စစ်အာဏာရှင်စနစ် ကျဆုံးပါစေ

Sunday, June 22, 2008

Song by CMF

Nargis Cyclone Relief Mission by Christian Musicians Fellowship

အပြည့်အစုံဖတ်လိုလျှင်

ပိုမိုခိုင်မာခဲ့သည့် သံဃာနှင့် လူထု စည်းလုံးမှု

မိုးအောင်တင် ဇွန် ၂၀၊ ၂၀၀၈

နာဂစ်မုန်တိုင်းက တိုင်းပြည်တခုလုံးကို ဆုံးရှုံးမှုပမာဏ ကြီးမားစွာပေးခဲ့သည်။ ငွေဖြင့်တန်ဖိုးဖြတ် မရစကောင်းသည့် လူ့အသက်ပေါင်းများစွာ ဆုံးရှုံး၍ အသက်ရှင် ကျန်ရစ်သူများ၏ စည်းစိမ်၊ အိုးအိမ် ပိုင်ဆိုင်မှု၊ အသက်မွေးဝမ်းကျောင်း ကိရိယာ များစွာလည်း ရေနှင့် လေနှင့်မျောလွင့် ပျက်စီးခဲ့ကြရသည်။ ဒီလိုဆုံးရှုံးမှုတွေထဲမှ ထွက်ပေါ်လာသည့် ကောင်းမွန် သောရလဒ် တချို့ကိုလည်း အဖြစ်အပျက် တလျှောက်မှာ တွေ့ရသည်ဟု လေ့လာ အကဲခတ်သူ တဦးက ဆိုသည်။ဆက်ဖတ်ရန် အပြည့်အစုံ ကို Click နှိပ်ပါ။
ဖျက်ဆီးနိုင်စွမ်းအား ပြင်းထန်သည့် မုန်တိုင်းကြားမှ ရရှိလိုက်သည့် ကောင်းမွန်သော ရလဒ်မှာ ရဟန်း သံဃာနှင့် လူထုအကြားမှာ ပိုမိုခိုင်မာ သည့် ပေါင်းစည်းမှု ဖြစ်သည်ဟု အဆိုပါ အကဲခတ်သူက ပြောဆိုသည်။

၂၀၀၇ ခုနှစ်ရွှေဝါရောင်တော်လှန်ရေး ဖြစ်ပြီးသည့်နောက်မှာ သံဃာနှင့် လူထု အကြား သွေးစည်းမှုတခု ဖြစ်ပေါ်ခဲ့သည် ကို တွေ့ရသည်။ သံဃာများအပေါ် နဂိုက သာမန် ကြည်ညိုမှု သာရှိခဲ့ကြ သည့် လူတချို့၏ ထင်မြင်ချက် ပြောင်း လဲသွားကာ လေးလေးနက်နက် ကြည်ညိုလေးစား လာသည်ကို တွေ့ရှိရသည်။ တခြားဘာသာဝင်များ ကပင် ရဟန်းသံဃာများ၏ အနစ်နာခံမှု စွန့်လွှတ်မှုကို အသိအမှတ်ပြု လေးစားခဲ့ကြသည်။ “ကဲ ... တန်းစီကြ ... ကလေးတွေရှေ့လာ” (ဓာတ်ပုံ - အေပီ)
နာဂစ်ကယ်ဆယ်ရေး ကာလတွင် အစ္စလာမ် ဘာသာဝင် အလှူရှင်များကလည်း ဗလီများတွင် ခိုလှုံနေကြသည့် အစ္စလာမ် ဘာသာဝင်များသာမကဘဲ ဘုန်းတော်ကြီးကျောင်းများရှိ ဒုက္ခသည်များကိုလည်း ၀င်ရောက် လှူဒါန်းကြသည်ကို အများ အပြားမြင်တွေ့ကြရသည်။ ကယ်ဆယ်ရေးလုပ်ငန်းတွင် သံဃာတော်များ၏ ဦးဆောင်ဦးရွက်ပြုသည်ကို ထောက်ခံအားပေး ခဲ့ကြသည့် လက္ခဏာဖြစ်သည်ဟု ရှုမြင်ကြသည်။

လပွတ္တာမြို့နယ်သို့ မေလအတွင်း ကယ်ဆယ်ရေးအကူအညီ သွားရောက်ခဲ့သည့် အစ္စလာမ် ဘာသာဝင် ရန်ကုန်မြို့သူ တဦးက “ဘုန်းကြီးတွေ လုပ်တာကိုကျမတို့အနေနဲ့ ယုံတယ်၊ မျှမျှတတလည်းရှိတယ်၊ စည်းစနစ်လည်းကျတယ်။ ဒါကြောင့် ကျမတို့အလှူပစ္စည်း တ၀က်ကျော်ကျော်ကို ဘုန်းကြီးကျောင်းတွေ ၀င်ပြီးလှူခဲ့တာပါ ”ဟု ဆိုသည်။
သူတို့အဖွဲ့မှ အစ္စလာမ်ဘာသာဝင် တဦးကလည်း “အရင်တုန်းက လူမျိုးရေး အဓိကရုဏ်းဖြစ်ရင် အထင်လွဲခဲ့တယ်။ ပြီးခဲ့တဲ့ နှစ်ကမှ ဗလီကို ခဲနဲ့လာပေါက်တဲ့ ဘုန်းကြီးရဲ့ ခါးကြားမှာ ဝေါ်ကီတော်ကီ (ကြိုးမဲ့ဆက်သွယ်ရေးစက်) ချိတ်ထားတာတွေ့ လိုက်တော့မှ ဒီလိုအဖြစ်အပျက်တွေကို သူတို့ဖန်တီးတယ်ဆိုတာ ကောင်းကောင်း သဘောပေါက်သွားတယ်” ဟုဆိုသည်။
ထိုအချက်သည် နအဖ စစ်အစိုးရအတွက် ကြီးမားသည့် ဆုံးရှုံးမှုကြီးတခု ဖြစ်သည်။ နိုင်ငံရေး အကြပ်အတည်း ကြုံတိုင်း လူမျိုးရေး အဓိကရုဏ်းဖန်တီးကာ ထွက်ပေါက်ရှာသည့် စစ်အစိုးရ၏လုပ်ရပ်ကို မြန်မာဘုန်းတော်ကြီးများရော အစ္စလာမ် ဘာသာဝင်များပါ သဘောပေါက်သွားခဲ့ကြသည်။

ယခု နာဂစ်ဘေးအန္တရာယ်မှာလုပ်ဆောင်ခဲ့သော သံဃာများ၏ အခန်းကဏ္ဍကိုမူ ၂၀၀၇ ခုနှစ် ရွှေဝါရောင်တော်လှန်ရေး ပြီးနောက်မှာ နိုင်ငံရေး လှုပ်ရှားမှု မဟုတ်ဘဲ ကယ်ဆယ်ရေး လုပ်ငန်းကရသည့် နိုင်ငံရေး အကျိုးအမြတ်ဟူ၍ နိုင်ငံရေး လေ့လာ သူများက သုံးသပ်ကြသည်။ ရွှေဝါရောင် တော်လှန်ရေးမှာ နိုင်ငံရေးလှုပ်ရှားမှု တခုဖြစ်သည်။
အကြမ်းမဖက်သော ငြိမ်းချမ်းစွာ မေတ္တာ ပို့ ချီတက်လမ်းလျှောက်သော လှုပ်ရှား မှုမှာ လူထုအရေးကို ရဟန်းသံဃာများ ကရှေ့မှ ထွက်ရပ်ကာ ငြိမ်းချမ်းစွာ ဦးဆောင်ခဲ့ကြသည်။ မြန်မာပြည် လူထု အရေးကြုံလာသောအခါ သံဃာများက ရှေ့ကိုထွက်ပြီး ဆောင်ရွက်ပေးခဲ့သည့် သာဓကဖြစ်ခဲ့သည်။

ယခု မေလဆန်းတွင် ဖြစ်သည့် နာဂစ် မုန်တိုင်း ဘေးအန္တရာယ်မှာလည်း ကျေးရွာအသီးသီးနှင့် မြို့အသီးသီးက ဆရာတော်၊ သံဃာတော်တွေက ကယ်ဆယ်ရေး ကူညီရေး၊ ထူထောင်ရေး တွေမှာ ရှေ့တန်းကထွက်ပြီး ဆောင်ရွက် နေကြတာမြင် တွေ့ရသည်။

လပွတ္တာ၊ ဘိုကလေး၊ ဖျာပုံ၊ ဒေးဒရဲနှင့် ကွမ်းခြံကုန်း ဒေသများသို့ ရောက်သည့်

အခါ မုန်တိုင်းဘေးကအသက်ရှင်

လွတ်မြောက်လာသူတွေက သူတို့အတွေ့အကြုံကို ပြန်လည် ပြောဆိုကြသည်။ ထိုသို့ပြောဆိုရာမှာ မုန်တိုင်းကြောင့် လှိုင်းတွေ ရေတွေ ကြီးလာသည်နှင့် ရွာမှာ ခိုင်ခန့်ကြီးမားသည့် အဆောက်အဦဖြစ်သော ဘုန်းတော်ကြီး ကျောင်းတွေ၊ သိမ်တွေမှာ ခိုလှုံခဲ့ကြပြီး အသက်ချမ်းသာရာ ရခဲ့ကြသည်ဟု ဆိုသည်။ ရေကျပြီးသွားသည့် အခါမှာလည်း အိမ်တွေပြို ပျက်ပြီးရေထဲပါသွား၍ ကျန်ရစ်ခဲ့သည့် ဘုန်းကြီးကျောင်းတွေ မှာသွားရောက်ခိုလှုံကြသည်။

