ထိုင်းဝန်ကြီးချုပ်အပေါ် အယုံအကြည်မရှိအဆို လွှတ်တော်မှာ မဲခွဲတော့မည်

22 June 2008

ဒီသီတင်းပတ်ထဲ ထိုင်းနိုင်ငံ ပါလီမန်ရဲ့ အထက်လွှတ်တော်မှာ မနက်ဖြန် တနင်္လာနေ့ကစပြီး ၀န်ကြီးချုပ် စမတ် ဆွန်ဒရာဝေ နှုတ်ထွက်ရေးနဲ့ ပတ်သက်ပြီး အခြေအတင် ဆွေးနွေးသွားကြမှာဖြစ်ပြီး ၀န်ကြီးချုပ်ကို အယုံအကြည်မရှိ အဆိုတင်သွင်းမဲခွဲ ဆုံးဖြတ်တဲ့အခါမှာ အဆိုက အနိုင်ရသွားခဲ့ရင် သူ့အနေနဲ့ ရာထူးက နှုတ်ထွက်ပေးမယ်လို့ ၀န်ကြီးချုပ် ဆွန်ဒရာဝေက ဒီနေ့ ထုတ်လွှင့်တဲ့ အပတ်စဉ်ဝန်ကြီးချုပ်မိန့်ခွန်းပြောကြားတဲ့ ရုပ်မြင်သံကြား အစီအစဉ်မှာ ကြေညာလိုက်ပါတယ်။ ဆက်ဖတ်ရန် အပြည့်အစုံ ကို Click နှိပ်ပါ။
မနေ့က ဆန္ဒပြကြသူတွေက ဆွန်ဒရာဝေ ရာထူးကမထွက်မချင်း ၀န်ကြီးချုပ် ရုံးရှေ့က မခွာဘူးဆိုတဲ့ သန္နိဌာန်နဲ့ စောင့်ဆိုင်း နေကြမယ်လို့ ကြေညာလိုက်ပြီး လက်ရှိ ထိုင်းအစိုးရ ဆန့်ကျင်ရေး ဟောပြောမှုတွေ အလံတွေ ဝှေ့ရမ်း သီချင်းဆိုမှုတွေ ပြုလုပ်ပြီး ဇွဲကောင်းကောင်းနဲ့ ဆန္ဒပြနေကြဆဲဖြစ်ပါတယ်။


ဆွန်ဒရာဝေ ၀န်ကြီးချုပ်ရာထူးကနှုတ်ထွက်ပေးရေး တောင်းဆိုခဲ့ကြတဲ့ ပြည်သူ့ဒီမိုကရေစီ မဟာမိတ်များ(PAD) အဖွဲ့ဝင်တွေ ဟာ ဘန်ကောက်မြို့တော်ရဲ့ လမ်းမပေါ်တွေမှာ လွန်ခဲ့တဲ့ ရက်သတ္တပတ် သုံးပတ်ကတည်းက စုရုံးဆန္ဒပြ နေခဲ့ကြတာ ဖြစ်ပါတယ်။
Rest of your post

အပြည့်အစုံဖတ်လိုလျှင်

ပြန်ခေါက်ထားပါ

ဆန္ဒပြမှုများကို လက်ခံမည်မဟုတ်ဟု ထိုင်းဝန်ကြီးချုပ်ပြော

ထိုင်းဝန်ကြီးချုပ် နုတ်ထွက်ရန် ဆန္ဒပြနေသူများ

AFP/Bangkok Post ၂၃ ဇွန် ၂၀၀၈
ထိုင်းဝန်ကြီးချုပ် စမတ်စန်ဒါရာဝက်က ပြည်သူ့ဒီမိုကရေစီတပ်ပေါင်းစု (ပီအေဒီ) ကဦးဆောင်၍ ၎င်းအားနုတ်ထွက်ပေးရန် တောင်းဆိုနေမှုများကို အလျှော့ပေးမည်မဟုတ်ဘဲ ပါလီမန်အတွင်း အယုံအကြည်မရှိ အဆိုတင်မှုကိုသာ ရင်ဆိုင်မည်ဖြစ်ကြောင်းပြောသည်။ဆက်ဖတ်ရန် အပြည့်အစုံ ကို Click နှိပ်ပါ။
ပြည်သူ့ဒီမိုကရေစီတပ်ပေါင်းစု (ပီအေဒီ) က အစိုးရရုံးအနီးတ၀ိုက်၌ စခန်းချ၍ ယင်းသို့ နုတ်ထွက်ပေးရန် တောင်းဆိုနေသည့်ကြားမှ ယနေ့ ပုံမှန်အစီအစဉ်အတိုင်း ရုံးတက်မည် ဖြစ်ကြောင်း ယမန်နေ့က ပြုလုပ်သည့် တနင်္ဂနွေ အပတ်စဉ် ရုပ်သံမိန့်ခွန်းအစီအစဉ်၌
ဝန်ကြီးချုပ်က ပြောသည်။

