ရုပ်ရှင်နယ် မူးယစ်ကိစ္စ ဂျာနယ်နှင့် အငြင်းပွား

နန်းဒေဝီ
တနင်္လာနေ့၊ ဇွန်လ 23 2008 21:15 - မြန်မာစံတော်ချိန်

နယူးဒေလီ။ ။ မူးယစ်ဆေးဝါး သုံးစွဲမှုဖြင့် ရုပ်ရှင် အနုပညာရှင် အများအပြားကို အာဏာပိုင်များက ခေါ်ယူ စစ်ဆေးမှုပြုအပြီး နောက်ဆက် တွဲ ပြဿနာကတော့ ဂျာနယ်တစောင်နှင့် အနုပညာရှင်အချို့ အငြင်းပွားမှု ဖြစ်သည်။
ဆက်ဖတ်ရန် အပြည့်အစုံ ကို Click နှိပ်ပါ။
ယနေ့ထုတ် First Music ဂျာနယ်က ရုပ်ရှင်နယ်ပယ်မှ အကျော်အမော် အချို့၏ ပုံများ ဖော်ပြခဲ့ပြီး မူးယစ်ဆေးဝါး သုံးစွဲခြင်း၏ ဆိုးကျိုးများ ကြောင့် သုံးစွဲခြင်းမပြုရန် ရေးသားခဲ့ခြင်းအပေါ် တောင်းပန်စာ ထည့်သွင်း ဖော်ပြခဲ့ရသည်။

“အနုပညာရှင်များအား တောင်းပန်ခြင်း” ခေါင်းစီးဖြင့် “သက်ဆိုင်ရာ ကာယံရှင်များအား ထင်ယောင်ထင်မှား ဖြစ်စေခြင်း၊ ဂုဏ်သိက္ခာကို ထိပါးရာ ရောက်ခြင်းတို့ ရှိခဲ့ပါက ကာယကံရှင် အနုပညာရှင်များနှင့် တကွ အနုပညာရှင်များ၏ ပရိသတ်များကို First Music Journal မှ အနူးအညွတ် တောင်းပန်အပ်ပါသည်” ဟု ပါရှိသည်။

ယခင် အပတ်ထုတ် First Music ဂျာနယ်တွင် ရုပ်ရှင်ဒါရိုက်တာ မောင်မျိုးမင်း (ရင်တွင်းဖြစ်)၊ မင်းသား ဖိုးကျော်၊ မင်းသမီး စိုးမြတ်သူဇာ၊ နန္ဒာလှိုင်၊ နဝရတ်၊ ဂန္ထဝင်နှင့် အဆိုတော် ဖြိုးကြီးတို့၏ ဓာတ်ပုံများ ဖော်ပြခဲ့ပြီး စာသားတွင်မူ “မူးယစ်ဆေးဝါး သုံးစွဲခြင်းဖြင့် အနုပညာရှင်များ၏ အောင်မြင်မှုနှင့် ဘဝခရီးအား ကြီးမားသော ဆုံးရှုံးမှု ဖြစ်စေနိုင်” ဟု ရေးသားခဲ့သည်။

အမှန်တကယ်က နဝရတ်၊ နန္ဒာလှိုင်တို့ အပါအဝင် အနုပညာသည် ၂ ဒါဇင်ခန့်ကိုပင် မက်တာဖီတမင်း မူးယစ်ဆေးပြား သုံးစွဲမှုဖြင့် ရဲက သံသယရှိကာ ခေါ်စစ်ခံခဲ့ရသူများ ဖြစ်သည်ဟု မဇ္ဈိမက စုံစမ်း သိရှိရသည်။

သို့သော်လည်း ပြန်ကြားရေးဝန်ကြီး ဗိုလ်မှူးချုပ် ကျော်ဆန်း၏ မေတ္တာရပ်ခံချက်ဖြင့် ပြန်လွတ်ပေးခဲ့ခြင်း ဖြစ်သည်ဟုလည်း ထပ်မံ သိရှိခဲ့ရသည်။

“ဂျာနယ်က အဲဒီလို တောင်းပန်စာ ရေးရတာကလည်း အာဏာပိုင်တွေဘက်က ဖိအားပေးလို့ အခုလို ရေးလိုက်ရတာ” ဟု ရန်ကုန် စာပေ အသိုင်းအဝိုင်းမှ အယ်ဒီတာတဦးက ပြောသည်။

ပြည်ထဲရေး ဝန်ကြီးဌာန၏ ခေါ်ယူ စစ်ဆေးခံရသူများတွင် မကြာခင်ကမှ ရာထူးမှ အနားယူသွားပြီ ဖြစ်သည့် ဒုတိယ ဗိုလ်ချုပ်ကြီးရဲမြင့်၏သား အောင်ဇော်ရဲမြင့်၊ လူငယ်စီးပွားရေး လုပ်ငန်းရှင်ကြီး မောင်ဝိတ်တို့လည်း ပါဝင်ခဲ့သည်။

နာမည်ကျော် မင်းသမီး မင်းသားများ ပါဝင်မှုက လူအများ စိတ်ဝင်တစား ဖြစ်စေပြီး အမှုနှင့် ပတ်သက်သော ကောလာဟလများ ရေပမ်းစား နေခဲသည်။ သို့သော် စစ်အစိုးရက တရားဝင် သတင်း ထုတ်ပြန်ပေးခြင်း မရှိဘဲ သတင်းမီဒီယာများက ရေးသား ဖော်ပြခွင့်ကိုလည်း ပိတ်ပင် ခဲ့သည်။
Rest of your post