မဇ္ဈိမသတင်းဌာန
ကြာသပတေးနေ့၊ ဇွန်လ 19 2008 18:30 - မြန်မာစံတော်ချိန
်
မကွေးတိုင်း၊ အောင်လံမြို့(အန်အယ်ဒီလူငယ်တဦး) – “ဒေါ်အောင်ဆန်းစုကြည် မွေးနေ့အဖြစ် မေတ္တာပို့တယ်။ သံဃာ ဆွမ်းလောင်းတယ်။ ၆၃ နှစ်ဆိုတော့ မြို့ထဲမှာ ကြွနေတဲ့ သံဃာ တဇွန်းပေါ့နော်၊ ဆွမ်းလောင်းပေးတယ်။ သံဃာတွေက ၇ဝ လောက် ရှိမယ်။ ဆုတောင်း ပေးကြတယ်လေ။ လူ ၁ဝဝ လောက် တက်ရောက်တယ်။ လုံခြုံရေးက ရဲတွေပေါ့နော်။ ဓာတ်ပုံရိုက်တာတို့ စောင့်ကြည့်တာတို့ပဲ ရှိတယ်”
မကွေးတိုင်း၊ ရေနံချောင်းမြို့(အန်အယ်ဒီ ပါတီဝင်တဦး) – “အခမ်းအနားမရှိဘူး။ ဒါပေမဲ့ စက်တင်ဘာမှာ အဖမ်းခံရတဲ့ မကွေးတိုင်း၊ သရက်ထောင်၊ မြင်းခြံထောင်က အကျဉ်းမိသားစု ၁၂ ယောက်အတွက် ထောင်ဝင်စာ သွားတွေ့တဲ့ မိသားစုတွေကို စားစရာတွေ သွားလှူမယ်။ မွေးနေ့ အထိမ်းအမှတ်ပေါ့နော်။ နောက်ပြီး ဒီနှစ်ကတော့ ဒေါ်စုက လူထုကိစ္စတွေကို သဘောကျတယ်လေ။ အဲဒါကြောင့် ဒီဒေသခံတွေကိုလည်း အလှူခံတယ်။ ပြီးတော့ ကိုယ်တိုင်လည်း သွားလှူတယ်။ ဒေါ်စု သဘောကျတဲ့ လူထု လှုပ်ရှားမှုကို မုန်တိုင်းသင့်နေရာမှာ သွားလှူလိုက်တယ်”
စစ်ကိုင်းတိုင်း၊ မုံရွာမြို့(မြို့နယ် အန်အယ်ဒီ ပြောခွင့်ရ ဒေါ်ခင်သန်း) – “မုံရွာခရိုင် အမျိုးသား ဒီမိုကရေစီ အဖွဲ့ချုပ်ဝင်တွေ အနေနဲ့ ဒေါ်အောင်ဆန်းစုကြည်ရဲ့ မွေးနေ့ပွဲအတွက် ကုန်ကျမယ့် ငွေကြေးပမာဏကို နာဂစ် လေဘေး ဒုက္ခသည်တွေအတွက် အဖွဲ့ချုပ်(ဗဟို)က တဆင့် ပေးလှူလိုက်ပါတယ်။ မွေးနေ့ရှင် အနေနဲ့လည်း ကျေနပ်နိုင်လိမ့်မယ်လို့ မျှော်လင့်ရပါတယ်”
Friday, June 20, 2008
ဒေါ်စုမွေးနေ့ မြို့နယ်အချို့တွင် ကျင်းပ
မောင်ဝိတ် အဖမ်းခံနေရဆဲ ဖြစ်ဖွယ်ရှိ
မဇ္ဈိမသတင်းဌာန
ကြာသပတေးနေ့၊ ဇွန်လ 19 2008
နယူးဒေလီ။ ။ မူးယစ်ဆေးဝါး ဖောက်ကားမှုတွင် ပတ်သက်သည်ဆိုသော စွပ်စွဲချက်ဖြင့် ခေါ်ယူ မေးမြန်းခြင်း ခံခဲ့ရသည့် လူငယ် စီးပွားရေး လုပ်ငန်းရှင် မောင်ဝိတ်သည် အထိန်းသိမ်းခံနေဆဲ ဖြစ်သည်ဟု ယုံကြည်ရသည်။စစ်အစိုးရ ထိပ်ပိုင်း ခေါင်းဆောင်များနှင့် သဟဇာတဖြစ်သူ အသက် ၃၅ နှစ်အရွယ် မောင်ဝိတ်နှင့် မိသားစု ကုမ္ပဏီ လီမိတက်၏ မန်းနေးဂျင်း ဒါရိုက်တာ မောင်ဝိတ်ကို မူးယစ်မှုဖြင့်ပင် စစ်ဆေးခံရသည့် ဒုဗိုလ်ချုပ်ကြီး ရဲမြင့်၏သား အောင်ဇော်ရဲမြင့်ကို ဖမ်းဆီးပြီးနောက် နှစ်ရက် အကြာတွင် ဖမ်းဆီးခဲ့သည်ဟု သတင်းရပ်ကွက်များက ပြောသည်။ဆက်ဖတ်ရန် အပြည့်အစုံ ကို Click နှိပ်ပါ။
မဇ္ဈိမက ရန်ကုန်မြို့ လမ်းမတော်လမ်းရှိ မောင်ဝိတ်နှင့် မိသားစု ကုမ္ပဏီ လိမိတက်သို့ ဖမ်းဆီးထားသည် ဆိုသော သတင်းနှင့် ပတ်သက်၍ ဆက်သွယ် အတည်ပြုချက် ရယူရာ ကောလဟလသာ ဖြစ်ပြီး ကျိုက်လတ်မြို့နယ်တွင် နာဂစ်ဆိုင်ကလုံးဒဏ်သင့် ဒုက္ခသည်များအတွက် ကျန်းမာရေး ၀န်ဆောင်မှုနှင့် ပြန်လည် ထူထောင်ရေး လုပ်ငန်းများ လုပ်ဆောင်လျှက် ရှိသည်ဟု ပြန်လည် ဖြေကြားခဲ့သည်။သို့သော် ကျိုက်လတ်တွင် မောင်ဝိတ် ရောက်ရှိနေခြင်း ရှိ မရှိ မဇ္ဈိမ အထောက်တော်များက သွားရောက် စုံစမ်းခဲ့ရာ ကုမ္ပဏီအနေဖြင့် လုပ်ငန်း များ ဆက်လက် လုပ်ဆောင်နေသော်လည်း ရောက်လာခဲ့ခြင်း မရှိဟု ၀န်ထမ်းများက ပြောသည်။ ရာထူးမြင့် စစ်တပ် အသိုင်းအ၀ိုင်း အပြောအရ ပြည်ထဲရေး ၀န်ကြီးဌာန လက်အောက်ခံ နေရာတခုတွင် ထိန်းသိမ်းခံထားရသည်ဟု ဆိုသည်။ ယခင်ကလည်း မောင်ဝိတ်ကို စစ်ဆေးပြီး ပြန်လွှတ်ပေးလိုက်သည် ဆိုသော သတင်းများ ထွက်ပေါ်ခဲ့သည်။ဖယ်ရှားခံလိုက်ရသော ၀န်ကြီးချုပ်ဟောင်းဖြစ်သူ ဗိုလ်ချုပ်ကြီး ခင်ညွှန့်နှင့် ရင်းနှီးသူဖြစ်သည့် မောင်ဝိတ်ကို စွဲချက်တင်မည်ဟု စစ်ခေါင်းဆောင် များနှင့် နီးစပ်သည့် သတင်းရပ်ကွက်များက ပြောသော်လည်း မည်သည့် အမှုဖြင့် စွဲချက်တင်မည်ကို မဇ္ဈိမအနေဖြင့် ရှင်းရှင်းလင်းလင်း မသိရသေးပါ။မောင်ဝိတ်သည် စစ်ဘက်ရေးရာ လုံခြုံရေးဌာန အကြီးအကဲ ဒုဗိုလ်ချုပ်ကြီး မြင့်ဆွေ၏ တူမဖြစ်သူ မယဉ်မင်းခင်ကို လွန်ခဲ့သည့် လအနည်းငယ် အတွင်း မြန်မာကျပ်ငွေ သိန်းပေါင်း ၁ သိန်းပေးကာ ကွာရှင်းထားသူ ဖြစ်သည်။ ဒုဗိုလ်ချုပ်ကြီး မြင့်ဆွေသည် ဗိုလ်ချုပ်မှူးကြီး သန်းရွှေ၏ ဇနီး ဒေါ်ကြိုင်ကြိုင်နှင့်လည်း ဆွေမျိုးတော်စပ်ပြီး ယခင် ထောက်လှမ်းရေး အကြီးအကဲ ဟောင်း ဗိုလ်ချုပ်ကြီးခင်ညွှန် နောက်ပိုင်း တန်ခိုး ထွားလာသူလည်း ဖြစ်သည်။ အောင်ဇော်ရဲမြင့်ကို ဖမ်းဆီးသော အမှုနှင့် ပတ်သက်၍ မဇ္ဈိမက သတင်းဦး ထုတ်ပြန်ပြီး ဖြစ်သည်။ လက်ရှိအချိန်တွင် အောင်ဇော်ရဲမြင့်ကို ပြန်လည် ပြုပြင်ရေး စခန်းတခုတွင် ပို့ထားကာ မူးယစ်ဆေး ဖြတ်လျက် ရှိသည်။ယခုကဲ့သို့ စစ်အစိုးရ အသိုင်းအ၀ိုင်း၊ ရုပ်ရှင်မင်းသား မင်းသမီးများ အပါအ၀င် ရုပ်ရှင်နယ်ပယ်မှ လူ ၂ ဒါဇင်ခန့်ကိုပါ ခေါ်ယူ စစ်ဆေးမှု ပြုလာခဲ့သည်။နာမည်ကျော် ရုပ်ရှင်သရုပ်ဆောင် မနန္ဒာလှိုင်နှင့် ကိုဇေသီဟတို့၏ မေလအတွင်းက ပြုလုပ်ခဲ့သော မင်္ဂလာဆောင် အခမ်းအနားသို့ တက်ရောက် ရန် ကာယကံရှင်များက နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ၏ နံပါတ် ၃ အကြီးအကဲ ဗိုလ်ချုပ်ကြီး သူရရွှေမန်းကို သွားရောက် ဖိတ်ကြားမှုပြုရာမှ အစပြုခဲ့သည်ဟု ဆိုသည်။ မဇ္ဈိမက ကိုဇေသီဟရှိရာ မြရိပ်ညိုဟိုတယ်သို့ ဆက်သွယ် အတည်ပြုချက် ရယူရာတွင် ကိုဇေသီဟက တယ်လီဖုံး လာရောက်ကိုင်ကာ ဆဲရေးပြီး ဖုံးချသွားသည်။မင်းသမီးများကို အာမခံဖြင့် ပြန်လွှတ်ပေးထားခြင်းမှာ ပြန်ကြားရေးဝန်ကြီး ဗိုလ်မှူးချုပ် ကျော်ဆန်း၏ မေတ္တာရပ်ခံချက်ဟု ပြန်ကြားရေး ၀န်ကြီး ဌာန သတင်းရပ်ကွက်က ပြောသည်။ နာဂစ်မုန်တိုင်းဒဏ် ဒုက္ခသည်များအတွက် ရန်ပုံငွေ ရှာရန် ပြန်ကြားရေး ၀န်ကြီးဌာနက ရုပ်ရှင် အစည်းအရုံးဝင် မင်းသား မင်းသမီးများဖြင့် ဗီဒီယို ၆ ကားကို ရိုက်ကူးလျှက် ရှိသည်။
Rest of your post
ကရင်တိုင်းရင်းသား ဒုက္ခသည် နောက်ထပ် ၁,၃၀၀ ကနေဒါ လက်ခံမည်
19 June 2008
မြန်မာနိုင်ငံက ကရင်တိုင်းရင်းသား ဒုက္ခသည် ၁,၃၀၀ ကို ကနေဒါနိုင်ငံက လက်ခံမယ်လို့ ကြေညာလိုက်ပါတယ်။ ဒီအကြောင်း အသေးစိတ်ကို ကိုဇော်ဝင်းလှိုင်က တင်ပြပေးထားပါတယ်။
အခုလို မြန်မာနိုင်ငံက ကရင်တိုင်းရင်းသားဒုက္ခသည်တွေကို လက်ခံမယ်ဆိုပြီး ကနေဒါနိုင်ငံ နိုင်ငံသားနဲ့ လူဝင်မှုကြီးကြပ်ရေးဌာန၀န်ကြီး ဒိုင်ယန်း ဖင်းလေး (Diane Finley) က ကြေညာလိုက်တာပါ။ ၂၀၀၈ ခုနှစ်နဲ့ ၂၀၀၉ ခုနှစ်အကြား ကနေဒါနိုင်ငံအနေနဲ့ နောက်ထပ် ကရင်ဒုက္ခသည်တွေကို ထပ်ပြီးလက်ခံမယ်လို့ ပြောဆိုတာပါ။ဆက်ဖတ်ရန် အပြည့်အစုံ ကို Click နှိပ်ပါ။
ကရင်တိုင်းရင်းသား ဒုက္ခသည်တွေဟာ ၁၉၉၅ ခုနှစ် ကရင်အမျိုးသားအစည်းအရုံး ကေနန်ယူရဲ့ ဌာနချုပ်ကို မြန်မာစစ်အစိုးရတပ်တွေ တိုက်ခိုက်ခဲ့တဲ့အချိန်ကတည်းက အိမ်နီးချင်း ထိုင်းနိုင်ငံထဲကို ဘေးလွတ်ရာ ထွက်ပြေးတိမ်းရှောင်ခဲ့ရတယ်လို့ ကနေဒါနိုင်ငံ လူဝင်မူကြီးကြပ်ရေးဝန်ကြီးဌာနရဲ့ ကြေညာချက်မှာ ဖော်ပြထားပါတယ်။
ကရင်တိုင်းရင်းသား ဒုက္ခသည် ၁၄၀,၀၀၀ ဟာ ထိုင်းနိုင်ငံက ကရင်ဒုက္ခသည်စခန်းတွေမှာ နှစ်ပေါင်း ၂၀ လောက် နေခဲ့ရတယ်လို့လည်း ဆိုပါတယ်။
ကမ္ဘာပေါ်က အဆိုးဝါးဆုံး အခြေအနေအောက်မှာ နေထိုင်ရပ်တည်နေရတဲ့ ကရင်တိုင်းရင်းသား ဒုက္ခသည်တွေကို ကနေဒါအနေနဲ့ လက်ခံကြိုဆိုမှာ ဖြစ်ပါတယ်။ ဒီလို အကူအညီ အလိုအပ်ဆုံးသူတွေကို အကူအညီပေးခွင့် ရတဲ့အတွက် ကနေဒါနိုင်ငံ ပြည်သူပြည်သားတွေအတွက် ဂုဏ်ယူသင့်တဲ့အကြောင်း ကနေဒါနိုင်ငံ နိုင်ငံသားနဲ့ လူဝင်မှုကြီးကြပ်ရေးဝန်ကြီးဌာန ၀န်ကြီး ဒိုင်ယန်း ဖင်းလေးက ပြောဆိုပါတယ်။
ကနေဒါနိုင်ငံအနေနဲ့ ကရင်တိုင်းရင်းသား ဒုက္ခသည် ၄,၀၀၀ သူ့နိုင်ငံထဲမှာ လက်ခံပြီး အကာအကွယ်ပေးနိုင်လိမ့်မယ်လို့လည်း ပြောဆိုပါတယ်။
ဒီလို ကရင်တိုင်းရင်းသား ဒုက္ခသည်တွေကို လက်ခံတာနဲ့ပတ်သက်လို့ CFOB မြန်မာ့မိတ်ဆွေ ကနေဒါနိုင်ငံသားများအဖွဲ့ အမှုဆောင်ညွန်ကြားရေးမှူး ဦးတင်မောင်ထူးက အခုလိုပြောပါတယ်။
“ကနေဒါအစိုးရအနေနဲ့ မြန်မာနိုင်ငံက တိုင်းရင်းသားဒုက္ခသည်တွေကို လက်ခံခဲ့တာဟာ ၂၀၀၆ ခုနှစ်ကတည်းက စတင်လက်ခံခဲ့တာ ဖြစ်ပါတယ်။ အဲဒီအချိန်ကတော့ လူပေါင်း ၈၀၀ ကိုလက်ခံခဲ့တာပါ။ ပြီးတဲ့နောက် သက္ကရာဇ် ၂၀၀၇ နဲ့ ၂၀၀၈ ခုနှစ်တွေမှာ ဒုက္ခသည် ၂,၀၀၀ လောက် လက်ခံခဲ့ပါတယ်။ အခုတခါ ထပ်ပြီးတော့ ၁,၀၀၀ ကျော်ကို လက်ခံမယ်ဆိုတာဟာ အင်မတန်မှ ကောင်းမွန်တဲ့အခြေအနေလို့ ကျနော်တို့က မြင်ပါတယ်။ ကြိုလည်း ကြိုဆိုပါတယ်။