“ကျနော် တနင်္လာနေ့မှာ အစိုးရရုံးမှာ ရုံးပြန်တက်မှာပါ။ ကျနော်ဟာ တရားဝင် ရွေးကောက်ပွဲ ကနေ ရွေးချယ်ခံထားရတဲ့သူဖြစ်ပါတယ်” ဟု အဆိုပါရုပ်သံအစီစဉ်မှတဆင့် ထိုင်းပြည်သူများသို့ ပြောကြားခဲ့သည်။

ယခုလ (၂၀) ရက်နေ့၌ ပီအေဒီကဦးဆောင်၍ မြို့နေလူလတ်တန်းစားအများစုပါဝင်သော ဆန္ဒပြ သူ (၂၅,၀၀၀) ကျော်က ရဲများ၏ ကာရံတားဆီးမှုများကို ကျော်ဖြတ်ပြီးနောက် အစိုးရရုံး အဆောက်အအုံပြင်ပ၌ စခန်းချနေကြခြင်းဖြစ်သည်။

ဝန်ကြီးချုပ်မစ္စတာစမတ်အပါအ၀င် ဘဏ္ဍာရေးဝန်ကြီး (ဒု-၀န်ကြီးချုပ်)၊ ကုန်သွယ်ရေးဝန်ကြီး
(ဒု-၀န်ကြီးချုပ်)၊ သယ်ယူပို့ဆောင်ရေးဝန်ကြီး၊ ဒု-သယ်ယူပို့ဆောင်ရေးဝန်ကြီး၊ တရားရေး
ဝန်ကြီး၊ နိုင်ငံခြားရေးဝန်ကြီးနှင့် ပြည်ထဲရေးဝန်ကြီးတို့အား အယုံအကြည်မရှိကြောင်း အဆိုတင် ထားခြင်းဖြစ်သည်။

မစ္စတာစမတ်အား စွပ်စွဲချက် (၉) ခုတင်ထားပြီး ၎င်းတို့အထဲတွင် ၀န်ကြီးချုပ်လုပ်ပိုင်ခွင့်အား အလွဲသုံး၍ ယခင်နိုင်ငံရေးသမားများ၏ အကျိုးစီးပွားများကို ဖန်တီးပေးခြင်း၊ နိုင်ငံ၏ ပြဿနာ များကို ဖြေရှင်းရာတွင် ညွန့်ပေါင်းအစိုးရကို လွဲမှားစွာဦးဆောင်ခြင်း၊ အရာရှိများ နေရာရွှေ့ပြောင်း ခြင်းနှင့် နိုင်ငံပိုင်အဖွဲ့အစည်းများ၏လုပ်ငန်းများတွင် ၀င်ရောက်စွပ်ဖက်ခြင်း၊ ပုဂ္ဂိုလ်ရေး အကျိုး စီးပွားအတွက် ရည်ရွယ်၍ နိုင်ငံတော်ဖွဲ့စည်းပုံအား ပြင်ဆင်ရန် တွန်းအားပေးခြင်းနှင့် ခေါင်းဆောင်မှုအရည်အချင်း မရှိခြင်းတို့ ပါဝင်သည်။

ထိုသို့ ပီအေဒီ၏ လူစုလူဝေးနှင့် ဆန္ဒပြနေမှုကို ကြုံတွေ့နေရသော ၀န်ကြီးချုပ်အပါအ၀င် ၀န်ကြီး (၇) ဦးအား အတိုက်အခံ ဒီမိုကရက်ပါတီကလည်း အယုံအကြည်မရှိကြောင်း ယခုလ (၁၈) ရက် နေ့က ပါလီမန်သို့ အဆိုတင်သွင်းခဲ့သဖြင့် မနက်ဖြန်တွင် ယင်းအဆိုကို ဆွေးနွေးရန် ပါလီမန် ဥက္ကဋ္ဌ ချိုင်းချစ်ချွတ်က သတ်မှတ်ပေးခဲ့သည်။

