အိန္ဒိယမြန်မာ ရင်းနှီးမြှုပ်နှံမှု စာချုပ်ချုပ်ဆို

AFP/ ၂၃ ဇွန် ၂၀၀၈

အိန္ဒိယနိုင်ငံနှင့် မြန်မာနိုင်ငံသည် ရင်းနှီးမြှုပ်နှံမှု စာချုပ်တခု ချုပ်ဆိုမည်ဖြစ်ပြီး နှစ်နိုင်ငံကြား ရင်းနှီးမှု တိုးချဲ့သည့်အနေဖြင့် နယ်စပ်ကုန်သွယ်မှု ကျယ်ပြန့်ရေးအတွက် ဆွေးနွေးနေဆဲ ဖြစ်သည်ဟု အိန္ဒိယအရာရှိများက ပြောသည်။
ဆက်ဖတ်ရန် အပြည့်အစုံ ကို Click နှိပ်ပါ။
အိန္ဒိယနိုင်ငံ အငယ်တန်း ကုန်သွယ်ရေးဝန်ကြီး ဂျိုင်ယန် ရာမက်ခ်ျ မြန်မာနိုင်ငံသို့ ရောက်ရှိနေ သည့် (၄) ရက်ကြာခရီးစဉ် ကာလအတွင်း မြန်မာအစိုးရသို့ အမေရိကန်ဒေါ်လာ (၈၄) သန်း ချေးငွေထုတ်ပေးမည်ဟုလည်း အိန္ဒိယကုန်သွယ်ရေးဝန်ကြီးဌာန အရာရှိများက ယမန်နေ့က ပြောသည်။

“၀န်ကြီးအနေနဲ့ ဆိုင်ကလုန်းမုန်တိုင်းကြောင့် ပျက်စီးသွားတဲ့ ပါဝါ ထရန်စဖော်မာတွေအတွက် ဒေါ်လာ (၂) သန်း ပေးဦးမှာဖြစ်ပြီး မုန်တိုင်းကြောင့် ထိခိုက်ပျက်စီးခဲ့ရတဲ့ တန်ခိုးကြီးဘုရားကြီး ပြန်ပြုပြင်ဖို့အတွက်လည်း ဒေါ်လာ (၂) သိန်းပေးဦးမှာဖြစ်ပါတယ်” ဟု အိန္ဒိယအရာရှိတဦးက ပြောသည်။
နှစ်နိုင်ငံအကြား ငွေကြေးစီးဆင်းမှု ဖြစ်ထွန်းရေးအတွက် ရည်ရွယ်ကာ ဆယ်စုနှစ်ကြာ ရင်းနှီး မြှုပ်နှံခဲ့မှုကို တိုးမြှင့်ရန်နှင့် ကာကွယ်ရန် သဘောတူညီမှုများဖြစ်ထွန်းခဲ့သည်ဟု နယူးဒေလီရှိ အဆိုပါဝန်ကြီးဌာနမှ အရာရှိတဦးက ပြောသည်။

မြန်မာအစိုးရ၏ မုန်တိုင်းကယ်ဆယ်ရေးလုပ်ငန်းများနှင့် ပတ်သက်ပြီး နိုင်ငံတကာအသိုင်းအ၀န်းမှ ဝေဖန်နေချိန်၊ စစ်အုပ်ချုပ်ရေးနိုင်ငံအား ဒီမိုကရေစီအသွင် ကူးပြောင်းရေးအတွက် နိုင်ငံတကာမှ အိန္ဒိယကို ဖိအားပေးနေချိန်တွင် ထိုသဘောတူညီမှု ပေါ်ပေါက်လာခြင်းဖြစ်သည်။

အိန္ဒိယနိုင်ငံသည် ၁၉၉၀ ခုဝန်းကျင်အထိ မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ကို ထောက်ခံအားပေးခဲ့သည်။ သို့ရာတွင် မြန်မာနိုင်ငံသည် မြန်ဆန်သော စီးပွားရေး တိုးတက်မှုအတွက် စွမ်းအင် အရင်းအမြစ် သော့ချက်ဖြစ်သည်ဟု သဘောထားလာသည့်အတွက် စစ်အစိုးရနှင့် ပူးပေါင်းလုပ်ဆောင်မှုများ ရှိလာသည်။

အိန္ဒိယနိုင်ငံခြားရေး ၀န်ကြီးဌာန၏ ၂၀၀၅-၂၀၀၆ ခုနှစ် စာရင်းအရ နှစ်နိုင်ငံကြား ကုန်သွယ်မှုသည် စုစုပေါင်း ဒေါ်လာ (၅၉၀) သန်းအထိ ရှိသည်ဟု သိရှိရသည်။

အိန္ဒိယမှ အရှေ့တောင်အာရှသို့ ကုန်သွယ်မှုလမ်းကြောင်းသစ် ပွင့်စေနိုင်မည့် ဘင်္ဂလားပင်လယ် အော်ရှိ မြန်မာနိုင်ငံ စစ်တွေဆိပ်ကမ်းတွင် အိန္ဒိယမှ ဒေါ်လာ (၁၃၀) သန်း ရင်းနှီးမြှုပ်နှံမည် ဆိုသည့် သဘောတူညီ ချက်ကိုလည်း ပြီးခဲ့သည့် ဧပြီလတွင် နှစ်နိုင်ငံ သဘောတူစာချုပ် ချုပ်ဆိုခဲ့သည်။

ပြီးခဲ့သည့် နှစ်ပိုင်းကလည်း နယူးဒေလီသည် မြန်မာနိုင်ငံတွင် သဘာဝဓာတ်ငွေ့ ရှာဖွေတူးဖော် ရေးအတွက် ဒေါ်လာ (၁၅၀) သန်း ရင်းနှီးမြှုပ်နှံမည်ဟု ကတိပြုထားခဲ့သည်။

မြန်မာနိုင်ငံတွင် မေလ (၂) ရက်နှင့် (၃) ရက်တို့တွင် လူပေါင်း (၁) သိန်း (၃) သောင်းကျော် အသေအပျောက် ဖြစ်စေခဲ့သည့် ဆိုင်ကလုန်းမုန်တိုင်း ဖြစ်ပြီးပြီးချင်း မြန်မာနိုင်ငံကို ကူညီသည့် နိုင်ငံများထဲတွင် အိန္ဒိယနိုင်ငံလည်း အပါအ၀င်ဖြစ်သည်။ ။

Rest of your post