“ထိုင်း-မြန်မာနယ်စပ်မှာ ဒုက္ခသည် ၁၀၀,၀၀၀ ကျော် ရှိနေပါတယ်။ သူတို့တတွေ နေထိုင်ရတဲ့ဘ၀တွေ အထူးသဖြင့် ကလေးတွေရဲ့ အနာဂတ်ဟာ ပျောက်ဆုံးနေတဲ့ အခြေအနေကို ရောက်နေပါတယ်။ ဒီလိုအခြေအနေမျိုးမှာ ကနေဒါအစိုးရရဲ့ မြန်မာပြည်အပေါ် အာရုံစူးစိုက်မှုနဲ့ တကယ့်လက်တွေ့ ဆောင်ရွက်ချက်တွေ ကူညီဆောင်ရွက်မှုကို ပြသရာရောက်တယ်လို့ ကျနော်တို့ မြင်ပါတယ်။ တချိန်တည်းမှာ ဒုက္ခသည်တွေ တိုင်းရင်းသားတွေရဲ့ အနာဂတ်ကိုလည်း တဖက်ကနေ ပြန်ပြီးတော့ မြှင့်တင်ပေးတယ်လို့ ကျနော်တို့က ယူဆပါတယ်။”
CFOB မြန်မာ့မိတ်ဆွေ ကနေဒါနိုင်ငံသားများအဖွဲ့ အမှုဆောင်ညွှန်ကြားရေးမှူး ဦးတင်မောင်ထူး ပြောပြသွားတာပါ။
ကနေဒါနိုင်ငံက အရာရှိတွေဟာ မကြာသေးခင်ကပဲ ထိုင်း-မြန်မာနယ်စပ်က ဒုက္ခသည်စခန်းတွေကို သွားရောက်ခဲ့ပြီး ထိုင်း-မြန်မာနယ်စပ်က အခြေအနေတွေကို လေ့လာခဲ့တယ်လို့ ကနေဒါ လူဝင်မှုကြီးကြပ်ရေးဝန်ကြီးဌာနရဲ့ ကြေညာချက်မှာ ဖော်ပြထားပါတယ်။
ကနေဒါကိုရောက်လာတဲ့ ကရင်တိုင်းရင်းသားတွေအနေနဲ့ ကနေဒါနိုင်ငံတ၀န်း အခြေချနေထိုင်နေကြသလို သူတို့ရပ်တည်နေနိုင်အောင် ကနေဒါမှာရှိတဲ့ ဘာသာရေးနဲ့ လူမှုရေး အသင်းအဖွဲ့တွေက ကူညီစောင့်ရှောက်ပေးတဲ့အကြောင်းလည်း ကြေညာချက်ထဲမှာ ဖော်ပြထားပါတယ်။
Rest of your post
အမျိုးသမီးနိုဘယ်ဆုရှင်တွေရဲ့  ဒေါ်စုအတွက် မွေးနေ့ဆုတောင်း
18 June 2008
ဒီနေ့ ဇွန်လ(၁၉)ရက်နေ့ဟာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ (၆၃)နှစ်မြောက် မွေးနေ့ ဖြစ်ပါတယ်။ လွတ်လပ်ရေး ဖခင်ကြီး ဗိုလ်ချုပ်အောင်ဆန်းရဲ့ ဇနီး ဒေါ်ခင်ကြည် နေထိုင် မကောင်းလို့ မိခင်ကြီးကို ပြုစုဖို့ မြန်မာနိုင်ငံကို ပြန်လာခဲ့ရာမှာ ရှစ်လေးလုံး ဒီမိုကရေစီရေး လှုပ်ရှားမှု ဖြစ်ပွားချိန်နဲ့ တိုက်ဆိုင်ပြီး မြန်မာ့ နိုင်ငံရေးမှာ လူထု ခေါင်းဆောင် ဖြစ်လာခဲ့တဲ့ ဒေါ်အောင်ဆန်းစုကြည်ဟာ အခုဆို နေအိမ် အကျယ်ချုပ်ခံထားရတာ သုံးကြိမ်မြောက်ရှိပြီး စုစုပေါင်း ( ၁၂)နှစ်တာ ကြာသွားပါပြီ။ ဒီနေ့ ကျရောက်တဲ့ သူ့မွေးနေ့မှာ ကမ္ဘာ တလွှားက မြန်မာအရေး လှုပ်ရှားသူတွေဟာ အထိမ်းအမှတ် မွေးနေ့ပွဲတွေ ကျင်းပပြီး ဆုတောင်း မေတ္တာပို့သခဲ့ရာမှာ နိုဘယ်ငြိမ်းချမ်းရေးဆုရှင် အမျိုးသမီးတွေကလည်း ဆုတောင်းပေးပို့ခဲ့ ပြပါတယ်။ အကြောင်းစုံကို ဒေါ်လှလှသန်းက တင်ပြပေးပါတယ်။ဆက်ဖတ်ရန် အပြည့်အစုံ ကို Click နှိပ်ပါ။
" ဒီနေ့ ကျရောက်တဲ့ ဒေါ်အောင်ဆန်းစုကြည်ရဲ့ မွေးနေ့မှာ ပျော်ရွှင်မှု အပြည့်ရပါစေလို့ နိုဘယ် ငြိမ်းချမ်းရေးဆုရှင် ခြောက်ဦးတို့ ကိုယ်စား ဆုတောင်း မေတ္တာပို့ လိုက်ပါတယ်လို့ ပြောကြား သွားသူကတော့ (၁၉၇၆)ခု နိုဘယ်ငြိမ်းချမ်းရေး ဆုရှင် အိုင်ယာလန်နိုင်ငံသူ မာရိကော်ရီဂွန်မဂွိုင်းယားပါပဲ၊ သူအပါအ၀င် နောက် နိုဘယ်ငြိမ်းချမ်းရေး ဆုရှင်တွေဖြစ်ကြတဲ့ ဂျိုဒီဝီလျှံ၊ ရှာရင်းအာဘေဒီ၊ ၀င်ကာရာမာသိုင်၊ ၀ီကို့ဘာတာမန်ချူတမ်းနဲ့ ဘက်တီဝီလျှံတို့လို အမျိုးသမီး ငြိမ်းချမ်းရေးဆုရှင်ခြောက်ဦးတို့အနေနဲ့ ဆူဒန်၊ ဒါဖေါ ငြိမ်းချမ်းရေးရှိဖို့၊ အရှေ့အလယ်ပိုင်း စသည်ဖြင့် ဆောင်ရွက်ရာမှာ တဦးတည်း နေအိမ် အကျယ်ချုပ် ကျခံနေရတဲ့ (၁၉၉၁)ခု နိုဗယ်ငြိမ်းချမ်းရေးဆုရှင်ကို အမြဲသတိရရှိကြောင်းလည်း မစ္စမဂွိုင်းယားက ပြောပါ တယ်။ "
" ကျမတို့ရဲ့ နိုဘယ် ငြိမ်းချမ်းရေးဆုရှင် အမျိုးသမီး ခြောက်ဦးတို့ရဲ့ နိုဘယ်ငြိမ်းချမ်းရေး ဆုရှင်တွေဆိုင်ရာ ရေးယူ ဆောင်ရွက်မှု အဖွဲ့မှာ ခုနစ်ဦးမြောက်ကတော့ အမျိုးသမီး နိုဘယ်ငြိမ်းချမ်းရေး ဆုရှင်ဖြစ်သူ နေအိမ် အကျယ်ချုပ် ကျခံ နေရတဲ့ ဒေါ်အောင်ဆန်းစုကြည်ပါပဲ။ ကမ္ဘာပေါ်မှာ စုစုပေါင်း နိုဘယ် ဆုရှင် အမျိုးသမီး (၁၂)ဦးသာရှိပါတယ်။ နိုင်ငံ အမျိုးမျိုးက လာကြတဲ့ ကျမတို့ နိုဘယ် ငြိမ်းချမ်းရေး ဆုရှင်တွေ ပုံမှန် တွေ့ဆုံကြပြီး ငြိမ်းချမ်းရေးအတွက် ဆွေးနွေးကြတိုင်း နေအိမ် အကျယ်ချုပ် ကျခံနေရတဲ့ ဒေါ်အောင်ဆန်းစုကြည်ကို အမြဲသတိရပါတယ်လို့ မစ္စမဂွိုင်းယားက ပြောသွားတာဖြစ်ပါတယ်။ ဒါ့အပြင် နေအိမ် အကျယ်ချုပ် သက်တမ်း စုစုပေါင်း (၁၂)နှစ် ကျခံနေရတဲ့ မြန်မာ့ ဒီမိုကရေစီ ခေါင်းဆောင် လွတ်မြောက်ရေး အတွက်လည်း သူတို့ အဖွဲ့အနေနဲ့ အမြဲ လှုပ်ရှား ဆောင်ရွက်နေတယ်လို့ မစ္စမဂွိုင်းယားက