ရွာတရွာလုံး ကျောင်းတွေပါပျက်စီးတဲ့ ရွာတွေကတော့ မြို့ပေါ်ကိုတက်ပြီး တန်ဆောင်းနဲ့ ဘုန်းတော်ကြီးကျောင်းတွေမှာ ခိုလှုံကြရသည်။ ဘုန်းတော်ကြီးတွေက စားရေး၊ နေရေးနှင့် ကျန်းမာရေး တို့ကိုတတ်နိုင်သမျှ စီစဉ်လုပ်ဆောင်ပေးကြ သည်။ တာဝန်အရှိဆုံး အဓိက အကျဆုံး နေရာကိုယူထားသော အစိုးရထက်ကို ဘုန်းတော်ကြီးကျောင်း တွေက မြန်ဆန်ထိရောက် စွာနှင့် ကယ်ဆယ်ရေးကို လုပ်ဆောင်ခဲ့သည်ကို တနိုင်ငံလုံးနှင့် တကမ္ဘာလုံး ကမြင်တွေ့ ခဲ့ရ သည်။

ဘိုကလေးမြို့အနီးအနားမှ ဟေမာန် လတာဆိုသည့် ရွာငယ်တရွာက ဒုက္ခသည်ရွာသူရွာသားများ အတွက် မြို့သို့ တက် ကာ အလှူရှင်များကို လာရောက်ဆက်သွယ်ဆောင်ရွက်သည့် သံဃာတပါးကိုလည်း ဘိုကလေးမြို့ရှိ ဘုန်းတော်ကြီး ကျောင်းတွင် တွေ့မြင်ခဲ့ရသည်။ အရေးကြုံလာသည့်အခါ ရွာတွင်ဦးဆောင်ဦးရွက် ပြုမည့်သူသည် ရယက ဆိုသူတို့ မဟုတ် ရွာရှိဘုန်းတော်ကြီးကျောင်းမှ ဆရာတော်နှင့် သံဃာတော်များ သာဖြစ်သည်။
ရွာဘုန်းတော်ကြီးကျောင်းအတွက် မျှမဟုတ်ဘဲ ရွာတရွာလုံး၏ အရေးပေါ်စားရေး၊ နေရေးနှင့် ကျန်းမာရေးတို့အတွက် ဘိုကလေးသို့လာရောက်ပြီး အကူအညီတောင်းခံ ခြင်းဖြစ်သည်ဟု ဦးပဉ္ဇင်းက မိန့်ဆိုသည်။
ယခု အဖြစ်အပျက်ကိုကြည့်ပြီး ပြည်တွင်း ဂျာနယ်လစ်တစ်ဦးက“မြန်မာနိုင်ငံရဲ့ ကျေးလက်တွေမှာ လူထုရဲ့ခေါင်းဆောင်က သံဃာတော်တွေပဲ။ သံဃာတော်တွေက ဘာသာရေး တခုတည်းသာမကဘဲ ကျန်းမာရေး၊ လူမှုရေး၊ ပညာရေးနဲ့ အခုတော့ သဘာဝဘေး ဒုက္ခကဏ္ဍတွေမှာပါ ဦးစီးဦးဆောင် လုပ်နေတာ မြင်ရတယ်” ဟု သုံးသပ်သည်။

နိုင်ငံတွင်းတွင်သာမက ပြည်ပသာသနာပြုတွင်ပါ ထင်ရှားပြီး နအဖ အစိုးရကို တရား ဒေသနာများဖြင့် ပွင့်လင်းထိမိစွာ ဝေဖန် ဟောပြောလေ့ရှိသည့် သီတဂူဆရာတော်သည်လည်း နာဂစ်မုန်တိုင်း ဖြစ်ပြီးသည့်နောက် ဘိုကလေးမြို့တွင် အခြေစိုက်ကာ ရွာပေါင်းများစွာ၏ ကယ်ဆယ်ရေးနှင့် ပြန်လည်ထူထောင်ရေး အတွက် အင်အားဖြင့် လုပ်ဆောင်လျက် ရှိသည်ကို တွေ့မြင်ရသည်။

ရန်ကုန် ရွှေပေါက်ကံမှာ ဆန်လှူရာမှာ ဘုန်းဘုန်းတို့ ဦးဆောင်(ဓာတ်ပုံ - အေအက်ဖ်ပီ)

ပြီးခဲ့သည့်မေလ မကုန်မီကပင် စာသင် ကျောင်းများတွင် နေထိုင်သည့် မုန်တိုင်း ဒဏ်ခံရသော ဒုက္ခသည်များကို သက် ဆိုင်ရာ အာဏာပိုင်နှင့်စစ်တပ်က ဖယ်ရှားခဲ့ကြသည်။ ကျောင်းမဖွင့်မီမှာပင် နေခွင့်မပြုဘဲ နှင်ထုတ်ခဲ့ကြသည်။ ထိုမျှမက ဘုန်းတော်ကြီးကျောင်းများ ကိုပါ ဒုက္ခသည်များဖယ်ရှားရန် အာဏာ ပိုင်တွေက ဖိအားပေးခဲ့ကြသော်လည်း တချို့သော ဆရာတော်များက ဒုက္ခ သည်များ အိမ်ပြန်ခိုင်းရန် မဖြစ်နိုင်သေး ဟု ဆိုကာ ဖိအားပေးမှုကို ငြင်းဆန်ခဲ့ကြ သည်ဟု လပွတ္တာ၊ ကွမ်းခြံကုန်းတို့တွင် ကြားသိရသည်။

သဘာဝဘေး အန္တရာယ် ဆိုက်ရောက်ပြီး နောက် ရွာများပြန်လည်တည်ဆောက်ကြရာမှာ အကူအညီပေးရေး အန်ဂျီအို များနှင့် တသီးပုဂ္ဂလ အလှူရှင်အဖွဲ့များက ဘုန်းတော်ကြီးကျောင်းများကို နောင်သဘာဝဘေး အန္တရာယ် ကြုံတွေ့ရသည့်အခါ ခိုးကိုးရာ အဆောက်အဦအဖြစ် ခိုင်ခန့် အောင် တည်ဆောက်ပေးရန် စဉ်းစားလျက်ရှိကြသည်။ စာသင်ကျောင်းထက် ဘုန်းတော်ကြီးကျောင်းများက လူထုအတွက် အားကိုးအားထား ပြုစရာအဖြစ် မြင်ကြသည်။
အဆိုပါ အချက်သည် ရုပ်ဝတ္တုဖြစ်သည့် ဘုန်းတော်ကြီးကျောင်းများကို အနာဂတ် ဘေးအန္တရာယ် ကာကွယ်ရေး အတွက် ဆောက်လုပ်ခြင်းဖြစ်သည်။ ရုပ်ဝတ္တုမဟုတ် သောကြောင့် ထိတွေ့ကိုင်တွယ်၍မရသည့် သံဃာတော်များ နှင့်လူထု အကြား မှ စည်းလုံးရေး စိတ်ဓာတ် သည်လည်း နောင်ကြုံလာမည့် နိုင်ငံရေး အန္တရာယ်ကျရောက်သည့် ကာလတွင် ခိုကိုးရာ အဆောက်အဦဖြစ်၍ နာဂစ်မုန်တိုင်း အပြီးတွင် ခိုင်မာသည့် စိတ်ဓာတ်ရေးရာ အဆောက်အဦတခု အဖြစ်တည်ခဲ့ပြီ ဟု နိုင်ငံရေး အကဲခတ်လေ့လာသူများက ဆိုသည်။
Rest of your post

အပြည့်အစုံဖတ်လိုလျှင်

သာမညဆရာတော် ရုပ်ကလပ် ဘာကြောင့်ခိုး

အေမီ ဂိုးလ်ဒ် မေ ဇွန် ၂၀၊ ၂၀၀၈

ဧပြီလ ၂ ရက် မှောင်မိုက်သောညတွင် မည်သည့်အကြောင်းကြောင့်မှန်း မသိရ၊ မြန်မာနိုင်ငံ၏ ဘုန်းအကြီးဆုံး အကျော် ဒေးယျ ဆရာတော်တပါးဖြစ်သူ ဆရာတော် ဦးဝိနယ ခေါ် သာမညဆရာတော်၏ ရုပ်အလောင်း ထူးဆန်းစွာ အခိုးယူခံခဲ့ ရသည်။ဆက်ဖတ်ရန် အပြည့်အစုံ ကို Click နှိပ်ပါ။
တာဝန်ကျအစောင့်၏ ပြောပြချက်အရ အမည်မသိ လက်နက်ကိုင် လူတစုသည် အဆောက်အဦးထဲသို့ ကားမောင်းဝင် လာခဲ့ပြီး၊ သူ့ကို အဓမ္မကြိုးနှင့် တုပ်သည်။ ထို့နောက် ကျည်ကာမှန်တပ်ထားသော ခေါင်းတလား၏သော့ကို ထုတ်ပေးရန် ပြောခဲ့ကြသည်။ ထို့နောက် ၂၀၀၃ ခုနှစ်က ပျံလွန်တော်မူခဲ့သော သာမညဆရာတော်၏ ရုပ်အလောင်းထားရာ ကျောင်းနေရာသို့ ခေါ်ဆောင်သွားခဲ့သည်။

သော့ကို ဆရာတော်ကြီးတပါးကသာ ကိုင်သည်ဖြစ်ရာ၊ ဆရာတော်၏ ဆေးစိမ်အလောင်းထားသော စကျင်ကျောက်ပြား ကာရံထားသည့် အတွင်းအခန်းထဲသို့ဝင်သော မှန်တခါးကို ဖွင့်၍မရမှန်း ၀င်ရောက်စီနင်း သူများ သိလာကြသည်။ ရုပ်ကလာပ်ထည့်ထားသော ကျောင်းတော် မှန်တံခါးကို ရိုက်ခွဲလိုက်ပြီးလျှင် ဆရာတော်၏ ရွှေပုတီးနှင့်အတူ ရုပ် အလောင်းကိုလည်း အဓမ္မလုယက် သယ်ဆောင်ထွက်သွားကြသည်။ ရုပ်အလောင်းကို တိုယိုတာကားပေါ်တင်ပြီးနောက် အဝေးသို့ မောင်းထွက်သွားကြသည်။