ဆန္ဒပြနေမှုများကို ရဲနှင့် စစ်တပ်သုံး၍ ဖြိုခွင်းမည်ဟု အစောပိုင်းက သတိပေးခဲ့သော်လည်း ရုန်းရင်းဆန်ခတ်မှုများ ဖြစ်ပွားမည်ကို ရှောင်ရှားလိုသောကြောင့် ဖြိုခွဲမည့် အစီအစဉ်ကို နောက်ပိုင်းတွင် ရုပ်သိမ်းခဲ့ခြင်းဖြစ်ကြောင်း ၀န်ကြီးချုပ်ကပြောသည်။

၎င်းက “ဆူပူအကြမ်းဖက်မှုတွေ မလိုလားလို့ ကျနော် စိတ်ရှည်ရှည်ထားခဲ့ပါတယ်။ ပီအေဒီနဲ့ ထိပ်တိုက်မတွေ့ဖို့ ရှောင်ရှားမှာပါ။ တိုင်းပြည်အနေနဲ့လည်း ပုံမှန်အနေအထားပဲဖြစ်ပါလိမ့်မယ်။ အစွမ်းအစကိုပြချင်တဲ့ ဘယ်သူ့ကိုမဆို ပြခွင့်ပေးရတာဟာလည်း ခိုင်လုံတဲ့အကြောင်းနဲ့ အချိန် ရှိလို့ပါ” ဟု ပြောသည်။

မြို့တော်ဘန်ကောက်မြို့လယ်၌ ယခင်လနောက်ဆုံးအပတ်မှစတင်ခဲ့သည့် စုဝေးဆန္ဒပြနေမှု များအား ဦးဆောင်နေသော ပီအေဒီကမူ ဒီမိုကရက်ပါတီက တင်သွင်းသည့် အယုံအကြည် မရှိအဆိုသည် လုံလောက်မှုမရှိသဖြင့် ၎င်းတို့၏ ဆန္ဒပြမှုများကို ဆက်လက်လုပ်ဆောင်သွား မည်ဟု ပြောသည်။ ။
Rest of your post