ပြောပါတယ်။ ဒါပေမယ့် သက္ကရာဇ်(၂၀၀၃)ခု မေလက၊ ဒီပဲယင်း အရေးအခင်းအပြီး မြန်မာ စစ်အစိုးရက ငါးနှစ် နေအိမ် အကျယ်ချုပ် ဆက်တိုက် ချခဲ့ပြီး မကြာသေးခင်က ခြောက်ကြိမ်မြောက် သက်တမ်းတိုးခဲ့တဲ့ အပေါ်မှာလည်း နိုင်ငံတကာနဲ့အတူ ဒေါသ ထွက်မိတယ် လို့ မစ္စမဂွိုင်းယားကပြောပါတယ်။ တည်ဆဲ လုံခြုံမှု အက်ဥပဒေအရ လူဦးကို အမှုမစစ်ပဲ အများဆုံး ငါးနှစ်ထက်ကို ဖမ်းဆီး ထားခွင့် မရှိတဲ့အတွက်လည်း အခုလို နေအိမ် အကျယ်ချုပ်သက်တမ်း တိုးလိုက်တဲ့အတွက် နိုင်ငံ တကာနဲ့ အတူ ဒေါသ ထွက်ခဲ့ပါတယ်။ ခုလို နေအိမ် အကျယ်ချုပ် သက်တမ်းတိုး လိုက်တာဟာ မြန်မာစစ်အစိုးရက တည်ဆဲ ဥပဒေကို ချိုးဖေါက်ရာ ရောက်ပါတယ်။ ဒါကြောင့်လည်း အခုလို တရားမ၀င် နေအိမ်အကျယ်ချုပ် ချထားခြင်းခံနေရသူ ဒေါ်အောင်ဆန်းစုကြည်ကို အမြန်ဆုံး ပြန်လွှတ်ပေးဖို့ တောင်းဆိုပါတယ်လို့ (၁၉၇၆)ခု နိုဘယ် ငြိမ်းချမ်းရေး ဆုရှင်က ပြောသွားတာပါ၊ အိုယာလန်နိုင်ငံမှာ ပရိုတက်စတင့်နဲ့ ကက်သလစ် ဘာသာဝင်တွေအကြား ငြိမ်းချမ်းရေး ရယူဖို့ တွေ့ဆုံ ဆွေးနွေးခဲ့ကြပြီး နိုင်ငံအေးချမ်းမှု ရရှိအောင် ဆောင်ရွက်ခဲ့တာကို ထောက်ပြပြီး မြန်မာ စစ်အစိုးအနေနဲ့လည်း ဒေါ်အောင်ဆန်းစုကြည် အပါအ၀င် နိုင်ငံရေးနဲ့ တိုင်းရင်းသား အုပ်စုတွေနဲ့ တွေ့ဆုံဆွေးနွေးပြီး ဘေးဒုက္ခ ကြာရှည်လှတဲ့ မြန်မာနိုင်ငံသားတွေ အတွက် ဒီမိုကရေစီ ဖေါ်ဆောင်ဖို့ကိုလည်း မစ္စမဂွိုင်းယားက တိုက်တွန်း ပြောကြားသွားပါတယ်။ ဒီနေ့ အသက်(၆၃)နှစ်ပြည့်မယ် ဒေါ်အောင်ဆန်းစုကြည်ရဲ့ တိုင်းပြည်အပေါ်မှာအနစ်နာခံမှုကိုလည်း မစ္စမဂွိုင်းယားက အခုလို ချီးကျူးသွားပါတယ်။
ဒေါ်အောင်ဆန်းစုကြည်ရဲ့ အနစ်နာခံမှုဟာ ကျမအပါအ၀င် နိုဗယ်ငြိမ်းချမ်းရေးဆုရှင်အမျိုးသမီးတွေကိုရော၊ ကမ္ဘာ တ၀ှမ်းက လူတွေကိုရော အလွန်အားကျစေပါတယ်။ သူ့ရဲ့ သတ္တိကိုလည်း ချီးကျူပါတယ်။ မြန်မာနိုင်ငံမှာ အမျိုးသားပြန်လည်ရင်ကြားစေ့ရေးအတွက် ပြောဆို ကမ်းလှမ်းမှုတွေကိုလည်း ကျမတို့က ထောက်ခံပါတယ်။ အကောင်းဆုံး ဖြစ်လာ ပါစေလို့လည်းဆုတောင်းပါတယ်။ မြန်မာနိုင်ငံ လွတ်လပ်ရေးရပြီး ဒီမိုကရေစီ ရရှိတဲ့နေ့ကို စောင့်ကြိုနေပါ့မယ်လို့ မစ္စမဂွိုင်းယားက ပြောသွားတာဖြစ်ပါတယ်ရှင်။
Rest of your post
လူ့အခွင့်အရေးချိုးဖောက်မှုများ ဆက်ရှိနေသည့်အပေါ် လူ့အခွင့်အရေးကောင်စီက မြန်မာအစိုးရကို ဝေဖန်ရှုတ်ချ
19 June 2008
မြန်မာနိုင်ငံအတွင်း အခြေခံ လွတ်လပ်မှုတွေ ဆုံးရှုံးနေပြီး လူ့အခွင့်အရေး ချိုးဖောက်မှုတွေ ဆက်ဖြစ်နေတာနဲ့ ပတ်သက်လို့ ၈ကြိမ်မြောက် ကုလသမဂ္ဂ လူ့အခွင့်အရေး ကောင်စီကနေ မြန်မာ အစိုးရကို ပြစ်တင် ဝေဖန်တဲ့ ဆုံးဖြတ်ချက် တရပ် ချမှတ်ခဲ့ပါတယ်။ မနေ့က ဆွေးနွေး ဆုံးဖြတ်ခဲ့တာတွေနဲ့ပတ်သက်လို့ ဦးသားညွန့်ဦးက တင်ပြပေးပါတယ်။ဆက်ဖတ်ရန် အပြည့်အစုံ ကို Click နှိပ်ပါ။
မနေ့ကလုပ်တဲ့ ၈ကြိမ်မြောက် လူ့အခွင့်အရေး ကောင်စီ ညီလာခံမှာ နိုင်ငံအလိုက် လူ့အခွင့်အရေး အခြေအနေတွေနဲ့ ပတ်သက်လို့ ဆုံးဖြတ်ချက်တွေ တင်သွင်း ချမှတ်ရာမှာ မြန်မာနိုင်ငံအကြောင်းကိုပါ ဆွေးနွေး သွားခဲ့ကြတာပါ။ မြန်မာနိုင်ငံနဲ့ ပတ်သက်လို့ လူ့အခွင့်အရေး ကောင်စီရဲ့ ဆုံးဖြတ်ချက် မူကြမ်းကိုတော့ ဥရောပသမဂ္ဂကနေ တင်သွင်း သွားခဲ့တာ ဖြစ်ပါတယ်။ ဆုံးဖြတ်ချက်ပါ အချက်တွေကတော့ အရင်နှစ်တွေကထက် သိပ်မထူးခြားပဲ မြန်မာနိုင်ငံမှာ လူ့အခွင့်အရေး ချိုးဖောက်မှုတွေ ဆက်ဖြစ်နေတယ် ဆိုတဲ့အပေါ် မြန်မာအစိုးရကို ပြစ်တင် ဝေဖန်ထားတာပါ။ ဒီထက် ပိုတာကတော့ အခု ပြီးခဲ့တဲ့ မေလ ဆိုက်ကလုံး မုန်တိုင်းနဲ့ပတ်သက်လို့ ဒုက္ခသည်တွေကို ကူညီရေးမှာ မြန်မာအစိုးရကြောင့် နှောင့်နှေးနေရတဲ့ ကိစ္စကို ထည့်သွင်းထားပါတယ်။ ဒီနေရာမှာ မြန်မာအစိုးရအနေနဲ့ ဒုက္ခသည်တွေကို နိုင်ငံတကာ အထောက်အပံ့ အကူအညီတွေ လွတ်လွတ်လပ်လပ် ပေးပို့နိုင်ဖို့ ဆိုတာကို တောင်းဆိုထားပါတယ်။ဆုံးဖြတ်ချက်ပါ အကြောင်းအရာ အများစုက ပြီးခဲ့တဲ့နှစ်ကနဲ့ မထူးခြားပေမယ့် မြန်မာအစိုးရအနေနဲ့လည်း အရင် လူ့အခွင့်အရေး ကောင်စီရဲ့ ဆုံးဖြတ်ချက် တောင်းဆိုချက်တွေကိုပဲ လိုက်နာတာမတွေ့ရဘူးလို့ ဆုံးဖြတ်ချက်ကို အဆိုပြု တင်သွင်းတဲ့ ဥရောပသမဂ္ဂ ကိုယ်စား