်ရေးလုပ်သားများအားလုံးကို ပြည်ဝင်ခွင့်ပြုရန် စစ်အစိုးရထံမှ ခွင့်ပြုချက် ရရှိသွားသည်။

နှစ်နာရီကြာ အကြိတ်အနယ် ဆွေးနွေးပွဲ အပြီးတွင် ဘန်က သတင်းကောင်းကို အတည်ပြုလိုက်ခြင်း ဖြစ်သည်။ နိုင်ငံခြားသား ကယ်ဆယ်ရေး ကျွမ်းကျင်သူများကို ဆိုက်ကလုံးဒဏ် အခံရဆုံးဒေသဖြစ်သော ဧရာဝတီ မြစ်ဝကျွန်းပေါ်သို့ သွားရောက်ခွင့်ပြုရန် ဟူသော အရေးအကြီးဆုံး တောင်းဆိုချက်ကို ဗိုလ်ချုပ်မှူးကြီးသန်းရွှေ လိုက်လျောခြင်းရှိမရှိကိုမူ ကုလသမဂ္ဂ အတွင်းရေးမှူးချုပ်က မပြောပေ။ သို့သော် ယခုသဘောတူညီချက်သည် ထိုးဖောက်အောင်မြင်မှု တခုလားဟု မေးမြန်းရာ “ကျနော် ဒီလိုပဲ ထင်ပါတယ်”ဟု ဘန်က ဖြေသည်။ နိုင်ငံခြား ကယ်ဆယ်ရေးတာဝန်ခံ တဦးကလည်း ယခုကိစ္စကို ”ထင်ရှားသိသာသည့် ရှေ့တိုးခြေလှမ်း”ဟု ခေါ်ဝေါ်လိုက်သည်။

ဆွေးနွေးပွဲတွင် ဘန်ကီမွန်းနှင့် အတူ ရှိနေသော ကုလသမဂ္ဂ ထိပ်တန်း တာဝန်ရှိပုဂ္ဂိုလ်တဦးက သန်းရွှေသည် နိုင်ငံခြားသားများကို ၎င်းတို့ သွားရောက်ခွင့် ပိတ်ပင်ထားသော အဆိုးဆုံးထိခိုက်ရာ ဒေသဖြစ်သည့် ဧရာဝတီ မြစ်ဝကျွန်းပေါ်သို့ သွားရောက်ရန် မီးစိမ်းပြလိုက်သည်ဟု ပြောကြားသည်။ ဘန်က “ဒါ ဘာကြောင့် မဖြစ်နိုင်ရဘူးလဲဆိုတာ အကြောင်းပြချက် မမြင်ဘူး။ သူတို့ဟာ လူသားချင်းစာနာမှု လုပ်သား စစ်စစ်တွေ ဖြစ်ပြီး သူတို့ ဘာလုပ်ဖို့ ဘယ်ကို သွားမယ်ဆိုတာ ထင်ရှားနေတာပဲ”ဟု ပြောကြားကြောင်း အမည်မဖော်လိုသူ ကုလသမဂ္ဂ အရာရှိက ဆိုသည်။ အစိုးရ တာဝန်ရှိသူများသည် ဤသွားရောက်ခွင့် အာမခံချက်ကို မပေးနိုင်ကြောင်း၊ အကြောင်းမှာ သူတို့အဖို့ “ထိပ်ပိုင်းမှ မီးစိမ်းပြရန်” လိုအပ်သောကြောင့် ဖြစ်ကြောင်းလည်း အဆိုပါ အရာရှိက ဆက်လက် ပြောကြားသည်။

ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့က ဧရာဝတီ မြစ်ဝကျွန်းပေါ်တွင် သိန်းနှင့်ချီသော လူထုသည် အစားရေစာ မလောက်ငကြောင်း၊ ဆန်၊ ဆီနှင့် အခြား အခြေခံ စားကုန်ဈေးများမှာ တနိုင်ငံလုံးတွင် နှစ်ဆထိုးတက်သွားခဲ့ကြောင်း ပြောကြားသည်။

“ကျနော် ဗိုလ်ချုပ်မှူးကြီး သန်းရွှေနဲ့ အရမ်းကောင်းတဲ့ စည်းဝေးပွဲ လုပ်ခဲ့ပါတယ်။ အထူးသဖြင့် ကယ်ဆယ်ရေးလုပ်သားတွေ ကိစ္စပါ။ သူက ကယ်ဆယ်ရေးလုပ်သား အားလုံးကို နိုင်ငံမခွဲခြားဘဲ အားလုံး ပြည်ဝင်ခွင့်ပြုလိုက်ပါပြီ”ဟု ဘန်က အစည်းအဝေး အပြီးတွင် ပြောကြားသည်။ စစ်အစိုးရသည် နိုင်ငံခြား ကယ်ဆယ်ရေးဝန်ထမ်းများကို ပြည်ဝင်ခွင့်ဗီဇာ တိုးမြှင့်ခွင့်ပြုခဲ့သော်လည်း လက်တဆုပ်စာမှတပါး အားလုံးမှာ ရန်ကုန်မြို့တွင် ပိတ်မိနေကြသည်။ သန်းရွှေသည် ရန်ကုန်မြို့ကို ကယ်ဆယ်ရေး လုပ်ငန်းစဉ်များအတွက် ယုတ္တိရှိသော လမ်းဆုံလမ်းခွအဖြစ် အသံးပြုရန်လည်း သဘောတူလိုက်ကြောင်း ပြောပြရင်း ဘန်က ထိုသဘောတူညီမှုကို “အရေးကြီးတဲ့ တိုးတက်မှုတခုပါ”ဟု ခေါ်ဝေါ်လိုက်သည်။

ခေါင်းမာမှုကြောင့် “ခွေးဘီလူး”ဟု အမည်ရသော အသက် ၇၆ နှစ်အရွယ် သန်းရွှေသည် နယူးယောက်မြို့ ကုလသမဂ္ဂ ဌာနချုပ်ရုံးမှနေ၍ ဘန်ကီမွန်းခေါ်သော ဖုန်းများကို ပြန်မဖြေကြားခဲ့သည့်အပြင် ကုလသမဂ္ဂ အတွင်းရေးမှူးချုပ် ပေးပို့သော စာနှစ်စောင်ကိုလည်း မပြန်ခဲ့ပေ။

“ကျနော် တွေ့ရတာတွေအတွက် အများကြီး စိတ်မချမ်းမမြေ့ ဖြစ်ရတယ်”ဟု ကျုံဒိုးမြို့ ဒုက္ခသည်စခန်းကို သွားရောက်လေ့လာပြီး ဘန်က သတင်းထောက်များကို ပြောကြားခဲ့သည်။