လေးရက်ကြာအပြီး၌ ဆရာတော်၏ ရုပ်အလောင်းကို မီးသဂြိုင်္ဟ်ပြီးပြီး ဖြစ်ကြောင်း၊ ပြာကို ဘုန်းကြီးကျောင်း ပုရ၀ုဏ်အနီးရှိ ကော့ကဒါ ကျေးရွာမှာ ထားလိုက်ကြောင်း အမည်မသိလူတဦးက သာမညဘုန်းကြီးကျောင်းရှိ ဆရာတော်ဘုန်းကြီးများထံ တယ်လီဖုန်း ဆက်၍ အကြောင်းကြားလာခဲ့သည်။ ဆရာတော်ကို ရည်စူး၍တည်ထားသောာ စေတီငယ်တဆူ အနီး၌ ဆရာတော်၏ တပည့်များက ပြာပုံလေးတပုံကို အရိုးမီးသွေးများ၊ မှန်ခေါင်းတလား၏ လက်ကိုင်တို့နှင့် အတူ တွေ့ခဲ့ကြရသည်။

ရက်အချို့ခန့် အရိုးမီးသွေးများကို ပြသထားသေးသည်။ သို့ရာတွင် နောက်တခါ လုယူခံရမည်ကို စိုးရိမ်သည်ကတကြောင်း၊ ဆရာတော်၏ အရိုးမီးသွေး ဟုတ်-မဟုတ် မသေချာသည်က တကြောင်းတို့ကြောင့် ရဟန်းသံဃာများက အရိုးမီးသွေးများကို သော့ခတ်သိမ်းဆည်းထားရန် ဆုံးဖြတ်လိုက်ကြတော့သည်။ ဖားအံမြို့အာဏာပိုင်များက ဤသို့ ထူးထူးဆန်းဆန်း ဆရာတော်၏ ရုပ်ကလပ် ပျောက်ဆုံးသွားမှုနှင့် ပတ်သက်၍ စုံစမ်းစစ်ဆေးပေးပါမည်ဟု ကတိပေးခဲ့သော်လည်း ရက် အနည်းအတွင်းမှာပင် ဤကိစ္စအကြောင်း ပြောဆိုသံမကြားရပဲ တိတ်ဆိတ်သွားကြတော့သည်။

ယတြာချေသော လုပ်ကြံမှုလော?

ဆရာတော်သည် ဒေါ်အောင်ဆန်းစုကြည်ကို လေးစားသူလည်းဖြစ်၊ စိတ်ဓါတ်ရေးအရ အကြံပေးသူလည်း ဖြစ်သည်။ ဒီမို ကရေစီကိုတန်ဖိုးထားကြောင်း ထုတ်ဖေါ်ပြောပြတတ်သည့်အပြင် စစ်အစိုးရကိုလည်း အတိတ်ကာလက ဝေဖန်ပြစ်တင်လေ့ ရှိသည်။ ဆန္ဒခံယူပွဲမလုပ်မီ သတင်းပတ်အချို့ အလို၌ တိုက်တိုက်ဆိုင်ဆိုင် ဆရာတော်၏ ရုပ်ကလပ်ပျောက်ဆုံးသွားရ ခြင်းသည် အချို့သောသူများအတွက် အတော့်ကို ထူးခြားဆန်းကြယ်ကိစ္စ ဖြစ်နေရသည်။ အချို့ပြည်သူများက ဂြိုဟ်ဆိုးကို မျက်စိလှည့်ပစ်ရန်နှင့် စစ်အစိုးအတွက် ဆန္ဒခံယူပွဲ အနိုင်ရအောင် ကြံကြံဖန်ဖန် ယတြာချေသည့်အနေနှင့် ဆရာတော်၏ ရုပ်အလောင်းကို ခိုးယူသွားခြင်းဟု ယုံကြည်နေကြသည်။ ယတြာချေသည်ဆိုသည်မှာ ကံကြမ္မာဆိုးရာမှ ကောင်းလာရ လေအောင် ရည်ရွယ်လျှက် ဗေဒင်နက္ခတ်ဆရာ၏ အကြံပေးချက်များအရ ရှေ့ရေးအပြောင်းအလဲ ဖြစ်သွားအောင် ဆောင်ရွက်လေ့ရှိသည့် မြန်မာလူမျိုးတို့၏ တမူထူးခြားသည့် အလေ့အထတခုလည်း ဖြစ်သည်။

ဆရာတော် သက်တော်ထင်ရှားရှိစဉ်က စစ်အစိုးရကို ထောက်ခံအားပေးခြင်းမပြုဘဲ နေသည့်အတွက် ဗိုလ်ချုပ်များအဖို့ မျက်နှာပျက်စရာ ဖြစ်ခဲ့သည်။ ဆရာတော်က ယခင် စစ်အစိုးရ တာဝန်ရှိသူ ဗိုလ်ချုပ်ကြီး ခင်ညွန့်ထက် ဒေါ်အောင်ဆန်း စုကြည်ကို ပို၍အရေးထားကြောင်း ပြောသံဆိုသံများ ထွက်ပေါ်နေသည်။ ဗိုလ်ချုပ်ကြီးခင်ညွန့်သည် သာမညတောင်ရှိ ဆရာတော့်ကျောင်းသို့ရောက်တိုင်း မျက်နှာပန်းမလှ ဖြစ်ခဲ့ရသည်ဟုလည်း သတင်းများက ဆိုသည်။

ဆရာတော်ထံမှ လူသိရှင်ကြားထောက်ခံအားပေးမှုရရှိအောင် ကြိုးပမ်းသည့်အနေနှင့် ဆရာတော်ကို ဘွဲ့များကပ်လှူ ပူဇော်ခဲ့သော်လည်း စစ်အစိုးရအဖို့ မျက်နှာပျက်ရခြင်းသာ အဖတ်တင်စေခဲ့သည်။ နောက်ဆုံး၌ ဆရာတော်နာမကျန်းဖြစ်၍ ရန်ကုန်ဆေးရုံကြီးတွင် ကုသမှုခံယူရစဉ်တွင် ဗိုလ်ချုပ်ခင်ညွန့်က ဆရာတော်၏ ဆေးကုသစားရိတ်ကို ၀မ်းမြောက်ဝမ်းသာ စွာဖြင့် ကျခံခဲ့သည်။ ဘီးတပ်ကုလားထိုင်ဖြင့်ထိုင်နေရသော ယခင် အာဏာရှင်ဟောင်း ဦးနေ၀င်းသည်လည်း ဆရာတော်ကို သွားရောက်ဖူးမြော်ခဲ့သည်ဟု သိရသည်။ သို့သော် ဆရာတော် ဆေးရုံမှဆင်းအပြီးတွင် ဒေါ်အောင်ဆန်းစုကြည်၏ အိမ်သို့ ကြွချီသည် ဟူသောအချက်ကြောင့် ဗိုလ်ချုပ်များအဖို့ မခံချိမခံသာ ဖြစ်ခဲ့ရလေသည်။

ဗိုလ်ချုပ်မှူးကြီးနှင့် ၎င်း၏မိသားစုတို့သည် နိုင်ငံရေး အရှုပ်ထုပ် ပြဿနာများအတွက် နည်းလမ်းရှာသည့် အနေနှင့် အီးတီ နှင့် ဒေါ်ဓမ္မသီကဲ့သို့သော ဗေဒင်ဆရာ/ဆရာမများထံ အားအားရှိတိုင်း ဗေဒင်သွားမေးလေ့ရှိပြီး၊ အစိုးရရင်ဆိုင်နေရသော ပြဿနာများ ဆိုးရာမှ ကောင်းလာအောင် ကြံကြံဖန်ဖန် ယတြာချေလေ့ရှိသည်ဟုလည်း သာမန်ပြည်သူများအကြားတွင် နာမည်ကြီးနေခဲ့သည်။ ၁၉၈၇ ခုနှစ်က နိုင်ငံအတွင်း လည်ပတ်နေသော ငွေစက္ကူတ၀က်လောက်ကို ညတွင်းချင်း တရား မ၀င် ကြေညာပစ်ခဲ့ခြင်း၊ ချက်ချင်းဆိုသလိုပင် တနိုင်ငံလုံးအနှံ့ အရူးအမူး ကြက်ဆူပင် စိုက်ပျိုးစေခဲ့ပြီးနောက် ယခုအခါ အားလုံးနီးပါးလောက်ကို လျစ်လျူရှုပစ်ထားလိုက်ခြင်း၊ ဗေဒင်နက္ခတ် အလိုအရ အစိုးရအဖွဲ့ကို နေပြည်တော်သို့ ပြောင်းရွှေ့ စေခြင်း စသည်တို့သည် လွန်ခဲ့သော ဆယ်စုနှစ်များအတွင်း စစ်အစိုးရ၏ အလွန်ထူးဆန်းသော အပြုအမူများ အနက်မှ ဗေဒင်ယတြာကို ယုံကြည်၍ ဆောင်ရွက်ခဲ့ကြပုံ သာဓကအချို့သာ ဖြစ်ပါသည်။

အချို့ ပုဂ္ဂိုလ်များ၏ အမြင်အရဆိုလျှင် သာမညဆရာတော်၏ ရုပ်ကလာပ်ကို ခိုးယူခြင်းသည် ဂြိုဟ်ဆိုးကို ပယ်လှန်ပစ်ရန် အတွက် မတော်တရော် ကြောက်မက်ဖွယ် ယတြာချေခြင်း ဖြစ်နိုင်သည်။ စစ်အစိုးရသည် အခြေခံဥပဒေ အတည်ပြုချက် ရနိုင်ရေးအတွက် အလွန်စိတ်သောကရောက်နေသော အချိန်၊ အထူးသဖြင့် ဆန္ဒခံယူပွဲနီးကပ်လာသည့် အချိန်တွင် ဤသို့ ဆောင်ရွက်ရန် ဖြစ်နိုင်ခြေများစွာရှိသည်ဟု ဆိုကြပါသည်။

ထိပ်သီးစစ်ဗိုလ်ကြီးများနှင့် ၎င်းတို့၏ မိသားစုဝင်တို့သည် ဆန္ဒခံယူပွဲမတိုင်မီ သတင်းပတ်များက ယတြာချေသည့်လုပ်ရပ် များကို အပူတပြင်း တိုး၍လုပ်ခဲ့ကြသည်ဟု လူအများလေးစားခံရသည့် ဗေဒင်ဆရာများ၊ စစ်အစိုးရကို စောင့်ကြည့်လေ့ လာနေကြသူများက ဆိုကြပါသည်။