ဆလိုဗေးနီးယားနိုင်ငံ ကိုယ်စားလှယ်က ပြောပါတယ်။“နိုင်ငံရေး အကျဉ်းသား အများအပြားဟာ အကျဉ်းထောင်တွေထဲမှာပဲ ရှိနေဆဲပါ။ အခု ဇွန်လ ၁၉ရက်နေဆိုရင် ဒေါ်အောင်ဆန်းစုကြည်ရဲ့ ၆၃ နှစ်ပြည့် မွေးနေ့ရောက်ပါပြီ။ သူမဟာ တဦးတည်း အထီးကျန် နေအိမ်မှာ အကျယ်ချုပ် ချခံထားရပါတယ်။ ဒါကို ကြည့်မယ်ဆိုရင် စစ်အစိုးရက သူတို့ ပြောနေတဲ့ နိုင်ငံရေး လုပ်ငန်းစဉ်မှာ အဓိကကျတဲ့ နိုင်ငံရေး ခေါင်းဆောင်တွေကို ဖယ်ထုတ်ထားတယ်ဆိုတာ ရှင်းနေပါတယ်။ ဖွဲ့စည်းပုံဆန္ဒခံယူပွဲကိုလည်း ခြိမ်းခြောက်မှုတွေ ကြားထဲ မှာ ကျင်းပသွာခဲ့ပါတယ်။ လွတ်လပ်စွာ ဆန္ဒထုတ်ဖော်ခွင့်တွေ လွတ်လပ်စွာစုရုံးခွင့်တွေ မရှိပါဘူး။ မြန်မာနိုင်ငံမှာ ကပ်ဘေး ကျရောက်နေတဲ့အချိန်မှာပဲ ဒီဆန္ဒခံယူပွဲဆိုတာကို ဦးစားပေးဆောင်ရွက်ခဲ့တာပါ”လို့ အီးယူ ဥရောပသမဂ္ဂကိုယ်စား ဆလိုဗေးနီးယား ကိုယ်စားလှယ် မစ္စတာ အန်ဒရေခ်ျ လိုဂါက ပြောသွားပါတယ်။ဥရောပ သမဂ္ဂက အဆိုပြုတဲ့ ဆုံးဖြတ်ချက်မှာ ဆိုက်ကလုံး ဒုက္ခသည်တွေကို အကူအညီ ပေးသူတွေ လွတ်လွတ်လပ်လပ် သွားရောက်နိုင်ဖို့ ထပ်မံ တောင်းဆိုတာပါသလို - ပြီးခဲ့တဲ့ စက်တင်ဘာတုန်းက ငြိမ်းချမ်းစွာ ဆန္ဒပြသူတွေကို အကြမ်းဖက် ပစ်ခတ် နှိမ်နင်းရာမှာ တာဝန်ရှိသူတွေကို ဖော်ထုတ် အရေးယူဖို့ကိုလည်း ထပ်မံ တောင်းဆိုထားပါတယ်။ ဒါပေမယ့်လည်း မြန်မာ အိမ်နီးချင်း အာရှနိုင်ငံအများစုကတော့ အခု ဥရောပ သမဂ္ဂက အဆိုပြုတဲ့ ဆုံးဖြတ်ချက်ကို ထောက်ခံမှုမရှိပါဘူး။ မြန်မာ အိမ်နီးချင်း အိန္ဒိယနိုင်ငံကဆိုရင် ဒီဆုံးဖြတ်ချက်ဟာ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စား လှယ်သစ်ရဲ့ လုပ်ငန်းတွေကို အနှောက်အယှက်ဖြစ်စေမယ်လို့ယူဆပါယတယ်။ “မြန်မာအစိုးရကို အနှောက်အယှက်ဖြစ်စေပြီး ဝေဖန်ရှုတ်ချတဲ့ ဒီဆုံးဖြတ်ချက်မျိုးဟာ အထူးကိုယ်စားလှယ်ကြီးရဲ့ ဆောင်ရွက်ချက်အတွက် အနှောက်အယှက်ပဲဖြစ်စေပါတယ်။ မြန်မာအစိုးရနဲ့ လူ့အခွင့်အရေးကောင်စီအကြား အပြသဘောဆောင်ရွက်တာကပဲ မြန်မာအစိုးရအတွက် ကောင်စီနဲ့ဆက်ဆံဆောင်ရွက်ရေးမှာ အဆင်ပြေပါစေမယ်။ ဒါကြောင့် အိန္ဒိယအနေနဲ့ကတော့ အခု ဆုံးဖြတ်ချက်မှာ သဘောထား မပါဝင်ပါဘူး”လို့ အိန္ဒိယ ကိုယ်စားလှယ် Mr. Swashpawan Singh က ပြောသွားပါတယ်။ ဒါ့အပြင် လူ့အခွင့်အရေးကိစ္စတွေနဲ့ ဆိုက်ကလုံးမုန်တိုင်း ကယ်ဆယ်ရေးကိစ္စတွေကိုလည်း နိုင်ငံရေးဖိအားတွေလို အသုံးမပြုဖို့ အိန္ဒိယအစိုးရကိုယ်စားလှယ်က မေတ္တာရပ်ခံပါတယ်။ အလားတူလိုပါ အာဆီယံအဖွဲ့ဝင် ဖိလစ်ပိုင်နိုင်ငံကလည်း လူ့အခွင့်အရေးကောင်စီအနေနဲ့ မြန်မာနိုင်ငံကို ဝေဖန် ရှုတ်ချနေမယ့်အစား မြန်မာအစိုးရနဲ့ အပြုသဘောဆောင် ထိစပ် ဆောင်ရွက်သွားဖို့ကိုပဲ လိုလားပါတယ်။ “မြန်မာ အစိုးရအနေနဲ့ ဒီမိုကရေစီလုပ်ငန်းစဉ်အတွက် ရှေ့တိုး ဆောင်ရွက်ဖို့ ကြိုးပမ်းနေတယ်ဆိုတာကို သတိပြုမိ ပါတယ်။ ဒါကို နိုင်ငံတကာအ၀ိုင်းအ၀ိုင်းအနေနဲ့ အားပေးသင့်တယ်လို့ ထင်ပါတယ်။ မြန်မာအစိုးရနဲ့ လူ့အခွင့်အရေး ကောင်စီ အကြား အပြုသဘောဆောင် ဆက်ဆံတာကို လိုလားပါတယ်။ ဒါကြောင့် အခု ဆုံးဖြတ်ချက်မှာ ဖိလစ်ပိုင်ရဲ့ သဘောထား မပါပါဘူး”လို့Ms. Erlinda F. Basilioက ပြောသွားပါတယ်။ ဒါ့အပြင် မြန်မာနိုင်ငံအတွင်း အခုနှစ်ပိုင်းအတွင်း တိုးတက်တာတွေ အချို့မြင်တယ်။ အထူးသဖြင့်တော့ ဖွဲစည်းပုံ အခြေခံဥပဒေ ဆန္ဒခံယူပွဲလုပ်တာ၊ ဒါကို အတည်ပြုနိုင်တာနဲ့ ဆိုက်ကလုံး မုန်တိုင်းကယ်ဆယ်ရေးမှာ နိုင်ငံတကာနဲ့ ပူးတွဲ ဆောင်ရွက်တာတွေကို ဖိလစ်ပိုင်ကိုယ်စားလှယ်က ထောက်ပြသွားပါတယ်။ အာဆီယံအဖွဲ့ဝင် နောက်ထပ် တနိုင်ငံဖြစ်တဲ့ မလေးရှားနိုင်ငံက အယူအဆကတော့ တမျိုးပါ မြန်မာအရေးကိစ္စကို ကုလသမဂ္ဂ လူ့အခွင့်အရေး ကောင်စီအနေနဲ့ အဓိက နေရာက ကိုင်တွယ်ဖို့ လိုလားပါတယ်။ ဒီအတွက်လည်း အခုလို လူ့အခွင့်အရေး ကောင်စီကနေ မြန်မာ့လူ့အခွင့်အရေးတိုးတက်လာဖို့ အရှည်ကြည့်ပြီး အပြုသဘောဆောင် တွန်းအား ပေးဖို့ကို တိုက်တွန်းခဲ့ပါတယ်။ “မြန်မာနိုင်ငံတွင်းမှာ အမျိုးသား ပြန်လည် သင့်မြတ်ရေးအတွက် ခိုင်မာတဲ့ အချိန်ဇယား သတ်မှတ်မှုရှိတဲ့ အားလုံးပါဝင်တဲ့ နိုင်ငံရေး လုပ်ငန်းစဉ် တရပ်ရှိဖို့ဆိုတာ မလေးရှား နိုင်ငံအနေနဲ့ အမြဲတမ်း ထောက်ပြပြောဆိုပါတယ်။ ဒီလုပ်ငန်းစဉ်တွေ သိသိသာသာ တိုးတကလာဖို့နဲ့ လူ့အခွင့်အရေး အခြေအနေ တိုးတက်လာဖို့ နိုင်ငံတကာကလည်း မြန်မာအစိုးရကို အားပေး အထောက်အပံ့ ပြုကြဖို့ တောင်းဆိုခဲ့ပါတယ်။ မြန်မာနိုင်ငံကိစ္စနဲ့ ပတ်သက်လို့ လူ့အခွင့်အရေးကောင်စီကနေ အဓိက ကျကျ အခန်းကနေ ပါဝင်ဆောင်ရွက်ဖို့ မလေးရှားနိုင်ငံက အလေးထားပြောဆိုဆောင်ရွက်ပါတယ်။ လူ့အခွင့်အရေး ကောင်စီအနေနဲ့ အပြုသဘောဆောင်ပြီး အရှည်ကို ကြည့်တဲ့ ဆုံးဖြတ်ချက်မျိုးတွေချမှတ်ဖို့ လိုလားပါတယ်” လို့ Mr. Moktar Idham Musa က ပြောသွားတာပါ။ မြန်မာ အစိုးရဖက်ကနေ အမြဲလိုလို အမာခံရပ်တည်လေ့ရှိတဲ့ တရုတ်အစိုးရကိုယ်စားလှယ်ကတော့ မြန်မာအစိုးရရဲ့ အခက်အခဲ အခြေအနေတွေကို နားလည် စာနာဖို့ကိုပဲ အထူးမေတ္တာရပ်ခံပါတယ်။ “မြန်မာ အစိုးရအနေနဲ့ အခုအသစ်ခန့်အပ်တဲ့ လူ့အခွင့်အရေး အထူးကိုယ်စားလှယ်နဲ့ ပူးပေါင်းဆောင်ရွက်လိုတယ် ဆိုတာကို ပြသခဲ့ပါတယ်။ ဒါကြောင့် နိုင်ငံတကာ အသိုင်းအ၀ိုင်းအနေနဲ့က မြန်မာအစိုးရရဲ့ အခက်အခဲတွေကို နားလည် ပေးသင့်ပါတယ်။ ဒီမိုကရေစီ လူ့အခွင့်အရေးနဲ့ တည်ငြိမ်မှုတွေ တဖြေးဖြေးဖြစ်လာစေဖို့ အခြေအနေ ပတ်ဝန်းကျင် ကောင်းတွေ ဖန်တီးနေမှုကို နိုင်ငံတကာက နားလည် အသိအမှတ်ပြုပြီး အားပေးဖို့ လိုပါတယ်”လို့ Mr. QIAN Bo က ဘာသာပြန်က တဆင့် ပြောသွားခဲ့တာဖြစ်ပါတယ်။ မြန်မာ အစိုးရကိုယ်စားလှယ် ဦးဝဏ္ဏမောင်လွင်ကတော့ အခု ဆုံးဖြတ်ချက်ဟာ နိုင်ငံကြီးတွေရဲ့ နိုင်ငံရေးဖိအားပေးဖို့ ကြိုးစားတာလို့ အခုလို တုန့်ပြန်သွားပါတယ်။ “အင်အားကြီးနိုင်ငံတွေကနေ မြန်မာနိုင်ငံကို နိုင်ငံရေးအရ ဖိအားတွေ ပေးဖို့အတွက် မနှစ်ကလို ဆုံးဖြတ်ချက်မျိုး ချမှတ် နိုင်ဖို့ ကြိုးစားတယ်ဆိုတာ ရှင်းပါတယ်။ မေလအတွင်းက မြန်မာနိုင်ငံတွင်း အဖြစ်အပျက်အတော်မျာများရှိခဲ့ပါတယ်၊”အခု ကာလအတွင်း မြန်မာနိုငငံအနေနဲ့ ကုလသမဂ္ဂအပါအ၀င် နိုင်ငံတကာနဲ့ ကိစ္စရပ်အတော်များများမှာ ပူးပေါင်းဆောင်ရွက်မှုတွေ ရှိခဲ့တယ်။ ဒီအတွက် ဒီအခြေအနေမှာ အခုလို ဆုံးဖြတ်တာကို လက်မခံဘူးလို့လည်း ပြောပါတယ်။ ဒီလို တိုးတက်မှုတွေ ဖြစ်တယ်ဆိုတာ သိသာ ထင်ရှားတဲ့ ကာလမျိုးမှာ နိုင်ငံကြီးတွေက နိုင်ငံရေး ဖိအား ပေးလိုတဲ့ သဘောမျိုးနဲ့ လုပ်တဲ့ ဒီဆုံးဖြတ်ချက်ကို ကျနော်တို့ လက်မခံပါဘူး။ ဒီလို လုပ်မယ့်အစား နိုင်ငံတကာ အသိုင်းအ၀ိုင်း အနေနဲ့က ဆိုက်ကလုံး မုန်တိုင်း ဒုက္ခသည်တွေအတွက် ပြန်လည် ထူထောင်ရေး လုပ်ငန်းတွေမှာ နောက် ဒီမိုကရေစီ နိုင်ငံဖြစ်ဖို့ နိုင်ငံရေး လုပ်ငန်းစဉ်တွေ ဆောင်ရွက်ရာမှာ မြန်မာအစိုးရကို အားပေးထောက်ခံဖို့လိုပါတယ်။”ဆုံးဖြတ်ချက် မူကြမ်းတင်သွင်းတဲ့ ဥရောပ သမဂ္ဂကိုယ်စား ဆလိုဗေးနီးယား ကိုယ်စားလှယ်ကတော့ အခု မူကြမ်းမပြင်ခင် ဆုံးဖြတ်ချက်အတွက် အခြားနိုင်ငံတွေနဲ့ ညှိုနှိုင်းဆောင်ရွက်မှုတွေ ရှိခဲ့တယ်လို့ ပြောပါတယ်။ ဒါပေမယ့် အခု ဆုံးဖြတ်ချက် ကို ဥရောပ သမဂ္ဂက အဆိုပြုပေမယ့် ဂျပန်ကလွဲလို့ အာရှနိုင်ငံအများစုကတော့ ဒီဆုံးဖြတ်ချက်ကို လိုလားတဲ့ ပုံတော့ မတွေ့ရပါဘူး။
Rest of your post
အမျိုးသား ဒီမိုကရေစီ အဖွဲ့ချုပ်က လွတ်တော်ခေါ်ရန် တောင်းဆို
ဆော်လမွန်
ဗုဒ္ဓဟူးနေ့၊ ဇွန်လ 18 2008 22:13 - မြန်မာစံတော်ချိန်
နယူးဒေလီ။ ။ နိုင်ငံတွင် ဆိုးရွားလာနေသည့် အကျပ်အတည်းများကို ဖြေရှင်းရေးအတွက် ပြည်သူ့လွှတ်တော် အမြန်ဆုံး ခေါ်ယူပေးရန် အမျိုးသားဒီမိုကရေစီ အဖွဲ့ချုပ်က နအဖ ကို ယနေ့ တောင်းဆိုလိုက်သည်။ယနေ့ ထုတ်ပြန်သည့် အဖွဲ့ချုပ်၏ ကြေညာချက်တွင် နာဂစ်မုန်တိုင်း ဖြစ်ပွားမှု အပါအဝင် လက်ရှိ အမျိုးသား စီးပွားရေး အကျပ်အတည်းကို ဖြေရှင်းရေးအတွက် နိုင်ငံရေး ပြုပြင်ပြောင်းလဲရန်ဟု ဆိုကာ ယခုလို တောင်းဆိုလိုက်ခြင်း ဖြစ်သည်။
ပါတီ အထူးပြန်ကြားရေးအဖွဲ့ဝင် ဦးသိန်းညွန့်က “ပြည်သူ့ လွှတ်တော်ဟာ တရားဝင် ရှိနေတယ်။ အမျိုးသား အကျပ်အတည်းလို့ ဆိုရာမှာ စီးပွားရေး အကျပ်အတည်းအပြင် အခြေခံဥပဒေ တရားဝင်မှု၊ မဝင်မှုဆိုတဲ့ အကျပ်အတည်း ပြဿနာလည်း ရှိတယ်။ အဲဒီ အကျပ်အတည်း ဝန်းကျင်ကြီး တခုလုံးကို ဖြေရှင်းနိုင်ဖို့က ဥပဒေကြောင်းအရ အမြင့်ဆုံး ဆောင်ရွက်နိုင်တာ ပြည်သူ့လွှတ်တော်ပဲ” ဟု ပြောသည်။ထုတ်ပြန်ရတဲ့ အရင်းခံ အကြောင်းကတော့ နာဂစ်ကြောင့် ပြည်သူလူထုတွေပေါ်မှာ ကျရောက်နေတဲ့ ဘေးဒုက္ခတွေကို ကုစားတဲ့အခါမှာ နိုင်ငံတကာ အကူအညီတွေ ထိထိရောက်ရောက် ရစေချင်တဲ့ ကျနော်တို့ရဲ့ အရင်းခံ သဘောထားပါပဲ” ဟု သူက ဆက်ပြောသည်။