အပြည့်အစုံဖတ်လိုလျှင်

ပြန်ခေါက်ထားပါ

မုန်တိုင်းသင့်လယ်သမားတွေရဲ့ လယ်ယာမြေတွေကို အာဏာပိုင်တွေက သိမ်းဖို့ညွှန်ကြား

၂၂ ဇွန် ၂၀၀၈

ဆိုင်ကလုန်း လေမုန်တိုင်း ဘေးဒဏ်သင့်ရာ မြစ်ဝကျွန်းပေါ် ဒေသက ဒေသခံတွေ လေဘေးဒဏ်က ပြန်လည် နာလန်မထူ နိုင်သေးခင်မှာပဲ လယ်တွေ၊ ယာတွေ၊ လုပ်ငန်းတွေ ဆုံးရှုံးရမယ့် အဖြစ်နဲ့ ကြုံနေရပါတယ်။ အခုဆိုရင် ဧရာဝတီတိုင်း ဘိုကလေးမြို့နယ်ထဲမှာ ဒေသခံတချို့ဟာဆိုရင် သူတို့လုပ်ငန်းတွေ လုပ်ကိုင်နေကြတဲ့ နေရာတွေကနေ ဖယ်ရှားဖို့ အာဏာပိုင်တွေက အမိန့်ပေး စေခိုင်းနေတာတွေ ရှိတယ်လို့ ဒေသခံတွေက ပြောကြတာပါ။ ကိုအောင်လွင်ဦး က ဒေသခံတွေနဲ့ ဆက်သွယ်မေးမြန်းထားတယ်ဆိုတော့ ဘယ်လိုဖြစ်သလဲ အပြည့်အစုံကို ပြောပြပေးပါလိမ့်မယ်။ဆက်ဖတ်ရန် အပြည့်အစုံ ကို Click နှိပ်ပါ။
လေမုန်တိုင်းဒဏ်ခံရပြီးတဲ့နောက် နောက်နောင် ဒီလို သဘာဝဘေးအန္တာရာယ်တွေက ကာကွယ်နိုင်ဖို့ဆိုပြီး သက်ဆိုင်ရာ သစ်တောဦးစီးဌာနနဲ့ ဒေသခံအာဏာပိုင်တွေက ဘိုကလေးမြို့နယ်ထဲမှာရှိတဲ့ လယ်ယာ၊ ကိုင်းကျွန်း လုပ်ကိုင်နေတဲ့ နေရာတွေကနေ ဖယ်ရှားပေးဖို့ အမိန့်ပေးစေခိုင်းနေတာမို့ လေဘေး ဒုက္ခသည်တွေအဖို့ တပူပေါ် နှစ်ပူဆင့် အခက်ကြုံ နေရတာပါ။ အခုလလယ်ပိုင်းကပဲ ထုတ်ပြန်လိုက်တဲ့ ညွှန်ကြားချက်ကြောင့် အခက်ကြုံနေရတဲ့ အကြောင်းကို အမိန့်စာကို လက်ခံရရှိခဲ့တဲ့ ဒေသခံ လယ်သမား တဦး ပြောပြထားတာကတော့ -
"ဧရာဝတီတိုင်း ဘိုကလေးက မြေဧရိယာ ၃၃၃၄၀ကို သစ်တော ကာကွယ်မယ်၊ ဘာဖြစ်မယ်ဆိုပြီး ဖယ်ခိုင်းတယ်။ အမိန့်ပုံစံမျိုးနဲ့ ဖယ်ခိုင်းတယ်။ ကျွန်တော်တို့ကို ထိပ်ဆိုင်ပေးမယ့်သူမရှိတော့ ကျွန်တော်တို့က ဖယ်ပေးရတော့မလို ဖြစ်နေတယ်။ ၁၅ရက် ၆လ ၂၀၀၈ကတော့ သစ်တောဝန်ကြီးဌာနက အမိန့်စာကို ကြေညာတယ်။ ကျွန်တော်တို့ဆီကို ၂ရက်ခြားမှ ရောက်လာတယ်။ ကျွန်တော်တို့ကို အသိပေးခြင်းမရှိဘူး။ အခုမှ လာပြောတယ်။ ဖယ်ဆိုဖယ်။ မဖယ်လို့ရှိရင် ဘယ်လိုဖြစ်မယ်။ ဘာလိုဖြစ်မယ်ဆိုပြီး ပြောတယ်။"
အခုဖယ်ရှားပေးဖို့ ပြောထားတဲ့ ဒေသတွေဟာ လေဘေးဒဏ် မခံရမီ အချိန်အထိ ဒေသခံတွေ လယ်ယာ၊ ကိုင်းကျွန်း အဓိက စိုက်ပျိုးလုပ်ကိုင်နေတဲ့ နေရာတွေ ဖြစ်ပြီးတော့၊ မုန်တိုင်းဒဏ်ခံရပြီး ပြန်လည်နာလန်ထူဖို့ ကျိုးစားနေတုန်း အခုလို အခက်ကြုံ နေကြရတာလည်း ဖြစ်ပါတယ်။
