NO VOTE

No Vote

စစ်အုပ်စုရဲ့ နောက်ဆုံး ရာဇသံ ကတော့ မေလမှာ ဥပဒေမူကြမ်းကို ဆန္ဒခံယူပွဲကျင်းပ ပြီး၊ လာမယ့် ၂၀၁၀ ပြည့်နှစ်မှာ ရွေးကောက်ပွဲကို ကျင်းပမဲ့ ဆိုတဲ့ အချက်ပဲဖြစ်ပါတယ်။ ဒီအချက် ကို သေချာဆန်းစစ်ကြည့်တဲ့ အခါမှာ ကျနော်တို့ ဟာ မဖြစ်မနေ ၂၀၁၀ ရွေးကောက်ပွဲကို ကြိုဆိုရမယ် ဆိုတာဖြစ်တယ်။ တဖက်က ကြည့်ရင် ကျနော်တို့ 
အနေနဲ့ တဖက်သတ်ရေးဆွဲ ထားတဲ့ ဖွဲစည်းပုံ အခြေခံ ဥပဒေအရ စစ်တပ် ၂၅% ကိုလက်ခံရဖို့ ရှိပါတယ်။ အပေါ်ယံအားဖြင့် စစ်အုပ်စုလုပ်နေကြထုံးစံအတိုင်း လူထုနဲ့ တကွ နိုင်ငံတကာ ကို နားလှည့် ပါး ရိုက်လုပ်တယ်လို့
ထင်ဖို့ ရှိပါတယ်။ ဒါပေမဲ့ ဒီတစ်ခေါက် ကစားကွက်က အင်မတန်လှပ သေသပ်တယ်လို့  မှတ်ချက်ပေးနိုင်ပါတယ်။ အရင်ဆုံး ဆန္ဒခံယူပွဲ နဲ့  ရွေးကောက်ပွဲဆိုတဲ့ အချက် နှစ်ချက်ကို က အတိုက်အခံတွေကို ဗဟိုချက်မဲ့အောင် ပြုလုပ်နိုင်စွမ်းရှိပါတယ်။ စစ်အုပ်စုရဲ့ ကြေငြာချက်နှစ်စောင့်ကြောင့် တိုက်ပွဲပုံစံ ၊ သဘောတရားကွဲလွဲမှုတွေ အများကြီး ဖြစ်လာနိုင်ဖို့ ရှိပါတယ်။
တချို့ က ဆန္ဒခံယူပွဲကို အဓိက အဖြစ်ယူဆသလို၊ တချို့ ကလဲ ၂၀၁၀ ရွေးကောက်ပွဲကို အဓိက အဖြစ်ယူဆတာမျိုး ရှိပါတယ်။ စစ်အုပ်စုလက်ထက်မှာ ၄င်းတို့ အာဏတည်မြဲရေးလိုအပ်ချက်အရ ဆန္ဒခံယူပွဲ၊ ရှုံ့ ချပွဲ ဆိုတဲ့ အလံရှုးပွဲတွေ အများကြီးလုပ်ခဲ့ ဖူးပါတယ်။ တစ်ခါမှမဲပုံးထောင်ကျင်းပခဲ့ခြင်း မရှိပါဘူး။နီးရာ ဝန်ထမ်း၊ကျောင်းသား နဲ့  ကြံခိုင်ရေးလို လက်ရုံးအဖွဲ့ အစည်းတွေ ကို ဘောလုံးကွင်းထဲထည့် စင်ပေါ်ကနေ ကြိုရေးလာတဲ့ စာကိုဖတ်ပြ ၊ နောက်ဆုံး မအော်မနေရ ကြွေးကြော်သံတွေနဲ့  အနား သတ်ထားလိုက်တဲ့ ဆန္ဒခံယူပွဲတွေ၊ ရှုံ့ ချပွဲတွေ နဲ့ ပြည်သူကို အကြိမ်ပေါင်းများစွာလိမ် ခဲ့ပြီးဖြစ်ပါတယ်။ မေလ ဆန္ဒခံယူပွဲကိုလဲ ထုံးစံအတိုင်း ဘောလုံးကွင်း ဆန္ဒလုယူပွဲ အဖြစ်ကျင်းပ မလား လို့ တွေးဖို့ ရှိပါတယ်။ စစ်အုပ်စုကတရားဝင် ထုတ်ပြန် တာမျိုး မရှိပါဘူး။ လက်တစ်လောမှာတော့ အတိုက်အခံတွေ အနေနဲ့ ရော ပြည်သူကပါ မေလဆန္ဒခံယူပွဲ ဟာ မဲပုံး ထောင်ကျင်းပမယ်လို့  ယုံကြည်နေတာကို တွေ့ ရပါတယ်။ စစ်အုပ်စု အနေနဲ့ ၂၀၁၀ မှာ ရွေးကောက်ပွဲကို ကျင်းပမယ်လို့ ထုတ်ပြန်ထားချက် အရ မဲပုံးထောင်သည်ဖြစ်စေ၊ မထောင်သည်ဖြစ်စေ အခြေခံ ဥပဒေကို မဖြစ်မနေ လက်ခံရမယ် ဆိုတဲ့ အချက်ကို ခိုင်မာစေတာကိုတွေ့ ရပါတယ်။ စစ်အုပ်စုအလိုကျ ကျင်းပ ခဲ့တဲ့ အမျိုးသားညီလာခံကို ဆန့် ကျင်ရင်တောင် ပုဒ်မ (၄) အရ ထောင်ဒါဏ် အနှစ် ၂၀ ထိချ မှတ်နိုင်အောင် ထုတ်ပြန်ပြဋ္ဌာန်းခဲ့တဲ့ အချက်ကို ကြည့်ချင်းအားဖြင့် မကြာခင်မှာလဲ အခြေခံ ဥပဒေ မူကြမ်းကို ဆန့် ကျင်ရင် ပြစ်ဒဏ်ချမှတ်နိုင်မဲ့ ဥပဒေမျိုး တဖက်လှည့်နဲ့ ပေါ်ထွက်မလာ နိုင်ဘူး လို့ မပြောနိုင်ပါဘူး။ ခုချိန်ထိလဲ ပြည်သူကို စစ်အုပ်စုရဲ့ လက်ကိုင်တုတ်အဖွဲ့ အစည်း များက အခြေခံဥပဒေ မူကြမ်းကို လက်ခံဖို့  တွင်တွင်ကြီးတိုက်တွန်းနေတာကို
တွေ့ နေရပေမဲ့ ပြည်သူလူထုကို အခြေခံ ဥပဒေမူကြမ်းမှာ ပါဝင်တဲ့ အချက်အလက်တွေ ကို ရှင်းလင်းပြတဲ့ အပြု အမူမျိုးကိုလဲ မတွေ့ ရသေးပါဘူး။လေးဆယ့် ခြောက်နှစ်အတွင်း ယုံကြည်ဖို့ တစ်ကွက်မှ မရှိတဲ့ စစ်အုပ်စုအဆက်ဆက်ရဲ့  အမူ အကျင့်တွေကို ခနလောက်မေ့ထားပြီး အမှန်အကန်မဲပုံးထောင် ဆုံးဖြတ်မယ်ဆိုတဲ့ အချက်၊ ၂၀၁၀ ရွေးကောက်ပွဲဟာ မေလအဖြေပေါ်မှာမူတည်ပြီးပြင်ဆင်မယ် ဆိုတဲ့ အချက် နှစ်ခုကို မတန်ရင်ကာပေးပြီးတွက်မယ်ဆိုရင် ပြည်သူလူထုဘက်က လက်မခံဘူးဆိုတဲ့ အဖြေနဲ့  လက်ခံတယ် ဆိုတဲ့ အဖြေနှစ်ခုဖြစ်လာဖို့  ရှိပါတယ်။ လက်မခံခဲ့ရင် စစ်အုပ်စုအနေ နဲ့  ပြည်သူ လက်ခံနိုင်မဲ့ အနေအထားထိ ပြင်ဆင်နိုင်ပါ့မလား။ တကယ်ပြင်ဆင်ခဲ့မယ် ဆိုရင်လဲ ဘယ်အတိုင်း အတာအထိပြင်ဆင်နိုင်ပါမလဲ။ ပြည်သူလူထု အများစု လက်မခံနိုင်တဲ့အချက် ဟာ အနာဂတ်နိုင်ငံတော်ရဲ့ နိုင်ငံရေးဦးဆောင်မှုမှာ တပ်မတော်ပါဝင်ရမယ် ဆိုတဲ့ခေါင်းစဉ် အောက်က စစ်တပ် ၂၅% ဆိုတဲ့ ကိစ္စဖြစ်သလို ၊ စစ်အုပ်စုအနေနဲ့ အလျော့မပေးတမ်း