ကြေညာချက်တွင် နိုင်ငံတကာ အကူအညီများ၊ ကျွမ်းကျင် ပညာရှင်များနှင့် အလှူငွေ အမြောက်အမြား လိုအပ်နေသဖြင့် တိုင်းပြည်တပြည်၊ တဦးတယောက်တည်းနှင့် လုပ်ဆောင်ရန် မဖြစ်နိုင်ဟု ရေးသားထားသည်။ ငွေကြေးဖောင်းပွမှု အဆမတန် မြင့်မားနေပြီး အခြေခံ စားသောက်ကုန်များမှာလည်း အလွန် မြင့်တက်နေကာ ယခုကဲ့သို့သော အကျပ်အတည်း များသည် နိုင်ငံရေးနှင့် ဆက်စပ်နေသောကြောင့် မည်သည့် နိုင်ငံတွင်မဆို နိုင်ငံရေးကို ချန်လှပ်၍ ရမည်မဟုတ်ဟု ဆိုသည်။ ဦးသိန်းညွန့်က မုန်တိုင်းကြောင့် တိုင်းပြည် စီးပွားရေး ပိုပြီး ထိခိုက် ဆိုးရွားလာကာ တောင်းခံထားသည့် ငွေကြေးနှင့် အမှန်တကယ် ရရှိနေသည့် အခြေအနေ ကွာခြားပြီး ပြန်လည် တည်ဆောက်ရေးနှင့် နိုင်ငံတကာ အကူအညီများ ထိရောက်စွာ ရရှိနိုင်ရေးအတွက် ဝိုင်းဝန်းဖြေရှင်းပေးရန် လွှတ်တော် ခေါ်လိုသည်ဟု ပြောသည်။
ကြေညာချက်ကလည်း တိုင်းပြည်တွင် အကျပ်အတည်းမျိုးစုံ ဖြစ်ပေါ်နေမှုကို ဖြေရှင်းရန်အတွက် နိုင်ငံရေး ပြုပြင်ပြောင်းလဲရေးသည် ဒီမိုကရေစီ အသွင်ကူးပြောင်းရေးနှင့် တိုက်ရိုက် အချိုးကျနေကြောင်းနှင့် နိုင်ငံရေးကို ဖြေရှင်းရာတွင် ၁၉၉ဝ ရွေးကောက်ပွဲ အနိုင်ရ ပါတီစုံ ဒီမိုကရေစီ အင်အားစုများ၊ နိုင်ငံရေး ပါတီများ၊ တိုင်းရင်းသား လူမျိုးစုများနှင့် အမျိုးသား ပြန်လည် သင့်မြတ်ရေးကို ပြန်လည် တည်ဆောက်ခြင်း ဖြစ်သည်ဟု ဆိုသည်။“အခက်အခဲကြားက ပေါ်ပေါက်လာတဲ့ အခွင့်အရေးကို ကျနော်တို့ မီးမောင်းထိုးပြတာပါပဲ။ အချုပ်ကတော့ အဲဒါပါပဲ” ဟု ဦးသိန်းညွှန့်က ကြေညာချက်နှင့် ပတ်သက်ပြီး ပြောဆိုသွားသည်။
၂ဝဝ၈ ခုနှစ် ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေသည် ပြည်လုံးကျွတ် ဆန္ဒခံယူပွဲ ဥပဒေနှင့် နည်းဥပဒေပါ ပြဋ္ဌာန်းချက်နှင့်အညီ ဆောင်ရွက်ခဲ့ခြင်း မဟုတ်သောကြောင့် လုံးဝ လက်မခံကြောင်းလည်း ကြေညာချက်က ဆိုထားသေးသည်။
မြစ်ဝကျွန်းပေါ်လယ်ယာလုပ်ငန်း ပြန်လည်ထူထောင်ရေး ပြည်ပအကူအညီလိုအပ်
18 June 2008
ဦးကျော်ကျော်သိန်း
မုန်တိုင်းဒဏ် အပြင်းအထန်ခံခဲ့ရတဲ့ ဧရာဝတီ မြစ်ဝကျွန်းပေါ် ဒေသက လယ်သမား ၅၂,၀၀၀ ဟာ နိုင်ငံတကာရဲ့ အကူအညီတွေသာ မရခဲ့ရင် စပါးပြန်စိုက်နိုင်မှာ မဟုတ်ဘူးလို့ FAO ကုလသမဂ္ဂ စားနပ် ရိက္ခာနဲ့ စိုက်ပျိုးရေးအဖွဲ့ တာဝန်ရှိသူတွေက ပြောလိုက်ပါတယ်။ ဒီလယ်သမားတွေကို ကူညီဖို့ ရေတို ရေရှည် စီမံကိန်းတွေအတွက် အကူအညီငွေ အမေရိကန်ဒေါ်လာ ၈၃ သန်းလိုအပ်နေတယ် လို့လည်းဆိုပါတယ်။ အပြည့်အစုံကို ဘန်ကောက်ရောက် ဗွီအိုအေ ၀ိုင်းတော်သား ဦးကျော်ကျော်သိန်းက တင်ပြပါတယ်။ဆက်ဖတ်ရန် အပြည့်အစုံ ကို Click နှိပ်ပါ။
နာဂစ်မုန်တိုင်းဒဏ်အပြင်းအထန်ခံခဲ့ရတဲ့ မြို့နယ် ၁၁ မြို့နယ်မှာ နိုင်ငံတကာကျွမ်းကျင်သူတွေ၊ FAO ကျွမ်းကျင်သူတွေနဲ့ မြန်မာ အစိုးရဘက်က ကျွမ်းကျင်သူတွေ သီးခြား လွတ်လွတ်လပ်လပ် တိုင်းတာစစ်ဆေးမှုကနေ တွေ့ရှိခဲ့တာတွေကို ဒီကနေ့ ဘန်ကောက်မြို့မှာကျင်းပတဲ့ သတင်းစာရှင်းလင်းပွဲမှာ FAO တာဝန်ရှိသူတွေက ရှင်းလင်းပြောကြားခဲ့တာပါ။
ဆိုင်ကလုံးမုန်တိုင်းဟာ မြန်မာနိုင်ငံရဲ့ အဓိကစားကုန်ဖြစ်တဲ့ ဆန်စပါးထုတ်လုပ်ရာ စပါးကျီဒေသကို မွှေနှောက်ခဲ့တဲ့အတွက် လယ်သမားတွေရဲ့ မျိုးစပါးတွေ၊ ဓာတ်မြေသြဇာတွေ၊ စိုက်ပျိုးရေးကိရိယာတွေပျက်စီးပြီး လယ်ထွန်တဲ့ကျွဲနွားတွေလည်း သေဆုံး ခဲ့ရတယ်လို့ FAO အာရှ-ပစိဖိတ်ဒေသဆိုင်ရာ ကိုယ်စားလှယ်အဖွဲ့ ဒုတိယအကြီးအကဲ ဟိရိုယုကိ ကိုနုမ (Hiroyuki Konuma) ကပြောပါတယ်။ ဒါ့ကြောင့်
"ပြည်ပက အထောက်အပံ့တွေမရှိရင် သူတို့တွေဟာ ဆာလောင်ငတ်မွတ်မှုနဲ့ ဆင်းရဲမွဲတေမှုတွေကို ကာလတာရှည် ခံစားကြရပါ လိမ့်မယ်။ ဒါ့အပြင် ပြည်ပကအကူအညီတွေပေါ်မှာ ကာလတာရှည် ဆက်ပြီးတော့ မှီခိုနေကြရပါလိမ့်မယ်။" လို့ ပြောပါတယ်။