"အဲဒီနေရာတွေမှာ လယ်လုပ်တဲ့ သူတွေလည်းရှိတယ်။ ပိုက်လုပ်တဲ့သူတွေလည်းရှိတယ်။ ဒေါက်လုပ်တဲ့သူတွေလည်း ရှိတယ်။ လယ်လုပ်တဲ့သူကတော့ များတယ်။ ပိုက်လုပ်တဲ့သူဆိုတာက ကျားပိုက်တွေ ထောင်တယ်။ ငါးသလောက် ပိုက်တွေ ထောင်ကြတယ်။ ကျွန်တော်တို့က ကြောက်လန့်သွားကြတယ်။ ဘာဖြစ်လို့လည်းဆိုတော့ ကျွန်တော်တို့က ဒါတွေနဲ့ပဲ လုပ်ကိုင်စားနေရတယ်။ ကျွန်တော်တို့မှာ မုန်တိုင်းကလည်း မိထားတဲ့ ဒဏ်တွေကလည်း ရှိသေးတယ်။ ကျွန်တော်တို့ ဘ၀သစ်တခုကို ထူထောင်ဖို့ ပြန်ပြီး ကြိုးစားနေတာလေ။ အဲဒီအချိန်မှာ ကျွန်တော်တို့ကို အခုလိုလုပ်တော့ ကျွန်တော်တို့ ဘာဆက်လုပ်ကြရမှာလဲ။ ကျွန်တော်တို့မှာလည်း ဘာမှ မရှိတော့ဘူး။ ဒီအချိန်မှာ ကျွန်တော်တို့ မျိုးစပါးရဖို့ကို ကျွန်တော်တို့မှာရှိတဲ့ အသိမိတ်ဆွေတွေဆီက ချေးဌားပြီးတော့ လုပ်နေရတဲ့ အခြေအနေလေ။ စက်တွေဆိုရင်လည်း ကျွန်တော်တို့ ထုတ်လို့မရဘူး။ ထုတ်လို့မရလို့ လူကြီးတွေကို လက်ပေးလက်ယူ လုပ်ရတဲ့ ပုံစံမျိုးနဲ့ လိုက်ပြီး ထုတ်ယူရတယ်။"
ဒီလို အာဏာပိုင်တွေက ဖယ်ရှားဖို့ အမိန့်ပေးထားပေမဲ့ လေဘေးဒဏ်ခံထားရတဲ့ ဒေသခံတွေအတွက် မြေနေရာ ပြန်လည်အစားထိုး စီစဉ်ပေးတာ၊ နစ်နာကြေး အထောက်အပံ့ စတာမျိုးတွေ ကမ်းလှမ်းတာတွေ မရှိဘူးလို့လည်း ဆိုပါတယ်။ ကူရာကယ်ရာမဲ့ ဖြစ်နေတဲ့ လေဘေးဒုက္ခသည်တွေ အနေနဲ့ လတ်တလောမှာ အာဏာပိုင်တွေဖက်က အမြန်ဆုံး ဖယ်ရှားပေးဖို့ကိုသာ ပြောဆိုနေတာမို့ မြေမဲ့ယာမဲ့ ဖြစ်ရမယ့် အခြေအနေနဲ့ ရင်ဆိုင်နေရတယ်လို့လည်း သူက ပြောပါတယ်။
"ကျွန်တော်တို့ကို ဖယ်ဆိုပြီး အမိန့်လာပေးတယ်။ မဖယ်ရင် ဘာဖြစ်မယ်ဆိုပြီး ပြောတာပဲရှိတယ်ခင်ဗျ။ ကျွန်တော်တို့ကို ဘာပေးမယ်ဆိုပြီး ကမ်းလှမ်းတာတွေ ဘာတခုမှ မရှိဘူး။ အမြန်ဆုံးဖယ်ပေးရမယ်လို့ပဲ ကျွန်တော်တို့ကို ပြောတယ်ခင်ဗျ။ မဖယ်ရင် ကျွန်တော်တို့ကို အရေးယူမှုတွေလုပ်မယ်လို့ ကြားနေရတယ်။ လယ်ယာပစ္စည်းသွားထုတ်တဲ့အချိန်မှာ မဖယ်တဲ့သူတွေကို ရှိတဲ့ လယ်မြေတွေပါ ထပ်သိမ်းမယ်။ ဘာဆက်လုပ်မလဲဆိုတာ ဘယ်သူမှ မပြောတတ်ဘူး။ သူတို့က လာပြီးတော့ အတင်းအဓမ္မလာလုပ်တော့ ကျွန်တော်တို့က လယ်သမားတွေ။ ဘာမှနားမလည်တော့ ဖယ်ပေးရမလိုပဲ။"
ဧရာဝတီတိုင်း ဘိုကလေးမြို့က ဒေသခံ လယ်သမားတဦး ဖြစ်ပါတယ်။ လေဘေးဒဏ်ခံခဲ့ရတာ တလခွဲနီးပါး ရှိလာတဲ့ အချိန်ထိ လေဘေး အကူအညီတွေကလည်း လုံလုံလောက်လောက်မရ၊ မိုးရာသီ ဆန်စပါးစိုက်ပျိုးတဲ့ ကာလထဲကို ရောက်နေပြီ ဖြစ်ပေမဲ့လည်း စိုက်ပျိုးရေး ပစ္စည်းတွေ မပြည့်စုံလို့ ထွန်ယက်စိုက်ပျိုးတာတွေ မလုပ်နိုင် ဖြစ်နေရတဲ့ အချိန်မှာပဲ အခုလို လက်ငုပ်လက်ရင်း လုပ်ကိုင်နေတဲ့ လုပ်ငန်းတွေကို လက်လွတ်ဆုံးရှုံးရမယ့် အခြေအနေနဲ့ ရင်ဆိုင်နေရတာလို့လည်း ဒီဒေသခံ လယ်သမားကပဲ ပြောပြခဲ့ပါတယ်။

Rest of your post

အပြည့်အစုံဖတ်လိုလျှင်

ပြန်ခေါက်ထားပါ