"ဟိုတလောက ဖြစ်ရပ်တခုမှာ ဗိုလ်ချုပ်မှူးကြီးသန်းရွှေရဲ့ဇနီး ဒေါ်ကြိုင်ကြိုင်က မိန်းမတွေ မတက်ရတဲ့ ရွှေတိဂုံဘုရားရဲ့ ပန်းတင်ခုံ အရစ်ပေါ် တက်သွားတာ မြင်လိုက်ရတယ်လို့ ဘုရားလူကြီး မျက်မြင်သက်သေတွေက ပြောပြကြတယ်။ အခြွေ အရံတွေက နောက်ကနေ ရို့ရို့လေးလိုက်ပြီး ရွှေထီးနဲ့ ထီးဖြူတွေကိုမိုးပေးလို့ ဒေါ်ကြိုင်ကြိုင်က 'အောင်ပြီ၊ အောင်ပြီ' ...
လို့ အော်ရင်း ဘုရားကို သုံးကြိမ် လက်ျာရစ် လှည့်တယ်လို့ ဆိုကြတယ်" ဟု ဗေဒင်ဆရာတယောက်က ပြောပြပါသည်။

ဆန္ဒခံယူပွဲနေ့ဖြစ်သော ၂၀၀၈ ခုနှစ်၊ မေလ ၁၀ ရက်နေ့ (၅-၁၀-၂၀၀၈) သည် ယတြာခြေပြီး ရွေးခဲ့သော နေ့ဖြစ်သည်ဟု အဆိုပါ ဗေဒင်ဆရာကပင် ပြောပါသည်။ ဗိုလ်ချုပ်များသည် ခါတိုင်းလုပ်နေကျအတိုင်း ပေါင်းရကိန်း (၉) ဂဏန်းကို မရွေး ဘဲ ယခုတကြိမ် (၁၆) ဂဏန်းကို ရွေးလိုက်သည့်အတွက် စောင့်ကြည့်လေ့လာသူများ အံ့သြသွားခဲ့ကြရပါသေးသည်။

တွေဆုံမေးမြန်းနေစဉ်မှာပင် ၎င်းဗေဒင်ဆရာက "ကိုင်ရို၏ လက္ခဏာဗေဒင်၊ ဂဏန်းဗေဒင်နှင့် နက္ခတ်ဗေဒင်စာအုပ်" (Cheiro's Book of Palmistry, Numerology, Astrology) စာအုပ်ကို ဆွဲထုတ်ရင်း "သူတို့ရွေးလို့ ရနိုင်တဲ့ နေ့တွေထဲမှာ အခု ရွေးချယ်လိုက်တဲ့နေ့ကတော့ အဆိုးဆုံးနေ့ပါဘဲ၊ ၁၆ ဂဏန်းဟာ ဆန်းဆန်းပြားသေတာတို့ မတော်တဆ ထိခိုက်မှု အန္တရာယ် ကြုံရတာတို့ သေကိန်းတို့နဲ့ ဆက်စပ်နေပါတယ်။ အဲဒီနေ့အတွက် စီစဉ်ထားတာတွေ မှန်သမျှကို အသစ်ပြန်စီစဉ် ရမယ်။ ဒီလိုမှ မဟုတ်ရင် ရှုံးမှာဘဲ" ဟု ဆိုပါသည်။

“ဒီနေ့ကို ရွေးချယ်တာနဲ့ပတ်သက်လို့ ပြောစရာအချက် နှစ်ချက်ရှိတယ်။ ဗေဒင်ဆရာက ဆန္ဒခံယူပွဲကို ရှုံးစေချင်တဲ့ ကိုယ့်လူ သူ့ဘက်သား တယောက်လည်း ဖြစ်နိုင်တယ်။ ဒါမှမဟုတ် အဆိုးနှစ်ခုပေါင်းရင် အကောင်းဖြစ်တယ်ဆိုတဲ့သဘောနဲ့ ဒီဂဏန်းကို တခြားမကောင်းတဲ့ ဂဏန်းနဲ့ ပေါင်းခြင်းအားဖြင့် ဆန္ဒခံယူပွဲနဲ့ ပတ်သက်လို့ ဗိုလ်ချုပ်တွေ အကြောက်သက်သာ သွားအောင် ပရိယာယ်ဆင်လိုက်တာလည်း ဖြစ်နိုင်တယ်။ တကယ်တော့ ယတြာချေတယ်ဆိုတာကလည်း လှည့်စားခြင်း၊ ပရိယာယ်လို့ အဓိပ္ပါယ်ရတာပဲ”ဟု သူက ပြောပါသည်။

ဆရာတော်၏ ရုပ်အလောင်းအပါအ၀င် ယတြာချေသောလုပ်ရပ်များ တကယ်လုပ်-မလုပ်၊ အထောက်အထားများ မတွေ့ရ သော်လည်း၊ ဆရာတော့် ရုပ်ကလာပ်ကို ဆက်လက်ပြသထားခြင်း၊ ဆရာတော်က ဒေါ်အောင်ဆန်းစုကြည်နှင့် နီးစပ်မှု ရှိခြင်းနှင့် စစ်အစိုးရကို အများပြည်သူတို့က မနှစ်မြို့ခြင်းတို့သည်လည်း ဤရုပ်အလောင်းကို ဖယ်ရှားပစ်ရေးအတွက် လုံလောက်သော အကြောင်းဖြစ်သည်ဟု လေ့လာသူများက ဆိုကြပါသည်။

ကရင်ပြည်နယ်ရှိ ရွံရှာဖွယ် ကိစ္စတခု

ဆရာတော်ကို ရန်ကုန်ရှိ နိုင်ငံရေးသမားများနှင့် ဗိုလ်ချုပ်များက အဝေးမှနေ၍ လာရောက်ဖူးမျှော်နေကြသည့် အပြင်၊ ဆရာတော်၏ သာမညတောင်က ရာစုနှစ်ဝက်ကျော် စစ်ဘေးသင့်ခဲ့ရသည့် နယ်မြေ၏ အိုးအိမ် အခြေမဲ့သူများအတွက် အရေးကြီးသော ခိုလှုံရာစခန်းတခုလည်း ဖြစ်နေခဲ့သည်။ သာမညဆရာတော်က “ငြိမ်းချမ်းရေးဇုံ” အဖြစ် သတ်မှတ်ထား သည့် ဘုန်းကြီးကျောင်းတည်ရှိရာ ကရင်ပြည်နယ် တောင်ပိုင်းဒေသသည် ထူးခြားငြိမ်းချမ်းသည့်နေရာ ဖြစ်နေခဲ့သည်။ ဘုန်းကြီးကျောင်း ပရ၀ုဏ် အတွင်း၌ ခိုလှုံရာ ပေးထားခြင်းခံရသော လူပေါင်း ၄,၀၀၀ ကျော်သည် ဒီမိုကရက်တစ် ဗုဒ္ဓ ဘာသာ ကရင်တပ်မတော် စစ်သားများ စောင့်ကြပ်ကာကွယ်ပေးထေားသော ကရင်ပြည်နယ်မြောက်ပိုင်းရှိ မြိုင်ကြီးငူ ဆရာတော် ဦးသုဇန၏ ကျောင်းပုရ၀ုဏ်နှင့် သိသိသာသာကြီး ခြားနားနေခဲ့သည်။

သူ့အပေါ်သစ္စာခံပြီး၊ မည်သည့်အချိန်တွင် ကြမ်းကြမ်းရမ်းရမ်း လုပ်လာမည်နည်းဟု လူအများက ကြောက်ရွံ့နေကြရသော ကရင်စစ်သားများ ၀ိုင်းရံပေးထားခြင်းခံရသူ ဦးသုဇနခေါ် မြိုင်ကြီးငူဆရာတော်နှင့် မတူဘဲ၊ သာမညဆရာတော် ဦးဝိနယက မြန်မာနိုင်ငံမှာရော ထိုင်းနိုင်ငံမှာပါ သူ၏မေတ္တာတရားကြောင့် ထင်ရှားကျော်ကြားခဲ့သည်။ နေ့စဉ် လူထောင်ပေါင်းများစွာ လာရောက်ဖူးမျှော်ကြကာ ဘုန်းကြီးကျောင်းအတွက် အလှူငွေများ မပြတ် ပေးလှူနေကြသည်။ ဤအလှူငွေများဖြင့် ဆရာ တော်က အိုးအိမ်အခြေမဲ့သူများကို ကျွေးမွေးစောင့်ရှောက်ခြင်း၊ လမ်းများပြင်ခြင်း၊ စာသင်ကျောင်းများ ဆောက်လုပ်ခြင်း စသည့် လူမှုအကျိုးပြုလုပ်ငန်းများလည်း ဆောင်ရွက်ပေးခဲ့သည်။

အခိုးမခံရမီကတည်းကပင် ရုပ်အလောင်းနှင့်ပတ်သက်၍ အငြင်းပွားမှုများ ရှိနေခဲ့သည်။ ရုပ်အလောင်း အခိုးမခံရမီ နေ့က ဘုန်းကြီးကျောင်းသို့ ရောက်ခဲ့သော ခရီးသွားလမ်းညွန်တယောက်၏ ပြောပြချက်အရ မကြာသေးခင် လအနည်းငယ်ခန့် ကစ၍ ရုပ်အလောင်းသည် ပုပ်ပွစပြုလာခဲ့ပြီး မှန်ခေါင်းတလား နှစ်လုံးထဲမှနေ၍ အပုပ်နံ့များ ထွက်စပြုလာနေခဲ့သည်ဟု ဆိုသည်။