ဒီအခြေအနေကနေ ပြန်လည် ရုန်းထနိုင်ရေး ကူညီဖို့အတွက် ရေတို ရေရှည် စီမံကိန်းတွေကို FAO က အစီရင်ခံစာပြုစုပြီး နိုင်ငံတကာ အလှူရှင်တွေ၊ အစိုးရတွေ၊ အဖွဲ့အစည်းတွေနဲ့ မြန်မာ အစိုးရဆီကို ပေးပို့ထားပါတယ်။ အဲဒီလို အစီရင်ခံစာ ပြုစုနိုင် အောင် လိုအပ်ချက်တွေကို တိုင်းတာ စစ်ဆေးတဲ့ အဖွဲ့တဖွဲ့ ဖွဲ့စည်းပြီး သီတင်းသုံးပတ်ကြာ တိုင်းတာစစ်ဆေးမှုတွေ လုပ်ခဲ့ကြပါ တယ်။ စစ်ဆေးမှုကနေ တွေ့ရှိတဲ့ အချက်အလက်တွေကနေ တဆင့် ရေတို ရေရှည် စီမံကိန်းတွေအတွက် စုစုပေါင်းရန်ပုံငွေ အမေရိကန်ဒေါ်လာ ၈၃ သန်း လိုအပ်မယ်လို့ FAO ကဆိုပါတယ်။
ဒါနဲ့ပတ်သက်လို့ တိုင်းတာစစ်ဆေးတဲ့အဖွဲ့ကို ဦးဆောင်ခဲ့သူ FAO ရဲ့ လိုအပ်ချက်တိုင်းတာစစ်ဆေးရေးအဖွဲ့က မစ္စတာ အယ်လ် ဘတ်တ် လိုင်းဘာ့ဂ် (Albert Lieberg) က
"အရေးပေါ်လုပ်ငန်းတွေအတွက် အမေရိကန်ဒေါ်လာ ၃၂ သန်းလိုအပ်မယ့်အကြောင်း နိုင်ငံတကာအသိုင်းအ၀ိုင်းကို ကျနော်တို့ အဆိုပြုတင်ပြထားပါတယ်။ ဒီထဲမှာ သီးနှံစိုက်ပျိုးရေး၊ မွေးမြူရေး၊ ငါးဖမ်းလုပ်ငန်းနဲ့ သစ်တောလုပ်ငန်း တွေအတွက် ပါဝင်ပါတယ်။ ၂၄ လအထ်ိကာလရှိတဲ့ ရေရှည် ပြန်လည်ထူထောင်ရေးအတွက်တော့ စုစုပေါင်းရန်ပုံငွေ လိုအပ်ချက် ၅၁ သန်းရှိမယ်လို့ တင်ပြ ထားပါတယ်။" လို့ အယ်လ်ဘတ် လိုင်းဘာ့ဂ်က ပြောပါတယ်။
FAO အပါအ၀င် ကျွမ်းကျင်သူတွေ တိုင်းတာ စစ်ဆေးခဲ့တဲ့ မြို့နယ် ၁၁ မြို့နယ်မှာ လယ်မြေဧကပေါင်း ၁ ဒဿမ ၄ သန်းကျော် ဟာ ရေဖုံးလွှမ်းနေတာကို တွေ့ခဲ့ရတယ်လို့ အယ်လ်ဘတ်တ်က ပြောပါတယ်။ လယ်ယာစိုက်ပျိုးရာမှာ အသုံးပြုတဲ့ ကိရိယာတွေ၊ ကျွဲနွားတွေ စသည် ဆုံးရှုံးသွားရလို့ လယ်ပြန်စိုက်ဖို့ အခက်အခဲ တွေ့နေရတဲ့ စုစုပေါင်း လယ်သမား အရေအတွက်နဲ့ ပတ်သက်ပြီးတော့ ပြောရာမှာ -
"ဒီမုတ်သုန်ရာသီမှာ စပါးမစိုက်ပျိုးနိုင်တဲ့ လယ်သမားအရေအတွက်ဟာ ၅၂,၀၀၀ ရှိပါတယ်။ သူတို့ကို ထောက်ပံ့ ကူညီ တာတွေ မလုပ်ဘူးဆိုရင်တော့ ၂၀၀၈ ခုနှစ် မုတ်သုန်စပါးစိုက်ရာသီမှာ စပါးစိုက်ပျိုးနိုင်ကြမှာမဟုတ်ပါဘူး။" လို့ အယ်လ်ဘတ်တ်က ပြော ပါတယ်။
ဒီလယ်သမားတွေ စပါးမစိုက်နိုင်တဲ့အတွက် လျော့ကျသွားမယ့်စပါးအထွက်နှုန်းဟာ စပါးမက်ထရစ်တန် သန်းဝက်၊ တန် ၅၀၀,၀၀၀၊ တနိုင်လုံး စပါးထုတ်လုပ်မှုရဲ့ ၂% ပဲရှိပါတယ်။ ဒါပေမယ့် ဒီ ၂% လောက်ကိုပဲ ကြည့်လို့မရဘူးလို့ အယ်လ်ဘတ်တ်က ဆိုပါတယ်။
"ဒီ ၂ ရာခိုင်နှုန်းက နည်းနည်းလေးပဲလို့ ထင်ရပေမယ့် ဒီရာခိုင်နှုန်းပေါ်မှာပဲ ကျနော်တို့ပြောမယ်ဆိုရင် အကြီးအကျယ်ကို မှားယွင်းပါလိမ့်မယ်။ အရေးကြီးတာကဘာလဲဆိုတော့ ဘေးဒုက္ခရောက်ကြမယ့် မိသားစုအရေအတွက်၊ အရေးပေါ် အကူအညီတွေ လိုအပ်တဲ့ မိသားစုအရေအတွက်ပါ။ ဒါဟာ တခုတည်းသော အဓိကကျ အရေးပါတဲ့အချက်ပါပဲ။" လို့ပြောပါတယ်။
မုန်တိုင်းကြောင့် လယ်ထွန်ရာမှာ အဓိကအရေးပါတဲ့ ကျွဲနွားကောင်ရေ ၁၂၀,၀၀၀ ကျော် ဆုံးပါးခဲ့ရပါတယ်။ သူတို့နေရာမှာ လယ်ထွန်စက်တွေကို အစားထိုး အသုံးပြုဖို့ တရုတ်၊ ထိုင်းအစရှိတဲ့ နိုင်ငံတွေက လယ်ထွန်စက်တွေ ပေးပို့ထားပေမယ့် အခက် အခဲတွေက ရှိနေပါတယ်။ ဒီလယ်ထွန်စက်တွေကို လယ်သမားတွေက ချက်ခြင်း အသုံးမပြုတတ်သလို အသုံးပြု တတ်ပြန်ရင် လည်း ဒီဇယ်လောင်စာဆီ လိုအပ်ချက်က ရှိနေပြန်ပါတယ်။
ပြီးခဲ့တဲ့ ရက်ပိုင်းမှာ အာရှ-ပစိဖိတ်ဒေသ ကုလသမဂ္ဂ စီးပွားရေးနဲ့ လူမှုရေးကော်မရှင် အမှုဆောင်အတွင်းဝန် ဒေါက်တာ နိုးလင်းန်း ဟေးဇာ (Noeleen Heyzer) က မြန်မာနိုင်ငံအတွက် ဒီဇယ်လောင်စာဆီ ဂါလန် တသန်း ကူညီကြဖို့ အထူးသဖြင့် အရှေ့တောင် အာရှဒေသ နိုင်ငံတွေကို အကူအညီတောင်းခံခဲ့ပါတယ်။
ဒါပေမယ့် FAO ရဲ့ အယ်လ်ဘတ်တ် လိုင်းဘာ့ဂ်ကတော့ သူ့အနေနဲ့ ဒီလိုအပ်ချက်ကို သီးခြား အတည်မပြုနိုင်ကြောင်းနဲ့ ဒီ ဂါလန် တသန်းလုံးဟာ လယ်ယာစိုက်ပျိုးရေးအတွက် မဟုတ်ဘဲ တခြား လိုအပ်ချက်တွေ အတွက်လည်း ပါဝင်နိုင်ကြောင်း ပြောပါတယ်။
မုန်တိုင်းကြောင့် ထိခိုက်ခဲ့ရတဲ့ထဲမှာ လယ်ယာ စိုက်ပျိုးရေး ကဏ္ဍအပြင် နောက်ကဏ္ဍတခုကတော့ ငါးဖမ်းလုပ်ငန်းပါ။ မုန်တိုင်း အတွင်း ငါးဖမ်းလုပ်ငန်းနဲ့ ဆက်စပ်သူပေါင်း ၃၀,၀၀၀ သေဆုံးခဲ့ဖွယ်ရှိကြောင်း FAO ကဆိုပေမယ့် အရေအတွက် အတိအကျက တော့ ဘယ်တော့မှ သိနိုင်မှာမဟုတ်ဘူးလို့ အယ်လ်ဘတ်တ် လိုင်းဘာ့ဂ်က ပြောခဲ့ကြောင်းပါခင်ဗျား။
Rest of your post