ဆုပ်ကိုင်ထားမှာ ကလဲ စစ်တပ်ကိုယ်စားလှယ် ၂၅% နေရာရရှိရေး ဖြစ်ပါတယ်။ ဒါကြောင့် မူကြမ်းကို လက်မခံနိုင်ရင် ဘာဖြစ်မလဲဆိုတဲ့ ကိစ္စအတွက် အဖြေမရှိဘူးလို့ ပဲ မှတ်ချက်ပေးရ မှာဖြစ်ပါတယ်။ ပြည်သူအနေနဲ့  မူကြမ်းကို အတည်ပြုပေးလိုက်တယ် ဆိုရင်လဲ တိုင်းပြည်ရဲ့  အနာဂတ် နိုင်ငံရေး မှာစစ်တပ်ကို တရာဝင် စွက်ဖက်ခွင့် ပေးလိုက်တာ လဲ ဖြစ်ပါတယ်။ နောက်ဆုံးမျှော့သွေးစမ်း မှုကတော့ ဒေါ်အောင်ဆန်းစုကြည် ဟာ နိုင်ငံခြားသားနဲ့  လက်ထပ်ထားတဲ့ အတွက် ရွေးကောက်ပွဲဝင်ခွင့်မရနိုင်ဘူး ဆိုတဲ့ စစ်အုပ်စု နိုင်ငံခြားရေး ဝန်ကြီး ရဲ့ ဒေသဆိုင်ရာ အစည်းဝေးတစ်ခုမှာ တရားဝင်ပြောကြား သွားခြင်းပဲဖြစ်ပါတယ်။ ဒေါ်အောင်ဆန်းစုကြည်နဲ့  အမျိုးသားဒီမိုကရေစီ အဖွဲချုပ်ကို နိုင်ငံရေး အရအသေသတ်မယ် ဆိုတဲ့ နောက်ကွယ် အကြံအစည်ဟာ ရွေးကောက်ပွဲ နဲ့ အတူတွယ်ဆက်နေတယ် ဆိုတာကို ခန့် မှန်းလို့ ရပါတယ်။ စစ်အုပ်စု ဆက်သွားနေတဲ့လမ်းဟာ ၄င်းတို့  အာဏာကို ကမ္ဘာအခင်း အကျင်း မှာပါ တရားဝင်ဖြစ်အောင် လုပ်ဆောင်နေခြင်းပဲ ဖြစ်ပါတယ်။ ဒါကြောင့် အတိုက်အခံ အဖွဲ့ အစည်းတွေ ၊ တသီးပုဂ္ဂလ အတိုက်အခံတွေ၊ ပြည်သူတွေ အနေနဲ့ ပါ ရွေးကောက်ပွဲ ဆိုတဲ့ ကိစ္စနဲ့ ပတ်သက်လို့ ပြောစရာအကြောင်း မရှိတော့ပါဘူး။ လက်ရှိရင်ဆိုင်နေရတဲ့ စုပ်လဲဆူးစားလဲရူး အနေအထားကို စိတ်ပျက်နေလို့ မရသလိုတိုင်းပြည် ကိုလဲ စစ်အုပ်စု လှည့်ကွက်ထဲ နောက်တစ်ခါ ထပ်ကျခံလို့  မဖြစ်ပါဘူး။ အတိုက်အခံများ အနေနဲ့ စစ်အုပ်စု ကို ၁၉၉၀ ရွေးကောက်ပွဲ ရလာဒ်ဘာကြောင့် ဖျက်သိမ်းလိုက်တဲ့ အကြောင်း ရှင်းလင်းပြဖို့  ပြတ်ပြတ်သားသား တောင်းဆိုရပါလိမ့်မယ်။ စစ်အုပ်စု ဘက်က ဖြေလာနိုင်စရာ အဖြေကလဲ အဓိက အားဖြင့်တော့ အရွေးချယ်ခံ လွတ်တော်ကိုယ်စားလှယ်အများစု သက်ရှိ ထင်ရှား မရှိတော့ဘူး ဆိုတဲ့ အကြောင်း နဲ့  ၁၉၉၀ ရွေးကောက်ပွဲကျင်းပ စဉ်ကအခြေခံ ဥပဒေ မရှိခဲ့တဲ့ အတွက်တရား မဝင်ဘူးဆိုတဲ့ အဖြေကို ပေးလာဖို့ ရှိပါတယ်။ ပထမအချက်ဖြစ်တဲ့် လွတ်တော်ကိုယ်စားလှယ်အများစု သက်ရှိထင်ရှား မရှိတော့တဲ့ ကိစ္စကို ကြားဖြတ် ရွေးကောက်ပွဲ နဲ့  အစားထိုးရွေးချယ်လို့ ရသလို ၊ ဖွဲစည်းပုံ မရှိလို့ တရားမဝင်ဘူးဆိုတဲ့ အချက်ဟာလဲ ၁၉၉၀ ရွေးကောက်ပွဲ ဟာ နိုင်ငံသိ၊ ကမ္ဘာသိအဖြစ် စစ်အုပ်စု ကိုယ်တိုင် ဦးစီးကျင်းပထားတယ် ဆိုတဲ့ အချက်က ဖြေရှင်းပြီးသား ဖြစ်ပါလိမ့်မယ်။ ဒါကြောင့် အတိုက်အခံများနဲ့ ပြည်သူလူထုတစ်ရပ်လုံးဟာ အခြေခံဥပဒေမူကြမ်းအတည် ပြုရေး ကို အတည်ပြုရေးမပြုရေး ၊ ရွေးကောက်ပွဲဝင်ရေးမဝင်ရေး ၊ ၁၉၉၀ ရွေးကောက်ပွဲ ရလဒ် အသိမှတ်ပြုရေး မပြုရေး စတဲ့ ကိစ္စတွေကို ငြင်းခုန်နေမဲ့ အစား အနာဂတ်မြန်မာနိုင်ငံ ကို စစ်အုပ်စု လက်ထဲတရား ဝင်ပေးမလား မပေးဘူးလား ဆိုတဲ့ အချက်အပေါ်မှာပဲ ပြတ်ပြတ် သားသား ပြောဆိုဖို့  ပဲလိုပါတယ်။ စစ်အုပ်စု အနေနဲ့ ကတော့ နောက်ဆုံးတိုက်ပွဲ ကိုပြင်ဆင် နေပြီး ဆိုတာ သိထားဖို့ ကောင်းပါပြီ။ စောင့်ကြည့်နေဖို့  အချိန်မဟုတ်တော့ပါဘူး။ နောက်သုံးလ အကြာဖြစ်တဲ့ မေလမှာ တိုင်းပြည်အနာဂတ် ကို ပြတ်ပြတ်သားသား ဆုံးဖြတ် ပေးရ ပါတော့မယ်။ ကန့် ကွက်မဲ ထည့်ဖို့ တိုက်တွန်းတယ် ဆိုတာကပဲ စစ်အုပ်စု ဆင်တဲ့ အကွက်ထဲ စနင်းမိနေပြီ လို့ ပြောရပါမယ်။ တိုင်းပြည်အနာဂတ်အတွက် ဘယ်ဘက်ကကြည့်ကြည့်လက်ခံဖို့ မရှိတဲ့ အခြေခံဥပဒေမူကြမ်း ကို ဆန့် ကျင်ဖို့ အတွက် လက်ရှိကာလမှာ ဆန္ဒခံယူပွဲ မဖြစ်မြောက်ရေး (NO VOTE) အတွက် ပဲတိုက်ပွဲ ဝင်ရမှာဖြစ်ပါတယ်။ ဒါမှသာ ကျနော်တို့ အနေနဲ့  ကန့် ကွက်မဲပေးရေး (VOTE NO) ဆို တဲ့ အဆင့်ကို အမှားကာ အဖြစ်ဆက်လက် ပိုင်ဆိုင်နိုင်ပါလိမ့်မယ်။ အခုအချိန်ကတည်းက ကန့် ကွက်မဲပေးရေး ၊ ၂၀၁၀ ရွေးကောက်ပွဲ တရားမျှတရေး စတဲ့ အချက်တွေကို ဆွဲကိုင်ထား မယ်ဆိုလို့ ကတော့ တိုင်းပြည် ရဲ့ အနာဂတ်လွတ်တော်ဟာ စစ်အာဏာရှင်မွေးမြူရေး စခန်းကြီး ဖြစ်ဖို့ 

ရာခိုင်းနှုန်းတော်တော်များများ သေချာနေကြောင်း သတိပေးပါရစေ။
ဥတ္တရအောင် ( မျိုးချစ်ဒီမိုကရက်တစ် တစ်ပေါင်းစု)