တယောက်ကမူ ဤသို့ပြောပြခဲ့သည်။ “မြိုင်ကြီးငူဆရာတော်က ရုပ်အလောင်းကို မီးရှိုပစ်စေချင်တယ်ဆိုတာကို ဖားအံမှာ လူအတော်များများ သိကြပါတယ်။ သာမညဆရာတော်ရဲ့ တပည့်တွေက အလှူငွေတွေ ဆက်ရနေအောင် အနေအထား မျိုးနဲ့ ဆက်ပြီးပြထားတာကို မြိုင်ကြီးငူဆရာတော်က သဘောမကျဘူး။ ဒါကို ၀ိနည်းနဲ့မညီဘူးလို့ ထင်တယ်။ ရုပ်အလောင်း ပျောက်မသွားခင်က ဒကာရင်းတွေက အာဏာပိုင်တွေနဲ့ အနီးရှိ တောင်ကလေးကျောင်းတိုက် ဆရာတော် ဦးပညာတို့ပါတဲ့ အစည်းအဝေးတခုလုပ်ပြီး ဒီကိစ္စကို ဆွေးနွေးပါတယ်။ ဦးပညာဆိုတာက သာမညဆရာတော်နဲ့ ရင်းနှီးတဲ့ ဒီအနီးအနားက တောင်ကလေးကျောင်း ဆရာတော်ပါဘဲ”။

ထို့ပြင် ဆရာတော်ပျံလွန်တော်မူပြီးနောက်ပိုင်းတွင် ဘုန်းကြီးကျောင်းသို့ လာရောက်ကြသူများသည် ဘုန်းကြီးကျောင်း၏ အတိအကျ ချမှတ်ထားသော စည်းကမ်းများကို ဂရုထားခြင်း သိပ်မရှိကြတော့ဟု ဒေသခံလူများက ပြောပြပါသည်။ ဆရာ တော် သက်တော်ထင်ရှားရှိစဉ်က ဘုန်းကြီးကျောင်းတွင် နေသူများရော၊ ကျောင်းအနီးမှာ နေသူများပါ သက်သတ်လွတ် စားကြသည့်အပြင် လာရောက် ဖူးမျှော်ကြသူများသည်လည်း မလာမီရက်များမှာ ကြိုတင်၍ အသားစားခြင်းကို ရှောင်ကျဉ် ထားကြရသည်။ ရုပ်အလောင်း မပျောက်ဆုံးမီ ကတည်းကပင် ကျောင်းနယ်မြေထဲတွင် အရက်သောက်၊ လောင်းကစား သည့် သတင်းများလည်း ဖားအံမြို့တွင် သိုးသိုးသန့်သန့် ကြားစပြုနေနှင့်ပြီဟု ဆိုသည်။

ထို့အပြင် ဘုန်းကြီးနှစ်ပါးအကြားမှာ ရှိနေသော အလှူခံခြင်းနှင့် ပတ်သက်သည့် အကျိုးစီးပွားဆိုင်ရာ ပဋိပက္ခသည်လည်း ထည့်သွင်းစဉ်းစားဖွယ်ကိစ္စတခုဖြစ်သည်ဟု ဒေသခံလေ့လာသူတဦးက ဆိုပါသည်။

မြိုင်ကြီးငူဆရာတော်က ခြိမ့်ခြိမ့်သဲ အလှူခံပွဲကြီးများကို စလုပ်ခဲ့သည်။ ဆရာတော်၏ တပည့်များက ဖားအံမြို့ထဲတွင် လှည့်လည် အလှူခံကြပြီး ဘုန်းကြီးကျောင်းအတွက် အလှူငွေထည့်ကြရန် နေ့ရောညပါ ဟောပြောကောက်ခံခဲ့ကြသည်။

“ဒါပေမယ့် အကြောင်းမထူးပါဘူး။ သာမညတောင်မှာ ဆရာတော်ရဲ့ ရုပ်ကလာပ်ရှိနေတော့ ဆရာတော်ကို ကြည်ညိုတဲ့ ဒကာ၊ ဒကာမတွေက ဘုန်းကြီးကျောင်းကို လာမြဲလာလျှက်၊ အလှူငွေထည့်မြဲ ထည့်နေလျှက်ပါဘဲ။ လာရောက် ဖူးမျှော် သူတွေကို ဆွဲဆောင်နေတာက ရုပ်ကလာပ်ပါဘဲ။ ဘာကြောင့်လဲဆိုတော့ ဘုန်းကြီးကျောင်းက ခပ်ရိုးရိုး ဆေးအပြာရောင်နဲ့ အဖြူရောင်သုတ်ထားပြီး အုတ်ကြွပ်မိုးထားရုံပါဘဲ။ ထူးထူးကဲကဲ တည်ထားတဲ့ စေတီလည်း မရှိ။ သပ္ပါယ်စရာ ဘုရား ဆင်းတုတော်လည်း မရှိ။ ငေးကြည့်လောက်စရာ အနုပညာလက်ရာတွေလည်း မရှိပါဘူး။ ဒီတော့ လာရောက်ဖူးမျှော်သူ တွေကို ဆွဲဆောင်နိုင်ပုံ မပေါ်ပါဘူး။ ဦးဝိနယက အလှူငွေမှန်သမျှကို ဆင်းရဲသားတွေအတွက် ကျွေးမွေးဖို့နဲ့ နေရာထိုင် ခင်းပေးဖို့ သုံးပါတယ်”ဟု ဒကာများက ပြောပြသည်။

ရုပ်အလောင်းအခိုးခံရပြီး နှစ်လနီးပါး ကြာသည်အထိ ပဟေဠိဖြစ်နေဆဲပင် ရှိသည်။ သာမညဆရာတော်၏ ရုပ်ကလာပ် လျောင်းစက်ခဲ့ရာ အဆောက်အဦးကား ခြေရာလက်ရာ မပျက် ရှိနေဆဲပင်။ ပန်းရောင်နှင့် အ၀ါရောင် ပလပ်စတစ်ပန်းများ ထိုးစိုက်ထားသော ပန်းအိုးများ၊ ဇာနားကွပ် ထီးဖြူများ၊ သစ်သီးခြင်းများ၊ တွန့်လိမ်ကောက်ကွေးနေသော သတ္တူချောင်း များနှင့် မှန်ကွဲစများသည် အဆောက်အဦးထဲသို့ သူခိုးများဝင်ခဲ့သော ညကအတိုင်းပင် ရှိနေသေးသည်။ ဆရာတော်၏ ရုပ်အလောင်း အကြမ်းဖက်မှုနှင့် ပတ်သက်၍ မြင်ယောင်ဖွယ်ရာ၊ စိတ်အနှောင့်အယှက်ဖြစ်ဖွယ်ရာ မြင်ကွင်းလည်း ဖြစ် သည်။ နံရံမှာ ခပ်မြင့်မြင့် ချိတ်ဆွဲထားသော နာရီတလုံးက တိတ်ဆိတ်နေသော ပတ်ဝန်းကျင်တွင် တချက်ချက်မြည်နေခဲ့ သည်။

တကယ်တမ်းပို၍ ပဟေဠိဖြစ်စေသည်မှာ ဘုန်းကြီးကျောင်းဝင်း အ၀င်ဝ၊ မြေကြီးပေါ်သို့ အခန်းအနားမပါဘဲ ကျဲချခဲ့သော ပြာများသည် ဆရာတော်၏ ခန္ဓာမှ ပြာဟုတ်-မဟုတ် အသေအချာ မသိနိုင်ခြင်းပင် ဖြစ်သည်။ မျိုးရိုးဗီဇ (DNA) စစ်ဆေးမှု မလုပ်ပါက မည်သည့်အချိန်တွင်မှ သိနိုင်ကြရမည် မဟုတ်ချေ။

ဆရာတော်၏ လက်ထောက်သံဃာများနှင့် တပည့်တပန်းများက သံသယရှိကြောင်း ပွင့်ပွင့်လင်းလင်း ထုတ်ပြောကြသည်။ ဒေါ်အောင်ဆန်းစုကြည် အိမ်ချုပ်ကျနေစဉ် သူမ၏အိမ်သို့ ကိုယ်ဖျောက်ကြွချီနိုင်ခဲ့သည်ဟု အချို့ပုဂ္ဂိုလ်တို့က ယုံကြည်နေ ကြသော ဆရာတော်၏ တန်ခိုးနှင့် ပတ်သက်၍ သူတို့ယုံကြည်ထားသည်တို့ကို ထုတ်ပြောပြကြသည်။ ဆရာတော်၏ ရုပ်အလောင်းပျောက်ဆုံးမှုသည် ဆရာတော်၏တန်ခိုးဖြင့် လုပ်လိုက်ခြင်းဖြစ်သည်။ မကြာမီ ဆရာတော် လူ့ဘ၀သို့ ပြန်လည် ရောက်ရှိလာသောအချိန်၌ ရုပ်အလောင်းသည် သူ့နေရာသူ ပြန်ရောက်လာလိမ့်မည်ဟုလည်း ထိုသူများက ဆိုနေကြသည်။

ဆရာတော်၏ တပည့်တပန်းများက မည်သို့ ယုံကြည်နေကြသည်ဖြစ်စေ၊ ပဟေဠိကား ဆက်၍ ရှုပ်ထွေးပွေလီနေဆဲပင်။ ပျံလွန်တော်မူပြီး နောက်မှာပင် ဆရာတော်သည် တန်ခိုးအစွမ်းပြဆဲဖြစ်ပြီး၊ စူးစမ်းလိုသော၊ ယုံသင့်-မယုံသင့် ဝေခွဲရခက် နေသော အဖူးအမျှော် လာရောက်သူများကို ဆွဲဆောင်လျှက် ဘုန်းကြီးကျောင်းအတွက် အလှူငွေများကို ပို၍ပင် ဆောင်ကျဉ်း ပေးနေလျှက်ရှိသည်ဟူသော အယူကလည်း ပို၍သည်းသန်နေလျှက်ပင် ရှိပါတော့သည်။

Amy Gold May ရေးသားသည့် Will Thamanya Sayadaw's Body Ever Rest in Peace? ကို ဆီလျော်အောင် ပြန်ဆို ဖော်ပြပါသည်။
Rest of your post

အပြည့်အစုံဖတ်လိုလျှင်

ထမင်းအိုးလေး တည်ပါရစေဦး

ကြည်ဝေ ဇွန် ၂၀၊ ၂၀၀၈

သူတို့၏ ညနေစာ ထမင်းဝိုင်းတွင် ညပိုင်းအလုပ်ဆင်းရမည့် သားကြီးဖြစ်သူက လွဲလျှင်ကျန်ရှိ လူကြီး ၃ ဦးနှင့် ကလေး ၂ ဦးလုံး စုံပြီဖြစ်သဖြင့် လူစုံပြီလို့ ပြောလို့ရပေပြီ။

သူသည် ထမင်းဝိုင်းတွင် ၀င်ထိုင်လိုက်ပြီး ချဉ်ပေါင်ရွက်ကျဲကျဲခပ်ထားသော ဟင်းရည်ကို ထမင်းပေါ်သို့ ဆမ်း လိုက်သည်။ ၁၀ နှစ်အရွယ် သားက ထမင်းချည်း တလုတ် နှစ်လုတ်စားလိုက်ရင်း ဟင်းတွေကို ကြည့်သည်။ ထမင်းစားပွဲနိမ့်နိမ့်လေးတွင် ချဉ်ပေါင်ရွက် ဟင်းရည်၊ ငါးပိချက်၊ ခံတက်ရွက်စသည့် တို့စရာတို့ကို တွေ့ရ သည်။ဆက်ဖတ်ရန် အပြည့်အစုံ ကို Click နှိပ်ပါ။
ကလေး၂ ယောက်စလုံးသည် ငါးပိချက်နှင့်နယ်ထားသော ထမင်းကို ပလုတ်ပလောင်းစားနေကြသည်။ သူတို့ မိသားစု အဖို့ သည်လို ဟင်းမျိုးသည် အညံ့စားမဟုတ်ဟု ဆိုရမည်။ သို့ပေမယ့် ၁၀ နှစ်သားနှင့် ၆ နှစ်အရွယ် သမီးငယ်နှင့် အသက် ၇၀ အရွယ် အမေအိုတို့အတွက် အာဟာရဖြစ်စေသော အသားဟင်း တခွက်တော့ ပါသင့်သည် မဟုတ်လား။

အသားဟင်းကို နေ့စဉ် မစားနိုင်သည့်တိုင် တပတ်လျှင် နှစ်နပ်၊ သုံးနပ်လောက်တော့ ပါသင့်သည်ဟု သူ ထင်သည်။ အသားဟင်း မတတ်နိုင်သည့်အဆုံး ကြက်ဥ ကြော်လေးဖြစ်ဖြစ်တော့ တရက်ခြား တခါလောက် ပါစေ့ ချင်သည်။

သည်လိုပြောလျှင်တော့ ဇနီးသည်က ယနေ့ ကြက်ဥတလုံး ၁၅၀ ကျပ်ဈေး၊ ကြက်သား တပိဿာ ၇၀၀၀ ကျပ် ဈေး၊ ၀က်သား တပိဿာ ၈၀၀၀ ဈေး၊ အမဲသား တပိဿာ ၅၀၀၀ ဈေး၊ စတဲ့ သူ့တသက်နှင့်တကိုယ် တခါမှ မကြားဘူးသော ဈေးနှုန်းတို့ကို ရွတ်ပြနေဦးမည်။

မုန်တိုင်းပြီးစရက်တွေကတည်းက အသားဈေးကလည်းထိုးတက်သွားလိုက်သည်မှာ ကြောက်ခမန်းလိလိပင်။ မုန်တိုင်းပြီး ရက် ၄၀ ကျော်ကြာသည့်တိုင်အောင် တက်သွားသော အသားဈေးတို့သည် ပြန်မဆင်းကြတော့ပါ။

မုန်တိုင်းပြီးကတည်းက လူတွေက ငါးတွေကိုသိပ်မစားကြတော့။ တချို့ကလည်း ရန်ကုန်ငါးဈေးကွက်ကို အများဆုံးတင်ပို့ သည်မှာ ဧရာဝတီတိုင်းက ဖြစ်သဖြင့် လောလောဆယ် ငါးမစားရဲဟု ဆိုကာ ငါးမစားကြခြင်းဖြစ်သည်။ ထို့ကြောင့် ငါးအစား အသားစားနိုင်သူတွေက အသားဝယ်စားသည်။

အသားမ၀ယ်စားနိုင်သူတွေက အသီးအရွက်တွေကိုပဲ များများစားလာကြသည်။ ချဉ်ပေါင်ရွက်တောင်မှ လက်သန်းလောက် အစီးကိုတောင် တစီးကို ၅၀ ပေးဝယ်ရသည်။ ကန်စွန်းရွက်တစီးကို လက်ရှိပေါက်ဈေးက ၂၀၀ ဈေးဖြစ်နေပြီ။ အသားဈေး တွေ ခေါင်ခိုက်ကုန်တာကတော့ ပြောစရာ မရှိတော့။

ကြက်သား တပိဿာ ၅၀၀၀ ဈေးကနေ တက်သွားတာ အခု ၇၀၀၀ ဈေးကနေ ပြန်မဆင်းတော့သလို ၀က်သား ဈေး ကလည်း ယခင် ၆၀၀၀ ဈေးကနေ ယခု ၈၀၀၀ ဈေးဖြစ်နေပြီ။ အမဲသားပင်လျှင် ယခင် ၃၀၀၀ ဈေးက ယခု ၅၀၀၀ ဈေး၊ ငါးဈေးကလည်း ငါးကြင်းတဆယ်သားကို တပိဿာလျှင် ၄၀၀၀ ကျပ် ဈေး၊ သူတို့လို ဆင်းရဲသား တွေစားသည့် ငါးမြစ် ချင်းတောင် ၃၀၀၀ ဈေးကနေ ပြန်မဆင်းတော့၊ စားဖားတွေ ပေါ်ချိန်မို့ ဖားသားများ စား နိုင် မလားအောက်မေ့သည် ဖားသားတောင် တပိဿာကို ၃၀၀၀ ဈေးရှိနေပြီ။

ရန်ကုန်တိုင်း၊ အသားဈေးကွက်အတွင်းသို့ ဧရာဝတီတိုင်း၊ မုန်တိုင်းသင့်ဒေသများမှ ကြက်အ၀င်လျော့ကြခဲ့သလို၊ အမဲသား အ၀င်လျော့ခဲ့သောကြောင့် အသားလိုအပ်ချက် မြင့်မားလာပြီး ဈေးတက်ရခြင်းဖြစ်သည်။ ယခင် ဧရာဝတီတိုင်းမှ အသား တင်ပို့မှုထက် တ၀က်နီးပါး ကျသွားရသည့်အတွက် တခြားဧရာဝတီတိုင်းမုန်တိုင်းလွတ် ဒေသများနှင့် ပဲခူးတိုင်းတို့မှ အသားများကို ပုံမှန်ပို့နေကြတဲ့ ၁ ဆခွဲ ပိုမှာ ယူနေရကြောင်း သိရှိရသည်။

ရန်ကုန်မြို့ အသားငါး ဈေးကွက်အတွင်းသို့ တနေ့အတွက် ပုံမှန်အသားတင်ပို့မှုမှာ ကြက်သား ပိဿာချိန် ပေါင်း ၅ သောင်း ကနေ ၆ သောင်းကြား၊ ၀က်သား ပိဿာချိန်ပေါင်း ၅ သောင်း၊ အမဲသား ပိဿာချိန် ပေါင်း ၆ သောင်း မှ ၈ သောင်းကြား၊ ငါး စုစုပေါင်း ပိဿာချိန် ၁ သိန်းနှင့် ၁ သိန်း ၂ သောင်းကြားတွင် ပုံမှန် ၀င်ရောက်ခဲ့ကြောင်း သူ မှတ်သားခဲ့ဖူးသည်။

လက်ရှိ ကျောင်းဖွင့်ရာသီတွင် နှစ်စဉ်အသားဈေးများကျလက်ရှိသော်လည်း ယခုတွင်မူ အသားဈေးမှာ ကျရိပ်မရှိဘဲ ဆက်တက်ဖွယ်ရှိကြောင်း အသားထုတ်လုပ်သူများက ခန့်မှန်းကြသည်။

အသားထုတ်လုပ်မှုနှင့်ပတ်သက်ပြီး တာဝန်ရှိသူ တဦးက “ မုန်တိုင်းဖြစ်စတုန်းကတော့ အသားထုတ်လုပ်မှုတွေ ကျသွား တယ်။ အခု အသားထုတ်လုပ်မှုက နည်းနည်းပိုတိုး လာတယ်ဆိုပေမယ့် အရင်အားကိုတော့ ပြန်မမီနိုင်တော့ဘူး၊ ရှေ့ဆက် ရဖို့လည်း အခက်အခဲ ရှိနေတော့ အသားဈေးကပြန်ကျဖို့ခက်ဦးမှာ”ဟု ပြောပြသည်။

သည်လိုသာဆိုလျှင် သူတို့လို မိသားစုတွေအဖို့ အသားတောင်မှ စားနိုင်ပါဦးမည်လား မသိ။ သူတို့ထက် ပိုဆိုးသော တလ ၀င်ငွေ ၁ သိန်းအောက်ရှိသော ၀င်ငွေနည်းမိသားစုများ၊ တနေ့လုပ်တနေ့စား မိသားစုများ အတွက်ကတော့ အသားမပြော နှင့် ထမင်းကို ဆားဖြူးပြီးတော့ စားနိုင်သည့် အခြေအနေတောင် ရှိနိုင်ပါတော့ မလားဟု တွေးမိကာ သူ သက်ပြင်းချမိပြန် သည်။

နာဂစ်မုန်တိုင်းပြီးကတည်းက တက်လာခဲ့သော ကုန်ဈေးနှုန်းသည် မုန်တိုင်းပြီး ၄၄ ရက်ကြာသည်အထိ ပြန်ဆင်းသွားခြင်း မရှိတော့ပေ။ ဆန်ဈေး ဆီဈေးသာမက ကြက်သွန်၊ အားလူး စသည့် မီးဖိုဆောင် စားသောက်ဖွယ်ရာ တချို့လည်း ဈေးတက်သည်။ နောက်ဆုံး ဆားတောင်မှ မုန်တိုင်းကြောင့် ဧရာဝတီတိုင်းနှင့် ရန်ကုန်တိုင်းတို့မှ ဆား လုပ်ငန်းများ ပျက်စီးသွားသောကြောင့်ဟု ဆိုကာ တဆယ်သားကို ၁၅၀ ကျပ်ဈေး ပေါက်နေတုန်းဖြစ်သည်။

တချို့လက်လီဆိုင်တွေမှာ တပိဿာ ၁၂၀၀ ကျပ်ဈေးနဲ့ ရောင်းချနေတာကို တွေ့မြင်ရသည်။ မုန်တိုင်း မတိုင်မီတုန်းက တော့ ဆားတပိဿာပေါက်ဈေးဟာ ၄၅၀ ကျပ်ဈေးရှိခဲ့သည်။

မုန်တိုင်းကြောင့် ဧရာဝတီတိုင်း၊ ရန်ကုန်တိုင်းနဲ့ မွန်ပြည်နယ်အတွင်းက ဆားကွင်းတွေ နဲ့ ဆားချက်စက်ရုံများ၊ ဂိုထောင်များ ပျက်စီးခဲ့ရတဲ့အတွက် ဆားဈေးတွေ ရုတ်တရက် ခုန်တက်သွားရခြင်းဖြစ်သည်။ မုန်တိုင်းကြောင့် အစိုးရပိုင်နဲ့ ပုဂ္ဂလိကပိုင် ဆားကွင်း စုစုပေါင်း ၂၄၄၃၁ ဧက ပျက်စီးခဲ့ကြောင်း အစိုးရပိုင် သတင်းစာများတွင် ဖော်ပြထားသည်ကို သူဖတ်ခဲ့ရသည်။

ပြီးတော့ သူ့မိတ်ဆွေ အင်းစိန်မှ ဆားစက်လုပ်ငန်းရှင်တဦးကလည်း“ဧရာဝတီတိုင်းက ဆားအထွက်ကျမှာ ဆိုတော့ ဆားဈေးတွေက အရင်ဈေးတော့ ပြန်ရ နိုင်တော့မှာ မဟုတ်ဘူး” ဟု သူ့ကို ပြောပြခဲ့သည်။

ဆေးတင်သွင်းဖြန့်ချိသော ကုမ္ပဏီတခုမှ အရောင်းဝန်ထမ်းတဦးဖြစ်သော သူ၏ တလ၀င်ငွေ ၆ သောင်း၊ စက်မှု ၁ ၀န်ကြီး ဋ္ဌာနမှ အထက်တန်းစာရေးတဦးဖြစ်သော ဇနီးသည်၏ ၀င်ငွေ ၃ သောင်း၊ လှိုင်သာယာစက်မှုဇုန်မှ ခေါက်ဆွဲစက်ရုံတွင် အလုပ်လုပ်သော သား၏ ၀င်ငွေ ၅ သောင်းတို့ကို ပေါင်းစပ်ပြီးမှ သူတို့မိသားစု ထမင်းနပ်မှန် ရုံ စားနေရခြင်းဖြစ်သည်။

သို့သော် ဆန်ကောင်းမစားနိုင်၊ ဇီယာဆန်ကိုပင် အလေအလွင့်မရှိအောင် ချွေတာပြီးစားနေရသည်။ ခုလို ဆန် ဈေးတက် နေသော ကာလမှာ သူတို့သည် တအိတ်လျှင် ကျပ် ၂၂၀၀၀ ဈေးပေါက်နေသော ဇီယာဆန် မစားနိုင် တော့။ ဇနီးသည်က မိုးစိုထားသော ဆန်ဝါတွေကို တအိတ် ၁၃၀၀၀ နှင့်ရ၍၀ယ်လာသည့် ဆန်စားကြသည်။

ဆန်ကို မိုးမိထားသဖြင့် အကျိုးအကြေများသည်၊ အနံ့ကလည်း မကောင်း အောက်သိုးသိုးအနံ့ထွက်နေသည်။ ချက်တော့ လည်း ခပ်ထွေးထွေးနှင့် ပျော့ချင်ချင်၊ အရောင်အဆင်းပင်လျှင် ၀ါကျင့်ကျင့်နှင့်မလှမပ၊ ဒါကိုပင် သူရော ကလေးလူကြီးပါ မကျန် သည်းခံပြီး စားနေကြရသည်။

သူတို့ဘ၀မှာ ရွေးချယ်ခွင့်နည်းသော ဘ၀အဖြစ် စိတ်ပျက်မိတိုင်း သူ့ဘေးပတ်ဝန်းကျင်က လူတွေကို ပြန်ပြန် ကြည့်မိ သည်။ သူတို့ဘ၀များသည်လည်း ထူးမခြားနား၊ သူတို့ မိသားစုလိုပင် မိုးရေစို ဆန်ဝါတွေကို ချက်စားနေ ကြသည်။ သူတို့ထက် ၀င်ငွေ ပိုနည်းသော မိသားစုများအနေနှင့် ဆန်ပြုတ်စားနေကြသည်ဆိုတာကို သူ့အနေနှင့် မယုံကြည်နိုင်စရာ အကြောင်းမရှိတော့ပေ။

မုန်းတိုင်းကြောင့် မိုးရေစိုသည့် ဆန်ဝါတွေကို တပြည် ကျပ် ၅၀၀ နှုန်းနဲ့ ဈေးထဲမှာ ချရောင်းနေကြသည်ဟု ကြားကတည်း က သူ့ဇနီးက လစာထုတ်ရက်လည်းဖြစ်သဖြင့် ဆန် ၁ အိတ်ပြေးဝယ်ခဲ့သည်။

“အရင်တုန်းကတော့ ရေစိုဆန် ဆိုတာမစားဖူးပါဘူး၊ အိမ်နားက ရေစိုဆန်ဝယ်စားကြည့်တဲ့သူတွေကလည်း စားလို့ဖြစ်တယ် တဲ့။ သိတဲ့အတိုင်း ဆန်ဈေးကလည်း တက်နေတော့ ဒီဆန်က ဈေးသက်သာလို့ ၀ယ်စားကြ တာ”ဟု သူက ပြောသည်။

သူတို့ရဲ့ အိမ်နီးချင်းမိတ်ဆွေတွေကတော့ ဈေးနှုန်းသက်သာလှတဲ့ ရေစိုဆန်ဝါတွေကိုပဲ စားနေကြတာ နှစ်ပတ်လောက် ရှိပြီဖြစ်ပေမယ့် သူ့အနေနဲ့ကတော့ ခုလို ရေစို ဆန်စားတဲ့အတွက် ကျန်းမာရေးကိုများ ထိခိုက်နိုင်မလား လို့ တွေးဆမိ သေးသည်။

နောက်တော့ သူတို့စားနေကြဇီယာဆန် တအိတ်က ငွေ ၂၃၀၀၀ ကျပ်ဈေးဖြစ်ပြီး ထိုမိုးရေစို ဆန်က တအိတ် ၁၂၀၀၀ ဈေးဆိုတော့ ငွေ တသောင်းတထောင် တိတိကွာနေသဖြင့် ၀ယ်စားရန် ဆုံးဖြတ်လိုက်ခြင်းဖြစ်ကြောင်း သူက ပြောပြသည်။

ဧရာဝတီတိုင်းနှင့် ရန်ကုန်တိုင်းအတွင်းမှ မုန်တိုင်းမိ ရေစို ဆန်ဝါများ ရန်ကုန်ဈေးကွက်အတွင်းရောက်လာပြီး ကတည်းက ရန်ကုန်မှ အခြေခံလူတန်းစားများအနေနဲ့ အဆိုပါ ဆန်များကိုသာ ၀ယ်ယူစားသုံးလာကြတဲ့ အတွက် အရောင်းသွက်လျက်ရှိ ကြောင်း ရန်ကုန် ဆန်ဈေးကွက်မှ စုံစမ်းသိရှိရသည်။

အဆိုပါဆန်များသည် မုန်တိုင်းကြောင့် မိုးရေစို ကျန်ခဲ့သော ဆန်များကိုနေပူပြန်လှန်းပြီး မခြောက်တခြောက် အနေအထား မှာ ရန်ကုန် ဈေးကွက်ထဲသို့ တင်ပို့ရောင်းချလာကြသော ဆန်များဖြစ်ကြောင်း သိရသည်။

အဆိုပါ ရေစိုဆန်များ စားသုံးကြသူများအနေနှင့် ကျန်းမာရေး ထိခိုက်နိုင်ခြင်း ရှိမရှိကိုတော့ ဆန်ကို သုတေသန ပြုလုပ်ခြင်း မရှိသေးသည့်အတွက် မပြောနိုင်သေးကြောင်း ရန်ကုန်မြို့မှ အထွေထွေရောဂါကု သမားတော်တဦးက ပြောဆိုသည်။

ရန်ကုန် ဘုရင့်နောင်ပွဲရုံတန်းဆန်ပွဲရုံမှ ဆန်ကုန်သည်တဦးကလည်း ဆန်ဈေးကွက်အတွင်းမှာ ရေစိုဆန်ဝါ တမျိုးတည်းသာ အရောင်းအ၀ယ်လိုက်နေပြီး တခြား ဆန်ကြမ်းနဲ့ ဆန်ချောတွေ အရောင်းပါးနေကြောင်း ပြောသည်။

မုန်တိုင်းပြီးစ ရက်တွေမှာ ငွေကြေးတတ်နိုင်သူတွေက ဆန်အိတ်တွေကို ၀ယ်ပြီး သိမ်းလာကြတဲ့အတွက် ဆန်ဈေးမြင့်တက် ခဲ့ရသလို ထိုအချိန်က အရောင်းလည်း သွက်ခဲ့ကြောင်း အဆိုပါ ကုန်သည်က ပြောပြသည်။

ယခုလို မုန်တိုင်းပြီး ရက် ၄၀ ကျော်အချိန်မှာတော့ ပွဲရုံတွေမှာ ဆန်အ၀ယ် သိသိသာသာ ပါးသွားပါပြီ။ ငွေကြေး တတ်နိုင် သူများသာစားသုံးတဲ့ ဆန်ချောတွေက ဈေးအနည်းငယ် ပြန်ကျပေမယ့် မုန်တိုင်းမတိုင်မီဈေးနှုန်း ထက် တော့ တအိတ်ကို ငွေ ၂ သောင်းကျော်လောက်ထိ မြင့်နေဆဲဖြစ်ကြောင်း၊ ယခင်က ပေါ်ဆန်းရှယ်တအိတ်ကို ကျပ် ၂၈၅၀၀ ဈေးရှိပြီး မုန်တိုင်း ပြီးစကာလမှာ ကျပ် ၅၀၀၀၀ ထိဈေးမြင့်ခဲ့ကာ ယခုအခါ တအိတ်ကို ကျပ် ၄၅၀၀၀ ဈေးရှိနေကြောင်း သိရှိရသည်။ ဆန်ချော များ ဈေးမြင့်နေပေမယ့် ဈေးကွက်အတွင်း အရောင်းအ၀ယ်က တော့ ပါးလျက်ရှိကြောင်း သိရသည်။

မုန်တိုင်းကာလမှာ အ၀ယ်လိုက်တဲ့ ဇီယာဆန်ကြမ်းတအိတ်ကို ကျပ် ၂၈၀၀၀ ဈေးထိပေါက်ခဲ့ပေမယ့် ယခုအခါ ၂၀၀၀၀ ကျပ် ဈေးထိ ပြန်ကျလာတာတွေ့မြင်ရသည်။ ဆန်ကြမ်းဈေးကွက်အနေအထားမှာ ယခင် ဆန်ကြမ်း သိုလှောင်သူများ အနေနဲ့ ယခုအခါ ငွေပေါ်လိုပြီဖြစ်တဲ့အတွက် လှောင်ထားတဲ့ ဆန်တွေကို ရရာဈေးနဲ့ ပြန်ရောင်း လာကြတဲ့အတွက် ဆန်ကြမ်းဈေးကျသွားခြင်းဖြစ်ကြောင်း၊ ဈေးကွက်တွင်းမှာ ဆန်ကြမ်းများ ဈေးကျလာပေမယ့် အ၀ယ်ပါးနေကြောင်း ဘုရင့်နောင်မှ ဆန်ကုန်သည်တဦး၏ ပြောပြချက်အရ သိရသည်။

“အရင်ဆန်ချော ပေါ်ဆန်း စားတဲ့သူတွေက တဆင့်ဆင်းပြီး ပေါ်ကျွဲလောက် စားလာကြတယ်၊ အရင် ပေါ်ကျွဲစားတဲ့ သူတွေက ဇီယာလောက်စားကြတယ် အဲဒီလိုပေါ့ တဆင့်ဆင့် ဆင်းပြီး စားကြတော့ အရောင်းရဆုံးက အောက်ဆုံးက ဆန်ဖြစ်နေတော့တာပဲ” ဟု ရန်ကုန်မြို့ ကမ်းနားလမ်းမှ ဆန်ကုန်သည်တဦးက ပြောပြသည်။

မုန်တိုင်းသင့်သူများကို ဆန်ဝယ်လှူသူများကလည်း တအိတ်ကို ကျပ် ၁၁၀၀၀ ကနေ ကျပ် ၁၅၀၀၀ ဈေးရှိတဲ့ ဧည့်မထ အမှတ် ၂၅ ဆန်နဲ့ ရေစို ဆန်ဝါတွေကို အများဆုံး ၀ယ်လှူနေကြတဲ့အတွက် အဆိုပါ ဆန်တွေကပဲ ဈေးကွက်မှာ အရောင်းသွက် နေခြင်းဖြစ်သည်။

ရန်ကုန်ဈေးကွက်အတွင်း ဆန်အ၀င် သိသိသာသာ နည်းသွားပြီဖြစ်ကြောင်း၊ ယခင်ကထက် ဆန်တ၀က် ကျော်ကျော် အ၀င်ကျသွားကြောင်း၊ ယခင်က တနေ့လျှင် ဆန်အိတ်ပေါင်း အနည်းဆုံးခြောက်သောင်းမှ ရှစ်သောင်းထိ အ၀င်ရှိခဲ့သော် လည်း ယခုအခါ ရန်ကုန်ဈေးကွက်အတွင်း မရှိမဖြစ်လိုအပ်သည့် ဆန်အိတ် လေးသောင်း ပြည့်မီ ရေးအတွက်ကို မနည်း ကြိုးပမ်းနေကြရကြောင်း ဆန်ကုန်သည်များဆီကနေ ကြားသိရသည်။

ရန်ကုန်ဈေးကွက်အတွင်း တနေ့လိုအပ်ချက်ဖြစ်တဲ့ ဆန်အိတ်ပေါင်း ၄၀၀၀၀ လေးသောင်းကို ပုံမှန်ဝင်စေဖို့ အတွက် ပဲခူးတိုင်းအရှေ့ခြမ်းနှင့် ဧရာဝတီတိုင်းမှ မုန်တိုင်းလွတ်ဒေသများက ဆန်တွေကို မြန်မာနိုင်ငံ ကုန်သည် များနှင့် စက်မှု လက်မှု လုပ်ငန်းရှင်များအသင်း၊ ဆန်ကုန်သည်များအသင်းက လိုက်လံ စုဆောင်း ကောက်ယူပေး နေရကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းမှ အဆင့်မြင့် အရာရှိတဦးက ပြောဆိုသည်။

ယခင် ရန်ကုန်ဈေးကွက်တွင်းသို့ ဧရာဝတီတိုင်းမှ ဆန်အိတ်စုစုပေါင်းပမာဏ၏ ၇၈ ရာခိုင်နှုန်း ကို တင်ပို့ပေးခဲ့ ခြင်းဖြစ်ပြီး ယခုအခါ တွင်မူ ၃၅ ရာခိုင်နှုန်း ခန့်သာ တင်ပို့နိုင်တော့ကြောင်း သိရှိရသည်။

ဆန်ဈေးနှုန်းများအနေနှင့် လာမည့် ဇူလိုင်၊ သြဂုတ်လများတွင် ယခုထက်ပိုပြီးမြင့်မားနိုင်ကြောင်း ရန်ကုန် ကုန်စည်ဒိုင်မှ ဆန်ကုန်သည်ကြီးများက ခန့်မှန်းကြသည်။

“လောလောဆယ်မှာတော့ အိတ်စပို့ပါမစ်တွေ ကိစ္စ ဘာသံမှ မကြားရသေးဘူး၊ ခုအခြေအနေနဲ့ အိတ်စပို့သာ ပို့လို့ကတော့ လူတွေ ခုထက်ပိုပြီးခက်ခဲမှာပဲ”ဟု ကုန်စည်ဒိုင်မှ ဆန်ကုန်သည်တဦးက ဆိုသည်။

၂၀၀၇ ခုနှစ်မှာ စပါးတန်ချိန် ၃၀ .၀၂ သန်းထွက်ခဲ့ပြီး ၁၈.၉ သန်း ကို ပြည်ပနိုင်ငံများသို့ တင်ပို့ရောင်းချခဲ့ကြောင်း အစိုးရ တရားဝင် စာရင်းများရ သိရှိရသည်။

မြန်မာနိုင်ငံ၏ ပြည်တွင်းစားသုံးမှုမှာ ၁ နှစ်အတွက် ၁၇ သန်းကျော်လိုအပ်လျက်ရှိပြီး လူတဦး စားသုံးမှုဟာ ၂၃၄ ကီလိုဂရမ် ရှိကြောင်း ၊မုန်တိုင်းကြောင့် စပါးစိုက်ဧက ၂.၄၃ သန်းပျက်စီးခဲ့ကြောင်း၊ ဧရာဝတီတိုင်းမှ ၁.၅၉ သန်း ရန်ကုန်တိုင်းမှ ၀.၈၄ သန်းပျက်စီးခဲ့ကြောင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဋ္ဌာနမှ တရားဝင်စာရင်း အရ သိရှိရသည်။

လယ်ယာစိုက်ပျိုးရာမှာ အသုံးပြုတဲ့ ကျွဲ၊နွားပေါင်း တသိန်းငါးသောင်းကျော် သေဆုံးခဲ့ပြီး ဧရာဝတီတိုင်းမှ ၁၄၉၀၀၀ ကောင် နှင့် ရန်ကုန်တိုင်းမှ ၆၀၀၀ သေဆုံးကြောင်း အစိုးရ စာရင်းထုတ်ပြန်ချက်များအရ သိရှိရသည်။

အစိုးရအနေနှင့်ရေငန်လွှမ်းသွားသော လယ်ဧက တချို့ကို အချိန်မီစိုက်ပျိုးနိုင်ရန်အတွက် ဆောင်ရွက်နေကြောင်း အစိုးရပိုင် သတင်းစာများနှင့် အစိုးရပိုင် ရုပ်မြင်သံကြားတို့ကနေ ထုတ်လွှင့်နေသည်ကို တွေ့မြင်ရ သော်လည်း လေဘေးသင့် ဒေသ များကို သွားရောက်ခဲ့သည့် ကျွမ်းကျင်သူ အများစုက ယခုနှစ်အချိန်မီစပါး စိုက်ပျိုး နိုင်ရန်မှာ၂၀ ရာခိုင်နှုန်းသာ ဖြစ်နိုင်ချေရှိ ကြောင်း သုံးသပ်ဝေဖန်ကြသည်။


ဤသို့ဆိုလျှင် ဆန်တပြည်ကို ဘယ်မျှပေါက်ဈေးနှင့် ၀ယ်စားရဦးမည်နည်း။ ထမင်းကော နပ်မှန်အောင် စားနိုင်ကြ ပါဦးမည် လား။ သူတို့လို ပြည်သူတွေ အတွက်က သန်းခေါင်ထက်ပိုပြီး ညဥ့်မနက်တော့သည်လား … ။ ။
Rest of your post

အပြည့်အစုံဖတ်လိုလျှင်